Бастауыш сынып математика сабағындағы интерактивті тақтаны қолдану тиімділігі


КІРІСПЕ
НЕГІЗГІ БӨЛІМ

1.1. XXI ғасыр.ақпараттық қоғам дәуірі
1.2. Интерактивті технологияларды оқу.тәрбие үрдісінде қолдану.білім арттырудың құралы
1.3. Интерактивті тақтамен жұмыс
1.4. Бастауыш сыныптардағы интерактивті тақтаның қолданылауы
1.5. Бастауыш сынып математика сабағындағы интерактивті тақтаның қолданылуы тиімділігі

ҚОРЫТЫНДЫ
ҚОЛДАНЫЛҒАН ӘДЕБИЕТТЕР ТІЗІМІ
ҚОСЫМША

Пән: Педагогика
Жұмыс түрі: Курстық жұмыс
Көлемі: 28 бет
Бұл жұмыстың бағасы: 500 теңге




Қазақстан Республикасының Білім және ғылым министрлігі М.Жұмабаев атындағы гуманитарлық колледж

КУРСТЫҚ ЖҰМЫС
Тақырыбы: Бастауыш сынып математика сабағындағы интерактивті тақтаны қолдану тиімділігі

Орындаған: Уаисова С.К.
Мамандығы: Жалпы бастауыш білім
Бөлімі: Қазақ бөлімі 4 курс
Тексерген: Рахметова Л.З.

Петропавл қаласы, 2012 ж.
МАЗМҰНЫ
КІРІСПЕ
НЕГІЗГІ БӨЛІМ
0.1. XXI ғасыр-ақпараттық қоғам дәуірі
0.2. Интерактивті технологияларды оқу-тәрбие үрдісінде қолдану-білім арттырудың құралы
0.3. Интерактивті тақтамен жұмыс
0.4. Бастауыш сыныптардағы интерактивті тақтаның қолданылауы
0.5. Бастауыш сынып математика сабағындағы интерактивті тақтаның қолданылуы тиімділігі
ҚОРЫТЫНДЫ
ҚОЛДАНЫЛҒАН ӘДЕБИЕТТЕР ТІЗІМІ
ҚОСЫМША
3

5
10

13
19
22

29
31
32

КІРІСПЕ
Елбасының Жаңа әлемдегі жаңа Қазақстан атты жолдауында: Біз бүкіл еліміз бойынша әлемдік стандарттар деңгейінде сапалы білім беру қызметін көрсетуге қол жеткізуіміз керек десе, осы жолдаудың III тарауы он сегізінші бағытынын жетінші тармақшасында: Ақпараттық технологиялар мен ақпаратты таратудын жаңа нысандарына бағытталған мамандандырылған білім беру бағыттарын құру міндеті де алдымызда тұр делінген. Сондай-ақ он жетінші бағыттын үшінші тармақшасында Он-лайн тәсілінде оқыту тәжірибесін дамытып, елімізде оқу теледидарын құру қажет деп атап көрсетілгендей бүгінгі күні білім беру жүйесі жаңа педагогикалық технологияға негізделуін және ақпараттық құралдардын кеңінен қолданылуын қажет етеді. Осылайша оқу- тәрбие үрдісінде жаңа ақпараттық технологияларды пайдалану заман талабынан туындап отыр. Ал осы заманның дамуының бір белгісі- бастауыш сынып сабақтарында интерактивті тақтаның қолданылуы.
Бастауыш сынып математика сабағындағы интерактивті тақтаны қолданудың мақсаты- қазіргі заман талабына сай мөлшер мен деңгейде білімбілік және дағдыларды игеру, математика курсының мазмұны арқылы танымдық және коммуникативтік іс-әрекет пен өздігінен білім алуға және еңбекке бейімделу ал ең бастысы XXI ғасыр техникасының дамуының алды болып табылатын интерактивті тақтаны қолдана отырып, оқушының ақыл-ойының математикалық стилін, интеллектуалдық және ерік пен сезімге қатысты сапаларын дамыта түсу, бейнелік қабылдауларын жақсарту, сонымен қатар Қазақстанды дүниежүзіндегі бәсекеге қабілетті 50 елдің қатарына қосылуына үлес қосу.
Мұндай іскерлік пен машықтардың қатарына математикалық есептерді және практикалық мазмұндағы есептерді шығару, интерактивті тақтаны қолдана отырып, оны әр оқушының колдана алуына мүмкіндік беру міндет.
Курстыц жумыстың өзектліігі: бастауыш сыныпка математика пәнін оқытқанда интерактивті тақтаны қолдану, оқушылардың сол пәнге деген
қызығушылын арттырады, белсенділік танытып-бағдарламалық материалды жоғары деңгейде меңгеруіне ықпал етеді.
Зерттеу мақсаты: бастауыш сынып математика сабағындағы интерактивті тақтаны қолдану тиімділігін көрсету.
Зерттеу нысаны: математиканы оқыту.
Зерттеу пәні: бастауыш сынып математика сабағында интерактивті тақтаны қолданудың әсері.
Зерттеу болжамы: егер бастауыш сыныптың математика сабағындағы интерактивті тақтаны пайдаланса, онда оқушылардың білімге деген белсенділіктері артады. Ал егер белсенділіктері артса, онда білім алу деңгейі жоғарылайды.
Зерттеу міндеттері:
Бастауыш сынып математика сабақтарында интерактивті тақтаны қолдану арқылы оқушылардың қызығушылығын арттыру үдістерін зерттеу.
Бастауыш сынып математика сабақтарында интерактивті тақтаны қолдануды қарастыру.
Бастауыш сынып математика сабақтарындағы интерактивті тақтаның қолданылуының дамуын зерттеу.
Бастауыш сынып математика сабақтарындағы интерактивті тақтаны қолдану тиімділігі анықтау.
Зерттеу әдістері: талдау, жинақтау, баяндау, жүйелеу. салыстыру, математика сабақтарында жүргізілген іс- тәжірибелерді негізге алу.
Зерттеу базасы: Қызылжар ауданы, Кондратовка орта мектебі, 3-сынып.

