Менеджерлерге сипаттама – Стив Джобс

Стив Джобс жалпы мықты тұлға және ең бірінші болып: XXI ғасырда табысты адам болу үшін креативтілік пен технологияны біріктіру керектігін түсінген дарынды бизнесмен.
Стив Джобс АҚШ тарихында табысты компаниялардың бірін құрып қана қоймай, ұзақ жылдар оның басшысы болғандар арасында ерекше тұлға. «Apple» интернет технологиялар жағынан әлемдегі ең ірі компанияға айналып, Microsoftты артта қалдырған. "Apple" негізінен өзінің жаңа ноутбуктары және «iPhoneн» смартфондары мен «iPad» планшеттері арқылы қалың көпшілікке танымал.
Стивен Пол Джобс (ағылш. Steven Paul Jobs, (Ақпанның 24, 1955 – Қазанның 5, 2011) – американдық өнертапқыш және бизнес-магнат. Apple корпорациясының негізін қалаушы және директорлар кеңесінің төрағасы болды. Сонымен қатар Стив Джобс Pixar Animation Studios компаниясының СЕО қызметін де атқарды. 2006 жылы The Walt Disney Company Pixar компаниясын сатып алған болатын, ал Стив Джобс Disney компаниясының директорлар кеңесіне мүше болды. 1995 жылы шыққан «Ойыншықтар оқиғасы» атты мульфильмнің атқараушы продюсері ретінде көрсетілген еді.
Стив Джобстың әкесі Пол Рейнолд Джобстың балалық шағы Висконсин штатынын Джерментаун фермасында өткен. Оның әкесі маскүнем болып, кейде баласына қол да жұмсаған. Соған қарамастан Пол сабырлы, мейірімді болып өсті. Механик қызметімен айналысатын. Стивтің анасы Клара Нью-Джерсида туылған. Полмен кездесу Клара үшін жаңа өмір бастауға деген мүмкіндік болатын. Қырғын соғысты бастан кешірген Пол мен Клара үшін ең бастысы – балалы болып, тыныш, бейбіт заманда өмір сүру. Алайда, Клара бедеу болып қалғандықтан, 1955 жылы олардың жалғыз амалы бала асырап алу еді. Джоан Шибле Пол Джобс сияқты неміс эмигранттарының отбасынан шыққан. Оның әкесі Артур Шибле Гринбей қаласына орнығып, құндыз фермасын басқарған. Осыдан барып балақайды адвокат отбасы емес, қарапайым механик және оның әйелі қарапайым бухгалтер асырап алады. Пол және Клара балаға Стивен Пол деген есім береді. Джоан баланы асырап алған отбасы оқымаған екендігін білгенде көп қарсылық көрсетті, ақыры рұқсатын берді. Джобстар әулеті ақша жинап баланы колледжге түсіреміз деп жазбаша түрде уәде берді. Оны асырап алғандығын Стив бала кезден білетін. «Ата-анам мені асырап алғандығын жасырмайтын»,-деп ол айтқан болатын. Ол алты-жеті жасында көлшікте ойнап жатқан жерінде қарама-қарсы отырған қыз:
- Сонда сен өзіңнің ата-анаңа керек емес болғандығың ба? – деді қыз.
- Не болды! – деп Стив есіне түсіреді. Мені тоқ ұрғандай болды. Үйге жылап кіріп, оларға бәрін айттым, олар маған қарап: «Жоқ, сен түсінбейсін. Біз арнайы сені таңдап алдық». Олар бұны бірнеше рет айтты. Мен бұның шындық екендігін түсіндім.
Тастанды. Таңдалған. Ерекше. Бұл үш сөз Стив Джобстың тұлға болып қалыптасуына өз әсерін тигізді. Оның жан достарының айтуы бойынша:туған анасы оны босана салып тастап кетті, сонысымен жүрегіне қаяу түсірді. «Стив Джобстың істеген ісінің барлығын бақылауда ұстайтындығы туа