Банктік маркетингтің теориялық аспектілері

Пән: Маркетинг
Жұмыс түрі: Дипломдық жұмыс
Тегін: Антиплагиат
Көлемі: 57 бет
Таңдаулыға:

КІРІСПЕ

Тақырыптың өзектілігі. Банктік жүйе республикадағы экономикалық әр түрлі жағдайлардан өтіп, аса көңіл аударуды қажет етеді, өйткені экономикалық жүйенің катализаторы болып табылады. Банк жүйесінің жетік болуы халық жағдайын бейнелейді, себебі банк табыстарының көпшілігі халық салымдарынан тұрады.

Банктік жүйе экономика жүйесінің даму процестерінің тездетілген шарттарында мемлекеттік бәсекелік қабілеттілігін көрсететін басты факторлардың бірі. Банктер халық жағдайын жақсартуға, кәсіпкерлікті дамытуға, өз істерін бастауға несиелер беру арқылы көмектеседі. Осы арқылы халықтың да, жалпы мемлекеттің де әл-ауқатын жақсартады.

Қазақстанда нарықтық экономиканың инфрақұрылымдары мен оған қатысты механизмдердің қалыптасуының жүзеге асуы әсерінен маркетинг термині экономикалық әдебиеттерімізде пайда болып, тұрмыстық өмірімізде қолдануда зор перспективаға жетті. Қазақстан экономикасын көтеруінде бизнестің негізгі элементі ретінде маркетингтің атқаратын ролі айқын. Соңғы жылдарды еліміздің экономикасы көптеген қиындықтарға қарамастан тұрақтануға бағытталып, жаңа сапалы көрініс алды. Бұл экономиканың субъектілерінің іскерлік тәсілдерінің өзгеруімен, кешенді маркетингтік іс-әрекеттер мен маркетингтік технологияларды қолданумен сипатталады.

Қызметтер саласында банктер екінші болып, авиакомпаниялардан соң, маркетингті қолданған. Алдымен маркетингтің бөлек элементтері ғана қолданылған, ал қазір банктер оның маңыздылығын түсініп, үлкен маркетинг басқармаларын құруда.

Бүгінде банктік жүйе нарық инфрақұрылымының құраушысы болғасын өндіріс және экономикалық қатынастарды қалыптастыруға ықпал ететіндіктен, бұл сала өз қызметін маркетинг арқылы әр тараптандыра алады. Соңғы кездердегі банктік жүйенің іщінде, сондай-ақ банктер арасында және банктік емес институттар - сақтандыру және зейнетақы қорлары, әр түрлі инвестициялық қаржылық компаниялар арасында, халықтың ақшалай құралдарын тарту мен оларға әр алуан банктік өнімдер ұсыну аясында, бәсеке күшею жағдайында өзінің нарықтық сегментін табатын, клиенттердің сұранысына бейімделе алатын банк ғана өмір сүре алады.

Тауарлар мен қызметтерді сату кез келген кәсіпорынның іс-әрекетінде маңызды кезең болып табылады, банктік істе осыдан бөлек емес. Банк басшылығы саясатының және оның барлық бөлімдерінің жұмыстарының мақсаты клиенттерді тарту, өз өнімдерін өткізу сферасын үлкейту, соңында пайданы өсіру болып табылады. осыған жетудің құралдары банктік маркетинг құралдары болып табылады.

Коммерциялық банктердің жұмысын талдауына, ссудалық капитал нарығын зерттеуге, банктің жеке клиенттерінің әлеуметтік - психологиялық ерекшеліктерін білуге, банктік қызметтерге сұраныс пен ұсынысты анықтауға, банктің ағымдық және ұзақ мерзімді стратегиясын белгілеуде маркетингті белсенді қолдануды талап етеді.

