АМАНГЕЛДІ ЖШС ТОПЫРАҒЫНЫҢ АГРОХИМИЯЛЫҚ КӨРСЕТКІШТЕРІН ЗЕРТТЕУ

Жұмыс түрі: Материал
Тегін: Антиплагиат
Көлемі: 4 бет
Таңдаулыға:

ӘОЖ 40. 4

«АМАНГЕЛДІ» ЖШС ТОПЫРАҒЫНЫҢ АГРОХИМИЯЛЫҚ КӨРСЕТКІШТЕРІН ЗЕРТТЕУ

Мәдібекова А. - АП-16-2К тобының студенті

Есенгелдиева Л. Қ. - а. ш. ғ. к. , аға оқытушы

Түйіндеме: Топырақты агрохимиялық зерттеп қарау егістік топырағының құнарлылығы көрсеткіштерін айқындау үшін жүргізіледі. Бұл ретте жер учаскелерінің меншік иелері және (немесе) жер пайдаланушылар топырақты агрохимиялық зерттеп қарауды жүргізу үшін жер учаскелеріне қол жеткізуді қамтамасыз етуге міндетті. Әкімшілік ауданның, ауылдық округтің топырағын агрохимиялық зерттеп қарау бір далалық маусымда жүргізіледі. Зерттеп қарауға жататын егістіктің алқабы зерттеп қарау алдындағы жылдың 1 қаңтарындағы жағдай бойынша есептеледі.

Резюме: Проведен агрохимический анализ почвы для определения показателей плодородия почвы. При этом землевладельцы и (или) землепользователи обязаны обеспечить доступ к земле для агрохимического обследования почв. Агрохимическое обследование административного округа, сельской местности проводится в один полевой сезон. Поле исследований, подлежащих исследованию, рассчитывается по состоянию на 1 января предыдущего года.

Summary: An agrochemical analysis of the soil was carried out to determine indicators of soil fertility. At the same time, landowners and (or) land users are required to provide access to land for agrochemical inspection of soils. Agrochemical inspection of the administrative district, the countryside is carried out in one field season. The field of research to be investigated is calculated as of January 1 of the previous year.

Оңтүстік Қазақстан обылысы, Сарағаш ауданының Амангелді ауылының климат жағдайы - облыстың оңтүстік бөлігіндегі әкімшілік-аумақтық бөлік. 1928 жылдары Келес ауданы болып құрылған. 1939 жылдан Амангелді деп аталады. Орталық - Сарыағаш қаласы. Аудан жері негізінен төбелі, қырқалы жазықты келеді. Солтүстігін Белтау жотасы (592м), батысын Ызақұдық құмы, Қауынбаймолда жотасы, оңтүстігін Шардара бөгені алып жатыр. Жер қойнауында мәрмәр, құм, бентонит балшығы, шипалы минералды суы барланған. Климаты континенттік, қысы жұмсақ, жазы ыстық, қуаң. Ауаның жылдық орташа темп-расы қаңтарда -2 - 3хС, шілдеде 24 - 28хС. Жауын-шашынның жылдық орташа мөлшері 200 - 300 мм. Ауданның батысын бойлай Сырдария, Оңтүстік-шығысынан Келес, Құркелес, Ащысай өзендері ағып өтеді. Жері сұр топырақты және құмды келеді. Бетеге, жусан, жүзгін, баялыш, өзен бойларында қамыс, бұта, аралас ағаш өседі.

