Салық және салық жүйесі. Қазақстан Республикасының салық жүйесі

Пән: Салық
Жұмыс түрі: Курстық жұмыс
Тегін: Антиплагиат
Көлемі: 30 бет
Таңдаулыға:

Жоспар:

Кіріспе . . . 3

I. Тарау. САЛЫҚ ЖӘНЕ САЛЫҚ ЖҮЙЕСІ . . . 4

1. 1. Салық ұғымы және оның әлеуметтік-экономикалық мәні . . . 4

1. 2. Салық жүйесі . . .

1. 3 Салық алуды ұйымдастыру

II. Тарау. ҚАЗАҚСТАН РЕСПУБЛИКАСЫНЫҢ САЛЫҚ ЖҮЙЕСІ

2. 1. Қазақстан Республикасындағы салықтардың түрлері

2. 2. Қазақстан Республикасындағы салық салу принциптері 41-43

2. 3. Салық салудағы өзгерістер 43-46

Қорытынды

Пайдаланылған әдебиеттер тізімі

Кіріспе

Салық - кез келген өркениетті мемлекеттің негізгі табыс көзі.

Салық жүйесі - мемлекет пен салық төлеушінің арасындағы күрделі, өзара байланысты әлеуметтік - экономикалық қатынастардың жиынтығы.

Осы қарым-қатынастар неғұрлым үйлесімді болса, соғұрлым салық жүйесі мемлекеттің экономикалық саясатына ықпалды болады. Салық жүйесі экономикалық саясаттың құралы ретінде кәсіпкерлік қызметті ынталандыруға, елдің тұрмыс-жағдайын жақсартуға, елде болып жатқан экономикалық процестерге белсене қатысуы тиіс.

Ұйымдық - құқықтық жағынан салықтар - бұл мемлекет біржақты тәртіппен заң жүзінде белгілеген, белгілі бір мөлшерде және мерзімде бюджетке төленетін қайтарусыз және өтеусіз сипаттағы міндетті ақшалай төлемдер.

Салықтардың экономикалық мәні оолардың өзінің функциялары мен міндеттерін жүзеге асыру үшін мемлеект жұмылдыратын ұлттық табыстың бір бөлігі болып табылатындығында.

Салықтар қаржының бастапқы категориясы болып табылады, олар мемлеектпен бірге пайда болды және мемлекеттің өмір сүріп, дамуының негізі болып саналады.

Салықтар барлық елдерде, олардың қоғамдық -экономикалық құрылысы мен саяси іс-бағытына қарамастан, ұлттық табысты қайта бөлудің басты қаржылық құралы, мемлекеттің кірістерін және бюджеттің кірістерін қалыптастырудың шешуші көзі болып табылады.

Салықтар мемлекеттің қаржы ресурстарын қалыптастыруда заңды және жеке тұлғалардың қатысу міндеттілігін білдіреді.

Белгілі философ Фрэнсис Бэкон салықтарды төлеу -әрбір азаматтың қасиетті борышы деген еді. ҚР-сы Конститутциясының 35-ші бабында:заңды түрде белгіленген салықтарды, алымдарды және өзге міндетті төлемдерді төлеу әркімнің борышы әрі міндеті болып табылады, - деп жазылған.

Салықтың экономикалық мәні-шаруашылық субъектілерінен, азаматтардың ұлттық табыстың бір бөлігін алу жөніндегі өндірістік қатынастардың бір бөлігі болып табылатындығында.

Салықтың мәні мемлекет өз пайдасына жалпы ішкі өнімнің белгілі мөлшерін нақтылы жарна ретінде алып қалады.

Салықтар мемлекеттің өмір сүруінің негізі болып саналады. Мемлекетті ұстау үшін, халықтың ақшалай немесе натуралдық формада тұрақты түрде төлейтін жарналары қажет болады. Адамзаттың даму тарихында салықтың нысандары мен әдістері мемлекеттің сұранымдары мен қажеттеріне қарай бейімделіп, өзгерістерге ұшырап отырды.