1.1. XXI ҒАСЫР-АҚПАРАТТЫҚ ҚОҒАМ ДӘУІРІ
Акпараттык - коммуникациялык технология электрондық есептеуіш техникасымен жұмыс істеуге, оку барысында компьютерді пайдалануға модельдеуге электрондыҚ оҚулықтарды интерактивті кұралдарды қолдануға, интернетте жұмыс істеуге, компьютерлік оқыту бағдарламаларына негізделеді. Ақпараттык әдістемелік материалдар коммуникациялық байланыс құралдарын пайдалану арқылы білім беруді жетілдіруді көздейді.
Ақпараттық-коммуникациялық технологияның келешек ұрпактың жан- жақты білім алуына, іскер әрі талантты шығармашылығы мол, еркін дамуына жол ашатын педагогикалық, психологиялық жағдай жасау үшін де тигізер пайдасы мол.
Қазіргі кездегі шапшаң жүріп жатқан жаһандану үрдісі әлемдік бәсекелестік күшейте түсуде. Елбасы Н.Ә.Назарбаев Қазақстанның әлемдегі бәсекеге қабілетті 50 елдің қатарына кіру стратегиясы атты жолдауында Білім беру реформасы- беретін аса маңызды құралдарының бірі деп атап көрсетті.
XXI ғасыр- бұл ақпараттық қоғам дәуірі, технологиялық мәдениет дәуірі, айналадағы дүниеге адамның денсаулығына, кәсіби мәдениеттілігіне мұқият қарайтын дәуір.
Білім беру үрдісін акпараттандыру- жаңа ақпараттык технологияларды пайдалану арқылы дамыта окыту, дара тұлғаны бағыттап оқыту мақсаттарын жүзеге асыра отырып оку- тәрбие үрдісінің барлық деңгейлерінің тиімділігі мен сапасын жоғарлатуды көздейді.
Біріккен ұлттар ұйымының шешімімен XXI ғасыр - ақпараттандыру ғасыры деп аталады. Қазакстан Республикасы да ғылыми - техникалық прогрестің негізгі белгісі- қоғамды акпараттандыру болатын жаңа кезеңіне енді. Заманымызға сай қазіргі коғамды акпараттандыруда педагоғтардың біліктілігін ақпараттық -коммуникациялық технологияны қолдану саласы бойынша көтеру негізгі міндеттерінің біріне айналды.
Қазақстан Республикасының Білім туралы заңында : Білім беру жүйесінің басты міндеттерінің бірі- білім беру бағдарламаларын меңгеру үшін жағдайлар жасау керек- деп көрсетілген. Солардың бірі білім беруді ақпараттандыру барысында дидактикалық және оқыту құралы болып компьютер саналады. Сондықтан кез келген білім беру саласында мультемедиялық электрондық оқыту құралдары барлық пәндерді окытуға пайдаланады. Бұл бағытта ақпараттық технологияны оқыту үрдісіне екпінде түрде еңгізу бағытында және қолданылатын жаңа құралдардың бірі- бағдарламалық-техникалық кешен болып табылады.
Ақпараттық қоғамның негізгі талабы- окушыларға ақпараттық білім негіздерін беру, логикалық- құрылымдық ойлау қабілеттерін дамыту, ақпараттық технологияны өзіндік даму мен оны іске асыру құралы ретінде пайдалану дағдыларын қалыптастырып ақпараттық қоғамға бейімдеу.
Олай болса, ақпараттық бірліктердің білімге айналуы әлемнің жүйелік - ақпараттық бейнесін оқушылардың шығармащылық қабілеттері мен құндылық бағдарларын дамыту арқылы қалыптастыруды көздейтін, адамның дүниетанымының құрамдас бөлігі болып табылатын интеллектуалды дамуды қалыптастырудың бір жолы.
