Дәнекерлеу

Пән: Құрылыс
Жұмыс түрі: Курстық жұмыс
Тегін: Антиплагиат
Көлемі: 37 бет
Таңдаулыға:

Дәнекерлеу

Дәнекерлеу: Дәнекерлеу - қосылатын (біріктірілетін) металл жиектерін жоғары, бірақ балқу температурасынан темен температураға қыздырып, жиек аралығына балқыған металл беріліп кристалдандыру нәтижесінде біртүтас қосылыс қалыптастыру.

Дәнекерлеу:

Курсттық жұмыс

Жоспар

Кіріспе

1. Негізгі бөлім

Дәнекерлеу туралы жалпы түсінік

Дәнекерлеу құрал - жабдықтар

2. Дәнекерлеу түрлері

3 . Мұнай-газ кешенінің нысандарын салуда дәнекерлеу

4 . Аргон доғалық дәнекерлеу

Қорытынды

Дәнекерлеу - қосылатын (біріктірілетін) металл жиектерін жоғары, бірақ балқу температурасынан темен температураға қыздырып, жиек аралығына балқыған металл беріліп кристалдандыру нәтижесінде біртүтас қосылыс қалыптастыру. Дәнекерлеу пісірудің бір түріне жатады, бірақ пісірулерден айырмашылығы бар. Негізгі айырмашылығы қосылатын металл жиектері балқытылмайды, дәнекердің балқу температурасы негізгі металл балқу температурасынан төмен болып алынады. Атомдар аралық байланыспен қатар адгезиялық байланыс қалыптасады. Дәнекерлі қосылыстың беріктігі пісірілген қосылыстан төмен болады.

Дәнекермен берік жалғанған немесе электр кедергісі электрлік түйіспе жасау үшін жалғанатын екі бөлшек арасындагы саңылауға дөнекерлегенде енгізілетін материалдар. Дәнекерлер ретінде көбіне металдар және олардың балқымалары пайдаланылады. Негізгі компоненттерінің құрамы бойынша геллийлік, индийлік, қалайы-қорғасынды, күмістік, палладийлік, ниобийлік және т. б. деп бөледі. Электрондық аспап жасауда геллийлік (қыздыруға сезімтал элементтер үшін) ; қалайылық (әр түрлі ауа райы құбылмалы жағдайда жұмыс істейтін РЭА бөлшектерін дәнекерлегенде) ; орташа балқымалы күмістік (ЭВА бөлшектерін дәнекерлегенде) дәнекерлерді пайдаланады.

Дәнекерлеу қосылыс жерін балқытумен және жалғанатын бөлшектер (металдар мен балқымалардың, шыны, керамикадан және т. б. ) арасындағы саңылауды балқығаннан кейін қатып қалатын дәнекермен толтырып, бөлінбейтін қосылыс жасау процесі. Дәнекерлерді өтпелі кедергісі аз электрлік түйіспені немесе механикалық қасиеті берік жікті алу үшін қолданады.

Шықпалары платоның саңылауларынан өткізілген, ілмелі компоненттерді бір жақты жинақтауда батырып дәнекерлер мөрлі платолар үшін кеңінен таралған. Батырып дәнекерлерде бір жақ бетінде микросхемалар, радиоэлементтер орналасқан мөрлі платоны ваннаның ішіндегі балқыған дәнекер бет үстімен жанасқанша төмен түсіреді де, біршама уақытқа дейін осылай ұстап тұрады. Батырып дәнекерлердің екі түрі бар: дөнекер толқынымен жөне дөнекер ағынымен.

