Азаматтық қорғаныс және жануарлардың жаппай қарулық зақымданудан қорғау

Пән: Ветеринария
Жұмыс түрі: Дипломдық жұмыс
Тегін: Антиплагиат
Көлемі: 63 бет
Таңдаулыға:

МАЗМҰНЫ

Кіріспе . . . 3

1. Әдебиетке шолу . . . 5

2. Еңбекті қорғау және техника қауіпсіздігі . . . 28

4. Азаматтық қорғаныс және жануарлардың жаппай қарулық зақымдаудан

қорғау . . . 30

5. Қоршаған ортаны қорғау . . . 33

6. Ауруға сипаттама . . . 34

7. Шаруашылыққа сипаттама . . . 41

3. 1. Шаруашылықтың эпизоотологиялық жағдайы . . . 44

8. Өзіндік зерттеулер . . . 45

8. 1. Жұмыс жүргізу барысындағы материалдар мен әдістемелер. 45

8. 2 Жұмыс жүргізу барысындағы материалдар мен әдістемелер……. . 53

9 Зерттеу нәтижелері . . . 56

11. Жұмыстың экономикалық тиімділігі . . . 60

Қорытынды 63

Ұсыныстар . . . 64

Пайдаланған әдебиеттер . . . 65

Қосымшалар . . . 66

Кіріспе

Тәуелсіз мемлекетіміздің дамуына бағытталған 2030- бағдарламасында

ауылшаруашылығының басты тірегі мен тұрақтанушы факторы кәсіпкер екені айтылып, шағын және орта бизнесті дамытуда өзекті міндеттерр қойылған Н. Ә. Назарбаевтың қоғамыздың болашағы мен мемлекетіміздің өркендеуі үшін «Қазақстан-2030» атты страгетиялық бағдарламасын халқымызға жолдағаны ветеринария саласын дамыту көздері қарастырылып, 2003-2005 жылдарын ауыл жылдары етіп жариялауы осыған бірден-бір дәлел бола алады. [1]

« Мал-төлден өседі»-«Мал өсірсең қой өсір жемісі оның көл көсір»-дейді халық даналығы. Олай болса, малдың көбеюі алдымен төлдің саулығына, оның жәй-күйінің қоңдылығына байланысты. [1]

Міне, сондықтан да төл күтімін үнемі назарда ұстау, оған өсу процесінің барлық сатысында дерлік бақылау жасап, қамқорлыққа алып отыру маңызды міндеттердің бірі болып саналады. Бүгінгі таңда іргесін нық көтеріп келе жатқан жас мемлекетіміздің дамуында, экономикасының өркендеуінде ауылшаруашылығының, әсіресе мал шаруашылығының маңызы зор.

Ол тек ел экономикасының дамуына ғана емес, әлеуметті азықпен қамтамасыз ету мәселесін де шешіп отыр. Осы орайда бұл мәселені дұрыс байқаған. Ел басы ауылшаруашылығына аса көңіл бөліп, арнайы бағыт-бағдарламалар жоспарлап отыр.

Ал бұл бағытта ветеринарлық мамандардың қосар үлесі мол яғни:

1. шаруашылықта барлық атқарылуға тиісті жұмыстарды дұрыс жоспарлау;

2. Алдын-алу және сауықтыру, емдеу шараларын дұрыс ұйымдастыру;

3. Жоспарланып, ұйымдастырылған іс-шаралардың экономикалық тиімділігін есептеп, анықтай отырып, уақытында әрі сапалы жүргізу.

Осы алға қойған мақсат-міндеттерді толыққанды әрі дұрыс атқарған уақытта ғана малдың өлім-жітімін және аурудан болатын шығынды мейілінше азайту мүмкіншілігіне қол жеткізе аламыз. Бұл дегеніміз-барлық іс-шара жұмыстарды дұрыс ұйымдастыра отырып, шығынды барынша аз жұмсап, шаруашылыққа мүмкінділігінше тиімді қызмет ету.

