Сатып алу-сату шартының түсінігі және маңыздылығы


МАЗМҰНЫ
КІРІСПЕ 3
1 САТЫП АЛУ-САТУ ШАРТЫНЫҢ ТҮСІНІГІ ЖӘНЕ МАҢЫЗДЫЛЫҒЫ
1. 1 Сату-сатып алу шартының жалпы сипаттамасы 5
1. 2 Сатып алу-сату шартының түрлері және элементтер 11
2 КЕЛІСІМШАРТ ЖАСАСУ ШАРТЫНЫҢ ЕРЕКШЕЛІКТЕРІ
2. 1 Келісімшарт жасасу шарты тәртібі 19
2. 2 Айырбас шарты 22
ҚОРЫТЫНДЫ 25
ҚОЛДАНЫЛҒАН ӘДЕБИЕТТЕР ТІЗІМІ 26
КІРІСПЕ
1996 жылдың 1 шілдесінде Қазақстан Республикасының Азаматтық кодексінің Ерекше бөлімі қабылданып, күшіне енді. Бұл өз мәнінде Қазақстан Республикасының Азаматтық кодексі нарықты қайта құру жылдарында қалыптасқан азаматтық заң шығарудың ірі біріктіру (немесе жүйеленуі ) болып табылады, сонымен бірге онда бұдан бұрын Қазақстан Республикасының азаматтық зандарыңда болмаған көптеген нормалар пайда болды.
Жаңа Азаматтық кодексті қоғамдық қатынастардың аса тиімді реттеушісі ретінде бағалау қажет. Оның нормаларының мазмұны барынша айқын болып табылады. Оған уақыт сынынан өткен көптеген заңдардың және заңға тәуелді нормативтік актілердің ержелері енген. Бұны оңды құбылыс ретінде бағалауға болады, дегенмен азаматтық кодексті тым толықтықта айыптайтын көзқарастар да кездеседі. Себебі, онда сатып алу-сату мүлік жалдау және тағы басқа да шарттар көптеген түр-түрлерімен қарастырылған. Мысалы, тауарларды бөлшектеп сатып алу-сату шарты жеке көрсетілген, онда тұтынушылар құқығың бекітуге артышылықтар берілген. Кәсіпкерлік шарттың ерекше сипаттар тауар жеткізілімі шартына арналған нормаларды көрініс тапқан. Кез-келген қәзіргі заманғы мемлекет жағдайы үшін сатып алу-сату шартының энергиямен жабдықтау сияқты түрі манызды мәнді иемденеді, бұл да азаматтық кодексте және соған сәйкес қабылданған заңға тәуелді нормативтік актілерде ескерелген.
Жекешелендірілген, мемлекеттік, сонымен бірге жаңадан пайда болған жеке кәсіпорындар нарығының пайда болуына кәсіпорындарды сатуды құқықтық реттеу сәйкес келді. Бұрын әрқашан реалдыболып келетін сыйға тарту шартына қәзір өзгеше сипаттар берілген, енді бұл шарт консенсуалды да болуы мүмкін. Сыйға тартуға тиым салу анық бекітілген. [2]
Және оның бірнеше саласының заң жүзінде қалай жүзеге асырып сонымен қалай жұмыс жүргізүге болатындығың ашып көрсеткен, менде сол тарауды қарап осы курстық жұмысты сол бойынша жаздым.
Курстық жұмыстың тақырыбы ретінде сатып алу-сату шарты табылады. Бұл тақырыпты курстық жұымыс ретінде таңдау себебі: сатып алу-сату шарты қазақ тарихының әдет құқығымен реттелетін ең көне шарттардың бірі болып табылатындығында көрінеді.
