Кәсіпорынның бәсеке қабілеттілігі

Пән: Маркетинг
Жұмыс түрі: Курстық жұмыс
Тегін: Антиплагиат
Көлемі: 44 бет
Таңдаулыға:

Кіріспе

Ғаламдану жағдайында барлық елдердің негізгі міндеті ұлттық шаруашылық пен жекелеген экономикалық субъектілердің бәсекелес қабілетін қалыптастыру және қолдау болып табылады. Нарықтық талаптардың ерекшеліктерін ескере отырып, мемлекеттің ішкі экономикалық мүмкіндіктері мен өндірістік ахуалын одан ары жақсарту мақсатында жаңа бағыттар белгіленуде. Өндірісті жаңаша құрудың, шығарылатын өнімдердің сұранысын арттырудың маңыздылығы да артуда.

Мемлекеттің экономикалық тұрақтылығын қалыптастырудың негізгі бағыты ішкі өндірісті өркендету екені белгілі. Бұл тұрғыда, өнім өңдеудің түпкі кезеңіне дейінгі жұмыстарды қамтитын өндірістік кәсіпорындарға деген жауапкершілік те ұлғая түспек. Осы тектес кәсіпорындардың қатарына тамақ өнеркәсібіндегі сүт өнімін өңдеумен айналысатын өндіріс орындарын жатқызуға болады. Аталған саланың ел экономикасындағы маңызы оның ішкі нарықтағы азық-түлік қауіпсіздігін сақтауда, мемлекеттің экспорттық мүмкіндіктерін ұлғайтуда, отандық өзара байланысты кәсіпорындардың тиімділігін арттыруда және олардың сыртқы өндірушілерге тәуелділігін төмендетуде, ауыл шаруашылық өнімдерін мақсатты пайдалануда және бәсекеге қабілетті өнімдер шығару арқылы мемлекеттің әлемдік нарықтағы беделін арттыруда көрініс табады.

Қазіргі заманғы кәсіпорындар өздерінің бәсеке бағытын нығайту үшін әлемдік нарықтың жоғарылап келе жатқан талаптарына, тұтынушылық сұраныстың дифференциялануына, инновациялық айналымдардың азаю қажеттілігіне және өндіріске ғылыми-техникалық жетістіктерді еңгізу мәселелерімен бетпе-бет кездесуде.

Отандық сүт өнімдерін өңдеуші кәсіпорындардың дамуы соңғы он бес жылда үлкен өзгерістерге ұшырады. Кеңестік жүйеде қалыптасқан экономикалық байланыстардың бұзылуы, нақты сектор мен қаржы саласының арасындағы алшақтық, өндірістерді дамытудың бірыңғай, арнайы мақсатты бағдарламаларының жоқтығы, өңдеуші салаларды ынталандыру тетіктерінің қалыптаспауы нарықтық қатынастардың алғашқы кезеңінде бұл сала кәсіпорындардың жетілуіне мүмкіндік бермеді.

Тек соңғы кездері нақты секторды дамыту бағытындағы басты міндеттер мен қолайлы ортаны қалыптастыру шараларының нәтижесінде жаңа өндіріс орындары ашылып, халықтың тұтыну қажеттіліктерін қанағаттандыра бaстады.

Әйтсе де, ғаламдық даму үдерімінің қазіргі кезеңінде қолда бар жетістіктерге қанағаттану жеткіліксіз. Тынымсыз ізденіс пен нәтижелі іс-әрекетті арқау еткен әлемдік нарық өндірушілері барынша жаңа нарықтарды игеруге, ондағы тұтынушыларды жаулауға белсене кірісуде. Нарықтың бұл қатал шарты отандық өнім өндірушілердің бәсекелік қауқарын нығайтуды, өнімдерінің бәсекелік қыспақтарға төтеп берерлік қабілетін арттыруды, ішкі және сыртқы нарықтарда сұранысы жоғары өнім өндіруге тиімді әсері бар тетіктерді айқындауды және сол арқылы мемлекеттің азық-түлік қауіпсіздігін қамтамасыз ету мәселесін шешуді қажет етеді.

