Мемлекеттік жер кадастры міндеттері мен сипаттамасы және оны жүргізу тәртібі

Пән: Жер кадастрі, Жылжымайтын мүлік
Жұмыс түрі: Дипломдық жұмыс
Тегін: Антиплагиат
Көлемі: 71 бет
Таңдаулыға:

Мазмұны

Кіріспе

1. Әдебиетке шолу

1. 1 Мемлекеттік жер кадастры: өзектілігі, шет елдік тәжірибелері, жағдайы, даму мәселелері

2. Алматы қаласы Алмалы ауданы туралы мәліметтер

3. Табиғи-экологиялық жағдайлардың қысқаша сипаттамасы

3. 1 Климаты

3. 2 Топырағы

3. 2 Жер беті және жер асты сулары

3. 4 Өсімдіктері

3. 5 Қала жерінің экологиялық сипаттамасы

4. Алматы қаласының жер қоры

5. Мемлекеттік жер кадастры міндеттері мен сипаттамасы және оны жүргізу тәртібі

5. 1 Геодезия бөлімі.

5. 2 Жер пайдалану мен жеке меншік құқығын (жер учаскелерді) тіркеу және жер есебін жүргізу

5. 2. 1 Жер учаскелерін тіркеудің мазмұны мен міндеті

5. 2. 2 Тіркеу мақсаты үшін жер учаскелерін есепке алу

5. 2. 3 Аудан жерінің есебін жүргізу

5. 2. 4 Аудан жерін пайдалану жайындағы жылдық есеп беру

5. 3 Қала кадастрының автоматтандырылған ақпараттар жүйесі

6. Жерді экономикалық бағалау

7. Еңбек қорғау және тіршілік қауіпсіздігін сақтау шаралары

Қорытынды

Пайдаланылған әдебиеттер тізімі

КІРІСПЕ

Қазақстан Республикасы мол жер ресурстарын иеленіп отыр. Біркелкі мемлекеттік жер қоры 272, 5 млн. га құрайды. Мемлекеттік жер қоры 14 облыс және 2 қала (Астана және Алматы) арасында бөлінген. Республиканың территориясында 8 табиғы - шаруашылық аумақ пен 2 табиғы - шаруашылық облыс бөлініп отыр, олардың ішінде жерлердің көбі шөл (112, 2 млн га), шөлейт (37, 3 млн га) және дала (62, 4 млн га) аумақтарында болып отыр. Барлық жер қоры жеті санатқа бөлінеді, оның ішінде - 34, 4 ауыл шаруашылық мақсатындағы жерлер, 43, 9 мемлекеттік запастағы жерлер, 7, 5 елді мекендердің жерлері, 4, 1 өнеркәсіп, көлік, байланыс, қорғаныс және өзге де ауыл шаруашылық емес жерлер, 4, 0 орман, 1, 3 су қорлары, ал ерекше қорғалынатын табиғи аумақтардың жерлері 0, 55 пайыз құрайды. Республикада 161 әкімшілік аудан, қалалар мен поселкелердің саны - 302, ал ауылды елді мекендердің саны 7164 құрайды. Бұл көрсеткіштер республика жер қорының иол болуын, ал табиғи шаруашылықты жағдайының бірдей еместігін және әкімшілік бөлімдерінің көптігін көрсетеді

Кеңес үкіметі уақытында барлық республиканың жерлері мемлекеттік меншікке ауысты, азаматтар мен мемлекеттік заңды тұлғалар ғана жерді пайдалануға құқықты болды. 1990 жылдан бастап Қазақстанда жер қатынастарының өзгеруі басталды, Қазақ ССР-нің жаңа жер кодексі енгізілді, “Меншік туралы”, “Қожалық шаруашылығы туралы”, “Қазақ ССР-де жер реформасы туралы” т. б. заңдар қабылданды. Республика конституциясында (1995 ж. ) мемлекеттік жер меншігімен қатар жеке меншік енгізілді. “Жер туралы” (2003 ж. ) Президент жарлығында мемлекеттік және жерге меншік орнатылуының ережелері мен заңдылықтары бекітілген, жер реформасы мақсаттарын орнатудың заңды жолдары көрсетілген, жер ресурстарын басқарушы органдардың жерді үйлестіру және мемлекеттік жер кадастрын жүргізу тәртібі мен ережелері бекітілген.

