Физиканы оқытуда инновациялық технологияларды қолдану

Жұмыс түрі: Диссертация
Тегін: Антиплагиат
Көлемі: 59 бет
Таңдаулыға:

AБAЙ AТЫНДAҒЫ ҚAЗAҚ ҰЛТТЫҚ ПЕДAГOГИКAЛЫҚ УНИВЕPCИТЕТI

МAТЕМAТИКA, ФИЗИКA ЖӘНЕ ИНФOPМAТИКA ИНCТИТУТЫ

ӘоЖ 53. 082. 6. (071. 2) 004. 9

Оразбек Гульфия Оразбекқызы

Негізгі мектепте «Жылу құбылыстары» тарауын оқытуда инновациялық технологияларды қолдану ерекшеліктері

7M01504 - Физика

Педагогика ғылымдарының магистрі академиялық дәрежесін алу үшін орындалған диссертация

Ғылыми жетекшiсі:

Длимбетова Г. К.

Қopғayғa жiбеpiлдi:

Мaтемaтикa, физикa және инфopмaтикa инcтитyтының диpектopы

Б. Д. Сыдықов

«__»2024 ж.

Кaфедpa меңгеpyшici Әбілқасымова А. Е., п. ғ. д., пpoфеccop

Ғылыми cеминap төpaғacы Әбілқасымова А. Е., п. ғ. д., пpoфеccop

Алматы, 2024

НЕГІЗГІ МЕКТЕПТЕ «ЖЫЛУ ҚҰБЫЛЫСТАРЫ» ТАРАУЫН ОҚЫТУДА ИННОВАЦИЯЛЫҚ ТЕХНОЛОГИЯЛАРДЫ ҚОЛДАНУ ЕРЕКШЕЛІКТЕРІ

МАЗМҰНЫ

Кіріспе

1 НЕГІЗГІ МЕКТЕПТЕ ФИЗИКАНЫ ОҚЫТУДА ИННОВАЦИЯЛЫҚ ТЕХНОЛОГИЯЛАРДЫ ҚОЛДАНУДЫҢ ТЕОРИЯЛЫҚ НЕГІЗДЕРІ

1. 1 Мектепте физиканы оқытуда инновациялық технологияларды қолданудың қазіргі жағдайы

1. 2 «Жылу құбылыстары» тарауын оқытуда қолданылатын инновациялық технологиялардың ерекшеліктері

1. 3 «Жылу құбылыстары» тарауын оқытуда инновациялық технологияларды қолданудың маңызы

2 НЕГІЗГІ МЕКТЕПТЕ «ЖЫЛУ ҚҰБЫЛЫСТАРЫ» ТАРАУЫН ОҚЫТУДА ИННОВАЦИЯЛЫҚ ТЕХНОЛОГИЯЛАРДЫ ҚОЛДАНУ ӘДІСТЕМЕСІ

2. 1 «Жылу құбылыстары» тарауын оқытуда инновациялық оқыту технологияларын қолдану

2. 2 8-сыныпта «Жылу құбылыстары» тарауын оқыту әдістемесі

2. 3 Педагогикалық эксперименттің ұйымдастырылуы мен нәтижелері

ҚОРЫТЫНДЫ

ӘДЕБИЕТТЕР

ҚОСЫМША

КІРІСПЕ

Зерттеудің көкейкестілігі. Қазіргі уақытта өзектілігі күрт өскен әлеуметтік және білім беру прогресі Қазақстандық білім беру жүйесін даму мен жұмыс істеудің жаңа режиміне көшірді. Бұл жастарды оқытудың шиеленіскен мәселелерін шешудің сенімді және тиімді тәсілдерін, сондай - ақ білім беру процестерін жобалаудағы инновациялық модельдеу қызметін қоса алғанда, жалпы білім беру саласының тұжырымдамалық дамуын іздеу қажеттілігін анықтады.

Соңғы жылдары бүкіл білім беру кеңістігін стандарттаудың жаһандық процесін қамтыды. Бірақ әр оқушының білім беру стандартының деңгейіне жетуі үшін қазіргі мектепке дәстүрлі техниканың орнына жаңа педагогикалық құралдар қажет.