Қазақстан Республикасының қалыптасуы, елде экономикалық реформаларды жүзеге асыру және нарықтық қатынастарға өту кезеңінде құқықтың мән-маңызы айрықша күшейеді. Тауарлық, ақшалық, мүліктік және басқару қарым-қатынастарын құқықтық тұрғыдан реттеуде заңдар мен басқа да нормативтік актілердің маңызы одан әрі нығая түсті. Қазақстан Республикасында шарттық құқықтың тарихы дамудың ұзақ жолынан өтті және де әдеттік құқықпен реттелінді. Бұл құқықтық жүйелердің көп ғасырлық дамуының нәтижесінде шарттар жасасу сферасындағы міндеттемелік мүліктік қатынастарды, жалпы қоғамдық қатынастарды реттеудегі құқықтық нормалардан саралау арқылы пайда болады. Феодалды патриархалды қатынастардың өмір сүрген дәуірінде азаматтық құқықтық шарттардың ең көнесі болып сатып алу-сату шарты болып табылады Олар қазақ қауымының шаруашылық өмірінде көп қолданылды. Шарттық қатынастар сатып алу-сату процесі кезінде қалыптасып қазақтардың әдет құқығымен реттелінді. Ол ауызша келісім сипатында болады. Шарт жасасу және оны орындау шарт тараптарының моральдық принципіне негізделеді. Қазақтардың әдеттік құқығы бойынша шарттар ауызша болғандықтан олардың жарамдылығының кепілі болып куәлар табылады. Куәлар моралдық жағынан қоғамның ойынан сенім және құрмет табу керек болады. Сондықтан қазақтардың шарттық құқығында тұлғалардың мінездемесі үлкен рөль атқарады. Сатып алу-сату шарты экономикалық қатынастың өзгеруіне байланысты күрделеніп отырды. Бастапқы кезеңде шарт жасасу үшін әдеттік нормалар қолданыста болады және тараптар шарт жасасқандығын дәлелдеу үшін бір-біріне қол берісіп «береке тап» деп айтуы керек болады. Көбінесе мұндай жағдайда заттың фактілік берілуі шарттың жарамдылығы болып табылады. Заттың құқықтық мәртебесі де анықталған. Қазіргі кездегі терминологияны қолдансақ шарт пәні болып айналыстан алынбаған заттар ғана табылады. Бірақ билердің рұқсат етуімен айналыстан алынып тасталған заттар сатып алу-сату шартының пәні болуы мүмкін болады. Тауар ақшалық қатынасының дамуы нәтижесінде бұл шарт өз орнын басқа шарттарға берді. Сатып алу-сату шарты институты қазақтың шарттық құқығының құқықтық жүйе ретінде қалыптасуына үлкен әсер берді. Кейінен азаматтық құқықта міндеттемелік құқық деген бір саланы қалыптастырды. Қазіргі таңда сатып алу-сату шарты шарттық құқықтың ең көп тараған бір түрі болып табылады. Сатып алу-сату шарты біздің мемлекетіміздегі өндіріс процесін және тұтынуды қамтамасыз етеді, тауар ақша қатынасының міндеттемелерін шешеді. Ол ұйымдар арасындағы экономикалық байланысты жүзеге асырудың құралы болып табылады. Осыдан біз курстық жұмыстың өзектілігін көреміз.
Курстық жұмыстың мақсаты ретінде сатып алу-сату шартының ұғымына, белгілеріне және элементтеріне түсінік беру табылады. Жұмыстың мақсаты оның бөлімдеріне сай келеді.
Осы мақсатқа жету үшін алдымызға келесі мынандай міндеттер қоямыз:
- · сатып алу-сату шартының ұғымы мен белгілерін қарастыру;
- · сатып алу-сату шартының жекелеген түрлеріне толық талдау жасау;
- · сатып алу-сату бойынша жауапкершілік сұрақтарын қарастыру.
Курстық жұмыс кіріспеден, екі бөлімнен, қорытынды мен пайдаланылған әдебиеттерден тұрады.
Курстық жұмысын жазу барысында көптеген әдебиеттер қолданылды. Мәселен, А. П. Сергеев пен Ю. К. Толстойдың редакциясындағы Гражданское право часть 2 1997 жылғы оқулығы, Г. А. Жайлиннің Азаматтық құқық. Ерекше бөлім оқу құралы А., 2004 т. б.