I. Тарау. САЛЫҚ ЖӘНЕ САЛЫҚ ЖҮЙЕСІ

1. 1. Салық ұғымы және оның әлеуметтік - экономикалық мәні

Салықтар - тауарлы өндіріспен бірге, қоғамның топқа бөлінумен және мемлекеттің пайда блуымен, оған әсер, сот, қызметкерлер ұстауға қаражаттың қажет болуынан пайда болды.

Салықтың мәні мемлекет өз пайдасына жалпы ішкі өнімнің белгілі мөлшерін нақтылы жарна ретінде алып қалады.

Салық дегеніміз-белгілі бір мерзімде және белгілі бір көлемде алынатын, заң бойынша қарастырылған міндетті төлемдер.

Қорыта айтқанда, барлық анықтамалар бір негізді құраушы жүйе екендігін байқауға болады.

Салықты басқа да төлемдерден ажырата білуіміз керек. Себебі, салық белгілі бір объектілерден (табыс, мүлік, тауар, жер, көлік, мұра) төленеді. Сонымен қатар салықты төлеудің өзіндік бір мерзімі болады (салық кезеңі -бір күндік, он күндік, айлық, тоқсандық, жылдық) және белгілі бір көлемде немесе мөлшерде (салық ставкасы) алынады.

Қазақстан Республикасының мемлекеттік бюджетке салықтардың меншікті салмағы 70 пайызын құрайды.

Салық материалдық тұрғыдан алғанда, бұл белгілі бір уақытта, белгіленген тәртіппен белгілі мөлшерде салық төлеушінің мемлекетке төлейтін ақшалай сомасы, ал экономикалық мағынада - белгілі уақытта белгіленген тәртіппен белгілі бір мөлшердегі құнының мемлекет пен төлеуші арасындағы бір жақты қозғалысын байланыстарын ақша қатынастары, заңдық не құқықтық мағынада - бұл тұлғаның мемлекетке белгілі бір мөлшердегі ақшалай беретін міндеттемені тудыратын мемлекеттік қарар.

Салықтардың экономикалық мәні салықтарды мемлекеттің өзінің функциялары мен міндеттерін жүзеге асыру үшін жұмылдырылатын шаруашылық жүргізуші субъектіден, азаматтардан ұлттық табыстың белгілі бір үлесін алу жөніндегі өндірістік қатынастардың бөлігі болып табылатындығында және мемлекеттің заңды және жеке тұлғалармен қалыптасатын ақша қарым-қатынастарымен сипатталады, сондықтан салықтар экономикалық категория ретінде қаралады. Салықтардан мемлекеттің экономикалық мазмұны нақты түрде көрінеді, ал салықтардың әлеуметтік-экономикалық мәні, олардың түрлері мен ролі қоғамның экономикалық құрылысымен, мемлекеттің табиғатымен және функцияларымен айқындалады.

Белгілі философ Френсис Бэкон салықтарды төлеу - әрбір азаматтың қасиетті борышы деген еді.

Әрбір мемлекетке өзінің ішкі және сыртқы саясатын жүргізу үшін белгілі бір мөлшерде қаржы көздері қажет. Салықтар - мемлекеттің тұрақты қаржы көзі.

Салықты бюджетке төленетін басқа да міндетті төлемдерден ерекшелендіретін айрықша белгілері бар, атап айтсақ:

- Салық - мемлекетке тиесілі қоғамдық жиынтық өнімді бөледі;

- Салық - ақшалай нысанда төленеді;

- Салық - қайтарылмайтын төлем болып табылады;

- Салық - баламасыз сипатта болады;

- Салық - салықты төлеген кезде меншік нысандары айқындалады;

- Салық - тұрақты экономикалық қатынас туғызады;

Ал, енді осы белгілердің мазмұнын тереңірек қарастырайық.

1. Салық - мемлекетке тиесілі қоғамдық жиынтық өнімді бөледі.

