Конвейердің майысқақ тарту органы бар құрама элементтері

Пән: Автоматтандыру, Техника
Жұмыс түрі: Материал
Тегін: Антиплагиат
Көлемі: 8 бет
Таңдаулыға:

КОНВЕЙЕРДІҢ МАЙЫСҚАҚ ТАРТУ ОРГАНЫ БАР

ҚҰРАМА ЭЛЕМЕНТТЕРІ

Жоспар:

1 Қозғалмалы тірек құрылымдар

2 Керілмелі құрылымдар

3 Конвейер жетектері

Бақылау сұрақтары

1 Қозғалмалы тірек құрылымдар

Лентаға арналған тірек құрылымдар (кейде пластинка тәрізді төсеніш үшін) жүктасығыштың ұзақ қызмет ету мерзімі мен оның қозғалысына аз кедергі жасауды қамтамасыз етеді.

Лентаның тіреуіші ретінде аунақты тіреуіштер мен төсеніш− біркелкі (ағаштан, болаттан, пластмассадан жасалған) немесе құрамдастырылған (төсенішпен аунақты тіреуіштің алмасуы), көбінесе аунақты тіреуіштің әр түрлі типтері мен құрылымдары кең таралған болып келеді.

Аунақтар ось бойында подшипниктер арқылы бекітілген металл трубалардан дайындалады; қазіргі уақытта керамика немесе жоғары берік полимерлі материалдардан шығарылған аунақтар кең қолданыста болып отыр.

Даналы жүктер мен жолаушылардың тасымалы кезінде таспалы конвейерлер таспаның байсалды қимылын қамтамасыз ету үшін қозғалмайтын төсеніш, сонымен қатар оның тіреуіштері арасында болатын жүк массасының әсерінен ауып кетуіне жол бермейтін сырғу тіреуіші түрлерімен жабдықтайды. Қозғалмалы катки қыстырмалардың, шөміштердің шынжырлар, аспалы арбалар, арбалы және жүктасығыш еден үстілік конвейерлерден тұратын эскалатор сатыларының пластиналы төсеніштерінің тірек элементтері қызметін атқарады. Сонымен бірге тірек құрылғысына басқарушы және аспалы жолдар, конвейер станиндері байланысты болады.

Қыстырмалы конвейерлер шынжырларының көптеген құрылғыларын қозғалмайтын бағытты жолдармен араластыратын сырғақтармен жабдықтайды. Конвейерлердің біркелкі сырғыту шынжырларының тіреуіш элементтері болып астауша түбі табылады.

Тіреуіш элементтер қозғалысқа қарама-қарсы болатын аз коэффициентпен; құрылғылардың үнемділігімен; жоғары беріктілік пен тозуға тұрақтылықпен; сенімділікпен; қызмет ету және жөндеу ыңғайлылығымен қамтамасыз етілуі тиіс. [2]

2 Керілмелі құрылымдар

Керілмелі құрылымдар (2. 15, 2. 19 суреттер) тартқыш элементтің алғашқы керілмелілігін; тірек құрылымдары мен тартқыш элементтің арасында ауытқудың шектелуін; эксплутация процесінде тартқыш элементтің компенсациясын қамтамасыз етеді.

Керілмелі құрылымдар қызмет ету мүмкіндігіне және құрылымдарына сәйкес механикалық, пневматикалық, гидравликалық, жүк, жүк лебедті, лебедті болып классификацияланады.

Механикалық керілмелі құрылымдар артықшылығына құрылым қарапайымдылығы, кіші габаритті өлшемдер, тұтастығы жатады. Механикалық керілмелі құрылымдарының кемшіліктеріне керілудің ауыспалы болуы және тартқыш элементтің шамадан тыс керілу мүмкіндігі, бекіткіштің қаттылығы мен шамадан тыс артық тиеуде орын ауыстырудың болмауы, бақылау мен тартылудың кезеңдік қажеттілігі жатады.

Пневматикалық және гидравликалық керілмелі құрылымдардың кіші габаритті өлшемдері бар, бірақ олар ауа немесе майдың тұрақты қысыммен берілуіне арналған жабдықтардың орналасуын талап етеді.

