Білім мен ғылымға үлес қосқан менің өлкемнің тұлғалары

Жұмыс түрі: Реферат
Тегін: Антиплагиат
Көлемі: 8 бет
Таңдаулыға:

Реферат

Тақырыбы: Білім мен ғылымға үлес қосқан менің өлкемнің тұлғалары

Мазмұны:

-Кіріспе

-Негізгі бөлім

-Қорытынды ой

Кіріспе.

Бұл рефератта Қызылорда облысынан шыққан біртуар азаматтарымыз бен азаматшаларды сөз етеміз. Олардың қоғамдағы алып жатқан орыны мен еңбектерімен танысамыз.

Күлпаш Мырзамұратқызы Ілиясова (1966 жыл, Қызылорда облысы Жалағаш ауданы) - алаштанушы.

1989 жылы С. М. Киров атындағы Қазақ мемлекеттік университеті тарих факультетін бітірген.
1989-1995 жылдары В. Гоголь атындағы Қызылорда педагогикалық институтында тарихшы мамандығы бойынша оқытушы болып қызмет жасады.
1996-1998 жылдары әл-Фараби атындағы Қазақ Ұлттык университетінің аспирантурасын оқиды.
1999 жылы «Қазақ съездері: қаралған мәселелері, шешімдері және оның орындалуы. Тарихи талдау (1917-1919 жж) » тақырыбында кандидаттық диссертация қорғаған.
2007 жылы «Қазақ ұлт-азаттық қозғалысы» көп томдық кітабының «Қазақ съездері» аталатын 4-томын құрастырған. XX ғасыр басындағы қазақ зиялыларының қызметі, Алаш автономиясы және Алашорда бағытында ғылыми-зерттеу жұмыстарымен айналысады

Өтеген Күмісбаев (20. 5. 1939 жылы туған, Қызылорда облысы Жалағаш ауданы Мәдениет ауылы) - ақын, филология ғылымдарының докторы (1990) .

ҚазМУ-дың (1963, қазіргі ҚазҰУ) филология факультетін бітірген. Қазақстан Жазушылар одағының көркем әдебиетті насихаттау бөлімінде, «Социалистік Қазақстан» (қазіргі «Егемен Қазақстан») және «Қазақ әдебиеті» газеттерінде (1963-69), КСРО Ғылым Академиясының Шығыстану институтында (1969-74) қызмет атқарған. 1974 жылдан Қазақстан Ғылым Академиясының Әдебиет және өнер институтында ғылылми қызметкер, ҚазҰУ-де оқытушылық қызметте болды.
1989 жылы «ХІХ-XX ғғ. қазақ және парсы әдеби байланыстары» деген тақырыпта докторлық диссертация қорғады.
Алғашқы өлеңдер жинағы «Тұңғыш» деген атпен 1964 жылы жарық көрген. Поэзия, проза және аударма (Ә. Х. Дехлеви, М. Рыльский, Р. Ғамзатов, Қ. Күлиев, В. Рождественский) саласында жемісті еңбек еткен. Шығыс және қазақ әдебиетінің байланысын зерттеуге арналған «Терең тамырлар», «Абай және Шығыс» (1995), «Мұхтар Әуезов және әдебиет әлемі» (1997] ), т. б. монографиялары жарияланды. Күмісбаев 500-ден астам ғылыми мақаланың авторы. Жазушының кейбір туындылары қырғыз, башқұрт, украин, белорус, ағылшын, поляк, араб тілдеріне аударылған. Қазақстан журналистер одағы сыйлығын алған.

Жаңалық Ниязұлы Әбдірахманов (7. 11. 1935 жыл, Қызылорда облысы, Қармақшы ауданы, Кеңтоғай ауылы - 22. 03. 2004 жыл, Алматы) - ғалым, медицина ғылымдарының докторы (1990), профессор (1992), Қазақстан ғылым академиясының корреспондент мүшесі (1994) .

