Жердің жалпы мінездемесі және оның бағалануы

Пән: Экономикалық география
Жұмыс түрі: Курстық жұмыс
Тегін: Антиплагиат
Көлемі: 36 бет
Таңдаулыға:

Мазмұны

Кіріспе . . . 2

I. Негізгі бөлім.

1. 1 . Жердің жалпы мінездемесі және оның бағалануы . . . 4

1. 2. Жердің экономикалық бағалану әдістері, принциптері . . . 12

1. 3. Ауыл шаруашылықтан пайдалануға алынатын жерлердің мүмкін құндылығы . . . 22

Қорытынды . . . 28

Пайдаланылған әдебиеттер . . . 30

Кіріспе

Жер ең негізгі табиғат байлығы. Ол барлық тіршілік көзі және өмір сүру ортасы. Қазір адамдар өздеріне керек қоректік заттардың 88% - ін егістік жерлерден, 10%-ін ормандар мен жайылымдардан, 2%-ін теңізбен мұхит суларынан алады. Жер қорын қорғау және тиімді пайдалану сондықтанда ең негізгі, ешқашан маңызын жоймайтын өзекті мәселе.

Ұлттық экономиканың ең ірі саласы болып табылатын Қазақстанның ауыл шаруашылығы мемлекеттің әлеуметтік - экономикалық саласында маңызды орын алады. Соңғы екі жылда Қазақстан Республикасының Президенті Н. Ә. Назарбаевтың 2 іргелі мемлекеттік бағдарламаны: 2003 - 2005 жылдарға арналған мемлекеттік Агро азық - түлік бағдарламасы және 2010 жылға дейін мемлекеттік ауылдық аумақтарды дамыту бағдарламасын бекіткенмен айтсақта жеткілікті.

Қазақстан жер ауданы жөнінен әлемдегі тоғызыншы мемлекет. Оның жалпы жер ауданы 271, 7 млн. га, оның ішінде ауылшаруашылық жерлері 222, 3 млн. га жерді пайдалану бағыттарына қарап: ауыл шаруашылық жерлері, елді мекендер орналасқан жерлері, өндіріс қатынас, байланыс, қорғаныс, табиғат қорғау, денсаулық сақтау, демалыс, курорттар, қорықтар, тарихи және мәдениет болып бөлінеді.
Осы "Жер учаскелерінің кадастрлық (бағалау) құнын айқындау туралы нұсқама" (әрі қарай Нұсқама) Қазақстан Республикасы аумағында жер учаскелерінің кадастрлық (бағалау) құнын айқындау және оның нәтижелерін салыстыру бойынша бірыңғай тәсілді қамтамасыз ету мақсатында жасалған.

Нұсқама Қазақстан Республикасының 2003 жылғы 20 маусымдағы №442-11 ҚРЗ Жер кодексіне және Қазақстан Республикасы Үкіметінің 2003 жылғы 2 қыркүйектегі №890 "Жер учаскелерін жеке меншікке беруде, мемлекеттің немесе мемлекеттік жер иеленушілер жалға беруде жер учаскелері үшін төлемақының базалық ставкасын, сондай-ақ жер учаскелерін сату құқығы жалға бергені үшін төлемақы мөлшерін белгілеу туралы" қаулысына сәйкес жер учаскелерінің кадастрлық құнын айқындау жөніндегі тәртібін белгілейді.

Нақты жер учаскесінің кадастрлық құны жер реусурстарын басқарудың аумақтық органдары мемлекеттің жеке меншікке жер учаскелерін ақылы беру төлемақысының базалық ставкаларына сәйкес, оған түзету коэффициенттерін (арттыратын не кемітетін) қолдана отырып, айқындайды және жер ресурстарын басқарудың аумақтық органдары арқылы жер учаскесінің кадастрлық құнын анықтайтын актімен рәсімделеді.

Астана және республикалық маңыздағы қалалардың, облыс орталықтарының қала іргесіндегі аймақта және курорт аймағында орналасқан елді-мекендерде жеке меншікке берілетін жер учаскелеріне төлемақының базалық ставкасы екі есе өседі.