Біздің көзқарасымыз бойынша білім сапасы - бұл оқу процесін ұйымдастыру технологиясын білу, сапаны тексеру және бағалау тәртібін стандарттау және регламенттеу, тиісті бағдарламалық қамтамасыз ету.

Осыған орай, еліміздегі саяси-әлеуметтік жағдай білім беру процесіне жаңа талаптар қоюымен қатар Қазақстан Республикасының білім беру саласындағы жүйелі өзгерістерді әлемдік деңгейде жаңашыл бастамалар қолдау тауып отыр. 2 қыркүйек 2019 жылғы мемлекет басшысы Қасым - Жомарт Тоқаевтың Қазақстан халқына Жолдауында , «ІV. Әлеуметтік жаңғырудың жаңа кезеңі» бөліміндегі: «Бірінші. Білім беру сапасын жақсарту. Біздің елімізде еңбек ресурстарының балансын есепке алудың тиімді әдістемесі әлі күнге дейін әзірленген жоқ. Шын мәнінде, мамандар даярлаудың отандық жүйесі нақты еңбек нарығынан тыс қалған» - деп білім беру саласында, маман даярлауда олардың тұлғалық қабілеттерін, зерттеушілік дағдыларын ескеру керектігін баса айтты. Жаңа қазақстандықтарды тәрбиелеу мақсатында білім беру үдерісін зияткерлендіру қажеттігі идеясын алға тартты.

Педагогикада оқытуды кепілдендірілген нәтижемен өндірістік және технологиялық процеске айналдыра алатын осындай дидактикалық тәсілдер мен дидактикалық құралдарды іздеу жүргізілуде. Оқыту әдістемелерінің тиімділігін арттыру шарттарын іздеуде педагогтар олардың кейбірін педагогикалық технологиялар деңгейіне дейін жеткізуге болады деген қорытындыға келді. Мемлекеттік білім беру стандарттары жағдайында тек технологиялар ғана білім беру сапасының жоғары деңгейін қамтамасыз ете алады.

Тапсырманы орындау барысында Білім және Ғылым министрлігі білім беру саласында өзгертулер енгізуде. Оған дәлел, мектепте жаңа педагогикалық технологияларды қолдану қолдау тауып отыр. Инновациялық педагогикалық технология - бұл практикада дәйекті түрде жүзеге асырылатын белгілі бір педагогикалық іс-әрекеттің жобасы, оның негізгі көрсеткіші қалыптасқан дәстүрлермен және жаппай практикамен салыстырғанда прогрессивті бастама болып табылады.

Білім берудегі инновациялық процестердің негізінде ғылыми және білім беру қызметінің бірлігі және олардың қоғамның экономикалық, әлеуметтік және рухани дамуына бағытталуы керек.

Білім беру процесінде педагогикалық технологияларды қолданудың тиімділігі бірқатар авторлардың зерттеу жұмыстарымен расталады: Г. К. Селевко, В. И. Андреева, Б. Т. Лихачев, В. П. Беспалько, В. И. Боголюбова, М. В. Кларин, В. Ю. Питюкова, В. А. Сластенина, Я. А. Савельева, В. М. Монахов, Г. М. Құсайынов, Ф. Б. Бөрібекова, Ш. Таубаева, Қ. Құдайбергенова және т. б. бүгінгі таңда негізгі орта мектеп жағдайында маманның кәсіби дайындығында инновациялық технологияларды қолдану ерекшелігі мәселесінің жан-жақты теориялық дамуы ерекше өткір және маңыздылыққа ие.