Бәсекеге қабілетті отандық сүт өнімдерін қалыптастыруда озық тәжірибелері мен жетістіктері бар елдердің қолдануға тиімді нәтижелерін, осы салаға қатысты ғылыми-техникалық және инновациялық ізденістердің қолданысын пайымдай отырып, бәсекелік қабілетті арттыру механизміндегі негізгі тетіктер ретінде өнімнің тұтынушылық қасиеттерін анықтайтын сапалық көрсеткіштерін, кәсіпорынның баға саясатын, өнімнің тартымдылығын жоғарылатуға ықпал ететін кәсіпорынның маркетингтік жүйесін және өндірістің өркендеуін ынталандыратын мемлекеттік қолдау саясатын қолдану қажеттілігі туындайды.

Курстық жұмыстың мақсаты - кәсіпорынның және оның өнімінің бәсеке қабілеттілігін арттыруды теориялық және тәжірибелік тұрғыда зерттеу және нақты тұжырымдар мен ұсыныстар жасау.

І Кәсіпорынның бәсекеқабілеттілігін арттырудың теориялық аспектілері

Кәсіпорынның бәсекеге қабілеттілігі

Кәсіпорынның бәсекеқабілеттілігін кең мағынада бәсекелестердің қарсы әрекет жағдайындағы өзінің мақсаттарына жету қабілеттілігі ретінде анықтауға болады. Осыдан кәсіпорынның өлшемі нақты кәсіпорын мен нарықта оның негізгі бәсекелестерінің арасындағы «күштердің арақатынасы» болып табылады. Менеджмент теориясында фирманың негізгі бәсекелестеріне сипаты және стратегиялық мінезі бойынша жақын кәсіпорындар жатады. Бұл кәсіпорындар «стратегиялық топты» құрайды.

Кәсіпорынның бәсекеқабілеттілігі интегралдық сипаты бар көрсеткіш болып табылады. Жалпы жағдайда келесі құраушыларды бөліп көрсетуге болады: нарықтағы ұсыныстың бәсекеқабілеттілігі, кәсіпорын ресурстарының бәсекеқабілеттілігі, менеджменттің бәсекеқабілеттілігі және кәсіпкерлік бәсекеқабілеттілік.

Нарықта кәсіпорынның бәсекеқабілеттілігін кәсіпорынның ағымдағы бәсекеқабілеттілігі ретінде анықтайды. Қазіргі маркетингтік нарықтар үшін «фирмада өндірілмеген, адамдардың бағалайтын заттары және қоймаландыру бойынша қызметтер, жеткізілу ерекшеліктері, қаржыландыру және клиенттер үшін кеңестер, жарнама, қызмет, қораптау түріндегі өзінің өнімдерін қосымша жабдықтауы» бәсекесі тән. «Өнім ұсынысы» түсінігі сатып алушының соңғы таңдауын анықтайтын факторлардың бәсекеқабілеттілігін анықтау кезінде ескерілетін кеңейтілген мүмкіндіктерін білдіреді.

Сонымен, ұсыныс өз құрамына өнімді, бағаны және қосарласа жүретін қызметтерді енгізеді, олар клиент үшін сатып алудың пайдалылығын (тиімділігін) анықтайды. Егер кәсіпорын бірнеше ұсыныстарға ие болса, онда барлық өнім портфелінің интегралды бәсекеқабілеттілігі туралы айтуға болады.

