ТУРИСТІК САЛА КӘСІПОРЫНДАРЫНДА САТУДЫ ЫНТАЛАНДЫРУ

Жұмыс түрі: Курстық жұмыс
Тегін: Антиплагиат
Көлемі: 24 бет
Таңдаулыға:

Л.Н. Гумилев атындағы Еуразия ұлттық университеті

Экономика факультеті

Туризм кафедрасы

Қызмет саласындағы маркетинг пәні бойынша
Әр түрлі туристік сала кәсіпорындарда сатуды ынталандыруды жүзеге асыру ерекшеліктері тақырыбындағы

КУРСТЫҚ ЖҰМЫС

Орындаған: В091-1105-20-01
тобының студенті
Ж.С. Дәулетбек

Тексерген:
э.ғ.к., доцент
Ж.А. Дулатбекова

Нұр- Сұлтан
2022
МАЗМҰНЫ

КІРІСПЕ

3
1 ТУРИСТІК САЛА КӘСІПОРЫНДАРЫНДА САТУДЫ ЫНТАЛАНДЫРУ
Туристік сала кәсіпорындарындағы сатуды ынталандыру түсінігі, мәні және ерекшеліктері
1.2 Туристік сала кәсіпорындарындағы сатуды ынталандыруды жүзеге асыру әдістері

5

5

9
2 ТУРИСТІК САЛА КӘСІПОРЫНДАРЫНДА САТУДЫ ЫНТАЛАНДЫРУДЫ ЖҮЗЕГЕ АСЫРУЫН ТАЛДАУ
2.1. Іле-Алатауы мемлекеттік ұлттық табиғи саябағының қызметіне талдау
2.2 Іле-Алатауы мемлекеттік ұлттық табиғи саябағындағы сатуды ынталандыруды жүзеге асыру ерекшеліктері

13

13

19
3 ІЛЕ АЛАТАУ САЯБАҒЫНДАҒЫ САТУДЫ ЫНТАЛАНДЫРУДЫ ЖҮЗЕГЕ АСЫРУДЫҢ ЖЕТІЛДІРУ ЖОЛДАРЫ
3.1 Іле-Алатауы мемлекеттік ұлттық табиғи саябағындағы сатуды ынталандыруды жетілдіру

