Мен ұстазбын (эссе)

Пән: Педагогика
Жұмыс түрі: Материал
Тегін: Антиплагиат
Көлемі: 3 бет
Таңдаулыға:

«Екібастұз қаласы әкімдігінің

білім бөлімінің №25 қыздар гимназиясы»

мемлекеттік мекемесі

№25 қазақ қыздар гимназиясының

қазақ тілі мен әдебиеті пәнінің мұғалімі

Жұмаділова Қарлығаш Болатқызы

Мен ұстазбын

(эссе)

Егер өмір алтын болса, зергері - мұғалім,

Егер өмір теңіз болса, гауһары - мұғалім.

Егер өмір жүзік болса, көзі - мұғалім,

Егер өмір ақын болса, сөзі - мұғалім.

Шухрат

«Қазақтың қаны бір, жаны бір жолбасшысы - мұғалім. Еліміздің азғана жылдық ояну дәуіріне баға беру үшін алты алаштың баласы бас қосса, қадірлі орын - мұғалімдердікі», - деген қазақтың кемеңгер ақыны М. Жұмабаев.

Ертеңгі күннің бүгінгіден гөрі жарқынырақ болуына ықпал етіп, адамзат қоғамын алға апаратын құдіретті күш тек білімге ғана тән. Демек, қай елдің болсын өркендеуі, өркениетті дүниеде өзіндік орын алуы білім саласының даму бағытына тікелей байланысты.

Елбасымыз Н. Ә. Назарбаев: «Еліміздің ертеңі бүгінгі жас ұрпақтың қолында, ал жас ұрпақтың тағдыры ұстаздардың қолында», - дегені бәрімізге мәлім.

Еліміз өркениетті елдер қатарынан орын алып, ұрпағымыз қоғам қажеттілігіне сай болып жатса, бұл - ұстаздар еңбегінің жемісі. Олай дейтінім ақынды да, батырды да, алыпты да, дананы да, тіпті баланы да ұстаздар тәрбиелейді. Мұғалімі қандай болса, қоғамы да сондай болмақ делінген бұлжымас заңдылық ерте уақыттардың өзінде-ақ белгілі болды. Адамзат өркениетінің даму тарихында жақсы мектебі мен мұғалімдері бар мемлекет ғана алға озып шыққан. Мектептегі білім мен тәрбие оқушыларды халқымыздың бай мәдениеті негізінде тәрбиелеп, ғылым негіздерін игертіп, ой - өрісі кең, шығармашыл, іске әрқашан әзір, салауатты азамат қалыптастыруды қажет етеді.

Қай қоғамның болсын жедел жаңаруы сол қоғамның талап-тілегіне, арман-мүддесіне байланысты. Жедел жаңару немесе халықаралық тілмен айтқанда, модернизация - мемлекеттің жаңа жағдайға сай дамуы мен өркендеуіне себепші кешенді іс-шаралардың жүйесі.

Бүгінгі оқушылар - еліміздің ертеңгі болашағы. Қырандар түлегін қияға самғатып баулитыны белгілі. Өзім еңбек ететін «Руыңды қорғаймын десең, ұлыңды тәрбиеле, ұлтыңды қорғаймын десең, қызыңды тәрбиеле» деген идеяны ту етіп ұстап, ақыл-парасатқа ие қазақ қыздарын шаңырағына шоғырландырған қаламыздағы қазақ қыздар гимназиясы - киелі білім ордасы. Он алты жылдық тарихы бар білім мен тәрбие ұясынан қаншама талапты шәкірт қияға қанат қақты?!

Даналық ешқашан көнермейді. М. Жұмабаевтың: «Ұлтқа тілінен басқа қымбат нәрсе болмасқа тиісті», - деген асыл сөзі менің көңіліммен ұштасып жатқандай. Тіл мәртебесінің өсіп-өркендеуіне, тіл мерейінің үстем болуына үлес қосудағы мақсатым - ата-бабаларымыз мирас етіп кеткен, қасиет пен құт дарыған ана тілімізді саф күйінде келешек ұрпаққа жеткізу.

Білім мен тәрбиенің бұтақ жайған бәйтерегіндей болған қазақ қыздар гимназиясында қазақ тілі мен әдебиетінен дәріс беріп және директодың тәрбие ісі жөніндегі орынбасары міндетін атқара жүріп, жеке тұлғаның қалыптасуына, оның жан-жақты үйлесімді дамуына, ізгілендіру, демократияландыру, толеранттық, ынтымақтастық деген адами құндылықтарды оқушы бойына сіңіруге ат салысудамын. Осы уақыт аралығында шығармашылықпен айналысқан дарынды, өнерлі, талантты шәкірттерімнің бірі - еліміздің мерейін үстем етуге үлес қосып, Қазақстан дәулетін асырар сан салада еңбек етіп жүрсе, бірі - жоғарғы оқу орындарында білім алуда. Олар: А. Байгоншекова, Ә. Абзакирова, Ә. Жамантаева, Г. Омарова, М. Тоқтарбаева, Ә. Досманова, А. Мусина, Д. Абакова, Г. Бегежанова, Г. Қабдылқақова, Г. Абылғазина, М. Абакова, А. Жүнісова т. б.

Ж. Аймауытов: «Мектеп бітіріп шыққан соң бала бүкіл әлемге, өзгенің және өзінің өміріне білім жүзімен, ашылған саналы ақыл көзімен қарай білсе, міне, білімділердің көздейтін түпкі мақсаты - осы. Мектеп осы бағытта баланың келешекте жетілуіне мықты негіз салуы керек», - дегендей, бүгінгі таңдағы гимназияның алдында тұрған өзекті мәселе - нәтижеге бағытталған білім мен тәрбиені қоса бере отырып, жалпы азаматтық құндылықтарға сәйкес мінез-құлқы қалыптасқан жеке тұлға тәрбиелеу. Ұлағатты ұлылықты бала жүрегіне сіңіріп, дарындылықты дамытатын ұстазға тән қасиет: іскерлік, жаңашылдық, келешекті болжай білуге ұмтылу.

Қазіргі таңда әрбір мұғалім дана халқымыздың: «Ең жоғарғы сый - көңілмен сыйлау, ең жоғарғы тәрбие - сөзбен тәрбиелеу, ең жоғарғы қуаныш - рухани қуаныш. Әлемде оны ештеңемен ауыстыруға болмайды», - деген ұлы сөзін өмірлік ұстаным ету қажет тәрізді. Өйткені, мектеп - білім ордасы болса, ұстаз - оның тұлғасы, ал шәкірт - өмір жалғасы.

Қанаттанып жатқан қазағымның жарқын болашағын болжап, намыс оты шоқ болып жүрегіңе түскенде рухты сезімнің құшағында қалады екенсің. Бүгінгі таңда алтын шырақ - білімдінің қолында. Өшпейтін өмірдің өзегі іспетті ұрпақ тәрбиешісі - Ұстаз жаққан от ешқашан сөнбейді.

... жалғасы

Сіз бұл жұмысты біздің қосымшамыз арқылы толығымен тегін көре аласыз.