Жұбан Молдағалиевтың өмірі мен шығармашылығы

Жұмыс түрі: Курстық жұмыс
Тегін: Антиплагиат
Көлемі: 27 бет
Таңдаулыға:

ЖОспар

І Кіріспе ... ... ... ... ... ... ... ... ... ... ... ... ... ... ... ... ... ... ... ... ... ... ... ... ... ... ..

ІІ Негізгі бөлім
1.1 Жұбан Молдағалиев өмірі мен шығармашылығы ... ... ... ... ... .. ... ... .
1.2 Жұбанның сырлы жырлары ... ... ... ... ... ... ... ... ... ... ... ... ... ... ... ... ... .
1.3 Қазақтың эптк ақыны ... ... ... ... ... ... ... ... ... ... ... ... ... ... ... ... ... ...
1.4 Ж.Молдағалиев пойзиясындағы сивмолдық образдар жайлы

ІІI Қорытынды ... ... ... ... ... ... ... ... ... ... ... ... ... ... ... ... ... ... ... ... ... ... ...

IV Пайдаланылған әдебиеттер ... ... ... ... ... ... . ... ... ... ... ... ... ...
3

Кіріспе

Талантты тұлға Жұбан Молдағалиев қоғамдағы адамзаттық мәселелерді әдеби поэзия тілімен бейнелеп, халықтық поэзиямызды жыр жауһарымен байытқан артынан үлкен шығармашылық мұра қалдырған дарын иесі. Ол өзінің бүкіл өмірін елінің, ұлтының тарихын, тыныс-тіршілігін жырлауға арнады. Жұбанның жырлары заман өзгерседе қайта өзгеріп жатқан тұста өз маңызы мен мазмұнын жоғалтпай, туған халқына, жұртына рузани азық бола білді. Зерттеу жұмысында айтулы жазушымыздың поэма жанрындағы ақындық шеберлігі мен эпикалық шығармаларындағы көркемдік ой-түйін ізденістері кеңінен қарастырылып, ақынның өзіндік қолтаңбасы байқалады.
Өзекті мәселелері: Жұбанның әдеби сын еңбектері мен лирикасынан бөлек, артына қомақты эипикалық мұралар қалдырған ақын. Оның шығармаларынан халқымыздың кеңес дәуіріндегі бүкіл шындығын көруге болады. Ақын лирикасынан замандастарының жүрек сырларын тыңдар болсақ, поэмаларынан сол кезеңдегі елеулі оқиғалардың тарихы мен реалистік болмысын, адамдар арасындағы теңсіздіктер мен қоғамдық өзгерістерді айқын көреміз.
Курстық жұмыстың мақсаты- ақынның поэзия жанрын игерудегі ұштау нәтижелерін, тақырып табу, символдық образ жасаудағы ізденістері мен өлеңдер жүйесіндегі алатын орнын , өзі замандас ақындардан ерекшеленіп тұратын сипатын ғылыми тұрғыдан талдап,зерттеу.
Курстық жұмыстың теориялық және әдіснамалық негіздері. Зерттеу жұмысын жазуда ақынның өмірін, шығармашылығын сын-пікірлері мен ойлары, еңбектері пайдаланылған.
Курстық жұмыстың дереккөздері. С.Бәйішев атындағы Ақтөбе облыстық әмбебап ғылыми кітапханасы қорындағы кітаптар, жинақтар, газет-журналдар пайдаланылды.
Курстық жұмыстың әдіс-тәсілдері: жинақтап салыстыру, саралау және талдау.
Курстық жұмыстың жағалығы мен нәтижелері: зерттеу нәтижелерін ашық сабақтарда, лекция, семинарларда қолдануға болады.
Курстық жұмысиың құрылымы: жұмыс кіріспеден, негізгі бөлімнен, қорытынды және пайдаланылған әдебиеттер тізімінен құралған.