22

22
ҚОРЫТЫНДЫ
24
ПАЙДАЛАНҒАН ӘДЕБИЕТТЕР ТІЗІМІ
25

КІРІСПЕ

Қазіргі таңда туристік қызмет халық шаруашылығының ең куатты салаларының бірі болып табылады. Туризмнен түскен табыс көлемін мемлекеттің ірі өнеркәсіптерінің табысымен салыстыруға болады.
Туризм - инвестиция салудың табысты көзі. Қазақстанда туризм саласын дамытуға елеулі қаржы жұмсалуда. Елбасымыз Қ.Ж. Тоқаев өзінің жыл сайынғы Жолдауында туризмді басымды салалардың қатарына енгізіп отыр. Қазақстан Республикасы Үкіметінің туризм саласындағы белгілеген барынша маңызды міндеттерінің бірі - Қазақстанды орталық азиялық өңірдегі туризм орталығына айналдыру.
Мемлекеттік бағдарлама республикада қазіргі заманғы тиімділігі жоғары және бәсекеге қабілетті туристік индустрия құруға және экономиканың сабақтас секторларын дамытуды қамтамасыз етуге мүмкіндік береді.
Ол туризмді дамыту саласындағы мемлекеттік саясаттың стратегиясын, негізгі бағыттарын, басымдықтарын, міндеттері мен іске асыру тетіктерін айқындайды және туризм инфрақұрылымын дамытуды, осы саланы мемлекеттік реттеу мен қолдаудың тиімді тетігін құрудың, туристік әлеуетті арттырудың, елдің тартымды туристік имиджін, рекреациялық шаруашылық мамандануы бар аймақтар қалыптастырудың негізгі аспектілерін қамтиды.
Қазақстан Республикасының теңдесі жоқ табиғи және мәдени әлеуетіне негізделген қазіргі заманғы туристік индустрия туризмнің, туристік қызмет көрсетулердің халықаралық саудасы жүйесіне оралымды кірігуінің табиғи жүйе жасаушы факторы, неғұрлым серпінді дамушы және өзінің капитал сыйымдылығына қарамастан, салынған капиталға қайтарымы жөнінен тиімді салалардың бірі болып табылады. Сондықтан да туризм саласы біздің мемлекет үшін жаңа, болашағы белгісіз салалардың бірі ретінде танылса, оны жоғары деңгейге жеткізу маркетинг қызметін жетілдіруге, оның ережелерін сол салаға бағыттауға алып келеді.
Көптеген мамандардың пайымдауынша, Қазақстан өзіндегі барлық мүмкіндіктерін қолданбайды. Ал халықаралық тәжірибе бойынша туризм индустриясы ел экономикасын алға тартатын, болашағы кемел сала.
Маркетинг тауарлық және қызмет нарықтарында өрісін кең жайған. Маркетинг туристік индустрияда басқарушылық шешімдерді негіздейтін басты құрал ретінде қарастырылады[1].
Туризмнің өркендеуі жаңа орындардың ашылуымен тікелей байланысты, себебі әлемдегі туристік нарықтың әдеттегі орындары өздерінің шырқау шегіне жеткендей, сол себепті Қазақстанның әлемдік туристік нарықта алатын белестері әлі де алда деп білеміз.
Осы тұрғыда туризм маркетингі - туризм индустриясында өндірушілер мен тұтынушылар қажеттілігін қанағаттандыру, оларға сәйкес баға бекіту, нарықта жылжыту, ұтымды орналастыру қызметтерін біріктіретін кәсіпкерлік қызмет.
Сатуды ынталандыру - ынталандыруға бағытталған қысқа мерзімді ынталандыру және жігерлендіру әдістерін қолдана отырып, туристік өнімдер мен қызметтерді сату.
Жарнамамен немесе кәсіпорынның коммуникативті қызметінің басқа түрлерімен салыстырғанда сатуды ынталандырудың өзіндік артықшылықтары бар,мысалы сұранысқа тез әсер етуге мүмкіндік береді. Егер жарнама сатып алушының мінез-құлқын сатып алуға ынталандыру үшін өзгертуге бағытталған және ұзақ мерзімді әсер ететін болса, сатуды ынталандыру тұтынушының мінез-құлқын дереу өзгерту болып табылады.
Осы курстық жұмыстың мақсаты: Әр түрлі туристік сала кәсіпорындарда сатуды ынталандыруды жүзеге асыру ерекшеліктерін зерттеу.
Осы мақсатқа байланысты келесі міндеттер қойылды:
Туристік сала кәсіпорындарындағы сатуды ынталандыру түсінігі, мәні және ерекшеліктерін зерттеу;
Іле-Алатауы мемлекеттік ұлттық табиғи саябағының қызметіне талдау жасау және ондағы сатуды ынталандыруды зерттеу;
Іле-Алатауы мемлекеттік ұлттық табиғи саябағындағы сатуды ынталандыруды жетілдіруді қарастыру.

1 ТУРИСТІК САЛА КӘСІПОРЫНДАРЫНДА САТУДЫ ЫНТАЛАНДЫРУ
1.1 Туристік сала кәсіпорындарындағы сатуды ынталандыру түсінігі, мәні және ерекшеліктері