Республикада жер реформасы даму жағдайында жер ресурстарын басқару жаңа жүйесінің құрылуы өте қажетті. Қазіргі уақытта, барлық мемлекеттік органдар, кәсіпорындар, ұйымдар жер ресурстарын басқару функцияларын орындайтын республикалық жер ресурстарын басқару Агенттігі жүйесіне кіріп отыр. Жерді үйлестіру, мемлекеттік басты жер қатынастарын өзгерту құрал болып саналады, бірақта реформа жағдайында оның функциялары мен жүргізу әдістері өзгерді. Жер ресурстарын басқару жаңа жүйесінің негізі болып мемлекеттік жер кадастры саналады. Мемлекеттік жер кадастры жаңа жағдайда көпфункционалдық, ғылыми-техникалық және ақпараттық жүйе болып қалыптасып келеді. Жер кадастрының ішінде үш блок қалыптасты - құқықтық, қаржылық және көпфункционалдық. Ал көпфункционалдық кадастрдың ішінде атқарушы, орталық негізі болып автоматтандырылған ақпараттық жүйесі қалыптасты, бұл жүйе республикалық жер туралы ақпараттық банк ролін атқарады.

1 ӘДЕБИЕТКЕ ШОЛУ

1. 1 Мемлекеттік жер кадастры: өзектілігі, шет елдік тәжірибелер,

жағдайы, даму мәселелері

Елімізде жүргізіліп жатқан реформалар нәтижесінде қоғамдық-экономикалық формацияны өзгерту процесі, жаңа жер құрлысын және оған сәйкес сәйкес жер қатынастарын қалыптастыру жүріп жатыр. Өркениетті жер қатынастарын және жылжымайтын мүлікті басқару жүйесін құру - нарықтық экономиканың басты құралы, барлық өркениетті елдердегі маңызды проблемалардың бірі. Осы проблеманы шешудің негізі болып, мемлекеттік жер кадастрын (МЖК) және оның автоматтандырылған ақпараттық жүйесін құру.

Формацияны ауыстыру жер кадастрының мақсаттық белгілеуін түбірімен өзгертуге деген объективті қажеттілікті туғызады. Бұл жердің өзінің өндірістің негізгі шарасы, кеңістіктік базис және маңызды табиғи ресурстық функцияларын сақтай отырып, жылжымайтын мүлік қызметін атқаратынын көрсетеді. Осыған байланысты әрбір жер учаскесі заңды түрде жылжымайтын мүлік дәрежесін алуы және заңгерлік немесе жеке тұлғалардың мүліктері құрамына кіруі керек. Осымен қатар, жерді пайдалану әдістері де өзгеріп жатыр - жерді ақылы пайдалану енгізілуге байланысты жердің кадастрлық бағасын жүргізу негізінде ақылы жер пайдалануға көшу механизмін құру қажеттілігі туындайды.

Сондықтан, рационалды басқару үшін жердің әрбір компоненті бойынша келесі түрдегі жер туралы мәліметтерді тіркеуге алу қажет:

Меншік құқығы, жерді игеру құқығының сенімділігіне кепілдік беретін жер игеру құқығы, пайдалану құқығы;
Жерге және меншікке салық жинау кезінде объективтілікті қамтамасыз ету үшін жердің бағасын белгілеу;
Ресурстарды тиімді және рационалды пайдалануды қамтамасыз ету үшін жерді пайдалану тәртібін орнату.

Меншік құқығы, жерді пайдалану құқығы, оның бағасы және пайдалану, теориялық жағынан бір бірінен тәуелсіз болғанымен, іс жүргізу барысында өзара тығыз байланысты. Сондықтан, нарықтық экономиканы жүргізу құралы болып табылатын, жер нарығының дамуына мүмкіндік туғызатын, фискалды саясаттың орындалуына (салық салу және басқа да жер төлемдері), ипотекалық кредит беру мәселелерін шешуге, сондай-ақ жер ресурстарын басқаруға мүмкіндік беретін толыққанды жер кадастры қажет. Бұл - нарықтық қатынастар жағдайында мемлекеттік жер кадастры жүйесіне, соның ішінде жерді тіркеуге алуға және оның кадастрлық бағасын анықтауға деген талапты күшейтеді.