Негізгі бөлім
Жұбан Молдағалиевтың өмірі мен шығармашылығы

Ж. Молдағалиев 1920 жылы 5-ші қазан айында бұрынғы Тайпақ ауданы, Жыланды ауылында дүниеге келген.1940 жылы Орал ауыл шаруашылық техникумын бітіріп, 1940-1947 жылы әскер қатарына алынған. Ұлы Отан соғысына қатысқан. 1948-52 жылы Лениншіл жас газетінде бөлім меңгерушісі, жауапты хатшы , редактордың орынбасары Қазақ әдебиеті газетінің бас редакторының орынбасары , 1958-63 ж Жұлдыз журналының бас редакторы болған. Бірнеше жылдар Қазақстан Жазушылар Одағын басқарды. Жұбан Молдағалиев КСРО және Қазақстан жазушылар одақтары басқармасының мүшесі , КСРО Кеңесі жанындағы әдебиет , көркемөнер және архитектура саласындағы Лениндік және Мемлекеттік сыйлықтар жөніндегі кеңестің, Новый мир журналы редколлегиясының мүшесі болды. Молдағалиевтің Ленин тірі атты алғашқы өлеңі Орал облысындағы Комсомол ұрпағы газетінде 1939 жылы басылды.
Менің атым, Кел, жолдастар, жырлайық деген өлеңдері , 1939 жылы Кепінді құрылыс газетінде басылды. 1949 жылы Жеңіс жырлары атты алғашқы өлеңдер жинағы шықты. Содан бергі жылдар ішінде ақынның жалпы 60- тан астам кітабы, әр кезеңдегі орыс және қазақ тілдерінде таңдамалы шығармаларының 1 томдығы, қос томдығы үш томдығы жарық көрді.Жұбан қаламнан Жесір тағдыры, Мен қазақпын Кісен ашқан, Қыран дала, Сел, Байқоңыр баспалдақтары т. б поэмалар туды.
Жұбан Кісен ашқан поэмасы үшін Қазақстан мемлекеттік сыйлығына ие болды. Ол сондай-ақ КСРО Қорғаныс Министрлігі сыйлығының лауреаты және А. Федеев атындағы алтын медальдің иегері. Оның көптеген шығармалары бірнеше шет ел халықтары тілдеріне аударылған. Молдағалиев КСРО Жоғарғы Кеңесінің, Қазақстан жоғарғы кеңесінің депутаты болып сайланды. Қазақстан Жоғарғы кеңесі Төралқасының мүшесі болды. Ол бірнеше ордендермен және медалдармен мараппатталды.

1.2 Жұбанның сырлы жырлары
Ақынның тұңғыш жинағы "Жеңіс жырлары" деген атпен 1949 жылы жарық көреді. Адуынды жырларымен ұлттық әдебиет әлемінде тез танылады.
Жұбан -- өзінің атақты "Мен -- қазақпын" деп аталатын поэмасымен қазақ әдебиетінің ірі тұлғасына айналған, отансүйгіштік жырларымен халық жүрегінен орын тепкен ақын. Ол -- Ұлы Отан соғысы жылдарында келген ұрпақтың ірі талантты өкілдерінің бірі. Бұл жылдары жыр әлеміне келген ақындар шығармашылығында Отанға деген ерекше махаббат, халықты ерлікке шақыру, жеңіске деген үлкен сенім жатты. Сондай-ақ азаматтық намыс, кек, елге, жерге деген сағынышқа толы болды. Осы ерекшеліктер Жұбан Молдағалиевтің 1949 жылғы "Жеңіс жырлары" кітабында анық байқалады.
Ж. Молдағалиев туған жері -- Жайық бойы жайлы әдемі жырлар қалдырды. Ал 1914 жылы жазылған "Сағындым, Жайық" өлеңінде ақын өзінің суреткерлігімен көрінеді.
Сағындым сені, Жайық, алма бақты,
Өткізгем өз бойыңда жастық шақты.
Сүюші ем төңкерілген толқыныңды,
Солқылдап соғып жатқан жарқабақты.
Суына қармақ салып, ілгем талай,
Күмістей жалтыраған ақ шабақты!
Мұнда ақын туған, өскен жерге деген сағыныш сезімін өзен, толқын, "күмістей ақ балық", т.б. нақты дәл берілген суреттер арқылы оқырманның көз алдына келтіреді. Жайықтың әсем көрінісі өрнектеледі.
Алғашқы жырларынан-ақ Жұбан жалаң ұраншылдыққа берілмей, адамның шынайы көңіл күйін, сезімін қоршаған ортаның шындығымен астастыра жырлайды. "Алматы тау өзені" өлеңінде:
...Тау текедей бір ұсталмай
Тастан-тасқа атылды.
Темір тиген хрустальдай
Шытынайды, уатылады, -- деген жолдарда ақын толқындардың шатынауын естіртеді, өзен ағысының күштілігі көз алдымызға келеді. Өлеңнің әсерлілігі, өлең ерекшелігі келесі шумақта бір-бірімен байланыста жымдаса түседі.