Қазіргі заманғы маркетинг жақсы тауар өндіріп, оған мақсатты нарықтың қолы жетерлік өтімді баға қоюмен ғана шектелмейді, оның талабы əлдеқайда жоғары. Фирмалар тапсырыс берушілермен коммуникацияны жүзеге асыра білу керек, коммуникация термині болуы үшін кездейсоқ еш нəрсе болмауы тиіс:
1. Фирмалар əсерлі хабарландырулар жасау үшін жарнамалық агенттіктерді;
2. Тауар өткізуді ынталандыратын мамандар;
3. Тауар туралы қоғамдық пікірді қалыптастыруды ұйымдастыратын мамандарды жолдауы керек. Көпшілік фирмалар үшін мəселе коммуникациямен айналасуда емес, бұл салаға қанша қаражат жəне оны қалай жұмсау керектігінде.
Қазіргі заманғы маркетингтік коммуникация жүйесі мынандай: Маркетингтік коммуникация жүйесіндегі коммуникация жəне кері байланыс: Маркетингтік коммуникация кешені жарнамадан, өнім өткізуді ынталандырудан, насихаттан, дербес сатудан тұрады. Жарнама-аты мəлім демеушінің тікелей қатысуы.
Туризм саласында жаңа туристік бағыттарды қалыптастыру, туристік бағыттың өз брендін, жағымды имиджін құру, туризмдегі сату көлемін ұлғайту үшін қазіргі заманғы коммуникациялық технологиялардың маңызы зор екені белгілі.
Туризмдегі коммуникациялық технологиялар келесі аталған бағыттарды қамтиды: сатуды ынталандыру; қоғамдық байланыс орнату (public relations), жеке сату; жарнама жасау; workshop; roadshow және т. б.
Туризмді сәтті де табысты ілгерілету, әдетте, барлық маркетингтік коммуникацияларды жан-жақты пайдалануды қамтиды, бірақ қажетті нәтижеге жету үшін оларды қолдану ерекшеліктерін және айрықша белгілерін білу қажет.
Сатуды ынталандыру - ынталандыруға бағытталған қысқа мерзімді ынталандыру және жігерлендіру әдістерін қолдана отырып, туристік өнімдер мен қызметтерді сату. Сарапшылардың бағалауы бойынша, шетелдік туроператорлар жарнамалық бюджеттің жартысына жуығын сатуды ынталандыру бағдарламаларына жұмсайды.
Насихат-демеуші тарапына, қызметіне сұранысты ынталандыру үшін ол туралы коммуникациялық маңызы бар мəліметтерді БАҚ арқылы, не болмаса радио, теледидар арқылы тарату.
Дербес сату - бір немесе бірнеше əулетті сатып алушылармен ауызба-ауыз сөйлесу, əңгімелесу кезінде сатып алуға көтермелеу мақсатында тауар ұсыну. Тауардың сыртқы безендірілуі, оның бағасы, орауының пішіні мен түсі, сатушының киімі мен өзін ұстау мəнері - сатып алушыға көп мəлімет беретін мəселелер.
Туризм саласындағы сатуды ынталандыруға арналған іс-шаралар әртүрлі топтарға бағытталған, ол топтар 1-суретте көрсетілген.

Сурет 1. Туризмдегі сатуды ынталандыруға арналған іс-шаралар
Ескертпе - мәліметтер [1] негізінде автормен құрастырылған

