Протестанттық ағымдар. Мормондар


Жұмыс түрі:  Материал
Тегін:  Антиплагиат
Көлемі: 5 бет
Таңдаулыға:   

Әл-Фараби атындағы Қазақ Ұлттық Университеті

Философия және саясаттану факультеті

Семинар

Тақырыбы: «Протестанттық ағымдар. Мормондар»

Орындаған: Ораз Б. Е

ЖОСПАРЫ:

1 Кіріспе

2 Негізгі бөлім

  1. Діни ұйымның пайда болуы
  2. Қазақстандағы мормондардың миссионерлік әрекеттері
  3. Олардың өзіндік ерекшеліктері
  4. Мормондардың шоқындыру рәсімдері

3 Қорытынды

Аталмыш қауымның пайда болу тарихы туралы қысқаша айтып өтейік. Шіркеудің негізін қалаушы Иосиф (Джозеф) Смит. Ол 1805 жылы АҚШ-тың Вермонт штаты, Шарон елдімекенінде дүниеге келген. 1820 жылы Смитке аян келеді: Құдай Әке мен Иса Мәсіх дұға жасау кезінде көрініп, оның шынайы христиандықты қайта қалпына келтіру үшін таңдалғанын айтады. 1830 жылы 5 мың дана тиражбен Мормон кітабы жарыққа шығады да, сол жылдың 6 сәуірінде Иосиф Смит құрамы алты адамнан тұратын Мормондар шіркеуін құрады. 1896 жылы көпнекелілік тәжірибесі тыйым салынған соң мормондар Юта штатында ресми орнықты.
Соңғы уақытта мормондар саны шіркеудің ресми сайтындағы мәліметке сүйенсек әлемнің 177 елінде 15 882 417 адамға жеткен, 157 храмдары бар. Әлем бойынша 70 946 миссионерлер жұмыс жасайды.

Қазақстандағы алғашқы мормондық миссионерлер Рассел мен Маргарет Бэкустер 1997 жылы жұмыс бабымен келген. Олар бастапқыда өз пәтерлерінде сенімдері туралы айтып тарата бастайды да, кейін қатары көбейген соң ресми түрде тіркеліп, діни қауымдастыққа айналады. Шіркеу Қазақстанда 2000 жылдың 16 желтоқсанында ресми тіркелді. Пол Пайпер (Paul Pieper) Қазақстандағы приходтың бірінші президенті болып сайланды. Шіркеудің еліміздегі алғашқы филиалы 2001 жылдың 29 шілдесінде Алматы қаласында ашылған.
Шіркеу мәліметтері бойынша Қазақстандағы сенушілер саны қазіргі күні 275 адамға жеткен. Елімізде мормондар ұйымының 2 приходы бар, олар бас ордамыз Нұр-Сұлтан мен Алматыда орналасқан. Алматы қаласындағы приход Достық пен әл-Фараби даңғылдары қиылысқан жерде орналасқан. Азиядағы статистикаға қарайтын болсақ, аталмыш шіркеудің сенушілер саны 1 111 204 адамды құрайды екен. Сонымен қатар, 42 миссионер белсенді қызмет атқарып жүргендігі де өздерінің сайттарында айтылған.

Зерттеушілерге сүйенер болсам(қай жылғы зерттеу екенін нақты біле алмадым, шамамен 2017-2018 жылдар), мормондардың алматылық қауымында шамамен 120 шақты шоқынған мүшесі болған, олар жас ерекшеліктеріне қарай үштен бір бөлігі балалар мен жасөспірімдер. Екінші жартысы 18-30 жас аралығындағы жастар, қалған бөлігі - 30-60 жас аралығындағы ересек әйелдер мен еркектер. Басшылық қызметті ер адамдар атқарады. Ересек мормондардың отбасылары бар және отбасы мүшелері де шіркеу мүшелері болып табылады. Алматылық приходтағы шіркеу мүшелерінің этникалық құрамы әр түрлі: саны жағынан, орыстар басымырақ, ол түсінікті жағдай, себебі мормондар ілімі христиандық ілімнен өрбіген, одан кейін қазақтар және аздаған ұйғыр, кәріс, армян, тәжік ұлт өкілдері бар. Президенті Дмитрий Цай - кәріс, оның екі кеңесшісі бар. Олар отбасы мүшелерімен осы приходтағы рәсімдерді жасауға құқылы. Одан бөлек, олар шіркеудің ішін тазалау, жинастыру үшін кесте бойынша кезекшілік атқарады. Бұл қызметтерге оларға ақы төленбейді, яғни олар бұл үшін жалақы алмайды.
Шіркеу мүшелері құрамында қоғамның түрлі әлеуметтік топ өкілдері кездеседі. Оның ішінде: орта және жоғары білімділер, жұмысшылар, бизнесмендер, жеке кәсіпкерлер және т. б. бар. Әлеуметтік-кәсіби статустарын толық шынайы білуге мүмкіндік болмады.