Диссертациялық жұмыстың өзектілігі

Негізгі орта мектепте «Жылу құбылыстары» тарауын оқытуда инновациялық технологияларды қолдану білім беру сапасы мен оның деңгейін арттыратыны сөзсіз. Оқу үдерісінде инновациялық технологияларды қолданудың мақсаты мектеп қабырғасындағы оқушылардың заман талабына сәйкес бәсекеге қабілетті, білімді, интелектуалдық потенциалы жоғары, шығармашылық ойлауы қалыптасқан және теорияда алған білімдерін практикада еркін қолдана білетін азамат етіп тәрбиелеу болып табылады. Сонымен қатар, оқушылардың сабаққа деген қызығушылығын арттыру да қазіргі таңдағы негізгі мәселелердің бірі екені даусыз. Аталған мәселені шешудің таптырмас тәсілі ретінде оқу үдерісінде инновациялық технологияларды қолдануды атап көрсетсек болады. Жаңартылған білім беру мазмұны жағдайында оқытушыныңфизика пәнінің «Жылу құбылыстары» бөлімін оқытудың инновациялық әдіс-тәсілдерін, ерекшеліктерін айқындауы, «Жылу құбылыстары» бөлімін оқыту процесінде инновациялық технологияларды оқытушының тиімді кұрал ретінде оқу бағдарламасына сәйкес оқыту процесінде қолдана алуы оқушылардың жоғары білім алуы мен заман талабына сәйкес бәсекеге қабілетті жастарды тәрбиелеуде айтарлықтай маңызды рөл атқарады.

Жалпы орта мектепте инновациялық технологияларды пайдалану арқылы оқу-тәрбие үрдісінің барлық деңгейлерінің тиімділігі мен сапасын жоғарылату - бүгінгі күннің басты талабы.

Диссертациялық жұмыстың мақсаты

Негізгі мектепте физикадан «Жылу құбылыстары» тарауын оқыту процесінде инновациялық технологияларды қолданудың ерекшеліктерін айқындау

Зерттеудің нысаны

Орта мектепте физиканы оқыту үдерісі

Зерттеудің пәні

Физиканы оқытуда инновациялық технологияларды қолдану

Зерттеудің ғылыми болжамы

Орта мектепте физиканы оқыту барысында заманауи әдістерді қолдану арқылы оқушылардың білім деңгейлерін арттыруға ықпал етеді деген болжаммен жүргізілді. Осы әдістердің негізінде оқушылардың сабаққа деген қызығушылықтары артып қана қоймай, сабаққа деген белсенділігі де артады деп есептеймін

Диссертациялық жұмыстың зерттеу міндеттері

1. Ғылыми-әдістемелік еңбектерге және физиканы оқытуда инновациялық технологияларды қолданудың қазіргі жағдайы на талдау жасау

2. «Жылу құбылыстары» тарауын оқытуда инновациялық технологияларды және қолданудың ерекшеліктерін айқындау;

3. 8-сыныпта «Жылу құбылыстары» тарауын оқытудың әдістемесін жасау

4. «Жылу құбылыстары» тарауын оқытуда инновациялық технологияларды қолдану әдістемесін педагогикалық экспериментте тексеру

Диссертациялық жұмыстың қолданбалық маңыздылығы

Келешекте негізгі мектепте физика пәнінің мұғалімдері «Жылу құбылыстары» тарауын оқыту процесінде жаңартылған білім беру мазмұнына сәйкес оқыту үдерісінде арнайы инновациялық технологияларды қолдана алады

Диссертациялық жұмыстың теориялық маңыздылығы

Қазіргі таңда барлық білім беру мекемелерінің алдында тұрған міндет-білімі терең, ойлауға қабілетті, әлемдік стандарттардың негізінде жұмыс жасай алатын жан-жақты құзіретті тұлға қалыптастыру болып табылады. Ал, жаңартылған білім беру бағдарламасының басты мақсаты-жаңа құрылымдар, яғни пәнді оқытуда қолданылатын педагогикалық әдіс-тәсілдер, инновациялық технологияларды пән бойынша оқу бағдарламасына сәйкес оқыту процесінде қолдана алулығы. Осы айтылған мәселелер оқытылатын пән арқылы іске асып, қажетті құралдардың жаңа форматта жазылуын талап етеді.

Диссертациялық жұмыстың зерттеу әдістемесі

мемлекеттік ресми және нормативтік құжаттарды зерделеу, ғылыми-тәжірибелік, әдістемелік әдебиеттерге жүйелілік, құрылымдық тұрғыдан талдау жасау, салыстыру, нақтылау және жинақтау, ұзақ мерзімді тәжірибелік-эксперименттік жұмыс жасау, сараптау, нәтижелерді жүйелеу, жобаның тиімділігін тексеру мақсатында сынақтан өткізу, оның нәтижелерін білім элементтерін есепке алу әдісі арқылы өңдеу

Диссертациялық жұмыстың ғылыми жаңалығы

Оқытудың қазіргі жаңашылдық сипаты жағдайында физиканың «Жылу құбылыстары» тарауын меңгертудің тиімді жолдарына арналған инновациялық технологиялардың оқыту процесіндегі пайдалану мүмкіндігі мен қажеттілігі

Диссертацияның құрылымы

Кіріспе, екі бөлім, қорытынды, пайдаланылған әдебиеттер тізімі және қосымшадан тұрады.

