Туризм дамуының табиғи және әлеуметтік-экономикалық алғышарттары

Жұмыс түрі: Материал
Тегін: Антиплагиат
Көлемі: 3 бет
Таңдаулыға:

Туризм қоғамдық өмірде орман шаруашылығы, ауыл шаруашылығы, кен өндіру, балық шаруашылығы сынды салаларға тәуелді. Рекреациялық іс-әрекеттерді ұйымдастыруда бұл шаруашылық түрлерінің алатын орны зор. Ауылды аймақтарда орналасқан рекреациялық орындар ауыл шаруашылығымен жақсы үйлесімде болады. Пайдалы қазбаларды игеру аймақтары, зиянды өндірістік орын маңдарында рекреациялық зоналарды ұйымдастыруға болмайды. Ол табиғи маңызы бар орындар мен демалушылардың денсаулығына кері әсерін тигізуі мүмкін. Рекреациялық мамандануына байланысты аумақтарды пайдалануды үшке бөліп қарастырамыз.

Рекреацияға пайдасаы шамалы аймақтар

Рекреациясы орташа аймақтар - экологиялық және өндірістік қызмет атқарады.

Рекреациясы жоғары аймақтар -саябақ, жағажай, арнайы демалыс орындары.

Олардың ішінде жиі қолданыста болатыны - рекреациясы орташа аймақтар. Олар екі қызмет түрін бір уақытта атқаратындықтан ерекше болып табылады. Оған эрозияға қарсы егілген ормандарды жатқыза аламыз.

Табиғи ортаның маңызды элементі - жер бедері. Қандай да бір туристік объекті салу үшін оның географиялық орынын егжей-тегжейлі қарастыру қажет. Болашақта сол географиялық орын мен рекреациялық зонаға кері әсерін бермеуі үшін алдын ала әркеттер ұйымдастырылғаны дұрыс. Психофизиологиялық регенерация жағынан таулы аймақтардың ландшафтық және климаттық ерекшеліктері маңызды. Ол белсенді және пассивті демалыс түріне пайдалы әсерін тигізеді. Таудағы белсенді туризмнің қасиеттеріне ландшафтың динамикалық және статистикалық сипаттары, шыңға шығу, ортаның жылдам ауысуы, симметрия мен асимметрия, ортаның тамаша көріністері жатады. Тауда қауіпсіз орналастырылған туризм орындары демалушылардың сүйікті демалу орындарына айналған. Жазда кемпинг ұйымдастырылып, тауда серуендеуге жағдай жасалса, қыстың күні шаңғы сияқты спорт түрлерімен айналысуға мүмкіндік бар.

Демалу кезінде жер бедерімен қатар климаттың да қолайлылығы қарастырылады. Мезоклиматтық жалпы сипаттамамен бірге рекреациялық әрекеттер үшін аумақтың топоклиматтық, микро-климаттық ерекшеліктерін бағалау маңызды. Аймақтың туризмдік дамуына гидрологиялық нысандар да әсер етеді. Сол өңірдің гидрологиялық ерекшеліктерін бағалау оны тиімді пайдалануға, спорт түрлерін ұйымдастыруға мүмкіндік береді. Ормандардың болуы табиғи ортаға көріктік беріп, ауаны тазартып тұрады.

Көлемі үлкен туристік орындардың маусымдық сипатын анықтау да маңызды болып табылады. Туристік мезгілді үшке бөлеміз:

Жалпы рекреациялық мерзім - демалыс уақытында демалғанда орындалатын барлық әрекеттер атқарылатын маусым. Мысалы күнге күю, балық аулау, спорттық ойындар ойнау.
Суға түсу мерзімі - суға шомылуға мүмкіндік беретін табиғи жағдай қалыптасып, судағы спорт түрлерімен айналысуға болатын туристік маусым бөлігі.
Қысқы мерзім - қыс кезінде қысқы спорт түрлерімен айналысатын уақыт бөлігі. Бұл кезеңде көбіне шаңғы мен шана түрлері қолданыста болады.

Туризмнің дамуы тек табиғи факторларға ғана тәуелді емес. Оның дамуына екінші дүниежүзілік соғыстан кейін жылдам дамыған әлеуметтік-экономикалық факторлар да әсер етеді. Қазіргі таңда туризмнің дамуына әсер етуші фактор рөлінде мемлекеттің әлеуметтік саясаты басымдылыққа ие. Нақтылап айтсақ, жұмыс уақыты, төленетін төлем мөлшері, демалыс жөніндегі жарғылары әсер етеді.

Халық табысы туризмге тікелей әсер етеді. Себебі табыс мөлшеріне байланысты демалушылар қажеттіліктері белгіленіледі. Олар жүгінетін қызмет түрлері қаражатты талап етеді. Егер халық табысы төмен болса туристік орындарға сұраныс азайып, тіпті рекреациялық орындар жабылуы мүмкін. Халық табысы жоғарылаған сайын туристік қызметтерге сұраныс артады. Бос уақыттың көбеюі де халықтың бос уақытын туристік орындарда өткізуіне ықпалын тигізеді.

Туристік зонаның қалыптасуы үшін ең алдымен қаражат қажет болады. Бұрынғы КСРО кезінде туристік-рекреациялық орындар 1962 жылдары салықтың бар түрінен босатылған. Туристік кешеннің заманауи техникамен жабдықталуы, қажеттіліктерді өтеуге арналған функциясының әртүрлілігі қаражаттандырылуына байланысты болады.

Заман талабына сай туристік орындар мен қызмет түрлері де өзгере бастайды. Қазіргі кезде автомобильдердің санының артуына байланысты авто-жанкүйерлер осы бағытта демалуды жөн көреді. Қоғамда қалыптасқан жаңа демалу формасы - ата-аналардың балаларымен бірген демалуы. Бұндай демалыс түрі демалушыларға психологиялық жағынан оң әсерін тигізеді.

Халық саны артқан сайын, туристік қызметтерге сұраныс саны да арта түседі. Әлемде халық саны едәуір жоғары, экономикасы тұрақталған елдерде туризмнің жоғары деңгейі байқалады. Ондай елге АҚШ ты жатқыза аламыз.

Урбандалу деңгейінің жоғары болуы да туризмнің дамуына қарқынды әсер етеді. Ормансыз қала ішінде тұратын халықтың таза ауада серуендеуге сұранысы артады. Табиғат аясында демалу үшін қала сыртына шығады. Осындай факторлар туризмнің дамуына қарқынды әсер етеді.

... жалғасы

Сіз бұл жұмысты біздің қосымшамыз арқылы толығымен тегін көре аласыз.