Сарыағаш ауданында мақта, жүзім, көкөніс, астық, жеміс, бақша, картоп, қаракөл қойы, биязы жүнді қой, сүтті-етті мал, шошқа өсіруге маманданған 4 ұжымшар, 16 кеңшар, Мемлекеттік сұрыптау ст. болған. Ауданда 16 өнеркәсіп орны, 7077 агроқұрылым, оның ішінде: 101 заңды тұлға, 6976 шаруа қожалықтары бар. Аудан аумағында «Сарыағаш шипажайы» АҚ, «Арман», «Алтын бұлақ - Р» демалыс орындары, балалар шипажайы бар. «Алекс» ЖШС - Қазақстан - Польша бірлескен кәсіпорны, «Демеу», «Әсем-ай», «Курорт - Барс - 2030» ЖШС-тері Сарыағаш шипалы суын құятын кәсіпорындар, «Мырзакент»АҚ, «Айша бибі» ӨК - мақта тазарту завотында мақта талшығын өндіреді. «Сенім» ЖШС - тігін, тоқыма бұйымдарын шығарады. Сарыағаш. ауданында жүзім шаруашылығын өркендету үшін «Жүзім» бағдарламасы жасалынған, бұл бағытта «Қабыланбек» шарап жасайтын компаниясы, «Дербісек - Бахус» ЖШС, «Назико» ЖШС, «Ақжол» АҚ-ның шарап заттары, жүзім өңдейтін 6 цех жұмыс істейді. Ауданның барлық егіс көлемінің үштен бір бөлігіне дәнді дақыл, 11, 9%-на көкөніс, 17, 3%-на мақта, 31, 1%-на жүзімдік егілген. Облыстағы арпаның жалпы өнімінің - 9, 5%, жүгерінің - 26, 5%, күнбағыстың - 36, 5%, картоптың - 30, 5%, көкөністің - 26, 4%, жемістің - 24, 5%, жүзімнің 39, 9% жиналады. Облыстағы темекі өсіретін бірден-бір аудан.

Облыстың климаты континенттік. Қысы қысқа, жұмсақ, қар жамылғысы жұқа, тұрақсыз. Қаңтар айының жылдық орташа температурасы солтүстігінде -7 - 9°С, оңт-нде -2 - 4°С. Жазы ұзақ, ыстық, қуаң және аңызақты.

Шілде айының жылдық орташа температурасы 25 - 29°С.

Шөлді аймағында жауын-шашынның жылдық орташа мөлшері 100 - 150 мм, тау алдында 300 - 500 мм, биік таулы бөлігінде 800 мм.

Облыстың жазық бөлігінде топырақ жамылғысын сұр, сортаңды сұр, бозғылт сұр, құмды, құмдақты топырақ құрайды. Тау етегінде шалғындық, таудың қызыл қоңыр топырағы таралған. Негізінен шөл белдеміне тән өсімдік жамылғысы қалыптасқан.

Ауыспалы егістегі орны. Мақта үшін ауыспалы егістегі ең қолайлы дақыл жоңышқа. Мақта топырақтағы қоректік заттар құрамына, суға және басқа қажетті факторларға жоғары талап қояды. Мақтаны жылма-жыл бір жерге қайталап сепсе, топырақтан қоректік заттардың көп алынуына байланысты оның құнарлылығы төмендеп, жырту қабаты шаңданып, зиянды тұздар қосындылары көбейіп және жер асты суларының көтерілуіне әкеліп соқтырады.

Жоңышқа топырақтың тұздануын бірнеше есе төмендетеді. Топырақ бетін біркелкі жабатын жоңышқа, топырақтан судың булануын азайтып, төменгі тұз қосындыларының жоғары көтерілуін тоқтатады. Үш жыл қатарынан өсірілген жоңышқа әр гектарға 18т органикалық заттар қалдырады, топырақтың физикалық қасиеттерін жақсартып, ондағы микроорганизмдерді жандандырып, суаруға кететін су мөлшерін кемітеді.

Топырақ өңдеудің басты бөлігі - ерте әрі терең жыртылған сүдігер. Оның алдында танаптан мүмкіндігінше бұрынғы мақта қалдығы жұлып жойылады, қажетті мөлшерде тыңайтқыш сіңіріп жырту алдында суарылады, топырақтағы көп жылдық арамшөп, жоңышқа тамырлары қалдықтарын сыдыра жыртып жою және тағы басқа жұмыстар жүргізіледі.

Чизельдеу. Әдеттегідей біріншісін ұзынынан, екіншісін көлденең егіске қарай салады. Тереңдігі 14-16 см аралығында болғаны жөн. Бұл шараларды сәуір айында топырақ піскен соң іске асыру керек. Чизельден соң міндетті

түрде тырма салып, 1-2 күн аралығында егістің басталғаны дұрыс. Ауа-райына байланысты сәуірдің мүмкін бірінші немесе екінші онкүндіктерінде іске асырылады.

