Жерді кадастрлық бағалаудың үлгілік ережесі

Жұмыс түрі: Дипломдық жұмыс
Тегін: Антиплагиат
Көлемі: 75 бет
Таңдаулыға:

МАЗМҰНЫ

Кіріспе . . .

: 1

Кіріспе . . .: ӘДЕБИЕТКЕ ШОЛУ. ЖЕР УЧАСКЕСІНІҢ КАДАСТРЛЫҚ ҚҰНЫН АЙҚЫНДАУ . . .

4: 6

: 1. 1

Кіріспе . . .: Жер учаскесінің кадастрлық құны . . .

4: 6

: 1. 2

Кіріспе . . .: Жерді кадастрлық бағалаудың үлгілік ережесі . . .

4: 9

: 1. 3

Кіріспе . . .: Кадастрлық жүйе мен жалпылай бағалау жүйесі арасындағы өзара байланыс . . .

4: 17

: 2

Кіріспе . . .: АЛМАТЫ ОБЛЫСЫ АЛАКӨЛ АУДАНЫНЫҢ АУМАҚТЫҚ ОРНАЛАСУ ЕРЕКШЕЛІКТЕРІ . . .

4: 22

: 2. 1

Кіріспе . . .: Алакөл ауданының географиялық орнына жалпы сипаттама . . .

4: 22

: 2. 2

Кіріспе . . .: Алакөл ауданының климаты мен агроклиматтық ресурстары . . .

4: 28

: 2. 3

Кіріспе . . .: Алакөл ауданының топырақ жамылғысы мен өсімдіктер дүниесі, оларды ауыл шаруашылығында пайдалану . . .

4: 32

: 3

Кіріспе . . .: АЛАКӨЛ АУДАНЫНЫҢ ЖЕР САНАТТАРЫ, АУЫЛ ШАРУАШЫЛЫҚ НЫСАНДАРЫ БОЙЫНША ОЛАРДЫ КАДАСТРЛЫҚ ҚҰНЫН БАҒАЛАУ . . .

4: 37

: 3. 1

Кіріспе . . .: Жер қорының жер санаттары және жер пайдаланушылар бойынша бөлінуі . . .

4: 37

: 3. 2

Кіріспе . . .: Ауыл шаруашылық мақсатындағы жерлердің кадастрлық құнын анықтау, актіні рәсімдеу . . .

4: 42

: 3. 3

Кіріспе . . .: Алакөл ауданы жер қорын ұтымды пайдалану жолдары, қиындықтары. .

4: 53

: 3. 4

Кіріспе . . .: Қазақстанда кадастрлық бағалау құнын айқындау мәселелері мен шешу жолдары . . .

4: 66

: Қорытынды . . .

Кіріспе . . .: 70

: Пайдаланылған әдебиеттер тізімі . . .

Кіріспе . . .: 72

: Қосымша А . . .

Кіріспе . . .: 75

Кіріспе

Жұмыстың өзектілігі. Бүгінгі күнде жерді бағалаудың қажеттілігі жер қатынастарының өзгеруіне және жерді, жер пайдалану құқығын сату-сатып алу мүмкіндігінің пайда болуына байланысты өсуде.

Ауыл шаруашылық жерлерді тиімді пайдалануды ұйымдастыру негізінде жерді экономикалық бағалау жалпы мемлекеттік жер-кадастрының құрам бөлігіне кіреді. Жер учаскелерінің сапасы әр түрлі болғандықтан, олардың әр қайсысына жұмсалған бір көлемдегі еңбек әр түрлі өндірістік нәтиже береді. Бұл жағдай өндірісте ауыл шаруашылық жұмыстарын жүргізу көрсеткіштеріне әсерін тигізеді. Сондықтан жер кез келген өзге өндіріс құралы сияқты өзінің өндірістік қабілетіне сай бағалануы тиіс.

Жерді бағалау нәтижелері іс жүзінде нақты мәселелерді шешуде, жерді тиімді пайдалану мен талдауды жоспарлауда; жер төлемдерін реттеуде, жер пайдаланымдардың оптимальды, оңтайлы мөлшерін анықтауда; жерді пайдалануды және қорғауды бақылауда, жерді алып қою кезінде шығындарды

қайтаруда атқаратын міндеті зор.