Сондықтан, нарықтық экономика жағдайында жерді пайдалану-жаңа жер құрылыстарына сәйкес және мемлекеттік жер кадастры жер қатынастарының мүлде жаңа концептуалды негіздерінде құрылуы және жұмыс істеуі қажет. Республикада әлемдік стандартқа сәйкес келетін ұлттық жер кадастрының және оның автоматтандырылған жүйесінің құрылуы бүгінгі күннің өзекті мәселесі болып қалады. Қазақстан Республикасында біз мемлекеттік жер кадастрының жаңа жүйесін құруымыз керек, ол үшін біз нарықтық экономикалы елдердің тәжірибелерін алуымыз керек, олардың соңғы технологияларын және жер кадастры әдістерін игеру керек, өзіміздің инфрақұрылымымызды, әлеметтік-экономикалық ерекшеліктерімізді ескере отырып жүйенің моделін құруымыз қажет.

Шетелдік тәжірибе

Нарықтық экономика дамыған елдерде көпмақсатқа арналған жер кадастры кең таралған. Оған: заңгерлік (құқықтық) кадастр (жер учаскелерінің меншік иелерінің тізімі) ; салықтық (фискальды) кадастр (жер учаскелерінің бағасы көрсетілген тізім) ; жер пайдалану кадастры (жер пайдалану тізімі) ; көпмақсатты кадастр (жер учаскелерінің түрлі сипаттамаларын қамтитын тізім) .

Мұндай жүйе ақпараттық қамтамасыз ету мақсатында құрылады: экономиканың қаржылық секторының (жер нарығы) ; жер салығы және басқа да жерге төленетін төлемдер жұмыс істеуі үшін; ауылшаруашылығындағы жер саясатын және жерді қолдануды жүргізу мақсатында, қалада және ауылдарда табиғатты қорғау қызметін жүргізуде; басқа да жер учаскелерін игеру, пайдалану және үлестірумен байланысты қызметтерде пайдалану үшін.

Мемлекеттік жер кадастрын жүргізу қызметі келесі талаптарға сай жүргізіледі:

Мемлекеттің барлық территориясындағы жер кадастрын жүргізу жүйесі мен технологиясының бірлігі;
Жер учаскелерінің өзгеріске ұшырайтын сипаттамаларын мемлекеттік жер кадастрына енгізудің үзіліссіздігі;
Мемлекеттік жер кадастры мәліметтерінің ашықтығыы;
Мемлекеттік жер кадастрының деректерінің басқа жер туралы, онымен байланысты табиғат ресурстары және жылжымайтын мүлік объектілері туралы мәліметтер бар мемлекеттік немесе өзге кадастрлар және реестрлар туралы мәліметтермен салыстыруға болатындағы және бірлігі.

Мемлекеттік кадастрлық есепке мақсаттық тағайындауларына, жердің меншік түріне тәуелсіз ел территориясында жатқан барлық жер учаскелері кіреді. Мемлекеттік кадастрдың негізгі құжаттары болып, мемлекеттік біртұтас жер реестрі, кадастрлық іс және кезекші кадастрлық карталар, жоспарлар табылады. Мемлекеттік жер кадастры туралы мәліметке мемлекеттік ақпараттық ресурс кіреді.

Мемлекеттік кадастр - жер учаскелері туралы мәліметтерді жинау, құжаттандыру, сақтау, өңдеу, есепке алу және сақтау сияқты тізбекті іс-әрекеттерді қамтитын бірыңғай әдістеме және технологиямен жүргізіледі. Бұл проблема ГИС - технология негізінде жер кадастрының автоматтандырылған ақпараттық жүйесі арқылы шешіледі.