Тақырыптың қарастырылу деңгейі. Банк саласындағы маркетинг тақырыбы алыс және жақын шет ел ғалымдарының Ф. Уайт, Питер С. Роуза, Р. Дональд, Томас Майер еңбектерінде көрініс тапқан. ТМД елдеріндегі экономистер біздің банктік жүйемізге маркетингті қалыптастыру принциптерін бейімдеуге ұмтылған. Бұл тақырыпқа ерекше қызықтығын ресейлік және отандық ғалымдар танытқан: А. Н. Романов, И. О. Спицын, Я. О. Спицын, Э. А. Уткин, С. Н. Нысанбаев, А. Н. Тулембаева, К. Р. Нургалиев, Ш. Р. Абдильманова.

Сол уақытта Қазақстанда бұл тақырып әлі жеткілікті деңгейде қарастырылмаған, себебі көптеген екінші деңгейлі банктерде маркетинг маңызын әлі түсіне қоймаған бөлімі басқа бөлімдер құрамына кіріп, маркетинг кәсібіне жатпайтын қызметтер атқаруда.

Жұмыстың мақсаты - Бітіру жұмысының мақсаты - Қазақстан Республикасында банктік маркетингтің даму теориясы мен практикасын зерттеу.

Осы мақсатқа жету үшін келесі міндеттер алға қойылды:

Банктік маркетинг түсінігі мен мәнін терең қарастыру;
Қазақстан Республикасындағы коммерциялық банктердегі маркетингтің қалыптасуы мен дамуын қарастыру;
ҚР-ғы банктік маркетингтің қазіргі жағдайын бағалау.
Банктік қызметтегі маркетингтің қазіргі кезеңдегі даму бағыттарын коммерциялық банктер мысалында бағалау;
Маркетингтік технологияларды қолдану бойынша ұсыныстар жасау.

Жұмыстың құрылымы кіріспеден, екі бөлімнен, қорытындыдан, пайдаланылған әдебиеттер тізімінен, қосымшалардан тұрады.

Бірінші бөлімде банктік маркетингтің жалпы түсінігі, мәні, банктердегі маркетинг кешенін құру мен клиенттерді белгілеріне қарай сегменттеу және маркетинг қызметін ұйымдастырудың теориялық аспектілері баяндалған.

Екінші бөлімде Қазақстан Республикасындағы коммерциялық банктердегі маркетингтің дамуы, «Нұрбанк» іскерлігі талданып, маркетинг қызметі қарастырылған.

Қорытындыда тақырыптың негізгі жағдайларын айқындайтын мәнін ашу мен ұсыныстар баяндалады.

I - тарау. Банктік маркетингтің теориялық аспектілері

1. 1 Банктік маркетингтің түсінігі, мәні, қызметтері мен міндеттері

Банктік маркетинг өнеркәсіптен соң он жылдық кешігумен пайда болды. Алғашқы рет банктік маркетинг коцепциясын АҚШ-та 1950-ші жылдары қалыптастырды. Маркетингтің және капитал нарығының анализін кең қолданудың және тиісті стратегияны қалыптастырудың мысалы 1950-60-шы жылдары «Бэнк оф Америка» американдық коммерциялық банкінің саясаты бола алады. Оның стратегиясының ерекшелігі келесіде болды: банк кішігірім салымдарды қабылдады және кішігірім салымшылармен жұмыс жасады, ал бұл уақытта Американың басқа да коммерциялық банктері қол тартты. Қоры-тындысында «Бэнк оф Америка» сол кезде қаржылық күші бойынша АҚШ-тың 14000 банкінің алғашқысы болды. Бұл мысал банктер банктер салымдар-ды көбейтудің барлық мүмкіндіктерін қолдану керектігін көрсетеді, себебі ол банктің несиелік потенциалын өсіреді/1/.

