Кескіндеме өнерінде натюрморт жанрын салу

Пән: Өнер, музыка
Жұмыс түрі: Дипломдық жұмыс
Тегін: Антиплагиат
Көлемі: 67 бет
Таңдаулыға:

МАЗМҰНЫ

КІРІСПЕ . . . 4

1 БЕЙНЕЛЕУ ӨНЕРІНДЕГІ НАТЮРМОРТ ЖАНРЫ

1. 1 Бейнелеу өнеріндегі кескіндеменің даму тарихы . . . 6

1. 2 Натюрморт жанрының шығу тарихы . . . 13

1. 3 Шетел суретшілерінің шығармаларында натюрморт жанры . . . 22

1. 4 Қазақстан суретшілерінің шығармаларында натюрморт жанры . . . 24

2 КЕСКІНДЕМЕ ӨНЕРІНДЕ НАТЮРМОРТ ЖАНРЫН САЛУДЫҢ

ӘДІСТЕРІ

2. 1 Натюрморт жанрында композиция, перспектива заңдылықтары . . . 26

2. 2 Геометриялық денелерден құралған натюрмортты салу әдісі . . . 32

2. 3 Кескіндеме өнеріндегі бояу түстері . . . 25

2. 4 Жеміс-жидектерден құралған натюрморт жанрының салыну әдістері . . . 41

2. 5. Жұмыс барысы, натюрморт жанрын майлы бояу техникасында салудың әдіс-тәсілдері . . . 49

2. 6 Тақырыптың педагогикалық, эстетикалық маңызын аша отырып, мектептерде сабақ беру әдіс - тәсілдері . . . 53

2. 7 Натюрморт жанрын салуды мектепте үйрету . . . 56

ҚОРЫТЫНДЫ . . . 60

ПАЙДАЛАНЫЛҒАН ӘДЕБИЕТТЕР . . . 61

ҚОСЫМША МАТЕРИАЛДАР . . . 62

КІРІСПЕ

Сурет салуды сүю - өмірді, табиғатты, айнала қоршаған ортаны сүю. Ол адамның ақыл-ой, парасатын өсіреді. Өмірдегі келеңсіз құбылыстармен ымырасыз күресуге тәрбиелеп, халқыңа, еліңе, жеріңе деген сүйіспеншілікке баулиды. Өнер қашанда қамқорлықты, оған асқан жауапкершілікпен, жанашырлықпен қарауды қажет етеді. Әсіресе, осы бейнелеу өнерін жүйелі оқыту жайы, оған жастай баулып тәрбиелеу ісі баршамыздың алдымызға байыпты міндеттер тартады.

Бейнелеу өнерінің мақсаты - бұл адам баласы заманнан заманға рухани, эстетикалық байлығы ретінде ұласып келе жатқан өнер саласы. Бейнелеу өнері тек жеке ғана бір өнер саласы емес, бірнеше өнер саласының өмірге келуіне себепкер болған.

Кескіндемеші дүниенің тіршілігі мен әдемілігін түрлі түстерге бай екендігін, өмірге деген сезімімен табиғатпен тілдесу арқылы көрсетеді. Суретші картинаны жазған кезде, натураға сүйенеді. Үлкен картинаға келмес бұрын ол көп ізденеді, ойланады. Көптеген нобайлар, этюдтар, т. б. жолдар мен үйлесімділік іздейді. Мысалы, портрет жанрын алайық. Әр суретші әр адамның мінезін, бетінің әрбір сызығын дәлме-дәл және басты адам дене бітімін келтіру үшін ол мамандандырылған тұрғыда болу керек. Мамандандырылған суретші бояумен сызықты шебер қиыстыра отырып, кісінің бет пішінін, қимыл-қозғалысын, жарықтың сәулесімен көлеңкені дәл белгілейді. Осындай іс жүзінде мамандандырылған болмаса шеберлік шығарма дұрыс ойлағандай шықпайды. Суретшілер адамдарды күнделікті өздеріне үйреншікті тұрғыда бейнелеген. Осылайша мамандық шебері болу үшін бейнелеу өнерінің теориялық жағынан оқып білуі керек. Суретші күнде сурет салып, жазып, өзімен бірге қалталы дәптер алып жүріп, әр түрлі нобайларды, керекті заттарды, небір қимылдарды салып алу қажет. Осындай күнделікті жаттығулар болмаса суретшіге қиын болады. Сол сияқты түс туралы да айтуға болады. Түстерді көріп, біліп, олардың әдемілігін көрсетудің өзі үлкен өнер деп есептеймін.