Толқынмен дәнекерлерде сұйық дәнекер, бойлық түтікше арқылы, дөнекер толқынын тудырып, ваннаның төменгі жағынан сорғымен беріледі. Дәнекерленетін плато көлденең бағытта тартылып, дәнекер толқынының жоғарғы қырымен жанасады. Дәнекер ағынымен дәнекерлердегі мөрлі төсеніш толқын жотасы үстімен көлденең бағытга алдыңғы өдістегідей қозғалады. Айырмашылығы - дәнекер ағынын биіктік бойынша ғана емес, бағыты бойынша да реттеуге болады, ал бұл дәнекерлерді жеңілдетеді. Сонымен қатар осы әдісте дәнекердің өте қарқынды араласуы болады, нәтижесінде дәнекерленетін платоға жылу тиімді беріліп, дәнекер құрамы бір қалыпты температураны қамтамасыз етіп, өте таза және тотықтардан арылған дәнекердің жұмыстық беті пайда болады

Электр (жаңа лат. electrіcus, грек. еlectron - янтарь) - барлық электрмагниттік құбылыстың, яғни электр зарядының болуына және олардың қозғалысы мен өзара әсеріне негізделген құбылыстардың жиынтығы, “Электр” терминінің мазмұны физика мен техниканың даму процесінде өзгеріп, толығып отырады.

Қарапайым электрлік және магниттік құбылыстар ерте заманда-ақ белгілі болғанымен “Электр” туралы ілім 17 ғ-ға дейін дами алған жоқ. 18 ғ-да ол ілім жүйеге түспеген фактілер мен бір-біріне қайшы жорамалдар жиынтығынан тұрады. “Элекр” жөніндегі алғашқы деректер кейбір денелер (мыс., янтарь) үйкеліс нәтижесінде “электрленеді”, яғни ондай денелер жеңіл денелерді өзіне тартады деген тұжырым түрінде болды (ғылымға “Электр” терминін 1600 ж. У. Гильберт енгізген) . 18 ғ-дың басында денелердің электрленуі сол денені қоршаған “электрлік атмосфера” әсерінен болады деп қарастырылды. Алайда 18 ғ-дың ортасынан бастап денелердің ішінде электрлік “флюидтар” (сұйықтар) болады деген болжамдар қалыптаса бастады. 18 ғ-дың аяғында Г. Кавендиш (1773) және Ш. Кулон (1785) ұқыпты жүргізілген өлшеулерге сүйене отырып электрстатиканың негізгі заңын (қ. Кулон заңы) тұжырымдап берді. Электр зарядының арасындағы тартылыс не тебіліс күші кулондық немесе электрстатик. күш деп аталады.

Электр жөніндегі ілім тарихындағы жаңа кезең - Л. Гальвани (1791) мен А. Вольтаның (1794) хим. және контактілік электр көздерін ашуы болды. Осыдан кейін Электр тогын зерттеу күшті қарқынмен жүргізіле бастады: әуелі токтың физиол. әсері, кейін оның хим. және жылулық әсерлері зерттелді. 1802 ж. В. Петров электр доғасын (1808 - 09 ж. мұны Г. Дэви де байқаған) ашты және оны жарықтандыру ісі мен балқыту пештерінде пайдалануға болатынын дәлелдеді. Дж. Джоуль (1841) және Э. Х. Ленц (1842) бір-біріне тәуелсіз түрде өткізгішпен ток жүргенде бөлініп шығатын жылудың мөлшері жөніндегі заңды тұжырымдарды; қ. Джоуль-Ленц заңы. 1820 ж. Х. Эрстед электр тогы мен тұрақты магнит арасында байланыс болатындығын, ал А. Ампер тогы бар екі өткізгіштің өзара әсерлесетіндігін ашты. Тогы бар өткізгіштердің арасындағы әсерлесу күші кулондық күштен өзгеше әрі ол электр зарядының қозғалысына тәуелді болады. Сондықтан мұндай күштер электрдинамикалық күштер деп аталады. Эрстед пен Ампердің магнетизм жөніндегі ашқан жаңалықтары “Э. ” ілімінің құрамына енеді.