Ұйымдастырушылық тұрғысында Мемлекеттік жер кадастры вертикаль және горизонталь құрылымы бар мамандандырылған мемлекеттік кәсіпорынның көпдеңгейлі бірыңғай жүйесін береді.

Сондықтан, толыққанды мемлекеттік жер кадастрының моделін мелекеттің шекарасындағы жердің шаруашылықтық, құқықтық және табиғи ережелері жайлы мәліметтерді жинау, құжаттандыру, сақтау, өңдеу, есепке алу және сақтауға бағытталған мемлекеттік шаралардың бірыңғай жүйесі ретінде сипаттауға болады. Бұл жүйеге жерге деген құқықты - жердің саны мен сапасын, кадастрлық бағасын оны рационалды қолдану және қорғау, елдің экономикалық дамуымен басқару, салық салу, құқығын сақтауға кепілдік беру мақсатында тіркеу кіреді.

Шығыс және батыс Еуропа елдерінің тәжірибесі барлық батыстық кадастрлар жүйесі және жерді тіркеу ұзақ уақыттар бойы автоматтандырылған әдіспен емес, қол күшіне сүйенген дәстүрлі жағдайда қалыптасқанын көрсетеді. Осыған байланысты жер-ақпараттық жүйелер бірнеше түрге бөлінуі мүмкін:

Компьютерленген;
Компьютерлену процессіндегі аз компьютерленген;
“Қол” жүйесі;

Компьютерленген көпмақсатты кадастр - бұл салыстырмалы түрде жаңа концепция. Ол басқару органдарының, қызығушылық танытқан әртүрлі ұйымдар, ведомстар, заңды тұлғалар және жеке азаматтарға жер ресурстары және жерге деген жекеменшік құқықтары туралы ақпараттық, есептеу және аналитикалық қызмет көрсетуге арналған маңызды инструменттердің бірі.

Әлемде осындай моделді құрудың екі әдісі бар:

Интегралданған кадастрлық жүйелер (комплексті жүйелер) ; ведомствалық жүйелер (екілік жүйелер) . Бірінші моделге яғни бір базалық кадастрлық жүйе аумағына оның құқықтық, фискалды және көпмақсатты құраушылары біріктірілген. Екілік жүйеде пайдалану құқығын тіркеу (меншік шекаралары және салық мекемелеріне берілетін мәліметтер) жаңартылған кадастрлық жүйеде бекітіледі, ал меншік құқығы - дәстүрлі нотариалдық жүйе шеңберінде жүргізіледі, яғни жерді тіркеуге байланысты құқықтық сұрақтар заңгерлер арқылы шешіледі, ал сәйкес жазбалар жер-есептеу кітаптарына, реестрларға жазылады. Бұл қызметтердің бірін - бірі қайталауына, артық қаржылық шығындарға және қажетті жер ресурстарын басқару механизмдерінен де күрделі механизмнің пайда болуына әкеледі.

Бірінші әдістің болашағы зор. Оның артықшылықтары: жылжымайтын мүлік және жерді басқару сұрақтарын кешенді түрде шешу мүмкіндіктері; интегралданған кадастрлық жүйені жазуға кететін шығындарды төмендеру; бірыңғай базаны құруға рационалды түрде жақындау т. с. с. Батыс Европаның дамығңан елдерінің бәрі қазір осы әдіске ұмтылады. Ол территориялық құрылымдардың жер комитеттері (ведомство), техникалық инвентаризация бюросы (жылжымайтын мүлікті тіркеу органдары), архитектура органдарын біріктіріп, жер ресурстарын басқаруға жауап беретін бір басқару органын құруды көздейді. Жер ресурстарын басқару жүйесінің жұмыс істейтін барлық аспектілері, оның ішінде саясатты құру және ақпараттарды жалпы бақылау осы орган арқылы жүзеге асады.

Ауыспалы кезеңде пайда болған экономикалық жағдайларда ведомстволық жүйені құру үрдісі де өміршең болып қалады. Ол барлық ТМД елдерінде қолданысқа еніп жатыр. Осы бағытта Ресей Федерациясының тәжірибесін қарастырайық.