Мемлекеттік апппарат мемлекетке тиесілі ақша сомасын өндірмейді. Сондықтан мемлекет заңды және жеке тұлғаларға салық салу арқылы қажетті соманы өндіріп алып отырады. Мұның экономикалық сипаттамасы мемлекет салықты белгілеу және өндіріп алу арқылы өндірілген қоғамдық жиынтық өнімнің бір бөлігін өзіне тиесілі сома ретінде айналдырып алады. Бұл жерде салық қатынасы бөлуші сипатта болады.

2. Салық - ақшалай нысанда төленеді.

Натуралдық нысанда төленуі де мүмкін. Мәселен, ауыл шаруашылығы саласында жиналған өнімнің бір бөлігі салық ретінде төленеді.

Салық кодексінде салық ақшалай нысанда төленуі тиіс деп атап көрсетілген.

3. Салық - қайтарылмайтын төлем болып табылады.

Салықты төлеген кезде ақша тек бір бағытта ғана қозғалады, яғни салық төлеушіден мемлекетке бағытталады.

Мұның қайтарымды төлемдерден (мысалы, мемлекеттік қарыз) айырмашылығы:

- Біріншіден, ақша салық төлеушілерден мемлекетке қарай қозғалады;

- Екіншіден, кері қайтады, яғни мемлекеттен салық төлеушілерге бағытталады.

Ал, қайтарымсыздық дегеніміз - ақшаны мерзімсіз алудыбілдіреді, яғни ол соманы қашан қайтатыны белгісіз.

4. Салық - баламасыз сипатта болады.

Салық құнның ақшалай нысанда бірбағытта қозғалысын айқындайды, төлеген салыққа қарсы тауар түрінде болса да қозғалыс жоқ. Толығырақ айтқанда, салық қандай да бір тауарға, немесе мемлекеттік қызметке төлем болып есептелмейді, яғни ақшаның өтеусіз алынуын көрсетеді.

Сондықтан салық - баламасыз төлем болып табылады.

5. Салықты төлеген кезде меншік нысандары айқындалады.

Салықты төлеген кезде меншік нысандары ақша қаражаттарына, немесе материалдық құндылықтарда жеке меншіктен мемлекеттік меншікке өтеді. Анығын айтқанда, салық салу мемлекетке тиесілі меншіктерді иеліктен шығарады, ал меншік иелері арасындағы туындайтын салық қатынастарында мемлекет жеке меншіктен мемлекеттік меншікке салық төлемдерінде меншік құқықтарын өзгерте алады.

6. Салық - тұрақты экономикалық қатынас тудырады.

Салықты белгілеуде тұрақты салық қатынастары пайда болады. тұрақтылықты мынадан байқауға болады, яғни салық жеке түрде емес, нормативті құқықтық актілермен белгіленеді. Мәселен, бір тұлғаның нақты салық салу объектісі бар болса, ол салық міндеттемелерін орындаушы болып табылады.

Салық қатыастарының тұрақтылығы салық төлеу арқылы жүйелі төлемдерге бармауы тиіс. Кейбір салықтарда салық төлеушілер үшін салық төлеу жеке төлемдік сипатта болады (мысалы, мүлік салығын жеке азаматтар жылына бір рет төлейді) немесе кейде кенеттен салық төлеу сипаты пайда болады (мәселен, ойламаған жерден жасаған жұмысына жалақы алады) .

Азаматтардың мүлік салығын төлеген кезде, оның салық қатынастары қысқартылмайды, қайта салық төлеушілердің ағымдағы кезеңдегі төлеген салықтарымен қоса, келесі салық кезеңдерінде де салық төлеуге міндетті болады. бұл процесс салық төлеушілердің меншік иесі ретінде құқынан айрылғанға дейін жалғасын таба береді.