1. 1 Мектепте физиканы оқытуда инновациялық технологияларды қолданудың қазіргі жағдайы

Қазақстан Республикасы өзінің тəуелсіз мемлекет екендігін бүкіл əлемге дəлелдеді. Ендігі басты міндет - осы мемлекеттің өркендеп өсуі, халықтың əлеуметтік, экономикалық жағынан кемелденуі болып табылады. Мемлекеттің əлеуметтік, экономикалық өсіп өркендеуінің түпқазығы - білім мен ғылым екені даусыз. Еліміздің болашақтағы дамуы, өсіп-өркендеуі, əлемдік кеңістіктегі орны білімнің бағыт-бағдарына, оның тиімділігіне байланысты болмақ. Қазақстанның əлемдегі бəсекеге қабілетті 50 елдің қатарына кіру стратегиясы бүкіл ұлттың, елдің барлық атқару органдарының басты идеясына айланысуы тиіс екендігін Қазақстан Республикасының тұңғыш Президенті Н. Ə. Назарбаев атап көрсетті. Бұл білім саласына, соның ішінде білім саласының мамандарын дайындауға үлкен жауапкершілік жүктейтіні түсінікті.

Қазақстан Республикасы білім беру жүйесінің реформалануы коғамның демократикалық бағытта дамуына бет алғанын айқындайды. Осыған орай, білімге деген көзқарас түбегейлі өзгеріп, оқытудың жаңа түрлері, жаңа бағыттағы мектептер пайда болып, білім мазмұнының толығымен жаңаруына алып келді. Күн тəртібінде қойылып отырған күрделі мəселелердің ішінде жас ұрпаққа білім беруді əлемдік деңгейге жеткізу үлкен орын алады. Сондай қоғамдағы түрлі бағыттағы өзгерістердің бірі - 12 жыл оқыту моделі.

Жаңа білім парадигмасы балаға оқу қызметінің субъектісі ретінде қарап, шығармашылық қызығушылықтары негізінде білімге құндылық бағдарын қалыптастыра отырып, танымдық жəне рухани қажеттіліктерін қанағаттандыруды жəне жан-жақты дамыған, шығармашыл жеке тұлғасын қалыптастыруды көздейді. 12 жылдық жалпы орта білім берудің мақсаты - алған білімдерінің негізінде еркін баяндалатын, өзін таныта, дамыта білетін, қазіргі заманға бейімделіп, өз бетінше дұрыс шешім қабылдай алатын тұлғаны қалыптастыру.

Еліміздің болашағы жастар десек, жастардың болашағы оларды саналы тəрбиемен, сапалы біліммен қаруландырып, білімі озық елдердің əлемдік озық үлгісін, өнегесін, тəжірибесін үйрететін ұстаздар қауымына жүктелген еңбегіне байланысты болмақ. Осы тұста В. Г. Белинскийдің: « . . . ұстаздың қолында адам өмірінің келешектегі тұтас тағдыры тұр», - деген сөзі еріксіз еске түседі [1] . Өйткені, ұстаз - болашақтың тұтқасы, жас ұрпақты тəрбиелеу жəне терең де жан-жақты білім беру ісіндегі қоғамның жұрт сенген өкілі. Ол жас ұрпақ бойына білімді, əдетті, дүниетанымдылықты, өмірге деген өмірлік мақсатын қалыптастырушы басты тұлға.