1 САТЫП АЛУ-САТУ ШАРТЫНЫҢ ТҮСІНІГІ ЖӘНЕ
МАҢЫЗДЫЛЫҒЫ
1. 1Сату-сатып алу шартының жалпы сипаттамасы
Сатып алу - сату шарты мүлікті ақылы беруді қамтамасыз ететін шарттардың бір түрі. Әрекет етуші азаматтық құқықтық нормалар оның бірнеше түрін реттейді, олардың әрқайсысының ерекшелігі, оларды қолдану саласына байланысты болады. Әрбір шарт арнайы субьект құрамымен, оны жасасу тәртібімен ерекшеленеді. Сатып алу - сату шартында сатып алушы жағына мүлікті меншікке беру, немесе толық шаруашылық жүргізуіне, оралымды басқаруына беретін болып қарастырылады. ҚР Азаматтық кодексінің 406-бабына сәйкес : «Сатып алу шарты бойынша (мүлікті сатушы (тауарды) екінші тараптың (сатып алушының) меншігіне, шаруашылық жүргізуіне немесе жедел басқаруына беруге міндеттенеді, ал сатып алушы бұл мүлікті (тауарды) қабылдауға және ол үшін белгілі бір ақша сомасын (бағасын) төлеуге міндетті.
Сатып алу - сату шарты мүлікті беру бойынша барлық қатынастарды қамтиды. Сатып алу - сату консенсуалды шарт болып табылады. Ол екі жақтың барлық елеулі жағдайлар бойынша келісімге келген сәттен бастап аяқталған (шарт) жасалған болып табылады. Шарттың жасалуы мен орындалуының бір уақытпен сәйкес келуі бұл ережені өзгертпейді.
Сатып алу - сату шарты - ақылы шарт. Тауарды беру оның сату бағасын талап етеді. Бірқатар жағдайларда оның сатып алу бағасы тауардың экономикалық тепе-теңдігі болып келмейді, бірақ шартта кіріптарлықпен жасалған мәміле көрініс таппауы керек. Сол сияқты бағаны қалыптастыру жөніндегі міндетті нормалар да бұзылмауы керек. Сатып алу - сату шарттарының элементтері болып субьект, обьект және мазмұн болып табылады. Шарттар элементінде :
- оның тараптары;
- нысаны;
- бағасы өтеулі шарттар мерзімі;
- нысаны мен мазмұны яғни екі жақтың құқықтары мен міндеттері жатады.
Сатып алу - сату қатынасын 3 мәнде белгілеуге болады.
- сатып алу - сатудың экономикалық қатынасы.
- адамдардың ой елегінен өткен және құқық нормаларымен бекітілген
субьективтік идеологиялық қатынас.
Сатып алу - сату шарты бұл азаматтық құқықтық нормалардың жиынтығы.
Шарт жағдайы, нысаны тұлғалардың белгілі бір әрекетінің азаматтық - құқықтық шартқа айналдыруға, олардың құқықтары мен міндеттерін бекітуге мүмкіндік беретін заң техникасының тәсілдері болып келеді. Сатып алу - сату шартының нысаны оның бағасына, субьектілеріне және заңдық, шарттық талаптарға сәйкес анықталады. Жүз айлық есептік көрсеткіштен жоғары сомаға, кәсіпкерлік қызметті қалыптастыру барысында жасалатын мәмілелер жазбаша нысанда жасалуы қажет. Қозғалмайтын мүлікті сату бойынша шарттар сияқты мемлекеттік тіркеуге жатады және мемлекеттік тіркеуден өткен кезеңінен бастап жасалған болып есептеледі.
Сатып алу - сату шартының субьектілері ретінде азаматтық құқықтық субьектілері, яғни жеке тұлға, заңды тұлға, әкімшілік аумақтық бірлестіктер, мемлекет әрекет ете алады. Арнайы құқықтық қабілеттікті иемденетін заңды тұлғалар сатып алу - сату бойынша қатынасқа тек арнайы (жарғылық) құқықтық қабілеттілік шеңберінде қатыса алады. Егер мемлекеттік келісім шартқа отыруына тоқталсақ; заңды түрде мемлекеттің құқық қабілеттілігі шектелмеген, бірақ олармен жасалатын шарттардың мазмұны мемлекет атқаратын экономикалық және басқа да функциялармен (қызметтермен) анықталады. Жеке тұлғалардың сатып алу - сату шарттарын жасасу мүмкіншілігіне олардың құқық - әрекет қабілеттіктерінің көлемі әсер етеді.