Кәсіпорынның ұзақ мерзімді бәсекеқабілеттілігі орналасқан ресурстар (кәсіпорын потенциалымен) анықталады: қаржылық, табиғи, материалдық, технологиялық, өндірістік, кадрлық, тағы басқа. Көп жағдайда төлем қабілетті сұранысты бәсекеге әсер ететін қол жетімді ресурстар түрінің бірі ретінде қарастыруға болады. Сонымен қатар, жалпы жиынтық сұранысты қарастырсақ, онда белгілі бір территорияда тауарлар мен қызметтерді ұсынатын барлық кәсіпорындар бәсекелестер болып табылады. Ресурстардың болуы кәсіпорынға ұзақ уақыт бойы ұсыныстың бәсекеқабілеттілігін қамтамасыз етеді. Кәсіпорынның ресурстық артықшылықтары бәсекелестер алдында олардың ағымдағы нарықтық жағдайларға сәйкес келген жағдайында ғана практикалық мәнге ие болады.

Бәсеке кезінде нарық жағдайының шарты бойынша ресурстық базаны өзекті түрде қолдау қажет. Бұл процесс, сондай-ақ, қолда бар ресурстарды қолданатын бәсеке тұрғысынан барлық басшылықтан жоғары кәсіпорын менеджментінің анықталады. Топ-менеджерлердің маңызды стратегиялық шешімдерді қабылдауы да осындай қарқында болады. Менеджменттің бәсекеқабілеттілігі - бұл бәсекелестерде және кәсіпорындарда менеджмент сапасының салыстырмалы сипаты. Бұл ең алдымен басқаруды ұйымдастырудың мотивациясының, біліктілігінің айырмашылығы. Құрастырушы бәсекеқабілеттілік мағынасы, әсіресе, динамикалық сыртқы орта шарттарында және белсенді бәсекеге қарсы әрекеттерде көрінеді.

Бәсекеқабілеттіліктің көрсетілген аспектілерін байланыстырып тұратын негіздік элемент пен кәсіпкерлік ой бәсекеқабілеттілігі болып келеді. Кәсіпорын кәсіпкерлік ой өнімі туралы негізгі ұсынуды қосады, тұтынушылардың қажеттілігін қанағаттандыру, сүйемелдеу және потенциалды дамуының және басқару тәсілдері туралы негізгі ойы ұсынылады. Әрбір кәсіпорындардың артынан бірегей саналған құрастырушылар келеді, ал олардың сәтті үйлестірілуі кәсіпкерлік ой бәсекеқабілеттілігін анықтайды. Қисынды ұсыныс жасалады не кәсіпкерлік ой айтылады. Қисынды болжау немесе кәсіпкерлік ой бәсекеқабілеттілігіне маңызды бейне мен меншік иесінің жеке мінездемелері әсер етеді, меншік иелерінің, мысалы, қойылған мақсатқа жетуінде оның табандылығының әсері. Сөзсіз нарық көзімен қарасақ, кәсіпкерлік ой бәсеке қабілеттілігі маңызды белгісімен көрінеді.

Ұсыныс бәсекеқабілеттілігін бағалау. Бәсекеқабілеттілік анықтамасына маркетингтік қадам жақын келеді, кәсіпорын ұсыныстарды болжайды не ұсыныс жасайды. Барлық ірі көлемдегі сатып алулар аванстау шарттарына ие болады: бағаға жеңілдіктер, төлеу шарттары және жеткізулер, кепілдемелік міндеттемелердің мезгілі, сервистің жетілдірілуі, сапа және құнның қызмет ету жарамдылығы. Ал қанау шарттары және ұзақ пайдалану тауарларына арналған сервистік қызмет ету анықтаушыға байланысты болып келеді.

Нарықта кәсіпорын ұсынысын және оның өзара байланысын анықтаушы екі негізгі аспектілер ерекшеленеді. Бірінші аспекті ең негізгі табыстылыққа арналған кәсіпорынның нарықтағы ұсынысы, яғни, ұзақ мерзімді ұсыныс бәсекеқабілеттілігі кәсіпорын қабілеттілігіне сүйенеді.