Қазіргі кезде кез келген жағдайда пайдалануға болатын жерді бағалау тәсілі жоқ. Жер халық шаруашылығында әр түрлі рөл атқарады, мақсатына байланысты жерді әр тұрғыдан бағалауға болады. Соған орай бағалау әдістері де әр түрлі болады. Мемлекетіміздің әр даму сатысында жерді бағалаудың әр түрлі жүйелері болды. Мәселен кеңестік Қазақстанда жерді бағалауда топырақтарды бонитеттеу, Республика аумағын табиғи-ауыл шаруашылық және топырақ климаттық аймақтау, жерлерді экономикалық бағалау жұмыстары жүргізілген. Осы жұмыстар нәтижелері ауыл шаруашылық салаларын орналастыруда, жоспарлауда, ауыл шаруашылық өнімдерінің сату бағаларын жіктеуде, реттеуде, жердердің пайдалауын салыстырмалы талдауда пайдаланылды.

Ауыл шаруашылығында жер негізгі өндіріс құралы болып қаралады. Бұл жағдайда ауыл шаруашылық алқаптарының көлем бірліктерінен түсетін жалпы кірісті, шығын мен таза пайданың қатынасын анықтау және капиталдау коэффиценті (банкілік пайыз + тәуекел ету) арқылы жердің нормативтік бағасын есептеу бойынша жердің құны анықталады.

Алакөл ауданы Балқаш - Алакөл ойысы мен Жетісу (Жоңғар) Алатауы аралығында орналасқан. Жерінің оңтүстік-шығысын Жетісу Алатауының Шыбынды, Қайқаң, Жабық, Күнгей Тастау, т. б. жоталары алып жатыр. Ауданның қалған бөлігі салыстырмалы түрде жазық келеді. Бұл жерлерде аласа таулар (Арғанаты, Арқарлы, т. б. ) мен құмды алқаптар (Қарақұс, Сарықұм, Тасқарақұм) алып жатыр. Солтүстігінде Алакөл топ көлдері (Алакөл, Ұялы, Сасықкөл, Жалаңашкөл) орналасқан. Жетісу Алатауынан бастау алатын Лепсі, Тентек, Шынжылы, Көксуат өзендері аудан аумағын кесіп өтіп, солтүстіктегі Алакөл, Сасықкөл көлдеріне құяды.

Алакөл ауданында суғармалы және тәлімі егін шаруашылығы дамыған. Онда негізінен астық тұқымдастар, техникалық дақылдар (қызылша) және картоп өсіріледі. Алакөл ауданына пайдаланылатын жерінің аумағы 165, 5 мың га, оның ішінде жыртылған жері 76, 7 мың га, шабындығы 87, 3 мың га, жайылымы 1, 46 мың га. Аудан жерінен Ақтоғай-Достық темір жолы және Алматы - Өскемен автомобиль жолдары өтеді. Үшаралдан облыс орталығы - Алматы қаласына дейінгі қашықтық 570 км.

Ауылшаруашылық жерлерін, жалпы жер қоры мен жайылымдарды геоботаникалық зерттеп-қараудың жай-күйі туралы мәліметтер, ветеринариялық-санитариялық обьектілер туралы мәліметтер, иелерін-жайылым пайдаланушыларды, жеке және (немесе) заңды тұлғаларды көрсете отырып, ауыл шаруашылығы жануарлары мал басының саны туралы деректер, ауыл шаруашылығы жануарларының түрлері мен жыныстық жас топтары бойынша қалыптастырылған үйірлердің, отарлардың, табындардың саны туралы деректер, шалғайдағы жайылымдарда жаю аридтік жайылымдарда ауыл шаруашылығы жануарларын жаю ерекшіліктері, мемлекеттік органдар, жеке және (немесе) заңды тұлғалар берген өзге де деректер ескеріле отырып қабылданған болатын.

Жұмысымда Алакөл ауданының ауылшаруашылық жерлерінің тиімді пайдалану жағдайы мен мәселелеріне аса басымдылық бере отырып, ауданның орналасу жағдайына сипаттама беріп өттім. Сонымен қатар кадастрлық құнын бағалау бойынша да бағалау жұмыстары атқарылды.

