Тестілеу уақыты
«Назарбаев Зияткерлік мектептері»
дербес білім беру ұйымы
«Педагогикалық өлшеулер орталығы» филиалы
Назарбаев Зияткерлік мектептерінің 7-сыныптарына оқушыларды конкурстық іріктеуді өткізу тәртібі туралы
үміткерлер мен олардың ата-аналарына
арналған ақпараттық буклет
Нұр-Сұлтан, 2022
МАЗМҰНЫ
Кіріспе 2
1. Конкурстық іріктеуге тіркелу 3
2. Конкурстық іріктеу тестілеуін өткізу шарттары 3
3. Тестілеудің бірінші күні 4
4. Тестілеудің екінші күні 5
5. Жауап парақтарын толтыру 7
6. Тестілеу кезіндегі үміткерлердің тәртіп ережесі 8
7. Конкурстық іріктеу нәтижелерін өңдеу 8
Кіріспе1-қосымша . . . . . . . 10
2-қосымша . …… . . . 11
Қазақстанда тәжірибе алаңы ретінде заманауи білім беру бағдарламаларын әзірлеу, бақылау, зерттеу, талдау, апробациялау және енгізуді жүзеге асыратын жиырма бір Назарбаев Зияткерлік мектебі құрылды.
2016 жылдан бастап Назарбаев Зияткерлік мектептерінің тәжірибесі Қазақстан Республикасының орта білім беру жүйесіне таратылуда. Назарбаев Зияткерлік мектептері білім беру мазмұнын жаңарту бойынша әдістемелік әрі ресурстық орталыққа айналды.
Назарбаев Зияткерлік мектептеріне оқуға қабылдау конкурстық іріктеу арқылы жүзеге асырылады. Оқушыларды конкурстық іріктеу жүйесі 2013 жылы Cito Педагогикалық өлшеулер институты (Нидерланд) және Джонс Хопкинс Университетінің Дарынды жастар орталығы (CTY, АҚШ) стратегиялық серіктестерімен бірлесе отырып, Ұлыбритания, Аустралия, АҚШ және Нидерландтың халықаралық тәжірибелерін зерттеп-зерделеу негізінде қалыптасты.
Бұл жүйенің ерекшелігі оқушылардың жаратылыстану-математикалық бағыттағы пәндерді меңгеру қабілеттерін анықтауға, яғни:
- NIS-Programme мазмұнын тиімді меңгеруге;
- кең ауқымды дағдыларды дамытуға және Зияткерлік мектепте оқу барысында жетістікке жетуге;
- көптеген академиялық білім беру саласындағы қолданбалы мәселелерді шешуге мүмкіндік береді.
2022 жылы Назарбаев Зияткерлік мектептерінің 7-сыныптарына оқушыларды конкурстық іріктеудің кешенді тестілеуі құрылымына «Жаратылыстану» бойынша жаңа бөлім енгізіледі.
Бұл пән орта білім берудің жаңартылған мазмұнына сәйкес жаратылыстану-ғылыми бағыттағы «Физика», «Химия», «Биология», «География» пәндері бойынша базалық білім беруге бағытталған. «Жаратылыстану» пәні бойынша үміткерлердің білім деңгейін бағалау Зияткерлік мектептердегі жаратылыстану-математикалық бағыттағы пәндерді зерделеуге қабілетті оқушыларды іріктеуге, олардың болашақта жоғары оқу орындарының жаратылыстану-ғылыми бағыттағы мамандықтарға түсуіне қажетті бейіндік бағдарын жетілдіруге мүмкіндік береді.
Конкурстық іріктеуге қатысу үшін оқушының заңды өкілі Зияткерлік мектептердің қабылдау комиссиясына келесі құжаттарды тапсыруы қажет:
- конкурсқа қатысу үшін өтініш;
- толтырылған сауалнама;
- үміткердің туу туралы куәлігінің көшірмесі, үміткердің ЖСН-і, бар болған жағдайда жеке бас құжатының көшірмесі, заңды өкілінің ЖСН-і көрсетілген жеке куәлігінің көшірмесі;
- егер үміткер оқу жылын аяқтамаған жағдайда оқуын жалғастыратын болса, Зияткерлік мектептегі оқу сыныбының алдындағы үміткердің өткен оқу жылының бірінші жарты жылдығындағы оқу үлгерімі мен тәртібі туралы табелінің көшірмесі. Талап етілген құжаттар оқитын мектеп басшысының қолымен расталып, тиісті білім ұйымының мөрімен бекітілуі керек(ескерту: 6-сыныптың бірінші жартыжылдығын аяқтаған жағдайда 6-сыныптың бірінші жартыжылдығы бойынша табель ұсынылады) .