Сонымен қатар салықтың құқықтық бірнеше белгілері бар, атап айтқанда:

салықты - мемлекет немесе уәкілдік берілген мемлекеттік орган белгілейлі;

салық - құқықтық нысанда жүзеге асады;

салық - мемлекеттің бір жақты белгіленімі болып табылады;

салықты белгілеу арқылы салық міндеттемесі туындайды;

салық - мәжбүрлеме сипатта болады;

салық төлеу арқылы ақшаны алу құқықтық сипатта жүзеге асырылады;

Салықты реттеудің тетіктері:

Салықтүрлері;

Салықставкалары;

Салықжеңілдіктері;

Салықсалу әдістері;

Салық төлеуден қашу себептері:

Елеулі салық ауыртпалығы;

Салық заңының айқынсыздығы;

Субъектілердің саналы түрде алдын-ала салық мөлшерін төлемеуге ұмтылуы;

Салық қызметін ұйымдастырудағы кемшіліктер болуы мүмкін.

Салық ауыртпалығы - салық жиналуының жалпы мөлшерінің бірлескен ұлттық өнімге қатынас ретінде анықталатын көрсеткіш.

Ұйымдық - құқықтық жағынан салықтар - бұл мемлекет біржақты тәртіппен заң жүзінде белгілеген, белгілі бір мөлшерде және мерзімде бюджетке төленетін қайтарусыз және өтеусіз сипаттағы міндетті ақшалай төлемдер.

Салық салудың қазіргі қағидаттары мыналар:

Салық салудағы әділдік қағидаты екі аспектіде қарастырылады:

«деңгейлес теңдікке» жету салық төлеушілердің табыстарына тең жағдайда біркелкі салық салынады;

«сатылас теңдікті» сақтау - жеке тұлғалардың табыстарына салық салу табыстардың бір бөлігін қайта бөлу үшін прогрессивті шәкіл бойынша сараланған мөлшерлемелерді қолдана отырып жүргізілуі тиіс.

Қарапайымдылық қағидаты. Салық механизмі салық төлеушіге түсінікті болуы тиіс, ол рабайсыз әрі күрделі болмауы керек.

Салықтардың анықтығы - алдын ала белгіленген шарттар мен талаптардың мызғымас теңдігі елдің барлық аумағында және барлық шаруашылық жүргізуші субъектілер үшін түсіндіру мен қолданудың біркелкілігі.

Жеңілдіктердің ең аз саны. Жеңілдіктер құндық үйлесімдерді бұрмалайдыжәне салық салу субъектілерін тең емесжағдайларға әдейі қояды.

Салық салудың экономикалық бейтараптығы. Салықтар экономиканың жұмыс істеуін жақсартуға және инвестициялардың өсуіне кедергі жасамауы тиіс.

Экономикалық қатынастар бойынша осы елдің басқа әріптес елдермен салықтардың негізгі түрлері бойынша салық мөлшерлемелерінің салыстырмалығы.

Қазақстанның салық заңнамасында сонымен бірге салық және бюджетке төленетін басқа міндетті төлемдерді төлеудің міндеттілігі, салық салудың айқындығы, әділдігі, салық жүйесінің біртұтастығы және салық заңнамасының жариялығы қағидаттарына негізделеді.

Салық төлеуші салық заңнамасына сәйкес салықтық міндеттемелерін толық көлемінде және белгіленген мерзімдерге орындауға міндетті.

Салықтар және бюджетке төленетін басқа міндетті төлемдер айқын болуы тиіс. Салудың айқындығы салық төлеушінің салықтық міндеттемелері туындауының, орындалуының және тоқтатылуының барлық негіздері мен тәртібін салық заңнамасында белгілеу мүмкіндігін білдіреді.

Еліміздегі салық салу жалпыға бірдей және міндетті болып табылады. Жеке сипаттағы салық жеңілдіктерін беруге тиым салынады.

Қазақстанның салық жүйесі оның бүкіл аумағында барлық салық төлеушілерге қатысты бірыңғай болып табылады.

Фискалдық функция - барлық мемлекеттерге тән негізгі функция. Оның көмегімен бюджеттік қор қалыптасады, мұның өзі салықтардың қоғамдық міндеттерін арттыра түседі. Өйткені салықтар мемлекеттік бюджеттің кірістерін толықтыра отырып, экономиканы, әлеуметтік-мәдени шараларды жүзеге асыруды қамтамасыз етеді.