...Тау бұйырса, сыз бұйырса,
Желе жортар желі даяр,
Кұз құласа, мұз құйылса,
Сең-сең тасы, селі даяр... -- деп, ақын тау өзенінің жан-жақты тағы бір қыр-сырын аша түседі.
"Қазақ тілі" өлеңінде алдымен халқымыздың көне дәуірден бергі тарихына үңіле келіп:
...Жерленген әсем қалалар,
Мүжілген, шөккен
Таулар да
Шұбарлап түзді.
Алалап
Шеру сап өткен жаулар да...
Жау тисе сырттан өріске,
Салыпты бүлік бәрі іште,
Пана да түскен бөліске,
Ана да түскен бөліске... -- деген жолдарда ауыр тауқымет, жау ойраны, азап тартып бәрін көтерген, басынан кешірген ана мен жер, іштегі бүлік, бөліске түскен мал мен жай тағдырына үңілдіре түседі. Осындай қиын кезеңді басынан өткізген бүкіл халық тағдырына ортақтаса түсеміз; келесі шумақтар оқырманды өзіне тарта түседі...
...Бүтіндік, бірлік
Ерсі боп,
Жақында мал-жан енші боп.
Тіліміз ғана тұрьш та
Емші боп әрі елші боп.
Сол ғана қалған бөлінбей
Бөліске түсер кезде ондай
Сол ғана қалған бөлінбей --
Жүректей, Күндей, Ождандай ... -- деп, жау ойранында бөліске түспей, қадір-қасиетін сақтап қалған тіліміз ғана болғанына еріксіз куанасың. Ана тілінің құдіретін танытуда ақынның ең алдымен қиын асуларды суреттеуінде үлкен мән жатқанын байқауға болады. Қандай қиыншылықта да тілдің сақталуы өз оқушысын ойландырмай қоймайды.
"Бокс заңы бойынша" өлеңінде ақын алдымен оқырман назарын бокс заңына аударып, өмірдегі кездесетін күншілдікті, нағыз талантты көре алмаушылықты сынап, әшкерелейді.
Жекпе-жек -- заңы бокстың
Бірге -- жүз қарсы тұру жоқ.
Желкеден періп оқыста,
Кіндіктен төмен ұру жоқ...
... Тұрмыста, әттең, қарсы жақ
Бетпе-бет келе бермейді -- деп өкініш білдіре отырып:
Жүгінсін бокс заңына,
Ар-ұят деген сотты ұқсын,- деген жолдар арқылы адамдыққа, адамгершілікке үндейді. Өлең көпшіліктің көкейіндегісін тап басуымен әсерлі.
Жұбан Молдағалиев өзінің кейбір лирикалық өлеңдерінде: "Аққу", "Махаббатты жырласаң", "Аққуым аспанда емес, жер бетінде", "Көзімде қалды суретің", т.б. сияқты жырларында адамды сүю, бағалау, жар сүю, ана махаббатын аялау, Отан сүю сезімдерін сабақтастыра жырлайды. Мәселен, "Махаббат ерлігі" атты өлеңінде махаббаттың құдіретті күші нені болса да жеңетінін паш етеді, екі мүгедектің (соқыр мен ақсақ) бірін-бірі демеп, сүйеп жүріп өнер көрсетуі өмір мен тіршіліктің өлмес күші екенін танытады.
Ақын "Мен қазақ әйеліне қайран қалам" деген белгілі өлеңінде, тарихтың тәлкегіне көне жүріп, небір қиыншылықты басынан өткізсе де аналық бейнесін сақтаған әйелді ақын дүниенің бар салмағын көтерген жермен теңестіреді.
Қай өлеңінде болмасын, даланың табиғатын да ол адамдық сезіммен қабылдайды. Оны қимас адамы -- анаға балайды:
...Мен үшін қазақ жерінің
Жаманы мен жаты жоқ.
Мен үшін қазақ жерінің
Анадан өзге аты жоқ.
Ақын табиғатты қорғау, сақтай білуге үндеген көптеген өлеңдер жазды. Мәселен:
...Табиғат -- аңға да ана, маған да ана,
Қорғаныш бола білсе -- далам дана, -- деп, табиғатты анаға теңеуінде үлкен ой жатқанын көреміз. "Жалғыз ағаш" атты өлеңінде:
Әрине, ел көшсе де, жұрт қалады,
Жол салты жолаушыны құтқарады.
