Құрылыс материалдарының қасиеттерін стандарттау

Құрылыс материалдарын топтастыру
Құрылыс материалдарының қасиеттерін стандарттау
Құрылыс материалы қасиеттерінің, оньң құрамы мен құрылымына байланыстылығы
Табиғи тас құрылыс материалдарын өндiру

Құрылыс материалдары өздерінің касиеттеріне байланысты әртүрлі бұйымдар, конструкциялар жасау үшiн қолданылады. Ол бұйымдар құрылыста қолдану шартына сай алуан түрлi. Мысалы, көп қабатты ҮЙ салу үшiн мынадай бұйымдар, конструкциялар пайдаланылады: фундамент, баған, арқалық, кабатаралық және төбелік жабындар, сыртқы және бөлмеаралық қабырғалар. Yй құрылысында бұлардан басқа, жылу-дыбыс-ылғал өткізбейтін бұйымдар да колданылады. Пайдаланылатын орнына, атқаратын мідетіне байланысты құрылыс материалдары екі топқа бөлінеді.
Бiрiншi топқа: үйлерге баска да ғимараттарға түсетін күшке төтеп бере алатын, конструкциялар деп аталатын материалдар жатады. Олар: 1) табиғи тас материалдар; 2) минералды шикізаттарды термиялық әдіспен өңдеу арқылы алынатын материалдар - керамикалық бұйымдар, шыны ситалдар, байланыстырғыш заттар, металдар; 3) минералды байланыстыртыш заттардың негізіңде дайындалатын материалдар - бетондар, темірбетондар, құрылыс ерітінділері автоклавта өндірілетін бұйымдар; 4) органикалық материалдар - ағаш материалдар, органикалық байланыстырғыш заттар, полимерлер; 5) композициялық материалдар - асбестцемент, бетонполимер, фибробетон, шыныпластик.
Eкінші топқа: арнаулы міндет атқаратын конструкцияларда (бұйымдарда) пайдаланылатын “арнаулы орындарда қолданылатын” материалдар жатады. Бұлар - бұйымдардың эксплуатациялық қасиеттерін жақсарту, үйдiң ішін - жайлы, ал сыртын көркемдеу мақсатымен, әрі конструкцияларды зиян келтіретін ортадын қорғау үшін қолданылады. Олар: 1) жылу өткізбейтін жылуизоляциялық материалдар (шыныдан істелінген мақта, ағаш талшықты плиткалар, арболит, т.б.); 2) дыбыс өкізбейтін материалдар (тесіктелген - перфорацияланған ағаш жоңқалы тақталар, акмигран, фибролит); 3) тыстағыш (өңдегіш) материалдар (табиғи тастардан істелінген үйдiң iшін, сыртын әшекейлейтін, оларға өң беретін мәрмәр, гранит тақталар мен жасанды материалдар - керамикалық тақталар, т.б.);
4) коррозияға төзімді материалдар (сыр, лак, бояулар, металл бұйымдарының бетіне тысталатын - қондырылатын заттар); 5) төбе конструкцияларын жабатын су, ауа өткізбейтін гидроизоляциялық және герметикалық (саңылаусыздандырғыш) материалдар (рубероид, толь, мастикалар, герметиктер); 6) отка төзімді кірпіштер (динас, шамот, т.б.);

Әдебиеттер тізімі:
1) Садуақасов М., Батырбаев Ғ. Құрылыс материалдары. Оқұ құралы. Алматы: ҚазҰТУ, 2007.
2) Құмаров Д.Б. Құрылыс машиналары және жабдықтары. Алматы: ҚазҰТУ, 2006.
3) Тұрсынова Г.Т., Итемирова А.С., Рыскальдиева Г.Д., Бакиева А.А. Сәулет және құрылыс мамандықтары бойынша мәтіндер мен жаттығулар жинағы, әдістемелік нұсқау. Алматы: ҚазҰТУ, 2010.