Мысалы, әрекет қабілеттілігі шектелген тұлғалар тек тұрмыстық мәмілелерді жасай алады, ал басқа мәмілелерді жасауға олар өзінің қамқоршысының келісімі болғанда ғана құқылы.
Негізінен: құқықтық қатынас субьектілері болып жеке басымен және мүлкімен оқшауланған құқықтарға ие болатын және міндеттерді көтеретін тұлғалар табылады.
Құқықтық қатынастың обьектісін материалды (заттық) заңды, идеологиялық қылып болу толық мөлшерде азаматтық құқықтық шарттар үшін де жарамды болып табылады. Сатып алу - сату шарты өзінің ерекше нысанасына (затына) заңды және идеологиялық обьектілерін иемденеді. Кез келген зат тектік немесе жеке сипаттары арқылы анықталған, жылжитын және жылжымайтын тауар болуы мүмкін. Тектік заттарға келсек, олар қалған тауарлық массадан жекелену қажет екенін айта аламыз, сөйтіп олар жеке сипаттар арқылы анықталатын заттарға теңестіріледі және осындай түрінде сатып алу - сату шартының нысанасы бола алады. Шарт заты (нысанасы) туралы келісім сатып алу - сату шартының бір ғана елеулі жағдайы болып табылады. Егер шарт тауардың атауын және санын айқындауға мүмкіндік берсе, нысанаға қатысты жағдай келісілген деп есептеледі. Сатып алу - сату шартының бағасы дегеніміз оны алуға сатып алушының немесе онымен көрсетілген үшінші тұлғаның құқығы бар, қарсылай ақша түріндегі қанағаттандыру. Тармақатар, баға белгілеу, ставкалар және т. б. заңдық актілерде қарастырылған жағдайларға уәкілді мемлекеттік органдармен орнатылады. Нысан (құқықтық қатынас) өзінің мазмұнына тараптардың құқықтары мен міндеттерінен, ал мазмұн (реттелетін қатынас) өз қатысушыларының әрекеттерінен, олардың қызметтерінен қалыптасатын өз мазмұнын иеленеді [1] .
Шарт мазмұнында сатушының міндеттері айқындалады. Сатушы сатып алушыға шартпен белгіленген тауарды беруге міндетті. Мұнда негізгі талаптар болып мыналар саналады: тауардың атауы, сапасы, саны (көлемі) . Осы үш талапты да сатып алу - сату шарттары бойынша міндетті деп тануға болады.
Тауардың саны: Сатып алушыға берілуге тиіс тауар саны шартта тиісті өлшем бірліктеріне сәйкес немесе ақшалай түрде анықталар, яғни шартта санды анықтау үшін қажет алғашқы өлшемнің бағасы бекітілуге тиіс.
Тауардың сапасы: Сатушы сатып алушыға сапасы шарттқа сәйкес келетін тауар беруге міндетті. Егер сатылатын тауардың сапасына заң актілерінде белгіленген тәртіпке сәйкес, міндетті талаптар көзделсе, кәсіпкерлік қызметті жүзеге асыратын сатушы сатып алушыға осы міндетті талаптарға сәйкес келетін тауар беруге міндетті. Тауардың сапасына қойылатын міндетті талаптар ҚР Сертификациялау туралы заңымен және ҚР стандарттау туралы заңымен және заңға тәуелді нормативтік актілермен анықталады. Сатушы тауарды жарамдылық мерзімдері шегінде пайдалануға мүмкін болатындай қылып беруі керек. Жарамдылық мерзімдері заңдармен, мемлекеттік стандарттармен міндетті талаптармен немесе өзге міндетті тәртіптермен, өндірушінің өзімен орнатылады. Жарамдылық мерзімі деген ұғым тағамдарға, дәрілік заттарға т. б. қолданылады. Тауардың сапасына кепілдік, егер шартта өзгеше көзделмесе, оның барлық құрамдас бөліктерінде де қолданылады. Тауардың түр-түрі дегеніміз (ассортимент) бір түрлі тауардың жиынтығының ішіндегі белгілеріне және бір түрлі тауарлардың үлгісіне, сортына, түсіне, электр қуатының тиісті өлшемдеріне (вольт) байланысты бөлінуі. Сатушы сатып алушыға шартта көзделген немесе заттың функционалдық тағайындалуымен анықталатын барлық құрама бөліктерімен беруге тиіс. Тауарды ыдысқа салып немесе буын түйіп беруге міндетті [2] .