Көмулі тал түбінде торсық қымыз,
Шөл емі -- бірер дорба кұрт қалады, -- деп суреттейді. Мұнда барынша анық, түсінікті, барынша қарапайым жолдардағы шөл, құлазыған даланы мекен етіп өскендер, сол далада жол көшкендер бұл суретті айнымай таниды. Ақын мұнда дала үшін жалғыз ағаштың көрікті екендігін аша түседі. Сондай-ақ салт-дәстүр бойынша жолаушыға деп жанашыр, сезімтал қазақ халкының ағаш түбіне сақтаған сусын, ас-дәмі оның адамгершілік, адам сүйгіштік қасиетін асқақтата түседі. Осыдан келіп, жалпы қазақтың жомарттығы, қонақжайлылығы біртіндеп толыға түседі. Ақын "біз жомарт, дарқан елміз" деп құр айғайлап айтпай, нәзік суреттейді. Өзіндік үнін танытады.
Ал "Жер -- глобус" өлеңінде айрықша ештеңе жоқ сияқты көрінгенімен, лирикалық кейіпкердің бала кезінде мұғалімнен жердің глобус сияқты екенін, оны сақтау керектігін естігеніне шегініс жасай отырып, оны даралай түседі:
Жер емес, мұғалімнің басы маған,
Бір қызық глобус боп елестейтін... -- деген өзіндік ой-түйіндерімен көзге түседі. Өлең соңында кейіпкер есейеді, өзіндік көзқарасын саралай бар халықтарға тіл қатқан ақын үнін, даусын тыңдағандай боламыз.
-- Жер -- өмір. Адам сонда бағын сынар,
Алыссаң, жерді қорғап алысыңдар.
Адамдар, глобусқа сақ болыңдар!
Адамдар, таласпаңдар, табысыңдар! -- деп, ақын кейіпкері жеке өмірін бар халықтар тағдырымен шебер ұштастыра білген. Бүкіл адамзатты бірлікке, тыныштыққа шақырады, оқушысына ой тастайды. Мұнда тұтастай бір кесек образды, суретті жеткізуге арналғаны анық байқалады.
"Ғашық көзбен" атты лирикалық кітабы үшін Ж.Молдағалиевқа Қазақстанның Мемлекеттік сыйлығы берілді.
Поэзиядағы ең негізгі қасиет -- сөз тығыздығы, ой қалыңдығы, сыйымдылығы, айқындылығы болса, мұнда ақын шеберлігі біртіндеп таныла түседі. Ақын өлеңдерінде жалтыраған сөз қатары емес, әр сөз өзіндік мағына арқылы көрінеді:
Ризамыз бүгінге, біз кешеге,
Бір ғұмырды таныттық бірнешеге,
Не тілесе туған ел -- сол болдық біз.
Бірде семсер, бірде орақ, бірде шеге.
Осы шумақта бейбітшілік егінін, жемісін егу, "шеге" арқылы құрылыстағы еңбекті дәріптеу -- бәрі үйлесе келіп, туған елге деген ақын сүйіспеншілігін таныта түседі.
"Тірілерге тіл қату монологы" жаралы жауынгердің өлім алдындағы жан сырын жеткізуге арналған. Соғыстың, арпалыстың, азаптың ортасында от оранып жатқан жауынгердің тіршілікке, жарық дүниеге құштарлығы оқушыны бей-жай қалдырмайды. Ажалмен арпалысқан жанға шипа болған, тыныс берген, асыл сезімді, махаббатты паш етеді. Бұл пенделік емес, адамзаттық асыл сезім, үзілген өмір қосқан сезім екенін айқындай түседі.

1.3 Қазақтың эпик ақыны
Көптеген лирикалық өлеңдер жазған ақынның эпикалық талантының да жоғары екенін көреміз. Ол жазған поэмалар стильдік, жанрлық үлгілері жағынан әр түрлі және қазақтың эпикалық поэзиясын биікке көтеріп, жаңа сапамен байытқан туындылар болды. Алғашқы поэмаларында -- "Нұрлы жол", "Қызыл галстук", "Қиял қанатында" -- ақын жастарды патриоттыққа тәрбиелеу, еңбекке баулудың проблемаларын көтерді. Балалардың келешегі үшін, олардың болашағы әрқашан күн тәртібінен түспейтіні кімді болса да толғантар мәселе екенін ақын айқын, дәл суреттей отырып, жастарға үлкен сеніммен қарайды. Заман, дәуір шындығын шебер суреттеуде ақын жеткен табыстар аз емес.