Ресей федерациясының мемлекеттік жер кадастры мемлекеттік жылжымайтын мүлік кадастрының (МЖМК) функционалды жеке бөлігі ретінде қарастырылады.

Ресей федерациясының жұмыс істейтін заңдары МЖМК-ны әрқайсысы өз мәліметтер қорында жылжымайтын мүлік жөніндегі деректердің жеке топтарын тіркеп отыратын әртүрлі жүйелердің жиынтығы және оларға сәйкес органдар ретінде құрады:

Жылжымайтын мүлік объектілерінің құқықтық сипаттамаларын жылжымайтын мүлік құқығын тіркеу және келісім-шарт жасау жөніндегі әділет мекемелері Біртұтас мемлекеттік құқық реестрінде (БМҚР) тіркейді. ;
Ресейдің жер кадастрының федеральды қызмет органдары жерді есепке алуды жүргізеді және олардың кеңістікті-аудандық, физикалық және бағалық сипаттамаларын Біртұтас мемлекеттік жер реестрінде (БМЖР) бекітеді;
Техникалық инвентаризация органдары (БТИ) - жылжымайтын мүлік объектілері және ғимараттарды техникалық инвентаризациялау жүргізеді және олардың техникалық және құндық сипаттамаларын ғимараттар мен үйлер реестрінде тіркейді.

Жылжымайтын мүлік жөніндегі мәліметтердің шашыраңқылығы біраз келеңсіз факторларды тудырады:

Жылжымайтын мүлік объектісі жөнінде толық ақпаратты жылдам алу мүмкіндігінің болмауы.
Жылжымайтын мүлік объектісін жинақтау және сақтауға кететін шығындардың көбеюіне әсер ететін, ақпараттардың қайталануы; осы мәліметтерге түсінік берудегі қарама-қайшылықтардың кездесуі.
Жылжымайтын мүлік объектілерін қалыптастырудағы қиыншылықтар.

Яғни, құқықтарды мемлекеттік тіркеу органдары БМҚР-ны жүргізу үшін жылжымайтын мүлік объектілерінің өлшемдері мен орналасқан жерлері туралы мәліметтерді алуы және сақтауы керек; Ресейдің жер кадастрының федеральды қызмет органдары жер учаскелерінің көлемдері мен шекараларын белгілеу үшін құқық иелерінен құқықтарын қорғайтын документтерінің көшірмелерін талап етеді; БТИ органдары ғимаратты есепке алу барысында осы ғимараттың орналасқан жер учаскесі жайлы және осы ғимараттың иелері жайлы мәліметтерді есепке алуы қажет.

Осыған байланысты, Мемлекеттік жылжымайтын мүлік кадастрын қамтамасыз ететін үш құрылымның екеуі (БТИ және жер кадастры қызметі) құрылып, жұмыс істеп жатуына байланысты, Ресей Федерациясында дәл қазір жер кадастрының бірыңғай құрылымын құруға дайындық жасалып жатыр. Атап айтқанда, Ресей Федерациясы Үкіметінің жарлығымен 2001 жылдың 11 қаңтарында шығарған үкімі бойынша, Ресейдің жер кадастрының Федеральдық қызметінің негізгі бір бөлігі болып, МЖК оның компетенциясы аясында жүргізу, жер учаскелерінде орналасқан және онымен тығыз байланыстағы жылжымайтын мүлікті мемлекеттік кадастрлық есепке алу, жер учаскелерін және олар арқылы жасалынатын келісім-шарттарды мемлекеттік тіркеуге алу, жердің кадастрлық бағасын белгілеу (оның ішінде салық салу мақсаттары үшін) .