19 ғ-дың 2-ширегінде Электр техникаға кеңінен ене бастады. 19 ғ-дың 20 жылдары алғашқы электрмагнит, 30 жылдары телеграфтаудың жетілген сұлбалары, гальванопластика, алғашқы электр сұлбалары мен генераторы, 40 жылдары алғашқы электрлік жарықтандыру приборлары, т. б. пайда болды. Э-дың күнделікті тіршілікте қолданылуы одан әрі кеңейді. Физиканың жетістіктеріне байланысты электртехниканың күрт дамуы да Электр ілімінің дамуына елеулі әсер етті

19 ғ-дың 30 және 40-жылдары М. Фарадей электро-магнит құбылыстардың жаңа концепциясын ұсынды. Бұл уақытқа дейін Э. өзінің өндірілуі (пайда болу) тәсіліне сәйкес: қарапайым Э. (мыс., үйкеліс Э-і), атмосф. Э., гальваник. Э. (мыс., гальваник. батареядан алынатын ток), магниттік Э. (мыс., Фарадей ашқан индукция тогы), т. б. болып ажыратылатын. Фарадей өзінің тәжірибесіне сүйене отырып Э-дің барлық түрінің бірдей екендігін дәлелдеді. Олардың әр түрлі болуы, біріншіден - Э. мөлшерінің, екіншіден - кернеудің (потенциалдың) әр түрлі болуына байланысты. Фарадей ашқан электрмагниттік индукция құбылысының зор маңызы болды. Бұл құбылыс электртехниканың іргетасы болып есептеледі. Ал Ленц индукциялық токтың бағытын анықтайтын ережені ұсынды (қ. Ленц ережесі) . 1833 - 34 ж. Фарадейэлектролиз заңдарын ашты. Сөйтіп электрхимияның негізі қалана бастады.

19 ғ-дың 2-жартысынан бастап Фарадей идеялары Дж. Максвеллдің және Г. Герцтің еңбектерінде одан әрі дамытылып, қорытындыланды. Максвелл өзінің еңбектерінде (1861 - 73) Фарадейдің позициясын толық жақтады. Ол Фарадейдің көзқарасын матем. жолмен талдап, баға берді. Мұның үстіне Максвелл электр және магнит өрістерінің бір-біріне ауыса алатындығын тұжырымдады: уақыт бойынша магнит өрісінің өзгеруі Э. өрісін, ал уақыт бойынша Э. өрісінің өзгеруі магнит өрісін туғызады. Бұл жағдайда Э. өрісінің өзгеру жылдамдығына пропорционал шама Э. тогына ұқсас болады. Максвелл оны ығысу тогы деп атады. Э. зарядын осылайша жалпылау Максвеллге жаңа салдарлар мен болжамдар жасауға мүмкіндік берді, яғни: кез келген эл. -магн. өзара әсердің таралу жылдамдығы шекті; негізгі қасиеттері бойынша жарық толқындарымен бірдей (еркін) эл. -магн. толқындар болады. Мұндай қорытынды “жарық-электрмагниттік толқын” деген батыл идеяның дұрыстығын дәлелдей түсті.