"Жыр туралы жыр" (1956) поэмасында ол эпикалық талантын көрсетуде жаңа қырынан таныла түседі. Мұса Жәлел өмірі қатты толқытқан ақын ерліктің сыры мен өмір шындығы жайлы сыр толғай білді. Батырдың бейнесін жан-жақты ашуда сезімталдығы, сыршылдығы адам ерлігі мен елге, жерге деген сүйіспеншілігімен астаса жырланады. Мұса Жәлел жырының рухын биікке көтеріп, асқақтата түседі.
Ж. Молдағалиевтің ақындық даңқын көтеріп, оның есімін әдебиет әлеміне енгізген шығармасы -- "Мен -- қазақпын" поэмасы (1964). Бұл поэмада ақын қазақ халқының өткен өмірі мен тағдыры жайлы лирикалық-публицистикалық стильде толғана жырлады. Қазақ халқының ұлттық ерекшеліктерін ашуда, оның ерлік дәстүрі, туған жер мен ел, оның байлығы, адамдары жайлы асқақтата көркемдеп жырлай білді.
Мен -- қазақпын, мың өліп, мың тірілген,
Жөргегімде табыстым мұң тілімен.
Жылағанда жүрегім күн тұтылып,
Қуанғанда күлкімнен түн түрілген.
Мен -- қазақпын, ажалсыз анамын мен,
Құрсағыма сыйдырам даланы мен.
Пәк сәбимін бесікте уілдеген
Дәуірлермен құрдаспын, данамын мен, -- деген өлең жолдарынан-ақ ақынның қазақтық азаматтық, патриоттық намысын бірден танимыз. Өзінің "қазақ" екенін ағынан жарыла ерекше шабытпен жырлауы -- оның ерлігінің бір көрінісі десек қателеспейміз.
Бұл поэмада ақын қазақ халқының басынан кешірген небір қиын кезеңдерді суреттейді.
Ақын қазақ халқының сан ғасыр бойында ауыр азаппен өткен тағдырын еске түсіреді. Қазақ елінің талай шапқыншылыққа ұшырағанын, бірақ халық бәріне төтеп, беріп, өзін қорғай білгенін, елдігі мен салтын, ұлттық қасиетін сақтап қалғанын мақтана, асқақтата жырына қосады.
...Қарсыласпай өлмедім, қан татырдым,
Құлап қалсам атымнан, қайта тұрдым.
Сансыз басты диюдай сан тіріліп,
"Мен -- қазақпын" дегенді айта тұрдым, -- деп, оқырманды жігерлендіре түседі. Ерлік, қарсылық, күш, қуатты жырға қосып, "құласа да қайта тұрьш" өзінің қазақ екенін тағы да жүрек жара, жан даусымен қуана, шаттана жеткізеді. Енді бірде қазақтың ән-күйінің құдіретін өзгеше бір үнмен суреттейді:
... Күй емес пе, ботасыз нар идірген?
Ән емес пе, аққудай жар ілдірген?
Жыр емес пе жүрекке жел бітірген?
Олар барда қалайша тарылды іргем? -- деп, қазақ халқының ән-күйі мен жырының өзіндік ерекшелігін, даралығын паш етіп, мұндай өнері бар халықтың ешқашан мойымайтынына үлкен сенім артады. Поэманың келесі бір шумағында ақын:
Шалқы, қазақ, шалқитын заман келді,
Текке қанын төккен жоқ Аманкелді.
Кең далаңда керіліп, атыңды атап,
Жырла, қазақ, жаңа күй, жаңа ән келді... -- деп, қазақ халқына жаңа заманға сай болуға, еркіндікті, елдікті, бірлікті сақтауға үндейді. Елі үшін құрбан болған Әлия, Мәншүк, Төлегендерді жырына қосып, олардың ерлігін, олар бастаған жол, халық бақытының түп қазығы болғанын суреттей отырып, олардың ісін жалғастырушы бүгінгі ұрпақ екенін мақтан ете жырлайды. Мерейі өскен бүгінгі бақытты халқымыздың қуанышы жыр боп төгіледі. Бүгінгі таңда еліміз егемендік алып, осы азаттық жолындағы "мың өліп, мың тірілген" кездерді еске алғанда ақын арманы поэма шумақтарынан анық байқалады.
