Медициналық интервью, ұғымы және құрылысы

Жұмыс түрі: Материал
Тегін: Антиплагиат
Көлемі: 3 бет
Таңдаулыға:

Медициналық интервью, ұғымы және құрылысы.

Медициналық интервью - тұлғаның психологиялық қасиеті және белгілері, дерттің ішкі бейнесі мен науқастың мәселелері туралы ақпарат жинау және науқаспен жанасу негізінде оған психологиялық әрекет жасау әдісі.

Мақсаты:

Науқастың жекеше психологиялық қасиеттерін біліп, бағалау.
Психологиялық ерекшеліктерінің сапасын анықтау, олардың күшін, ауырлығын жіктеу.
Алынған мәліметті психологиялық феномендерге немесе психопатологиялық белгілерге жатқызу.

Сонымен қатар, сұхбаттың мақсатына адамның шағымдарын анықтау және оның тәртібінің, жүріс- тұрысының ішкі себептерін, ықпалдарын айқындау жатады. Медициналық сұхбаттасу, медициналық қызметкердің науқасқа психологиялық жәрдем беруіне де негізделеді.

Медициналық интервьюдің мағынасы, қарапайым сұрастырудан өзгеше болады, себебі ол науқастың шағымдарын белсенді түрде анықтаумен қатар, адам қылықтарының, өз-өзін ұстауының жасырын мотивтерін іздестіруге және науқасқа жәрдем беруге бағытталады.

Сұхбаттасудың функциялары:

диагностикалық
терапевтік

Олар бірге, параллельді түрде жүзеге асуы керек, себебі тек үйлесу жағдайында ғана медициналық мақсатына (аурудың сауығуы) жетеді.

Көбінесе науқас өзінің шағымдарын, мәселелерін және жағдайын сипаттап түсінікті түрде айта алмайды. Сондықтан, науқастың айтқан мәселелерін дәрігердің тыңдай білуі-сұхбаттың бір кезеңі болады. Сұхбаттың екінші бөлігінде, науқастың өз мәселесін толық айтуына, медициналық қызметкердің әдеппен жәрдемдесуі және оның түпкі негізін түсіндіруі жатады.

Сұхбаттың принциптеріне келесілер жатады:

қойылған сауалдарға медициналық қызметкердің жасаған тұжырымы дәл, ашық, сәйкес және түсінікті болуы;
бірізділік және адекватты (логикаға сәйкес), біркелкі болуы;
алынған мәліметті тексеру мүмкіншілігі болуы.

Медициналық қызметкердің қойған сауалдары мен тұжырымдары дәл және тиісті, науқастарға түсінікті, арнайы терминсіз болуы керек. Олар аурудың тілі мен мәдениетіне, біліміне сәйкес келуі қажет. Сондықтан науқастың әлеуметтік статусы, білім дәрежесі, тіл байлығы, мәдениеті мен сөйлесу мәнері анықталады.

Интервьюдің бірізділігі дегеніміз, алдымен науқастың шағымдарына негізделіп, дерттің белгілерін құрастырып, онан соң бұзылыстарды және олардың себептерін анықтау. Ол үшін медициналық дерттің белгілерін, психологиялық әрекеттесу түрлерін және бұзылыстарын білу керек. Әр ауруда көптеген клиникалық белгілері болуына байланысты, олардың барлығының бар жоғын сұрастыру медициналық қызметкердің білгірлігінің төмен дәрежеде екенін көрсетеді, науқасты жалықтырып, шаршатады. Сондықтан бірізділік, аурудың алғашқы шағымдарына, туысқандарының айқын-ойына, жүріп- тұруына негізделіп, медициналық қызметкер алғашқы сұрастыратын белгілерін топтастырады. Әрі қарай, оған байланысты дамитын ауру белгілері мен синдромдары сұрастырылады.

