Өскелең ұрпақтың тәрбиесі - өте маңызды мәселе

Жұмыс түрі: Реферат
Тегін: Антиплагиат
Көлемі: 7 бет
Таңдаулыға:

АБАЙ АТЫНДАҒЫ ҚАЗАҚ ҰЛТТЫҚ ПЕДАГОГИКАЛЫҚ УНИВЕРСИТЕТІ
Филология институты

РЕФЕРАТ

Пән: Педогогикалық зерттеулер

Тақырып: Тоқаевтың Түркістанда жасаған құрылтайында тәрбие туралы

Орындаған:
2 курс студенті 202 группа
6В01703 - Шет тілі:Екі шетел тілі
Филология институты
Мақсут Сымбат

Тексерген:
Акпарова Ж.М.

Алматы- 2023

Кіріспе
Еліміздің рухани астанасы Түркістанда өткен Ұлттық съезде Білім беру саласына қатысты ұзақ мерзімді дүниетанымдық басымдықтар талқыланып, нақты шешімдер ұсынылды. Екі күнге созылған кездесуде ел үшін маңызды мәселелердің мәні талқыланып, жүйелі ұсыныстар мен ішінара шешімдер ұсынылды.
Мемлекет Басшысы Қасым-Жомарт Тоқаев - біздің ұлттық бірегейлігіміз. Ол Үкімет пен қоғамға елдің жаңа құндылықтарын нығайту және бекіту үшін бірлесіп жұмыс істеуді бұйырды.
Әділ Қазақстанды тек адал азаматтар жасайды. Мемлекет басшысы әрбір жас жігіттен адал азаматқа тән қасиеттер табылуы тиіс екенін айтты. Ұлттың жаңа бірегейлігі білім, ғылым және мәдениетті дамыту арқылы қалыптасады. Бұл бағытта бізде үлкен жауапкершілік пен міндет жатыр. "Ата-ана тәрбиесі жаялықтан басталады" дегенді ескере отырып, егер біз өскелең ұрпаққа адалдық қағидаттарын сіңіргіміз келсе, онда ең алдымен оларға адамгершілікті көрсететіндер болуымыз керек.