Екінші аспект «имидждік» өзара байланыстылықты баса көрсетеді. Имидждің негізгі ерекшелігі нақты байланыс тобының оны қабылдауының (бағалауының) субъективтілігі болып табылады, кәсіпорын имиджі және оның негізгі өнімдері бір-бірінен бөлек әсер етуі мүмкін.

Кәсіпорынның потенциалының бәсекеқабілеттілігін бағалау негізінде көптеген көрсеткіштер қолданылуы мүмкін. Кез келген жағдайда бәсекелес субъектілердің мүмкіндіктері мен мақсатына байланысты бәсеке деңгейін анықтау қажет (1-сурет) .

1-суреттің жалғасы

Ескерту: [1, 3] дереккөздерінен алынған

Сурет 1. Бәсекеқабілеттілік деңгейіндегі қолданылған көрсеткіштер

Деңгейде «аман қалу қабілеттілігі» бәсекеқабілеттілікті сипаттайтын қарапайым қаржылық-экономикалық көрсеткіштер. Ұзақ мерзімдегі бәсекеқабілеттілік ұсынысты ұстау үшін маркетингтік көрсеткіштерді қолдануды талап етеді. Солардың ішінде көбісі, мысалы, «нарық үлесі» біржола потенциал көрсеткіші болып табылатынын айта кету керек.

Кәсіпорын потенциалының бәсекеқабілеттілігін интегралды бағалау әдісі оны өткізу мақсатына байланысты, яғни, шешіліп жатқан тапсырмаға немесе мәселеге қатысты. Бірақ кейбіреулерін ерекшелеуге болады, кезеңдерді жалпы бағалау жеткілікті.

Бәсекелестердің талданып жатқан тобының құрамын анықтау. Кәсіпорын потенциалының бағасын стратегиялық топтар бойынша өткізуге болады. Бәсекеқабілеттіліктің бірнеше ретті бағалануын алу үшін салалық көрсеткіштерге қарау қажет. Неғұрлым толық талдау үшін стратегиялық топтардағы бәсекелестерді талдауға көшу қажет және бағыттар бойынша ақпаратты анықтаумен айналысып, аралас нарықты талдауды өткізу керек.

Мақсаттан және мүмкін болатын шиеленістен өту ізденісі. Қызметтің мақсаты және солармен байланысты кәсіпорын қатысы бар меншік бағыттардың көп деңгейлі жүйесі және басқа шаруашылық субъектілердің мақсатымен бәсекелестік пайда болады. Осы жағдайларға байланысты өзінің бәсекеқабілеттілік жағдайын бағалауға тура келеді. Бұл жерде бәсекелестердің мененджмент негізін есептеу өте маңызды.

Бәсеке сипатын және сыртқы ортаның әсерін талдауды анықтау. Кейбір кәсіпорындарда тауар сатылымының көлемі өседі, осыған байланысты олар өздерінің жоғары екендігіне сенеді, бірақ олардың сату көлемінің өсуі нарықтың өсуімен бірдей болуы мүмкін, осындай жағдайлар жиі кездеседі. Мұндай өсім экстенсивті болып табылады және өнімнің жаңашылдығымен байланысты, көп тұтынушыларды өзіне тарту кәсіпорынның тиімді жұмысы болып есептелмейді, өйткені бәсекелестерде тұтынушылардың өсімі одан да көп болуы мүмкін.

Кәсіпорынның бәсекеқабілеттілігін зерттеу кезінде аса көңіл аударарлық жағдай - ол жетістікке жетудегі шешуші факторлардың бірі болып табылатын қызмет көрсеткіштерінің сәйкестік деңгейін бағалау. Кәсіпорынды және бәсекелестерді интегралды бағалау, олардың ұзақ мерзімді уақыттағы бәсекелес позициялары мен негізгі себептері жайлы жалпы көріністі береді. Соңында бәсекелестіктің жоғары деңгейі болып кәсіпорынның стратегиясы жайлы сипаттамалық көрсеткіштер орын алады, инвестицияны тарту мен акционерлік құн көрсеткіштері жатады. Осы саладағы кәсіпорынның бәсекеқабілеттілігін дәл анықтайтын кең таралған әдістердің бірі болып төлем қабілеттілігін, қаржылық тұрақтылық және қызмет рентабельдігін топтық көрсеткіштер бойынша сипаттайтын қаржылық нәтиже болып табылады. Кәсіпорынның бәсекеқабілеттілігін анықтайтын жалпы көрсеткіштердің бірі - оның нарықтағы үлесі.