Салықтардың реттеуші функциясы - мемлекеттің экономикалық қызметінің ұлғаюымен байланыстыпайда болады. Ол ұлттық шаруашылықтың дамуына қабылданатын бағдарламаларға сәйкес ықпал етеді. Бұл орайда салықтардың нысандарын таңдау, олардың мөлшерлемелерінің, алу әдістерінің өзгеруі, жеңілдіктер мен шегерімдер пайдаланылады. Бұл реттеуіштер қоғамдық ұдайы өндірістің құрылымы мен үйлесіміне, қорлану мен тұтыну көлеміне ықпал етеді.

Қайта бөлу функциясы арқылы түрлі субъектілер табысының бір бөлігі мемлекеттің қарамағына өтеді. Бұл функцияның іс-әрекетінің ауқымы жалпы ұлттық өнімде салықтардың алатын үлесі арқылы анықталады; ол ұлттық табыстың мемлекеттендірілу дәрежесін көрсетеді: бұлүлес 1997 ж-19, 7%, 1998ж-16, 6%, 1999ж-17, 4%, 2000ж-22, 6%, 2001ж22, 2% болды (ал Ұлттық қорды есепке алғанда -25, 0% ), 2003ж-21, 3% (Ұлттық қорды есепке алғанда -25, 3% ) болды.

Салықтардың аталған функциялары олардың әлеуметтік -экономикалық мәні мен мазмұнын толық аша түседі. Жалпы қаржы категориясы тұрғысынан салықтар қосалқы категория болып табылатындығын есте ұстаған жөн, сондықтан қаржыға қатысты салықтардың функцияларын қаржының бөлгіштік функциясының құрамдас қосалқы функциясы ретінде қарастырған жөн.

Мемлекет салық саясатын - салық саласындағы шаралар жүйесін қоғамның оның нақтылы кезеңіндегі әлеуметтік - экономикалық және басқа мақсаттар мен міндеттеріне қарай әзірленген экономикалық саясатқа сәйкес жүргізеді.

2007жылдан бастап салық саясаты экономиканың жекеленген секторларының әлуетін іске асыруға және жекеше кәсіпкерліктің еркін дамуына кедергі келтіретін әкімшілік рсімдеуді оңайлатуға бағытталған. Сонымен бірге қосылған құн салығының мөлшерлемесі 14%-ға дейін төмендетілді; ең аз жалақыны шегерімге жатқыза отырып барлық жеке тұлғалар үшін 10%деңгейіндегі жеке табыс салығының тіркелген мөлшерлемесі енгізілді; шағын бизнес субъектілері үшін патент негізінде 2%-ға дейін арнаулы салық режімінде салық мөлшерлемесі төмендетілді, оңайлатылған мағлұмдама негізінде оңайлатылған мағлұмдама негізінде 3%-дық бірыңғай мөлшерлеме енгізілді.

Бұдан басқа дивиденттерге жинақтаушы сақтандыру саласында қызметін жүзеге асыратын сақтық ұйымдарының инвестициялық кірістеріне қос салық салу жойылды, корпорациялық табыс салығы бойынша аванстық төлемдерді есептеу механизмі жетілдірілді.

Рыноктық қатынастардың қалыптасуы жағдайларында салық саясатының негізгі бағыты құтынудың орталықтандырылған қоғамдық қорлары арқылы халықтың нақты табыстарының едәуір бөлігін қалыптастырудың өзін ақтамаған қағидатынан шегіну болып табылады. Бұл еңбек белсенділігін күшейтуге экономикалық мүдделіліктің уәждемелік механизмі арқылы халықтың еңбекке жарамды бөлігініңтабыстарын айтарлықтай көбейтуге мүмкіндік жасайды. Салық жүйесі арқылы қоғамның еңбекке жарамсыз мүшелерін неғұрлым тиімді әрі сенімді қорғау қамтамасыз етіледі.

