Қашықтықтан білім беру арқылы оқушылардың өзіндік жұмыстарды ұйымдастырудағы шеберлігін арттыру

Жұмыс түрі: Материал
Тегін: Антиплагиат
Көлемі: 5 бет
Таңдаулыға:

Қашықтықтан білім беру арқылы оқушылардың
өзіндік жұмыстарды ұйымдастырудағы шеберлігін арттыру
Алматы облысы Жамбыл ауданы Қарғалы ауылы
Әсет Бейсеуов атындағы орта мектеп КММ
Қазақ тілі мен әдебиеті пәні мұғалімі
Жакенова Лаура Тулеутаевна
zhakenova_laura1111@mail.ru

Сабақ беру - үйреншікті жай шеберлік емес,
ол үнемі- жаңадан жаңаны табатын өнер.
(Ж. Аймауытов.)
Сапалы оқыту және өздігінен оқып білім алуға баулу негізінде ғана оқушылардан парсатты азамат тәрбиелеп шығуға болады. Осыған орай, әрбір оқушы ғылым негіздерінің жаңалықтарымен хабардар болып, кейін сол алған білім мен іскерлігін одан әрі дамытуға тиіс. Қашықтықтан оқыту жүйесіндегі педагогикалық үрдісте оқушылардың логикалық ойлау қабілеттерін дамытуда өзіндік жұмыс түрлерін ұйымдастыру өте тиімді деп ойлаймын. Қашықтықтан оқыту жүйесі-уақыт бойынша келісімге жəне кеңістікте тағайындалуға бейтарап, оқытушы мен оқушылар арасында оқыту құралдарымен (сұхбаттық), асинхронды жəне синхронды өзара əрекеттесу мақсатына бағытталған үрдіс.
А.Байтұрсыновтың пікірі бойынша, бала білімді тәжірибе арқылы өздігінен алуы керек. Мұғалімнің қызметі- оның білімнің, шеберлігі оқушыға жұмысты деңгейіне қарай шағындап беру және белгілеген мақсатқа қарай түзеп отыру керек. Оқушылардың өзіндік жұмыстарының мән-мағынасын ұйымдастырудың тәсіл-амалдарын бір ғана белгімен сипаттауға болмайды. [1]
Оқушылардың өзіндік жұмысын ұйымдастыру мұғалімнен шығармашылықты, шеберлікті; жоғары методикалық дайындықты талап етеді. Өзіндік жұмысты ұйымдастырудың негізгі шарттары мыналар:
Онлайн түрде мұғалімнің нақты тапсырмалар беруі;
жұмысты орындаудың уақытын белгілеу;
мұғалімнің басқаруымен оқушылардың дербестігінің өзара байланысы- олардың жұмысты өз еркімен және қолдарымен істеу, оған әсер ететін мотивтер;
өзіндік жұмыс барысында орындалатын тапсырмалардың мазмұнын оқушы түсінуі керек;
оның орындалуы жайлы оқушыларға нұсқау беру керек;
өзіне-өзі талдау жасай алуы;
оқушылардың жұмысын тексеру, қателерін анықтау.
Оқушылардың өзіндік жұмысына мұғалімнің тапсырмасы бойынша, өздері жоспар жасап, істің тәсілін анықтап, оның нәтижесін бағалап орындайтын жұмыстары жатады. Сонымен қатар, оқушылардың өзіндік жұмысының жоғары түріне өз еркімен жасайтын шығармашылық жұмыстары жатады. Оқушылардың өздік жұмыстарын тиімді ұйымдастыру сабақ сапасының артуына септігін тигізеді. Өздік жұмыс кезінде оқушылар электронды оқулықпен және қашықтықтан оқыту жүйесі технологиясының дидактикалық материалдарымен, түрлі платформалардың ресурстарымен, газет-журналдармен жұмыс істеуге үйрене бастайды. Өздігінен білім алуға талпынады. Жұмысы нәтижелі болса, оқушының пәнге, ғылыми жобаға, зерттеуге деген қызығушылығы артады.
Өздік жұмыстар ұйымдастыруда мынадай талаптар орындалуы қажет:
1. Өздік жұмыстың мазмұны бағдарламаға қойылатын талаптарға сәйкес келуі керек;