Төлемақының базалық ставкаларына түзету коэффициенттерінің нақты мөлшері (арттыратын немесе кемітетін) жерге орналастыру жобасының құрамында белгіленеді. Бұл орайда ол:

- Қазақстан Республикасы Жер кодексінің 11 - бабының 1 - тармағына сәйкес жергілікті өкілді органдар бекітетін мәліметтер негізінде елді-мекендердің шекарасы шегінде;

- Қазақстан Республикасы Жер кодексінің аталған бабының 3-5 тармақтарындағы нормаларды есепке ала отырып, жер - кадастр карталары, топырақ, геоботаникалық, топырақ - мелиорация және басқа зерттеу материалдары негізінде елді - мекендер шекараларының шегінен тыс белгіленеді. Жерді бағалау туралы екі бағыт айқындалды: топырақтың сапасын бағалау және жер қорын экономикалық бағалау.

Жер қатынастары мен оларды жетілдіру, реттеу туралы Елбасының бірнеше жарлығы шықты. Олар жердің нарықтық қатынасқа сауда - саттық құқығы мен жерді пайдалану институттарының ашылуына себеп болды. Жердің мемлекеттік меншікте қолданудың конституциялық негіздері сақталды. Бұл жарлық республикадағы жаңа жер қатынастарының дамуына тұңғыш себеп болды. Осы үрдістің дамуының логикалық жалғасы - үшінші кезең - жерді жеке меншікке пайдалану. Жерді меншіктену мәселесіне өз көзқарастарын Қазақстан Республикасының азаматтары 1995 жылы 30 тамызда өткен референдумда білдірді. Тұңғыш рет Қазақстан Республикасының ата заңына жерді жеке меншіктендіру заңы кіргізілді. Негізгі заң бойынша, жер мемлекеттік меншікпен бірдей жеке меншікте заң бойынша белгіленген мөлшерде болуы мүмкін. Қазақстан Республикасының Президентінің 22 қарашада 1995 жылы қабылданған Жарлығы “Жер туралы” осындай заң болып табылады. Бұл жарлық маңызды заң шығарушы әрекет болып келді. Кейін 2003 жылы "Жер кодексі" қабылданды. Жарлықта елдің әлеуметтік - экономикалық, саяси (процесстердің) үрдістерінің көрсеткіші болатын құқық ережелері орын тапты. Жердің мемлекеттік меншікпен бірдей жеке меншікте болу мүмкіндігі құпталды. Жеке шаруашылыққа, бақша өсіруге, құрылысқа берілген Қазақстан Республикасының азаматтарының жер учаскелерін жеке меншікке алуға мүмкіндік туды. Жердің 350 мың гектардан астам көлемінде 3, 5 млн жеке меншік жер иеленушілердің болуы мүмкін болды. Енді азаматтар жер учаскелерін үй, фабрика, зауыт, офис, гараж, сату, тұрмыс пен өндіріс обьектілерін салуға немесе осы объект салынған жерді жеке меншікке алуларына болады. Осындай жер тауарлық қатынасқа қатысып негізгі коммерциялық және инвестициялық қызығушылық тудырады. Жердің жеке меншіктендірілуі отандық және шетел инвесторларына республикада өз кәсіпорындарын ашуға мүмкіндік туғызады. Жергілікті өкімет орындарының озбырлық, айла-тәсілдерінен оларды заң қорғайды. Меншікке алған жер учаскесіне қатынасты жер иеленуші кез - келген, заң бойынша тыйым салынбаған келісім жасауына болады.

I. Негізгі бөлім.

1. 1. Жердің жалпы мінездемесі және оның бағалануы.

Жер Қазақстан Республикасының негізгі байлықтарының бірі, халық әл-ауқатының көзі болып табылады.