Уақыт өткен сайын білім саласының əлеуметтік рөлі де нығайып келеді. Бұған дəлел - бүгінгі таңда еліміздің білім беру мекемелерінің алдында Қазақстан Республикасының 2030 жылдарға дейінгі стратегиялық дамуын жүзеге асыру, 2015 жылға дейінгі Қазақстандағы білім беру Тұжырымдамасының бекітілуі. Осы аталған құжаттардың көздеген мақсаттары бір арнаға тоғысады. Ол мақсат - білім беру мекемелерінің мамандарына еліміздің болашағы - жастарды терең біліммен сусындату, яғни бір сөзбен айтқанда бəсекеге қабілетті ұрпақ дайындау мəселесі болып табылады

Мектептің оқу процесінде инновациялық педагогикалық технологияларды қолдану оқытуды даралау мен саралаудың дидактикалық принциптерін жүзеге асырудың мүлдем жаңа мүмкіндіктерін жасайды, оқушылардың танымдық іс-әрекетінің дамуына, олардың шығармашылық белсенділігіне, санасына оң әсер етеді, оқудан өзін-өзі тәрбиелеуге көшу жағдайларын жүзеге асырады.

Бүгінде білім беру саласында технология сөзіне әртүрлі анықтамалар мен түсіндірмелер бар. Солардың кейбіріне мысалдар келтірейік:

1. Технология - еңбекте, шеберлікте, өнерде қолданылатын әдістер мен тәсілдер жиынтығы. (Глоссарий)

2. Педагогикалық технология - мұғалімнің біліктілігіне қарамастан педагогикалық табысқа кепілдік бере алатын оқушы тұлғасын қалыптастыру процесінің жобасы. (Беспалько В. П. ) [2] .

3. «Педагогикалық технология» педагогикалық мақсатқа жету үшін қолданылатын барлық жеке, аспаптық және әдістемелік құралдардың жүйелі жиынтығы мен қызмет ету тәртібін білдіреді (М. В. Кларин) [3] .

4. Педагогикалық технология - оқытудың бірегей (инновациялық) тәсілі. Бұл педагогикадағы әлеуметтік инженерлік ойлаудың көрінісі, педагогика саласына ауысқан технократиялық ғылыми сананың бейнесі, оқу-тәрбие процесін белгілі бір стандарттау (Б. Л. Фарберман) [4] .

5. «Педагогикалық технология» - бұл оқушылар мен оқытушылар үшін қолайлы жағдайларды сөзсіз қамтамасыз ете отырып, оқу-тәрбие процесін жобалау, ұйымдастыру және жүргізу үшін барлық егжей-тегжейлі ойластырылған бірлескен педагогикалық қызметтің үлгісі (В. М. Монахов) [5] .

Жоғарыда келтірілген анықтамаларды талдау негізінде қазіргі педагогикалық технологияның мәні оқытуды жоғары тиімді ұйымдастырудың мақсаттары мен міндеттерін нақты белгілеу, оқу нәтижелерін алдын ала белгілеу, оқу пәндерін толық меңгеруге қол жеткізу деген қорытындыға келуге болады.

Мектепте жұмыс атқаратын әрбір мұғалімнің алдына қазіргі таңда қойылатын талап өте үлкен болып отыр. Мұғалім өзінің инновациялық іс - әрекетін қалыптастырып, оны меңгеріп, сол жаңа педагогикалық технологияларды оқу - тәрбие үрдісінде жүйелі пайдалану арқылы оқушылардың білім сапасын арттыруы қажет. Сонда ғана жаңа педагогикалық технологияларды меңгерген, өз практикасында қолданған әрбір мұғалім өз сабағын нәтижелі даму жағынан көре алады.

Жаңа педагогикалық технологиялар педагогика ғылымының жаңа саласы. Инновация деген ұғымның өзін қарастырсақ, ғалымдардың көбі оған әртүрлі анықтамалар берген. Мысалы, инновация ұғымының әр елдегі, әр түрлі уақытта берілген анықтамалары: «инновация» ұғымына берілген ең ескі емес анықтама, бұл салада американдықтар мен европалық көлемді зерттеулер иесі Э. М. Роджерс инновацияны былайша түсіндіреді: «Инновация-нақтылы бір адамға жаңа болып табылатын идея»[6] .

Америка ғалымдары Биль мен Болен педагогикалық инновацияны «құрамына материалдық өзгеруіне ғана емес, сол материалды қолданудағы көзқарастардың комплексті өзгеруін білдіретін үлкен өзгеріс»-деп түсінеді екен. Инновация және өзгеріс ұғымдарын көбіне синонимдік қатынаста қарастырады, егер бұл өзгеріс бүкіл білім беру жүйесіне жайылса, оны инновация деуге болады. Бірақ, кез-келген өзгерісті инновация деп тағы айта алмаймыз. Инновация болу үшін алдын-ала қойылған мақсаттардың оңды нәтижесін, жемісін көру қажет.