1. Әдебиетке шолу.

Антибиотиктер (anti-қарсы, vios-өмір) Бұл саңырауқұлақтардан, микроорганизмдерден, жоғары салалы өсімдіктерден және мал етінің ұлпаларынан жасалынатын өзіндік ерекшелігі бар химиялық заттар, бұлардың кейбіреуін синтетикалық жолмен немесе жартылай синтетикалық жолмен алады. [2]

Қазіргі кезде антибиотиктерді көптеген инфекциялық профилактикада

және жұқпалы емес ауруларға қарсы емдік жұмысын жүргізу үшін және де

малдың өнімділігімен сапасын жоғарлатуда үлкен үлес қосады.

Жалпы фармакологиялық заңдылықтармен антибиотиктер жақсы әсер етеді. Заңдылыққа сәйкес шарттан ауытқыған жағдайда антибиотиктердің ағзаға әсері шамалы аз не болмаса кері әсер етуі әбден мүмкін.

Антибиотик термині 1942 ж. қабылданған. Антибиотиктерді оқып білу жөнінде Совет одағының ғалымдары үлкен үлес қосты. Олар З. В. Ермолаев, Г. Ф. Гаузе және тағы басқалары. Ветеринарияда антибиотиктерді зерттегендер болды Н. Н. Леонов, Н. Е. Мозгов, Д. М. Гелованин, В. А. Фатунин, П. Д. Евдокимов әртүрлі антибиотиктердің әрекеті микроорганизмдерге әсері әртүрлі екендігін зерттеген. [2]

Антибиотикер тобының өзіне тән ерекшеліктері болады. Қазіргі кезде бірнеше мыңнан астам антибиотиктер белгілі болса оның 20-25-сі ғана практикада қолданылады. Мұны былай деп түсіндіреді көптеген препараттар өзінің жоғары әсер ету активтілігі күштілігінен адам мен жануарлар ағзаларын уландырады.

Қазіргі кезде 4000-нан аса антибиотикалық заттар бөлетін микроорганизмдер туралы деректер бар. Медицина мен малдәрігерлік салада 60-қа жуық антибиотиктер қолданылады. Олардың жаңа түрлерін іздестіру ары қарай жалғастырылуда. [3]

Антибиотиктердің классификациясын беру үшін олардың 4 қасиеттеріне сүйенген жөн:

Химиялық құрылыстарына;
Шығу тегіне;
Әсер ету бағытына;
Әсер ету механизміне.

Химиялық құрылыстары бойынша оларды 6 топқа бөлуге болады:

Гетероциклді құрылысы бар антибиотиктер. Өкілдері - пенициллиндер мен цефалоспориндер;
Алициклді құрылысы бар антибиотиктер. Өкілдері - тетрациклиндер;
Гликозидтер мен аминогликозидтер. Бұл топқа гликозидтер, аминогликозидтер, макролидтер, полиендер және анзамициндер жатады;
Ароматты қатардағы антибиотиктер. Өкілі - левомицитин;
Антибиотиктер-полипептидтер. Өкілдері - полимиксин, грамицидин және т. б. ;
Әртүрлі топтың өкілдері. Бұл топқа ісіктерге қарсы қолданылатын антибиотиктер жатады.

Шығу тектеріне қарай 4 топқа бөлінеді:

Саңырауқұлақтардың туындылары. Сәулелі саңырауқұлақтардан - пенициллиндер, цефалоспориндер; актиномицеттерден - аминогликозидтер; стрептомицеттерден - тетрациклиндер, макролидтер, стрептомицин, полиендер;
Бактериялардан алынатын антибиотиктер - полипептидтер;
Өсімдіктерден алынатын антибиотиктер - аренарин, иманин, хинин, сальвин және т. б. ;
Жануарлардың тіндерінен алынатын антибиотиктер - экмолин, интерферон, әртүрлі сұйықтар, лизоцим.

