Химия мамандығы

Жұмыс түрі: Реферат
Тегін: Антиплагиат
Көлемі: 9 бет
Таңдаулыға:

"Ақмола облысы білім басқармасының

Целиноград ауданы бойынша білім бөлімі

"Талапкер ауылының жалпы орта білім беретін мектебі"

коммуналдық мемлекеттік мекемесі

«Химия пәнін оқытуда оқушылардың функционалдық

сауаттылығын арттыруға арналған тапсырмалар»

Боксенова Ардак Габитовна

Химия пәнің мұғалімі, педагог-зерттеуші

2023 жыл

Мазмұны

Жұмыс тәжірибесінің сипаттамасы 3

І. Кіріспе 4-5

ІІ. Негізгі бөлім 6-7

2. 1. Химиялық элементтердің периодтық жүйесі 7-8

2. 2. Металдар және бейметалдар 8-13

2. 3. Сутек. Су. Оттек 13-15

2. 4 Ерітінділер 15-16

2. 5 Бейорганикалық қосылыстардың негізгі кластары 16-18

ІІІ. Қорытынды 19

ІV. Қолданылған әдебиеттер тізімі 20

Жұмыс тәжірибесінің сипаттамасы:

1. Тәжірибе авторы туралы мәліметтер

Боксенова Ардак Габитовна

Ақмола облысы, Целиноград ауданы, Талапкер ауылының жалпы орта білім беретін мектебі
педагогикалық өтілі - 24 жыл
санаты - педагог -зерттеуші
оқытатын пәні : Химия
мамандығы: Химия пәнінің мұғалімі
байланыс телефоны: 87473661025
Ardak178@mail. ru

2. Тәжірибе тақырыбы: «Химия пәнін оқытуда оқушылардың функционалдық сауаттылығын арттыруға арналған тапсырмалар»

3. Тәжірибені қалыптастыру шарттары : бұл тәжірибе жалпы білім беретін мектептердің 8-9 сыныптарында химия сабақтарында, қосымша сабақтарда оқушылармен жұмыс жасау аясында жүргізілді.

4. Өзектілігі:

Химия пәнін оқыту барысында функционалдық сауаттылықты арттыруға арналған тапсырмалары бар әдістемелік құралдардың аздығы;
Оқушылар химия пәнінен алған білімдерін толықтырып, күнделікті тұрмыста, өмірде қолдана білуге үйренеді;
Әр түрлі өмірлік жағдайларда кездесетін шығармашылық тапсырмаларды енгізу және сол арқылы оқушыны жан-жақты дамыған тұлға ретінде дайындау, өмірдегі проблемалық жағдайларға дайын болуына ықпал жасау;

Кіріспе

Химия пәнін оқытуда оқушылардың функционалдық сауаттылығын арттыруға арналған тапсырмалар жинағы оқушыларға химия пәнінен теория жүзінде алған білімдерін есептер шығару, тапсырмалар орындау арқылы тереңірек түсінуге көмектеседі және әрі қарай алған білімдерін өмірде қолдана білуге үйретеді. Химия пәнінен жаңа тақырыптарды және үй тапсырмаларын бекіту кезінде оқушылардың логикалық ойлау қабілеттерін дамыту үшін, теория жүзінде алған білімді практикада қолдана білу үшін функционалдық тапсырмаларды қолданудың маңызы зор. Себебі функционалдық сауаттылық тапсырмалары сын тұрғысынан ойлау қабілеттерін дамытады, ғылыми жаратылыстану сауаттылығын қалыптастырады, алған білімін өмірде қолдана білуге бағыт-бағдар береді Қазақстан Республикасында орта білім беру мазмұнын жаңарту шеңберінде білім беру үдерісінің құрылымы мен мазмұнына елеулі өзгерістер енгізілуіне байланысты химия пәнін оқыту жаңартылған білім беру бағдарламасы бойынша жүргізілуде. Жаңартылған білім беру бағдарламасының ерекшелігі спиральді қағидатпен берілуі. Жаңартылған білім беру заманауи технологиялардың барлық қыр сырларын білуге жетелейді. Жаңа бағдарламаның мәні, баланың функционалдық сауаттылығын қалыптастыруға бағытталған. Оқушы өзінің мектеп қабырғасында алған білімін өмірінде пайдалана білу керек.

