БАСТАУЫШ СЫНЫПТАҒЫ МАТЕМАТИКА САБАҒЫ

Жұмыс түрі: Курстық жұмыс
Тегін: Антиплагиат
Көлемі: 42 бет
Таңдаулыға:

КІРІСПЕ
Егеменді елдің жас ұрпақтарын тәрбиелеу, талапқа сай білім беру, бүгінгі күннің уақыт күттірмес мәселелерінің бірі болып табылады. Себебі, Бізге баға жетпес білім капиталын дамытып және білім беруді бұрынғыдан да арттырып оған заман талабына сай форма беру қажет - делінген Қазақстан Республикасының Президенті Н.Ә.Назарбаевтің Қазақстан - 2030 бағдарламасында.
Зерттеудің өзектілігі: Қазақстан Республикасының орта білімді дамыту тұжырымдамасында: Бастауыш мектептің негізгі міндеттері - баланың жеке басының алғашқы қалыптасуын қамтамасыз ету, оның қабілетін ашып, дамыту, оқуға деген ықыласын, іскерлігін қалыптастыру, оқу, жазу, санау, қарым-қатынас ынтымақтастық тәжірибесінің берік дағдыларын меңгерту,-дей келіп, оқытудың жаңа мазмұны, тиімді әдістемелер мен педагогикалық технологиялар мәселелер бойынша жедел ақпарат беру үшін қазіргі коммуникациялар жүйесін жасау міндетін қояды.
Қазіргі заманның даму қарқыны мұғалімдер шығармашылығын жаңаша, ғылыми-зерттеу бағытында құруды талап етеді. Сондықтан ХХІ ғасыр -- инновациялық ғасыр, яғни, ақпараттандыру технологиясы дамыған заманда мемлекетіміздің болашағы -- жас ұрпаққа заман талабына сай білім беріп, жан-жақты дамуына ықпал ету мұғалімнен шығармашылық ізденісті,үлкен сұранысты талап етеді.
Қазіргі таңда бастауыш сыныпта математиканы оқытудың жаңаша формаларын ұйымдастыру жолдарын анықтау мақсатында курстық жұмыстың тақырыбын "Математика сабағында оқытудың жаңаша формаларын ұйымдастыру арқылы оқушылардың пәнге деген қызығушылығын арттырудың маңыздылығы." деп алуды жөн көрдік.
Зерттеу нысаны: бастауыш мектепте математиканы оқыту үдерісі.
Зерттеу пәні: бастауыш сынып математика сабағында оқушылардың пәнге деген қызығушылығын қалыптастыру ерекшеліктері.
Зерттеу мақсаты: математика сабағында оқытудың жаңаша формаларын және әдіс - тәсілдерінің тиімділігін анықтау.
Зерттеу міндеттері:
педагогикалық-психологиялық әдебиеттермен жұмыс жасау;
математика сабағында оқытудың жаңаша формаларын ұйымдастыру жолдарын анықтау;
оқушылардың оқу-танымдық іс-әрекеттерін зерттеу;
бастауыш сынып математика сабағында тиімді әдіс-тәсілдерді қолдану арқылы оқушылардың пән бойынша білім деңгейлерін арттырудың мүмкіндіктерін анықтау.
Зерттеу болжамы: егер бастауыш сынып математика сабағында оқытудың жаңаша формаларын қолдану арқылы оқушылардың ой-өрісі дамытылатын болса, онда олардың математикадан білім деңгейі, математикалық сауаттылығы жоғарылайды, болашақта өмірде алған білімдерін тиімді қолдана алады
Зерттеу әдiстері:
ғылыми әдістемелік еңбектерге мерзімді баспа сөз мақалаларын талдау, тәжірибелі мұғалімдердің іс тәжірибе нәтижелерін жинақтау,
педагогикалық бақылау, сауалнама салыстыру;
эксперименттік зерттеу мәліметтерін өңдеу.

БАСТАУЫШ СЫНЫПТАҒЫ МАТЕМАТИКА САБАҒЫ
Бастауыш сыныптағы математика пәнін оқытудың мақсат-міндеттері
Жеке тұлғаны тәрбиелеудің қажеттілігі мен қазіргі кезеңдегі математикалық білімінің рөлі мектепте математиканы оқытудың мақсатын анықтайды.Математиканы оқыту мақсатын анықтаудың әдіснамалық негізі демократиялық қоғамның жан-жақты дамыған белсенді құрылысшысын қалыптастыру, білімнің дүниеге ғылыми көзқарас пен практиканың арасындағы байланыс жайындағы ілім болып табылады. Қазіргі таңда жалпы білім беретін орта мектепке қойылатын жалпы талаптар: мектеп оқушыларының бойына Отанға сүйіспеншілік, үлкендерді, ата-аналар мен мұғалімдерді сыйлау сезімін дарытуға, жеткіншек ұрпақты оқу мен еңбектің сапасы үшін, өздерінің мінез-құлқы үшін жоғары жауапкершілік рухында тәрбиелеуге, оқушылардың өзін-өзі басқаруын дамытуға, экономиканы басқаруы сол арқылы өзін де, қоғамды да байлыққа кеңелтуі керек.
Бұл тұжырым математикалық білім берудің басты мақсатын анықтайды.
Математикамен бала күнінен айналысқан адамдар өзінің ілтипатын дамытады, миы мен еркін жаттықтырады, көздеген мақсатына жеткізетін жігер мен табандылықты қалыптастырады деген болатын А.И. Маркушевич.