Әсер ету бағыттарына қарай:

Микробтарға қарсы әсер ететін антибиотиктер;
Микоздарға қарсы әсер ететін антибиотиктер;
Ісіктерге қарсы белсенді антибиотиктер;
Тоғышарларға қарсы әсер ететін антибиотиктер.

Биохимиялық әсерлерінің механизмдеріне байланысты антибиотиктерді 6 топқа бөледі:

Микроорганизмдердің торшаларының қабырғаларының өткізгіштігін тежейтін антибиотиктер - пенициллиндер, цефалоспориндер;
Белоктың синтезін тежейтін антибиотиктер - тетрациклиндер, аминогликозидтер және макролидтер;
РНК-ның синтезін тежейтін антибиотиктер - рифампицин, оливомицин;
ДНК-ның синтезін тежейтін антибиотиктер - рубомицин;
Мембрана белсенді антибиотиктер - нистатин, полимиксин;
Дем алу процессін тежейтін антибиотиктер - натулин.

Сонымен қатар кең және тар спектрлі антибиотиктер болып бөлінеді. Тар спектрлі антибиотиктер тек грамм оң микроорганизмдерге ғана, ал кең спектрлі антибиотиктер грамм оң және грамм теріс микроорганизмдерге қатарынан әсер етеді. [2]

Микроорганизмдерге әсер ететін антибиотиктердің құрамындағы биологиялық белсенді заттар. Ол заттардың белсенділігі әсер бірлігімен (ӘБ) белгіленеді. Әсер бірлігіне антибиотиктердің стандартты штаммды өлтіретін ең төменгі мөлшері алынады.

Антибиотиктердің терапевтік-профилактикалық тиімділігі олардың төмендегідей оңды қасиеттеріне тікелей байланысты:

Микроорганизмдерге таңдамалы түрде әсер етуі;
Токсиндерді бейтараптауы;
Аз дозасының өзінің тиімділігі;
Тиімділігінің жылдам білінуі;
Белсенділігінің макроорганизмнің тіндері мен сұйықтарында сақталуы;
Макроорганизмге улылығының төмендігі;
Организмнің қорғаныс күшін белсендендіруі;
Топтап емдеу әдісімен қолданудың мүмкіншілігі.

Антибиотиктерді қолданғанда олардың жанама әсерлерін де ескеріп отыру қажет: аллергия, дисбактериоз, нефратоксикалық, гепатотоксикалық және басқа да құбылыстардың байқалуы. Оларға үйреншікті микроорганизмдердің штаммдарының пайда болуы да мүмкін.

Антибиотикотерапияның стратегиясы мен тактикасы. Тактикалық істер:

Микроорганизмдердің сезімталдығын міндетті түрде анықтау;
Емдеуді мүмкіншілігінше ерте бастау;
Жеткілікті түрдегі терапевтикалық дозасын қолдану;
Препаратты қолдану курсын (4-5 күннен кем емес) сақтау;
Синергиялық препараттарды қатарынан қолдану;
Препаратты оңды жіберу жолын таңдап алу;
Препараттың организмдегі айналу мерізімін білу;
Препараттың жанама эффектісін ескеру.

Стратегиялық істер антибиотиктердің емдік бағалылығын ұзақ уақытқа сақтауға бағытталған. Ол үшін күнделікті қолданылатын және қордағы антибиотиктерді дұрыс пайдалануды ұйымдастыра білу керек. [2, 3, 4]

Пенициллиндер мен цефалоспориндер . Бұл препараттардың химиялық құрылыстарының ұқсастығы олардың фармакологиялық қасиеттерін де анықтайды. Екеуі де микробтың торшаларының қабырғаларының қалыптасуына қарсы әсер етеді, екеуі де Грамм оң микроорганизмдерге әсер етеді.