Жер кадастрының қазіргі уақыттағы жағдайы

Қазақстан Республикасының “Жер туралы”заңы және заң аясындағы актілері МЖК - ны Қазақстан Республикасындағы жерлердің табиғи және шаруашылық жағдайлары туралы мәліметтер жүйесі, жер учаскелерінің мөлшерлері мен шекаралары, орналасқан жері мен оларды қолдану мақсаттары, олардың сапалы сипаттамасы және тағы басқа қажетті мәліметтері ретінде сипаттайды. Осы сипаттамадан шығатыны, Заң бізді МЖК тек “мәліметтер жүйесі” (құжат) ретінде ғана түсінуге бағыттайды. Алайда онда жүргізілетін тіркеу блоктарын Қазақстан Республикасының Юстиция министрлігі органдарының жүргізуіне тапсыратын жердің құқықтық режимі туралы мәліметтер жоқ. Заңда жер кадастрын мемлекеттік іс-шаралардың жүйесі ретінде сипаттайтын, мақсат-бағытын көрсететін негізгі критерийлер жоқ.

Заң жер-кадастрлық ақпаратты құру ұйымдармен және арнайы іс-шараларды жүргізумен байланысты екендігін көрсетеді. Ақпаратты құру жер туралы кадастрлық мәліметтерді алуға бағытталған және ол арнайы жер-кадастрлық құжаттардың құрылуымен (сипаттамалық және карталық) аяқталады. Бұдан шығатын қорытынды, МЖК бір мезгілде іс-шаралар жүйесі (процесс) ретінде де, құжат ретінде де (құжаттар жүйесі) қарастырылуы керек.

Заң жер-кадастрлық жұмыстар мен жер-кадастрлық ақпараттың көмегімен атқарылатын жұмыстардың, жер кадастрын жүргізу принциптерінің арасын нақты бөліп бермейді. Онда тізбектілік, жер кадастрын жүргізудің деңгейлілігі сақталмайды; жер кадастрының құрамына кіретін жұмыстардың шеңбері, әртүрлі деңгейлердегі көрсеткіштері анықталмаған; жер кадастрын жүргізу қызметі, статусы, құқығы және міндеттері т. б. анықталмаған.

Республикада толыққанды МЖК құру-ғылыми әдебиеттерде жарық көрген оның идеалогиясының, негізгі ережелерінің қалыптасу деңгейінде. Осы бағыттағы ғылыми-зерттеу және жобалық-ізденіс жұмыстары енді ғана басталды. Қаржының жетіспеушілігіне байланысты “Мемлекеттік жер кадастрын жүргізудің автоматтандырылған жүйесін құру” - мақсатты кешенді бағдарлама іске аспады. Бағдарламада жер кадастрының нормативті құқықтық базасын құру бойынша жүргізілетін жұмыстар, автоматтандырылған ақпараттық жүйелердің жүйелік және техникалық жобаларын және программалық жабдықтар кешенін құру, ақпараттарды қорғау және жеткізу жүйелерін құру және кадрларды даярлау және қайта даярлау.

Қазіргі заманға сай базаның болмауына және бағдарламаны іске асыруға республикада қаржының мүлде бөлінбеуіне қарамастан, Қазақстан Республикасының жер ресурстарын басқару Агентствосымен - оның құрамындағы кәсіпорындардың жәрдемімен жер кадастрын жүргізуге байланысты бүтін бір жүйе құру мақсатында айтарлықтай жұмыстар жүргізіліп жатыр. “ГосНПЦзем” РГП және шаруашылықты жүргізу құқығына ие ішкі кәсіпорыны жер кадастрын қағаз жүзінде жүргізуді біртұтас технология бойынша, Қазақстан Республикасының Юстиция министрлігінің жылжымайтын мүлікті тіркеу жөніндегі комитетінің тіркеу центрімен, мемлекеттік кіріс министрлігімен, жергілікті басқару органдарымен келісіп, бірлікте жүргізуде.

Айта кетерлік бір жай, осы стратегиялық бағытты іске асыру мақсатында, Қазақстан Республикасы Үкіметі соңғы жылдары мынадай қаулы қабылдады: №253 2000 жылдың 16 ақпанында “Қазақстан Республикасында жерге деген құқықты қамтамасыз ету ” және №1449 2000 жылдың 25 қыркүйегінде “Қазақстан Республикасында табиғат объектілерінің мемлекеттік кадастрының бірыңғай жүйесін цифрлық геоақпараттық жүйе негізінде құру”. “Жер туралы” заңның жаңа басылымында мемлекеттік жер кадастры мемлекеттік монополияға жатқызылады, ал оны жүргізу, заң бойынша, Қазақстан Республикасының жер ресурстарын басқару жөніндегі агенттіктің құрамындағы мемлекеттік кәсіпорындарға тпасырылады.