Шартта сатушының құқығыда айқындалады. Ол сатып алу бағасын төлеуді талап ету. Сатып алушының міндеті - тауарды қабылдап алу, ақысын төлеу болып табылады. Тауар тасымалдануға тиісті болса, сатып алушы жүкті тиеп жіберу үшін қажетті мәліметтерді хабарлауға міндетті. Сатып алушы шартты бұзып затты қабылдамаса, сатушы оның затты қабылдауын талап етуге, болмаса шартты орындаудан бас тартуына болады. Сатып алу - сату шартының міндеті мынадай әрекеттер жасалса орындалды деп саналады.
1) Шартпен сатушының тауарды жеткізу міндетін қарастырса, тауар сатып алушыға немесе ол көрсеткен тұлғаға табыс етілген соң;
2) Егер тауар көрсетілген тұлғаға сол жерде сатып алушының қарамағына берілгесін.
Сатып алушыға артықшылық (жеңілдік) беретін тәуекелдің ауысуы туралы шарт жағдайлары болуы мүмкін. Сатылатын тауарлар нотариат куәландыруды немесе мемлекеттік тіркеуді талап ететін шарттарды рәсімдеуді талап етсе, тауарға меншік құқығы пайда болуы шартты. Осымен бірге сатып алушыға тәуекелге ауысады.
Тауар сату жөніндегі кәсіпкерлік қызметті жүзеге асыратын сатушы бөлшектеп сатып алу - сату шарты бойынша сатып алушыға кәсіпкерлік қызметке байланысты емес, әдетте жеке өзіне, отбасында, үйінде немесе өзгеше пайдалануға арналған тауарларды беруге міндеттенеді. Біздің көзқарасымыз бойынша, бөлшектеп сату - алу шартында басты болып келетін нәрсе заттың әдетті пайдалануы емес, бастысы сатып алушының тауарды көрсетілген мақсатта алу ниеті және сатушының бұл жайында хабардар болуы. Бөлшектеп сатып алу - сату шарты құқықтық реттелуінің ерекшеліктері бар. Бұл шартқа Азаматтық Кодекстен басқа Қазақ ССР-нің 1991ж. 5 маусымындағы «Тұтынушылардың құқығын қорғау» туралы заңы қолданылады.
Әдетте сатып алу - сату шарттарының нысаны ауызша болып келеді, осымен қатар бұл шарттарды жазбаша нысанда жасау мүмкіншілігі де жоққа шығармайды. Жазбаша нысан тараптардың құқықтары мен міндеттері болашақ уақытқа арналса орынды болып келеді.
Егер заң актілерінде немесе бөлшектеп сатып алу - сату шартында, соның ішінде сатып алушы қосылатын формулалардың немесе өзге де стандарттық нысандарының талаптарында өзгеше белгіленбесе, сатушы сатып алушыға касса немесе тауар чегін немесе тауарға ақы төленгенін растайтын өзге де құжатты берген кезден бастап бөлшектеп сатып алу - сату шарты тиісті нысанда жасалған болып есептеледі. Аталған құжаттардың сатып алушыда болмауы оны шарттың жасалғандығын және жағдайларын растау үшін куәлік айғақтарға сүйену мүмкіндігінен айырмайды.