Павлодар облысының жалпы ауданы 12470, 5 мың гектарды құрайды, соның ішінде ауыл шаруашылығы мақсатындағы жерлер - 4273, 7 мың га, су және орман қоры жерлері - 206, 4 мың га, елді мекендер жерлері - 1788, 5 мың га, өнеркәсіп, көлік және байланыс жерлері - 120, 8 мың га, ерекше қорғалатын табиғи аумақтар жерлері - 346, 4 мың га, босалқы жерлер - 5734, 7 мың га.

Жалпы 4273, 7 мың га ауыл шаруашылық мақсатындағы жерлерден барлық меншік нысандарының шаруашылық субъектілеріне егістіктер 1387, 4 мың га, шабындықтар - 123, 4 мың га, тыңайған жерлер - 486, 6 мың га, өзге алқаптар - 62, 2 мың га бекітілген.

Павлодар облысының жер қатынастары басқармасы жер қатынастарын реттеу бойынша уәкілетті орган болып табылады және өз функцияларын Қазақстан Республикасы Жер кодексінің 14-1 бабы 1-тармағына сәйкес жүзеге асырады.

Қалалар мен аудандардың атқарушы органдары қарауында құрастырылған қалалар мен аудандар жер қатынастары бөлімдері (бұдан әрі - ЖҚБ) басқарманың тік вертикалды қарауына жатпайды, ЖҚБ-мен жұмыс олардың қызметін үйлестіру, проблемалық мәселелер бойынша семинар - мәжілістер, оқулар өткізу, оларды нормативтік және анықтамалық құжаттармен, қажетті консультациялармен қамтамасыз ету, тоқсандық, жылдық қорытындылар бойынша есептерді қабылдау, сондай-ақ бөлімдерде жер заңнамасын сақтау бойынша жұмыс жағдайы туралы ақпаратты және олардың жұмысын жақсарту бойынша ұсынымдарды қалалар мен аудандар әкімдері атына жолдау арқылы жүргізіледі.

Бірақ та ЖҚБ жағынан жер заңнамасын бұзу жағдайлары орын алуда. ЖҚБ басшыларының атына талай рет жолдаған арыздарымызға тік вертикалды бағыныштың жоқ болуына байланысты адекваттық жауап берілмейді.

Осының нәтижесінде жер заңнамасын бұзу фактілері, азаматтар және заңды тұлғалар өтініштерін заңмен белгіленген қарастыру мерзімдерін сақтамау, есептерді уақытында және сапалы түрде бермеу, және де басқа, халықтың негативті реакциясын тудыратын бұзушылықтар орын алған.

Қалалар мен аудандар жер қатынастары бөлімдерінде құжаттар айналымының, мамандар арасында функционалды міндеттерді бөлудің нақты схемасының, құжаттар айналымының мерзімі бақылауының жоқ болуы, төмен деңгейлі атқарушылық тәртібі, кадрлар тұрақсыздылығы, жерге орналастыру ұйымдарымен, атап айтқанда, "Жер кадастрыҒӨО" Павлодар филиалымен өзара қарым-қатынас тәртібінің белгіленбеуі осы жағдайдың бастапқы себебі болып табылады, алайда Қазақстан Республикасы заңнамасымен жер учаскелеріне құқық беруге байланысты барлық мәселелер реттелген.

Жер кодексінің 43 - бабына сәйкес жер учаскесін жеке меншікке және жер пайдалануға беру жергілікті атқарушы органдармен жүзеге асырылады, жер учаскесін беру туралы шешім комиссияның оң қорытындысы және жерге орналастыру жобасы негізінде қабылданады.

Жер комиссиялары облыс әкімінің орынбасары қатысуымен, ал қалалар мен аудандарда қалалар мен аудандар әкімдері орынбасарлары қатысуымен құрастырылады.

Облыс деңгейінде құрастырылатын комиссия құрамына міндетті түрде қоршаған ортаны қорғау, ауыл және орман шаруашылығы, су қорын пайдалану және қорғау, жер ресурстарын басқару салаларындағы уәкілетті органдардың сәйкес аумақтық бөлімшелерінің өкілдері кіреді.