Ерекшеленген көрсеткіштер бойынша кәсіпорынның бәсекеқабілеттілігін және оның бәсекелестерін салыстырмалы бағалау. Кәсіпорын қабілеттілігін анықтауда негізгі екі әдіс топтарын қарастыруға болады:

Негізінен сандық мәліметтерді қолдануға негізделген әдіс (қаржылық көрсеткіштер, статистикалық мәліметтер) ;
Сапалы, эксперттік, ақпарат әдістері (пікір, ойлар, бағалау) .

Кәсіпорын менеджментінің бәсекеқабілеттілігін анықтау. Басқару функциясы ретінде кәсіпорын менеджменті ең алдымен қойылған мақсаттарға қол жеткізу жолында кәсіпорын ресурстарын тиімді қолдану мүмкіндігімен сипатталады. Нақты кәсіпорын менеджментінің бәсекеқабілеттілігін басқа бәсекелес кәсіпорын фирмалары менеджментінің алдындағы ерекше көрініс ретінде айтуға болады.

Кең мағынады бәсекеге қабілеттілік бұл - күрделі нарықтық жағдайдағы жұмыс философиясы. Ең алдымен ол тұтынушының қажеттілігін білу мен қанағаттандыру; нарықтың дамуы мен жағдайды түсіну; бәсекелестердің мүмкіндіктері мен қимылдарын алдын-ала білуіне бағытталған.

Кәсіпорынның бәсекелік мүмкіндіктері

Нарық және бәсекелестер алдында кәсіпорын өзінің күшті және әлсіз талаптарын салыстыруы тиіс. Осыған байланысты екі басты сұрақ туындайды: қандай мүмкіндіктерге басымдылық беру және қандай жағдайды қарастыру, нақты ма немесе әлеуетті ме? Әуелі кәсіпорынның осы уақыттағы мүмкіндіктерін салыстырмалы талдауға кірісеміз. Бұл талдау фотосуретке түсірумен бірдей. Сонан кейін ресурстарды таңдаймыз. Кәсіпорындар және бәсекелестер ұлттық немесе сыртқы нарықтарда соларға арқа сүйейді. Алынған нәтижелер рентгенограмманы еске түсіреді. Жеткіліктілік векторлары сәйкес келетін екі жағдайды қарастырамыз. Халықаралық маркетингте бәсекелестерімен қарсы келгенде кәсіпорын жеткіліктілік деңгейін сегіз вектормен қамтамасыз етеді:

Кәсіпорын қызметі негізделетін тауар немесе қызмет тұжырымдамасы;
Сұрау немесе тест жолымен анықталатын, нарық жетекшілерінің жоғары деңгейлі өніміне сәйкестілігімен белгіленетін сапа;
Мүмкін болатын үстеме қосылатын баға;
Қаржы, өз қаржысы, сондай-ақ жеңіл жұмылдырылатын қаржы ресурстары;
Коммерциялық әдістер мен құралдар тұрғысындағы сауда;
Кәсіпорынға өз тұтынушыларын бекітуге жағдай жасайтын сатудан кейінгі қызмет;
Кәсіпорынның саяси өкіметпен, баспасөзбен, қоғамдық пікірлермен өз қатынастарын басқару қабілетін көрсететін сыртқы саясаты;
Кәсіпорынның тек қана болашақ тұтынушыларының сұраныстарын болжау қабілетін ғана емес, оның ол қажеттіліктерді қанағаттандыруға ерекше мүмкіндіктері бар екендігіне сендіретін сатуға дейінгі әзірлік.