Максвеллдің теориясына сүйене отырып Герц эл. -магн. толқынның бар екендігін тәжірибе жүзінде дәлелдеді. Сөйтіп эл. -магн. өріс концепциясы Э. туралы ілімде берік дәлелденді. Герц тәжірибесінің нәтижесі эл. -магн. толқындарды байланыс мақсаты үшін пайдалануға итермеледі. Мұндай міндетті А. С. Попов орындады. Ол 1895 ж. радионы ойлап тапты. Максвеллдің өріс энергиясы кеңістіктің кішкентай көлемінде белгілі бір тығыздықпен таралған деген тұжырымның эл. -магн. өріс концепциясының дамуы үшін зор маңызы болды. Тұтас ортадағы энергияның сақталу заңының жалпы тұжырымдамасын 1874 ж. Н. А. Умов берді. Эл. -магн. толқынның, сондай-ақ жарық толқынының дене бетіне түсіретін қысымы ретінде байқалатын импульсы болады. Жарық қысымының болатынын тәжірибе жүзінде П. Н. Лебедев дәлелдеді (1899) . Эл. -магн. өріске динам. ұғымдарды (масса, энергия, импульс) пайдалануға болатындығы, физиктерді, Фарадей мен Максвеллдің (өрісті ерекше ортаның, яғни эфирдің күйі ретінде қарастырған) көзқарастарын қайта қарауға мәжбүр етті. Мұндай қайта қарау салыстырмалық теориясы шыққаннан кейін мүмкін болды. Сөйтіп ғалымдар эл. -магн. өрісті эфирдің күйі ретінде қарастыратын көзқарастан біржолата бас тартты. 19 ғ-дың соңында Э. туралы ілімнің дамуында жаңа кезең басталды. Оның мазмұны Г. Лоренц негізін қалаған классик. электрондық теорияның шығуына байланысты еді. Алайда бұл теорияның да шеше алмаған көптеген мәселелері болды. Бұл қиыншылықтар 20 ғ-дың басында пайда болған маңызды физ. теорияларда шешіле бастады.