Əр санат үшін коммуникацияның мынандай өзіндік ерекше тəсілдері тəн: сауданың таныстыру шаралары, экспозиция, кəдесыйлар көмегімен жарнамалау, мамандандырылған көрмелер, жəрмеңке, көрсету, каталогтар, сауда-жарнама əдебиеті, плакаттар, конкурстар, сыйлықтар, купондар, жарнамалық-ақпарат сұрыптамалары. Жоғары коммерциялық тиімділікке қол жеткізу үшін өзінің маркетингтік кешенін үйлестіре білу керек. Коммуникация үрдісі басқару үрдісінің маңызды, мəнді бөлігі болып табылады.
Маркетингте коммуникация үрдісі тұтынушыларға бағытталған, демек ол барынша тиімді болуы үшін əбден ойластырылып, жүйелі сипатта болуы керек. Коммуникациялық үрдіс тұтынушы секілді санаттың барлық ерекшеліктерін, оның жас мөлшерін, білімін, қызушылығын, нені ұнататынын ескеру қажет.
Сондай-ақ БАҚ-ның тиімділігін, басылымның көпшілікке жетуін, хабардың эфирге шығу уақытының қолайлығын жəне т.б. назарға алу тиіс. Тиімді маркетингтік коммуникация үрдісінің мынадай кезендері бөлінеді. Бірінші екі элементі - коммуникацияның негізгі қатысушылары, яғни, жіберуші мен алушы.
Содан кейінгі екеуі - коммуникацияның негізгі қарулары, яғни ақпарат тарату құралдары.
Төрт элемент негізгі атқарушылық құрамдас бөліктер болып табылады: кодтау, шешу, жауап əрекеті, кері байланыс. Ең соңғы элемент - жүйедегі кездейсоқ кедергілер. Жіберуші - басқа жаққа жолдау жіберуші тарап.
Кодтау - ойды бейнелеп беру процесі. Ақпарат тарату құралдары - жолдау жіберушіден алушыға жеткізетін коммуникация арналған.
Шешу - алудың жіберушіге таратқан символдарға мəн беру үрдісі.
Алушы - басқа тарап таратқан жолдауды қабылдаушы тарап. Жауап əрекеті - алушының жолдауды назарына ұсынған жауап əрекет.
Кері байланыс - алушының жіберуші назарына ұсынған жауап əрекетінің бөлігі.
Кедергілер - коммуникация үрдісі барысында орын алатын тосыннан араласу немесе бұрмалау салдарынан жіберуші таратқан жолдаудан өзгеше жолдау келіп түсуі.
Олар жолдауды мақсатты аудиторияның жететіндей етіп тиімді БАҚ арқылы жіберуі керек. Олар өздерінің жолдауына аудиторияның жауап əрекетін біліп отыру үшін кері байланыс арналарын жасауы керек. Үлгі тиімді коммуникация үрдісі барысында басты факторларын тауып береді. Жіберуші қандай аудиторияның жауабын алғысы келетінін білу керек.
а) Маркетингтік коммуникация үрдісі. Мақсатты аудиторияның анықтауы қажет мəселе - нені айту, қалай айту, қашан айту, кімнің атынан айту керектігі туралы мəселе шешімге əсер етеді. Қалаулы жауап əрекетті анықтау мақсатты аудиторияның сатып алуа дайындығының 6 түрлі жағдайында өтеді;
Хабардарлық - тауар не ұйым туралы мақсатты аудиторияның қаншалықты дəрежеде хабардар екенін анықтау қажет. Аудиторияның мүлдем хабарсыз болуы, тек атауын ғана білуі не атауынан басқа да нəрселерді білуі мүмкін. Егер аудиторияның басым бөлігі хабарсыз болып шықса, коммуникатордың міндеті - қажетті хабарды жеткізу, ең болмаса атауын білетіндей, танитындай жағдай туғызу.
Білім - мақсатты аудитория фирма не оның тауары жайында хабардар болуы, бірақ мағұламаттардан хабарсыз болуы мүмкін. Ізгі ниетті ықылас. Алдымен кемшіліктерін ашып алып, содан соң барып артықшылықтарын əңгімелеу керек. Жоғары бағалау. Мақсатты аудитория тауарға ізгі ниетпен қарауы жəне оны басқаларға қарағанда жоғары бағалауы мүмкін. Мұндай жағдайда коммуникатор тұтынушының жоғары пікірін қалыптастыруға тырысып бағады - ол тауардың сапасын, оның құндылығын, жұмыс сипаттамасын, басқа да қасиеттерін мақтай бастайды.
Коммуникатор өзінің осы науқанының табысты болғаны жайында ол аяқталғаннан кейін тұтынушының жоғары пікірін қайта салмақтау нəтижесі бойынша айта алады.
Сенім - мақсатты аудитория нақты тауарды жоғары бағалауы мүмкін, бірақ оны сатып алу қажеттігіне сенімі болмайды. Сатып алуды іске асыру - мақсатты аудиторияның кейбір мүшелері қажетті сенімге ие болғанымен, сатып алуды іске асыруға дайын болмайды бəлкім, олар сатып алуды іске асыруғы кейінірекке жоспарлап, қосымша ақпарат алуды тосатын болар. Коммуникатор осы тұтынушыларды олардан талап етілетін соңғы қадамды жасауға жетектеуге тиіс.
Сатып алуды іске асыруға жетелейтін тəсілдер ішінде тауарды төмен бағамен ұсыну, сатып алғаны үшін сыйлық беру, шектеулі мерзім ішінде тауарды сынап көруге ұсыну немесе таяу арада бұл тауарға қолы жетпей қалуы мүмкін екендігін тұспалдап жеткізу тəсілдері болуы керек.
Ынталандырудың əрбір құралына өзіндік бірегей сипаттама, өзіндік шығын түрлері тəн. Ынталандыру құралын таңдаушы нарық қайраткері бұл сипаттар мен ерекшеліктерді тани білуі керек.
Жарнама. Жарнаманы қолдану əдістері мен түрлері сан алуан, ынталандыру кешенінің құрамды элементі ретінде оның ерекшелік қасиеттері жөнінде жалпы қорытынды жасау қиындық келтіреді. Бір жағынан алғанда жарнаманы ұзақ мерзімді, тұрақты түрде тауар бейнесін жасау үшін, ал басқа жағынан алғанда, тез өткізуге ынталандыру үшін қолдануға болады.
Әрбір топ үшін сатуды ынталандыру бағдарламаларының өзіндік ерекшеліктері бар (сурет 2).