2. Оқушылардың ойлау қабілетін дамытуға тиісті;
3. Өздік жұмыстар түрі және мазмұны жағынан әртүрлі болуы керек;
4. Әрбір өздік жұмыс тексеріледі және бағаланады;
5. Өздік жұмысты тек қайталау кезінде ғана жүргізбей, сабақтың барлық кезендерінде, орынды жерінде өткізу керек.
Қашықтықтан оқыту технологиясы бойынша оқытушының негізгі міндеті білім алушының келесі түрдегі орындалатын өз бетінше жұмысын басқару болып табылады: туындайтын мəселелерді қарастыру; мақсат пен міндеттерді қою; білім, тəжірибелерді беру; ұйымдастыру қызметі; білім алушылардың арасында өзара байланысты ұйымдастыру; оқу үрдісін бақылау. Оқушылар қашықтықтан оқыту кезінде білім беру үрдісінің негізін қолайлы уақытта, ыңғайлы орында, тиімді қарқында өз бетінше жұмыс жасай алады. Сондықтан оқушылар өз бетінше жұмыстың техникасы мен əдістемесін, жоғарғы деңгейде білімді өз бетімен толықтыру негіздерін меңгеруі қажет. Сонымен бірге нəтижелі түрде оқу үшін жаңа ақпараттық технологияның кұралдарымен жұмыс істей білуі тиіс. Өзіндік жұмыстың тәрбиелік жағы да басым. Ол адамның жеке басының қасиеттерінің мақсат қоюшылық, ізденушілік, қызығушылықтарының қалыптасуына әсер етеді. Оқу-тәрбие үрдісін даралауда оқушыны жеке тұлға ретінде қабылдау, яғни оқушының өзіндік танымдық іс-әрекетін қалыптастыруға бағыттауға, білім беруде жеке оқытуды дамыту, көзделуі қажет. Осы бағытта оқушыға берілетін жекелей тапсырмалардың, үйренушілік, алгоритмдік, эвристикалық, шығармашылық деңгеймен, оқушы құбылысты өз бетінше талдай келіп, шағын ғылыми шығармашылық тұрғыдан зерттеу жұмысын жүргізуге баулу. Бұл оқушыға кішкентай жаңалық ашқанмен бірдей. Өзіндік жұмыстың негізгі мақсаты- оқушылардың танымдық міндеттерін қалыптастыру, шығармашылық қабілеттері мен қызығуын жетілдіру, білімге құштарлығын ояту. Мұғалім сабақта әдіс-тәсілдерді пайдалана отырып, балалардың ұсыныс-пікірлерін еркін айтқызып, ойларын ұштауға және өздеріне деген сенімін арттыруға мүмкіндік туғызып отыру қажет. Әдіс-тәсілдер арқылы өткізген әрбір сабақ оқушылардың ойлауына және қиялына негізделіп келеді, баланың тереңде жатқан ойын дамытып, оларды сөйлетуге үйретеді. Түрлі әдістемелік тәсілдер пайдалану арқылы қабілеті әртүрлі балалардың ортасынан қабілеті жоғары баланы іздеп,онымен жұмыс жасау, оны жан-жақты тануды ойлап, оқушылардың, шығармашылық деңгейін бақылап отыру әрбір мұғалімнің негізгі міндеті.
Елімізде жаңадан қалыптасып келе жатқан қашықтықтан оқыту негізінде оқушылар мен ата-аналар үшін ең тиімді платформалар: You Tube, BilimLand, WhatsApp желісі және Daryn Online. Whatsapp желісі арқылы оқушылармен күнделікті тығыз байланыста отырамыз. Күнделікті тапсырмаларды, тіпті You Tube каналы арқылы алатын видео сабақтарының сілтемесін осы Whatsapp желісі арқылы жіберіп отырамыз.
BilimLand - мектеп оқушыларына арналған онлайн білім беру порталы. Қазақ, орыс, ағылшын тілдерінде мектеп бағдарламасы ... жалғасы

Сіз бұл жұмысты біздің қосымшамыз арқылы толығымен тегін көре аласыз.