Тоқаевтың Түркістанда жасаған құрылтайында тәрбие туралы
Біздің президент біздің ұлттық бірегейлігіміз сәттілік екенін айтты. Бұл ел дамуының маңызды стратегиясына айналуы тиіс. Әрбір білім беру мекемесі "біз қалай табысты балабақша, Табысты мектеп, табысты колледж боламыз" деген мақсат қойып, оған жауап беруге дайын болуымыз керек.
Президент "әлемдегі елдің атын насихаттайтын жастар ұлт рухын жандандырады"деп атап өтті. Біз жастардың өнерге, білімге, ғылымға және инновацияға деген қызығушылығын нығайтып, дамытуымыз керек. Мемлекет басшысы білім беруді дамыту арқылы ұлттың жаңа сапасын қалыптастыру міндетін қойды және біз мұны абыроймен жасауымыз керек.
Өскелең ұрпақтың тәрбиесі - өте маңызды мәселе.
Біз ұлттық бірегейлігімізді нығайтуымыз қажет. Жалпы, дүние жүзіндегі әр ұлт - бірегей. Мұны дұрыс түсінуіміз керек. Ұлтымыздың бірегейлігі бұл - оның табысты болуы деген сөз. Табысқа жету үшін жоспарымыз қол жетпес қиялға не болмаса жалаң сөзге емес, нақты іске негізделуі керек. Сонда ғана оның бәрі жұртқа түсінікті, анық болады. Яғни, Қайтсек табысты елге айналамыз? деген сұрақтың жауабы айқын болуға тиіс.
Адал азаматқа тән қасиеттер әрбір жастың бойынан табылуы керек. Ұлттың жаңа болмысы білім, ғылым және мәдениет саласын дамыту арқылы қалыптасады. Осы үш бағытты рухани даму саласындағы жұмыстың мызғымас үштағаны деуге болады.
Біз ұрпақ тәрбиесіне баса мән беріп, жастарды жақсылыққа жетелеуіміз керек. Бүгінгі интернет дәуірінде бұл оңай шаруа емес. Ашығын айтсақ, қазір жас ұрпақ әлеуметтік желі арқылы тәрбие алып жатыр. Баланы дұрыс бағытқа бұрып, жол көрсетіп отырмасақ, бұл - өте қауіпті үрдіс. Ғаламтор арқылы жат діни ағымдардың құрығына түскен жастар да бар. Ұрпақтың бойында жаман әдет болса, бұл - ең алдымен, үлкендердің кінәсі.
Біз жастарды жаһанданудың қатерлі ықпалынан барынша сақтауға міндеттіміз. Ұрпақ тәрбиесіне ықпал ететін шараларға баса мән беруіміз керек. Бұл салада кемшіліктер көп екені жасырын емес. Мектептегі тәрбие жұмысы ақсап тұр. Соңғы кезде оқушылардың бір-біріне қысым, зорлық-зомбылық, әлімжеттік көрсетуі жиі болып кетті. Оны, тіпті, бейнетаспаға түсіріп, әлеуметтік желіге салу сәнге айналды. Кейде балалардың қатыгездігі жан түршіктіреді.
Отбасындағы зорлық-зомбылық қоғамдағы тағы бір келеңсіз және өзекті мәселе болып тұр. Мұндай заңсыз әрекет жасағандар міндетті түрде заң аясында тиісті жазасын алуы керек. Еліміздің болашағы отбасында қалыптасады. Ал отбасы бақытты болса, еліміздің келешегі де жарқын болады.
Шығыстың ұлы ғұламасы әл-Фараби тәрбиесіз берілген білім - адамзаттың қас жауы екенін айтқан. Бала тәрбиесі - ең алдымен, ата-ананың міндеті. Алайда кейде ата-аналар дұрыс тәрбие берудің орнына өздері жағымсыз үлгі көрсетеді. Балалардың тәртібіне бейтарап, селқос қарайды, тіпті, жауапкершіліктің бәрін мектепке, мұғалімдерге жүктейді.
Мемлекеттің ең басты байлығы - адам, яғни азаматтар. Бұл - анық нәрсе. Десек те, ата-аналар баланы, ең алдымен, мемлекет, Үкімет не қоғам үшін емес, өзі үшін дүниеге әкеледі. Әрбір ата-ана саналы ұрпақ өсіруге баса мән беруге тиіс.
Сол сияқты мектеп те - білімнің ғана емес, тәлім-тәрбиенің ордасы. Баланың бойына біліммен қатар адамгершілік құндылықтарды сіңіру - ұстаздың міндеті. Осыған орай балабақшадағы және мектептегі тәрбие ісіне бәріміз қоғам болып мән беруіміз керек, сондай-ақ белсене атсалысуымыз қажет.
Балалар арасында жалпыадамзаттық және ұлттық құндылықтарды дәріптеген абзал. Оқушылар мектеп бітіргенде, ең алдымен, адал азамат болып шығуы керек. Отаншылдық және мемлекетшілдік қасиет әр баланың бойынан табылуы қажет. Балалар мен жасөспірімдерді тәрбиелейтін патриоттық ұйымдардың жұмысын жандандырған жөн.
Отанға деген сүйіспеншілік бұл - үлкен жиындарда ұран тастау немесе тек ән шырқау емес. Отаншылдық бұл - шынайы патриоттық сезім. Тұратын үйіңді, аулаңды, қалаңды таза ұстау, қоғамдық орындарды бүлдірмеу, ұқыпты болу, яғни әр жерге қоқыс лақтырмау, түкірмеу деген сөз. Өкінішке қарай, қазіргі таңда елордамыздың өзінде азаматтарымыз қоршаған ортаға бейқам қарап, әсіресе, жаз кезінде саябақтарды қоқысқа толтырып кетіп жатады. Мұны жасап жатқан бөтен біреу емес, өз азаматтарымыз. Астанаға келген шетелдіктер, көптеген қонақтар соның бәрін көреді, таңғалады. Әрине, бұл - ұят нәрсе. Өйткені өз Отанын шын сүйетін адам оның табиғатын қорғайды, әр гүліне, әр ағашына жанашырлықпен қарайды, бір сөзбен айтқанда, нағыз патриот екенін нақты іс-әрекетімен көрсетеді.
Мен еріктілер туралы үнемі айтып жүрмін. Себебі еріктілер - ең алдымен, патриот жандар. Олар еліміздің дамуына, оның келбетін жақсартуға зор үлес қосып жатыр. Біз бүкіл қоғам болып еріктілерді қолдауымыз керек, олардың еңбегін бағалап, марапаттап отыру қажет.
Сонымен бірге балаларға экологиялық тәрбие беру маңызды. Оларды табиғатқа жанашырлықпен ... жалғасы

Сіз бұл жұмысты біздің қосымшамыз арқылы толығымен тегін көре аласыз.