Батыс Еуропада маркетингті банкте қолданудың қажеттілігіне кештеу келген (1960 жылдары) . 1970-ші жылдары банктік маркетинг түсінігі кең тарала бастайды. Мысалы, Италияда 1960 жылдары банктер еркін монополия жағдайында жұмыс жасады, олардың арасында бәсекелестік болмады. 1970 жылы жағдай өзгерді. Технологиялық революция банктерді жаңа клиенттерді іздеуге мәжбүр етті. Кәсіпорындар есеп айрысуларды банктер арқылы жүргізді, бұл банкті клиенттерге жақындатты. Өз кезегінде клиенттер банктерге жаңа қызметтерді алуға жолықты. 1980 жылдардан бастап банктік жүйе біршама өзгерді, банктерге қойылған көптеген шектеулер алынып тасталды. Ал бұл бәсекелестіктің өсуіне әкелді. Банктер қызметтер нарығын дамытуға көңіл бөле бастады және клиенттерді банкке байлап қоюға тырысты. Маркетингті жаңа технология емес, философия ретінде қарастыра бастады/2/.

Маркетинг қағидаларын банк қызметінде қолдану экономикасы дамыған елдер қаржылық жүйелерінің нарықтың банктік өнімдерімен толығуына әсері болды. Банктік өнімдер, яғни банк көрсететін әр түрлі қызметтер мен операциялар. Банктік сферадағы маркетингтің ерекшеліктері негізінен банктік өнімнің спецификасымен белгіленеді. Қазіргі қоғамда банктер әр түрлі операцияларды жүзеге асырады. Олар тек ақша айналымы мен несиелік қатынастарды ғана жүзеге асырмайды, сонымен қатар халық шаруашылығын қаржыландыруды, сақтандыру операцияларын, бағалы қағаздарды алып сатуды тағы басқаларды жүзеге асырады. Банктер айырбас сферасында қызмет етеді. Қандай да болсын банктің өнімі болып ақша айналымына кіретін төлем және несие құралдары табылады, сонымен қатар банктік өнім болып белгілі бір қызметтер табылады. Оларға келесі қызметтер жатады: төлемдерді ұйым-дастыру, несиелендіру, инвестициялық операциялар, кеңес беру кепілдік беру. Банктік қызметтердің ерекшелігі олар тек ақша көрінісінде болмайды, сонымен қатар құнның өсу көрінісінде де болады. Осы банктік өнімдердің ерекшеліктері банктік маркетнгтің спецификасын анықтайды. Басқа жағынан, банк заңды тұлғаның құқтарын иемденген дербес шаруашылық субъект, өз өнімін өндіріп, өткізіп коммерциялық төлем қағидаларының негізінде жүзеге асырылады. Кез келген шаруашылық субъект сияқты ол қоғамдық қажеттіліктерді қанағаттандыру сұрақтарымен айналысады.

Эконамикалық әдебиеттерде банктік маркетингтің әр түрлі анықтамала-ры кездеседі, олардың ішінен төмендегілерді келтіруге болады:

Маркетинг - бұл банктің стратегиясы мен философиясы, яғни нақ осы шақта, сол сияқты алдағы уақытта, алдын-ала анықталған мақсатқа жету үшін оны басқарудың жетекші саласы.
Банктік маркетинг - бұл клиенттердің нақты қажеттіліктерін ескере отырып, неғұрлым тиімді (қазіргі бар, болашақтағы) нарықтарды; банктік қағидаларды іздеу.
Банктік маркетинг - бұл өткен жылдардағы нарықтардағы тәжіри-белер мен өнеркәсіптік және саудалық фирмалардың қорланған тә-жірибесіне зерттеулер жүргізу, стратегиялық және тактикалық жос-парлау кезінде міндеттерді шешу үшін жаңа критерилер әзірлеуді жүзеге асыратын басқарудың бөлімі.
Банктік маркетинг - бұл банк өзгешелігінің принципті сұрақтарын қарастыратын, нарықты талдауды, нарық өзгешелігі бойынша стратегия міндеттерін және банк міндеттерін қосатын, маркетингтің жалпы бөлігі.