Оқу бағдарламасы және білім беру деңгейлеріндегі айырмашылықтарға байланысты сыныптары Қазақстан Республикасының білім беру ұйымдарының сыныптарынан ерекшеленетін шетелдік білім беру ұйымдары мен халықаралық мектептердің оқушыларын қоспағанда, орта білім беру ұйымдарының 7-9, 11-сыныптарында оқитын үміткерлер келесі оқу жылында Зияткерлік мектептердің баламалы сыныптарында қайтадан оқуға үміткер бола алмайды.
Оқу бағдарламасы және бағалау шкалалары Қазақстан Республикасының білім беру ұйымдарының оқу бағдарламары мен бағалау шкалаларынан ерекшеленетін шетелдік білім беру ұйымдары немесе халықаралық мектептерде оқитын үміткерлер оқу үлгерімі табеліне (бағалау транскрипті) оқитын мектебінен бағдарламаның мазмұны мен бағалау шкалаларын түсіндіретін ресми хаттарды қоса ұсынады.
- көлемі 1Мб-тан (мегабайт) аспайтын графикалық файл түріндегі үміткердің 3×4 см өлшеміндегі сандық фотосуреті немесе қабылдау комиссиясына құжаттарды тапсыру кезінде үміткерді фотосуретке түсіріп алуға болады.
Фотосурет міндетті түрде ашық фонда үміткердің тура қарсы алдынан түсіріледі. Үміткердің бет-әлпеті бейтарап жағдайда, аузын ашпай түсуі қажет. Фотосуреттің жалпы көлемінің шамамен 75 пайызында үміткердің бет-әлпеті көрінетіндей болуы керек. Компьютерлік сканерлеу, модельдеу немесе ксерокөшірме әдісімен дайындалған суреттерді қолдануға болмайды. Фотосуретке түсу кезінде бас киім және көзілдіріктің болмағаны жөн. Үміткердің көзі ашық, анық, шашпен жабылмаған болуы қажет. Фотосурет көлемі 600 пиксель/дюймнен (dpi) кем емес анықтықпен 450×600 пиксельден аз болмауы керек.
Көрсетілген барлық құжаттар пластикалық тезтікпеге салынады.
Құжаттарды қабылдаудан бас тартуға негіз бола алады:
- конкурстық іріктеуге қатысу өтінішін белгіленген мерзімнен кеш тапсыру;
- көрсетілген құжаттар тізімінің толық болмауы.
Құжаттардың үлгісі және құжаттарды тапсыру мерзімі «Назарбаев Зияткерлік мектептері» ДББҰ сайтындағы «Үміткерлерге» бөлімінде орналастырылады.
2. Конкурстық іріктеу тестілеуін өткізудің шарттары7-сыныптарға конкурстық іріктеудің кешенді тестілеуі Назарбаев Зияткерлік мектептерінің базасында екі күн ішінде жазбаша тестілеу форматында өткізіледі.
Үміткерлер Назарбаев Зияткерлік мектебіне белгіленген уақытта рұқсат қағазымен, қара сиялы қаламмен келуі керек, өзімен бірге жапсырмасы жоқ ыдыстағы бір бөтелке су алып кіруіне болады.
Үміткерлер тестілеу күндері бет-әлпетті тану жүйесі мен тіркеуден уақытылы өткеннен кейін тестілеуге жіберіледі. Тіркелу уақыты аяқталғаннан кейін тіркелуге келген үміткер тестілеу тапсыруға жіберілмейді. Тестілеудің бірінші күніне қатыспаған үміткер екінші күнгі тестілеуге жіберілмейді.
Тестілеу аудиториясы мен үміткердің отыратын орны бағдарламалық жасақтама арқылы автоматты түрде анықталады, тестілеу аудиториясы 120 үміткерге дейін сыйғыза алады.
Үміткерлерге тест орындау бойынша бейненұсқаулық жүргізіледі. Нұсқаулықтың мәтіні емтихан материалдарында да берілген.
Тестілеу процесі мүдделі тұлғалар үшін тестілеу рәсімдерінің ашықтығы мен объективтілігін қамтамасыз ету мақсатында онлайн режимде көрсетіледі.
3. Тестілеудің бірінші күніТестілеудің бірінші күнінде Жаратылыстану-математикалық бағыттағы пәндерді зерделеу қабілеттерін бағалау бойынша тест өткізіледі (бұдан әрі - Қабілеттілікті бағалау тесті) .
