Тұрғын үй құқығы

Пән: Құқық, Криминалистика
Жұмыс түрі: Дипломдық жұмыс
Тегін: Антиплагиат
Көлемі: 66 бет
Таңдаулыға:

КІРІСПЕ

КІРІСПЕ: ТҰРҒЫН ҮЙГЕ МЕНШІК ҚҰҚЫҒЫ МӘСЕЛЕСІНІҢ ҚҰҚЫҚТЫҚ РЕТТЕЛУ ТҮСІНІГІ МЕН ТҰРҒЫН ҮЙ ҚАТЫНАСТАРЫНЫҢ ТҮРЛЕРІ

5: 8

: 1. 1

КІРІСПЕ: Тұрғын үй құқығына меншік құқығының пайда болуы

5: 8

: 1. 2

КІРІСПЕ: Тұрғын үй қатынастарының түрлері

5: 10

: 2

КІРІСПЕ: ТҰРҒЫН ҮЙГЕ ЖЕКЕ МЕНШІК ҚҰҚЫҒЫН АЛУ ЖӘНЕ ТҰРҒЫН ҮЙГЕ МЕНШІК ҚҰҚЫҒЫНЫҢ ТОҚТАТЫЛУЫ

5: 14

: 2. 1

КІРІСПЕ: Тұрғын үйге жеке меншік құқығын алу ережелері

5: 14

: 2. 2

КІРІСПЕ: Азаматтардың тұрғын үй-жайларды жекешелендіру жөніндегі заңдарды соттардың қолдану тәжірибесі

5: 37

: 2. 3

КІРІСПЕ: Тұрғын үйге жеке меншік құқығының тоқтатылу негіздері

5: 45

: 3

КІРІСПЕ: ТҰРҒЫН ҮЙ ҚҰҚЫҒЫ МӘСЕЛЕСІНІҢ ПРАКТИКАДА КӨРІНІС ТАБУЫ

5: 51

: 3. 1

КІРІСПЕ: Тұрғын үй саясатының мемлекеттік бағдарламасы және оны жүзеге асыру механизмдері

5: 51

КІРІСПЕ: ҚОРЫТЫНДЫ

5: 55

КІРІСПЕ: ҚОЛДАНЫЛҒАН ӘДЕБИЕТТЕР ТІЗІМІ

5: 60

МАЗМҰНЫ

КІРІСПЕ

Зерттеу тақырыбының өзектілігі. Тұрғын үй қатынастарын кешенді құқықтық реттеудің түпкі мақсаттары да жеткілікті түрде айқын болып табылады. Біріншіден, ол тұрғын үймен қамтамасыз етуде азаматтардың қажеттіліктерін жүзеге асыру үшін тиімді заңды нысандарды жасауға септеседі. Екіншіден, ол тұрғын үй иелері өздерінің соған деген құқықтарын жеткілікті шамада тәжірибе жүзінде асыру мүмкіндігіне ие болатын режим-ді қолдайды.

Заңнама жеке тұрғын үй құқықтық қатынастары ретінде тұрғын үй қорын (тұрғын үй қоры жалпы алғанда азаматтық құқықтардың объектісі болып. табылмайды) пайдаланумен байланысты құқықтық қатынастарды да ажыратады. Заңнамада тұрғын үй қорының мынадай анықтамасы берілген: «тұрғын үй қоры - Қазақстан Республикасы аумағындағы барлық меншік нысандарындағы тұрғын үйлер». Ол бірнеше түрге бөлінген. Ол өз кезегінде тұрғын үйге меншік құқығын жүзете асырумен және оларды пайдаланумен байланысты туындайтын жекелеген құқыктық қатынастардың құрылымы үшін манызды болып табылады.

Қазақстан Республикасы тұрғын үй қорының құрамына жеке тұрғын үй қоры мен мемлекеттік тұрғын үй қоры кіреді. Жеке тұрғын үй қоры мемлекеттік емес меншік нысанына негізделген азаматтар мен занды тұлғаларға меншік құқығы негізінде тиесілі тұрғын үйлерді қамтиды. Мемлекеттік тұрғын үй қорына меншік құқығымен мемлекетке (әкімшілік-аумақтық бөлініске) қарасты және жергілікті аткарушы органдардың қарамағындағы (мемлекеттік коммуналдық тұрғын үй қоры) не мемлекеттік кәсіпорын қарамағындағы (мемлекеттік кәсіпорынның тұрғын үй қоры) түрғын үйлер кіреді.