А. Н. Романов «Маркетинг» кітабында келтірген анықтамасы: «Банктік маркетинг банкті басқару жүйесін, яғни капитал рыногында, сондай-ақ оның жеке секторларында: банктік жүйеде, несиелік жүйеде, бағалы қағаздар нарығындағы тұтастай болып жатқан процестерді ескеру мен зерттеуді көрсетеді. »

Ал, И. О. Спицын мен Я. О. Спицынның «Маркетинг в банке» кітабында келтірілген. Бұнда оны нарықтық экономиканың әр түрлі даму деңгейлеріне қатысатын маркетингті басқару концепциясының призмасы ретінде қарас-тырған. «Маркетинг концепциясына бейімделу мақсатты нарықта айқындал-ған мұқтаждықтарды қанағаттандыруды ұйғарады. Осыдан банктің негізгі на-зары мақсатты нарықтың жағдайын тұрақты қадағалауға, клиенттердің қа-жеттіліктерін айқындау және мұқтаждықтарды қанағаттандыру үшін марке-тингтік шараларды жүргізуге шоғырланады. Банк пайда алуды қажеттілікеі максималды қанағаттандыру үшін қамтамасыз теді»/3/.

Осылардан келе, банктік маркетингті келесідей анықтауға болады. Банктік маркетинг бұл банктің тұтынушылар қажеттіліктерін ескеріп, тиімді банктік өнімдер нарығын іздеу және қолдану. Маркетинг бұл банктің стра-тегиясы мен философиясы. Банктік маркетинг көзделген мақсаттарға жетуге мүмкіндік береді.

Банктік маркетинг анықтамаларының көптігі Ф. Котлер бөлген бес концепцияға негізделеді.

өндірісті жетілдіру концепциясы - бұл жағдайда банктік әрекет тұтынудың кең таралған өнімдер мен қызметтерге бағытталуына негізделген.
тауарларды жетілдіру концепциясы, тұтынушының сапалы тауарларды қалауына негізделген.
коммерциялық әрекеттерді интенсивтендіру концепциясы, яғни өткізуді ынталандыру саласында шараларды интенсивті жүргізу.
маркетинг концепциясы, міндеті - мақсатты нарықтардың қажеттіліктерін анықтау және оларды әлдеқайда эффективті жолдармен қанағаттандыру.
әлеуметті - этикалық маркетинг концепциясы, қазіргі кезде бұл ең жетілген көзқарас деп саналады. Бұл концепция төртіншімен сәйкес, тек бұнда қоғам мүдделері ескеріледі/4/.

Банктік маркетинг түсінігін ашып, енді маркетингтің банктегі мақсаты, міндеттері, қызметтері, принциптеріне тоқталайық.

Банктік маркетингтің мақсаты - капитал нарығына қойылған талаптарға бейімделуге қажетті жағдайларды құру, нарықты зерттеуге шаралар жүйесін әзірлеу, бәсекелестік пен пайдалылықты көтеру болып табылады.

Банктік маркетингтің маңызды жағының бірі қарызгердің несие қабілеттілігін талдау. Бұған несиені өтей алмау факторларын зерттеу жатады. Соған орай банк үшін аса маңыздысы қарызгердің несиелік келісім шартқа сай несиені қайтаруға дайындығы мен қабілеттілігін анықтау.

Банк өз міндеттерін ресми бағдарламаларда бекітеді. Осы бағдарламалардан шығатын міндеттерді, банк міндеттері деп есептейді. Одан әрі ол нақтылана түсіп, банк міндеттерін жүзеге асыратын маркетинг міндеттеріне айналады. Маркетинг міндеттерімен маркетингтің нақты стратегиялары қалыптасады. Банк міндеттемелерін белгілеу маркетинг қызметінің белгілі бір кезеңі болып табылады. Банк міндеттерін қалыптастыруға келесі мәселелерәсер етеді.

Банк тарихы. Бұрынғы жетістіктер банк қызметіне үлкен әсер етеді, ал бұрын болған қателіктер оларды болашақта болдырмауға мүмкіндік береді.
Ішкі мәдениеті, яғни ішкі саясаты, ережелері. Ішкі мәдениет келесі факторлар әсерінен қалыптасады: қызметкерлер арасындағы ерекшеліктер (этникалық, сыныптық т. б. ) ; ққызметкерлер ктегориялары арасындағы еңбек мазмұнындағы ерекшеліктер; көбіне қызметкерлер мінез-құлықтарын анықтайтын санкциялар мен марапаттаулар жүйесі.
Банктік ұйымның құрылымы. Банктің ресми және бейресми құрылымы болады. Ресми құрылым кезінде банк қызметкерлеріне белгілі бір құқықтармен міндеттер беріледі. Бейресми құрылым кезінде банкке қажетті қатынастарды реттеудің күнделікті жүйесін құрайды.
Шешім қабылдайтын басқарушы тұлғалардың мінездемесі.

