Жастар арасындағы нашақорлық мәселесі

Жұмыс түрі: Материал
Тегін: Антиплагиат
Көлемі: 4 бет
Таңдаулыға:

Жастар арасындағы нашақорлық мәселесі

Бүгінде жер шарында есірткі бизнесі әлемдік экономиканың күре тамыры
мұнайды да артта қалдырды. Есірткі бизнесі супер табыс әкелетін салаға
айналып бара жатқандығы шошындырады. Біріккен Ұлттар Ұйымының келтірген
деректері бойынша, есірткі саудасы айналымына 1 доллар салсаң, 12400 доллар
болып қайтады екен. Мұндай ақшаны күреп табатын сала бұрын тарихта болған
емес. Сонымен әлемде белең алып бара жатқан есірткінің саудасы айналамызға
қауіп төндіріп тұрғанымен, оны құртудың амалын әлі ешкім таба алған жоқ.
Қазір Қазақстанға есірткінің төрт түрі — төрт тарапынан ағылып жатыр.
Олар Шу аңғарының марихуанасы, Ауған – тәжік бағытынан келетін апий,
химфарм зауыттарынан заңсыз шығарылған өнімдер және Батыс пен Ресейден
келетін синтетикалық есірткілер.
Мамандардың айтуынша, қазір нашақорлардың 52 пайызы героинді
қолданатындары белгілі. Яғни, бір киллограмм героин Ауғанстанда 700 доллар,
Тәжікстанның шекаралық аумақтарында 900, Душанбеде 1500, Қырғызстанда 7000,
ал Ресейде 70000 долларға бағаланады. Бүгінде Қазақстанда әр жыл сайын
есірткіге байланысты 20 000 қылмыс тіркелуде.
Есірткі саудасымен бірге “ жұт жеті ағайынды ”, терроризм т. б. атышулы
қылмыстар қоса жүретіні белгілі. Сондай – ақ есірткінің, әсіресе оның күшті
түрлері адамды магнитше тартатын қасиеті бар. Мысалы, медицинада мынадай
тәжірибе жасалған. Егеуқұйрықтың алдына өзі сүйетін тамақ пен күшті есірткі
қатар қойылған. Егеуқұйрық сол бойда есірткіні қарпып жей бастаған. Әрине,
адам егеуқұйрық емес, алайда жыл өткен сайын бойдағы нәрді сорып алып,
өлімге жетелейтін ажал көзі— ақ ұнтаққа ынтық жандардың артып бара жатқаны
ойландырмай қоймайды. Бұл тажалдың әсіресе, жасөспірімдердің арасындағы кең
етек алып бара жатқандығы шошындырады.
Нашамен әуестеніп жүрген жасөспірімнің алдымен терісі сұрғылттанып,
сөзі қисық – қыңырланып, жүріс – тұрысы өзгере бастайды. Бәрі де осы
әуестіктен басталады, бірінші рет жай ғана тартып көреді, сонан соң
кокаинды иіскеуді бастайды. Осылайша өзінен - өзі оқшаулана береді де,
күндердің күнінде бала өзін біржола жоғалтып тынады. Әрине нашақорлық жолға
жасөспірімнің түсуіне кінәліні алдымен отбасылық қарым – қатынастардан
іздеген жөн.
Яғни ата – ананың бақылауынан тыс қалған бала жаман іске біртабан жақын
болады. Ал, болары болып, болуы сіңген соң басты тасқа ұрғанның пайдасы аз.
Ия, ғасыр кесапатына айналып отырған бұл індеттің құрсауына бір түскен
адамның одан қайтып құтылуы өте қиын. Тіпті, ауруханада жылдап жатып арнайы
курстан өткендердің өзі ескі ортаға оралып, “инеге” қалай отырғанын да
сезбей де қалады. Дәніккен жан өзіне қажетті мөлшерлі ұнтақты сатып алу
үшін небір сұмдық әрекеттерге барады. Неше түрлі қылмыстық әрекеттер
жасайды. Бір шөкім көкнәр, марихуана үшін ата–анасын, баласын өлімге қиып
жіберуге де дайын.
Нашақорлық мәселесі адам баласын сонау ықылым заманнан бері толғандырып
келе жатқан мәселелерінің бірі. Сонау ерте кезде Америка немесе Сібір
халықтары есірткі түрлерін “рухтар еліне ұшу” үшін, Азия халықтары бой
сергіту үшін пайдаланған. Ал қазіргі таңда нашақор туралы екі түрлі
көзқарас қалыптасқан. Бірі өз азаматтарын өндіріске, мәдени және қоғамдық
өмірге белсенді түрде қатыстыра отырып теріс қылықтарынан арылтуға арналған
көзқарас, ал екіншісі – қоршаған ортаның жағымсыз ықпалына берілмей қиындық
қыспағынан шығу туралы көзқарас.
Міне осындай тағдыр тәлкегіне ұшыраған жандар көбеймесе азаяр емес.
Қазақстанда есірткі тұтынушылар саны күрт артып отыр

Қазақстанда биыл ресми мәлімет бойынша 54 мыңға жуық нашақор
тіркелген, бұл өткен жылмен салыстырғанда 6 мыңға артық және
биыл есірткіні мөлшерден тыс қолданған 405 адам қайтыс болған.
Бұл туралы Астанада қазанның 3-күні Қазақстанның Ішкі істер
министрлігінің есірткімен күрес комитеті төрағасының орынбасары
Нұрлан Қарабеков хабарлады. Оның айтуынша, заң олқылықтарының
кесірінен есірткі сатылатын түнгі клуб қожайындары қылмыстық
жауапқа тартылмайды. Ал, кейбір бақылаушылар бұл істе полицияның
жұмысын сынға алып отыр.
... жалғасы

Сіз бұл жұмысты біздің қосымшамыз арқылы толығымен тегін көре аласыз.