Пенициллиндер. Penicillium саңырауқұлағынан алынған ең бірінші антибиотик. Оларды екі түрлі жолмен алады: ферменттердің қатысуымен биосинтетикалық және синтетикалық жолдармен. Осыған байланысты екі топқа бөлінеді:

Табиғи биосинтетикалық пенициллиндер - бензилпенициллин және оның тұздары, ;
Жартылай синтетикалық пенициллиндер - пенициллиназотұрақты пенициллиндер: метициллин, оксациллин, клоксициллин, диклоксациллин және микробтарға қарсы кең спектрлі әсер ететін: ампициллин, карбициллин.

Жетілдіре беруге болатын негізгі бағыт - жартылай синтетикалық препараттарды алу. Олардың төмендегідей қасиеттерін жетілдіру:

бірталай микроорганизмдер бөліп шығаратын, биосинтетикалық пенициллинді бүлдіретін пенициллиназаның әсеріне төзімді болуын;
ауыз қуысы арқылы қолданғанда қышқылдыққа төзімді болуын;
кең спектрлі әсер етуін.

Пенициллиннің белсенділігін стандартпен салыстыру арқылы анықтайды. 1 әсер бірлігі 0, 6 мкг таза кристаллды бензилпенициллиннің белсенділігіне сай келеді.

Микробтарға қарсы әсерінің негізінде микроорганизмнің торша қабырғаларының биосинтезін жою жатыр. Микробтардың сыртқы қабыршығы күрделі пептидогликаннан тұрады. Олар тиісті ферменттердің әсерінен түзіледі. Пенициллиндер сол ферменттердің белсенділігін жояды. Пептидогликан түзілмейді, гидролизденеді, торшалар көбеймейді, ісінеді, ыдырайды. Пептидогликан макроорганизмде жоқ, сондықтан препарат макроорганизмге улы емес. Сонымен қатар пенициллин макроорганизмге жағымды әсер етеді: фагоцитоз жоғарылайды, организмнің улану деңгейі төмендейді, тотығу-тотықсыздану реакциясы белсендендіріледі, қорғаныс күші жақсарады.

Пенициллиндерді емдеу және аурудан сақтандыру үшін қолданады. Парентеральды жолмен жібергенде жылдам сіңеді, қанда жоғарғы концентрациясы 30-60 минуттан кейін пайда болады. Организмнен бүйректер арқылы, басқа да әртүрлі бездердің қатысуымен шығарылады.

Жанама әсері организмнің аллергиялық реакциясы: бөртпе, терінің қабынуы, фарингиттер.

Бензилпенициллиннің натрий және калий тұздары. Суда, этанолда, эфирде жақсы еритін, ақ түсті ұнтақ. Қайнатқанда, сондай-ақ қышқылдар мен сілтілердің әсерінен белсенділігі тез жойылады. Еттің ішіне, терінің астына әрбір 4-6 сағат сайын жіберу арқылы қолданады. Жараның бетіне себу және аэрозоль түрінде де қолдануға болады.

Бензилпенициллиннің новокаин тұзының да әсері, қолданылуы осындай.

Әсер ету уақыты ұзартылған препараттардың қатарына бициллиндер жатады. , метициллиннің натрий тұзы, оксациллиннің натрий тұзы, ампициллин, карбенициллиннің натрий тұзы, микроцидтер бар. [2, 3, 4]

Цефалоспориндер. Кең спектрлі, микробтарға бактериоцидті әсер ететін антибиотиктер. Қазірде 10-нан аса жартылай ситетикалық препараттар алынған. Олардың белсенділігі табиғи түрлерінікінен әлдеқайда жоғары.

Тыныс алу, зәр шығару жүйелерінің; жыныс жолдарының; жұмсақ тіндердің індетті ауруларында қолданылады. Үлкен дозасында нефротоксикалық эффект болуы мүмкін.

Негізгі өкілдері: цефалоридин, цефалотин, цефалексин.

Тетрациклиндер. Химиялық құрылысының негізін бензолдың 4 ядросы құрайды. Сондықтан бұл топтың препараттарына «тетрациклиндер» деген ат берілген.