Педагогикалық тәжірибенің мақсаты :Химия сабағында оқытудың заманауи әдіс-тәсілдерін қолдана отырып, оқушылардың шығармашылық ізденістерін, логикалық ойлау қабілеттерін дамыту, өз білімдерін өмірде қолдана білуге үйрету.

Міндеттері:

1. Оқушылардың алған білімдерін толықтырып, күнделікті тұрмыста, өмірде қолдана білуге үйренеді.

2. Химиялық есептер шығару арқылы логикалық ойлау қабілеттері және өзіндік көзқарасы қалыптасады.

3. Химияны қызығып оқитын жан-жақты қабілетті тұлға тәрбиеленеді

4. Ғылыми көзқарастары қалыптасады.

Күтілетін нәтиже:

1. PISA зерттеуіне дайындық процесі ең алдымен практикалық және зертханалық жұмыстарды орындау үшін қолда бар және алған білімді, дағдыларды бейімдеу, есептерді шешуде алгоритмді қолдану және жаратылыстану-ғылыми сауаттылықты дамыту, әр түрлі өмірлік жағдайларда шығармашылық тапсырмаларды енгізу және сол арқылы оқушыны жан-жақты дамыған тұлға ретінде дайындау, өмірдегі проблемалық жағдайларға дайын болуы.

2. Сауаттылықты меңгеру процесі - химиялық тіл мен химиялық белгілерді игеру, онсыз химиялық ақпарат алу және өмір мен қызметтің белгілі бір саласында білімді пайдалану мүмкін емес.

Функционалдық сауаттылық - адамның сыртқы ортамен қарым-қатынасқа түсе алу қабілеті және сол ортаға барынша тез бейімделе алуы мен қарым-қатынас жасай алу деңгейінің көрсеткіші. Олай болса, функционалдық сауаттылық тұлғаның белгілі бір мәдени ортада өмір сүруі үшін қажетті деп саналатын және оның әлеуметтік қарым-қатынас жасауын қамтамасыз ететін білім, білік, дағдылардың жиынтығынан құралады. Ал кең мағынасында ол тек білік пен білімділік әлеміне барудың жолы ғана емес, ол - ұлттың, елдің немесе жеке адамдар тобының мәдени және әлеуметтік дамуының өлшемі. Осындай сапалық сипаты тұрғысынан қарағанда функционалдық сауаттылық жеке адамды дамытудың тетігі ретінде қолданылады. Қоршаған әлемде және табиғатта болып жатқан құбылыстарды түсіну, салыстыру, талдау, жіктеу, жүйелеу, жалпылау білік, дағдыларын меңгерту мақсаттары көзделгенде ғана оқушылардың функционалдық сауаттылығын қалыптастыруға болады. Ол үшін күнделікті оқыту үдерісінде әрбір тақырыпқа берілетін теориялық білімді өмірдегі жағдайлармен байланыстырып, практикалық жағына бағыттап отыру керек. Сондықтан теория мен практиканың байланыста болуын қамтамасыз ету үшін әрбір пән бойынша берілетін білімнің мазмұны мен көлемін анықтағанда теориялық қағидалардың, заңдылықтар мен ережелердің, яғни ұғымдық-ақпараттық материалдардың бала өмірінде кездесетін түрлі проблемалық мәселелерді шешуге көмегі тиетіндей, бала оны қолдана алатындай практикалық маңызы ескерілуі тиіс. Сондай-ақ оқушылардың оқу материалын тек жаттап қана алмай, оның мән-мағынасын терең түсінуін қамтамасыз ету міндетті боп саналады. Оқушыларының функционалдық сауаттылығын қалыптастыруда әр тақырыпқа арналған тапсырмалар жинағы 8-9 сынып оқулығына сай құрастырылған