Байұлы тайпасының Алтын руынан шыққан. [1]

Алматы медицина институтын бітірген (1959) .
Қызылорда облысы, Қармақшы ауданындағы аурухана меңгерушісі (1959 - 61)
Қазақстан өлкелік патология институтының (қазіргі Эпидемиология, микробиология ғылыми-зерттеу орталығы) аспиранты (1961 - 64)
Қазақ онкология және радиология ғылыми-зерттеу институтының бөлім меңгерушісі, аға ғылыми қызметкері (1964 -75),
Алматы медицина институтының доценті, кафедра меңгерушісі (1975 - 90) болды.
1990 жылдан Қазақонкология және радиология ғылыми-зерттеу институтының директоры.
Әбдірахмановтың негізгі зерттеу жұмыстары
обыр ауруларын сәулемен емдеу тәсілдеріне

радиацияның зақымдаушы әсерінен қорғайтын дәрілер пайдалануға
организмнің радиацияға бейімделушілігін зерттеуге арналған.
Әбдірахманов өңеш рагімен ауыратын науқастарды радиациялық сәулемен емдеу арқылы, олардың өмірін ұзартуға болатынын ғылыми тұрғыдан дәлелдеді.

Камал Сәруарұлы Ормантаев (11 қыркүйек 1936 жылы, Қызылорда облысы, Қармақшы ауданы, Октьябр ауылында туған) - қазақстандық балалар хирургиясының негізін қалаушысы ғалым. Медицина ғылымдарының докторы, профессор. Қазақстан Республикасының Ұлттық ғылым академиясының академигі. Қазақ КСРның Еңбек сіңірген ғылым қайраткері (1980) . Қызылорда облысының Құрметті азаматы. ҚР Денсаулық сақтау ісінің Үздігі. Қазақстан Республикасының ғылым мен техника саласындағы Мемлекеттік сыйлығының лауреаты (1999) . Негізгі ғылыми еңбектері балалар хирургиясына арналған. К. Ормантаев балалардың бассүйегі мен миы зақымданғанда қолданылатын емдеу әдістерін жетілдіріп, оның патогенезін анықтауда кешенді зерттеулер жүргізді; бассүйек пен миға жасалатын операцияның бес жаңа әдісін тәжірибеге енгізді. Химиялық жолмен болатын өңеш күйігін зерттеп және оны емдеудің алты жаңа әдісін анықтады, сондай-ақ іріңді перитонит пен жедел гематогенді остеомиелит болған жағдайда іріңді іш қуысынан түтік арқылы шығарудың бірнеше тәсілін ұсынды. Ол Қазақстанда педиаторлардың, балалар хирургтарының, анестезиолог-реаниматологтарының, ортопед-травматологтарының ғылыми мектебінің негізін қалады.

Бүгінгі таңда Қаз ГМУ балалар хирургиясы кафедрасының меңгерушісі болып істейді. 40-тан астам авторлық куәлігі және 1 патенті бар. Жыл дәрігері номинациясы бойынша "Алтын адам" (2000, 2001) сыйлықтарын алған

1971 жылы Медицина ғылымдарының докторы (ғылыми атағы) ;
1972 жылы профессор құрметті ғылыми атақтары берілді.
1994 жылдан Қазақстан Республикасының Ұлттық ғылым академиясының академигі.

Ибрахим Шәмшәтұлы ( 4 тамыз 1921 жылы туған, Қызылорда облысы Қармақшы ауданы Төрткүл ауылы ) - тарих ғылымдарының докторы (1979), профессор (1982) . КСРО Оқу-ағарту ісінің үздігі (1978) . Қазақстан Республикасы Жоғары мектеп ғылым академиясының құрметті академигі (1996) .

