Ессіз құмарлық - денсаулықтың жауы

Нашақорлық (грек тілінде пагсотапіа — құмарту) — патологиялық құмарлық. Есірткіні ертеде өзге де, көңіл көтеруге пайдалыныпты. Біздің заманымызға дейінгі IV ғасырда Шу-Меркі аумағында адамды ұйықтатып тастайтын әлдеқандай шөп жайында айтылған. Біздің дәуірімізге дейінгі V ғасырда өмір сүрген Геродот жазбаларында да есірткінің адам ағзасына әсері жайында мәлімет бар. Медицина атасы Гиппократ апиынды емге пайдаланған екен. Александр Македонскийдің жауынгерлері апиынды Оңтүстік Азияға әкеліп еккен көрінеді. Десе де, Шығыс пен Батыс елдерінде апиынды есірткі ретінде етек алған.
XX ғасырдың 60-жылдарында есірткіге елігу ерекше қарқынмен дами бастады. Есірткіге әуестеніп алған балалар мен жасөспірімдердің болашағы бұлыңғыр. Соңғы мәліметтерге сүйенсек, республикалық наркологиялық орталықта есепте тұрған адамдардың саны — 49736. Диспансерлік есепте тұрған әйелдердің саны 4939-ға жеткен. Нашақор жасөспірімдер саны 3105 адам болса, оның 835-і он төрт жасқа толмаған балалар екен.
Нашақордың есірткіден улануынан оның бүкіл психикасы өзгереді. Біріншіден, нерв жүйесін бірден улайды, елітіп, еліртіп жібереді, ақылмен істейтін жұмыстардан бас тартатын болады, өмірге қажетті барлық жұмысты орындауға ынтасы, белсенділігі пәс болып тұрады, енжар өмір кешеді. Есірткі адам психикасына өте қатерлі. Ол ойламаған қылмыстарға итермелейді, нашақор ашуланшақ, шамшыл келеді.
Осы кезде тағы да түрлі елестер пайда болып, зейін алаңдаушылығы көбейіп, қимылы тежеледі. Нашақор әйелдерде түгелдей дерлік жыныс мүшесінің жұмысы бәсеңдейді, сонымен қатар етеккірлерінің келуі де бұзылады (кейде ерте, кейде кеш). Олардан дімкәс, кемтар балалар дүниеге келеді. Ер адамдарда да жыныс мүшесінің қызметі нашарлайды. Оларды ештеңе қызықтырмайды. Осы себепті өз жандарын өздері аямайды, бір инені бір-біріне беріп, жалғастырып сала береді. Бұл түрлі жұқпалы ауруларға (тері ауруларына, жұқпалы жыныс ауруларына, өкпе қабынуына) әкеп соғады.

Пайдаланылған әдебиеттер тізімі
1. Ә.Субханбердина «Есірткі қазіргі заман кеселі». Алматы. 2002 жыл 40 бет.
2. Г.Ернияз «Есірткіге қарсы ел міндеті. Заң газеті. 2006 ж. 8 желтоқсан -4 6.
3. А.Көптілеуов «Нашақорлық жаппай індеткеайналып барады. Түркістан. 2006 ж. 9 қараша - 6 бет.
4. М.Құлсейітова «Нашақорлық - тұйыққа апарар жол. 2007 ж. 58 бет.
5. Г.Ибашева «Еріксіз емдеудің ерекшеліктері көп. Заң газеті. 2006 ж. 9 қараша. 4 бет
6. Ж.Пердебек. "Айғақ" 2004 ж. 5 бет.