Георгиннен фруктоза алудың тиімді жағдайын анықтау

Бүгінгі таңда қант диабеті ғасыр ауруына айналып отыр. Бұл індет таралуы жөнінен анкологиялық және жүрек . қантамыр ауруларынан кейінгі үшінші орында тұр. Қант диабеті қандағы қанттарды ыдыратып, оның мөлшерін реттеп отыратын инсулин гормонының жетіспеушілігінен туындайды. Қант диабетімен ауыратындарды емдеудің негізгі әдісі . диетатерапия болып табылады.Сондықтан да, қант алмастырғыштарды өндіру бүгінгі таңда өзекті мәселелердің бірі болып отыр. Сондай қант алмастырғыштардың бірі . фруктоза [1].
Фруктоза (левулоза, жеміс қанты) . моносахаридтер тобына жататын глюкозаның изомері. Фруктоза сахароза мен инулиннің құрамдас бөлігі болып табылады. Фруктозаның жеміс қанты деп аталу себебі, ол табиғи күйінде барлық жеміс.жидектердің құрамында кездеседі. Балдың негізгі бөлігі фруктозадан тұрады [2].
Фруктозаның негізгі қасиеттерінің бірі.оның тәттілігі, ол сахарозадан 1,5.1,7 есе тәтті [3]. Фруктозаны қолдану арқылы қанттың қабылдау мөлшерін 30.50 %.ға азайтуға болады. Фруктоза адам организмінде өте сіңімді, қорытылу кезінде инсулиннің қатысуын қажет етпейді. Сондықтан да, фруктоза диабеттерге арналған препараттар жасауда, диеталық тағамдар даярлауда және басқа да тамақ өнімдерін даярлауда кеңінен қолданылады [1].
Сонымен қатар, фруктозаның басқа да ерекше қасиеттері бар. Ол қандағы алкогольдің ыдырауын күшейтеді және де тамақтануда кәдімгі қантты фруктозамен алмастыру . тіс ауруларының алдын алуға септігін тигізеді [4].
Фруктозаны алудың өндірістік маңызы бар көздеріне инулин құрамдас өсімдіктер жатады. Мұндай өсімдіктерге жататындар: топинамбур, шашыратқы, түйежапырақ, георгин, бақбақ т.б. Солардың бірі . георгин [5].
Георгин (далия, нарғызгүл) . күрделігүлділер тұқымдасына жататын көпжылдық шөптесін өсімдік. Георгиннің Отаны . Мексика, Орталық Америка елдері. Бұл өсімдіктің 15.ке жуық жабайы түрі белгілі, ал қолдан өсірілген 8000.нан астам сорты бар. Бүгінгі күні бұл өсімдік әлемнің барлық елдерінде мәдени мақсатта қолданылады [6]. Георгиннің тамыры . етті.жеңді түйнекті болып келеді, қоректік заттар қоры түйнек тамырында жиналады. Бүгінгі таңда халықаралық ұйым георгиннің бойы 20см.ден 2м.ге дейін жететін 20 000 түрін анықтап отыр.