Microsoft Word мәтіндік процессорының көмегімен мәтіндік құжаттарды даярлау

Пән: Информатика, Программалау, Мәліметтер қоры
Жұмыс түрі: Материал
Тегін: Антиплагиат
Көлемі: 6 бет
Таңдаулыға:

Жоспары:

1. Microsoft Word мәтіндік процессорының көмегімен

мәтіндік құжаттарды даярлау

2. Microsoft Word 2000 процессорының жұмыс терезесі

3. Құжаттарды бейнелеу режімі

4. Мәтінді пішімдеу

5. Microsoft Word процессорінда мәтінмен жұмыс істеу әдістері

6. Мәтінді редакциялаудың арнаулы құралдары

7. Мәтінді енгізудің арнайы құралдары

8. Кеңейтілген алмасу буфері

9. Автомәтін

10. Арнаулы символдарды енгізу

Қарапайым және кешендік мәтіндік құжаттарды даярлау, редакциялау мен пішімдеуге арналған программалық құралдарды жалпы түрде мәтіндік процессор деп атайды. Қарапайым мәтіндік құжаттарға пішімделген мәтінді, ал кешендік мәтіндік құжаттарға құрамына басқа объектілер (сызбалар, суреттер, кестелер, формулалар, мультимедия объектілері) кірістірілген мәтінді жатқызады.

Microsoft Office 2000 кестесінің құрамына кіретін Microsoft Word 2000 мәтіндік процессоры Word-тың соңғы версиясы болып табылады. Мұнда алдыңғы версиялардың негізгі кемшіліктері жойылып, басқару жүйесі жақсартылған және торапта жұмыс істеу режімдерін қолдау құралдары ендірілген.

Microsoft Word 2000 процессорының жұмыс терезесі

Word программасын іске қосқаннан кейін экранда оның негізгі терезесі ашылады. Word-тың терезесі төрт стандарт жолдардан (тақырып жолы, меню жолы, аспаптар панелі, күй жолы), сызғыштардан және жұмыс аймағынан тұрады:

Тақырып жолында құжаттың аты және терезенің өлшемдерін реттеуші үш батырма тұрады.

Меню жолы - Word-тың негізгі командаларынан тұрады. Тышқанның шертпесі осы менюге кіретін командалар тізімін ашып береді.

Жиі қолданатын меню командалары аспаптар панелінде батырма түрінде бейнеленеді.

Аспаптар панелі «Стандартты» және «Пішімдеу» деген бөліктерден тұрады. Қажетті аспаптар панелін экранда орнату үшін Сервис►Баптау►Аспаптар панелі командасын орындап, пайда болған тізімнен Стандартты немесе Пішімдеу бөлімдеріне √ белгісін қою керек.

Жұмыс аймағында құжаттың негізгі мәтіні бейнеленеді. Мәтінді енгізу және пішімдеу, графиктік объектілерді кірістіру және кестелерді құру осы жұмыс аймағында жүргізіледі.

Сызғыш құжаттың өрісі мен азат жолдарын реттеу үшін қолданылады. Егер экранда сызғыш көрінбесе, оны Түр►Сызғыш командасының көмегімен шығарып алуға болады.

Қалып-күй жолы - экранның төменгі бөлігінде орналасқан. Онда құжаттың ағымдағы күйі жайлы мәліметтер келтірілген.

Құжаттарды бейнелеу режімі

Microsoft Word 2000 мәтіндік процессоры құжаттарды бейнелеудің бірнеше режімдерін ұсынады.

Кәдімгі режімде құжаттың тек мазмұндық бөлігі қарастырылады. Бұл режім құжатты дайындаудың ең алғашқы кезеңдерінде пайдаланылады, бұл кезде құжаттың сыртқы түрін емес, мазмұнын әзірлеу өте маңызды. Кәдімгі режімде көлемі үлкен құжаттарды даярлау жұмысты жылдамдатады.

Web-құжат режімінде құжаттың экрандағы бейнесі оның баспадағы бейнесімен дәл келмейді. Бұл режім Word Wide Web-тегі электрондық басылымдарға тән қасиет. Өйткені электрондық құжаттың қандай құралмен және қандай құрылғыда бейнелетіні алдын-ала белгісіз. Электрондық басылымдар үшін баспа беті деген ұғымның ешқандай мағынасы жоқ, сондықтан орнатылған бет параметрлері ескерусіз қалады. Сонымен қатар экрандағы құжатты пішімдеу де салыстырмалы болып табылады. Бұл режімде электрондық басылымдар даярланады.

Ентаңбалау режімінде құжаттың экранда көрсетілуі толығымен баспа түріне сәйкес болады. Бұл режім баспаға шығаруға арналған құжаттар үшін өте қолайлы.

Құрылымдық режімде тек құжаттың тақырыптары көрсетіледі. Егер құжаттың дайындалуы мазмұнын жоспарлаудан басталса, осы режімді қолданған қолайлы.