Банктегі маркетингтің негіз болатын міндеттері.

Берілген нарықтың үнемі өзгеріптұратын жағдайында банк жұмысының тиімділігін қамтамасыз ету.
Кредиторлар мен салымшылардың мүдделерін сақтау жағдайында банктің өтімділігіне кепіл беру, банктің жалпы имиджін қолдау.
Банк көрсететін қызметтердің сапасы, құрылымы, көлемі бойынша клиенттердің сұраныстарын максималды қанағаттандыру. Бұл іскерлік қатынастың орнықтылығы үшін жағдай туғызады.
Тапсырылған шекара, уақыт және қолда бар құралдар шегінде және өндірістік мүмкіндіктерде пайда алу, сондай-ақ нарықтың жоспарланған үлесін жаулап алу.
Банктің ішіндегі коммерциялық, ұйымдастырушылық, әлеуметтік бағдарламаларында кешенді шешім.

Осы міндеттерге сай банктік маркетинг үлкен сандық, сапалық, әлеуметтік көрсеткішке жетуді көздейді, мысалы, банк клиенттері мен олардың шоттарының, депозит көлемінің, несиелік салымдардың, инвестициялардың, банкпен жасалатын операциялар мөлшерінің, қызметтер сапасының, банк табысының көрсеткіштері санының өсуі, сапа жоғарлауы, қауіпсіздікті қамтамасыз етуі. Әлеуметтік көрсеткіштер ішінде - банк қызметкерлерінің кәсіби дайындығының дамуы, әлеуметтік мәселелерді шешу деңгейінің өсуі.

Анықтама бойынша «банктік маркетинг бұл банктің алдына қойылған мақсаттарына бағытталған философиясы мен стратегиясы»/5/. Стратегияны анықтау үшін маркетинг әр түрлі факторларды қалыптастырып, зерттейді. Қабылдаған стратегияға банктің ағымдағы жоспарлауы, ұйымдастырушылық құрылымы, кадрлік саясаты тәуелді. Осы факторларды банк қызметінде оптималды ескеру үшін маркетинг принциптерін қолдану маңызды. Банктік маркетингтің негізгі принциптері келесілерге желіп соғады:

Тұтынушыларға бағытталу мен клиенттерді танып білу;
Нарықтық жағдайға енжар бейімделу тәжірибесінен қызметтерге сұранысты белсенді қалыптастыруға өту;
Нарықтағы мүмкінжайыттарды алдын ала болжамдауға тырысу және мүмкін тәуекелдер жиынын қарастыру;
Шешімдерді қабылдау белгіленген жоспарланған мерзімде емес, қажеттіліктерді қанағаттандырумен байланысты потенциалды мәселелерді табу мөлшері бойынша қабылдау;
Ұзақ мерзімді коммерциялық жетістіктерге жетуді тірек ете отырып, қызметтерді неғұрлым тез және тиімді өткізу;
Сөзсіз өтімді болатын қызметті ғана өндіру керек, банк өндіре алатын өнімді ғана сатуға тырыспауы керек.

Енді банктегі маркетинг функцияларын атап өтейік:

Аналитикалық функциясы:Нарықты зерттеу; Тұтынушыларды зерттеу; Бәсекелестерді зерттеу; Қызметтерді зерттеу; Банктің ішкі және сыртқы ортасын зерттеу.
Өндірістік функциясы:Жаңа банктік өнімдерді шығаруды ұйымдастыру; Материалды-техникалық жабдықтауды ұйымдастыру; Қызметтің сапасы мен бәсекеге қабілеттілігін басқару.