Бұл топтың препараттары кең спектрлі, қышқылдық ортаға төзімді және ол ортада белсенділігі жоғары. Әртүрлі препараттардың белсенділіктері мына қатар бойынша төмендейді: хлортетрациклин - тетрациклин - окситетрациклин.

Микроорганизмдердің төзімділігі өте баяу дамиды. Оларға бактериостатикалық әсер етеді. Әсер ету механизмінің негізінде рибосомның деңгейінде белоктың синтезін бұзу құбылысы жатыр. Жоғарғы концентрацияда бактериялардың торша қабырғаларында мукопептидтің синтезін тежейді, онда бактериоцидті әсері білінеді.

Тетрациклиндер жақсы сіңеді, қанда жоғарғы концентрацияда болады, бас ми мен жұлыннан басқа барлық ағзалар мен тіндерге тарайды. Бас ми мен жұлынға тек патологиялық жағдайда ғана сіңеді. Шу кедергісінен оңай өтеді.

Антибиотиктер кальцийдің, ауыр металлдардың иондарымен қиын еритін комплекстер түзеді. Сондықтан оларды сүтпен (құрамында кальций бар), антацидтармен (құрамында алюминий бар), темір препараттарымен бірге қолданғанда белсенділіктері төмендейді.

Препараттарды ауыз қуысы арқылы бергенде олардың қандағы терапевтикалық концентрациясы 8-12 сағаттай, ал еттің ішіне жібергенде 12-24 сағаттай сақталады. Олар көпке дейін сүйек кемігінде, төлдердің сүйектерінде сақталады. Антибиотиктер қолданылған малды 7 тәуліктен кейін ғана союға рұқсат етіледі.

Тетрациклиндерді ауыз қуысы арқылы, еттің ішіне жіберіп, аэрозолды түрде барлық індетті ауруларда қолдануға болады.

Жанама әсерлерінен дисбактериозды, гепатотоксикалық әсерін, эмбриондардың қаңқасының жетілуіне кері әсерін ескерген жөн.

Негізгі өкілдері: тетрациклин, тетрациклин гидрохлориді, окситетрациклин гидрохлориді, хлортетрациклин гидрохлориді, морфоциклин, метациклин гидрохлориді, диоксициклин гидрохлориді, тетрахлоридтер.

Антибиотиктер-гликозидтер. Гликозидтер өсімдіктерде кең тараған. Олардың гликозиль бөлігі оттегінің, күкірттің, азоттың атомдары арқылы қантқа жатпайтын органикалық қосылыстардың радикалымен байланысқан. Оларды агликон, немесе генин деп атайды. Олардың ішінде медицина мен малдәрігерлік тәжірибеде емдік заттар ретінде кеңінен қолданылатын өте көп биологиялық белсенді заттар бар - витаминдер, ферменттер, антибиотиктер, алкалоидтар және т. б.

Стрептомициндер. Бірінші рет Ваксман 1944 жылы ашқан, органикалық негіздегі нағыз гликозид. Ол үш бөліктен тұрады: агликон - стрептидин, стрептоздар және L-метилглюкозаминнен. Көптеген Грамм оң және кейбір Грамм теріс микроорганизмдерге әсер етеді. Әсіресе қышқылдыққа төзімді микроорганизмдерге әсері жоғары. Сондықтан медицинада түберкүлез таяқшасына қарсы қолданады. Рибосом деңгейінде белоктардың синтезін болдырмайды. Пенициллинмен синергиялы түрде әсер етеді.

Жанама әсерлері: аллергия, дисбактериоз, дәрілік лихорадка, дерматит. Әсіресе асқынғанда құлаққа кері әсері - ототоксикалық әсері.