Сурет 2. Туризм саласындағы сатуды ынталандыру топтары
Ескертпе - мәліметтер [1] негізінде автормен құрастырылған

Сонымен, әлеуетті тұтынушылар үшін ынталандырушы әсерлер әдетте әртүрлі бағалық жеңілдіктерді, сыйлықтарды, кәдесыйларды, лотереялар мен конкурстарды және т.б. қамтиды. Түпкі пайдаланушылар үшін бағалық жеңілдіктер әртүрлі формада жүзеге асырылуы мүмкін:
тұрақты клиенттерге арналған жеңілдік құқығы бар клуб карталары,
туристердің белгілі бір санаттарына жеңілдіктер беру (жас жұбайларға, зейнеткерлерге, тұрақты клиенттерге, балаларға, отбасына арналған және т. б. жеңілдіктер),
белгілі бір топтарға, ұжымға арналған жеңілдіктер,
аптаның белгілі бір күндерінде болатын жеңілдіктер,
қосымша тегін қызмет көрсету және т. б.
Туристік бизнесте маусымнан тыс кезеңде қызмет көрсетуге жеңілдіктер кеңінен таралған; турларды сатудың жеңілдетілген шарттарымен жүргізілетін туристік биржаларды сату, workshops өткізу; жаңа туристік өнімдерді немесе маусымдық жеңілдіктер мен соңғы орны қалған немесе уақыты аз қалған жолдамаларды өткізуді ынталандыратын арнайы жеңілдіктер беру; тұрақты клиенттерге берілетін бонустық жеңілдіктер; дисконттық жүйелер; жарнамалық сапарларды ұйымдастыру. Сатып алуға ынталандыру сатып алу сыйлықақысы (сыйлық) түрінде де жүзеге асырылуы мүмкін.
Мұндай сыйлықтар фирманың арнайы таңбасы бар өнімдер (фирмалық футболкалар, кепкалар, калькуляторлар және т.б.) болуы мүмкін. Купондық жеңілдіктер де белсенді қолданылады, олар бойынша ұсынушы әдетте 5-10% жеңілдік алуға құқылы. Авиакомпаниялардың, қонақ үйлердің, туристік фирмалардың қызметтеріне сұранысты ынталандыру бағдарламалары кең таралған. Сатуды ынталандыру бағдарламалары авиакомпаниялар мен қонақ үй желілері сияқты әртүрлі компаниялардың бірлескен акциялары түрінде ұйымдастырылуы мүмкін.
Тұрақты және ықыласты тұтынушыларды ұстап қалу үшін тиімді бағдарламалар кеңінен қолданылады. Осы бағытта жақсы жұмыс жасаған менеджерлерге ынталандыру үшін келесі тәсілдер дәстүрлі түрде қолданылып тұрады:
жоғары комиссиялық жүйе;
үздік агенттер маусымының қорытындысы бойынша сыйлықтармен, тегін жолдамалармен, жарнамалық турларға қатыстыру арқылы және т. б. марапаттау;
жинақтаушы бонустар жүйесі және т. б. арқылы ынталандыру.

1.2 Туристік сала кәсіпорындарындағы сатуды ынталандыруды жүзеге асыру әдістері

Сатуды ынталандыру шаралары сату көлемінің қысқа мерзімді өсуіне әкеледі және көбінесе жарнама мен жеке сатылымдарды толықтырады. Сатуды ынталандыру әлеуетті тұтынушыларды тартады, өйткені ол айқын әрі тиімді жүйені қамтиды және сатып алуды дереу жүзеге асыруға нақты ынталандыру болып табылады, яғни оның нақты мақсатты бағыты бар. Туристік және қонақ үй бизнесі саласында бұл өте маңызды, өйткені қызметтерді сақтау мүмкін емес және сатылмаған қызмет пайданың жоғалуына әкеледі.
Ынталандырушы әсерлер соңғы орны қалған немесе уақыты аз қалған жолдамаларды өткізуді жүзеге асыруда және маусымаралық кезеңде кеңінен қолданылады. Алайда, сатуды ынталандыруды үнемі қолдануға болмайды, өйткені үздіксіз ұсынылатын жеңілдіктер кейбір тұтынушыларға мүлдем керісінше әсер етуі мүмкін.

Кесте 1
Ынтыландыру тəсілдерінің үлгісі.