Дипломдық жұмыстың өзектілігі: Қазақ сурет тарихында көптеген жанрлар бойынша кесек-кесек туындылар жетерлік. Алайда соларды оқушыларға жете түсіндіру шаралары ақсап тұр деуге болады. Неге десеңіз солардың бірі «Натюрморт» жанрын айтуға болады. Мектептегі оқыту сабақтарының аздығынан бұл жанрды кең түрде насихаттау жүргізілмейді. Сондықтанда оқушыларды көркемдікке, әсемдікке, қоршаған ортаға жақсы көзқараста болу үшін сурет өнеріндегі бұл жанрдың оқытылу барысы өзекті болып қала бермек.

Дипломдық жұмыстың мақсаты: Натюрморт жанрында салынған әлем суретшілерімен Қазақстан суретшілерінің туындыларының тарихымен салыну жолдарын, боялу техникасын түсіндіру басты мақсат болмақ.

Дипломдық жұмыстың міндеті: Оқушыларға натюрморт жанрын оқыту барысында мынандай төмендігі міндеттерді алға қояды:

Оқушыларға натюрморттың шығу тарихын үйрету;
Оларға натюрморттың салыну жолдарын түсіндіру;
Түсіндіру барысында натюрморт жанры туралы түрлі мәліметтер мен көрнекіліктер көрсету;
Олардың натюрморт жанрына салған суреттерін қадағалау;
Салынған суреттерде жіберген қателіктерін айту;
Сонымен қатар үйрете отырып, олардың көркемдік, эстетикалық қабілеті мен талғамын қалыптастыру.

Практикалық маңыздылығы: Оқушыларға бұл жанрды оқыту барысында оларды дәлдікке үйрету, сонымен қатар салыну жолдарын үйрету маңызды болмақ.

Дипломдық жұмытың құндылығы: Оқушыларға дәріс ретінде, студенттердің өзіндік жұмыстарына, мұғалімдердің ашық сабақ барысында қолдануға болады.

Дипломдық жұмыстың дереккөзі: Жұмысты жазу барысында бейнелеу өнерінің тарихын зерттеген Мұқашев М, Сейтімов А, Хамзин Н, Уәлиев Б, Айдарова З, Қаржаубаева С, т. б. суретшілердің еңбектері пайдаланылды.

Дипломдық жұмыстың құрылымы: Кіріспеден, екі тараудан, қорытындыдан, пайдаланылған әдебиеттер тізімінен, қосымша материалдардан тұрады.

Дипломдық жұмыстың зертттеу обьектісі: Ш. Уалиханов атындағы №1 жалпы білім беретін профильді орта мектеп.