Кейіннен «инновация» ұғымы «білім беру жүйесіне жаңаны енгізу» мағынасында педагогикалық еңбектерде кезіге бастады.

90-жылдардың бас кезінде орыс ғалымдары Днепрова В. И., Лазареваның еңбектерінде «инновация» ұғымы пайда болады. Олар «инновация» ұғымы білім беру жүйесінде жаңалықтарды жасап шығару, игеру, қолданужәне тарату іс-әректі деп сипаттайды[7] . М. М. Поташник, А. С. Лоренсов «жаңалық» дегенді құрал ретінде (яғни жаңа әдіс, жаңа технология) ал, «инновацияны» осы тәсілдерді меңгеру үрдісі деп санайды[8, 31б. ; 9, 14б. ] .

Ал біздің мемлекетімізде «инновация» ұғымын пайдалану соңғы жиырма жылдыққа жатады. Ең алғаш «инновация» ұғымын қазақ тілінде қолданған ғалым, профессор Немеребай Нұрахметов. Ол былай дейді: «Инновация, инновациялық үрдіс деп отырғанымыз білім беру мекемелерінің жаңалықтарды жасау, меңгеру, қолдану және таратуға байланысты бір бөлек қызметі» [10] .

Инновацияның негізін қалаушы ұғымдардың - «инновация», «нововедение», «новшество», «новое», т. б қазақша аудармаларын жасаған, Ы. Алтынсарин атындағы білім проблемаларын ғылыми-зерттеу институты әдіскері К. Құдайбергенова болып табылады. Өз еңбектерінде «инновацияны»-нақты қойылған мақсатқа сай салынған жаңа нәтиже деп есептеп, төмендегідей аудармалар жасаған: «инновация»-жаңарту, «нововедение»- енген жаңалық, «новое»-жаңа, «новшество»-жаңалық «инновационный процесс»- жаңарту үдерісі[11] .

«Инновация» ұғымын анықтайтын нақтылы анықтама әлі де жасалмаған. Ал, мен бұл жұмыста Ш. Таубаева және Т., Иманбаева С. Т. берген анықтамаға сүйенгенді жөн көрдім, яғни «инновация»-бұл нпедагогикалық жаңалықтарды игеру мен қолдануды басқаратын үрдістер[12] .

Қазіргі білім беру саласындағы оқытудың инновациялық технологияларын меңгермейінше сауатты жан-жақты маман болу мүмкін емес. Инновациялық технологияны меңгеру мұғалімнің интеллектуалдық, кəсіптік, адамгершілік, рухани, азаматтық жəне басқа да көптеген адами келбетінің қалыптасуына игі əсерін тигізеді, өзін-өзі дамытып, оқу-тəрбие үдерісін тиімді ұйымдастыруына көмектеседі.

Жаратылыстану пәндерінің, оның ішінде физика пәнінің мектепте оқытылуы жағдайына көңіл аудару - тәуелсіз еліміздің болашақ мамандары үшін аса маңызды. Елімізде 300-дей мамандық түрлері бар десек, соның 80%-дан астамы түрлі сала инженерлі, ауыл шаруашылық мамандары. Ендеше

мектеп қабырғасынан бұл пәндерді терең меңгермеген адамнан келешекте нашар маман шығатыны еш күмән туғызбайды. Кеңес заманынан бері бұл пәнге берілетін сағат қысқартыла берді. Осының салдарынан физика пәнін оқытуда есептер шығаруға, лабораториялық жұмыс жасауға уақыт аз бөлінеді. Осыдан оқушылардың физика пәніне деген қызығушылығын және оны оқыту сапасын қалай арттыруға болады деген сұрақ туындайды.

Бұл тығырықтан шығудың бірден - бір жолы физиканы оқыту әдісінің тиімді, ұтымды тәсілдерін қолдану, берілген мағлұматтарды мейлінше аз уақытта терең жан-жақты игеруін қамтамасыз етуде физиканы оқытуда, оқытудың инновациялық әдістерін пайдалану болып табылады.