Жарнама
Жеке дербес сату
Насихат
Өнім өткізуге ынталандыру
Қоғамдық сипат

Тұлғалық сипат
Анықтық
(мəліметтің)
Тартымдылық, хабардарлық

Үгіттеу қабылеті
Қатынастық қалыптасуы

Сатып алушыларды
кеңінен қамту

Сатып алуды жүзеге асыруға түрткі болу

Мəнерлілік бейнелілік
Жауап əрекетке түрткі болу
Көзге бірден түсу

Сатып алуды жүзеге асыруға шақыру
Ескертпе - [1] ақпарат көзі негізінде автормен құрастырылған

Атап айтқанда, егер олардың бағасы ұзақ уақыт бойы нарықтағы орташа деңгейден төмен болса, клиенттер туристік қызметтердің сапасына күмәндануы мүмкін. Сонымен қатар, ұзақ мерзімді жеңілдіктер алынған пайдаға теріс әсер етуі мүмкін, өйткені бұл айтарлықтай шығындарды талап етеді. Әдетте, сатуды ынталандыру сату көлемін күрт арттыру қажет болған кезде нарықты жылжытудың қосымша элементі ретінде қолданылады. Жұртшылықпен байланыс (public relations) туристік бағыттар мен туриндустрияның жекелеген кәсіпорындарының жұртшылықпен ізгілікті қарым-қатынастарын қалыптастыруды, қолайлы атақ алуды және оң туристік имиджді құруды көздейді.
Қоғаммен байланыс қызметінің негізгі бағыты достық қарым-қатынас пен тұрақтылықты қалыптастыруды қамтиды, атап айтқанда:
бұқаралық ақпарат құралдарымен;
мақсатты аудиториямен;
билік және мемлекеттік басқару органдарымен.
Бұқаралық ақпарат құралдарымен байланыс орнатудың негізгі түрлеріне келесі аталған әдістер жатады:
баспасөз үшін хабарламалар мен түрлі ақпараттық топтамаларды дайындау,
БАҚ-қа пресс-релиздер (пресс-бюллетеньдер) тарату;
баспасөз конференциялары мен брифингтер ұйымдастыру;
журналистерге арналған ақпараттық (таныстыру немесе жарнамалық) турлар;
сұхбат;
жеке байланыстар және т. б.
Туроператорлық компаниялар турагенттер үшін де, журналистер үшін де ұйымдастырылатын таныстыру турларына (familiarization trip, қысқаша fam-trip) ерекше мән береді.
Жарнамалық турлар туроператордың нарықтағы беделін арттырады, туристік желінің кеңеюіне және бренд қалыптасуына ықпал етеді, ал журналистердің тамаша сапар туралы мақалалары фирманың өзі үшін де, оның туристік өнімі үшін де ең жақсы жарнама болып табылады. Тәжірибе көрсеткендей, әлеуетті клиенттер туристік фирмалардың жарнамалық хабарламаларынан алынған ақпаратқа қарағанда үшінші тұлғалардан, атап айтқанда журналистердің мақалаларынан алған ақпаратқа әлдеқайда сеніммен қарайды.
Өткізуді ынталандыру мақсаттары оның әдістерімен анықталады. Ол:
1) фирма қызметкерлерін;
2) сауда салаларын;
3) тұтынушыларды ынталандыруға қолданылуы мүмкін Фирма қызметкерлерін ынталандыру арқылы жұмыс сапасын жоғарылатуға және кәсіби шеберлікті арттыруға болады.
Ынталандыру әдістері - ақшалай және заттай сыйлықтар, байқаулар жүргізу, оқыту, қосымша демалыс беру және т.б.
Делдалдарды ынталандыру әдістері:
- берілген шамадан аса туристік жолдамаларды сатқаны үшін сыйақы;
- мерзім емес уақытта жолдаманы көп мөлшерде сатқаны үшін және қызмет көрсеткені үшін жолдама бағасынан шегерім мөлшерлемесін өсіру;
- делдал-фирма өкілдеріне фирмалық сыйлықтар мен кәдесыйларды сыйлау;
- сату көлемі өскенде топтық саяхат бағасына шегерімдер жасау;
- туристік топтарды ұйымдастырушы әрі серіктес тұлғаларға ақысыз қызметтер көрсету;
- бөлшек сауда фирмаларына жарнамалық турларды ақысыз немесе үлкен шегеріммен ұйымдастыру және ұсыну;