Ұлы аманат етейік еркіндікті,
Ел құлдықты білмесін, жер күңдікті,
Аңсаймын мен, сенемін, туады ертең.
"Қазақ болу -- зор бақыт" дер күн тіпті... -- деген өлең жолдары бүгінгі "егемендікті" жыр еткендей әсерге бөлейді. Ақын болашаққа сенеді. Сондықтан да ол ақынша желпіне, көңіл күйдің ырқына беріле жырлайды. Енді бірде ақын:
Мен -- казақпын қаныммен, сүйегіммен.
Сән-салтанат, салтымды сүйемін мен, --
... Өз бейнеңдей әлемге тұр танылып.
Қазақстан гербі де, жалауы да, -- деп шаттанады, қазақ елінің ешкімнен кем емес екенін дәлелдей түседі. Ақын өз жырының елі үшін ешқашан таусылмайтынына ерекше қуанады.
Мен -- казақпын, биікпін, байтақ елмін,
Қайта тудым, өмірге қайта келдім.
Мың да бір тірілдім мәңгі өлмеске --
Айта бергім келеді, айта бергім, -- деген өлең жолдары бүгінгі күн үшін айтылғандай сезіліп, ақындық даңқын көтере түседі.
Жұбан Молдағалиев өмір шындығының әр саласына терең үңіле отырып, жетпісінші жылдары "Қыран дала", "Сел", "Байқоңыр баспалдақтары" атты поэмалар жазды. Мұнда жаңа деректерге сүйенген ақын, заман шындығын, адамдардың ерлік істерін суреттейді. Халықтың бейбіт өмірдегі тыныс-тіршілігін айқындап, тарихи салыстырулар арқылы өткен өмір және болашақ жайлы толғаныстарын, өз ойларын толық ашып көрсетеді. Эпикалык поэма үлгісін жалғастырып, толықтыра түскен ақынның қай поэмасы болмасын, қызық сюжетті, оқиғалы больш келеді.
Ж. Молдағалиевтің поэмалары бүкіл одақ көлеміндегі үздік еңбектердің қатарында бағаланып, КСРО Мемлекеттік сыйлығына ие болды. Оның шығармаларында қазақтың ұлттық мінезі, сипаты терең ашылып бейнеленді.
86-ның ызғарлы желтоқсанындағы дүрбелең халық көкейінде әлі жаңғырып тұр. Уақыт алға жылжыған сайын кезінде айтылуға тыйым салынған шындықтар там-тұмдап болса да, оқиғаны көзбен көргендердің аузымен айтыла бастады. Жастардың зиялы қауымға деген сенімсіздігі де сол кезде қалыптасты. Ызғарлы желтоқсан оқиғасының басы-қасында болған жастар аға буынды "алаңдағы жастарды қолдамады, қорғамады, керісінше бірге жазаласты" деп әлі күнге дейін кінә артса, сол кездегі оқиғаға жаны ауырып, жастарға араша түскен бірлі-жарым зиялы қауым өкілдерін әлі күнге құрметпен еске алысады. Сол құрметке ие азаматтардың бірі - ақын Жұбан Молдағалиев. Ақынның "Желтоқсанның көргенше он алтысын, Бір күн бұрын батсамшы батар күнмен" деген жүрекжарды шындығы ауыздан-ауызға жететін бүгінгінің аңызына айналғандай. Жұбан ағаның осы азаматтығын көзбен көрген ақын Ақұштап Бақтыгеерева өз естелігінде төмендегі жайттарды тебірене отырып әңгімеледі.
Жұбан ақынның өз сөзі
Жазушылар үйіндегі Жұбан Молдағалиевтің айтқан сөзі кейін баспасөз беттерінде, әр жерде бұрмаланып, жұмсақталып айтылып жүрді. Бірақ сондағы айтылған шын сөз менің құлағымда дәл сол күйінде әлі жаңғырып тұр. Жұбан ақын қатқыл үнмен былай деген: "Что хотите от моего народа, дорогой товарищь? Казахстан был лабораторией дружбы народов. Отняли у нашего народа все. И веру, и язык. Ваши братья поднимая целину, (топтали) тракторами степных (могил) моих предков. И это мы простили. Что еще хотите?"