1 БЕЙНЕЛЕУ ӨНЕРІНДЕГІ НАТЮРМОРТ ЖАНРЫ

1. 1 Бейнелеу өнеріндегі кескіндеменің даму тарихы

Сурет салу өнерінің тарихы тереңде жатыр. Алғашқы қауым кезіндегі суретшілер тас немесе сүйек беттеріне айқын сызықтармен түрлі бұйымдар, жануарлар, тіпті адам бейнесін де асқан шеберлікпен сала білген. Бұл туралы Қазақстан жартастарында бейнелеу шығармашылығы толық хабардар етеді. 1950 жылдың аяғында Аңырақай тауынан Тамғалы жартас суреттері табылып, оны зерттеу 1970 - 80 жылдарда басталды. Сурттегі адам бейнесі Тамғалы жартасының орталық бөлігінен алынған көріністен үзінді болып табылады. Бұл суреттердегі бейнелерге қарап отырып, бейнелеу сапасының биік дәрежедегі көрінісін көріп, суретшінің орындау шеберлігіне таңданасың. Бұл сөз жоқ суретшінің бақылау қабілетінің дамыған және көп жылдық тәжірибесі нәтижесінде пайда болған бейнелер. «Өнерлі өрге жүзеді» деп дана халқымыз бекер айтпаса керек. «Бейнелеу өнері» өнер жолындағы талпыныс, ізденісіңе жол көрсетіп, үйреншікті нәрседен әсемдікті таба білуге, көргенді есте сақтауға және қиялдау қабілетіңді дамытып, шығармашылықпен жұмыс жасау жолына жетелейді. Адамдар өздеріне үй салуды, үй тұрмысына қажетті бұйымдар жасауды, бейнелеу өнері шығармаларын өмірге келтіруді бірден үйрене қойған жоқ. Олар біртіндеп өмірден тәжірибе жинақтап, оны ұрпақтан ұрпаққа жеткізіп отырды. Ал алғашқы суретшілердің шәкірттері болды ма, ол өз өнерін қалай үйретті немесе шәкірттері шебердің жұмыс жасау кезіндегі әдіс-тәсілін бақылап, оны қалай қабылдайды оны айту қиын. Сурет салуды адам кәсіпшілікке пайдаланғаны белгілі, нақтырақ айтсақ, көзешілік, яғни құмыра жасауда оның суреттері қарапайым жолдармен меңгере бастады. Сурет салу өнерінің даму кезеңі қала құрылысының дамуы, қоғамдық орындар, ірі - ірі сарайлар салудың өркендеуі кезінде дамыды, арнайы өнер мектептері ашылып, суретшілер мен мүсіншілер, сәулетшілер дайындау қолға алынды.

Өнер - қуаныш көзі, өнер - адамдардың ақылшысы, жан серігі, рухани азығы. «Өнер» деген жалпы атауды алып қарасаң, адамзат не болмаса тірі жануарлардың күнделікті өмірдегі іс-әрекеті, тіршілік қамының бір-бірінен артықшылығы, жетістігі деп көруге болады. Адамзат өнеріндей «өнер» атауы саналылығымен, көркемдік ойлауымен ерекшеленеді. Музыка өнері, бейнелеу өнері, спорт өнері, жалпы қай өнер саласындағы халықтардың бәрі де санадан туындайды. Өнер өзінен - өзі пайда болмайды. Оған қоғам, тарих, біреудің қуанышы, біреудің мұң - мұқтажы, топтың қуанышы мен әлемде немесе белгілі бір елде болып жатқан елеулі оқиғалар әсер етеді. Ал мұны сезіну үшін осы көріністердің бейнесі болуы тиіс. Көріністі сезіну арқылы ой - пікір және идеялар туындайды. Осы идеяны толықтырып, екінші біреуге жеткізуге, айту немесе көрсету үшін белгілі бір күш жұмсалады. Осы күш сөз қоры, бейнелеу шеберлігі, музыка, ақындық, жасампаздық адам бойындағы қасиеттерді туындатады. Өнер шынайы талант, шындық, шыдамдылық пен табандылықты, ақыл мен парасатты, терең ой, көркемдік сұлулықты талап етеді. Келе - келе сурет өнерінің дамуы арқасында сәулет, мүсін, живопись, кескіндеме өмірге келді. Адамдар сәулетті сарайлар, қалалар, ірі қорғаныс құрылыстарын салды, ғажайып мүсіндер тұрғызды. Б. э. д. ІҮ ғасырда кеңінен дамыды. Осы кезеңдерде адам жасаған ұлы өнер туындылары бірінен кейін бірі өмірге келіп жатты. Фараондар салған Египет пирамидалары, Греция еліндегі әйгілі «Зевс» және «Радос» мүсіндері, Ұлы Қытай қорғаны және Есіктегі«Алтын адам». Бұлардың бәрі бейнелеу өнерінің құдіретін өмірге тән еткен қайталанбас асыл мұралар еді. Өнер - өмір бұлағы, ізгілік пен әсемдік бұлағы. Өнер өмірдің көрінісі. Өнер халық ескерткіші. Өнер тарихы дегеніміздің өзі адамзат тарихы. Адамзат ес жиып, етек жапқаннан бері өнер мен бірге жасасып келеді. Мұнан ондаған жалдар бұрын өнердің бастапқы белгілері байқала бастады. Адамның арғы тегі болып табылатын неондартальда сезімдік түйсік пен ойлау қабілетінің қылаң беруі оларды өмірге қажетті алғашқы еңбек етуге талпындырды. Бірақ олардың ойлау қабілеті мен сезімдік қасиеттерінің әлі толық жетілмеген кезі еді.