ІІ. Негізгі бөлім

Химия пәні эксперименттік ғылым. Химияны жаттап алу мүмкін емес, оны түсіну керек. Химия пәніне деген оқушылардың қызығушылығын арттырып, бала жүрегіне жол табу үшін әр сабағымда әр түрлі әдіс-тәсілдерді тиімді қолданып, сабақ жоспарына оқушының функционлды сауаттылығын арттыруға арналған тапсырма түрлерін дайындап отырамын. Балаларға зерттеулеріне дайындалуға мүмкіндік туады. Жаратылыстану сауаттылығын анықтауға берілген тапсырмаларды шешу үшін фактілер мен ережелерді білу жеткіліксіз. Кез-келген педагогикалық технология оқушылардың белсенді ойлау қабілеттерін дамытуға бағытталған. Сабақта нақты өмірлік мәселелерді шеше білу және ақпаратпен, кестемен, графикпен немесе суретпен өз бетінше жұмыс істеу маңызды. Әр сабақта келесідей дидактикалық тәсілдерді қолданған тиімді: Ой қозғау, Т-кестесі, Венн диаграммасы, Болжау, Кластерлер, Синквейн, Салыстырмалы диаграмма, Оңай және қиын сұрақтар кестесі, Білемін, білгім келеді, білдім, Дөңгелек үстел, Үш қадамды сұхбат, Топтық зерттеу, Белгі қойып оқу (INSERT), Жигсо, Қайшыланған пікірталас, Эссе және басқалар. Мысалы мына тапсырманы су тақырыбын өткен кезде оқушыларға беру арқылы олардың алған білімдерін болашақта өз өмірлерінде қолдануға жетелеймін.

1-тапсырма: Елестетіп көріңізші, орман жолдарында ұзақ жүру кезінде радиаторға таза су құю керек. Бұл аймақтағы табиғи су тек бұлақ және құдық, өте қатты. Қолыңызда реактивтер болмаса, қандай жағдайында радиатор үшін суды қалай жұмсартуға болады?

Жауап: Алдымен суды отқа қайнату керек, содан кейін оттан күл жинап, суға қосу керек. Шүберек арқылы сүзіңіз немесе тұндырғаннан кейін үстіңгі қабатты абайлап төгіңіз. Күл құрамында кальций мен магний тұздарын тұндыратын калий карбонатының едәуір мөлшері бар.

2-тапсырма: Екі үй шаруасындағы әйел кір жууға дайындалып жатты. Біріншісі суды 60 градусқа дейін қыздырып, кірді салды, екіншісі суды 5 минут қайнатты, содан кейін 60 градусқа дейін салқындатты, содан кейін ғана жууды бастады. Киімді кім жақсы жуады ? Мұны қандай қарапайым тәжірибемен дәлелдеуге болады және оны қалай түсіндіруге болады?

Жауабы: Сабын және басқа жуғыш заттар жұмсақ суда әлдеқайда тиімді. Судың кермектігі оның құрамында кальций мен магний гидрокарбонаттарының болуына байланысты, олар қайнаған кезде карбонаттар түрінде тұнбаға түседі:

Ca(HCO ₃ ) ₂ = CaCO ₃ +H ₂ O+CO ₂

Mg(HCO ₃ ) ₂ = MgCO ₃ +H ₂ O+CO ₂

Суды 60 градусқа дейін қыздырғанда бұл реакциялар болмайды және су қатты болып қалады. Сондықтан кірді суды қайнатқан үй шаруасындағы әйел жақсы жуады.

Тапсырмалардың барлығы мәтін түрінде әзірленген. Әр тапсырманың жауаптары да дайын. Осы тапсырмаларды пайдалау арқылы оқушылардын алдағы өмірде кездесетін түрлі жағдайларда химия пәнінен алған білімдерін қолдана алуына мүмкіндіктері болады деген ойдамын.

І тарау: Химиялық элементтердің периодтық жүйесі

1-1: Бұл элемент тілдің сілекей безінде жинақталған. Салыстырмалы атомдық массасы 119 - ға тең. Элементтің атын, таңбасын, рет санын, валенттігін, атом құрлысын жазыңдар.

Жауабы :Қалайы

1-2: Ағзадағы қанға қызыл түс береді, гемоглобиннің құрамына кіреді. Рет саны 26 - ға тең. Элементтің атын, таңбасын, салыстырмалы атомдық массасы, валенттігін көрсет.

Жауабы : Темір

1-3: Бұл элемент жетіспеген жағдайда өсімдіктің бойы өспейді, жемісінің жетілуі тежеледі. Рет саны 15 - ке тең. Элементтің атын, таңбасын, салыстырмалы атомдық массасын, валенттігін көрсет.