1 ӘДЕБИЕТКЕ ШОЛУ. ЖЕР УЧАСКЕСІНІҢ КАДАСТРЛЫҚ ҚҰНЫН АЙҚЫНДАУ

1. 1 Жер учаскесінің кадастрлық құны

Жер Қазақстан Республикасында табиғи ресурс, жылжымайтын мүлік объекті және өндірістің негізгі құралы ретінде құны бағалануы тиіс.

Баға - жылжымайтын мүлік объектінің немесе оған кез-келген қызығушылығының есептік немесе сараптама құны, оны жылжымайтын мүлікті бағалау мен талдау бойынша маман, уәкілетті тұлға орнатады.

Бағалау процессі - бағаны алу үшін пайдаланылатын іс-шаралардың белгілі реті.

Жер телімін бағалау процессіне келесі кезеңдер кіреді:

1 Кезең. Бағалау міндетін анықтау;

2 Кезең. Ақпаратты жинау, тексеру және талдау;

3 Кезең. Жер телімін ең тиімді пайдалану шарттарын талдау;

4 Кезең. Бағалаудың 3 тәсілі негізінде нарықтық құнын есептеу -шығындық, салыстырмалы және кірістік және алынған нәтижелерді үйлестіру.

5 Кезең. Бағалау туралы есепті дайындау.

Жылжымайтын мүлік объектісінің (жер телімі немесе жалға беру құқығы) құны деп бәсекелестік нарықта сату-сатып алудың ықтималды бағасын немесе осыған ұқсас басқа операцияларды (кепіл, сақтандыру т. б. )

жүргізуді айтады.

Басқа бағалау жұмыстары (нарықтық немесе инвестициялық құнын анықтау, сатып алу бағасын, ипотека құнын анықтау т. б. ) тәрізді жерді нормативті бағалау арқылы жер телімінің ақшалай құндылығы орнатылады.

Нормативті бағаны анықтайтын әдіс шығынды қажет етеді және жылжымайтын мүліктің бәсекелессіз нарығында қолданылады. Нормативті бағалаудың нәтижесі - территориялық бағаны аудандастыру, әрбір бөлінген аймақ бойынша жердің аймақтық құнының көрсеткіштерін орнату және базалық мөлшерлемеге қатысты түзету коэффициенттері арқылы ескерілетін, жер телімінің жеке сипаттамаларын ескеріп оның кадастрлы құнын орнату.

Нарықтық құны - сатушы мен сатып алушы өздерінің қажеттіліктеріне сәйкес, дұрыс ақпарат игерген дәне төтенше жағдайларға кезікпеген, саналы және дұрыс әрекеттері кезінде бәсекелестік және ашық нарықта телімді сатудың ең ықтималды бағасы. Ол сатылымдарды сәйкестендіру әдісімен анықталады және бәсекелесті нарықта құрылады, онда оған пайдалылық, иеліктен шығару, сұраныс, тапшылық, өтімділік тәрізді факторлар ең көп әсер етеді. Нарықтық құнының құрамында нарықтың бәсекелессіз жағдайын білдіретін нормативті бағаның бір бөлігі болады. Нарықтың қолайлы шарттарында бәсекелестік орта құрылған кезде нарықтық құны нормативті бағадан жоғары болып келеді. Және керісінше, қолайсыз нарықтық конъюнктура жағдайларында нарықтық құны нормативті бағадан төмен болуы мүмкін.

Жер өндірістің факторы болып табылады, оның көлемі қатаң шектеулі, соған байланысты жердің ұсынысы икемді емес.

Сондықтан, рента түріндегі өзіндік кіріс пайда болады, ол шектелген ресурсты пайдалану үшін төлемді білдіреді.

Жер рентасының кірісі жоғары және келесі факторлар арқылы пайда болады:

- көлік пен байланысқа шығындарды қысқартатындай жер телімдерінің қолжетімдігі;

- аумақты жабдықтауға салынатын қосымша капитал салымдарының тиімділігі;

- жеке жер телімдерін мақсатқа сәйкес пайдаланудың әсері;

- аумақтың бірегейлігінен олардың шектелуі.