Керілмелі жүк құрылымдарының айырмашылықтарына еркін тиелетін жүк әсерінен жетектелуі, автоматты түрде тұрақты керілу күшімен қамтамасыз ететіндігі, тартқыш элементтің ұзындығын өзгертетіндігі, шамадан артық жүктемені азайтуы жатады.

2. 15 сурет. Керілмелі құрылымдар:

а - артқы жүктасығыш; б - аралық жүктасығыш; в - гидравликалық;

г - винтті; д - серіппелі-винтті

Керілмелі жүк құрылымдарының кемшіліктеріне үлкен габаритті өлшемдер, күшті және ұзын ленталы конвейерлеріне арналған ауыр жүк массасының болуы жатқызылады.

2. 16 сурет. Керілмелі құрылымдардың кескіндері:

а, б - винтті; в - арбалы жүктасығыш; г - пневматикалық (гидравликалық) ;

д - серіппелі-винтті; 1 - бұрылу құрылғысы; 2 - тартқыш элемент;

3 - бұрылу құрылымының осі; 4 - сырғақтар; 5 - керілмелі механизм

Жүк массасының азаюы үшін иінтіректер, полиспастар, жетекті лебедкалар қолданады. Керілмелі құрылымның жүрісі жолдың сырт-пішініне және ұзындығына, тартқыш элементтің түріне байланысты таңдалады, сонымен қатар керілмелі құрылымның жүрісі тартқыш элементтің ұзаруын қалпына келтіру мен монтажды жұмыстардың жасалуын қамтамасыз етуі тиіс. [2] .

Х = х _р + х ₀ , (2. 5)

мұндағы х _р - жұмыстық жүріс;

х ₀ - монтажды жүріс.

Ленталық конвейерлердің КҚ-ның жұмыстық жүрісі

х _р ≥ K _н K _s ε _y L , (2. 6)

мұндағы K _н - конвейердің β бұрылу бұрышына тәуелді коэффициент;

K _s - керілуге сәйкес лентаны қолдану коэффициенті ( Ц1; Ц2; Ц3 сыныпты қолдануда K _s ұғымы сәйкесінше 0, 63; 0, 8; 1, 0 тең болады) ;

ε _y - лентаның серпімді созылуы (резиналы-ұлпалы ленталар үшін ε _y = 0, 015, резиналы-арқанды ленталар үшін ε _y = 0, 0025) ;

L - конвейер центрлері мен ақырғы барабан арасы ұзындығы, м.

Керілмелі құрылым әдетте тартқыш элементтің аз керілу аумағында орналасатын бұрылу құрылымдарының біріне (барабанға, блокқа, жұлдызшаға) қондырылады. Керілмелі күш

Р _н = S ₁ + S ₂ + Т, (2. 7)

мұндағы S ₁ - конвейердің набегающей тарауларының керілуі, Н;

S ₂ - конвейердің сбегающей тарауларының керілуі, Н;

Т - керілмелі арбаның немесе сырғақтардың жылжуының күшеюі, Н.

Конвейерді іске қосқанда ең көп керілу болуы тиіс, іске қосқаннан кейін ол автоматты түрде азаюы қажет (автоматты басқару мен керілуді бақылайтын датчигі бар лебедті және жүклебедті керілмелі құрылымдар) . Керілмелі жүк құрылымдарына керілмелі арбаның кейбір жағдайларында ақырғы ажыратқыштарды орнатады.

3 Конвейер жетектері

Жетекті механизм конвейердің тартқыш және жүккөтергіш элементтерін қозғалысқа келтіру қызметін атқарады.

Жетектер тарту күшінің берілісіне байланысты іліп әкету күшіне байланысты, фрикциондылығы бойынша, бір барабанды (бір блокты), екі барабанды, үш барабанды және арнайы аралықтар болып түрленеді.

Тарту күшінің іліп әкету берілісі бар жетектер (2. 17 сурет) :

жұлдызшалы немесе жұдырықшалы блокты бұрыштықтар жолдың

90° немесе 180° бұрыштама бұрылысымен орнатылады;

жетекті тізбектері мен жұдырықтары бар түзусызықтылар (шынжырлар) (түзусызықты аймақта орнатылады) .