Қабілеттілікті бағалау тестінің сұрақтары жаратылыстану-математикалық бағыттағы пәндер бойынша білім деңгейін анықтау арқылы функционалдық сауаттылықты бағалауға бағытталған:
- сандар арасындағы байланысты көру, сандарға математикалық және логикалық ойлау негізінде сүйену, сурет, график және диаграмма түріндегі деректерге түсінік беру қабілеттерін бағалау;
- жаратылыстану-ғылыми құбылыстарды түсіндіру үшін жаратылыстану-ғылыми білімді меңгеру және қолдану, ғылыми зерттеулерді бағалау және деректер мен дәлелдерді ғылыми интерпретациялау.
«ЭКСПО - 2017» көрме кешенінің басты нысаны - «Нұр Әлем» павильоны. Ол диаметрі 80 метр болатын шар формасында салынған. Шардың дизайны күн энергиясын электр энергиясына айналдыратын күн панельдерінен тұрады.
Егер күн панельдері шардың жартысын жапқан жағдайда, оның ауданы қандай болады?
A) 10 048 м 2
B) 20 096 м 2
C) 40 192 м 2
D) 80 384 м 2
Әрбір сұрақ екі қатардан тұрады.
А қатарында
тапсырманың бірінші бөлігі орналасқан, ал
В қатарында
тапсырманың екінші бөлігі орналасқан.
Сіз бірінші қатардағы тапсырманың мәні екінші қатардағы мәнге қарағанда үлкен немесе тең екенін, не болмаса берілген тапсырмаға жауап беру үшін ақпарат жеткіліксіз екенін көрсетуіңіз қажет.
Егер А қатарындағы мән үлкен болса, А жауабын,
Егер В қатарындағы мән үлкен болса, В жауабын,
Егер екі мән өзара тең болса, С жауабын,
Егер тапсырмаға жауап беру үшін ақпарат жеткіліксіз болса, D жауабын таңдаңыз.
Фигураның периметрі
Фигураның периметрі
Суретте қышқыл жаңбырдың пайда болу үрдісі көрсетілген.
Қышқыл жаңбыр ормандарға қалай әсер етеді?
A) Қышқыл жаңбыр орман өртін тудырады.
B) Қышқыл жаңбыр ормандағы топырақ құнарлылығын арттырады.
C) Қышқыл жаңбыр қоректік заттардың сіңірілуін шектейді.
Тестілеудің екінші күні тілдік тест өткізіледі. Бұл тест оқу сауаттылығы негізінде қазақ, орыс, ағылшын тілдеріндегі жазбаша мәтіндерді түсінуге және талдауға бағытталған.
Адал ақша мен арам ақша
Бiр адам жалғыз сиырын сауып, соның сүтiн сатып, ақша жинайды екен. Соңғы кездері сүтке су қосып сатуды ойлап шығарыпты. Бiр қалта теңге жинаған әлгi кiсi кемеге мiнiп, бiр жағдаймен жолға шығады. Кемеде келе жатып ұйықтап кетедi. Сонда бiр маймыл оның теңге салған қалтасын ұрлап алып, кеме желкенiнiң ұшар басына шығып кетедi. Жолаушы оянып, ары-берi қараса, теңге салған қалтасы жоқ. Ары iздейдi, берi iздейдi. Бір кезде желкеннiң ұшар басында отырған маймылды көредi. Маймыл бiр теңгені алып мұның қолына лақтырады. Келесi теңгені алып теңiзге лақтырады. Сөйте-сөйте қалтаны босатады. Иесiне лақтырған теңге - таза пайда, ал теңiзге лақтырған теңге қулықпен жиналған екен. Осылайша маймыл табыстың тең жартысы суға тиесілі екендігінен хабардар еткен сияқты.
1. Кейіпкердің бойынан қандай қасиетті аңғаруға болады?
А) үнемшілдік
В) тапқырлық
С) пайдакүнемдік
D) іштарлық
2. Маймылдың қалтаны ұрлап әкетуінің себебі неде?
А) Қалтаны өзіне меншіктеп алғысы келді.
В) Ұйықтап қалудың зияндығын көрсеткісі келді.
С) Жолаушыға қалтаны іздетіп, ойнағысы келді.
D) Ақшаның жартысы арам екенін көрсеткісі келді.