Көзкөргеннің көңілге түйгені
Біз алаңдағы оқиғаны көзбен көрдік. Кейінгі буын оның шындығын жете білмейді. Естіген деректер, оқыған дүниелер бойынша саралайды. Сол себепті де біз, көзкөргендер, оқиғаның ағын "ақ", қарасын "қара" деуіміз керек. Менің ақын сөзінен көңілге түйгендерімнің бірі ғана төмендегідей өрбіді:
...Жаңа жылдық халыққа сәлем жолдап,
Жазушылар үйіне Колбин келді.
Біреулер бастық көрсе қуанатын,
Біреулер жүр жалпылдап сұрап атын.
Бір кезде жазушылар мінбесіне,
Барады көтеріліп Жұбан ақын.
Қазақша акцент толқыған қатал үнмен:
"...Ақынша айтсам, бұл елдің бұл мазағын,
Менің елім көтерді күллі азабын.
Тың жерін де игерген бауырларың
Тракторге таптатқан қыр қазағын.
Көнді емес пе, оған да халқым менің,
Берді емес пе байлығын, алтын, кенін?!
...Кеше алаңда сабаған - сенің тегің,
Ал таяқты жегендер - менің балам.
Ақын жүрек тартуда содан қайғы,
Шыдамаймын айтпауға жарап жайды.
Кешір мені, замандас, осы жолы -
Жұбан сізбен пікірлес бола алмайды!..
Шындығында да, Жұбан аға айтарын түгел айтты да: "Я не могу быть вашим сторонникам!" - деп, ақырын басып, мінберден түсіп кетті. Залда отырғандар сілтідей тынды да қалды. Не қол соға алмайды, барлығы тек іштей құптағаннан басқа еш әрекетке бара алмады. Өйткені бір-бір құқық қорғаушы барлығымыздың желкемізден төніп тұрған-ды. Бірақ бір кезде залдағы тыныштықты аяқ тарсылы басып кетті. Қол соға алмаған әлеумет аяқтарымен жер тепкілеген. Құдды бір залдағылардың ішінде Жұбан - бөрі, біз - қояндардаймыз...
Жар сөзі
Жұбан Молдағалиев өмірден өткеннен кейін ол кісінің жары София апай бір әңгімесінде Ақұштап Бақтыгерееваға Колбиннің келуіне ақынның қалай дайындалғанын айтып беріпті: "Колбин келерден бір күн бұрын ол кісіге Орталық Комитеттен телефон соғылады. "Сіз "Мен - қазақпын" деп жырлаған ақынсыз. Ертең бірінші басшы келеді. Соның алдында бүкіл зиялы қауымның атынан сөз сөйлейсіз. Жақсылап дайындалыңыз" дейді. "Жарайды" деп уәдесін беріп алған соң ол кісі түнімен сөз жазып дайындалды. Ары бір, бері бір жүріп, бөлмені кезіп кетті. Бір кезде таң қылаң бере түнімен қиналып жазған қағаздарының бәрін жыртып тастады да, сыртқа шығып кетті. Содан артынан жиналыста айтқаны елге мәлім"...

Жайықтың топырағы небір таланттыны өмірге әкелген киелі топырақ. Айдыны көркем Ақжайық адуынды ақынды да, қаламы қарымды жазушыны да, дауылпаз күйші мен дарынды әншіні де кеудесіне сыйғызған дара топырақ.Сол топырақтың атын шығаруға үлесін қосқан, қазаққа біткен шоқ жұлдыздың бірі - Жұбан. Жәй ғана Жұбан емес, Жайықтың Жұбаны.
Мен өзім Жұбанды қаламынан қан тамған-ақын деп атаймын. Өйткені, Жұбанның жырынан соғыстың үні мен қасіреттің иісі шығатын секілді. Соғыс салған қанды жараның орны қансырап тұрады, Жұбанды оқысам. Отан қорғауға аттанған боздақтар есіме түсіп, сол бір мың тоғыз жүз қырық бірдің алаңында жүргендей болам. Өлеңі Жайықтың толқынында тербелген, ақын, артына алты алашқа азық болар мол мұра қалдырғаны бәріне аян. Ақын Жайықты аңсап, сағынған кезде:
Ең кемі, туған жердің топырағыдаЖүрегін толқытады жауынгердің.Асынып аттанарда қару-жарақ,Серт еткен ұландарын саған карап.Толқының тіл қатқандай болды бізге:Жағамды жүрмесін, - деп жау аралапЕсінде жүрдің, Жайық, елеріңніңШапқанда атакаға сан ұралап.Сонда біз сен үшін де соғысқанбыз.Ұшынан штыктардың қан сорғалап - деп қан сорғалаған штыктарды көз алдымызға әкеп, сұм соғысқа Ақжайықтың куә болғанын, толқынында сол соғыстың ізі қалғанын байқаймыз, сеземіз.