Өкілдері: стрептомицин сульфаты, дигидрострептомицин патотенаты, стрептомицин-хлоркальций комплексісі. [2, 3, 4]

Антибиотиктер-аминогликозидтер. Бұл топтың өкілдері: неомицин, мономицин, гентамицин, канамицин және т. б. құрылысы жағынан стрептомициндерге ұқсас. Құрамында амин топтары бар. Саңырауқұлақ - Actinomyces fradiae-ден алынатын табиғи және жартылай синтетикалық жолмен алынатын түрлері бар. Кең спектрлі, бактериоцидті антибиотиктер. Әсіресе колибактериоз, сальмонеллез, пастереллез қоздырғыштарына тиімділігі жоғары. Ас қорыту жүйесінде сіңуі нашар, сондықтан оларды еттің ішіне, ингаляция арқылы және сырттай қолданады.

Әсер ету механизмі микроб торшаларының рибосом деңгейінде белоктарының синтезін болдырмайды және кейбір фермент жүйелеріне әсер етеді. Жанама әсері - нефротоксикалық және ототоксикалық әсерлері. Препараттардың күкіртті тұздары жиі қолданылады. Соңғы кездерде малдәрігерлік тәжірибеде тобрамицин, күкіртті сизомицин, амикацин препараттары қолданылып жүр. Олар қоспалы індетті ауруларда нәтижелі. Еттің ішіне жіберу арқылы қолданылады.

Спектомицин. Химиялық құрылысы жағынан аминогликозидтерге ұқсас. Әртүрлі стрептомицеттер түзеді. Суда еритін ақ түсті ұнтақ. Көптеген Грамм оң және Грамм теріс микроорганизмдерге бактериостатикалық әсер етеді. Төлдердің және құстардың бактериалы індеттерінде: колибактериозда, сальмонеллезде, респираторлы микоплазмозда, пастереллезде, диспепсияда, құстардың індетті синусит ауруында қолданылады. [4]

Антибиотиктер-макролидтер. Бұл топқа эритромицин, олеандомицин және құрамында тилозин бар препараттар жатады. Көбінесе грамм оң және кейбір грамм теріс микроорганизмдерге әсері бар. Макролидтерге микоплазмалар, риккетсилер, сібір жарасының таяқшасы және клостридилер сезімтал келеді. Әсер ету механизмі гликозидтердікіндей. Ауыз қуысы арқылы қолданғанда жақсы сіңеді, организмнің барлық жерлеріне тарайды, терапевтикалық дозасы 6-8 сағаттай сақталады.

Жанама әсерлері өте сирек кездеседі. Онда ас қорыту процессі бұзылады (іш өту), дисбактериоз, ұзақ уақыт қолданғанда бауырдың қызметінің бұзылуы байқалады. Аллергиялық реакция да мүмкін.

Құрамында тилозин бар препараттар. Саңырауқұлақ Streptomyces fradie-мен түзілетін антибиотиктер. Өкілдері: тилозин, спирамицин, фармазин, фрадизин. Бұл препараттардың ерекшеліктері оларды қандай жолмен организмге жіберсе де олардың жоғарғы концентрациясы өкпелер мен ішектердің қабырғаларында шоғырланады. Міне сондықтан да құстардың респираторлы микоплазмоз ауруында құрамында тилозин бар препараттардан тиімді препараттар қазірде жоқ. Соңғы кездерде оларды еттің ішіне жіберу арқылы бұзаулар мен торайлардың ас қорыту жүйесінің ауруларын емдеуде және олардың алдын алуда жоғарғы нәтиже алынуда.

Бұл препараттар - таза малдәрігерлік препараттар. Болғарияда, Америкада, Францияда, Ресейде шығарылады.

Полиенді - саңырауқұлақтарға қарсы қолданылатын антибиотиктер . Оларға жататындар - нистатин, амфотерицин В, леворин, микогептин және т. б. Әрбір препараттардың бір-біріне ұқсас бірнеше компоненттері бар. Олардың макроциклдік құрылысында өзара гликозид арқылы байланысқан агликон мен амин канттары бар. Сондықтан оларды аминогликозидтердің қатарына да жатқызуға болады.