Математиканы оқытудың негізгі мақсаттары: білім беру, тәрбиелеу, тәжірибелік, дамытушылық болып табылады. [1,5]
Математиканы оқытудың білім беру мақсаты:
барлық оқушылар математикалық білімнің барлық жүйесін терең және саналы меңгеруін қамтамасыз ету;
математикалық тілді меңгеруге үйрету;
оқушыларды бізді қоршаған ақиқат болмысты танып білудің математикалық әдістерін игеруге жәрдемдесу;
оқушыларды математикадан алған білім мен іскерліктерін оқуға және өз бетімен білім алу барысында белсенді түрде пайдалана білуге үйрету;
оқушыларды ғылым негізімен таныстыру;
оқушыларды математикалық сөйлеу және жазу мәдениетіне үйрету. [2,18]
Математиканы оқытудың тәрбиелік мақсаты:
математиканың қоғамдағы алатын орны туралы және оның
қоғамның, техниканың, ғылымның басқа салаларының дамуына байланысты дамитыны туралы мағлұматтарды қалыптастыру;
оқушылардың математикалық ойлауын дамыту, математикалық мәдениетке тәрбиелеу және оқушылардың математикаға деген тиянақтылығын қамтамасыз ету;
оқушылардың дүниеге ғылыми көзқарасын қалыптастыру;
оқушыларға адамгершілік пен эстетикалық тәрбие беру (еңбек
сүйгіштік, патриоттық сезім, әдемілікті сезіну);
математиканы оқыту үрдісінде оқушыларды саналы тәртіпке,
белсенділікке, бастаған ісін аяғына дейін жеткізе білуге, жауапкершілікке т.б. адамгершілік қасиеттерге тәрбиелеу;
оқушыларды математикалық құбылыстарды дұрыс талдауға
бағыттау;
оқушыларды математика ғылымына, математик ғалымдарға
сүйіспеншіліктерін тәрбиелеу.
Математиканы оқытудың тәжірибелік мақсаты:
оқушыларды алған теориялық білімдерін практикада қолдана білуге, практикалық (экономикалық, қоршаған ортаға байланысты) есептерді шығаруға;
математиканы физикаға, химияға, информатика, т.б. жаратылыстану пәндерінде қолдана білуге үйрету;
математикалық құралдар мен аспаптарды пайдалануға баулу;
оқушылардың өз бетінше білім алуына көмектесу (оқулықтар және ғылыми әдебиеттермен жұмыс).
Математиканы оқытудың дамытушылық мақсаты:
оқушылардың математикада логикалық қабілеттерін дамыту;
математикаға ықыласын, өз бетімен нәтижелі ойлау интеллектісін дамыту;
математикалық есте сақтау және ізденушілік, шығармашылық қабілеттерін дамыту;
математикалық объектілерді, қатынастарды, амалдарды тез және кеңінен қорытындылай білу қабілетіне баулу;
сандық және кеңістік қатынастар сферасында логикалық ойлау қабілетін дамыту. [4,17]
Л.С. Выготский өз зерттеулерінде дамудың жақын теориясын ұсынды. Бала қандай да бір іс-әрекетті өз бетімен орындай алмайды және ол әрекетті әуелі ересектердің жәрдемімен орындайды, содан соң барып өз бетінше орындай алады, өзекті даму деңгейіне көшеді.
Бастауыш білім беру деңгейінде математикалық білім берудің негізгі мақсатына сәйкес оқу пәні келесі міндеттерді айқындайды:
логикалық ойлауды, кеңістіктік елестетуді және математикалық терминдерді пайдалану біліктілігін дамыту;
оқу және тәжірибелік проблемаларды шешу, арифметикалық алгоритмдерді пайдалану, геометриялық салулар мен математикалық зерттеулер жүргізу қабілеттерін дамыту;
сын тұрғысынан ойлауды, шығармашылық қабілеттерді дамыту;
математиканы әлемді суреттеу, модельдеу және түсіну тәсілі ретінде қабылдау;
өзінің математикалық білімі мен біліктерін басқа пәндерді меңгеруде, сонымен қатар күнделікті өмірде қалай пайдалану керектігін түсіну;
білуге құштарлық, мақсаттылық, жауапкершілік, сенімділік және тәуелсіздік сияқты тұлғалық қасиеттерді дамыту;
түсінудің, түсіндірудің, талдаудың, синтездің, жүйелеудің, қолданудың және суреттеудің когнитивтік дағдыларын дамыту;
коммуникативтік және әлеуметтік дағдыларын, топпен жұмыс істеу және өз көзқарасын білдіру, басқа адамдардың пікірін құрметтеу, көшбасшылық қасиеттерін көрсету, өз жұмысын жазбаша және ауызша түрде таныстыру дағдыларын дамыту;
ақпаратты іздестіру және таңдау, өз уақытын басқару, өзін-өзі реттеу дағдыларын дамытуға негізделген. [6,4]
Осылайша, біз қазіргі уақытта бастауыш мектепте математика сабағы ұғымы қоғамда, әдебиетте жақсы ашылғанын көріп отырмыз. Онжылдықтар бойы оның мақсатты бағыттылығына, мазмұнына, оқыту әдістері мен құралдарының үйлесімділігіне көзқарастар іс жүзінде өзгеріссіз қалып отыр.
1.2 Бастауыш сыныптардағы математика сабағы
Бастауыш мектепте білім берудің маңызды міндеттері барлық пәндерді оқыту процесінде іске асырылады. Алайда олардың әрқайсысының өзіндік ерекшелігі бар.
Бастауыш мектепте математиканы оқыту кезінде алынған Пәндік білім мен білік, бастапқы математикалық тілді меңгеру аралас пәндерді оқыту үшін тірек болып табылады, жалпы білім беретін мекемелердің жоғары сыныптарында оқытудың негізі болып табылады.