Топырақ асты зиянкестерінен қорғау мен қоса өскіннің тез өніп шығуына оңды әсерін тігізетін Круйзер 350, к. с. препаратын 5, 0 л/тн мөлшерінде қолдану ұсынылады. Круйзер 350, к. с. тұқым дәрілегіші мақтаның шитті тұқымдын жер астындағы зиянкестерден қорғап, (сым құрт, жұлдызқұрт, темекі трипсі) мақта өскінін қорғау мерзімі 15-20 күн сонымен қоса өскіннің тез өнім шығуына ерекше жақсы әсер береді.

Топырақты агрохимиялық зерттеп қарау егістік топырағының құнарлылығы көрсеткіштерін айқындау үшін жүргізіледі.

Бұл ретте жер учаскелерінің меншік иелері және (немесе) жер пайдаланушылар топырақты агрохимиялық зерттеп қарауды жүргізу үшін жер учаскелеріне қол жеткізуді қамтамасыз етуге міндетті.

Топырақты агрохимиялық зерттеп қарауды жүргізу кезінде Қазақстан Республикасының аумағы күрделілік дәрежесіне қарай мынадай санаттарға бөлінеді:

бірінші санат:

зерттеп қаралатын алқапта 10 пайыздан аспайтын топырақ кешені болған кезде рельефі жазық, әлсіз бөлшектелген және біркелкі топырақ жамылғысы бар далалық және шөлейттік аймақ аудандары;

екінші санат:

1) зерттеп қаралатын алқапта 10 пайыздан аспайтын топырақ кешені болған кезде рельефі жай көлбеу беткейлі, кең сайаралық кеңістіктерге бөлшектелген біркелкі топырақ жамылғысы бар орманды далалық, далалық және шөлейттік аймақ аудандары;

2) топырақ кешендері немесе топырағы эрозияға ұшыраған алқаптар 10-нан 20 пайызға дейінгі бірінші санатты аудандар;

үшінші санат:

1) рельефі жай ойлы-қырлы, құлдилылығы және ұзындығы әртүрлі беткейлі кең сайаралық аумақтарға бөлшектелген біркелкі емес топырақ жамылғысы бар орманды далалық және далалық аймақ аудандары;

2) топырақ кешендері немесе топырағы эрозияға ұшыраған алқаптар 20-дан 40 пайызға дейінгі бірінші санатты аудандар және топырақ кешендері немесе топырағы эрозияға ұшыраған алқаптар 10-нан 20 пайызға дейінгі екінші санатты аудандар;

3) әртүрлі дәрежеде қойтасталған топырақ;

4) қайталама сортаңдану белгілері жоқ жақсы күйдегі суармалы жерлер;

5) қайталама немесе қалдықты батпақтану белгілері жоқ жақсы күйдегі құрғатылған жерлер;

төртінші санат:

1) рельефі бөлшектелген, түрлі топыраққұрауыш жынысты және топырағының 20-40 пайызы эрозияға ұшыраған орманды далалық аймақ аудандары;

2) топырағы күшті кешенделген және эрозияланған, аудандар аумағының 40-60 пайызын құрайтын далалық, шөлейт және шөлді аумақтар;

3) 15 пайызға дейінгі алқаптағы топырағы қайталама сортаңдалған суармалы жерлер;

4) 15 пайызға дейінгі алқабының қайталама немесе қалдықты батпақтану белгілері бар құрғатылған жерлер;

5) 20 пайызға дейін сортаңдалған және бұталанған алқаптары бар өзен алқаптары, сағалары және атырауларының топырағы;

6) бөлшектелген аумақтар;

бесінші санат:

1) топырақтың кешенделуі мен эрозиялануы 60 пайыздан астам дамыған далалық, шөлейт және шөлді аумақтар;

2) таулар және орманды тау етектері;

3) күрделі біркелкі емес топырақ жамылғысы бар алқаптар, сағалар және атыраулар (механикалық құрамы түрлі, сортаңдану, алқабының 20 пайыздан астамы батпақтанған немесе сортаңданған) ;

... жалғасы

Сіз бұл жұмысты біздің қосымшамыз арқылы толығымен тегін көре аласыз.