Сонымен, тұрғын үй қоры - бул азаматтардың (жеке тұлғалардың) тұрақты тұруы үшін және уақытша тұруы үшін де (пайдалану сипатына орай) арналған барлық үй-жайлардың жиынтығы деуге болады.

Жеке-құқықтық сипатқа ие тұрғын үй құқықтық қатынастары тұрғын үйлерді иелену мен пайдалану жөніндегі меншік құқығының және өзге де заттық құқықтардың туындауы мен тоқтатылуының, сондай-ақ тұрғын үйлерді пайдалану бойынша міндеттемелік құқықтардың негіздерімен байланысты. Бұл құқықтық қатынастардың маңыздылығы - олардың көмегімен тұрғын үйлерді пайдалану тәжірибе жүзінде жүзеге асатындығында және сол бір немесе өзге құқықтық қатынастар қатысушыларының өзара әрекеттестігінің меселелері шешілетіндігінде.

Тұрғын үй құқықтық қатынастарын жалпы сипаттай отырып, олар азаматтардың тұрғын үйлерді иелену мен пайдаланудағы қажеттіліктерін жүзеге асырумен, сондай-ақ тұрғын үй аясындағы азаматтардың құқықтарын сақтау жөніндегі мемлекет бақылауымен және тұрғын үй қорын пайдаланумен байланысты қоғамдық қатынастарды білдіретіндігін атап өтуге болады.

Қазақстан Республикасының тұрғын үй қоры жөніндегі қатынастары жария құқықтық сипатқа ие.

Зерттеудің мақсаты мен міндеттері : Тұрғын үйге жеке меншік құқығын алу және тұрғын үйге меншік құқығының тоқтатылуын зерттеу болып табылады.

Зерттеудің міндеттері. Қойылған мақсатқа байланысты мынадай міндеттер анықталды:

- тұрғын үй құқықтық қатынастарының пайда болуының түсінігі мен тұрғын үй қатынастарының түрлерін сипаттау;

- тұрғын үйге жеке меншік құқығын алу ережелерін ашу;

- азаматтардың тұрғын үй-жайларды жекешелендіру жөніндегі заңдарды соттардың қолдану тәжірибесін ашып көрсету;

- тұрғын үйге жеке меншік құқығының тоқтатылу негіздерін сипаттау.

Зерттеу объектісі. Зерттеу жұмысының объектісі мен пәні болып тұрғын үй саласында кездесетін құқықтық қатынастар мен тұрғын үйне меншік құқығын алу мен тоқтатылуы табылды.

Зерттеу пәні. Зерттеу пәні болып заңдылық құқықтық мемлекеттің қағидасы ретіндегі орны, заңдылықты орнату мен нығайту және құқықтық мемлекетті қалыптастырып, дамыттыру жолдары құрайды. Қазіргі таңда Қазақстан құқықтық мемлекетті қалыптастыру жолындағы заңдылықты нығайтудың құқықтық тетіктері зерделеуге жатады.

Дипломдық жұмыстың әдістемелік негізі ретінде Қазақстан Республикасының заң актілері, отандық және шетелдік авторлардың монографиялары, мерзімдік басылымдарда жарық көрген мақалалар алынды.

Зерттеудің теориялық және практикалық маңыздылығы құқық шығармашылық және осы тақырып бойынша одан әрі ғылыми зерттеулерде құқық қолданушылық практикада пайдалануға болады.

Тақырыптың зерттелу деңгейі. Азаматтардың меншік объектісінің маңызды түрінің бірі тұрғын-жай болып табылады. «Тұрғын үй қатынастары туралы» Заңға сәйкес азамат, егер заң актілерінде өзгеше көзделмесе, Қазақстан Республикасы аумағының қай жерінде тұратындығына қарамастан, жеке меншігіне заңды түрде тұрғын үй сатып ала алады. Осыған орай бірнеше ғалымдар зерттеулер жүргізді: Ғ. А. Жайлин, Т. Т. Киреева, С. Д. Климкин, В. В. Бутнев, Ғ. Төлеуғалиев, А. Т. Джусупов, Е. Б. Осипов, Тулеугалиев Г. И., Муленов К. С., Весельская Н. Р.