Жауабы: Фосфор

1-4: Бұл элемент ерте заманнан бері адамға белгілі болған. Біздің жыл санауымыздан 900 жыл бұрын Гомердің «Одессей» атты шығармасында осы элементтің аластаушы және түссіздендіруші қасиеті туралы айтылады. Ол ауадағы ауру тудыратын микроағзаларды өлтіреді, паразит жәндіктерді жояды. Алайда бұл элемент аурудан адамды ғана емес, өсімдіктерді де қорғаған. Онымен өсімдіктерде зиянкестер пайда болған жағдайда ыстаған, ал ұнтақтарын өсімдіктің жапырақтарына сепкен. Ол үшін ұнтақты сабынды сумен араластырып, өсімдікке бүріккен. Білесің бе, бұл қай элемент туралы айтылған?

Жауабы: Күкірт

1-5. Неліктен косметолог дәрігерлер шаш түскен кезде тазартылған күкіртті ішке қабылдауға кеңес береді?

Жауап: Кератиннің құрамына күкірттің едәуір мөлшері кіреді, сондықтан көбінесе бұл элементтің жетіспеушілігі шаштың нашар өсуіне және шаштың түсуіне әкеледі.

1-6: Айгүл алмаға лимон шырынымен эксперимент жасамақ болды. Ол алманы екіге бөліп, кесілген жағымен жайпақ ыдысқа салды . Алманың бір бөлігіне лимон шырынын сығып тамызды. Біраз уақыттан кейін лимон шырынымен «қорғалған» бөлігінің ақ қалпында қалғанын, ал алманың «таза» бөлігі қарайғанын байқады. Алманың «таза» бөлігі неліктен қарайды ?

Жауабы: Таза бөлігінің қараюында алма құрамында темірдің болуымен түсіндіреді.

2-тарау: Металдар және Бейметалдар

2-1. Ежелгі уақытта әйелдер қолданатын косметиканың құрамына мыналар кіреді: бетке арналған ағартқыш - қорғасын ақтығы 2PbCO ₃ . Pb (OH) ₂ , қызару - қызыл фосфор, ерін далабы - HgS киноварь, қабақ бояуы - As ₂ S ₃ аурипигмент, тушь - Sb ₂ S ₃ стибнит. Бұл рецепттер туралы қосылыстар тізімінде көрсетілген қасиеттер туралы заманауи білім тұрғысынан не айта аласыз?

Жауап: сынап, қорғасын және сурьма қосылыстарын улы деп жіктеуге болады, ұзақ уақыт қолданғанда олар денеде жиналып, ауыр улануды тудыруы мүмкін, қызыл фосфор терінің күйіп қалуына әкелуі мүмкін.

2-2 . Кальций ағзаның өмірінде маңызды рөл атқарады. Кальций иондары жүйке импульстарының берілу процесін жүзеге асыру үшін, қаңқа бұлшықеттері мен жүрек бұлшықеттерін жиырылу үшін, сүйек тінін қалыптастыру үшін, қанның ұюы үшін қажет. Кальций препараттары кеңінен қолданылады, атап айтқанда, сынықтарды емдеуде, денеден кальцийдің көп бөлінуімен, бұл ұзақ уақыт жатқан науқастарда кездеседі. Дәрігерлердің арсеналында бірнеше кальций препараттары бар. Көбінесе таблеткаларда болатын глюконат, лактат және кальций глицерофосфаты қолданылады. Олардың әсері бойынша бұл препараттар денеге ұқсас, сондықтан дәрігерлер көбінесе пациенттің таңдау құқығын қалдырып, олардың кез-келгенін сатып алуды ұсынады. Егер бағасы шамамен бірдей болса, жоғарыда айтылғандардың ішінен қай препаратты таңдау ұтымды?

Жауап: экономикалық себептерге байланысты кальцийдің массалық үлесі көп болатын препаратты таңдау керек. Сондықтан, ең алдымен, барлық үш қосылыстағы кальцийдің массалық үлесін есептеу керек. Қажетті есептеулерді жүргізгеннен кейін кальцийдің массалық үлесі кальций глицерофосфатында көп болады деген қорытынды жасауға болады. , лактатта сәл төмен, глюконатта ең аз .

... жалғасы

Сіз бұл жұмысты біздің қосымшамыз арқылы толығымен тегін көре аласыз.