Бастауыш сынып оқушыларының шығармашылық қабілеттерін арттырудың педагогикалық - психологиялық шарттары

Жұмыс түрі: Материал
Тегін: Антиплагиат
Көлемі: 5 бет
Таңдаулыға:

Бастауыш сынып оқушыларының шығармашылық қабілеттерін арттырудың
педагогикалық-психологиялық шарттары

Тәуелсіз мемлекетіміздің өркениетке жету жолындағы тың талабына тұғыр
боларлықтай ұрпақты оқыту мен тәрбиелеу ісін жаңа деңгейге көтеру әрбір
педагогтың міндеті. Қазіргі таңдағы білім беру жүйесіндегі болып жатқан
өзгерістер, білім беру мақсаттарының алмасуы, оның дамытушылық сипаттарының
бекітілуі, жаңа білім беру мазмұнына көшу сияқты мәселелер оқушылардың
шығармашылығының бастамасы мен ұстаздар тарапынан кәсібилікті талап етеді.
Олай болса, педагогикалық практикада оқушылардың шығармашылық қабілеттерін
дамыту басты мақсаттардың бірі болып табылады.
Шығармашылық қабілеттер бұрыннан зерттеу пәні ретінде қарастырылып
жүр. Өйткені адам қабілеттері мәселесі барлық уақытта да адамдардың үлкен
қызығушылығын тудырып келді. Осы мәселе төңірегінде көптеген ғалымдар
зерттеулер жүргізген. Ол туралы біз алдыңғы мақалаларда да айтып кеткенбіз.
Дегенмен осы мәселенің көпқырлығы оны жан-жақты зерттеу мен түбегейлі
сараптауды талап етеді.
Шығармашылық - бұл адамның өмір шындығына өзін-өзі тануға ұмтылуы,
ізденуі. Өмірде дұрыс жол табу үшін адам дұрыс ой түйін, өздігінен саналы,
дәлелді шешімдер қабылдай білуге үйренуі қажет. Адам бойындағы қабілеттерін
дамытып, олардың өшуіне жол бермеу оның рухани күшін нығайтып, өмірде өз
орнын табуға көмектеседі.
Бастауыш сынып оқушыларының шығармашылық қабілеттерін дамыту мәселесін
талдау ең алдымен қабілет ұғымының мәнін терең түсініп алуды талап етеді.