Қазіргі кезде бағалы қағаздар азаматтық құқықтардың объектілері ретінде кеңінен танымал. Олар азаматтардың меншік құқықтарының объектілері болып есептеледі. Азаматтардың меншік құқығының бұл объектісінің ерекшеліктері арнайы заң актілерінде көрсетілген. Бұл Сулейменов М. К., Басин Ю. Г., Иоффе О. С., Кораблева М. С., Грибанов В. П., Крассавчикова Л. О., Киреева Т. Т.

Тұрғын үй құқығы тұрғысынан алып қарағанда, меншік иесінің пайдалану құқығын өзіне тиесілі үйде жеке өзі (отбасымен бірге) тұру құқығы ретінде қарастыру маңызды иелері және олардың отбасы мүшелері табылатын, ерекше тұрғын үй құқықтық қатынастары пайда болады. Бұл А. П. Сергеев, Ю. К. Толстой, М. М. Агарков, Г. Ф. Шершеневич, О. С. Иоффе, А. Г. Асцеулов, Г. А. Жайлин, В. А. Тархов.

Зерттеудің әдістемелік және теориялық негіздері

Дипломдық жұмыстың ғылыми жаңалығы.

Дипломдық жұмыстың құрылымы мен көлемі - студент қойылған ғылыми зерттеу мәселелерінің шешімін табу арқылы көздеген мақсатқа жету қисындылығына сәйкес құрылды. Зерттеу жұмысы кіріспеден, үш бөлімнен, бес бөлімшеден, қорытынды және пайдаланылған әдебиеттер тізімінен тұрады.

1 Тұрғын үйге меншік құқығы мәселесінің құқықтық реттелу түсінігі мен тұрғын үй қатынастарының түрлері

1. 1 Тұрғын үй құқығына меншік құқығының пайда болуы

Азаматтардың меншік объектісінің маңызды түрінің бірі тұрғын-жай болып табылады. «Тұрғын үй қатынастары туралы» Заңға сәйкес азамат, егер заң актілерінде өзгеше көзделмесе, Қазақстан Республикасы аумағының қай жерінде тұратындығына қарамастан, жеке меншігіне заңды түрде тұрғын үй сатып ала алады. Бұл орайда бір азаматтың меншігіндегі тұрғын үйлердің саны мен көлеміне шек қойылмайды [1] .

Тұрғын үй немесе оның бір бөлігіне меншік құқығы мынадай негіздер бойынша пайда болады:

1) үйдің бір бөлігін салу;

2) сатып алу - сату, айырбастау, сыйға тарту, өмір бойы күтіп ұстау, шартымен алып қою мәмілелері мен заңдарға қайшы келмейтін басқа да азаматтық-құқықтық мәмілелер жасасу;

3) тұрғын үйді мұраға немесе кұқыктың әмбебап түрде ауысуы ретімен алу;

4) жалға алушының мемлекеттік тұрғын үй қорының үйінде әлі өзі тұратын тұрғын үйді немесе тұрғын үй-жайды жекешелендіру (сатып алу немесе тегін алу) жолымен меншігіне алуы;

5) тұрғын үй (тұрғын үй-құрылыс) кооперативті мүшесінің тұрғын үй- жай үшін пай жарнасының бүкіл сомасын төлеуі;

6) шарттық міндеттеме, соның ішінде азаматтың үй салуға өз қаражатымен немесе еңбегіне қатысуы туралы шарт негізінде тұрғын үй-жайды меншікке беру;

7) заңды тұлғалардың мемлекеттік емес меншік нысанына негізделген тұрғын үйді сату не тегін беру жолымен оз қызметкерлерінің немесе өзге азаматтың меншігіне беруі;

8) мемлекеттік немесе заңды тұлғаның мемлекеттік меншік нысанына негізделген тұрғын үйді заңда белгіленген шарттармен өз қызметкерінің не өзге адамның меншігіне беруі;

9) жеке меншікте болған тұрғын үйдің бұзылуы немесе күштеп алынуы салдарынан тұрғын үйден айрылуының өтемі ретінде тұрғын үй беру;

10) Қазақстан Республикасының заң актілерінде тыйым салынбаған басқа да негіздер бойынша («Тұрғын үй қатынастары туралы» Заңның 12-бабы) [2] .

Қазіргі кезде бағалы қағаздар азаматтық құқықтардың объектілері ретінде кеңінен танымал. Олар азаматтардың меншік құқықтарының объектілері болып есептеледі (АК-тің 129-140-баптары) . Азаматтардың меншік құқығының бұл объектісінің ерекшеліктері арнайы заң актілерінде көрсетілген.