Медицина қызметкерінің келесі сауалдары аурудың әрекеттесу түрін бағалауға, бұзылыс дәрежесімен себептерін анықтауға бағытталады. Бірізділік принципі бойынша науқасты ұқыпты түрде сұрастырып, аурудың белгілерінің даму ретін, оларға байланысты себептерін анықтау керек. Мұнда, аурудың баяндауын тәптіштеп, егжей-тегжейіне дейін толық тыңдап қадағалау, оқиғалардың соңғы нәтижесі, науқастың ойлары және олардың талқылауы маңызды роль атқарады.

Құштарлықсыз (алалықсыз) принципі деген - медициналық қызметкер науқасты өз пікіріне итермелеуі. Бұл ұстаным- медициналық қызметкердің науқасқа ауруы туралы өз пікірін айтып, иландыруы, сендіруі, яғни сұхбаттасуы бір жақты жүргізілгенін білдіреді. Яғни, медициналық қызметкер анықтаған бұзылыстар туралы науқас адамды өз ойына жетелеуі, итермелеуі.

Мәліметтің тексеру мүмкіншілігі және адекватты болуы дегеніміз - интервью барысында жинастырылған науқастың берген жауаптарының дұрыстығын тексеріп, тиісті талқылау жүргізу

Интервьюдің әдістемелік негіздеріне жататындары:

Алғашқы қатынастың ұзақтығы 50 минут шамасынан аспауы;
Кейінгі катынастар мерзімі бұдан қысқа болуы мүмкін;
Вербальды және вербальды емес тәсілдерді кеңінен қолдану.

Медициналық сұхбаттасудың кезеңдері:

Ι Науқас адамның сенімділігін тудыратын жағдай жасау (тыныштыққа назар аударуы, тиісті орналасуы, т. б. ), құпиясын сақтауға кепілдік білдіру және сұхбаттың бастауыш мотивтерін анықтау.

ΙΙ Науқастың шағымдарын анықтап, талқылау, аурудың ішкі бейнесін бағалау.

ІІІ Сұхбаттан және емдеуден тосатын нәтижелеріне баға беру, адамның психологиялық бейнесін анықтау

ІҮ Дерттің аяқталу түрлерін және болжамды емдеу нәтижелерін айтып, түсіндіру.

Психологтардың мәліметі бойынша адам туралы пікір танысудың 18-ші секундінде пайда болады.

Бірінші кезең - сұхбаттасуға сенімділік тудыратын жағдай жасау. Бұл белсенді интервью, ол өте маңызды және қиынға түсетін кезең.

Интервьюдің әрі қарай ағымы, жалғастыру мүмкіншілігі, сұхбаттық егжей- тегжейдің толық ашылуы, науқастың алғашқы пікірі мен көзқарасына байланысты болатыны анық. Бұнда медициналық қызметкер науқастың көзіне тік қарап, оған назарын аударғанын көрсетеді.

Медициналық қызметкердің науқаспен қатынасуы мен сұхбаттың басталуы формалды түрде емес ( шағымдарыңыз қандай?), оны жағдайына және халіне байланысты қолдау әрекетін жасау қажет. Қатардағы жағдайда «сенімділік дистанциясын» құруға нәтиже әкелетін болып келесі пікір саналады : «Ауруханаға (емханаға) келуіңіз сізге оңай түскен жоқ. Сіз айтар жайттар, уайымдар тек осы жерде, екеуіміздің арамызда қалатыны туралы, мен сізге конфиденциалдықты сақтайтыным туралы кепілдік беремін», - деп қайталап, ескертіп отырады.

Бұдан кейін ІІ -ші кезеңде медициналық қызметкердің белсенділік рөлі доғарылып, ол пассивті (белсенді емес) сұхбаттасушыға айналады. Науқас адамға тиісті уақыт беріліп, оның шағымдарын асықпай, ұқыпты, өзі таңдаған бірізділікті, қажеттілігі мен маңыздылығы бойынша айтуға мүмкіншілік беріледі. Медициналық қызметкер толық назарын аударып тыңдайды, яғни белсенді тыңдаушы рөліне ауысады.

... жалғасы

Сіз бұл жұмысты біздің қосымшамыз арқылы толығымен тегін көре аласыз.