Түйіндей айтқанда өнер адамның дүниеге, болмысқа деген наным сенімдерін дамытушы, саналылық пен білімділікке жетелеген қозғаушы күші және әсемдік пәк сезімдердің қайнар көзі болды. Сондықтан да өнер адамның әлеуметтік дамуындағы бірден - бір негізгі белгі болып табылады. Өнер нышандарын немесе өнерлілікке ұқсас әрекеттерді кейбір хайуанаттар, түрлі құстарда жасай алады. Бірақ адамдардың олардан айырмашылығы әр кез істеген ісінің бәрін саналылықпен, ойланып - толғанып байыппен істеді және мақсатты түрде өзінің материалдық, рухани қажеттерін өтеу үшін жасады. Қазіргі кезде бізге белгілі ең көне өнер алғашқы қауымдық өнер немесе тас дәуірі өнері деп аталады. Тас дәуірінде өндіргіш күштер мен қоғамдық қатынастар тез дами бастады. Мұның алдындағы кезеңдермен салыстырғанда тас дәуірі 10 немесе 100 есе жылдамдықпен дамыды. Бұрындары тек тас пен ағашты пайдаланса, енді неше түрлі сүйектерді, аңдардың мүйіздерін пайдаланып құрал - сайман, әшекей заттар жасады. Тас дәуірінің алғашқы кезеңі палеолит заманында, адамдар өнердің алғашқы нышандарын тудырып қана қоймай, оны ары қарай дамытты. Алғашқы айқыш - ұйқыш ретсіз сызық белгілерден бастап, сан түрлі аңдардың, адамдардың нобайына дейін бейнелейтін дәрежеге көтерілді. Алғашқы қауымдық құрылыс кезеңіндегі адамдардың өнерін зерттеу барысында олардың шығармаларынан аңдарға көңіл бөлу қатты байқалады. Кездескен суреттердің ішінде әсіресе мүсін кейіптері адамның назарын аударады.

Полеолит дәуірінің аяққы кезеңі мен меолит дәурінде жартас суреттері кең етек жайды. Бұрындары тек жабайы хайуанаттарды ғана белгілеп келсе, енді белгілі бір кішігірім тақырыптарға құрылған адамдар мен аңның қарым-қатынасын көрсететін суреттер пайда болды. Полеолит дәуіріндегі өнердің бір топ үлгісі Испанияның атақты Альтамира үңгірінен табылды. Үңгірде ертедегі адамдар салған көптеген аңдардың, негізінен қодастың, жылқының, қабанның әр түрлі қимыл - қозғалыстағы кейіптері шеберлікпен кескінделген. Адамдар өздерімен күнделікті кездесіп, аралас-құралас жүрген жабайы аңдарды жете зерттегені сондай, олардың ерекше қасиеттерін, жүріс - тұрысын дөп басып айнытпай белгілеген.