Тұрғын үйлерді пайдалану бойынша шарттық қатынастар жалпы түрде реттелетін Қазақстан Республикасының Конституциясы мен Қазақстан Республикасының Азаматтық кодексімен қатар, тұрғын үй құқықтық қатынастары арнайы зандармен де реттеледі. Тұрғын үй қатынастарын кешенді түрде реттейтін заңды акті болып «Тұрғын үй қатынастары туралы» Қазақстан Республикасының 16 сәуір 1997 жылғы заңы табылады. Тұрғын үй қатынастарының қазіргі жай-күйіне қол жеткізуде аса зор маңызға Қазақстан Республикасы Президентінің 5 сәуір 1994 жылғы «Азаматтардың тұрғын үйге деген құқығын қамтамасыз ету туралы» № 1 640 Жарлығы ие болды, бұл жарлық қазіргі уақытта да әрекет етуде.

Тұрғын үй қатынастарының бірқатар мәселелері заңдармен қатар заңға сәйкес актілер деңгейінде де реттеледі. Қызметтік тұрғын үйлермен қамтамасыз ету Қазақстан Решубликасының «Тұрғын үй қатынастары туралы» Заңынан басқа Қазақстан Республикасы министрлер кабинетінің 3 маусым 1993 жылғы «Қызметтік тұрғын үй-жайлар берілетін жұмысшылар категорияларының тізімін бекіту туралы» № 455 қаулысымен реттелген. Тұрғын үй қорын пайдалану мәселелері ҚР Үкіметінің 27 мамыр 1990 жылғы «Пәтер иелерінің тұтынушы кооперативтерін және тұрғын үйлердегі тұрғын емес үй-жайларды дамыту бойынша шаралар туралы» қаулысында, Қазақстан Республикасы Үкіметінің 17 сәуір 1997 жылғы «Пәтерлердің меншік иелерінің тұтынушы кооперативтерінің қызметін қолдау жөніндегі шаралар туралы» каулысында, Қазақстан Республикасы Үкіметінің 17 сәуір 1996 жылғы қаулысымен бекітілген «Аз қамтамасыз етілген азаматтарға тұрғын үйді күтіп ұстауға және тұрғын үй-коммуналдық қызметтерге ақы төлеуге тұрғын үй жәрдем ақыларын беру туралы» уақытша ережеде көрініс тапқан. Тұрғын үй қорын пайдалану (басқару) «Тұрғын үй қатынастары туралы» ҚP Занының 4-бабынан басқа Қазақстан Республикасы Үкіметінің 18 қазан 1999 жылғы «Тұрғын ғимараттарда үй-жайларды қайта құруға (қайта жоспарлауға қайта жабдықтауға) рұқсат ету процедураларын өтудің ортақ республикалык ережелері туралы» № 1 562 қаулысымен реттелген. Жекелеген тұрғын үй құқықтық қатынастары. Тұрғын үйді (тұрғын үй-жайды) тұрғын емес мақсатта пайдалануға тек заңнамада көзделген жағдайларда ғана жол беріледі. Тұрғын үй қорын мақсаты бойынша және басқа да мақсаттар үшін пайдаланған жағдайларда тұрғын үй қорын бұзуға немесе бүлдіруге жол бермеу талап етіледі. Тұрғын үйлерді пайдаланушылар басқа тұрғындардың тұру жағдайларын бұзбауға, қоршаған ортаға залал келтірмеуге тиіс.

Тұрғын үйдегі тұрғын үй-жайлар тұрғын емес үй-жайларды қайта жабдықтау мен қайта жоспарлауды үй-жай иесінің келісімімен және жобаның құрылыс нормалары мен ережелеріне сәйкес келуіне жауап беретін заңды немесе жеке тұлға орындаған жоба болған жағдайда жүзеге асыруға болады. Үй-жай қайта жабдықтау жәае қайта жоспарлау басқа меншік иелерінің мүдделерін көзғайтын жағдайда олардың алдын-ала жазбаша келісімі талап етіледі [3] .

Бір тұрғын үйге бірнеше құқықтардың болуы оны бірлесіп пайдалану міндетіне алып келеді. Үй-жайлардың иелері (азаматтар, занды тұлғалар. мемлекет) тұрғын үйді бірлесіп пайдалану үшін заңдарда тыйым салынбаған кез- келген бірлестікке бірігуге құқылы. Тұрғын үй қорын басқаруды меншік иесі жүзеге асырады.