Қала, аудан комиссиясы құрамына жергілікті атқарушы және өкілетті органдар, сәулет және қала құрылысы құрылымдық бөлімшелерінің өкілдері кіреді.

Комиссия қорытындысы сұралып отырған жер учаскесін аумақтық аймақтарға бөлуге сәйкес мәлімделген нысаналы мақсаты бойынша пайдалану немесе жер учаскесін алдын ала таңдап алу (жер учаскесі объектілер салу үшін сұралған кезде) мүмкіндігі туралы ұсыныстың комиссияға түскен кезінен бастап бес жұмыс күні ішінде екі данада хаттамалық шешім нысанында жасалады.

Комиссияны өз қорытындысының бір данасы бес жұмыс күні ішінде жерге орналастыру жобасын дайындау үшін өтініш берушіге жіберіледі.

Жер учаскелерiне меншiк және (немесе) жер пайдалану құқығының өздеріне берілуіне мүдделi жеке және заңды тұлғалар жер учаскесi орналасқан жердегi жергілікті атқарушы органға өтiнiш бередi.

Өтініште: жер учаскесiн пайдалану мақсаты; оның болжамды көлемі; орналасқан жерi; сұралып отырған пайдалану құқығы; басқа жер учаскесiнiң (осы Кодекстiң 50 - бабының 2 - тармағында көрсетілген жер учаскелерi бойынша) болуы (болмауы) көрсетілуге тиiс.

Пайдалы қазбалар шығарылатын жағдайда өтiнiшке жер қойнауын пайдалануға арналған келiсiм шарттың көшірмесі қоса берiледi.

Сұралып отырған жер учаскесін аумақтық аймақтарға бөлуге сәйкес мәлімделген нысаналы маќсаты бойынша пайдалану мүмкіндігін (елді мекендерде сәулет және қала құрылысы органдарымен бірлесіп) айқындау үшін жер учаскесiне құқық беру туралы өтiнiш жер учаскесі орналасқан жердегі облыстардың, республикалық маңызы бар қалалардың, астананың, аудандардың, облыстық маңызы бар қалалардың уәкілетті органдарына үш жұмыс күні ішінде түседі.

Жер учаскесіне құқық беру туралы өтінішті қараудың жалпы мерзімі ол түскен кезден бастап екі айға дейінгі мерзімді құрайды.

Өтініш беруші жер учаскесіне құқық беру туралы не оны беруден бас тарту туралы шешім қабылдау үшін қажетті құжаттар топтамасын толық ұсынбаған жағдайда жер учаскесі орналасқан жердегі облыстардың, республикалық маңызы бар қалалардың, астананың, аудандардың, облыстық маңызы бар қалалардың уәкілетті органдары өтініш берушіге екі жұмыс күні ішінде оның өтінішін қараудан дәлелді түрде жазбаша бас тартуды береді.

Көрсетілген мерзiмге жерге орналастыру жобасын жасау, келісу, жергілікті жердегі жер учаскесінің шекарасын белгілеу кезеңдері кірмейді. Жер учаскесi орналасқан жердегi облыстардың, республикалық маңызы бар қалалардың, астананың, аудандардың, облыстық маңызы бар қалалардың уәкілетті органдары (елдi мекендерде сәулет және қала құрылысы органдарымен бiрлесе отырып) сұралып отырған жер учаскесiн аумақтық аймақтарға бөлуге сәйкес мәлiмделген нысаналы мақсаты бойынша пайдалану мүмкiндiгiн айқындайды.

Сұралып отырған жер учаскесін аумақтық аймақтарға бөлуге сәйкес мәлімделген нысаналы мақсаты бойынша пайдалану мүмкіндігі туралы ұсыныстар әзірлеу мерзімі өтініш келіп түскен кезден бастап он жұмыс күніне дейінгі мерзімді құрайды.