Философияда қабілеттерді тұлғаның белгілі бір әрекетті орындауға
жағдай жасайтын жеке ерекшеліктері дей келе, олар қоғамдық-тарихи іс-
әрекеттердің нәтижесінде қалыптасып, әрі қарай дамып отыратынын атап
көрсетеді.
Қабілеттер жайлы жазылған ойлар мен зерттеулер өте көп. Ғұлама
ғалымдардың ой-түйіндерін, еңбектерін талдай келе, әр адам басқа адамнан
өзінің табиғи психологиялық өзгешеліктерімен ерекшеленеді деген тұжырым
жасауға болады. Қабілет ұғымына берілген психологиялық анықтамалар саны
өте көп. Қабілеттер деп әрекеттің талаптарын қанағаттандыратын және үлкен
жетістіктерге жеткізетін адамның қасиеттерінің синтезін атайды.
Қабілеттер - білім алуға қажетті адамның психологиялық ерекшеліктері
- дейді А.В.Петровский.
Қабілет - іс-әрекеттің белгілі бір түрін ойдағыдай, нәтижелі
орындауында көрінетін адамның жеке қасиеті, - деп жазады академик
Т.Тәжібаев.
Көптеген отандық және шетел психологтарының еңбектерінде қабілеттердің
екі түрлі деңгейінің болатындығы туралы айтлыған:
1) репродуктивті - іс-әрекетті, білімді берілген үлгі бойынша қабылдай
алу деңгейі;
2) шығармашылық - жаңалық ойлап табуға бағытталған қабілеттер деңгейі.
Шығармашылық - өте күрделі психологиялық процесс. Ол іс-әрекеттің түрі
болғандықтан, тек адамға ғана тән.
Шығармашылық - төмендегідей ерекшеліктермен сипатталатын адам әрекеті:
- шығармашылықтағы қарама-қайшылықтардың болуы;
- әлеуметтік немесе жеке адамға деген мәнінің болуы;
- шығармашылыққа арналған шарттардың, жағдайдың болуы;
- шығармашыл тұлғаның жекелік қасиеттерінің болуы;
- нәтиженің жаңалығы, соңылығы.
Осы қабілет туралы сөз қозғағанда мүлдем ешнәрсеге қабілеті жоқ адам
болмайтынын айта кеткен жөн деп ойлаймыз. Әр адам бойында бір нәрсеге деген
қабілет болатындығы кеңестік психология ғылымының негізгі ережелерінің
бірі, бірақ ол қабілеттер дәрежесі әр адамда әр түрлі деңгейде болады.
Дәстүрлі оқыту кезінде осы тұжырым ешкімді алаңдата қоймады, сондықтан да
балаларды қабілеті төмен, дарынсыздар қатарына жатқызу үйреншікті жағдай
болатын. Ол дұрыс емес еді. Себебі, егер баланың қандай да бір салада
қабілеті болмаса, онда оның қабілетінің басқа салада жатқандығының белгісі.
Іс-әрекеттің белгілі бір түріне адамдардың қабілеті не жоғарылау, не
төмендеу болып келеді. Егер барлық адамдардың әрекеттің түрлерімен
айналысуға арналған мүмкіндіктері бірдей болса, онда қабілеттер туралы сөз
етпеуге де болар еді. Қабілеттер туа бітті қасиет емес, олар өмір сүру
барысында іс-әрекет арқылы дамып отырады.
Шығармашылық қабілеттер ұғымы шығармашылық, шығармашылық әрекет
ұғымдарымен тығыз байланысты.
Шығармашылық – нәтижесі жаңа материалдық және рухани құндылықтар
болатын әрекет; психикалық белсенділіктің жоғары формасы, жаңа бір нәрсе
жасауға қабілеттілік. Шығармашылық – адам іс-әрекетінің түрі. Шығармашылық
әрекет нәтижесінде шығармашылық қабілеттер дамиды және қалыптасады.
Шығармашылық әрекет - өте күрделі үдеріс және ол адамға ғана тән. Мұндай
әрекеттің ерекшелігі, даму деңгейі тек әлеуметтік факторларға ғана емес,
табиғи, биологиялық факторларға да байланысты.
Шығармашылық қабілеттер немесе креативтілік деген не? Латын
тілінен аударғанда креативтілік ойлап табу, жасап шығару дегенді
білдіреді.
Шығармашылық – өте күрделі психологиялық үдеріс. Шығармашылықты
төмендегідей ерекшеліктермен сипатталған адам әрекеті деуге болады:
- шығармашылықта қарама-қайшылықтардың болуы;
- әлеуметтік және жеке адамға тән мәнінің болуы;
- шығармашылыққа арналған шарттардың, жағдайдың болуы;
- шығармашыл тұлғаның даралық қасиеттерінің болуы;
- нәтиженің жаңалығы, сонылығы.
Шығармашылықтың мәні, шығармашылық іс-әрекет туралы әр кезде әр түрлі
пікірлер болған. Мысалы, ХХ ғасырдың басында белгілі философиялық сөздікте
шығармашылық деп жаңа нәрсе ойлап табу, жаңалық ашу, - дей келе, – ол әр
адамға тән нәрсе емес, құдайдың құдіретімен болады. Ал адам шығармашылығы
тек салыстырмалы түрдегі әрекет - делінген.
Соңғы кезде шығармашылық сөзі мен жаңалық сөзі мәндес, астарлас
болып табылғандай. Психологиялық анықтамаларда берілгендей бұрын болмаған
жаңалық деу үзілді-кесілді мүмкін болғанымен, ерекше соны жаңалық, жаңа
жол, жаңа шешім екенін мойындаған жөн. Ал баланың ашатыны субъективті
жаңалық, ол тек қана өзі үшін жаңалық болып табылады.
Е.П.Торренстің пікірінше, ... жалғасы

Сіз бұл жұмысты біздің қосымшамыз арқылы толығымен тегін көре аласыз.