Сонымен қатар, бастауыш мектепте бұл пән оқушылардың танымдық іс-әрекеттерін, бірінші кезекте логикалық, оның ішінде таңбалы-символдық, сонымен қатар жоспарлау (міндеттер бойынша іс-әрекеттер тізбегі), білімді жүйелеу және құрылымдау, ақпаратты түрлендіру, модельдеу, жүйелік ойлау элементтерін қалыптастыру, есептеу дағдыларын қалыптастыру сияқты дамытудың негізі болып табылады. Әмбебап оқу әрекеті ретінде есептерді шешуді жалпы қабылдауды қалыптастыру үшін математиканың ерекше маңызы бар. Осылайша, математика оқушы тұлғасын дамытудың тиімді құралы болып табылады.
Психологтар, атап айтқанда А. В. Запорожец дидактикалық ойынның рөлін бағалай отырып, дидактикалық ойын білім мен шеберлікті меңгерудің ғана емес, сонымен қатар баланың жалпы дамуына, танымдық қызығушылықты, танымдық қабілеттерін қалыптастыруға ықпал ету керектігін әділ көрсетеді. [8,24]
Математикалық білім беру тұжырымдамасының жалпы ережелерін негізге ала отырып, математиканың бастапқы курсы келесі міндеттерді шешуге арналған:
бастауыш сынып оқушыларының логикалық және абстрактілі ойлауын қалыптастыру үшін жағдай жасау;
пәндік және интеграцияланған өмірлік тапсырмаларды шешу негізінде әрі қарай оқу үшін қажетті пәндік және жалпы оқу біліктерінің жиынтығын қалыптастыру;
практикалық қызметте қолдану үшін, аралас пәндерді оқу үшін, білімді жалғастыру үшін қажетті математикалық білім мен білік жүйесін берік және саналы меңгеруді қамтамасыз ету; зияткерлік дамуды қамтамасыз ету, математикалық қызметке тән және қоғамдағы толыққанды өмірге қажетті ойлау сапасын қалыптастыру;
жалпыадамзаттық мәдениеттің бір бөлігі ретінде математика туралы түсінік қалыптастыру, математиканың қоғамдық прогреске маңыздылығын түсіну;
оқушыларға саралап қарау негізінде математикаға тұрақты қызығушылық қалыптастыру;
стандартты емес, қызықты сипаттағы тапсырмалар негізінде математикалық және шығармашылық қабілеттерін анықтау және дамыту.
Математика курсының пәндік мазмұнын меңгеру нәтижесінде оқушыларда пәндік, метапредмет және жеке нәтижелерге қол жеткізуге мүмкіндік беретін әмбебап оқу іс-әрекеттерін (танымдық, реттеушілік, коммуникативтік) қалыптастыру болжанады.
Қазіргі білім беру нәтижесіне қойылатын талаптар оқушылардың әмбебап оқу іс-әрекеттерін (танымдық, реттеушілік, коммуникативтік) қалыптастыруды көздейді. Бұл іскерлікті толық көлемде дамыту әдістемелік ұсынымдарда сипатталған технологиялар мен әдістемелер негізінде ұсынылатын математика курсының мазмұнымен жұмысты болжайды. [9,32]
Танымдық: ұсынылған математика курсында оқылатын анықтамалар мен ережелер объектілердің белгілері мен қасиеттерін анықтау біліктерін қалыптастырудың негізіне айналады. Есептеу, өлшеу, есептерді шешу процесінде оқушыларда негізгі ойлау операциялары (талдау, синтез, жіктеу, салыстыру, аналогия және т. б.), негізделген және негізсіз пайымдауларды ажырата білу, Оқу есебін шешу кезеңдерін негіздеу, ақпаратты талдау және түрлендіру. Математика курсында қарастырылған тапсырмаларды шеше отырып, логикалық ойлаудың түрлі деңгейін талап ететін математикалық мазмұнмен жұмыс жасаудың жеке жолдарын құруға болады.
Реттеушілік: математикалық мазмұн осы білік тобын дамытуға мүмкіндік береді. Жұмыс барысында бала өз қызметінің мақсатын өз бетінше анықтауды, оны жоспарлауды, берілген жоспар бойынша өз бетімен қозғалуды, алынған нәтижені бағалауды және түзетуді үйренеді(мұндай жұмыс оқулықтың өзінің құрылымымен берілген).[9,36]
Коммуникативтік: Математиканы оқыту барысында математикалық тілмен танысу жүзеге асырылады, сөйлеу іскерліктері қалыптасады: балалар математикалық терминдер мен ұғымдарды пайдалана отырып, пікір айтуға, тапсырманы орындау барысында сұрақтар мен жауаптарды тұжырымдауға, орындалған іс-әрекеттің дұрыс еместігін немесе дұрыс еместігін дәлелдеуге үйренеді, оқу міндетін шешу кезеңдерін негіздейді. Оқулықтың тапсырмаларына сәйкес жұмыс істей отырып, балалар шағын топтарда оқулықта берілген жобаларды орындай отырып, жұптасып жұмыс істеуге үйренеді.
Жалпы зияткерлік күш-жігерді және практикалық іс-әрекеттерді қолдана отырып, нәтижеге жету қабілеті заманауи адам үшін маңызды іс-әрекет болып табылады.