Жер учаскелерiн алып қою, соның iшiнде мемлекет мұқтажы үшiн алып қою жағдайларын қоспағанда, жер учаскесiне құқық беруден бас тарту облыстың, республикалық маңызы бар қаланың, астананың, ауданның, облыстық маңызы бар қаланың жергiлiктi атқарушы органының, аудандық маңызы бар қала, кент, ауыл (село), ауылдық (селолық) округ әкiмiнiң шешiмiмен ресiмделедi және оның дәлелдi себептерi көрсетiлуге тиіс, ал көшiрмесi өтiнiш берушiге шешiм қабылданғаннан кейiн жетi күн мерзiмде тапсырылуға тиiс.

Жергiлiктi атқарушы органының жер учаскесiне құқық беруден бас тарту туралы шешiмi комиссияның тиiстi қорытындысы келiп түскен кезден бастап жетi күнге дейiнгi мерзiмде қабылданады.

Жер учаскелерiне тиiстi құқықтар беру не оларды беруден бас тарту туралы шешімінің көшірмесі шешім қабылданған кезден бастап бес жұмыс күні ішінде өтініш берушіге тапсырылады (жіберіледі) .

Жер учаскелерiн беру жоғары тұрған атқарушы органның құзыретiне кiретiн жағдайларда жергiлiктi атқарушы органы жерге орналастыру iсiн өз шешiмiмен бiрге жоғары тұрған органға түпкiлiктi шешiм қабылдау үшiн жiбередi.

Жергiлiктi атқарушы органының жер учаскесiне құқық беру туралы шешiмi тиiстi жер қатынастары бойынша уәкiлеттi органы бекiткен жерге орналастыру жобасы келiп түскен кезден бастап жеті жұмыс күніне дейiнгi мерзiмде қабылданады.

Жер қатынастары жөніндегі уәкілетті орган жер учаскесіне құқық беру туралы шешім қабылданған күннен бастап он жұмыс күнінен кеш емес мерзімде, сол шешімнің негізінде сатып алу - сату немесе уақытша (қысқа мерзімді, ұзақ мерзімді) өтеулі (өтеусіз) жер пайдалану шартын жасасады. Жергілікті жердегі жер учаскесінің шекарасын белгілеу өтініш берушінің Қазақстан Республикасының заңнамасында белгіленген тәртіппен өтініш беруі негізінде жүзеге асырылады.

Жер учаскесiне сәйкестендiру құжатын дайындауды және беруді мемлекеттік жер кадастрын жүргізуді жүзеге асыратын "Жер кадастрыҒӨО" республикалық мемлекеттік кәсіпорнының Павлодар филиалы алты жұмыс күнi iшiнде жүзеге асырады.

Жерге орналастыру жобасын әзірлеу және жергілікті жердегі жер учаскесінің шекарасын белгілеу үшін өтініш беруші өз еркімен жерге орналастыру жобасын әзірлеушіні таңдау құқығы бар, осы жұмыс түрі бәсекелестік ортасына жатады.

Егер бұрын жерге орналастыру жұмыстарын жүргізу үшін лицензия қажет болса, қазір олар қажетті түрде кәсіпкерлік қызметпен айналасуға құқық тіркеген азаматтар және заңды тұлғалармен жүзеге асырылады.

Осылай, жеке және заңды тұлғаларда жерге орналастыру жобасын әзірлеушісін таңдау құқығы бар, лицензиаттар тізімі жер қатынастары басқармасының ресми сайтында жарияланған, және де барлық жер қатынастары бойынша қалалық және аудандық бөлімдерінде бар.

Уақытша жер пайдалану мерзімін тұрақты ұзарту қажеттілігінен туындаған созбалау мен төрешілдікті жою мақсатында заңнамамен ауыл шаруашылығы жерлерін беру нақты мерзімдері белгіленген.

Осы Кодексте көзделген шаруа немесе фермер қожалығын жүргізу үшін уақытша өтеулі жер пайдалану (жалдау) құқығын беру жағдайларын қоспағанда, уақытша өтеулі жер пайдалану (жалдау) құқығы қысқа мерзімді (5 жылға дейін) және ұзақ мерзімді (5 жылдан 49 жылға дейін) болуы мүмкін.