Барлық препараттары су мен спиртте ерімейді; жарыққа, жоғарғы температураға, ауадағы оттегіне, басқа да тотықтырғыштарға сезімтал.

Антибиотиктер-анзамициндер . Тәжірибе жүзінде табиғи рифамицин мен жартылай ситетикалық рифамициндердің маңызы бар. Олар суда нашар ериді. Грамм оң микрофлораға белсенді. Үлкен дозасы грамм теріс микрофлораға да әсер етеді. Медицинада түберкүлезге қарсы қолданады.

Аромат қатарының антибиотиктері. Тәжірибеде левомицетин қолданылады. Ол 1947 жылы актиномицет культурасының сұйығында байқалған, ал 1949 жылы оның құрылысы анықталып, синтездік жолмен алынған. Левомицетинді өндірістік көлемде шығарылған бірінші антибиотик десе де болады. Ол нитробензол туындысы. [2, 3]

Көптеген індетті ауруларда тиімділігі жоғары. Бірақ жанама әсерлері бар: кілегей қабықтарды тітіркендіреді, дисбактериоз тудырады, гемопоэзге токсикалық әсер етеді, геморрагиялық синдром пайда болуы мүмкін.

Левомицетин . Ащы дәмді, сарғыш-жасыл түсті кристаллды ұнтақ. Суда нашар, спиртте жақсы ериді. Микроорганизмдердің белоктарының синтезін бүдіреді. Кең спектрлі антибиотик. Әсері бактериостатикалық. Ас қорыту түтікшесінде жақсы сіңеді, барлық ағзалар мен тіндерге тарайды. Терапевтикалық концентрациясы организмде 5-7 сағаттай сақталады. Бүйректер арқылы бөлінеді.

Малдар мен құстардың көптеген індетті және жұқпалы емес ауруларында: диспепсияда, сальмонеллезде, колибактериозда, колиэнтеритте, лептоспирозда, пастереллезде, бронхопневмонияда, зәр шығару жолдарының ауруларында қолданылады.

Көптеген аэрозоль баллондарының құрамына кіреді.

Левомицетин стеарат, левомицетин сукцинат ертіндісі бар.

Синтомицин . Химиялық құрылысы жағынан левомицетинге ұқсас. Суда ерімейтін, ақ түсті ұнтақ. Белсенділігі левомицетиннен екі есе төмен. Қолданылуы левомицетиндікіндей, бірақ дозасын екі есе жоғарылатады. Сырттай іріңді жараларды, тері ауруларын емдеу үшін линимент, немесе эмульсия түрінде қолданады. [4]

Антибиотиктер-полипептидтер. Актиномицеталармен, кейбір топырақ бактерияларымен түзіледі. Химиялық құрылысы әртүрлі антибиотиктер мен олардың қалдықтарынан тұрады. Кейбір полипептидтер белсенді зат ретінде Грамм теріс бактериялардың мембраналарының фосфолипидтерімен реакцияласады да оларды өлтіреді. Бұл қасиеті залалды ісіктердің торшаларының өсуін тежеу үшін өте маңызды. Көптеген полипептидтер пенициллиндер тәрізді әсер етеді.

Күкіртті полимиксин М. Топырақ бактерияларымен түзілетін табиғи антибиотик. Химиялық құрылысы күрделі, полипептидтердің қалдықтарынан тұрады. Суда жақсы ериді, ақ түсті ұнтақ. 1 мкг = 8 ӘБ.

Негізінен грамм теріс микроорганизмдерге әсер етеді: ішек, іш сүзегінің, көк ірің таяқшаларына.

Ауыз қуысы арқылы дизентерияда, колибактериозда, сальмонеллезде, энтероколитте; жергілікті түрде жараларда, күйіктерде қолданады.

Күкіртті полимиксин В, грамицидин, күкіртті ристомицин препарттары бар.