Осы себептен, қазіргі жұмыс істеп тұрған “ГосНПЦзем” РГП және оның ішкі кәсіпорындары және кадастрлық бюроны сақтап қала отырып, осылардың негізінде мемлекеттік жер кадастрын біртұтас технология бойынша жүргізуді қамтамасыз ететін мемлекеттік құрылымды құру - мемлекеттік саясат болып табылады.

“ГосНПЦзем” және оның ішкі кәсіпорындары мемлекеттік жер кадастрын жүргізеді және материалды-техникалық негізді тек мелекеттік бюджет есебінен ғана емес, негізінен өзінің шаруашылық қызметтері есебінен құрады. Осының нәтижесінде, соңғы 10 жылда Республикада жер кадастрының негізі құрылды, оның әлемдік стандартқа сай инфрақұрылымдары мынадай:

территорияларды жер-кадастрлық зоналау бойынша шекараларды анықтау және кварталдардың есепке алу кодтарын жасау бойынша жұмыстар;
жер кадастрлық құжаттардың жаңа үлгісі жасалды;
жер учаскелерін есепке алу жөніндегі жер-кадастрлық мәліметтер қоры жоспарлы түрде қалыптасып, толып келеді;
ГИС-технологиясы негізінде аудандардың жер-кадастрлық картасының және есептегі кварталдарының технологиясы құрылды, стнадартталды;
Автоматтандырылған жер кадастрының мәліметтер қорының құрылымына және жылжымайтын мүлікке деген құқықты тіркеудің автоматтандырылған жүйесіне арналған талаптар келісілді;
Жер кадастрын ғылыми-әдістемелік және программалық жабдықтау құрылып және жетілдіріліп жатыр;
ГосНПЦзем нің өндірістік бөлімдерін қайта құру, техникалық және программалық қамтамасыз ету жүргізіліп жатыр;
Ішкі мемлекеттік кәсіпорындар құрамында ЖК ААЖ - ның облыстық орталықтары іске қосылып жатыр;
ЖК ААЖ-нің аудандық филиалдарын, олардың базасында аудандық орталықтарды құру жұмыстары жүргізіліп жатыр;
ЖК ААЖ -ның облыстық және аудандық орталықтарында программистерді, операторларды және басқа да мамандарды даярлау және оқыту қолға алынды.

Осыған сәйкес, республикада мемлекеттік жер кадастрын және оның автоматтандырылған ақпараттық жүйесін әлемдік деңгейде жүргізуге бағытталған іс-шаралар жедел қарқынмен жүргізіліп жатыр.

Бірақ, мемлекеттік деңгейде шешуді қажет ететін проблемалар да бар.

Мемлекеттік жер кадастрын ұйымдастырудың проблемалары

Қазақстанда жер кадастрын ұйымдастырудың ерекшеліктері

ТМД елдеріндегідей, республикамызда да тәуелсіздік алғанға дейін негізінен ауылшаруашылығына арналған жерлерді қамтыған және социалистік жоспарлы экономиканың қажеттіліктерін ақпараттармен қамтамасыз етуді, жер ресурстарын басқаруды мақсат тұтатын жер кадастры жұмыс істеді.

Республиканың әлеуметтік-экономикалық бағытының өзгеруіне байланысты мемлекеттік жер кадастрын құру мәселесі және оның жаңа жер құрылымдарының және нарықтық экономика жағдайында жерді пайдалану қатынастарының мүлде өзгеше концептуалды негіздерінде жұмыс істеу қажеттілігі туындады.

Елдің нарықтық экономикаға көшуі жағдайында МЖК қалыптастыру (жетілдіру) келесі шарттарға сүйенеді:

... жалғасы

Сіз бұл жұмысты біздің қосымшамыз арқылы толығымен тегін көре аласыз.