Математиканы оқытудың білім беру және тәрбиелік міндеттері кешенді түрде шешіледі. Курстың әдістемелік аппаратының негізінде проблемалық-диалогтық технология, оқырман қызметінің дұрыс типінің технологиясы және оқушылардың жоғары дербестік дәрежесімен білім ала білуін қалыптастыруға мүмкіндік беретін жетістіктерді бағалау технологиясы жатыр. Бұл ретте бастауыш сыныптарда проблемалық жағдай дидактикалық ойында табиғи түрде құрылады. [10,47]
Тақырыптық жоспарлау мазмұнның құрылымын ғана бейнелейді және ең алдымен танымдық әмбебап оқу әрекеттерін дамытуға бағытталған, бұл пәннің өзіндік ерекшелігіне негізделген. Бұліс-әрекеттеркіреді:
қажетті ақпаратты іздеу және бөлу; ақпараттық іздеу әдістерін қолдану, соның ішінде компьютерлік құралдардың көмегімен;
ауызша және жазбаша түрде сөйлеу сөзін саналы және еркін құру;
нақты жағдайларға байланысты міндеттерді шешудің ең тиімді тәсілдерін таңдау;
іс-әрекеттің тәсілдері мен шарттарын рефлексия, іс-әрекеттің нәтижелері мен процесін бақылау және бағалау;
түрлі жанрлардағы тыңдалған мәтіндерден қажетті ақпаратты алу;
негізгі және екінші дәрежелі ақпаратты анықтау;
мәселені қою және тұжырымдау, шығармашылық және іздеу сипатындағы мәселелерді шешу кезінде әрекет алгоритмдері өзбетінше құру
үлгілеу-объектінің маңызды сипаттамалары (кеңістіктік-графикалық немесе таңбалық-символикалық) көрсетілген нысанды сезімдік формадан үлгіге түрлендіру);
белгілерді (елеулі, елеуліемес) бөлу мақсатында объектілердіталдау);
синтез-бөліктерден бүтін құрастыру, оның ішінде жетіспейтін компоненттерді орнына толтыр аотырып, өзбетінше аяқтау;
себеп-салдар байланыстарын анықтау, объектілер тізбегін және құбылыстарды ұсыну;
ойдың логикалық тізбегін құру, тұжырымдардың ақиқаттығынталдау;
дәлелдеу;
гипотезаларды ұсыну және олардың негіздемесі;
проблеманы қалыптастыру, шығармашылық және іздеу сипатындағы мәселелерді шешу тәсілдерін дербес құру.
Оқу міндеті-негізгі сәт. Бір жағынан ол оқытудың жалпы мақсаттарын бейнелейді, танымдық себептерді нақтылайды. Екінші жағынан, оқу іс-қимылдарын орындау процесін ұғынуға мүмкіндік береді. [11,52]
П. Я. Гальперин бойынша ақыл-ой әрекеттерін кезең-кезеңмен қалыптастыру теориясының кезеңдері:
іс-әрекет мақсатында алдын ала танысу;
іс-әрекеттің бағдарлы негізін жасау;
іс-әрекетті материалдық түрде орындау;
әрекетті жетілдіру;
әрекетті автоматтандыру;
іс-әрекеттіақыл-ой тұрғысынан орындау.
Оқу тапсырмалары сабаққа әдетте осындай ретпен құрылады:
еліктеутапсырмалары;
білімді өзбетінше қолдануды талап ететін жаттығу тапсырмалары;
бұрын алған білімдерін, іскерліктерін және дағдыларын қолдануды талап ететінжаттығу тапсырмалары;
ішінара-іздеу және шығармашылық тапсырмалар.
Математика сабағының ең көп тараған түрі-аралас сабақтар. Аралас үлгідегі сабақтардың сыртқы құрылымы әртүрлі болуы мүмкін. Мысалы:
бұрын зерттелген материалды бекіту және тексеру;
жаңа материалды зерттеу;
осы материалды бекіту;
үйге тапсырма;
бағалау.
"Математика" пәнінің өзіндік ерекшелігі кіші мектеп оқушыларын оқытудағы негізгі нәрсе-әртүрлі үйлесімдегі көрнекі-вербалды құралдар болып табылады. Математика сабағы оқытудың көрнекі және техникалық құралдарын кешенді қолданумен сипатталады.[11,63]

МАТЕМАТИКА САБАҒЫНДА ОҚУШЫЛАРДЫҢ БІЛІМ ДЕҢГЕЙЛЕРІН ЖЕТІЛДІРУДЕ ОҚЫТУДЫҢ ЖАҢАША ФОРМАЛАРЫН ҰЙЫМДАСТЫРУ ЖОЛДАРЫ
2.1 Математика пәнін оқытудағы жаңаша әдіс - тәсілдер
Бүгінгі таңда жеке тұлғаны емес, оның даму үрдісін басқару қажеттігі айқындалып отыр. Білім алушының түрлі ақпараттың толассыз ағынында бағытталуы қиынға түсіп отыр, ол үшін оның талдау, құрылымдау, жүйелеу, мәселені шешу дағдылары жетік дамытылуы тиіс. Ал бұл, педагог жұмысындағы тікелей жасалатын әдістерден бас тартылып, артық дидактизмнен, ғибаратты сарыннан тежелуді; оның есесіне бірінші орынға қарым-қатынас жасаудың сұхбаттық әдістерін, шындықты бірлесіп іздеуді, сан алуан шығармашылық әрекетті тәрбиелеуші шарттарды жасау арқылы дамытуды білдіреді.