1949 жылы Шымкент оқытушылар институтын (қазіргі Оңтүстік Қазақстан мемлекеттік университеті) бітірген;
1952 жылы Қызылорда педогогикалық институтын (қазіргі Қызылорда мемлекеттік университеті) бітірген;
1941-1943 жылдары Қызылорда облысы Қармақшы ауылындағы мектепте мұғалім;
1946-1948 жылдары директор;
1949-1953 жылдары аудандық партия комитетінде меңгеруші;
1965-2001 жылдары Қазақстан КП Орталық комитеті жанындағы Партия тарихы институтында (қазіргі ҚазҰПУ) доцент, кафедра меңгерушісі, профессор қызметтерін атқарған.
200-ден астам ғылыми жарияланым мен 11 монографияның авторы.
«Отан соғысы»орденімен марапатталған

Бекмұрат Ералыұлы Тыныштықбаев (5. 2. 1959 жылы т., Қызылорда облысы Сырдария ауданы Шіркейлі ауылы) - техника ғылымдарының докторы (2000), профессор, ҚР Ұлттық инженерия академиясының корреспондент мүшесі (2001) .

Мәскеу ауыл шаруашылық өндірісі инженерлері институтын бітірген (1981) .
Жамбыл гидромелиорациялық-құрылыс институтының (қазіргі Тараз мемлекеттік университеті) Қызылорда бөлімшесінде оқытушы, аға оқытушы, кафедра меңгерушісі (1981-1996)
Қызылорда мемлекеттік университетінде декан (1996-98) ;
1998 жылдан Қызылорда инженерлік-экономикалық институтының ректоры қызметін атқарады.

«Оптимальное проектирование ресурсосберегающих производственных процессов заготовки стебельчатых кормов в условиях Приаралья Казахстана» тақырыбында докторлық диссертация қорғады.
40-тан астам ғылыми жарияланым мен 1 монографияның автор

Ибадулла Айғалиұлы Таутенов (01. 01. 1956 жыл, Сырдария ауданы Н. Ілиясов а. ) - ғалым, ауыл шаруашылығы ғылымдарының докторы (2005) .

Қазақ ауыл шаруашылығы институтын (ҚазҰАУ) бітірген (1978) .
1978 - 1992 ж. «Қазақстанның 50 жылдығы» кеңшарында бас агроном
кейіннен Қазақ күріш ғылыми-зерттеу институтында (қазіргі Арал өңірі агроэкология және ауыл шаруашылығы ғылыми-зерттеу институты) аға ғылыми қызметкер болған.
1992 - 2002 жж. Ы. Жақаев атынд. Қызылорда агроөнеркәсіп инженерлері институтында (Қорқыт Ата атындағы Қызылорда мемлекеттік университеті) аға оқытушы, 2002 жылдан кафедра меңгерушісі қызметінде.
Ғылыми еңбектері Сырдария өзенінің төменгі ағысының шалғынды, батпақты топырағында күріш егістігіне берілетін азот тыңайтқыштарының түрлері, оларды енгізу әдістерінің тиімділігі және күріштің минералдық қоректенуі мен өнімділігін арттыру мәселелеріне арналған.
67-ден астам ғылыми еңбектің авторы, оның ішінде 1 монография, 4 ұсыныс, 15 оқу-әдістемелік құрал бар.

Қайсар Шегебайұлы Қадырқұлов (14. 9. 1957 жылы туған, Қызылорда облысында, Арал қаласында) - тіл білімі маманы, филологиялық ғылым кандидаты (1995), доцент. Әл-Фараби атындағы ҚазМҰУ-дың филология факультетін бітірген (1983) . 1974-1975 жылы Арал ауданы "Ерікті спорт" қоғамында әдіскер. 1977-1978 жылы ҚазМҰУ-дың дайындық бөлімінде оқиды. 19831987 жылы Алматы облысында, Балқаш ауданында, Қарағаш орта мектебінде мұғалім. 1987-1989 жылы Алматы облысында, Балқаш ауданында мәдениет бөлімінің меңгерушісі. 1989 жылдан ҚазМҰУ-дың қазақ тілі кафедрасында аға оқытушы. "Қазіргі қазақ тіліндегі жаңа сөздер мен жаңа сөз қолданыстар" тақырыбында кандидат диссиртациясын қорғаған. Ғылым еңбегінің негізгі бағыты қазіргі қазақ тіліндегі жаңа сөз қолданыстар мәселесі. 40-тан аса мақ. авторы.

... жалғасы

Сіз бұл жұмысты біздің қосымшамыз арқылы толығымен тегін көре аласыз.