Кескіндеме - өнер әлеміндегі орасан зор, өзіне еліктіріп әкететін, сиқырлы аймақ. Ол адамзат дамуының таң шапағында, біздің тарихтан бұрыңғы ата-бабаларымыздың үңгірлерінде дүниеге келді. Сан ғасырлар бойына суретшілердің басшылыққа алған идеялары, олардың ұмтылыстары өзгеріп отырды, бір стильдің орнын екінші стиль басты, бірақ бәрібір кескіндеме жасап, дами берді. «Басқа өнерлердің арасында живопись суретшінің қырағы көзі шалғанның бәрін мейлінше толық бере алса керек. Сан жүздеген жылдар бойы ол табиғаттан үйреніп, дүниені қызғылықты ететіндердің бәрін бейнелеудің таңдай қақтыратын жаңа әдістерін ойлап тапты. Оның бейнелеу құралдары шексіз бай бола бастады. Сызықтардың өте батыл жүргізілуі, бояулардың бай үндестігі, жарық пен көлеңкенің батыл, күтпеген контрастары, бейнеленіп отырған нәрсені орналастырудағы ойлы мөлшерлестік және айқын логика, қиялдың қызықты құбылмалылығы - осының бәрі живопиське өз міндеттерін шешу үшін берілген. Рыцарь сауыттарының жылтылын, жібек маталардың асқан әдемілігін, көз жанарының дымқылдануын, жас қыз денесінің нәзіктігін және ағаштардың дөрекі қабығын көзге түсетіндей етіп беру тіс қаққан живописьшіге қиындық келтіре қоймайды. Кең жайылған емендердің қуатын, көктемгі қайыңдардың жан жадыратар жасыл жапырақтарын, қаһарлы да асқақ аспанды, мөлдір-сұр тұманды және айлы түндердің тылсым, жұмбақ әлемін, буырқанған көк теңізді сендерге қызықты, сан қырлы живопись өнері көрсетіп бере алады. Ал ең ғажабы бұл емес! Бар ықыласымен берілген суретші шапшаң, батыл да нәзік қимылмен кенеп бетіне қылқаламмен бояу жағады - міне енді одан сендерге тірі адам көз тастайды! Суретші оның жүзіндегі көзге шалына қоймайтын ой нышандары мен құштарлықтарын таңғажайып қырағылықпен кенеп бетіне түсірген және бір мезгілде сендерге оның жан-дүниесін ашып берген. Живописьтің ұлы мәні мынада: ол сансыз жүректерді бір мәнді ойда, бір күшті сезімде бірге соғуға мәжбүр етеді. Ол шапшаң, бірден әсер етеді, оның тілі халықаралық тіл: оған аудармашылар қажет емес. Оның алдында уақыттың өзі кейін шегінеді» [10, 154б] .