----------------------------------- ----------------------------------- ----------
Білім бере отырып, тиімді жолмен жаңа заман тұлғасын қалыптастыру әр ұстаздың мақсаты екені анық. Білім мазмұнын жаңартудың ғылыми негізіне оқушы белгілі бір қажетті біліктер мен дағдылардың иесі, оқу әрекетінің субъектісі, әр түрлі мәдениеттер мен өз көзқарасы тұрғысынан білімді, сауатты, өз ойын дұрыс әрі шебер жеткізе білетін, мәдениетті тұлға.
Сыни ойлау - ашық қоғам негізі. Сыни ойлау деген - әр жеке тұлғаның кез - келген жағдайдағы мәселені ойлап, зерттеп қорытып, өз ойын еркін ортаға жеткізе алуы. Сыни тұрғыдан ойлау, өзіндік, жеке ойлау болып табылады. Ол - өз алдына сұрақтар қойып және үнемі оларға жауап іздеу, шешімін табуды қажет ететін мәселені анықтау, әр мәселеге байланысты өз пікірін айту, оны дәлелдей алу, сонымен қатар басқалардың пікірлерін дәлірек қарастыруды және сол дәлелдемелердің қисынын зерттеу дегенді білдіреді.
Қызығушылықты ояту әдісі.Үйрену процесі - бұрынғы білетін және жаңа білімді ұштастырудан тұрады. Үйренуші жаңа ұғымдарды, түсініктерді, өзінің бұрынғы білімін жаңа ақпаратпен толықтырады, кеңейте түседі. Сондықтан да, сабақта қарастырылғалы тұрған мәселе жайлы оқушы не біледі, не айта алатындығын анықтаудан басталады. Осы арқылы ойды қозғату, ояту, ми қыртысына тітіркенгіш арқылы әсер ету жүзеге асады.
Өрмекші әдісі білім алушыларға постерге өрмекшінің сұлбасын сала отырып, басына тақырыпты, денесіне өзекті ойларды, аяқтарына тірек сөздер арқылы шешу жолдарын жазып, өз ойларын тиянақтап пысықтайды.
Coдaн кeйін білім алушылар құpacтыpылғaн cөздepді aтaп, қыcқaшa түcінік бepіп өтті. Бұл тапсырма топтық жұмыс ретінде берілді. Яғни үш топқа үш сөз берілді. Осы тапсырманы орындаy барысында 2-топ білім алушыларды өздерін ерекше қырынан көрсетті. Олар топпен емес, тапсырманы жеке дара орындай бастады.
Төменде аталып өтілетін түрлі әдіс-тәсілдерді жүйелі түрде оқытушылар жоспарланған сабақтарына кіргізіп, қолдануы жеке тұлғаның дамуына, жаңа ақпараттарды меңгеруіне сепігі тиеді деген сеніммен ұсынамын.
Әдіс түрлері:
- Ойын түрлері;
- Жеке және жұптық, топтық жұмыстар;
- Оқушылардың өз бетінше іс-әрекеттері;
- Нақты жағдайлар, олардың нәтижесін жасау;
- Сұрақтар қоюда ынталандыру (СТО-ға үйрету);
- Оқыту мәселелері.
"Ыстық орындық" әдісі. Берілген тапсырмаға байланысты қойылған сұрақтарға жылдам жауап беру керек, себебі, орындық ыстық.
"Автор орындығы"оқушының өзі жазған шығарма, эссесін оқытқанда отырғызып оқытуға болады. Бұл әдістер үй тапсырмасын сұрауда, өткен сабақты бекітуде тиімді.
Миға шабуыл стратегиясы
Тақырыпқа байланысты идеяларды көбірек жазыңыз. Уақыт аяқталғанда кезектесіп өз идеяларыңызды оқисыз, идея қайталанбау керек. Қайталанған идеяларды сызып тастап отырыңыз. Мысалы: "оқушылар мектепті тастамас үшін не істеу керек?"
"3 таяқша" әдісі. Берілген тақырыпқа байланысты 1 сұрақ, 1 жауап, 1 идея әр топ даярлап, көпшіліккесалады.
Бинго ойыны.Лотоға түскен сандарға байланысты сұрақтар беру.
Мысалы: 16 - сұрақ. Сабаққа не үшін келдіңіз? Алдымен оқушыларға жауап бергізіп, соңынан дайын жауапты ашу, салыстыру. Әдіс алмасу үшін
Өзіңізді тексеріңіз әдісі Бұл мәлімет ШЫНДЫҚ па немесе ЖАЛҒАН ба? Өткен тақырып бойынша мысалдар келтіріледі. Мысалдарды оқу кезінде, оқушылар ол келтірілген мысалдардың өткен тақырыпта бар, жоғын анықтайды.
Он сұрақ! әдісі.
(Негізгі сөзді табу) Оқушы бір сыныптасын таңдап алады және оның маңдайына негізгі сөз жазылған стикерді жапсырады (немесе қолына ұстатып, қолын жоғары көтеріп ұстау) - қатысушы сыныпқа 10 сұрақ қоя алады, оған жауап не ИӘ, не ЖОҚ деп беріледі.
Серпілген сауал әдісі Тақырыптың түсіну деңгейін арттыруға және талқылау дағдыларын дамытуға қол жеткізу үшін сыныптағы оқушылардың арасында сұрақтарды лақтырыңыз. Мысалы,
- "Самат, Рахаттың жауабы туралы сен не ойлайсың?"
- "Самал, Айгүлдің жауабын барынша кеңейту үшін оны қалай дамытуға болады?"
- "Қанат, естігеннің барлығын бір жауапқа қалай біріктіруге болады?"