Ақпаратты бірліктерді қалыптастыру: мектептің материалдык- техникалық базасына; ақпараттық қоғам саясатының мақсаты мен міндеттеріне; оқушылардың ақпараттық қоғам бағытымен өзара байланысына тәуелді.
Қазіргі уақытта жаратылыстану-ғылыми білім беруде сабақ барысында интерактивті құралдарды колдануда. Интерактивті құралдардың көмегімен мұғалімнің, оқушының шығармашылықпен жұмыс істеуіне жол ашылып отыр.
Білім берудегі интерактивті технология- сабақ барысында оқушының топпен жұмыс жасауға қатыспауы мүмкін емес, бірін-бірі толықтыратын, сабақ барысында барлық оқушылардың қатысуын ұйымдастыратын оқыту барысы.
Қазіргі уакытта қоғамды ақпараттандыру, білім беруді ақпараттандыру деген сөз тіркестері біздің сөздік қорымызға еніп кетті. Олай болса, коғамды акпараттандыру дегеніміз не? Қоғамдық ақпараттандыру дегеніміз- ғылыми-техникалық прогресс жетістіктерінің күнделікті тұрмысқа ауқымды енуінің нәтижесі, яғни адам өміріне іс- әрекеттің интеллектуалды түрлерінің жан-жақты әсер етуі мен рөлінің жоғарылауына байланысты объективті процесс.
Ол оқыту мазмұны, әдісі мен ұйымдастыру түрлерінің өзгерісін тездетеді. Бұл процестегі негізгі мәселе білім берудің мазмұны мен мақсатын өзгерту болып табылады ал оны технологиялық жағынан қамтамассыз ету- өндірістік мәселе.
Қоғамды индустрияландыру кезеңінде білім беру жүйесі алдыңғы кезекте, маманданған сауатты тұтынушыларды дайындауға бағытталса, ал білім беруді ақпараттандыру жағдайында бұл мәселе білім берудің негізгі мақсатына ауысады. Мұндағы негізгі мақсат- окушының қоршаған әлем жайында табиғи ғылыми болжамын қалыптастырумен жалпы ізгілікті адамгершілікке дайындау болып саналады.
Орта білім беру жүйесін акпараттандырудың негізгі мақсаты оқушылардың акпараттық мәдениетін қалыптастыру. Осы мақсатты орындау барысында оқушылардың ақпараттық мәдениетін қалыптастыруды жаңа әдістерді қолдану қажеттілігі туындап отыр. XXI ғасырда акпараттанған қоғам қажеттілігін қанағаттандыру үшін білім беру саласында төмендегідей міндеттерді шешу көзделіп отыр: компьютерлік техниканы, интернет, компьютерлік желі, электрондық және телекоммуникациялық құралдарды, интерактивті құралдарды, электрондық окулыктарды оқу үрдісіне тиімді пайдалану арқылы білім сапасын көтеру.
Еліміздегі саяси, әлеуметтік-экономикалық өзгерістерге сай білім беруді ақпараттандыру бағытында мектебімізде жүргізіліп жатқан жұмыстар ақпараттандырудың мемлекеттік бағдарламасына сәйкес жүзеге асырылуды.
XXI ғасыр- ақпарат ғасыры болғандықтан адамзатқа компьютерлік сауаттылық қажет. Бүгінгі таңда мектеп пәндерін компьютер, интерактивті құралдардың көмегімен оқыту нәтижелерін зерттеудегі ғылыми проблемаларды шешу ең басты орын алады. Бұған себеп оқыту процесінде туындайтын компьютерлендірудің педагогикалық-психологиялық жаңа проблемалары әлі толық шешілмегені.
