Көбейтілген кернеуі бар түзеткіш схемалар

Жұмыс түрі: Материал
Тегін: Антиплагиат
Көлемі: 16 бет
Таңдаулыға:

«Әбілқас Сағынов атындағы Қарағанды техникалық университеті» КЕАҚ

БЖТ кафедрасы

ЕСЕП БЕРУ

Оқу практикасы бойынша

Жетекші:

Сакенова С. Ж.

(баға) (қолы) (күні)

Студент: РЭТ-23-1 (тобы)

Құрақбай А. О

(толық аты-жөні)

(қолы) (күні)

2024 жыл

Мазмұны

Кіріспе 1

1 Microsoft Excel бағдарламасымен жұмыс істеу 2

1. 1 Симметриялық тізбек үшін фаза коэффициентін табу 2

1. 2 Симметриялық тізбек үшін толқындық кедергіні табу 2

2 Microsoft PowerPoint бағдарламасымен жұмыс істеу 3

3 Tilda платформасы арқылы сайт парақшасын құру 4

4 Corel Draw графикалық редакторымен жұмыс 5

5 Mentimeter онлайн-құралымен жұмыс 6

6 Көбейтілген кернеуі бар түзеткіш схемалар

6. 1 Айнымалы токты тұрақты токқа түрлендіру

6. 2 Негізгі жұмыс принципі

6. 3 Көбейтілген кернеуі бар түзеткіш схемаларды жобалау

6. 4 Артықшылықтары мен қиындықтары

6. 5 Қолдану салалары

Қорытынды 6

Пайдаланылған әдебиеттер тізімі 6

Кіріспе

Оқу практикасының басты мақсаты - студенттердің теориялық білімдерін нақты жағдайларда қолдануға мүмкіндік беру. Практика барысында әртүрлі бағдарламалық құралдарды игереміз. Атап айтқанда, Word, Excel, Microsoft PowerPoint, Tilda, CorelDraw және Mentimeter сияқты бағдарламалармен жұмыс жасауды үйрендік. Word бағдарламасы арқылы нормативтік бақылаумен жұмыс жасауды үйренеміз. Excel бағдарламасында кестемен жұмыс жасауды, сан мәндерін формулаға қоюды, шыққан мәндермен график салуды меңгереміз. Ал Microsoft PowerPoint бағдарламасын пайдалана отыра, біз әртүрлі тақырыптар бойынша презентациялар жасауды, слайдтарды безендіруді, ауысу және анимацияны қолдануды игердік. Сайт құруды Tilda бағдарламасы арқылы жасаймыз. CorelDraw арқылы сызбаларды сызуды жүзеге асырамыз. Жәнеде Mentimeter - ді пайдалана отырып, біз интерактивті сауалнамалар, викториналар және пікірталастар ұйымдастыру дағдыларын меңгереміз.

Бұл бағдарламалармен жұмыс істеу бізге болашақ кәсіби қызметімізде қажет болатын маңызды дағдыларды үйренуге мүмкіндік береді. Оқу практикасы барысында алған білімдерімізді қолдану арқылы біз оқу процесінде және кәсіби өмірде тиімді әрі нәтижелі жұмыс істей алатын боламыз.

Көбейтілген кернеуі бар түзеткіш схемалар электроника және электр техникасы саласында маңызды рөл атқарады. Бұл схемалар айнымалы кернеуді тұрақты кернеуге түрлендіріп, оның деңгейін жоғарылатуға арналған, бұл әртүрлі құрылғылар мен жүйелердің тұрақты әрі сенімді жұмысын қамтамасыз етеді. Мұндай схемалар жиі қуат көздерінде, аудио және видео құрылғыларында, телекоммуникациялық жабдықтарда және медициналық аспаптарда қолданылады. Көбейтілген кернеуі бар түзеткіш схемаларды зерттеу олардың жұмыс принциптерін, негізгі компоненттерін және параметрлерін есептеу әдістерін түсінуге мүмкіндік береді. Бұл тақырыпты игеру болашақ инженерлерге күрделі электрондық құрылғылар мен жүйелерді жобалауда және қолдануда маңызды теориялық және практикалық білім береді.

Түзеткіш схемалардың жұмысын түсіну үшін алдымен айнымалы токтың тұрақты токқа қалай түрленетінін, диодтардың, конденсаторлардың және трансформаторлардың жұмыс істеу принциптерін білу қажет. Осы білімдерге сүйене отырып, студенттер кернеуді арттыруға арналған түзеткіш схемаларды жобалауды және олардың тиімділігін бағалауды үйренеді. Көбейтілген кернеуі бар түзеткіш схемалар қазіргі заманғы электрондық құрылғылар мен жүйелердің ажырамас бөлігі болып табылады, сондықтан оларды түсіну және дұрыс қолдану өте маңызды.

1 Microsoft Excel бағдарламасымен жұмыс істеу

Microsoft Excel электрондық кестелермен жұмыс істеуге арналған құрал. Excel бағдарламасы кесте құруға, есептеулерді қолдануда, графиктер мен диаграммалар жасауға және бірнеше мәліметтерді бір жерге сақтауға мүмкіндік береді.

1. 1 Симметриялық тізбек үшін фаза коэффициентін табу

Бұл жерде нұсқа бойынша бойынша алынған шамаларды қолданып, фаза коэфициентінің шамасын табу қажет. Фаза коэффициентінің жиілікке тәуелділігінің графигін Excel бағдарламасында салу керек.