Кескіндеме - бейнелеу өнерінің бір түрі, белгілі бір заттың бетінде бояу арқылы салынатын көркем шығарма. Осы тұрғыдан кескіндеме қазір де қоғамдық күрестің құрамына айналады. Кескіндеме туындысы көрерменнің сезіміне, ойына әсер ету арқылы, оның бейнеленген шындықтан тәлім алып, өзінше өз қорытынды жасауына себепкер болады. Сонымен қатар қоғамдық тәрбиелік мәні зор деректемелік мағлұматтар да береді. Суреткер өмірді өз тұрғысынан қарап, оның түрлі құбылыстарын шығармаларында өзінше бағалайды. Кескіндеме нақтылап көрсетілетіндіктен, оның көрерменге әсері күшті. Кескіндеменің пайдаланылатын құралы - сәуле, бояу, рең. Сәуленің бояу реңдерімен нәзік астастыру арқылы өмір құрлыстарының айқын да шынайы көріністері жасалады. Суреткер шеберлерінің әсем көрінер жеріде осында. Заттың сыр сипатын, нәрсемен кеңістіктің қарым қатынасын, сәулемен көлеңкесінің құлпыруын қысқасы, кең дүниенің барлық жаратылысын, жарасымын тауып бейнелейді. Кескіндеменің тілінде нәзік те өткір тіл жоқ. Ол көрермендерді бірден баурайды, еліктіреді, қозғаған тақырыбымен толғандырады, оның данышпандық туындыларында адамзаттың мәңгі мақтанатыны да сондықтан. Суреткердің қылқаламына ілінген сол бір мезеттік көрініс заманының, сол дәуірдің ортасына сан алуан сырларын шертеді, сезім құбылыстарынан, жан тербелістерінен дерек береді, көрермен үнсіз тілдеседі. Кескіндеме туындылары жеке бір тұлғаны, дара көріністі бейнелеп қана қоймай күрделі сюжетпен үлкен оқиғаларды, шытырман соғыстарды да бейнелеп, олардың мәніні ашады. Нақтылы өмір шындығын кеңінен көрсетуде кескіндеменің ролі орасан зор. Кескіндеме - өнер әлеміндегі орасан зор, өзіне еліктіріп әкететін, сиқырлы аймақ. Ол адамзат дамуының таң шапағында, біздің тарихтан бұрынғы ата бабаларымыздың үнгірлерінде дүниеге келді. Сан ғасырлар бойына суретшілердің басшылыққа алған идеялары, олардың ұмтылыстары өзгеріп отырды., бір стильдің орның екінші стиль басты, бірақ бәрі бір кескіндеме жасап, дами берді.

Кескіндеме - ең ежелгі өнер. Мынандай бір аңыз бар: «Бірде грек суретшісі Зевксис сағағына толып тұрған жүзім суретін салыпты да, бояулары кепсін деп терассада қалдырыпты. Сөйтсе құстар суретті шын жүзім екен деп, бірінен соң бірі ұшып кеп шұқи бастапты» [5, 44б] .

Бәлкім мұндай оқиға өмірде ешқашан болмаған шығар. Бірақ, бұл аңыз кескіндеме өнері төңірегіміздегі сол қаз-қалпында айнытпай жеткізе алатынынан хабар бергендей. Бейнелеу өнерінің орыс тілінде «живопись» (суреттегі нәрсені өмірдегідей қылып тірілте бейнелеу) деп аталатыны да осыдан. Кез - келген бояу арқылы салынатын шығармалар сурет өнеріне жатады. Ол көне дәуірі мен қайта өрлеу дәуірінде де, Ежелгі Египетпен Грецияда да өмір сүрді. Басқа өнерлердің арасында кескіндеме суретшінің қырағы көзі шалғанның бәрін мейлінше толық бере алса керек. Сан жүздеген жылдар бойы ол табиғаттан үйреніп, дүниені қызғылықты ететіндердің бәрін бейнелеудің таңдай қақтыратын жаңа әдістерін ойлап тапты. Оны бейнелеу құралдары шексіз бай бола бастады. Сызықтардың өте батыл жүргізілуі бояулардың бай үндестігі, жарық пен көлеңкенің батыл күтпеген контрастары, бейнелеп отырған нәрсені орналастырудағы ойлы мөлшерлестік және айқын логика, қиялдың қызықты құбылмалылығы осының бәрі кескіндемеге өз міндеттерін шешу үшін берілген.

Кескіндеме өнеріндегі акварель техникасы.