Құпия зат - Мына зат бойынша 5 сұрақ құрастырыңыз: Бұл не? деп сұрамаңыз
9 - ромб әдісі. Қатысушыларға айтарлықтай маңыздысын анықтап, талқылау үшін тізім беріледі. Тізімнің әрбір тармағын үлкен ромбылы торға орналастыру қажет. Маңызды тармақтарды әдетте ромбының жоғарғы жағына, ал оншалықты маңызды еместерін төменгі бөлігіне орналастырады. Әр қатарда орналасқан тармақтардың маңызы бірдей. Кейбір топтар ең маңызды карточкаларын орталықта орналастыра алады (екі нұсқасы сәйкес келеді, себебі тапсырманың маңызды элементі топтағы талқылау үдерісі болып табылады). Ромбының нысаны топқа бір қатар басымдықтар мен перспективаларды қамтуға мүмкіндік береді.
Кері байланыс түрлері. Алма ағашы әдісі. Оқушыларға сабақ басында екі түсті "алма" беріледі. Сабақ соңында оны алма ағашына ілу керек. Жасыл түсті алма - мен бүгін бәрін жақсы орындадым деп ойлаймын: менің көңіл - күйім көтеріңкі.
Қызыл түсті алма - мен тапсырманы орындай алмадым, көңіл - күйім жоқ.
Бір сөзбен әдісі - Оқушылар өздеріне берілген 12 сөздің ішінен, өздерінің бүгінгі сабақтағы жағдайын сипаттайтындай 3 сөзді таңдап айтады.
Төзімсіздік, Ашу, Қуаныш, Немқұрайлылық, Қанағаттану, Шабыт, Зерігу, Алаңдау, Тыныштық, Сенімділік, Сенімсіздік, Рахаттану.
Табыс сатысы әдісі: кәдімгі сатының суреті, сатының
1 - баспалдағы Мен ... ... ... БІЛЕМІН
- баспалдағы Мен ... ... ... ТҮСІНЕМІН
- баспалдағы Мен ... ... ... ЖАСАЙ АЛАМЫН
Таңдау әдісі.
Мен үшін сабақ қызықты _____________ қызықсыз болды деп ойлаймын.
Мен сабақта: үйрендім көп нәрсені _____________ үйренгенім аз болды.
Мен басқаларды мұқият ______________ зейінсіз тыңдадым.
Мен пікірсайыстарға жиі ______________ сирек қатыстым.
Мен сабақтағы өз жетістіктеріме ризамын ____________ риза емеспін. Бұл карточканы таратып бергенде оқушылар өздерінің сабаққа қатысу деңгейі мен сабаққа деген ынтасын білдіретін сөйлемдердің бірінің тұсына + белгісін қою тапсырылады.
Кері - байланыс әдістерінің бірі: Тазалық ойыны. Қатысушыларға бір парақ беріледі. Онда мыналар салынған:
Чемодан(суреті)
Қоқыс жәшігі (суреті)
Ет тартқыш (Суреті)
- Оқушылар, бүгінгі тақырып бойынша алған керекті ақпараттарыңызды чемоданға салыңыздар (жазыңыздар), бүгіні сабақтағы керек емес болған, артық дүниені қоқыс жәшігіне салыңыздар (жазыңыздар).
Ал бүгінгі ақпараттың ішінде әлі оқуым керек, толықтыруым керек дегендері болса, ет тартқышқа салыңыздар (жазыңыздар).
Осы әдіс тәсілдерді Шоқан Уәлиханов атындағы Әулиекөл орта мектебінде сабақтарымда үнемі кері байланыс ретінде пайдаланып отырдым. Соның нәтижесінде Мысалы, 4 сыныпта " Бір бағыттағы қуып жету және қалып қою қозғалысы" тақырыбының жаңа сабақты түсіндіру кезінде Қысқы ойындар әдісін қолданды. Әрбір ойыншы өз парақшаларын аралас - тырып, үстел үстіне сандарын төмен қаратып орналастырады. (Нұсқалары: 2 Х 5; 4 Х 5; 5 Х 4.) Сосын ойыншылар өз парақшаларын қандай ретпен ашатынын келіседі.
Ойын тәртібі: Бірінші ойыншы жоғары қатардың сол жағын - дағы бірінші парақшаны ашады.Екінші ойыншы да өз жиынтығынан жоғары қатардың сол жағындағы бірінші парақшаны ашады. Ойыншылар сандарды салыстырады. Кімнің қолындағы сан артық болып шықса, екі парақша да соның қолына көшеді.Егер екі ойыншының қолындағы сандары тең болса, онда парақшалар әркімнің өзінде қалады.Барлық парақшалар аяқталғанша ойын жалғаса береді. Кімнің қолында көп парақша қалса, сол жеңіске жетеді.
Ал, сабақты қорытындылау мақсатында Табыс сатысы әдісін қолданған.
1 - баспалдағы Мен 11- ден 20-ға дейінгі сандарды білемін.
2 - баспалдағы Мен бір таңбалы екі таңбалы сандарды салыстыруды түсінемін.
3 - баспалдағы Мен 11-ден 20-ға дейінгі сандардан өрнек құрастыруды жасай аламын. Сабақ өте жоғары деңгейде өтілді.
Қазіргі таңда оқу сабақтары барысында оқытудың интербелсенді әдістері және интербелсенді құралдардың көмегімен мұғалімнің, оқушының шығармашылықпен жұмыс істеуіне жол ашылып отыр. Сондықтан оқу- тәрбие үдерісінде үнемі жаңа оқыту құралдарының мүмкіндіктерін ұтымды пайдаланып, оған білім алушыларымызды үйрету - әр педагогтың басты міндеті деп, Білім алу - батылдық, оны толықтыру - даналық, ал шебер қолдана білу - өнер деген нақыл сөзбен қорытындылаймын.