Білім беру жүйесін ақпараттандыру білім беру үшін үлкен перспективалар ашады. Соңғы жылдары компьютерлік, телекоммуникациялық техника мен технологиялардың коғам өміріндегі рөлі мен орнында түбегейлі өзгерістер болды. Ақпараттық және телекоммуникациялық технологияларды игеру қазіргі заманда әрбір жеке тұлға оқу және жазу қабілеті сиякты сапалармен бірге қатарға және әрбір адам үшін қажетті шартқа айналды. Ғылым мен техниканың даму қарқыны оқу- ағарту саласының оқыту үрдісіне жаңа технологиялык үдістер, оның ішінде интерактивті құралдарды кең көлемде қолдануды қажет етеді. Қазақстанның тәуелсіз мемлекет ретінде қалыптасуы орта білім беру жүйесінің дамуымен тығыз байланысты. Қай халықтың, қай ұлттың болсын толығып өсуіне, рухани әрі мәдени дамуына басты ықпал жасайтын тірегі де, түп қазығы да- мектеп.
Мектептердің білім деңгейін көтеру және онда интерактивті құралдарды пайдалану арқылы оқу- тәрбие процесін тиісті деңгейге көтеру, мектеп ұстаздарының, басшыларының, педагогикалық ұжымның жүйелі басшылыққа алған бағыты деп есептейміз. Интерактивті құралдарды қолдану негізінде мектепте жаратылыстану бағытының пәндерін оқыту сапасын арттырып, білім беруді ақпараттандыру жүйелі түрде іске асады деуге болады.
Мектепті ақпараттандыруға осылай мемлекет тарапынан үлкен экономикалық қолдау көрсетліп, оны оқыту, үйрету мәселесі бүкіл халықтық деңгейге көтерілсе ғана біздің еліміз өндірістің жоғары психологиясын меңгерген дүниежүзілік бәсекеге төтеп беретін, өндіріс өнімдерін өндіре алатын алдыңғы қатарлы мемлекетке айналады. Ол дәрежеге жетуге қажетті білім алуына біздің жас ұрпақтың қабілетінің жететініне сенім мол.
Қазіргі заманда жастарға ақпараттық технологиямен байланысты әлемдік стандартқа сай мүдделі жаңа білім беру өте қажет деп, елбасы атап көљрсеткендей жас ұњрпаққа білім беру жолында ақпараттық технологияны оқку үњрдісінде оңтайландыру мен тиімділігін арттырудың маңызы зор.
Біз бейбіт елде, мемлекеттік білімді жетілдіруге аса мән берген елде тұрамыз. Жалпы білім берудің мақсаты- терең білімнің, кәсіби дағдылардың негізінде еркін бағдарлай білуге , өзін-өзі дамытуға адамгершілік тұрғысынан жауапты шешімдерді қабылдауға қабілетті жеке тұлғаны қалыптастыру, яғни жеке тұлғаны қалыптастыруға негізделген, ақпаратты технологияны терең меңгерген, жылдам өзгеріп жататын бүгінгі заманға лайықты, жаңашыл тұлғаны қалыптастыру.
Бәсекеге қабілетті болу тікелей білімге байланысты. Біз жаңа технологияға жаңа өркениетті дамуға байланысты басқа өркенді елдердің көптен бері пайдаланып келе жатқан интерактивті құралдарды қолданып отырмыз. Бұл- біздің Қазақстанның алға қарай жылжуының нышаны болып табылады. Ғылыми білім беруде интерактивті тақтаның мүмкіндігі мол. Интерактивті құралдарды қолдану арқылы оқушы білім кеңістігіне еркін бойлай алады.
Оқу процесінде, оныі ішінде практикалық сабақтарда интерактивті құралдарды қолдану мұғалімнің жеке тәжірибесіне, шығармашылық ізденісіне байланысты. Интерактивті құралдар оқыту формасын ұйымдастыруды түрлендіруге, дәстүрлі оқыту әдістеріне жаңа элементтер еңгізуге мүмкіншіліктер жасайды. Бұл оқушылардың пәнге деген қызығушылығын арттырады. Қорытындылай келе, интерактивті құралдарды орынды қолдану окыту сапасын жетілдіруге көмектеседі.