Қазақстан Республикасының тұрғын үй қорын мемлекеттік есепке алу, оның кімге тиесілі екеніне қарамастан, Қазақстан Республикасының Үкіметі белгілейтін тәртіппен мемлекет үшін бірыңғай жүйе бойынша жүзеге асырылады.

Тұрғын үй құқықтық қатынастарынан туындайтын барлық дауларды шешу сот тәртібінде жүзеге асырылады.

Меншік иесінің және оның отбасы мүшелерінің қатысуымен болатын тұрғын үй құқықтық қатынастары. Қазақстан Республикасының тұрғын үй заңнамасы тұрғын үй жөніндегі меншік категорияларъш тікелей тұрғын үй құқықтық қатынастарына жатқызған, өйткені олар тікелей «Тұрғын үй қатынастары туралы» ҚР заңында реттелген. Тұрғын үй құқығының аясында ен алдымен тұрғын үйге жеке меншік құқығын алу негіздерін қарастыру қажет болып табылатындығын атап өткен жөн. Азамат өзінің тұрғын үйге деген құқығын оны кез- келген заңды тәсіл арқылы иеленумен жүзеге асыра алады.

Меншік құқығы негізінде тұрғын үйдің болуы адамды тұрғын үймен қамтамасыз ету қажет деп танылатын азаматтардың категориясына жатқызбайтын фактор ретінде қарастыруға болады. Және соның салдарынан бірқатар түрғын үй құқықтық катынастары қатысушыларының аясы ауысады.

1. 2 Тұрғын үй қатынастарының түрлері

Тұрғын үйдің жеке меншік иелері мен мемлекеттің зандық мотивациялары бір-бірінен елеулі тұрде ерекшеленетінін атан өткіміз келіп отыр. Жеке тұлға тұрғын үйді жеке меншік құқығы негізінде иелене отырып, екі түрлі мақсатты көздеуі мүмкін: а) тұрғын үйді азаматтық айналымдағы азаматтық құқықтардың кез келген басқа да мүліктік объектісі сияқты мүлік ретінде иелену; б) тұрғын үйді мақсатты объект ретінде иелену. Аталған мақсаттар бір-біріне қарама-қайшы емес, және заңнама белгілі бір шамада тіпті екіншісін біріншісіне бағындырады, өйткені басқаша тұрғын үй азаматтық-құқықтық мағынада зат функцияларын атқаруын тоқтатар еді. Бірақ, басқа жағынан қарағанда, оны пайдалануға қатысты белгілі бір ойға қонымды шектеулерді қолданбауға да болмайды. Дәл осы шектеулерде тұрғын үйлер жөніндегі меншік қатынастарының тұрғын үй-құқықтық элементі жасырынған.

Тұрғын үйлерді мемлекетпен иелену мақсатты сипатқа ие болғандықтан жене ол халықты тұрғын үймен қамтамасыз ету міндетін шешуге бағытталғандықтан негізінен тұрғын үй-құқықтық табиғатына ие. Сирек жағдайларда ғана мемлекет тұрғын үйлерді айналымға арналған заттар ретінде иеленеді.

Меншік иесімен тұрғын үйді немесе оның бір бөлігін тұрғын емес мақсатта пайдалану үшін мемлекеттік органдардың рұқсаты талап етілмейді. Бұл орайда меншік иесі құрылыс, тазалық, өртке қарсы және басқа да міндетті нормалар мен ережелерді сақтауға тиіс, бұл тұрғын үйлер режимінен талап етіледі. Егер құзіретті органдар міндетті нормалар мен ережелердің бұзылу фактілерін не басқа азаматтардың құқықтары мен мүдделерін елеулі түрде бұзуды анықтаса үй-жайдың меншік иесі зандармен көзделген жауапкершілікке тартылады және оның тұрғын үй-жайды мақсатқа сай емес бағытта пайдалану құқығы шектелуі мүмкін [4] .

Меншік иесімен қатар, тұрғын үйді, онымен бірдей негізде, тұрғын үйге қоныстанған оның отбасы мүшелері де пайдалана алады. Оларды қоныстандыру кезінде тұрғын үй тек олардың біреуі үшін арналғаны және пайдаланудың өзге құқықтары шектелетіндігі ескертілуі мүмкін. Меншік иесі отбасының мүшелері деп үнемі бірге тұратын ерлі-зайыптылар мен олардың балалары танылады. Ерлі- зайыптылардың ата-аналары, сондай-ақ өздерінің отбасы бар және меншік иесімен үнемі бірге тұратын балалары өзара келісім бойынша ғана меншік иесі отбасының мүшелері деп танылуы мүмкін. Еңбекке жарамсыз асырауындағылар, егер олар меншік иесімен үнемі бірге тұрса, меншік иесі отбасының мүшелері деп таныла алады.