Рентаның құрылуына әсер ететін факторлардың көп болуынан жердің нақты құны тек еркін (ашық) нарықта орнатылатынына алып келеді, бірақ жылжымайтын жер мүлігінің жұмыс жасауы әрқашан шектеулі болады: монополиялықтан, немесе монополиялық бәсекелестіктен. Осылай шектелгіндектен, рентаның алғашқы (нормативті) көрсеткішінің қажеттігі туындайды, себебі жүзеге асырылған сатылымдарды сәйкестендіру арқылы, сәйкесінше түзетулер енгізіп, жердің нарықтық құнын нақтылау қажет [2] .

Жер рентасының шамасы ұсыныстың өзгеруімен байланысты емес және кәсіпкерлер тарапынан жер телімдеріне динамикалық сұраныс арқылы анықталады. Сондықтан жер рентасының желісі экономикалық -психологиялық болып келеді. Рента -берілген әлеуметтік-экономикалық жағдайларда, нақты шаруашылық күтілімдерге сәйкес кәсіпкерлердің төлеуге келіскен бағасы.

Жердің (рентаның) нарықтық құнының икемсіз ұсынысы кезінде құрылатын сұраныстан басқа, жердің бағасы (берілген мезетте ұсыныс бағасының тұрақтылығына қарамастан) жер телімінің орналасуы мен оның физикалық сипаттамаларынан тәуелді, олар сұраныстың нарықтық бағасына сәйкесінше түзетуші коэффициенттерді енгізу арқылы ескеріледі. Осы коэффициенттер сұраныстың бағасымен байланысты, себебі олар жердің шектеулі ресурс ретінде, басқа жағдайларда қайталанбайтын және нарықтық конъюнктурадан тәуелсіз болуы тәрізді бірегей сипаттамаларын ескереді.

Осыған байланысты, коэффициенттерді енгізгеннен кейін жердің бағасын теңгерілген деп есептеуге болады, себебі ол сұраныс пен ұсыныстың теңдей ескерілуін көрсетеді. Осы кезде жеке өндірушілердің ренталық сатылымдары ретінде жер телімдерін басқаша пайдалануды қарастырмайтын шығындар алынады. Сондықтан рентаның тек нарықтық құрылуы орын алмайды. Тіпті тұрғын үй нарығында пайда болатын дамыған жер нарығы болса да, рента бағаланатын объектінің ықтималдық шығындарының көрсеткіштері мен сатылымдарын сәйкестендіру әдісін қолдану арқылы анықталады.

Осыған сәйкес, жерді бағалайтын негізгі әдіс шығында қажет етеді және сатылымдарды сәйкестендіру мен кірісті әдістермен қатар қолданылады.

Жылжымайтын мүліктің (жақсартулардың) бағасы мен жердің бағасы тығыз байланысқан. Қоғамның көзқарасы бойынша, бұл екі категорияның байланысы соншалық, бұдан рента жерде құрылған жылжымайтын мүліктің бағасының салдары болып табылады. Бұл байланысты толығымен түсіндіру үшін, «шартты рента» түсінігі енгізіледі, оны өндірушінің (жылжымайтын мүліктің иесі) өзі орнатады. Өндірушінің өзі жердің иесі болған кезде орын алады. Бұл жағдайда, рента туралы айтсақ, белгілі бір шарттармен қатар ескеру қажет. Дегенмен, тиімділік стратегиясын анықтау үшін, кәсіпкер өзінің кірісі шартты рентаны өтейтініне көз жеткізуі қажет.

Рента да, жерге жұмсалатын төлем тәрізді жерге қажетті салымдардың тиімділігін анықтауда маңызды рөл атқарады, сондықтан жердің тегін болуы оның ысырапшылдыққа алып келеді. Сонымен қатар, рента түсінігінің заманауи экономикалық теориясы оны тек жермен емес, сондай-ақ өндірістегі капиталды қаражаттарды инвестициялау арқылы жерде құрылатын жылжымайтын мүлікпен берілген басқа да факторлармен байланыстырады. Бұл рента тәжірибеде жалға алу төлемімен көрсетіледі.

Осылай, жылжымайтын мүлікті пайдалану үшін жалға алу төлемін өндірістің барлық факторларының төлемі ретінде қарастырған кезде, өндіріс құралдарының бағасы өзіндік баға бірлігі болып саналады. Осы жолмен фирмаға қажетті бәсекелестікті қалыптастыра отырып, кәсіпкердің рентадан, жалақыдан, пайыз бен үстемақыдан жоғары болуын қамтамасыз ететін кірісін есептеуге мүмкіндік береді.