2.2 Интерактивті оқыту әдісін математика сабағында пайдаланудың тиімді жолдары
Білім негізі - бастауышта демекші, қазіргі кезде бастауыш мектептің оқу-үрдісіне, тәрбиесіне қойылатын талаптар даму үстінде сонымен қатар мұғалімдердің дайындығына, кәсіптік шеберлігіне қойлатын талаптар да өзгеруде. Осыған байланысты мұғалім оку-тәрбие үрдісін интерактивті технологияға негіздеп ұйымдастырғаны жөн.
Компьютер және интерактивті құралдар арқылы жасалып жатқан оқыту процесі оқушының жаңаша ойлау қабілетін қалыптастырып, оларды жүйелік байланыстар мен заңдылыктарды табуға итеріп, нәтижесінде- өздерінің кәсіби потенциалдарының қалыптасуына жол ашу керек. Бүгінгі таңдағы ақпараттық қогам аймағында, оқушылардың ойлау қабілетін қалыптастыратын және компьютерлік окыту ісін дамытатын жалпы заңдылықтардан тарайтын педагогикалық технологияларды ғана тиімді деп санауға болады.[16,82]
Оқушылардың интерактивті құралдар көмегімен қалыптасатын және жүзеге асырылатын ойлау қабілеті бұрынғы технологиялар арқылы берілетін ойлау жүйесінен өзгеше болатындықтан, тек ойлау қабілеті түсінігі ғана емес, қабылдау, есте сақтау жоғарға деңгейде болады.
Интерактивті оқыту- көпқырлы құбылыс. Білім алушы белгілі бір педагогикалық мәселені шешуде өзінің білетінін есіне түсіреді, білімін басқалардың идеяларымен толыктырады, жаңа тәсілдерді меңгереді, өзінің стратегиялық бағытын анықтайды. Субъектілер арасындағы бірдей белсенділік жағдайында өтетін мұндай білім алу процесі бір мезгілде бірнеше міндетті шеше алады: танымдық, коммуникативтік, дамытушылық, интеллектуалдық сонымен бірге білімді әлеуметтендіру,демократиялау, гумандандыру. Бұл қазір құзырлылық деп аталып жүрген жаңа басымдылықтар.
Білімді арттыруды қазіргі қолданыстағы педагогикалық технологияларды пайдалануга болатынын өз тәжірибемізге сүйеніп толық айта аламыз. Олардын басқа жеке, топтық, ұжымдық жұмыстар жүргізу, окытудың интерактивті әдістерін еңгізу жұмыстың тиімділігін арттырады. Интерактивті оқыту диалог, полилог жағдайында жаңа білімді меңгеруге бағытталған бірлескен танымдық әрекет.[17,36]
Ал М.В.Кларин: Интерактивті оқытудың тиімділігі интерактивті ойындар мен жаттығуларға негізделген, - деген ойын айтады. Клариннің анықтамасы бойынша қазіргі оқу үрдісі интерактивті әдістерге негізделгендіктен бұл ұғымды жиі кездестіруге болады. Интерактивті оқыту ағылшын тілінен аударғанда interactive learning арнайы ұйымдастырылған оқушы мен мұғалімнің бірлескен іс-әрекеті және ол ойындар мен жаттығуларға негізделген. Интерактивті оқытудың негізі тікелей оқушылардың оқу ортасымен байланысты. Бұл ұғымды терең түсіну үшін әсіресе окушылардың іс-тәжірибесін білім алудың қайнар көзі деп түсіну керек. Дәстүрлі оқытуда мұғалім оқу ақпаратын фильтр секілді өзінен өтікізіп оқушыға жеткізеді, ал интерактивті оқытуда көптеген ақпарат басылымдары іс-әрекетке көмекші рөлін атқарады.
Интерактивті оқытуда сабақ өткізу кезінде мұғалім кеңесші, серіктес рөлін атқарады. Ал топ белсенді түрде әрекет ете отырып, бірін-бірі қолдау, толықтыру арқылы сұхбат құруға үйренеді. Екі оқушының сұхбатына үшіншісі де араласа алады. Ол қарсы топтың окушысы болуы да мүмкін. Қарсы топтан болғандықтан ол сұхбатқа өзінің сұрағымен немесе екі оқушының сұхбатында айтылмаған тақырыпқа катысты тың дерегімен де кіре алады. Мұны полилог дейді. Бұл білім алуды жеделдетеді және кездескен қиындықтарды жеңуге көмектеседі.
Үйреніп жатқан пәнге деген қызығушылығы артады. Яғни, өз қажеттілігі үшін үйренуге ынтасы артады; өзіне бөлінген тақырып бойынша сөйлеу барысында ойлануға, ізденуге, шығармашылықпен жұмыс істеуге тіпті өзінің бүкіл түйсігін, сезімін белгілі бір мәселеге жұмылдыруға үйренеді; оқушылар топ болып, жұп болып әрекет етуге үйренеді. [15,11]
Бұл тәсілмен өткізілген сабақта мұғалім әр оқушыға жеке көңіл бөле алады. Себебі әрбір оқушының жеке өзіне ғана бөлінген тапсырмасы болады. Мұнда әр оқушы өз жұмысының нәтижелі болуын көздейді. Сөйте тұра олар, топ болып, жұп болып жұмыс істейтіндіктен бірлескен әрекеттерінің де жеткілікті болуын мақсат етеді. Сондықтан білімі төмен окушылар озат оқушылардан кей жерлерде тапсырманың орындалу барысынан көмек алса, ал озат окушылар топтыңәрекетте артта қалмауы үшін серіктесіне көмек береді. Осылайша интерактивті оқыту оқушыларды мәселені бірігіп шешугеүйретеді. Бірігіп жұмыс істеу әрі жеңіл, әрі қызық, әрі тиімді. Үйреншікті әдіс- тәсілдер баланы қызықтырмайды.