Тұрғын үйдің меншік иесімен бірге тұрып жатқан отбасы мүшелері өздеріне меншік иесі берген тұрғын үйге өздерінің кәмелетке толмаған балаларын тұрғыза алады. Отбасының басқа мүшелерін тұрғызуға меншік иесінің келісімімен ғана жол беріледі.

Меншік иесімен отбасылық қатынастар тоқтатылған жағдайда отбасының бұрынғы мүшелері тұрғын үйді жалға алу мерзімін көрсетпестен жалға алушы құқықтарымен пайдалана алады. Меншік иесі отбасы мүшесімсн алдын ала бекітілген жазбаша келісім жолымен отбасының бұрынғы мүшесімен тұрғын үй-жайды пайдалануды жоққа шығаруы мүмкін.

Меншік иесі отбасының бұрынғы мүшелері тұрғын үйді күтіп ұстау және коммуналдық кызметтердің ақысын төлеу жөніндегі шығындарға қатысуға міндетті.

Отбасының бұрынғы мүшелерінің тұрғын үйді пайдалану құқығы тиісті түрде қорғалады және олар өздерінің тұрғын үйді пайлалану құқығын бұзған кез келген адамнан, соның ішінде меншік иесінен де аталған бұзушылықты жоюын талап ете алады. Меншік иесі отбасының кәмелетке толған мүшелері, соның ішінде бұрынғы мүшелері, өздерінің тұрғын үй-жайды пайдалануынан туындайтын міндеттемелері бойынша ортақ мүліктік жауапкершіліктс болады.

Тұрғын үйге жеке меншіктік құқықтық қатынастарының тоқтатылуы тұрғын үй заңнамасымен белгіленген ерекшеліктерді ескере отырып, азаматтық заңдармен көзделген жалпы негіздер бойынша жүзеге асады. Меншіктену қатынастарын тоқтатудың ерекшелігі мынада: үй орналасқан жер учаскесін мемлекеттік қажеттіліктер үшін алып қойғанда (сатып алғанда) жеке меншікке жаңа тұрғын үйді беру көзделеді. Тұрғын үйге қатысты реквизиция қолданылған кезде реквизицияланған тұрғын үйді қайтару мүмкін болады («Тұрғын үй қатынастары тұралы» ҚР Заңының 29-бабының 2-тармағының 3-тармақшасы) . Бұдан шығатын қорытынды - тұрғын үйді меншік иесінің еркінен тыс алып қойған кезде, бірақ оған заңды жауапкершілік шаралары қолданылмайтын жағдайларда, тұрғын үйге дегеп құқықтарды камтамасыз етудің кепілдіктері әрекет етеді.

Меншік иесіндегі тұрғын үйді алып қою женіндегі тұрғын үй қатынастарының тоқтатылуымен бірге олар меншік иесі отбасының мүшелерінде де және басқа да тұрғындарда тоқтатылады. Бұл орайда, тұрғын үйді орналасқан жер учаскесімен бірге мемлекеттік қажеттіліктер үшін алып қойған (сатып алған) кезде, отбасы мүшелері тұрғын үйден шығарылады және бұрынғы тұрғын үйдің өтемі ретінде алынған тұрғын үйде тұру құқы-ғына ие болады. Бұрынғы тұрғын үйде тұратын басқа адамдар басқа тұрғын үй-жай берілмей шығарылады.

Меншік иесінің еркі бойынша (сату, сыйға тарту) тұрғын үйді меншіктену құқығы тоқтатылған жағдайда, егер тұрғын үйді сатып алушымен жасалған шарт бойынша өзгеше көзделмесе, меншік иесінің отбасы мүшелері меншік иесі отбасының бұрынғы мүшелері және уақытша тұрғындар басқа тұрғын үй-жай берілмей шығарылады. Егер тұрғын үйге меншік құқығын осылайша тоқтату кәмелетке толмаған балалардың тұрғын үй құқықтарына қатысты болса, онда тұрғын үйді иеліктен айыруға қорғаншылық пен қамқорлық болғандарының келісімі талап етіледі.

... жалғасы

Сіз бұл жұмысты біздің қосымшамыз арқылы толығымен тегін көре аласыз.