Уақытша өтеулі жер пайдалану (жалдау) құқығы шаруа немесе фермер қожалығын жүргізу үшін Қазақстан Республикасынығ азаматтарына - 10 жылдан 49 жылға дейінгі мерзімге беріледі. Оралмандарға 10 жылға дейін беріледі.

Тауарлы ауыл шаруашылығы өндірісі үшін мемлекеттік емес заңды тұлғаларына - 49 жылға дейінгі мерзімге беріледі.

Жер учаскелерін жер пайдалануға беру рәсімінің ашық болуын қамтамасыз ету, қолжетімдігін арттыру, жерлерді беру кезінде субъективизмді болдырмау және сыбайлас жемқорлық құқық бұзушылықтардың алдын-алу мақсатында, Қазақстан Республикасы Жер кодексінің 48 - бабына сәйкес жер учаскесі немесе жер учаскесін жалдау құқығы заңнамамен бекітілген жер учаскесін конкурстан тыс беру кейбір жағдайларды, соның ішінде мерзімі 5 жылға дейін шабындық және жайылым алқаптарын пайдалану үшін жер учаскелерін халықтың жеке мал басын ұстау мұқтаждығын қанағаттандыру, бақшашылық мақсатында берілетін жаєдайларды қоспағанда, мемлекеттік меншіктегі және жер пайдалануға берілмеген жер учаскелерін немесе жер учаскелерін жалдау құқығын беру сауда - саттықтарда (конкурстарда, аукциондарда) жүзеге асырылады.

Жерді пайдалану тиімділігін арттырудың басты бағыттарының бірі субъектіде ішкі шаруашылық жерге орналастыру жобасын жер пайдалану құқығының бар болуы болып табылады. Оларды әзірлеудің жоғары шығындарына байланысты жер пайдалану субъектілері осы мәселеге назар аудармайды.

Ішкі шаруашылық жерге орналастыру жобасына келесілер кіреді және келесі міндеттерді шешеді:

- өндірістік бөлімшелерді, магистралды жол желісін, инженерлік ғимараттарды орналастыру;

- жер алқаптарын ұйымдастыру, алқаптарды бір түрден екіншіге ауыстыру, эрозиядан қорғау бойынша шараларды әзірлеу;

- егіс айналымын ұйымдастыру;

- жайылымдар, шабындықтар және тыңайған жерлерін пайдалануды ұйымдастыру;

- көпжылдық өсімдіктер аумақтарын ұйымдастыру, тұқымдар мен сорттарды орналастыру;

- өндірістік инфрақұрылым элементтерін орналастыру (бригадалық станоктар, бөлмелер, таралық алаңдар, жолдар және т. б. ) .

Жәрдем ақша беру жүйесі жер пайдаланушыларды жерлерді ұтымды пайдалануға ынталандыруы қажет. Жерлерді пайдаланудың нақты түрлеріне жәрдем ақша беру мөлшері облыс бойынша белгіленген.

Жерді пайдалану және қорғауды мемлекеттік бақылау жоспарланған және жоспардан тыс тексерістер өткізу арқылы жүзеге асырылады. Жоспарланған тексерістер алдын-ала құрастырылған жоспар бойынша және де жылына бір реттен кем емес өткізілуі тиіс. Жоспардан тыс тексерістер алдын-ала жоспарланбайды, олар арыздарда көрсетілген фактілер және өзге де жеке және заңды тұлғалар заңды мүдделері мен құқықтарын бұзу туралы ақпараттар бойынша, жоспарланған тексеріс нәтижесінде анықталған бұзушылықтарды жою туралы талаптарды орындауды бақылау мақсатында жүргізіледі. Тексеріс белгілеу туралы актіні кәсіпкерлік субъектісіне беру - тексеріс (жоспарланған немесе жоспардан тыс) басталу сәті болып табылады. Тексеріс өткізу кезінде жер учаскелері меншіктерінің қатысуы міндетті. Тексеріс барысында анықталған жер заңнамасының бұзушылықтары алқапты зерттеу сызбасын қоса актімен ресімделеді.