Өткізу немесе алға жылжыту функциясы:Алға жылжыту жүйесін ұйымдастыру; Сервисті ұйымдастыру; Сұранысты қалыптастыруды ұйымдастыру және өткізуді ынталандыру; Мақсатты бағытталған өнімдік стратегияны жүргізу.
Басқару және бақылау функциясы:Стратегиялық және оперативтік жоспарлауды ұйымдастыру; Маркетингті басқаруда ақпараттық қамсыздандыру; Тәуекелді басқару; Маркетингті бақылауды ұйымдастыру.

Маркетинг ортасының әрбір иерархиясына қатысты маркетинг қызметінің міндеттері мен қызметтерін талдайық:

А. Макроорта - микроортаға әсер ететін факторлардан (демографикалық, экономикалық, экологиялық, техникалық, саяси, мәдени) тұрады, бұл өте кең түсінік.

Міндеті - макроорта дамуына болжам жасау.

Қызметтері:

Демографикалық аспект. Банк үшін мүмкіншіліктер мен қауіп әкелетін демографиялық беталыстарды болжау.
Экономикалық аспект. Проценттік қойылым, салықтың, инфляция және банкаралық несиелердің болашақтағы өзгерістер беталысының банкке әсерін болжау.
Экологиялық аспект. Табиғи ресурстар мен энергияның құнының және қол жетімділігінің өзгеруін болжау.
Техникалық аспект.
Саяси аспект. Заңдардың дамуын және банк стратегиясына ұсынылған заңдардың әсерін байқау.
Мәдени аспект. Клиенттің өмір сүру үлесіндегі өзгерістерді болжау, бұл банк қызметтеріне және іс-әрекеттеріне халықтың көзқарасының әсер етуі мүмкін.

Ә. Корпоротивтік орта.

Міндеті - жағдайды бағалау және корпоротивті ортаның құраушыларының дамуын болжауды әзірлеу.

Қызметтері - келесілерді талдау, бағалау, болжау.

Нарықтарды. Нарық көлемінің өзгеру беталыстары мен жағдайларын, оның өсу қарқынын, географиялық бөлінуін, сегменттерді және пайданы.
Тұтынушыларды. Клиенттер банктік өнім сапасын, қызмет көрсетулер мен бағаны қалай бағалауды.
Бәсекелестерді. Олардың стратегияларын, күшті және әлсіз жақтарын т. с. с. .
Өткізу арналарын. Олардың тиімділігі мен өзгеру беталыстарын.
Қарым-қатынас аудиториясын. Банк өзін осы аудиториямен қалай ұстауы керектігін.
Пайдалылықты талдау.

Б. Менеджерлік орта.

Міндеті - маркетинг саясаты мен банктік маркетинг қызметінің ұйымдық - штаттық құрылымын банк басшылығымен бекіту.

Қызметтері:

Нарыққа банктің мақсатының бағытталу деңгейін айқындау және қажет жағдайда оларды қайта түзету ұсыныстарын жасау.
Банк ресурстары мен мүмкіндіктеріне сай маркетинг міндетін бекіту.
Алға қойылған мақсаттарға жету үшін банк стратегиясының маркетинг құрылымдарын әзірлеу.
Банктің нарық сегменттерін «жаулап алуы» үшін ресурстарының жетістілігін бағалау.
Шығындарды талдау. Қандай маркетингтік іс-әрекет бағыттарының шығындары өте жоғары? Шығындарды қалай азайту керек?
Банктік маркетинг қызметінің ұйымдық құрылымын талдау.

В. Фирма ішілік орта.

Міндеті - банктің барлық бөлімшелерінің қызметкерлерінің қанағаттандырумен байланысты әрекеттерге әсер етуі.

Қызметтері - маркетинг қызметінің қызметкерлерін басқа бөлімшелердің қызметкерлерімен банктің маркетинг саясатын жүзеге асыру мәнісінде өзара әрекеттесуін қамтамасыз ету.