- турларды жеңілдікпен ұсынатын туристік жәрмеңкелерді, биржаларды ұйымдастыру және олардың қатысуын қамтамасыз ету;
- біріккен жарнаманы жүргізу;
- төмен сұранымға ие турларды клиенттер өткізгені үшін ұсынылатын сыйақылар;
- фирманың турларын өткізуде делдалдардың қызығушылықтарын жоғарылататын саудалық байқаулар ұйымдастыру.
Тұтынушыларды ынталандыру әдістері:
- жолдамаларды ұсыну;
- сыйақылар - бұл тұтынушыларға ақысыз немесе шегеріммен берілетін тауарлар;
- купондар - тауарды сатып алуда жеңілдіктер беретін сертификат немсе құжат;
- шегерімдер - тұрақты тұтынушыларға немесе көп партиялы тауар бағасын төмендету;
- конкурстар жүргізу арқылы сыйлықтар ойнату;
- несие (тауарды несиеге беру); - презентация жүргізу;
- тауар тұтынушының қажеттілігін қанағаттандырмаған жағдайда ақшасын қайтарып беру кепілдігі;
- әрі қарай қолдануға жарамды тауар қорабы; - лотерея ойнату.
2. Өткізуді ынталандыру бойынша шараларды тестілеу. Өткізуді ынталандыру бағдарламасын толық көлемде өткізу үшін алынатын нәтижеге қол жеткізетін шаралардың сәйкестігін бағалау қажет. Ол үшін өткізуді ынталандыратын шаралары жеке-жеке тестіленеді және оларды қолдану тәртібі анықталады.
Осы мақсатта таңдалып алынған аз ғана мақсатты аудиторияның ынталандыру құралдарына жауапты реакциясы бағаланады. Одан басқа, алдын ала тестілеу ынталандыру бюджетін түзетуге және күтілетін пайданы нақтылауға мүмкіндік береді.
Нарықтық жағдайда ынталандыру шараларына кететін қомақты шығын оны өткізуден түсетін пайда көлемінен асып кетпеуі керек. Олай болғанда ынталандыру бағдарламасы теріс бағаға ие болады.
3. Өткізуді ынталандыратын өнім түрі мен орнын бекіту. Туристік фирма сұранымы төмен өнімдер түрлерін таңдап алып, ынталандыру шаралары қандай сауда нүктелерінде өткізілетінін анықтау қажет.
4. Өткізуді ынталандыру бағдарламасын іске асыру. Бекітілген тауар тобына, бекітілген сауда нүктелерінде және бекітілген уақытта өнімді өткізуді ынталандыру шараларының басталу кезеңі.
Туристік фирма бұл бағдарламаны жүргізу барысында, клиенттердің ұсынылған шараларға реакциясын, сұранымын, талғамын ескере отыра, бағдарлама тәртібін өзгретіп отыру мүмкін.
5. Өткізуді ынталандыру нәтижелерін талдау. Бұл кезеңде туристерге сауалнамалар жүргізіледі, туристік қызметтердің сату көлемінің өзгеруіне салыстырмалы талдау жасалынады. Атап кететін жайт, өткізуді ынталандыратын бағдарламалардың нәтижесі әрі қарай даму бағыттарын анықтауға мүмкіндік береді.

2 ТУРИСТІК САЛА КӘСІПОРЫНДАРЫНДА САТУДЫ ЫНТАЛАНДЫРУДЫ ЖҮЗЕГЕ АСЫРУЫН ТАЛДАУ
2.1. Іле-Алатауы мемлекеттік ұлттық табиғи саябағының қызметіне талдау

Іле-Алатау мемлекеттік ұлттық табиғи саябағы Солтүстік Тяньшань физика-жағрафиялық провинциясының құрамына кіретін Іле-Алатау жотасының солтүстік беткейінде орналасқан. Түрген-Шамалған өзендерi аралығындағы орналасқан.
Іле-Алатау мемлекеттік ұлттық табиғи саябағы 1996 жылы 22 ақпанда құрылған жəне 200 мың гектардай жерді алып жатыр. Саябақтың басты көрнекті жері табиғаттың тазалығы қалтқысыз сақталуы. Дегенмен, соңғы 80 жылда Алматы қаласына тиеп тұрған ойпатының табиғаты индустриалды өркениеттің жəне қоршаған ортаның ластауына байланысты өзгерді. Осы ... жалғасы

Сіз бұл жұмысты біздің қосымшамыз арқылы толығымен тегін көре аласыз.