Электролиз (электро . . . және грек. lysіs - еру, ыдырау) - еріген немесе балқыған электролитке батырылған электродтарда электр тогы әсерінен жүретін химиялық реакция. Электролиттер арқылы өткен электр тогы хим. энергияға айналады. Э. электролитпен толтырылған ыдысқа екі электрод орналастырып, оларды тұрақты ток көзінің полюстеріне жалғастыру нәтижесінде өтеді. Э. аппараттарын электролизерлер, электролиттік ванналар деп атайды. Электролизерлер корпусы болат, керамика, пластмасса, шыныдан жасалады. Коррозия мен жоғары темп-радан сақтау үшін корпустың ішкі беті гуммирланады, пластмасса, отқа төзімді кірпіш немесе коррозияға берік материалмен қапталады. Катодтар дайындау үшін болат, түсті металдар (сынап, қорғасын, платина, т. б. ), металдар қорытпасы, көмір немесе графит қолданылады. Анодтар еритін және ерімейтін болады. Еритін анодтар жоғарыда аталған түсті металдан, көміртекті болаттан, кейбір қорытпалардан, ерімейтін анодтар платина, графит немесе көмір, никель және қорғасын, марганец қос тотығы, магнетиттен жасалады. Ерімейтін анод Э. кезінде бүлінбейді. Электр өрісінің әсерінен электролиттердегі зарядталған бөлшектердің - иондардың ретсіз қозғалысы белгілі бір бағытқа келеді: катиондар катодта, аниондар анодта зарядсызданады, яғни катиондар катодтан жетіспейтін электрондарын қосып алып тотықсызданады, аниондар анодқа артық электрондарын беріп тотығады. Балқыған натрий хлоридін NaCl Э-дегенде электролитте катион Na+ және анион Cl− болатындықтан, Na+ катодтан жетпейтін электронын қосып алып, яғни тотықсызданып, натрий металл күйінде бөлінеді. Cl− иондары анодқа артық электрондарын беріп, яғни тотығып газ түрінде Cl2 бөлінеді. Бұл мысалда анод хлор әсерінен бүлінбейтін төзімді материалдардан (платина, графит) дайындалады. Натрий хлоридінің (NaCl) судағы ерітіндісін Э-дегенде катодта бөлінген металл сумен әрекеттесіп сутек және сілті 2Na+2H2O=H2+2NaOH, анодта бөлінетін хлор сумен әрекеттесіп тұз қышқылы мен хлорлылау қышқылын Cl2+H2O=HCl+HClO түзеді. Су ерітіндісінде электролиттің диссоциалануынан түзілетін иондардан басқа, судың диссоциациялануынан сутек катионы мен гидроксил анионы болады, сондықтан катодта зарядсыздана алатын металл иондары және сутек катиондары болады. Қандай ионның зарядсыздануы олардың активтік қатардағы орнына, иондар концентрациясы мен электрод материалына байланысты. Оңай зарядсызданатын металдар активтік қатардың соңында, қиын зарядсызданатын металдар активтік қатардың бас жағында орналасқан. Э. процесі нәтижесінде бөлінетін заттың мөлшері сол заттың табиғаты мен электролиттен өткен ток мөлшеріне байланысты (қ. Фарадей заңдары) . Э. процесі лабороторияда, ғыл. -зерт. жұмыстарында, өндірісте кеңінен қолданылады. Өндірістерде Э. арқылы көптеген металдар, сілтілер, хлор, сутек, оттек, ауыр су, көптеген органик. заттар, т. б. алынады. Э. техникада бедерлі заттардың көшірмесін металл бетіне түсіру, металл жалату, металдарды электролиттік тазалау, т. б. қолданылады. Тез және өте жоғары дәлдікпен анықтайтын аналит. әдістер де Э. процесіне негізделген; қ. Полярография. Электрмагнит (электр . . . және магнит) - сыртына оралған сым арқылы ток жүргенде ферромагниттік өзекшесінде күшті әрі шоғырланған магнит өрісі пайда болатын жасанды магнит. Ол электр машиналары мен аппараттарында, т. б. магнит өрісін жасау үшін қолданылады. Мөлшері өте үлкен Э. зарядты бөлшек үдеткіштерінде пайдаланылады. Тұрақты ток Э-інің магнит өткізгіші құйма болаттан, ал айнымалы ток Э-інікі электртех. болаттан дайындалады. Магнит (грек. magnetіs, Magnetіs lіthos - Магнесия тасы ; Магнесия - Кіші Азиядағы көне қала) - магниттелушілік қасиеті бар, яғни магнит өрісін туғызатын дене. Дененің магнит өрісіне ендірілгеннен кейін магнит қасиетке ие болатын кесегі жасанды Магнит деп аталады. Ал алдын ала магниттелген ферромагнитті не ферримагнитті материалдан жасалған белгілі бір пішіні (таға тәрізді, ұзынша жолақ түрінде, т. б. ) бар Магнит тұрақты Магнит деп аталады. Ол электроникада, радиотехникада және автоматикада тұрақты магнит өрісінің автономды көзі ретінде кеңінен қолданылады. Магниттің қасиеттері Магнит дайындалған материалдың магнит гистерезис тұзағы тармақтарының магнитсіздендіру сипатымен анықталады. Магнит - Fe, Co, Nі, Аl, гексогональді ферриттер, т. б. негіздегі қорытпалардан жасалады. Асқын өткізгіш материалдан жасалған орамасы бар соленоидты немесе электрмагнитті асқын өткізгіш магнит деп атайды. Оны заттардың магнит-элетр және оптикалық қасиеттерін, плазманы, атом ядроларды және элементар бөлшектерді зерттеуге арналған тәжірибелерде қолданады. Асқын өткізгіш Магнит байланыс техникасында және радиолокацияда электрмашиналарының Магниттік өрісінің индукторы ретінде пайдаланылады. Физика (көне грекше: φύσις - табиғат ) - зат әлемді, және оның қозғалысын зерттейтін ғылым. Бұл жөнінде физика күш, энергия, масса, оқтама т. б. сияқты тұжырымдамалармен шұғылданады. Жалпы мағынасы бойынша физика - табиғаттың негізгі (іргелі) қарым-қатынастарын, заңдылықтарын зерттейді. Физика ғылымы ең жалпы және негізгі болатын, затты әлемнің күйін, өзгеруін және құрылымын анықтайтын жаратылыстану бөлімі болып келеді.