1.2. ИНТЕРАКТИВТІ ТЕХНОЛОГИЯЛАРДЫ ОҚУ-ТӘРБИЕ ҮРДІСІНДЕ ҚОЛДАНУ- БІЛІМ АРТТЫРУДЫҢ ҚҰРАЛЫ
Адам өмірінің алтын бесігі-мектеп, ол халқымыздың ата-бабамыздан қалыптасқан ізгі адами қасиеттерін жас жеткіншек бойына сіңіретін орта. Заңғар жазушы Мұхтар Әуезов Халықты халықпен теңестіретін-білім деп атап көрсеткендей қай елдің болсын өркендеп өсіп-өнуі сол елдің білім деңгейі мен даму жүйесіне байланысты. Рухани ұлттық қажеттілікке жараған білім - ең мықты білім, оынң нәрін бойына сіңірген ұрпақ елімізді гүлдендіріп болашағымызды дамыта алады. Ал сол білімді шәкірт санасына себуші - ұстаз. Ендеше мұғалімдер жаңалықтардан қалмай, жасы мен қызметіне қарамай үнемі білім алып, ақпараттық дәуірдің белсенді мүшесі болуы керек. Бұл орайда мемлекетіміздің білім беру жүйесін модернизациялаудың 2015 жылға дейінгі тұжырымдамасында көрсетілген өмірлік білімнен - баршаға өмір бойы игерілетін білім қағидасы мектебімізде оқу-тәрбие процесінде ақпараттық технологияларды қолдану ісінде өз көрінісін табуда.
Қоғамдағы қазіргі кездегі қайта құрулар, экономиканы дамытудағы жаңа стратегиялық бағдарлар, қоғамның ашықтығы, оның жедел акпараттануы мен қарқынды дамуы білім беруге қойылатын талаптарды түбегейлі өзгертті. Әлемнің жетекші елдерінің көпшілігі олардың білім беру жүйесі мен білім берудің мақсатын, мазмұны мен технологияларын оның нәтижесіне қарап бағалайтын болды. Білім берудің қазіргі кездегі негізгі мақсаты білім алып, білік пен дағдымашыкка қол жеткізуі ғана емес, олардың негізінде дербес. Әлеуметтік және кәсіби біліктілікке - ақпаратты өзі іздеп табу, талдау және ұтымды пайдалану деп көрсетілген ҚР 2015 жылға дейінгі білім беруді дамыту тұжырымдамасында.
Үстіміздегі ғасыр - жеке тұлғаны қалыптастыру, ізгілендіру, дамыту ғасыры. Олай болса, мұғалімдердің алдында тұрған бірден-бір мақсат - оқушылар алған білімдерін пайдаға асырып, өздігінен әрекет ете алатын, оларды түрлі өмірлік жағдайда қолдана білетін, жалпы адамзаттың және ұлттық құндылықтарды қатар меңгерген, өзіндік көзқарасы бар, Отанын шын сүйетін азамат болып жетілуіне көмектесу.
Бұл міндеттерді шешу үшін мектеп ұжымдары, әр мұғалім күнделікті ізденіс арқылы барлық жаңалықтар мен өзгерістерге батыл жол ашарлық қарым-қатынас жасаулары керек. Оқыту түрлерін, әдістері мен құралдарын одан әрі жетілдіріп, тиімді тәсілдерді нәтижелі қолданудың жолдарын іздестірулері қажет.
Компьютер және интерактивті құралдар арқылы жасалып жатқан оқыту процесі оқушының жаңаша ойлау қабілетін қалыптастырып, оларды жүйелік байланыстар мен заңдылыктарды табуға итеріп, нәтижесінде- өздерінің кәсіби потенциалдарының қалыптасуына жол ашу керек. Бүгінгі таңдағы ақпараттық қогам аймағында, оқушылардың ойлау қабілетін қалыптастыратын және компьютерлік окыту ісін дамытатын жалпы заңдылықтардан тарайтын педагогикалық технологияларды ғана тиімді деп санауға болады.