1. 2. Салық жүйесі

Салық жүйесі - бұл, мөлшерлемелері төлеушілер және салық салу объектілері, төлеу тәртібі, жағдайы және мерзімдері, есептеу мен тіркеу әдістері көрсетілген, заңдарға сәйкес белгіленген, көрсетілген уақыт аралығында әрекет ететін барлық салықтар тізімі.

1991 жылдың 25 желтоқсанында қабылданған Қазақстан Республикасының «Қазақстан Республикасындағы салық жүйесі» туралы Заңында салық жүйесін құрудың жалпы принциптері, салықтар және басқа да міндетті төлемдерді төлеу тәртібі, әр деңгейде бюджетке есепке жатқызылуы, сондай-ақ салық төлеушілердің құқығы мен міндеттері, олардың осы төлемдері толық және уақытылы бюджетке аударылуына жауапкершілігі анықталған.

Осы заңға сәйкес салықтар үлкен үш топқа бөлінді:

Жалпы мемлекеттік салықтар;

Міндетті түрде төленетін жергілікті салықтар мен алымдар;
Жергілікті салықтар мен алымдар.

Жалпы мемлекеттік салықтарға;

Табыс салығы .

Қосылған құн салығы .
Акциздер.
Экспорт және импорт салығы.
Бағалы қағаздармен жасалатын операцияларға салынатын салық.
Кедендік тариф пен төлем.
Жер қойнауын пайдаланушылардың арнайы салығы мен төлемдері.
Көлік құралдары салығы.
Бекітілген төлемдер.
Автокөлік құралдарын иемдену салығы.
Автокөлік құралдарының ҚР-ның аумағына кіру салығы.
Заңды тұлғалардың мүлік салығы.
ҚР-ның азаматтарынан, шетел және азаматтығы жоқ азаматтардың алынатын табыс салығы.
Мемлекеттік баж салығы.
Табиғи ресурстарды пайдаланушылардың салығы.
Колхозшылар еңбегінің төлеу қорына салынатын салықтар жатады.

Міндетті түрде төленетін жергілікті салықтар мен алымдарға :

Жер салығы.

Жеке тұлғаның мүлік салығы.
Орман табысы.
Суға төленетін төлем.
Табыстарға салынатын салық.
Кәсіпкерлік әрекетті тіркеу үшін алынатын алым.
Кәсіпкерлік әрекеттің субъектісі ретінде тіркелмеген азаматтардан алынатын алым.
Заңды тұлғаларды мемлекеттік тіркеуге қою үшін алынатын алым.
Мұрагерлік және сыйға тарту тәртібімен аударылатын мүлік салығы жатады.

Аталған салықтар мен алымдардан басқа жергілікті алымдар мен салықтардың 17 түрі белгіленген.

Көріп отырғанымыздай, салық жүйесі көптеген әр түрлі салықтардан, алымдардан және басқа да бюджетке төленетін міндетті төлемдерден құралған, өте күрделі жүйе. Бюджетке төленетін төлемдердің көптігі салық төлеушілердің көптеген қателіктер жіберуін тудырды және салық органдарының тарапынан бақылау жасауын қиындатты.

Жаңа салық жүйесінің қалыптасуы әлеуметтік және психологиялық қолайсыз жағдайларда өтті. Экономиканың дағдарысы кезінде түпкілікті ойластырылған салық жүйесінің қажеттілігі жағдайында ҚР-да жаңа салық жүйесінің қалыптасуы басталды. Салық заңдарында көптеген түпкілкті анықталмаған жағдайлар болды, тәжірибе Қазақстанда болмаған терең теориялық зерттемелердің қажеттілігін көрсетті. Ол жылдардағы салық жүйесі жаңа әлеуметтік-экономиаклық қоғамның құрылымына сәйкес Қазақстандағы салық қатынастарының жаңадан қалыптасу процесі болып табылды. Редикалық қоғамдық өзгерістер кезінде осындай күрделі салық жүйесі оперативтік басқару және жылдам сезіну құралы бола алмады.