Кәсіпорынның мүмкіндіктерін бағалау «бәсекеге қабілеттіліктің көпбұрышын» құруға жағдай жасайды. Бәсекеге қабілеттілікті талдау үшін әр бәсекелеске немесе жалпы бәсекеге бірдей қарау жеткілікті. Сызбаларды бірінің үстіне бірін қою арқылы бір кәсіпорынның екіншісіне қарағанда күшті немесе әлсіз тараптарын көруге болады(2-сурет) .

Ескерту: [2, 3] дереккөздерінен автормен құрастырылған

Сурет 2. Бәсекеге қабілеттіліктің көпбұрышы

Мұндай талдаудың бір кемшілігі бар. Ол кәсіпорынды осы кездегі нарықтың қиындықтары мен мүмкіндіктерінен туындайтын жағдайда қарастырады. «Қосымша әлеуеттер мен қиыншылықтар туындағанда кәсіпорын өзінің бәсекелестері сияқты ішкі және жаңа сыртқы ресурстарды жұмылдыра ала ма?» деген сұрақ туындайды. 3-суретте «бәсекеге қабілеттілік резервтері» түсінігі енгізіледі.

2-ші шеңбер

1-ші шеңбер

Халықаралық сала

Ескерту: [2, 3] дереккөздерінен автормен құрастырылған

Сурет 3. Бәсекеге қабілеттілік резервтері

Сызбаның ортасында халықаралық коммерциялық саясат пен оны іске асыру тұжырымдамасын әзірлеуші бөлім орналасқан. Бірінші шеңбер кәсіпорынды, ал екіншісі оның ортасын көрсетеді. Әр түрлі сызықтар диалог және айырбас мүмкіндіктерін анықтайтын байланыстарды белгілейді.

Бұл модельдің артықшылығы, ортада үлкен өзгерістер болғанда әлемдік нарыққа шығуды қолдайтын екі факторды ашуы. Ол:

Сыртқы байланыстар бөлімі мен кәсіпорынның басқа бөлімшелері арасындағы өзара түсіністіктер деңгейі: диалогтардың жоқтығынан бастап басымдылық көрсетуге, яғни, бағындыруға дейінгі барлық жағдайлар болуы мүмкін;
Кәсіпорын валюталық, қаржылық, саяси немесе әлеуметтік бағытта қоршаған ортасында сапалық және сандық қолдау көреді. Бұл қолдау саудалық қарсыластықтың алғашқы мәліметтерін түбегейлі өзгерте алады.

ІІ «ФудМастер» кәсіпорынын және оның өнімінің бәсекеге қабілеттілігін талдау

2. 1 «ФудМастер» ЖШС-тің өндірістік-шаруашылық қызметін талдау

«ФудМастер» компаниясының тарихы 1995 жылдан бастау алады. Дәл сол кезде жас кәсіпкерлерді «неліктен сүт өніміне сондай бай Қазақстан өңірінде йогурт атаулы керемет өнім жайлы білмейді?» деген ой мазалады. Дәл сол кезде «ФудМастер» Есік қаласындағы сүт зауытының цехын жалға алып, өте дәмді, үлкен стакандарға салынған «Crystal Lake» йогуртын өндіре бастады. Йогурт өнімінің нарықта сәттілікпен өткенін байқаған кәсіпкерлер, ендігі кезекте бүкіл «сүт саласын» игеруге батыл бел буды. «ФудМастер» компаниясы қазақстандық нарықта алдыңғы қатарлы орынды алуды көздеді.