Құжаттың схемасы режімінде терезе екі жұмыс аймағынан тұрады. Сол жақ панельде құжаттың құрылымы, ал оң жақ панельде құжаттың өзі бейнеленеді. Бұл режімді күрделі құрылымды құжаттарды ашып көруде пайдаланған дұрыс.

Осы жоғарыда айтылған режімдердің біреуін таңдау үшін меню жолындағы Түр командасына кіру керек.

Мәтінді пішімдеу

Мәтінді пішімдеу Пішім менюінің немесе Пішімдеу панелінің құралдарымен іске асырылады.

Негізгі пішімдеу тәсілдері:

▪ қаріптің гарнитурасын таңдау және өзгерту;

▪ қаріптің өлшемін басқару;

▪ қаріптің түсі мен жазылуын басқару;

▪ туралау әдістерін басқару;

▪ маркерленген және нөмірленген тізімдер дайындау;

▪ азат жолдың параметрлерін басқару;

▪ қаріпті баптау.

Қаріп (Формат►Шрифт командасының көмегімен) сүхбат терезесінде қаріпті баптау жұмыстары орындалады. Microsoft Word 2000 версиясында бұл терезе үш бөлімнен тұрады: Қаріп, Аралық және Анимация.

Қаріп бөлімінде қаріптің гарнитурасын, өлшемін, түсін және т. б. параметрлерін таңдайды.

Пішім►Қаріп►Аралық бөлімінде символдар арасындағы интервал таңдалынады. Интервал үш түрлі мәнді қабылдайды: кәдімгі, сиретілген, тығыздалған. Анимация әсері тек электрондық құжаттарды дайындағанда қолданылады.

Microsoft Word процессорінда мәтінмен жұмыс істеу әдістері

Word 2000 мәтіндік процессорінде жаңа құжатты даярлаудың екі әдісі бар: дайын үлгіні пайдалана отырып және бұрынғы құжаттың негізінде даярлау.

Бұрыннан бар құжаттың көмегімен жаңа құжат даярлау үшін келесі амалдарды орындау керек:

▪ дайын құжатты ашу керек (Файл►Ашу) ;

▪ оны жаңа атпен сақтап қояды (Файл►Қалай сақтау) ;

▪ ондағы бар мәтінді ерекшелейді (Түзету►Барлығын ерекшелеу) ;

▪ Delete батырмасын оны өшіреді;

▪ нәтижесінде жеке атауы бар, бастапқы құжатқа тән параметрлері бар бос жаңа құжат алынады.

Бұл тәсілмен құжат даярлау жаңадан бастаған қолданушылар үшін қолайлы. Өйткені олар алғашқыда өз бетінше үлгі құрып не оны қолдана алмайды.

Үлгі негізінде жаңа құжат дайындау. Үлгі деп әр түрлі төтенше жағдайлардан сақтандырылған құжаттардың үлгілерін айтады. Дайын үлгі негізінде құжат даярлау келесідей орындалады:

●Файл►Құру командасымен Файлды құру сұхбат терезесін ашып алады. Сонда Құжатты құру ауыстырып-қосқышын қосып, үлгінің түрін таңдап аласыз. Даярланған құжатқа жаңа ат қойып, Файл►Қалай сақтау командасын бересіз.

● Microsoft Word 2000 мәтіндік процессорының Құжатты сақтау сұхбат терезесі басқа стандартты қолданбалы программалардың сақтау терезелерінен өзгеше. Мұнда Менің құжаттарым қаптамасынан өзге қаптамаларға сақтау ұсынылады.

Құжатты сақтау сұхбат терезесінің сол жақ панелінде сақтау орындарының белгілері көрсетілген:

Журнал - логикалық қаптамасы. Мұнда соңғы уақытта құрылған құжаттарды сақтауға арналған қаптамалар орналасқан.

Менің құжаттарым - құжаттар сақталған арнайы қаптама.

Жұмыс үстелі - жоғарыда айтылды.

Таңдамалы - Web-беттердің таңбашаларын сақтауға арналған қолданушының логикалық қаптамасы.

Web-қаптамалар - Web-құрылымдарда сақталынатын ерекше қаптамалар. Егер Web-қаптамаларды пайдалансаңыз, онда құжат жергілікті компьютерде емес, қапшықтағы Web-серверде сақталынады.

Мәтінді редакциялаудың арнаулы құралдары

Microsoft Word 2000 мәтіндік процессорының мәтінді енгізуді автоматтандыру құралдарымен танысалық.

Кеңейтілген алмасу буфері

Әр түрлі түптектерден алынған фрагменттерді пайдаланып құжат дайындағанда кеңейтілген алмасу буферінің көп көмегі тиеді. Қажетті басқару элементтері Алмасу буфері аспаптар панелінде орналасқан (Түр►Аспаптар панелі►Алмасу буфері) .

... жалғасы

Сіз бұл жұмысты біздің қосымшамыз арқылы толығымен тегін көре аласыз.