Кейбір қасиеттер барлық материялдық жүйелер үшін бірдей болады, мысалы, энергияның сақталуы - оларды физикалық заңдылық деп атайды. Кейде физиканы іргелі ғылым деп те атайды, себебі басқа жаратылыстану ғылымдары (биология, геология, химия және т. б. ) тек қана заттық жүйелердің, физикалық заңдылықтарға бағынатын, кейбір таптарын ғана сипаттайды. Мысалы, химия молекулалар мен олардан құралған заттегілерді зерттейді. Ал заттегілердің физикалық-химиялық қасиеттері, термодинамика, электромагнетизм және кванттық физика сияқты физика бөлімдері сипаттайтын, атомдар мен молекулалардың физикалық қасиеттерімен анықталады.

Физика математикамен тығыз байланыста - математика физикалық заңдылықтарды дәл өрнектеуге болатын құрал болып табылады. Физикалық теориялар әрқашан дерлік математикалық өрнектермен сипатталады, оның үстіне физика басқа ғылымдарға қарағанда математиканың әлдеқайда күрделі бөлімдерін пайдаланады. Және керісінше, физикалық теория мұқтаждықтары математиканың көп салаларының дамуына әкеп соқты.

Физика негізінде тәжірибелік және теоретикалық физика болып екіге бөлінеді. Физиктердің көпшілігі таза теоретик немесе таза тәжірибеші болғанымен, ал екі физика екі бөлек боп көрінгенімен шын мәнінде ол олай емес. Тәжірибелік және теоретикалық физика бірге хабарласа отырып дамиды. Бір мәселемен теоретиктер де, тәжірибешілер де шұғылдануы мүмкін. Алғашқылары қолда бар тәжірибелік хабарларды сипаттай отырып болашақ нәтижелерді теориялармен болжам жасайды, екіншілері бар теорияларды тәжірибелер қояйып тексере отырып жаңа нәтижелер табады. Температура (лат. temperatura - араластырылуға тиісті, өлшемдес болу, қалыпты күй) [1] - макроскопикалық жүйенің термодинамикалық тепе-теңдік күйін сипаттайтын физикалық шама. Егер оқшауланған немесе тұйықталған жүйе термодинамикалық тепе-теңдік күйде болса, онда оқшауланған немесе тұйықталған жүйенің кез келген бөлігінде температура бірдей болады. Ал егер жүйе тепе-теңдік күйде болмаса, онда жылу (энергия) оның температурасы жоғары бөлігінен температурасы төмен бөлігіне қарай ауысып, белгілі бір уақыт өткеннен кейін жүйенің барлық бөліктеріндегі температура өзара теңеседі. Молекула кинетикалық теория тұрғысынан тепе-теңдіктегі жүйенің температурасы сол жүйені құрайтын атомдардың, молекулалардың, т. б. бөлшектердің жылулық қозғалысының қарқындылығын сипаттайды. Мысалы, классикалық статистикалық физиканың заңдарымен сипатталатын жүйе үшін бөлшектердің жылулық қозғалысының орташа кинетикалық энергиясы жүйенің абсолют температурасына тура пропорционал болады. Бұл жағдайда температура дененің жылыну (қызу) дәрежесін сипаттайды. Жалпы жағдайда температура жүйе энергиясының энтропия бойынша алынған туындысымен анықталады және ол әрқашан оң болады. Осылай анықталған температура абсолют температура немесе термодинамикалық шкала температурасы деп аталады. Бірліктердің халықаралық жүйесінде абсолют температураның бірлігіне кельвин (К) қабылданған. Көп жағдайда температураны Цельсий шкаласы (t) бойынша өлшейді. Ал t және Т бір-бірімен: t=T-273, 15К теңдігі арқылы байланысқан (мұнда Цельсий градусы кельвинге тең) . Дене температурасы термометр арқылы өлшенеді

Қазақстан Республикасының Президенті Н. Ә. Назарбаев пен Франция Президенті Н. Саркозидің өткен жылғы Париждегі кездесуінен соң TOTAL E&P мұнай компаниясының бас директоры Ив-Луи Даррикаррер келешекте Қарағанды мемлекеттік техникалық университеті негізінде дәнекерлеу өндірісі мамандарының оқып, халықаралық сертификат алуына мүмкіндік беретін Қазақстан дәнекерлеу институтын ашу жоспары жайында баяндаған болатын. Мұның алдында, атап айтқанда, 2009 жылғы 4 желтоқсанда өткен Қазақстан Республикасының Президенті жанындағы Шетел инвесторлары кеңесінің 22-ші отырысында Елбасы Қазақстанда TOTAL мұнай ком-паниясымен бірлесе отырып, ұлттық дәнекерлеу институтын ашу туралы тапсырма берген болатын.