Шарт бойынша, сатушы болып тек қана кәсіпкер тауарларды сататын ұйым немесе азамат келе алады. Жалпы тәртіп бойынша бөлшек сауда лицензиясыз жүзеге асырылады. Бөлшек сауданы лицензиялау бөлек заң актілерімен қарастырылады. Бөлшектеп сатып алу - сату шартының нысанасы айналымнан алынып тасталмаған кез келген заттар болуы мүмкін.
Тауар жеткізілімі шарты бойынша кәсіпкер болып табылатын сатушы сатып алушыға өзі өндіретін немесе сатып алатын тауарларды кәсіпкерлік қызметке немесе жеке өзіне, отбасына, үй ішіне және сол сияқты өзге де пайдалануға байланысты емес өзге мақсаттарға пайдалану үшін келісілген мерзімде немесе мерзімдерде беруге міндеттенеді. Тауар жеткізілімі шартының елеулі айырмашылықтарының бірі одан туындайтын құқықтық қатынастар ұзаққа созылатын болып келеді. Осыған байланысты ұзақ мерзімдер бойы шарт тараптары өнімді тиеп жіберіп, алып тұрады, тауар жеткізілімін жүзеге асыру үшін қажетті көптеген ұйымдық құқықтық шаралар қолданады.
Тауар жеткізілімі шартының жасау тәртібі өзгешелігі болып табылады.
Шарттың жобасын алған тарап 20 күннің ішінде оны қарап, шарттың бір данасын екінші тарапқа береді. Тараптар арасында шарттың жекелеген жағдайлары бойынша келіспеушіліктер пайда болған жағдайда шарт жасауды ұсынған және тараптан осы жағдайлар бойынша келісу туралы ұсыныс алған тарап осы ұсынысты алған күннен бастап отыз күн ішінде, егер өзге мерзім тараптармен келісілмеген болса, шарттың тиісті талаптарын келісу жөнінде шаралар қолдануға не басқа тарапты оны жасаудан бас тарту туралы жазбаша түрде хабарландыруға тиіс [3] .
Тауар жеткізілімі шартының нысаны - жазбаша. Шартты жасау, өзгерту, бұзу немесе оның мерзімін ұзарту тараптары қол қойған келісім немесе хаттар т. б. арқылы жасалады. Тауар жеткізілімі шарты әрбір мерзімге жасалады: ай, тоқсан және басқа да ұзақ мерзімге. Шарттың жағдайларының бәрін оның жүргізу кезеңдерінде келісіп алуға болады. Кейбір жағдайларды, ұзақ мерзіміді шарттарда олар күнтізбелік жылға немесе одан да ұзақ, бірақ шарттар жасалған жалпы мерзімнен аз мерзімге келісіледі. Шартта келісу тәртібі болмаған жағдайда шарт тиісінше бір жылға немесе шарт талаптары келісілген ұзақ мерзімге жасалған болып табылады.
Тауар жеткізілімі шартының тараптары болып кәсіпкерлік қызметті жүзеге асыратын субьектілер келеді. Сатушы тауар беруші жағында тауар жеткізілімі шартында ұйымдық - құқықтық нысанына қарамастан әрбір коммерциялық заңды тұлғалар және заңды тұлға құрмаған, жеке мен ұжымдық кәсіпкерлер қатысады. Сатып алушы болып тауарды өзіне пайдалануға байланысты емес мақсатта алатын кез келегн субьектілер табылады. Мемлекет тауар жеткізілімі қатынастарында сатып алушы ретінде ғана қатыса алады.
Келісімшарт жасасу шарты бойынша ауыл шаруашылық өнімін өндіруші өзі өсірген ауыл шаруашылық өнімін ұқсату немесе сату үшін осындай өнімді сатып алуды жүзеге асыратын дайындаушы - тұлғаға оны қабылдауға және ол үшін төлеуге міндеттенеді. Келісімшарт жасасу шарты, тауар жеткізілімі шартындай сипатталады, яғни ауыл шаруашылық өнімін дайындаушыға кәсіпкерлік қызметінің жүзеге асырылуы негізінде беріледі, сондықтан келісімшарт жасасу шарты өзінің сипаттамаларымен тауар жеткізілім шартына жақын. Келісім - шарт жасасу шартының тараптары ретінде, сатушы және өнім дайындаушы болып, көбінесе кәсіпкерлер әрекет етеді. Кейбір жағдайларда келісімшарт жасасу қатынастарында өкілетті органдар арқылы мемлекет те қатыса алады.