Акварель деген атау латынның адиа - „су” деген сөзінен шыққан бұл сөз суға езілген бояуларды да, сол бояулармен салынатын шығармаларды білдіреді. Акварель бояулары қағаз бетіне мөлдіреп түседі, сол мөлдірлік акварель туындыларының ең басты қасиеті болып табылады. Мөлдір жағылғандықтан бояу астынан қағаздың өз түсі көрініп тұрады. Ал бояу қалыңырақ жағылатын жерлерге әлденеше бояу қабаты түсіріледі. Алайда соның өзінде де суретшілер акварель бояуының артықшылығын - оның мөлдірлігін жоғалтпауға тырысады. Акварель бояуының тағы бір өзіндік ерекшелігі сол, онда бір түс пен екінші түстің арасында айқын шек, кереғары айырмашылық болмайды олар бір - бірімен жымдасып, бір-біріне жігі білім бей, жұмсақ реңкпен жалғасып жатады. Акварельмен сурет салудың тиімді әдістері. Біріншіден , алғашқыда бояулармен өте жеңіл, заттың өзіне қарағанда әлдеқайда әлсіз және мөлдір болып келетін ортақ төсем жасай отырып, ал одан кейін кепкен алдыңғы қабат түсіру арқылы түсті біртіндеп күшейте отырып, құрғақ қағазда көп қабатты жұмыс жасауға болады. Екіншіден, тиісті түсті бірден барлық күшінде, мозайкадағы сияқты, ұсақ жағындылармен түсіре отырып, құрғақ қағаз бетінде, бірақ бір қабат етіп те жұмыс істеуге болады. Мұндай жекелеген жағындылар көрші бояу жағындылармен «дәнекерлене» отырып, бір түстен екінші түске біртіндеп көшуге мүмкіндік жасайды. Үшіншіден, дымқыл қағазға, түсті бірден түсіре отырып, бір қабат етіп те салады, бұл кезде бояу жағындылары азды - көпті жайылып, бір - бірімен араласып жатады. Акварель бояуында жұмыс жасау. Техникасында ақ тусті қолданылмайды. өйткені оның орнына қағазды өз түсі қолданылады. Акварель бояуының материальы - пигмент жабыстырушы зат. Акварель бояуларының плитка тәрізді қаттысы да фарфор ыдысқа салынған іркілдегі де, тюбик етіп қойған жұмсағыда болады. Акварель бояуларымен жұмыс жасағанда пигментті еріту үшін су пайдалынады. Акварель бояулары магазиндерде метериалдан және пласмассадан жасалған ыдыстарда сатылады. Лененградтағы “черная речка” фабрикасы жасаған бал аралас акварель бояуы ең жақсы сортты бояу болып табылады. Акварель болу үшін әдетте беті бұдырлақ (ватман немесе жартылай ватман ) қағаздарын пайдаланады. Ерте заманда акварельмен салатын суретшілер суреттерін ерекше әдіспен иленген ешкі терісіне - пергаментіне салған көрінеді. Акварель бояуына арналған қағаздың барлық түрі де таза зығырдан жасалған болу керек. Жылтыр қағаздарға қарағанда беті бұдырлақ (ватман немесе жылтыр ватман) қағаздарға акварель бояулары жұғады. Әрине, суреттің сыртқы көрінісіне және сапалы шығуына материалдарды сапасы да әсер етеді. Сондықтан да акварельмен жұмыс жасаған қағаз көтеріліп тұрмас үшін оны тегіс тақтайға керіп, жиектерін желімдеп алған дұрыс. Желімдерін ыңғайлы болуы үшін қағаздың жиектері тақтайдан үш - төрт сантиметр асып тұруы керек. Қағаз жиырылмай жақсы керілуі үшін ең алдымен сулаған щеткамен немесе дымқыл гупкамен сүртеді, содан соң желімді тақтайдың айналасына жағады да қағаздың әлгі артқы шеттерін қайырып жапсырады. Дайындалған қағазға суретті әбден кепкеннен кейін салу қажет.

... жалғасы

Сіз бұл жұмысты біздің қосымшамыз арқылы толығымен тегін көре аласыз.