2. 17 сурет. Тарту күшінің іліп әкету берілісі бар жетектер кескіні:

а , б , в - жұлдызшалы бұрыштықтар (90° мен180° бұрыштама бұрылысы) ;

г - тізбектердің шығып қалуы кезінде; д - түзусызықты шынжыр табан

Шынжыр табанды жетектің артықшылықтары: жетек жұлдықшасының кіші диаметрі (бұрыштықпен салыстырғанда) ; механизм және кіші бұраушы момент өлшемдері; конвейерді жолдың кез келген горизонтальды аймағында қондыру мүмкіндігі. Шынжыр табанды жетектің кемшіліктері: күрделі құрылымды болуы; жоғары баға. Конвейерлерде жалпақ электромагниттер мен фрикционды түзусызықты жетектері бар шынжыр табанды жетектер қолданылады.

Конвейерлер жетек санына қарай бір жетекті және көп жетекті болады (2. 18 сурет) . Көп жетекті конвейерлерде жеке электрқозғалтқыштары бар 12-ге дейінгі аралық жетек механизмдері орналасады. Аралық жетектерді қолдану тартқыш элементтің керілуін азайтуға әсер етеді.

Жетектің орналасуы жол контурының әр түрлі аймақтарындағы тартқыш элементтің керілуіне тәуелді болады, сондықтан жетек тартқыш элементтің ең көп керілуін азайту үшін орналасуы қажет.

Көптеген жетектерді қолдану майысқақ тартқыш элементтердің максимальды керілуін төмендетуге мүмкіндік береді, сонымен бірге майысқақ тартқыш элементтің аз беріктігін қолдану керек; көп жетекті конвейерлер дұрыс таңдалған жетектер жүйесінде үлкен ұзындықты иемденуі мүмкін.

Конвейер жолына жетекті орналастыру мақсатында рациональды орынды анықтауда тартқыш элементтің минимальды керілуіге жетуі, сонымен бірге бұрылысты және қисықсызықты аймақтарда керілудің төмендеуі негізгі фактор болады, сол себептен рационалды жетек қондырмасы жол контурының бұрылыс пунктері болып табылады [2] .

2. 18 сурет. Жетектердің орналасы кескіндері:

а - бір қозғалтқышпен; б - екі қозғалтқышпен; в , г - үш қозғалтқышпен;

д - аралық жетектері бар көп жетектілер.

Егер конвейер бір аймақтан тұрса (бұрылған немесе горизонтальды), онда жетек бас бөлікте, басқа жағдайда жүк тарауы соңында жайғасады ( 2. 19 сурет) .

Жүктің төменге шағын бұрыш бұрылысын жасауы кезінде жүк тарауының қозғалысына қарсылығы конвейердің бас бөлігіндегі кері-жетегіне қарағанда көп болады, ал жүктің төменге белгілі бір бұрыш бұрылысын жасауы кезінде жүк тарауының қозғалысына қарсылығы конвейердің артқы бөлігіндегі кері-жетегіне қарағанда азырақ болады (2. 19 сурет, г) .

2. 19 сурет. Конвейердің бас бөлігіндегі жетектің орналасуы

( а - минимальды керілу нүктесі) :

а, б - горизонтальды конвейерде; в, г - бұрылмалы конвейерде

Ұзын ленталы конвейерде тартқыш элементтің талап етілген керілуін сақтау үшін керілмелі құрылымдар жетекке жақын орнатылады (2. 20 сурет) .

Конвейердегі жетектердің ұтымды мөлшерін техникалық-экономикалық есеппен анықтайды, жетектердің ұтымды мөлшерін жобалағанда және таңдау кезіндегі ең басты мақсат жоғары күші бар жетектердің аз мөлшерін қолдану болып табылады. Күрделі пішінді жолы бар шынжыр табанды конвейерлердің түзусызықты аралық жетектерін қолдану олардың барлық жол контурында ең ұтымды орналасуына жағдай туғызады.