Металды дәнекерлеу - бұл өнеркәсіптік индустрияның барлық саласында дерлік кездесетін бірегей жұмыс үдерісі. Қазіргі кездегі дәнекерлеу технологиялары жер бетінде, судың астында және ғарышта бірнеше микроннан екі метрге дейінгі қалыңдықта небір түрлі металлдар мен басқа да материалдарды біріктіруге мүмкіндік береді. Үш дәнекерлеу технологиясы медицина тәжірибесінде, соның ішінде көз микрохирургиясында қолданылады.

Мұнай және газ өндіру, таукен және металлургия салалары қарқынды дами түсуіне байланысты құрылысқа қажетті металл құрылғыларын өндіру, мұнай-газ кешеніне арналған өткізгіш құбырлар мен резервуарлар (мұнай қоймалары) құрылыстарын салу, мәшине жасау өркендеуде. Осы жағымды құбылыстар технологиялық үдерістерді, бақылау әдістерін қолдануда және жұмысшы кадрлар мен білікті мамандар даярлауда халықаралық тәжірибені есепке ала отырып, қазіргі заманғы ғылыми негізделген тәсілдерді пайдалануды талап етеді.

Мұнай-газ кешенінің нысандарын салуда дәнекерлеу жұмыстары үлкен көлемде орындалады. Металлургиялық және тау-кен өндірісі кәсіпорындарында жабдықтардың бөлшектерін жөндеу жұмыстары еріту және дәнекерлеу арқылы жүргізіледі, жылу электрстансаларында монтаждау жұмыстары мен жөндеу жұмыстары толығымен дәнекерлеу арқылы атқарылады. Өнеркәсіптік және азаматтық нысандардың бірде- бірі дәнекерлеу жұмысынсыз салынбайды. Мәшине құрастыруда көптеген жылдар бойы автоматты және роботтандырылған дәнекерлеу әдісі қолданылады.

Осыған байланысты Мемлекет басшысының аталған тапсырмасын орындау үшін жұмыс тобы құрылып, оның құрамына TOTAL компаниясының, ҚР БҒМ Ғылым комитетінің және Мұнай және газ министрлігінің өкілдері енді. Олар еліміздің алдыңғы қатарлы үш техникалық жоғары оқу орнында - Қ. Сәтбаев атындағы ҚазҒТУ, ҚарМТУ, Атырау мұнай және газ институты, сондай-ақ Ақтау, Атырау қалаларындағы дәнекерлеушілерге арналған оқу орталықтарында, Астана қаласының локомотив, Қарағанды металл құрастыру зауытында, ERSAI Қазақстан-Италия фирмасының өндірістік базасында болып, Қарағанды мемлекеттік техникалық университетіне таңдау жасады.

Бұл кездейсоқ таңдау емес еді. Университет ректоры Арстан Ғазалиевтің бастамашылығымен теңдесі жоқ оқу-материалдық базасы құрылып, мықты кадрлық күш жинақталды. «Дәнекерлеу және құю өндірісі» кафедрасы ашылды, ол АҚШ, Швеция, Италия, Финляндия, Ресей және Украинада өндірілген соңғы үлгідегі дәнекерлеу және мультимедиялық оқу жабдықтарымен жабдықталған.

... жалғасы

Сіз бұл жұмысты біздің қосымшамыз арқылы толығымен тегін көре аласыз.