Оқушылардың интерактивті құралдар көмегімен қалыптасатын және жүзеге асырылатын ойлау қабілеті бұрынғы технологиялар арқылы берілетін ойлау жүйесінен өзгеше болатындықтан, тек ойлау қабілеті түсінігі ғана емес, қабылдау, есте сақтау жоғарға деңгейде болады.
Интерактивті оқыту- көпқырлы құбылыс. Білім алушы белгілі бір педагогикалық мәселені шешуде өзінің білетінін есіне түсіреді, білімін басқалардың идеяларымен толыктырады, жаңа тәсілдерді меңгереді, өзінің стратегиялық бағытын анықтайды. Субъектілер арасындағы бірдей белсенділік жағдайында өтетін мұндай білім алу процесі бір мезгілде бірнеше міндетті шеше алады: танымдық, коммуникативтік, дамытушылық, интеллектуалдық сонымен бірге білімді әлеуметтендіру, демократиялау, гумандандыру. Бұл қазір құзырлылық деп аталып жүрген жаңа басымдылықтар.
Білімді арттыруды қазіргі қолданыстағы педагогикалық технологияларды пайдалануга болатынын өз тәжірибемізге сүйеніп толық айта аламыз. Олардын басқа жеке, топтық, ұжымдық жұмыстар жүргізу, окытудың интерактивті әдістерін еңгізу жұмыстың тиімділігін арттырады. Интерактивті оқыту диалог, полилог жағдайында жаңа білімді меңгеруге бағытталған бірлескен танымдық әрекет.
Ал М.В.Кларин: Интерактивті оқытудың тиімділігі интерактивті ойындар мен жаттығуларға негізделген, - деген ойын айтады. Клариннің анықтамасы бойынша қазіргі оқу үрдісі интерактивті әдістерге негізделгендіктен бұл ұғымды жиі кездестіруге болады. Интерактивті оқыту ағылшын тілінен аударғанда interactive learning арнайы ұйымдастырылған оқушы мен мұғалімнің бірлескен іс-әрекеті және ол ойындар мен жаттығуларға негізделген. Интерактивті оқытудың негізі тікелей оқушылардың оқу ортасымен байланысты. Бұл ұғымды терең түсіну үшін әсіресе окушылардың іс-тәжірибесін білім алудың қайнар көзі деп түсіну керек. Дәстүрлі оқытуда мұғалім оқу ақпаратын фильтр секілді өзінен өтікізіп оқушыға жеткізеді, ал интерактивті оқытуда көптеген ақпарат басылымдары іс-әрекетке көмекші рөлін атқарады.
Интерактивті оқытуда сабақ өткізу кезінде мұғалім кеңесші, серіктес рөлін атқарады. Ал топ белсенді түрде әрекет ете отырып, бірін-бірі қолдау, толықтыру арқылы сұхбат құруға үйренеді. Екі оқушының сұхбатына үшіншісі де араласа алады. Ол қарсы топтың окушысы болуы да мүмкін. Қарсы топтан болғандықтан ол сұхбатқа өзінің сұрағымен немесе екі оқушының сұхбатында айтылмаған тақырыпқа катысты тың дерегімен де кіре алады. Мұны полилог дейді. Бұл білім алуды жеделдетеді және кездескен қиындықтарды жеңуге көмектеседі.
Бүгінгі таңда жаңа технологияның әдіс-тәсілдер топтамасына дендеп еңген интерактивтік оқыту әдіскер ғалымдардың назарын өзіне барынша аударып отыр. Себебі бұл әдіс оқушының бойында төмендегідей әдет- дағдыларды қалыптастырады: оқушы өзін-өзі батыл, еркін сезінеді.
Үйреніп жатқан пәнге деген қызығушылығы артады. Яғни, өз қажеттілігі үшін үйренуге ынтасы артады; өзіне бөлінген тақырып бойынша сөйлеу барысында ойлануға, ізденуге, шығармашылықпен жұмыс істеуге тіпті өзінің бүкіл түйсігін, сезімін белгілі бір мәселеге жұмылдыруға үйренеді; оқушылар топ болып, жұп болып әрекет етуге үйренеді.