Сонымен қатар, аталған әдіс арқылы рентаның жылжымайтын мүліктің құнының құрамындағы үлесін есептеуге мүмкіндік береді.

Жылжымайтын мүліктің құнының бастауы ретінде келесі ресурстардың кешені алынады: табиғи + адами + материалды + материалды емес + төлемдік. Жылжымайтын мүлікті құру барысында бұл ресурстар жылжымайтын мүлік объекті түріндегі ақырғы өнімнің өндіріс факторлары болады: Жер (Ж) + еңбек (Е) + капитал (К) + ақпарат (А) + қаржы (Қ) . егер ақырғы өнімді 100% деп алсақ, онда бұл өнімнің (жылжымайтын мүліктің) құрамындағы факторлардың үлесі әрқайсысы 20%-дан келеді, яғни: Ж (20%) + Е(20%) + К(20%) + А(20%) + Қ(20%) = 100%. Іс жүзінде, барлық экономикалық нәтиже табиғи сұрақтың айналасында шоғырланады: жеке аумақтар мен қаланың жылжымайтын жер мүлігін толықтай пайдалану мен дамыту кімнің қаражатына және қаншалықты тиімді жүргізіледі?

Қалалық жерге жеке меншікті енгізген кезде бұл міндеттің өзектілігі артады.

Экономикалық бағалаудың екінші міндеті - қаланың түрлі бағыттағы жердің құнының ренталық құрамдастарының шамасын (классикалық анықтамалар бойынша оны «квазирентті» деп атау дұрысырақ), яғни оларды пайдаланудан нақты немесе мүмкін болатын табысты анықтау. Бірқатар себептер бойынша, әсіресе нарықтық қатынастардың құрылуы мен дамуы, жалпы қаланың макро экономикалық мүдделері мен жеке кәсіпорындар мен азаматтардың мүдделерін бекіту кезеңінде, жердің белгілі түрлері мен кейбір аумақтары бойынша ренталық компоненттігі қала үшін теріс болуы мүмкін.

Ең алдымен, ол тұрғын аумақтарын қамтитыны белгілі. Қала әлеуетін барынша тиімді пайдалану үшін, шығындардан, дотациялар мен жеңілдіктерден қайтарымды жоғарылату үшін мүмкін болатын басқару шешімдерін іздеу және негіздеу мәселесі жалпы қаланың экономикасына да, сондай-ақ оның тұрғындары үшін маңызды бөлек аумақтар, кәсіпорындар мен ұйымдарына да өте маңызды болып табылады.

Қызмет тұрғысынан түрлі бағытталған қалалық жердің құнының құрамындағы шығынның мөлшерін және олардың ренталық әлеуетін анықтау арқылы жерді пайдаланудың экономикалық нормативтерінің негізделген жүйесін құруға, және сәйкесінше, қаланың аумақтық - экономикалық аудандастырудың оңтайлы сызбасын құруға мүмкіндік береді.

Кадастрлы бағалау жүйесінің негізінде қалалық жылжымайтын жер мүлігінің құнының негізгі түрлерін анықтау арқылы жылжымайтын мүлікке салық салу және онымен жасалатын келісімшарттарға қажетті тәсілдерді құру мәселесін шешуге мүмкіндік туады.

1. 2 Жерді кадастрлық бағалаудың үлгілік ережесі

Қазақстанда кадастрлық бағалау Ауылшаруашылығы министрлігінің 2020 жылғы №310 бұйрығына сәйкес эектронды түрде өтініш тастау арқылы бағалау жүргізеді.

"Жер учаскесінің кадастрлық (бағалау) құнын айқындау" мемлекеттік қызметін көрсету қағидалары төмендегіше:

"Жер учаскесінің кадастрлық (бағалау) құнын айқындау" мемлекеттік қызметін көрсету қағидалары "Мемлекеттік көрсетілетін қызметтер туралы" 2013 жылғы 15 сәуірдегі Қазақстан Республикасы Заңының 10-бабының 1) тармақшасына сәйкес әзірленді және "Жер учаскесінің кадастрлық (бағалау) құнын айқындау" мемлекеттік қызметін көрсету тәртібін айқындайды [5] .