Келісімшарт шарт жасасу шартының пәні болып ауыл шаруашылық өндірісінің әртүрлі өнімі келе алады. Оның ішінде өсімдіктерді бастаудың, балық шаруашылығы т. б. кіреді. Келісімшарт шарт жасасу шартының пәні болып табылатын өнім одан әрі қайта өңдеу немесе сату үшін алынады.
Сонымен қатар ол мемлекеттік қор үшін арналуы да мүмкін. Келісімшарт орындалу мерзімі оларды қолдану салаларына байланысты болады. Олардың тәртібі тауар жеткізілімі шартымен бірдей болып келеді.
Энергиямен жабдықтау шарты көрсетілген ерекшеліктерді иемденетін заттарды өткізуді реттейтін шарт. Энергия тұтынылатын және тектік сипаттармен анықталатын болып табылады. Заттардың жіктеудің осы негіздері оның сипаттамасын анықтайтын болып келеді. Энергиямен жабдықтау шарты бойынша энергиямен жабдықтаушы ұйым абонентте жалғанған желі арқылы энергия беруге міндеттенеді, ал абонент алынған энергия үшін ақы төлеуге, сондай-ақ оны тұтынудың шартта көзделген режимін сақтауға, өзінің қарауындағы энергетика желілерін пайдалану қауіпсіздігін және энергияны тұтынуға байланысты пайдаланылатын аспаптар мен жабдықтардың ақаусыздығын қамтамасыз етуге міндеттенеді. Энергиямен жабдықтау шарты консенсуалды, екі жақты, өтемді болып табылады. Энергиямен жабдықтау шартының нысаны, тұтынушыларды энергиямен жабдықтау шарты негізінде ғана қалыптасады. Бұл шарттың нысаны мәміле нысанына қатысты жалпы ережелерге бағынады. Кәсіпкерлік қызмет субьектілері арасындаығы энергиямен жабдықтау шарты жай жазбаша нысанда бекітілуі мүмкін.
... жалғасы- Іс жүргізу
- Автоматтандыру, Техника
- Алғашқы әскери дайындық
- Астрономия
- Ауыл шаруашылығы
- Банк ісі
- Бизнесті бағалау
- Биология
- Бухгалтерлік іс
- Валеология
- Ветеринария
- География
- Геология, Геофизика, Геодезия
- Дін
- Ет, сүт, шарап өнімдері
- Жалпы тарих
- Жер кадастрі, Жылжымайтын мүлік
- Журналистика
- Информатика
- Кеден ісі
- Маркетинг
- Математика, Геометрия
- Медицина
- Мемлекеттік басқару
- Менеджмент
- Мұнай, Газ
- Мұрағат ісі
- Мәдениеттану
- ОБЖ (Основы безопасности жизнедеятельности)
- Педагогика
- Полиграфия
- Психология
- Салық
- Саясаттану
- Сақтандыру
- Сертификаттау, стандарттау
- Социология, Демография
- Спорт
- Статистика
- Тілтану, Филология
- Тарихи тұлғалар
- Тау-кен ісі
- Транспорт
- Туризм
- Физика
- Философия
- Халықаралық қатынастар
- Химия
- Экология, Қоршаған ортаны қорғау
- Экономика
- Экономикалық география
- Электротехника
- Қазақстан тарихы
- Қаржы
- Құрылыс
- Құқық, Криминалистика
- Әдебиет
- Өнер, музыка
- Өнеркәсіп, Өндіріс
Қазақ тілінде жазылған рефераттар, курстық жұмыстар, дипломдық жұмыстар бойынша біздің қор #1 болып табылады.

Ақпарат
Қосымша
Email: info@stud.kz