Әртүрлі топтардың антибиотиктері . Линкомицин гидрохлориді. Стрептомицеттер түзетін табиғи антибиотик. Суда жақсы ериді, ақ түсті ұнтақ. Грамм оң микрофлораға белсенді: стафилококктарға, стрептококктарға, пневмококктарға, дифтерия таяқшасына, кейбір анаэробтарға, микоплазмаға. Терапевтикалық дозада бактериостатикалық әсер етеді. Механизмі - бактерия торшаларында белоктың синтезін болдырмау. 1 ӘБ = 1 мкг. Сүйек тінінде шоғырланады. Ауыз қуысы арқылы және еттің ішіне тағайындайды. Бронхопневмонияда, терінің індетті ауруларында, микоплазмозда тиімді. [2, 3]

Фузидин-натрий. Фузидиум саңырауқұлағы түзетін табиғи антибиотик. Ядросының құрылысында жүрек гликозидтері және басқа да биологиялық белсенді заттар бар. Суда, спиртте еритін, ақ-сарғыш түсті ұнтақ. Стафилококктарға, менингококктарға, гонококктарға бактериостатикалық әсер етеді. Пневмококктар мен стрептококктарға белсенділігі төмен. Ауыз қуысы арқылы қолданғанда тез сіңеді, барлық ағзалар мен тіндерге тарайды. Терапевтикалық концентрациясы 24 сағаттай сақталады. Ұзақ уақыт қолданғанда кумуляция мүмкін. Ас қорыту жүйесі арқылы негізгі бөлігі бөлінеді, аздап бүйректер арқылы бөлінеді. Жанама әсерінен құсу, диарея, теріде аллергиялық реакция болуы мүмкін.

Көбінесе иттер мен бағалы тері аңдарының күшіктерін емдеу үшін қолданады.

Гелиомицин майы. Сәулелі актиномицет саңырауқұлағы түзетін антибиотик. Грамм оң микроорганизмдерге белсенді. [3]

Экземаны және басқа да тері ауруларын емдеу үшін қолданылады

Пенцилин топтары.

Экмоновоцин.

Экмоновоцин-экмолиннің сулы ерітіндісіндегі, бензил пенциллиннің новокаинді тұзының суспензиясы немесе әрбір 300 000 ЕД новокаинды тұзға 100 000 ЕД қосылған осы сияқты суспензия.

Суспензияны пайдаланар алдында дайындайды, ол үшін құрамында

новокаин тұзы бар бензил пенциллиннің флаконына экмолиннің ерітіндісін қосады. Экмоновоцилмен микробтарға қарсы әсері жағынан пенциллинге өте жақын. Бұлшықетке бір рет жібергенде, ол қанда 18-24 сағатт сақталады. Препаратты тәулігіне бір рет 4-6-7 күн бойы қатарынан аурудыңауыр жеңіліне қарай қолданылады. Бұл салада көбіне экмоновоцинмен 2 кеңінен қолданылады, өйткені ол ауру мал организмін емдеу концентрациясын тез шоғырландырады, ал мұның өзі жіті өтетін бактериялы аурулардың немесе жұқпалы аурудың организмге таралуы жөнінде зор маңызы бар. [2, 3, 4]

Бициллин-NN дибензилэтилендиамин (бициллин-1) ; қосылған бензилпенциллиннің (новокаин) кристалды тұзы; бензилпенциллиннің 100 000ӘБ калий тұзынан және бициллиннің 300 000 ӘБ тұратын қоспа бициллин -2 деп аталады, ал бензилпенцилиннің 100 000ӘБ калий тұзынан бензилпенциллиннің новокаинды тұзынан және бензилпенциллиннің этилендиолинді тұратын қоспалар бициллин-3-деп аталады.

Бициллин суспензиясын пайдаланар алдында дайындайды. Ол үшін

бицилині бар флаконға зиянсыздандырылған су немесе препараттың әрбір

100-150 ӘБ 1 мл есебімен хлорид натрийінің изотониялық ерітіндісін құяды.

... жалғасы

Сіз бұл жұмысты біздің қосымшамыз арқылы толығымен тегін көре аласыз.