1995ж 24 сәуірде Қазақстан Республикасының Призидентінің заңдық күші бар «Салық және бюджетке төленетін басқа да міндетті төлемдер туралы Жарлығы шықты. Осы жарлыққа сәйкес сол уақытқа дейін қызмет еткен салық жүйесі бірыңғайланып, төлемдердің көпшілігі алынып тасталды. Салықтың 11 түрі тағайындалды. Қазақстан Республикасы Президентінің «Салық және бюджетке төленетін басқа да міндетті төлемдер туралы» Жарлығы көптеген өзгерістерді басынан кешірді, тіпті алдыңғысы соңғысымен қарама -қайшылықта болып жатты. Бұл Қазақстан Республикасының ТМД елдерінің ішінде бірінші болып, қателіктер мен сынау жолдарын басынан өткізе отырып өзінің Салық Кодексін құруға әрекет жасағандығымен түсіндіріледі. Осы заң кейінгі өзгерістері мен толықтырулары ескеріле отырып, кейін Қазақстан Республикасының «Салықтар және бюджетке төленетін басқа да міндетті төлемдер» Заңы болып аталып, 2002 жылдың 1 қаңтарына дейін қызмет етті. Осы уақыт аралығында экономика, экономикалық қатынастардың құрылымы, меншіктену құрылымы, мемлекет пен салық төлеушілердің арасындағы қаржы қатынастары және, тіпті, адамдардың менталитеті қатты өзгерді. Бір тараптан, мемлекет салық саясатының міндетін, қызметін және мақсатын терең сезінді, екіншіден, көптеген экономикалық қатынастар өзгерді және қызмет ететін заңдармен қамтылмай қалды.

Осының бәрін ескеріп, ҚР-сы өз дамуының жаңа, сапалық кезеңіне жақындады, сондықтан жаңа салық заңдарын жасау қажеттілігі туындады. 2002ж-ң 1 қаңтарынан ҚР-ның жаңа Салық Кодексі енгізізілді. Оны алдыңғымен салыстырғанда, анағұрлым ойластырылған жаңа салық заңдарымен ерекшеленеді.

Салық Кодексі-кең көлемде және жүйелі құжат. Мұнда бюджетпен салық төлеушінің арақатынасы толық реттелген және көптеген салық түрлері бойынша халықаралық стандарттарға мейлінше сәйкестендірілген.

Салықтан басқа Қазақстан Республикасында Салық кодексінде белгіленген және белгілі бір мөлшерде бюджетке төленетін басқа міндетті (міндетті ақша аударымдары -алымдар, төлемақылар, төлемдер және т. б. ) іс-әрекет етеді.

Алымдар, баждар және төлемдер - деп әдетте заңды және жеке тұлғалардың мемлекеттік органдардың оларға көрсететін қызметтері үшін төленетін міндетті төлемдерді айтады. Бұл төлемдердің сомасы жергілікті бюджеттердің кірісіне не белгіленген үлестерде бюджеттер мен тиісті ұйымдарға не арнаулы қызметтер көрсететін ұйымдардың, мекемелердің шығындарын ішінара немесе толық өтеу қызметін дамытып, жетілдіру үшін түгелдей олардың қарамағына түседі.

Алымдарды төлеу көбінесе қаржы аспектілерін де, сондай -ақ мүліктік құықтарды, техникалық рәсімдер мен тіркеулерді, объектінің қызметтің және т. б. белгілі бір халін белгілеуді рәсімдеумен байланыстырады да қоса қызметтің айтарлықтай кең аясы бойынша жүзеге асырылады. Осыған орай алымдар мен төлемдердің салық салу объектілері де сан алуан болып келеді, алымдар мен төлемдерді есептеу мен төлеу тәртібі де әр түрлі болады. Алымдардың сомасы Үкімет белгілеген мөлшерлемелер бойынша есептеледі тіркеуші ооргандарға тиісті құжаттарды бергенге дейін төленеді.

... жалғасы

Сіз бұл жұмысты біздің қосымшамыз арқылы толығымен тегін көре аласыз.