Компанияның меншігіне 6 зауыт және 1 сүт - тауарлық ферма кіреді. 6 зауытқа төмендегілер жатады:

«ФудМастер - Алматы» - Есік қаласындағы сүт зауыты;

«ФудМастер - НС Астана» - Астана қаласындағы сүт зауыты;

«ФудМастер - Қордай» - Жамбыл облысы, Ауқатты аулындағы ірімшік зауыты;

«ФудМастер - Асептик» - Есік қаласындағы ұзақ сақтауға арналған шырын және сүт өндірісі бойынша зауыт;

«ФудМастер - Агро» - Алматы облысы, Іле ауданы, Междуреченск поселогындағы сүт-тауарлық ферма;

«ФудМастер - АйсКрим» - Алматы қаласындағы балмұздақ өндірісі бойынша зауыт.

«ФудМастер» Компаниясы Жамбыл, Алматы, Оңтүстік Қазақстан және Ақмола облыстарында сүт қабылдау торабын ұйымдастырды. Мұндай жеке меншік орындар шведтік сүт қабылдаушы резервуарлар мен алынған сүттің экспресс - анализін өткізуге арналған жабдықтармен жарақталды. Шаруаларға көлікпен, сондай-ақ бұзауларды сатып алуға кредит беру сияқты шаралар ұйымдастырды, ал қарыз сүтпен қайтарылды. Осылай сүт зауыттарына сүт өнімін алу басталды. Уақыт өте келе шикізаттың тек сапалы болуына қол жеткізілді.

Әрбір зауыттың тарихын және қызметін атап өтейік.

«ФудМастер» Компаниясының алғашқы зауыты Алматы облысының Есік қаласында «ФудМастер - Алматы» кәсіпорны 1995 жылы құрылған. Есік сүт зауытындағы алғашқы жетістіктер Қазақстанда сүт өнімімен айналысу пайдалы болатындығына көз жеткізді. Жыл сайын республиканың әр түрлі аумақтарындағы Компания меншігіндегі зауыттар саны өсті. Білікті мамандар тобы кәсіпорынды нарықта алғашқы орынға шығарды. Тәулік сайын сүт зауыты 100 тоннаға дейін сүт өндіреді.

Йогурт өндірісі бойынша шағын цехтан басталған Есік зауыты бүгінгі күні дәстүрлі сүт өнімі қатарын, оған қоса ацидофильді қатық, витаминді сүт, бифидумбактерин, “БИО” бифидумбактерин дақылдары қосылған өнімдер және тағы басқа қазақстандық нарық үшін жаңа сүт тағамдарын өндіруде. Оларды өндіру тек арнайы құрал - жабдықтарды ғана қажет етіп қоймай, сонымен бірге, өндірістің ерекше мәдениетін талап етеді.

Өткен жылдар бойы кәсіпорын үлкен жетістіктерге жету мақсатында қазіргі талаптарға сәйкес өзгертіліп тұрды. 2001 жылы қуаттылығы сағатына 5 литр суға тең болып келетін құрал - саймандар мен түтіктерді жуғыш екі тізбекті автоматты CIP станциясы орнатылған.

Жоғарғы технологиялық құрал - жабдықтар өнімнің аса сапалы болуын қамтамасыз етеді. Тек қана 2001-2002 жылдар аралығында Есік сүт зауытын қайта құру мен модернизациялауға 2 млн. АҚШ доллары жаратылған. Ал қазір жабдықталуы бойынша бұл зауыт европалық кәсіпорындардан қалыспайды.

«ФудМастер - НС Астана» ЖШС 1997 жылдың қаңтар айында пайда болды. Кәсіпорынның алдында тұрған міндет - Республиканың жаңа астанасын сапалы, әрі Алматыда кең таралып үлгерген «ФудМастер» сүт тағамдарымен қамтамасыз ету болды. Негізінен Астананың қалалық сүт зауытының бұрынғы жұмысшыларынан құралған мамандар тобы тез арада «ФудМастер» өнімінің негізгі ассортиментін өндіріп, оны өткізе бастады. Тек қана сапасы жоғары сүт тағамдарын өндіру арқылы және жаңашыл өнімдерді енгізе отырып, кәсіпорын тұтынушылардың сеніміне кірді. Кәсіпорын мамандарының көбі Еуропа мен Американың жетекші азық - түлік кәсіпорындарында тәжірибеден өтті.