Оқушы санасына сәуле себер түсінік пен физикалық ұғымды қалыптастырудың, білімді жүйелі түрде меңгеруіне және оқушының қабілет деңгейлерін дамытуда «Сын тұрғысынан ойлау технологиясы» мен М. Жанпеисованың «Модулдік оқыту технологиясының» маңызы ерекше екендігін сабақта қолданғаннан байқауға болады.

Жаңа технология әдістері әрбір оқушының шығармашылықпен жұмыс істей білуіне өз бетімен жұмыс істеп қорытынды жасай алуына, адамгершілік қасиеттеріне қалыптастыру, жүйелі білім алуға жетектейді.

Оқу модулі дегеніміз - ғалымдардың айтуынша оқу мазмұны мен оны игеруге негізделген технологияның бір мақсаттағы түйіні. Модуль - оқушының мазмұнды, оқу әдісін өз бетінше игеру деңгейі мен оқутаным әрекетіне сай жеке оқу бағдарламасы.

Оның ерекшелігі оқушы өз бетінше немесе мұғалім көмегімен модульмен белгілі бір нәтижеге жетеді. Ол мұғалімнен нені есте сақтау, нені жазу, нені қайдан табу, қалай тиімді әрекет ету, нені білу керектігі жөнінде жазылған жазбаша түрде тапсырмалар алады. Модульді сабақтарда тапсырмалар орындау барысы мен білімді меңгеруде тексеретін әр түрлі бақылаулар болады. Олар: өзін-өзі тексеру, өзара тексеру, мұғалім тексеру, ағымдағы және аралық тексеру т. б. Осылар арқылы білім толықтырылады, модульді игеру деңгейі анықталады, қосымша жұмыстар жүргізіліп, әр оқушы өз мүмкіндігінше білім алады. Модульге оқушылардың оқу-таным әрекетін ұйымдастырудың барлық әдістері мен түрлерін пайдалануға болады. Мысалы: жеке, жұптасып, топтасып жұмыс істеу, оқытудың қай жүйесінде де модульді пайдаланып оның сапасын, тиімділігін арттыруға болады.

Физика пәнінің оқытуды модульдік оқытудың ерекшелігі - оқушы бір үлкен тарау немесе тақырып бойынша жүйелі білім алады. Кітаппен жұмыс істейді, негізгі ойды ажырата біледі. Оқу модулінің тағы бір ерекшелігі оқытудың белсенді ой формаларын кеңінен қолдануға оқушылардың оқу материалын бірнеше мәрте қайталап, жұмыс істеуіне мүмкіндік береді. Бірақ әр оқу модулінде сағат саны әр түрлі болады.

Оқыту әдістемесінің әрқайсысының өзіндік ерекшеліктері бар және белгілі бір жағдайларда қандай-да бір оқу - тәрбие міндеттерін шешкенде оңды нәтижелерге алып келеді. Бірде біз әдісті әмбебап, кез келген міндеттерді шешуге жарамды деп есептеуге болмайды. Оқыту әдістерінің алуан түрлілігі - оқушыларды жан-жақты дамытудың қажетті шарты.

Практикада, әдістемелердің бірде-бірін басқаларынан бөліп алып қолданбайды, қайта олармен үйлестіріп қолданылуда. Мысалы, оқытудың сөздік әдістерін тәжірибелер жасап, көрнекі құралдарды көрсетумен, практикалық әдістерді сөздік әдістермен үйлестіре қолданады.

Әдістемелерді сабақтың алдына қойылған міндеттерді анағұрлым тиімді шешуге қол жеткізетіндей етіп дұрыс ұштастырудың да маңызы зор. Мысалы, 7-8 сыныптарда физикалық заңды оқып үйренгенде - мұғалімнің түсіндірулерін приборларды көрсетумен және схемаларды пайдаланумен, ал күрделі емес приборлардың құрылысын оқып үйрену кезінде (мысалы, балқымалы сақтандырғышты, қыздыру электр лампаларын) оқулықпен және үлестірме материалмен істелетін жұмыстармен ұштастырылып жүр.

... жалғасы

Сіз бұл жұмысты біздің қосымшамыз арқылы толығымен тегін көре аласыз.