Мормондарда әр жексенбілік жиналыс болады, жиналыс басында миссионерлер келушілермен амандасып «Келгендеріңізге рахмет!» деп аралап шығады. Олар 8 жасында шоқынған, бірақ өздерінің айтуынша ерекше сезіну 15-17 жаста келген. Бұл жас миссионерлер шіркеуге туылғанынан мүше болып саналады, себебі олар бірнеше буында мормондар болып келген (яғни, ата-анасы, ата-әжесі мормондар болған) . Бұл ұйымда жастарға таңдау беріледі (жігіттерге бұрын 19 жастан, қазір 18 жастан рұқсат етіледі, қыздарға 20 жастан) - мансап жасап оқуын жалғастыру немесе миссионер ретінде әлемнің қандай да бір еліне барып миссионерлікпен айналысу.
Миссионерлер басқа елде миссия атқарып жүрген кезде өздерінің өмір сүрудегі негізгі қағидаларынан бөлек тағы да қатаң ережелерді ұстанады. Оларға миссия кезінде жеке қарымқатынас құруға, үйленуге немесе тұрмысқа шығуға, теледидар көруге, радио тыңдауға; балық пен саңырауқұлақ жеуге (улану қаупі болғандықтан) ; хаттарға жауап беруге, қонаққа баруға немесе қонақ шақыруға қатаң тыйым салынған. Миссияға шақырылғаннан кейін миссионердің таңдау құқы жоқ, сондықтан да ол шіркеу басшылығы жіберген жақтарға баруы міндетті саналады.
Бұл ұйымның өзіндік ерекшеліктеріне: христиандық ілімнің ең шынайысы деген атауға ұмтылысы; өздерінің шіркеулерін ғана «қайта қалпына келтірілген» христиандық шіркеу дей отырып, басқа христиандық деноминациялардың басым көпшілігін жоққа шығаруы; екі жүз жылдың ішінде ағымның діни қауымдастықтан елеулі халықаралық ұйымға айналуы; даму сатысының алғашқы кезеңінен қазіргі күнге дейін белсенді шаруашылық қызметпен айналысуы, сонымен қатар қазіргі таңдағы экономикалық және миссионерлік белсенділік жатады.

Шоқындыру рәсімі. Оған барлық салтдәстүрлерге қарағанда ерекше назар аударылады. Шоқындыру рәсімі барлық бұрынғы күнәларының кешірілуі мен Шіркеуге кіруді білдіреді, шоқындыру рәсімінен кейін барлық өсиеттерді сақтау үшін Құдаймен келісім жасайды. Олар сегіз жастан бастап шоқындыру рәсімінен өтеді. Шоқындыру рәсімінен өту символдық мәнге ие: Иса Мәсіхке ұқсас адам суға батырғанда қайтыс болғандай болады (суға батыру - жерлеудің белгісі), ал судан шығарғанда қайта тірілгендей күнәдан таза болып шығады. Шіркеудің жаңа мүшелерін шоқындыру рәсімінен өткізу миссионерлер өздерінің қызметінің басты мақсаты деп санайды.

Шоқындыру рәсімі келесі реттілікпен өтеді:

1) «Мен Құдайдың баласы» - гимні;

2) кіріспе дұға;

3) бір шіркеу мүшесінің сөз сөйлеуі;

4) шоқындыру рәсімі;

... жалғасы

Сіз бұл жұмысты біздің қосымшамыз арқылы толығымен тегін көре аласыз.
Ұқсас жұмыстар
Жаңа діни ағымдардың ерекшеліктері және классификациясы
Қазақстандағы қазіргі діни жағдай туралы
Қазақстан Республикасындағы тотолитарлық діни бірлестіктердің қызметі туралы ақпараттық-анықтамалық материалдар
Дәстүрлі емес діни қозғалыстардың жалпы сипаттамасы
Қазіргі дәстүрлі емес діни қозғалыстар пәнінен лекциялар жинағы
Қазақстан Республикасындағы діни бірлестіктер
Лекциялар жинағы «Дінтану және теология»
Рухани бірлік пен діни тұтастығымыздың негізін қалайтын дәстүрлі діни танымымыздың мәнін ұғыну
ҚАЗАҚСТАНДАҒЫ ДІНДЕРДІҢ ҚАЙТА ЖАҢҒЫРУЫ
Қазақстандағы баптизм дінінің таралуы
Пәндер



Реферат Курстық жұмыс Диплом Материал Диссертация Практика Презентация Сабақ жоспары Мақал-мәтелдер 1‑10 бет 11‑20 бет 21‑30 бет 31‑60 бет 61+ бет Негізгі Бет саны Қосымша Іздеу Ештеңе табылмады :( Соңғы қаралған жұмыстар Қаралған жұмыстар табылмады Тапсырыс Антиплагиат Қаралған жұмыстар kz