Жер учаскесін игерудің мерзімі мен шарттарын жергілікті атқарушы органдар белгілейді, бұл ретте Қазақстан Республикасының сәулет, қала құрылысы және құрылыс қызметі туралы заңнамасына сәйкес жобалау (жобалау-сметалық) құжаттамасы бойынша, сондай-ақ жобалау (жобалау-сметалық) құжаттамасынсыз не эскиздер (эскиздік жобалар) бойынша жүзеге асырылатын құрылыс үшін және ауыл шаруашылығы мақсаттары үшін берілген жер учаскесiн игеру кемінде екі жыл мерзімге белгіленеді.

Қазақстан Республикасының заңнамасын бұза отырып пайдаланылып жатқан жер учаскесі немесе оның бір бөлігі Қазақстан Республикасының әкімшілік құқық бұзушылық туралы заңнамасында көзделген жазалау шаралары қолданылғаннан кейін, осы Кодекстің 94-бабында көзделген тәртіппен меншік иесінен немесе жер пайдаланушыдан мәжбүрлеп алып қойылуға жатады.

Меншiк иелерiнен және жер пайдаланушылардан жер учаскесiн осы Кодекстiң 92 және 93-баптарында көзделгендей мәжбүрлеп алып қою жер учаскесі орналасқан жердегі облыстың, республикалық маңызы бар қаланың, астананың жер ресурстарын басқару жөніндегі аумақтық органының талап-арызы бойынша сот тәртiбiмен жүргiзiледi.

Осы Кодекстiң 92-бабында көзделген жағдайда жер учаскесiн мәжбүрлеп алып қою туралы талап-арыз меншiк иесiне немесе жер пайдаланушыға талап-арыз қойылғанға дейiн кемiнде бiр жыл бұрын жер учаскесін нысаналы мақсаты бойынша пайдалану қажеттiлігi туралы жазбаша ескерту жасалғаннан кейiн және осы уақыт iшiнде жер учаскесiнiң меншiк иесi не жер пайдаланушысы осындай учаскенi нысаналы мақсаты бойынша пайдалану жөнiнде қажеттi шаралар қолданбаған жағдайда ғана берiлуi мүмкiн.

Осы Кодекстiң 93-бабында көзделген жағдайда жер учаскесiн мәжбүрлеп алып қою туралы талап-арыз Қазақстан Республикасының әкiмшiлiк құқық бұзушылық туралы заңдарында көзделген жазалау шаралары қолданылғаннан, талап-арыз беруден кемiнде үш ай бўрын жер учаскесінің меншік иесіне немесе жер пайдаланушыға Қазақстан Республикасы заңдарының бұзылуын жою қажеттiгi туралы жазбаша ескерту жасалғаннан кейiн ғана және осы мерзiм iшiнде жер учаскесінің меншік иесі немесе жер пайдаланушы учаскенi пайдалану кезiнде Қазақстан Республикасы заңдарының бұзылуын жоймаған жағдайда берiлуi мүмкiн.

Жер Қазақстан Республикасында басқа табиғи ресурстарымен қатар пайдаланылады және қорғалады.

Жерлерді қорғау бойынша талаптардың бірі түрлі қызметтер кезінде заңды тұлғалармен және азаматтармен бұзылған жерлер құнарлығын қалпына келтіру болып табылады.

Жерлер топырағының құнарлығын қалпына келтіру - бұл бұзылған жерлер өнімділігін және бағалылығын қалпына келтіруге бағытталған жұмыстар кешені.

Жерлер топырағының құнарлығын қалпына келтіру екі тәсілі бар - техникалық және биологиялық.

... жалғасы

Сіз бұл жұмысты біздің қосымшамыз арқылы толығымен тегін көре аласыз.