Бұл тәсілмен өткізілген сабақта мұғалім әр оқушыға жеке көңіл бөле алады. Себебі әрбір оқушының жеке өзіне ғана бөлінген тапсырмасы болады. Мұнда әр оқушы өз жұмысының нәтижелі болуын көздейді. Сөйте тұра олар, топ болып, жұп болып жұмыс істейтіндіктен бірлескен әрекеттерінің де жеткілікті болуын мақсат етеді. Сондықтан білімі төмен окушылар озат оқушылардан кей жерлерде тапсырманың орындалу барысынан көмек алса, ал озат окушылар топтың әрекетте артта қалмауы үшін серіктесіне көмек береді. Осылайша интерактивті оқыту оқушыларды мәселені бірігіп шешуге үйретеді. Бірігіп жұмыс істеу әрі жеңіл, әрі қызық, әрі тиімді.
Қорыта келгенде, интерактивті окытуды оқу-тәрбие үрдісінде пайдаланғанда оқушыны субъект тұрғысынан қарастырғанда оқытудың нәтижелі, білімнің сапалы болатындығы және ең бастысы, оқушылардың пәнге деген жауапкершілігі, қызығушылығы артып, оқушының өз бетінше жұмыс істеуге ынтасы аянып, ізденушілік-шығармашылык, зерттеушілік қабілеттері артады.
І.3.ИНТЕРАКТИВТІ ТАҚТАМЕН ЖҰМЫС Интерактивті тақта дегеніміз не?
Интерактивті тақта - бұл компьютердің қосымша құрылғыларының бірі және де дәріс берушіге немесе баяндамашыға екі түрлі құралдарды біріктіретін: ақпараттың кескіні мен қарапайым маркер тақтасын біріктіретін құрал. Ол АСТІVstudio программасы аркылы іске қосылады. Бүгінгі күні бірнеше интерактивті тақта түрлері бар. Олардың ішінде білім саласында қолданып жүргендеріне қысқаша шолу жасайық.
ACTIVboard (Promethean компаниясы) - ACTIVstudio программасы арқылы іске қосылады. Бұл кұрылғы компьютер, мультемедиялық проектор және ақпаратты еңгізуге арналған активті қаламнан тұрады. Активті қалам дегеніміз не?
Активті қалам - бұл меңзерді басқару құрылғысы және компьютер мен тақта арасындағы байланысты іске асырушы құрылғы.
ACTIVwand указкасы.
Электронды ACTIVwand указкасының ұзындығы 54 см тақтаның жоғарғы бөлігінен кішкентайларға да қол жеткізуге мүмкіндік береді. Жанында орналасқан батырма тышқанның сол жақ батырмасының қызметін атқарады. ACTIVboard - интерактивті тақтасында жұмыс жасаушыға проектордың сәулесінен астынан шығуға мүмкіндік береді. Оң қол сонымен бірге сол қолмен жұмыс жасауға қолайлы құрал.
ACTIVрапelрrо.
ACTIV panelpro (Активпанель) үњлкен аудиторияларда қолдануға өте қолайлы онда үлкен экранға проекцияға қолданады. ACTIV panelpro арнайы қарындаштың көмегімен дисплейде жазылған жазулар компьютер арқылы тақтадан көруге мүмкіндік береді. ACTIV panelpro (Активпанель) өте жеңіл зат, бөлмеден бөлмеге қиындықсыз - ақ алып жүре беруге болады, ал проектор болса кескінді үлкейтіп көрсетеді. ACTIV panelpro ДК басқарады, сурет салады, жазу жазады- бұл ақпаратты еңгізетін құрылғыға жатады.
ACTIV slate
Радио портты ACTIV slate панель құрылғысы топпен жүргізілетін конференцияға қатысушылардың белсенді қатысуына мүмкіндік береді. Конференция немесе презентация кезінде аудитория еркін қозғалуға болады. ACTIV slateXR панель аудиторияның кез келген жерінен тақтамен жұмыс жасай алады. ACTIV slateXR көмегімен қатысушылар өз шешімдерін орындарынан тұрмай-ак тақтада жаза алады.