Сондықтан қайткенде баланың ойына , сезіміне серпіліс ендіруді мақсат етіп қою керек. Сан алуан әрекет арқылы ақыл-ойды ұштау, жетілдіру, жеке тұлғаның өзіндік идеясын, көзқарасын, сенімділігін, жауапкершілігін біртіндеп дамыту жолдарын іздестіру бүгінгі қажеттілік. Мектептің негізгі құндылығы оқушы десек,оған жеке тұлға ретінде қарау міндетіміз. Білім беру саласында оқытудың ақпараттық жаңа құралдары игі әсерін тигізеді, өзін -өзі дамытып, оқу - тәрбие үрдісін тиімді ұйымдастыруға көмектеседі.
Мектепте оқытуды ұйымдастыратын бірден бір нұсқа сабақ болса, сабақтың нәтижелі болуына ықпал ететін нұсқа сол сабақты өткізудің әр түрлі әдіс-тәсілдері, яғни жаңашыл сабақ.
Сабақтың тиімділігін арттыру және оқушылардың математика пәніне қызығушылығын тудырудың жолдарының бірі - сабақ барысында оқушылардың алған білімін баяндауға ынталылығын, есептің текстік мазмұнының тартымдылығын арттыру керек.Оқушы назарын аударатын, ойына түрткі болатын математика туралы қызығушылықты материалдар, әр-түрлі қызықты тартымды есептер, математикалық софизмдер мен ойындар сабақ үстінде өзінің орнын табу керек. Мұндай есептер оқушылардың математикаға деген ынта- ықыласын арттырып, есептерді өздігінен шешуге итермелейді, логикалық ой-өрісін дамытады. Қызғылықты есептер мен математикалық ойындар әсіресе бастауыш сыныптар үшін пайдалы.Оқушылар бірсарынды есеп шығарудан шаршамас үшін әр түрлі математикалық жарыстар, ойындар ұйымдастырылғаны жөн. [18,21]
Мысалы өткен сабақта пысықтағанда оқушылардың ынтасын топтар арасында эстафеталар немесе ер балалар мен қыздар арасында ұйымдастыруға болады.
Зымыран, киіз үй құрастыру, шыңның басына шығу, жалаушаны бұрып алу, аламан бәйге, ойындары арқылы сайыс сабақтарында деңгейлік есептерді шығару үнемі оң нәтижелер беріп, оқушылардың ынтасын арттырып, сабаққа құлшынысы күшейеді. Төменгі сыныптар үшін ертегі сабақ, сайыс сабақтардың маңызы зор. Көрнекіліктер әдемі, ойын түрлері қызғылықты болған сайын оқушы белсенділігі артатыны сөзсіз. Бұл пәнге барлық оқушы бірдей жақсы болуы мүмкін емес. Ол оқушы санасына байланысты мәселе. Десе де көтермелеу , мадақтау, қызықтыру арқылы белсенділігін, қызығушылығын арттыруға болады.
Мысалы бөлшектер тарауын өткенде мақта қыз ертегісінің кейіпкерлерін сабаққа қатыстырып, олардың мақта қызға берген тапсырмаларын орындатамыз. Осылайша толық тарауды өтіп болғанша Мақта қызбен бірге оған берген тапсырмаларды орындаумен боламыз. Бұл тәсіл балаларды ұйымшылдыққа, мейірімділікке, бауырмалдыққа баулиды. Мүғалім үнемі оқушының ойлау белсенділігін арттырып, білімге қызығушылығын тудырғанда ғана сабақ мақсатына жетеді.
Сабақ оқушыларды жалықтырмайтын және біркелкі болмас үшін мұғалімнің әрбір сабағы оқушы сезіміне, ынта ықыласына әсер етуі керек. Оқушылардың пәнге деген қызығушылығын арттыру- мұғалімнің өз еңбегін жаңаша ұйымдастырып, ізденімпаздығын қалыптастыру, эксперименттік мәні бар тапсырмаларды шештіру, ой таласын жасау, танымдық ойындар ұйымдастыру арқылы іске асады.
Оқушыларға қиындық әкелетін есептер - ол теңдеу құруға берілген есептер.
Теңдеу құру - есептің мазмұнын математика тіліне аудару болып табылады. Сонымен қатар геометриялық есептерді шығару кезінде оқушылар көптеген қиыншылықтарға ұшырайды. Жалпы есеп шығаруда оны талдаудың маңызы зор. Осы арқылы есептің дұрыс тәсілін табуды үйреткен дұрыс. Жалпы біздің мақсатымыз есепті оқушыға дәл және оңай жолмен жеткізу болып табылады.
Соңғы жылдары заман ағымына сай күнделікті сабаққа жаңа педагогикалық технологиялар, компьютер, электрондық оқулық, интерактивті тақта қолдану жақсы нәтиже берді.
Білім беру жүйесі электрондық байланыс, ақпарат алмасу, интернет, электрондық пошта, телеконференция, On-line сабақтар арқылы іске асырылуда. Жаңа технологияларды қолданудың ерекшелігі - оқушыларға өз бетімен немесе бірлескен түрде шығармашылық жұмыспен шұғылдануға, ізденуге, өз жұмысының нәтижесін ... жалғасы

Сіз бұл жұмысты біздің қосымшамыз арқылы толығымен тегін көре аласыз.