Почему телевизор вытесняет книгу? Да потому, что телевизор заставляет вас не торопясь просмотреть какую-то передачу и отвлечься от повседневных хлопот. Но постарайтесь выбрать книгу, сесть с ней поудобнее, и вы поймёте, что есть книги, без которых нельзя жить. Я не говорю, чтобы вы перестали смотреть телевизор. Я говорю, чтобы вы смотрели его
_1_
. Определите сами свой выбор, учитывая то, какую роль приобрела выбранная вами книга в истории человеческой культуры. Это значит, что в книге есть что-то существенное.
Может быть, это существенное для человеческой культуры окажется существенным и для вас?
1. Какие слова лучше вставить на место пропуска?
А) вместе с родителями
В) как можно больше
С) более осознанно
2. К какому типу речи относится текст?
А) к описанию
В) к повествованию
С) к рассуждению
Why cat clips rule the internet
1. Almost half of all original YouTube videos are of people's pets, and around 26 billion views are just for cats, making them the most popular category. A scientific study which came out earlier this year has proved that looking at videos of cats can improve your mood. Professor Jessica Gall Myrick asked 7, 000 people how they felt _1_ watching videos of cats. The results found that people felt happier after watching videos of cats, and that they felt less anxious or sad.
2. The internet has also been responsible for creating a number of cat celebrities such as Grumpycat, Lil' Bub and Maru the cat. These cats became superstars after their owners posted their pictures online, and they were quickly shared by a lot of people. The famous pets have appeared on lots of TV shows, adverts and film festivals, _2_ .
1. Which words are missing in paragraph 1?
A) before and after
B) from or where
C) less and worse
D) now or never
2. What is the most suitable end for the sentence in paragraph 2?
A) they even have their own brand of products.
B) they help to search the changes in people’s mood.
C) they prefer to be named funnily by their owners.
D) they show pleasure when people caress them.
5. Жауап парақтарын толтыру
Әрбір үміткер тестілеудің әр күніне арналған екі жеке жауап парағын (1 және 2-қосымшалар) алады, онда мынадай мәліметтер көрсетіледі:
- тестілеу атауы мен нұсқасы;
- үміткер құжат тапсырған мектептің нөмірі (1-сектор) ;
- тестілеу тілі (2-сектор) ;
- жынысы (3-сектор) ;
- тестілеу күні (4-сектор) .
Жауап парағының 5-секторына үміткер өзінің қолын қоюы керек.
Қол қойылмаған жауап парағы ЖАРАМСЫЗ болып табылатынына назар аударыңыз!
Тестілеудің бірінші күнінде жауап парағының 6, 7 және 8-секторларында математика, сандық сипаттамалар және жаратылыстану бойынша жауаптар белгіленеді.
Тестілеудің екінші күнінде жауап парағының 6, 7 және 8-секторларында қазақ тілі, орыс тілі, ағылшын тілі бойынша жауаптар белгіленеді.
Тестілеу басталғанға дейін үміткерлер жауап парағын толтыру ережесімен танысады:
... жалғасыСіз бұл жұмысты біздің қосымшамыз арқылы толығымен тегін көре аласыз.
- Іс жүргізу
- Автоматтандыру, Техника
- Алғашқы әскери дайындық
- Астрономия
- Ауыл шаруашылығы
- Банк ісі
- Бизнесті бағалау
- Биология
- Бухгалтерлік іс
- Валеология
- Ветеринария
- География
- Геология, Геофизика, Геодезия
- Дін
- Ет, сүт, шарап өнімдері
- Жалпы тарих
- Жер кадастрі, Жылжымайтын мүлік
- Журналистика
- Информатика
- Кеден ісі
- Маркетинг
- Математика, Геометрия
- Медицина
- Мемлекеттік басқару
- Менеджмент
- Мұнай, Газ
- Мұрағат ісі
- Мәдениеттану
- ОБЖ (Основы безопасности жизнедеятельности)
- Педагогика
- Полиграфия
- Психология
- Салық
- Саясаттану
- Сақтандыру
- Сертификаттау, стандарттау
- Социология, Демография
- Спорт
- Статистика
- Тілтану, Филология
- Тарихи тұлғалар
- Тау-кен ісі
- Транспорт
- Туризм
- Физика
- Философия
- Халықаралық қатынастар
- Химия
- Экология, Қоршаған ортаны қорғау
- Экономика
- Экономикалық география
- Электротехника
- Қазақстан тарихы
- Қаржы
- Құрылыс
- Құқық, Криминалистика
- Әдебиет
- Өнер, музыка
- Өнеркәсіп, Өндіріс
Қазақ тілінде жазылған рефераттар, курстық жұмыстар, дипломдық жұмыстар бойынша біздің қор #1 болып табылады.
Ақпарат
Қосымша
Email: info@stud.kz