Қазақтың әдебиетіне асыл қазына боп қосылған Мен-қазақпын поэмасы, күллі Алаш жата-жастана оқитын нағыз ұлттық шығармаға айналды. Оқыған жанды отансүйгіштік пен патриоттыққа тәрбиелеп, қазақ екендігіне мақтана қарайтын ұрпақты тәрбиелеуге зор үлес қосатын мықты шығарма. Әлемнен, әлемнің жаңалығынан сырт қалып, артта жүрген қаймана қазақтың өткеніне өкінішпен қараса да, тарихын құрметтеп, болашағына сеніммен қарауға тәрбиелейтін поэманың әр сөзі ұлылық пен ұлтжандылыққа тұнып тұр.
Әдебиет зерттеушісі Зейнолла Қабдолов бір сөзінде Жұбан Молдағалиев - қазақ поэзиясындағы, әдебиетіміздегі ірі құбылыс. Ол - Оралдың ғана ақыны емес, қазақтың Жұбаны-деген сөзді бекер айтпаған. Күллі қазақ атын естісе елең ете қалатын нар ақынды бүгінде, қаламгер бауырлары ғана емес, бүтіндей ұрпақтары да жырға қосып, мақтап, марқайып жүреді. Мектеп жасындағы баладан, еңкейген қартқа дейін Жұбанды танып, Жұбанның жырынан қуат алып келеді. Бүлдіршіндеріміз Мен-қазақпын деп жырлай жөнелгенде, тұтас бір ақынның ғұмыры текке кетпеген ау деп, риза боласың. Риза болмасқа амалың жоқ, өйткені әдебиет сахнасына жарқ етіп келіп, жұлдыздай жанып, қайта сөніп,аты ұмытылып кеткен ақын жандар қаншама. Ал, Жұбан ше? Жұбанның жөні қашан да бөлек! Ол өлмейтін ақын. Өлмейтін жыр жазған , өлмейтін ақын!Бүкіл қазақ даласы жатқа оқитын Мен-қазақпыны халықтың жанымен үндескен, бірігіп, бір тұтас боп кеткен, әдебиеттің шоқтығы биік шығармасы. Ғасырларды бір-бірімен жалғайтын алтын көпір.
Осы бір әдебиеттің биік шоқтығын ұрпаққа жеткізуді мен борышым деп білемін. Иә, мен жай ғана - ұстазбын. Бірақ, мен әлемдегі ең тамаша тіл, қазақ тілі мен әдебиетінің ұстазымын. Сондықтан, мен бұл асылды ұрпағым мен шәкірттеріме, құнын жоғалтпай, өз биігінде түсіндіріп, жеткіземін деп ойлаймын. Жұбанды оқуды, Жұбанды сүюді, Жұбанды түсінуді үйретемін. Әдебиет сүйер жандар барда, Жұбан жыры ешқашан өлмейді. Оның мәңгі жасары сөзсіз!
Жұбан Молдағалиевтің соғыс тақырыбына жазылған поэмалары
Қазіргі қазақ әдебиетіндегі поэма жанрына, оның табиғатына көңіл аударсақ, поэманың анық танылған үш түрін көреміз. Олар: эпикалық поэма, лирикалық поэма, лиро-эпикалық поэма және лиро-филолсофиялық поэмалар. Одан өзге тарихи поэма, сатиралық поэма, дидактикалық және романтикалық поэма тәрізді де түрлері баршылық. Әрине, бұл поэмалардың бір-бірінен өзара айрымашылықтары, әрқайсысының өзіне тән спецификасы болатына мәлім. Бұл, көбінесе, олардың сюжетінен, тақырыптық ерекшеліктерінен т.б. жақтарынан байқалады. Мысалы, таза лирикалық поэмаларда сюжет болмайды. Ал эпикалық, лиро-эпикалық поэмаларда сюжет болуы шартты нәрсе. Сондықтан да эпикалық және лиро-эпикалық поэмаларды сюжетті поэмалар деп атау көптеген әдебиеттерде мықтап ... жалғасы

Сіз бұл жұмысты біздің қосымшамыз арқылы толығымен тегін көре аласыз.