ACTIVtablet
ACTIVtablet планшет қарапайым тышқанның қызметін атқара алады, презентация мен конференция материалдарын ACTIVstudio2 немесе ACTIVprimari тақтасыз (ACTIVboard көмегінсіз) компьютерде дайындауға мүмкіндік беретін құрылғы. ACTIVtablet компьютерге USB порт арқылы қосылады, бағдарламаның барлық функцияларын қолдануға болады. Арнайы батареясыз қаламмен флипчарт беттерінде жазу жаза алады.
ACTIVote
ACTIVote тестілеу жүйесі конференцияның барлык қатысушыларына сұрактарына, бірнеше берілген жауаптардың нұсқаларынан желісіз радио пульттың батырмасын басу әдісімен жауап беруге мүмкіндік беріледі. Пульттің көмегімен ақпарат ACTIVboard қабылдайды және де өңделіп конференция қатысушысының жауабын қабылдайды. ACTIVote қарапайым тест жүргізуге өте қолайлы зат. ACTIVote 16 немесе 32 пульттан кішкене чемоданда тест жүргізу үшін қолданылады. ACTIVote қолдана отырып:
тест дайындау шеберінде ACTIVstudio бағдарламасында флипчартта мәтіндік немесе графиктік түрде тест сұрақтары кітапханада сақталады да , тесттің нәтижесін кесте немесе диаграма түрінде компьютердің жадында сақталады. Тесттің нәтижесін EXCEL немесе WORD редакторларында экспорт жасауға болады. ACTIVstudio программасы.
ACTIVstudio программасы арнайы презентацияларды өткізуге және оны сабақ барысында қолдануға негізделген программа. Бұл программа ACTIVboard және ACTIVpen қаламымен жұмыс жасау үшін жасақталған . ACTIVstudio программасының мүмкіндіктері өте көп. Атап айтқанда, презентацияларды құруға, өткізуге, материалдарға арнайы эффектілер қосуға, негізгі кезендерді көрсетуге, көрсеткіштерді қосуға , қосымша ақпараттарды еңгізуге және баска да көптеген мүмкіндіктері ... жалғасы
Ұқсас жұмыстар
Казақ тілі сабағында интерактивті тақтаны қолдануы
Математика сабағындағы құрал – жабдықтар
Бастауыш сынып математикасында ақпараттық-коммуникативті технологияны қолдану
Математика сабағындағы дидактикалық материалдың маңыздылығы.
«Бастауыш сынып оқушыларының математика пәніне қызығушылығын ақпараттық технологиялар негізінде арттыру»
Бастауыш сынып оқушыларын техникалық құралдар арқылы оқытудың тиімділігі
Бастауыш сынып математика сабақтарында ойын түрлерін пайдалану
Бастауыш класс математика сабағында ойын технологиясын қолдану
Бастауыш сыныптарда дамыта оқыту технолгиясын қолдану тиімділігі
Бастауыш сынып оқушыларының өзіндік жұмыстарын ұйымдастыру (математика пәні 3-сынып)
Пәндер

Қазақ тілінде жазылған рефераттар, курстық жұмыстар, дипломдық жұмыстар бойынша біздің қор №1 болып табылады.

Байланыс

Qazaqstan
Phone: 777 614 50 20
WhatsApp: 777 614 50 20
Email: info@stud.kz
Көмек / Помощь
Арайлым
Біз міндетті түрде жауап береміз!
Мы обязательно ответим!
Жіберу / Отправить

Рахмет!
Хабарлама жіберілді. / Сообщение отправлено.

Email: info@stud.kz

Phone: 777 614 50 20
Жабу / Закрыть

Көмек / Помощь