Кәсіпорын өнімдері тұтастай сүт өнімі: сүт, кефир, қаймақ, ряженка, сүзбе, «Пеппи» йогурттық сусыны.

Емдеу және профилактикалық мақсатта қолданылатын өнімдер: BFB, БИО - С, «БИО» - айран, А+Д сүті.

1998 жылы «ФудМастер» Компаниясы жеке меншігіне Оңтүстік Қазақстан облысындағы Көк Саек ауылында орналасқан май-ірімшік жасауға маманданған зауытты алады. 1936 жылдан бері үздіксіз жұмыс істеп, кезінде өнімдері баршаға мәлім болған зауыт, экономиканың дағдарыс кезеңінде жұмысын толық тоқтатты. 7 жыл бойы тоқырау жағдайында болған зауыт, «ФудМастер» Компаниясының келуімен қайта жанданды. Зауыт күніне 30 тонна сүт өңдейді. Қазақстандық нарықта үлкен сұранысқа ие болған жұмсақ қышқылтым және балқыған ірімшік, сүзбе өнімдерін шығарады. Қазіргі «Хугарт» және «Роверс» технологиялық тізбектері заман талабына сай сапалы өнімнің алуан түрлі жиынтығын өндіруге мүмкіндік береді. Өз істерінің шебері болған жергілікті халықтан құралған еңбекші ұжым - кәсіпорыннның үнемі өсіп отырған тиімділігінің басты себепшісі.

Кәсіпорын өнімі:

- Жұмсақ тұзды ірімшіктер: «Ленгерский», «Моцарелла».

- Балқыған ірімшік: «Ленгерский», сыраға арналған кептірілген ірімшік «Чечил».

- Cүзбе: «Чудо - завтрак», «Чудо - сырок».

Қырғызстанмен Жамбыл облысының шекарасында Қордай атты табиғаты тамаша жерде «ФудМастер» Компаниясының ірімшік жасау зауыты орналасқан. Ірімшік жасау шеберлердің ірімшіктері жоғары бағаланған. 1978 жылы Ригада өткен Бүкілодақтық ірімшік жасаушылар конкурсында костромдық ірімшік ( «Қордай» ірімшігі ) бірінші орынға ие болып, ал қазақстандық ірімшік шеберлеріне «Жоғарғы сынып Шеберлері» және «Алтын қол Шебері» атақтары берілді. «ФудМастер» Компаниясы қатты ірімшіктің ерекше дайындау жолын сақтап қана қоймай, ірімшік жасаушы атақты шеберлерді жұмыс орындарында қалдыра алды. Қордай шеберлерінің өнімін FOODEXPO - 98 көрмесінде білікті мамандар жоғары бағалады және «ФудМастер» - дің «Гауда» ірімшігіне халықаралық танымның белгісі болған Алтын медаль, «Астана Фуд - 2000» көрмесінде «Қордай», «Российский» ірімшігіне Алтын медаль берілді және май мен ірімшік жасау Бүкілресейлік ҒЗИ мамандарының үздік бағалауына ие болды.

1998 жылы «ФудМастер - Қордай» дәстүрлі рецептуралы қатты ірімшіктерді (костромдық, ресейлік, пошехондық) және «Элит» сыныбының гауда, голландық ірімшіктерін шығарады.

Зауытта капиталды қайта өңдеу жұмыстары жүргізілді. Жаңа техникалық жабдықтар сақтау мерзімі ұзағырақ, әрі сапалы ірімшіктерді жасауға мүмкіндік береді.

Өнімдері: «Қордай», «Аухатты», «Голландық», «Гауда».

... жалғасы

Сіз бұл жұмысты біздің қосымшамыз арқылы толығымен тегін көре аласыз.