Г. Микроорта -қарым -қатынастар арқылы қалыптасады (банк ішінде, жеткізушілермен, делдалдармен, бәсекелестермен, клиенттермен) .

Міндеті - банктің жоспары мен сипаттамасын жасау кезінде туындайтын мына сұрақтар тобына жауап беру:

Кейбір банктік өнім түрін сатуды тоқтату керек пе? Қандай да бір жаңа банктік өнім еңгізу керек пе?
Банктің тарифтері клиент көзқарасы тұрғысынан банктің қызметкерлерінің тұтынушылық бағалауы сәйкес пе? Өткізуді ынталандыру мақсатында жеңілдіктер жүйесі дұрыс қолданыла ма?
Банктің нарықты қамтуы жеткілікті ме және қызмет көрсету деңгейі қандай? Тарату арналарын өзгерту керек пе немесе жаңасын еңгізе ме?
Жарнамаға шығындар жеткілікті ме? Жарнамалық хабарламалар жеңіл қабылдана ма?
Клиенттермен жұмыс істеу жүйесі дұрыс ұйымдастырылған ба?

Біз бұл бөлімде банктік маркетингтің түсінігін толық ашып қарастырдық. Оның атқаратын міндеттерімен, қызметтерімен, концепцияларымен таныстық.

1. 2 Банктік маркетингтің негізгі элементтерінің ерекшеліктері

Банктік маркетингтің негізгі элементтеріне өткізу, банктік өнім, бағалар және алға жылжыту жатады. Сонымен қатар маркетингтің дамуына байланысты келесілерді айтуға болады:

Персонал, оны оқыту және квалификациясы;
Қызметті тұтыну процесі, яғни ол қалай жүзеге асады және тұтынушы оны алу үшін қанша уақыт жұисайды;
Қоршаған орта.

Жоғарыда атағанымыз банктік маркетингтің дәстүрлі кешені, ал қазір европалық банктердің дамуына үлкен ықпал ететін жаңа технологиялар, ақпараттық құралдар дамуда. Сол себептен М. Бадок, Жоғары коммерциялық мектеб профессоры (Париж), маркетингтің жаңа кешенін - электронды маркетинг (e-marketing) жаңа банктік маркетинг түрін ұсынады. Бұнда негізгі мән келесі факторларға бөлінеді: ақпарат, технология, логистика/тарату, банк қызметкерлерінің коммерциялық және адамдық әлуеті. Бірақ бұл жай ғана ұсыныс. Маркетингтің бұл кешенінің табысты болатыны белгісіз және де әбден дәстүрлі кешенге бейімделген коммерциялық банктерде бұндай жаңашылды еңгізу оңай болмайды/6/. Сондықтан біз төменде дәстүрлі маркетинг кешенін талдайық.

Банктік өнім - бұл активті және пассивті операциялар бойынша банктік қызметтердің жүйесі. (активтер - бұл клиенттердің ссудалары бойынша банкке қарызы, пассивтер - бұл банк ресурстарының көзі) .

Банктік қызметтердің бірнеше ерекшеліктері бар, оларды маркетингтік стратегияны құру барысында ескеру керек:

Қызметтердің абстракталық мінезі, себебі клиент одан пайда тапқанға дейін оны материалды сезе алмайды, көріп бағалай алмайды. Жарнамада банктік қызметтермен пайданы тиімді көрсету үшін банк өз бәсекелестерін білу керек.

Банктік қызметтерді сезінуді көтеру үшін:

Клиенттердің қарым - қатынасының потенциалды пайдасына көңіл бөлу;
Жарнамаға беделді ұйымдарды тарту. Банктік қызметтерді нақты, яғни төлемдерді автоматтандырылған электронды жүйе жүргізеді, тез - уақыт икемділігі, қолайлы - банктің орналасуы жолдарға жақын, жаңаша - клиент қалауы бойынша банк автоматтандырылған құралдар орнатуы керек.

... жалғасы

Сіз бұл жұмысты біздің қосымшамыз арқылы толығымен тегін көре аласыз.