Осы Қағидаларда мынадай негізгі ұғымдар пайдаланылады:

1) жеке кабинет - "электрондық үкіметтің" веб-порталындағы пайдаланушының кабинеті;

2) жер учаскесі - 2003 жылғы 20 маусымдағы Қазақстан Республикасының Жер кодексінде белгіленген тәртіппен жер қатынастары субъектілеріне бекітіліп берілетін, тұйық шекара ішінде бөлінген жер бөлігі;

3) жер учаскесіне сәйкестендіру құжаты - жер, құқықтық және қала құрылысы кадастрларын жүргізу мақсатында қажетті жер учаскесінің сәйкестендіру сипаттамаларын қамтитын құжат;

4) кадастрлық (бағалау) құн - мемлекет жер учаскесін немесе оны жалдау құқығын сатқан кезде қолданылатын, инфляцияның жалпы деңгейі туралы ресми статистикалық ақпаратқа сәйкес кезең-кезеңімен нақтыланатын жер учаскелері үшін төлемақының базалық мөлшерлемелері және оларға түзету коэффициенттері негізінде айқындалатын жер учаскесінің есептеу құны;

5) мемлекеттік жер кадастрының автоматтандырылған ақпараттық жүйесі) - мемлекеттік жер кадастрын жүргізуге арналған, жер учаскелерінің сапалық және сандық сипаттамаларын, оның ішінде олардың шекаралары туралы, сондай-ақ жер учаскелерінің иелері мен жер пайдаланушылар туралы

мәліметтерді қамтитын ақпараттық жүйе;

6) мемлекеттік көрсетілетін қызмет стандарты - мемлекеттік қызмет көрсетуге қойылатын, қызмет көрсету процесінің сипаттамаларын, нысанын, мазмұны мен нәтижесін, сондай-ақ мемлекеттік қызмет көрсету ерекшеліктері ескеріле отырып, өзге де мәліметтерді қамтитын негізгі талаптар тізбесі;

7) "электрондық үкіметтің" веб-порталы (бұдан әрі - портал) - нормативтік құқықтық базаны қоса алғанда, бүкіл шоғырландырылған үкіметтік ақпаратқа және электрондық нысанда көрсетілетін мемлекеттік қызметтерге, табиғи монополиялар субъектілерінің желілеріне қосуға техникалық шарттар беру жөніндегі қызметтерге және квазимемлекеттік сектор субъектілерінің қызметтеріне қол жеткізудің бірыңғай терезесі болып табылатын ақпараттық жүйе;

8) "электрондық үкіметтің" төлем шлюзі - электрондық нысанда көрсетілетін өтеулі қызметтер көрсету шеңберінде төлемдер жүргізу туралы ақпарат беру процесін автоматтандыратын ақпараттық жүйе;

9) электрондық цифрлық қолтаңба - электрондық цифрлық қолтаңба құралдарымен жасалған және электрондық құжаттың дұрыстығын, оның тиесілілігін және мазмұнының өзгермейтіндігін растайтын электрондық цифрлық нышандар жиыны [5] .

Мемлекеттік қызмет көрсету тәртібі

Мемлекеттік қызметті "Азаматтарға арналған үкімет" мемлекеттік корпорациясы көрсетеді. Мемлекеттік қызметті алу үшін жеке және заңды тұлғалар портал арқылы көрсетілетін қызметті берушіге мыналарды жолдайды:

1) көрсетілетін қызметті алушының ЭЦҚ-сымен немесе ұялы байланыс операторы беретін көрсетілетін қызметті алушының абоненттік нөмірі тіркелген және қосылған жағдайда, порталдың есептік жазбасына бір реттік құпиясөзбен куәландырылған электрондық құжат нысанындағы сұраным;

2) жер учаскесін таңдау актісінің және (немесе) орналастыру схемасының электрондық көшірмесі;

3) ауыл шаруашылығы алқаптарының экспликациясы (ауыл шаруашылығы мақсатындағы жерлер үшін) .

Ақпараттық жүйелерден алуға болатын құжаттарды көрсетілетін қызметті алушылардан талап етуге жол берілмейді.

Мемлекеттік қызмет көрсету процесінің сипаттамасын, нысанын, мазмұны мен нәтижесін, сондай-ақ мемлекеттік қызмет көрсету ерекшеліктерін ескере отырып, өзге де мәліметтерді қамтитын қажетті құжаттар мен мемлекеттік қызмет көрсетуге қойылатын негізгі талаптардың тізбесі осы Қағидаларға 1-қосымшаға сәйкес "Жер учаскесінің кадастрлық (бағалау) құнын айқындау" мемлекеттік көрсетілетін қызмет стандартында жазылған.

Жеке басын куәландыратын құжат туралы, заңды тұлғаны тіркеу (қайта тіркеу) туралы, дара кәсіпкерді тіркеу туралы не жылжымайтын мүлікке меншік құқығын растайтын дара кәсіпкер ретінде қызметінің басталғаны туралы, жер учаскесіне құқық белгілейтін және сәйкестендіру құжаттары туралы, жер учаскесіне ауыртпалықтың жоқтығы туралы, мемлекеттік қызметті көрсету үшін ақының төленгені туралы мәліметтерді көрсетілетін қызметті беруші ЭҮТШ арқылы тиісті мемлекеттік ақпараттық жүйелерден талап етеді.

Көрсетілетін қызметті алушының "жеке кабинетіне" мемлекеттік қызмет көрсетуге арналған сұранымның қабылданғаны туралы мәртебе, сондай-ақ мемлекеттік қызмет көрсету күні мен уақыты көрсетілген хабарлама жіберіледі.

Көрсетілетін қызметті берушінің қызметкері құжаттар келіп түскен күні 15 (он бес) минут ішінде көрсетілетін қызметті алушы ұсынған құжаттарды қабылдауды және тіркеуді жүзеге асырады.

Көрсетілетін қызметті алушы 2015 жылғы 23 қарашадағы Қазақстан Республикасының Еңбек кодексіне сәйкес жұмыс уақыты аяқталғаннан кейін, демалыс және мереке күндері жүгінген жағдайда, өтінішті қабылдау және мемлекеттік қызмет көрсету нәтижесін беру келесі жұмыс күні жүзеге асырылады [5] .

Көрсетілетін қызметті алушы құжаттар топтамасын толық ұсынбаған және (немесе) қолданылу мерзімі өтіп кеткен құжаттарды ұсынған жағдайда, көрсетілетін қызметті берушінің қызметкері 2 (екі) жұмыс күні ішінде өтінішті одан әрі қараудан уәжді бас тартуды дайындайды және көрсетілетін қызметті берушінің уәкілетті тұлғасының ЭЦҚ-сы қойылған электрондық құжат нысанында көрсетілетін қызметті алушының жеке кабинетіне хабарлама жолдайды.

Елді мекендер шегінде орналасқан жер учаскелері бойынша өтініш келіп түскен жағдайда, елді мекеннің шекаралары мен бағалау аймақтары бекітілген жағдайда, 4 (төрт) минут ішінде жұмыстарды жүргізуге қажетті құжаттардың бар-жоғы тексеріледі, 10 (он) минут ішінде кестелер мен қабаттардан (елді мекен шекаралары, бағалау аймақтары және басқа анықтамалықтар) ақпарат жинау жүргізіледі, 10 (он) минут ішінде жер учаскесінің кадастрлық (бағалау) құнын айқындау және жер учаскесінің кадастрлық (бағалау) құнын айқындау актісін әзірлеу жүзеге асырылады, ары қарай 6 (алты) минут ішінде порталда жер учаскесінің кадастрлық (бағалау) құнын айқындау актісіне қол қойылады.

Елді мекеннің шекаралары мен бағалау аймақтары бекітілмеген жағдайда, сонымен қатар елді мекен шегінен тыс орналасқан жер учаскелері бойынша өтініш келіп түскен жағдайда, көрсетілетін қызметті берушінің қызметкері 15 (он бес) минут ішінде жер учаскесінің кадастрлық (бағалау) құнын айқындау және дайындау үшін көрсетілетін қызметті берушінің құрылымдық бөлімшесіне өтініш жолдайды.

ҚБ басшысы 30 (отыз) минут ішінде сұраным бойынша көрсетілетін қызметті орындауға жауапты қызметкерді айқындайды.

... жалғасы

Сіз бұл жұмысты біздің қосымшамыз арқылы толығымен тегін көре аласыз.