$\beta = 2\pi f\sqrt{LC}$ , (1)

мұндағы, β - фаза коэффиценті; L - индуктивтілік; C - сыйымдылық; f - фаза.

Нұсқа

f, кГц

L, мГн

С, мФ

Нұсқа: 9

f, кГц:

71-77

Қадам 0, 5 кГц

L, мГн: 5, 8

С, мФ: 11, 8

Есептеу барысына тоқтала кетсем, бұл жерде бірінші біз кГц-ты Гц-ке айналдырып аламыз. Сол сияқты мГн, Гн-ге, мФ-ны Ф-ға айналдырамыз. Кило бізде 10 ³ дәрежесі, милли 10 ^-3 дәрежесі. $\beta$ -мәні осылай шығады:

Сурет 1. 1 - Симметриялық тізбек үшін фаза коэффициентін есептеу

Сурет 1. 2 - Жиіліктің фаза коэффицентіне тәуелділік графигі

1. 2 Симметриялық тізбек үшін толқындық кедергіні табу

Өз нұсқан бойынша шамаларды қолданып, толқындық кедергіні табу қажет. Толқындық кедергінің индуктивтилікке тәуелділік графигін Excel бағдарламасында салу керек.

$Z_{т} = \sqrt{\frac{L}{C}}$ , (2)

мұндағы Z - толқындық кедергі; L - индуктивтілік; C - сыйымдылық.

Нұсқа

L, нГн

C, пФ

Нұсқа: 9

L, нГн:

10, 5-10, 85

Қадам 0, 05 нГн

C, пФ:

7-7, 35

Қадам 0, 05 пФ

Біз нГн-ді, Гн-ге айналдыруымыз қажет. Дәл солай пФ-ты, Ф-қа айналдырамыз. Нано 10 ^-9 дәрежесі, пико 10 ^-12 дәрежесі. Қадамды ескеруді ұмытпаймыз. Бұл жерде Z-тің мәні осылай шығады:

Сурет 1. 3 - Симметриялық тізбек үшін толқындық кедергісін есептеу

Сурет 1. 4 - Толқындық кедергінің индуктивтилікке тәуелділік графигі

Мен кестелерді құруды және пішімдеуді, есептеулерді орындау үшін формулалар мен функцияларды дұрыс пайдалануды, графиктер мен диаграммаларды құруды үйрендім. Бұл білім үлкен көлемдегі деректерді өңдеу және визуалды есептерді құру үшін өте пайдалы болып шықты.

2 Microsoft PowerPoint бағдарламасымен жұмыс істеу

Microsoft PowerPoint презентацияларды құрудың негізгі құралы болып табылады. PowerPoint бағдарламасы пайдаланушыға мәтінді, кескіндерді, графиканы, аудио және бейне файлдарды, сондай-ақ слайдтар арасындағы әртүрлі анимациялар мен ауысу эффектілерін пайдаланып кәсіби слайд-шоу жасау мүмкіндігін береді.

Бізге берілген тапсырма мамандыққа байланысты тақырып таңдап, жұбымызбен презентация құру. Тапсырмаға қойылған талаптар сурет қою, міндетті түрде диаграмма болуы және бейнебаянның болуы. Әр бетке анимация істеу, номерлеу.

Сурет 2. 1 - Қазақстандағы интернет қолданушылардың саны

Сурет 2. 2 - Стандарттар мен хаттамалары

Сурет 2. 3 - Байланыс желілеріндегі қауіпсіздік түрлері

Таңдаған тақырыбымыз - «Байланыс желісі». Жалпы тақырыбымызға тоқтала кетсем, байланыс желісі - бұл ақпарат алмасу мақсатында әртүрлі құрылғылар мен жүйелердің бірігуі. Бұл желілер деректерді, дауысты, бейнені және басқа ақпарат түрлерін жіберу және қабылдау үшін пайдаланылады. Қазіргі заманда байланыс желілері күнделікті өмірдің маңызды бөлігіне айналды, өйткені олар адамдар мен ұйымдардың бір - бірімен әрекеттесуін жеңілдетеді.

Тәжірибе арқылы слайд жасау, анимациялар мен ауысуларды, бейнебаянды қосуды игердім. Бұл дағдылар маған әртүрлі мақсаттарда соның ішінде оқу сабақтарында қолдануға болатын көрнекі презентация жасауға мүмкіндік берді.

3 Tilda платформасы арқылы сайт парақшасын құру

Tilda - бұл веб - сайттарды жасауға арналған платформалардың бірі. Ол пайдаланушыларға әдемі және функционалды сайттар жасауға мүмкіндік береді. Tilda веб - сайт құру процесін оңай және қолжетімді ету үшін көптеген дайын блоктар мен шаблондарды ұсынады.

Бізге берілген тапсырма tilda платформасы арқылы әркім өзі таңдаған тақырыбы бойынша сайт құрады. Лонгрид форматы арқылы жасау қажет. Менің таңдаған тақырыбым - «Мамандық».

Сурет 3 - Мамандықтың адам өміріндегі маңызы

Tilda платформасында жұмыс істеу маған веб - сайттар мен бастапқы беттерді меңгеруге мүмкіндік берді. Мен беттерді құру үшін блоктық құрылымды пайдалануды, дизайнды орнатуды, сурет қоюды үйрендім. Бұл дағдылар маған кең бағдарламалау білімін қажет етпестен тиімді сайттарды жасауға мүмкіндік берді.

4 Corel Draw графикалық редакторымен жұмыс

Corel DRAW - бұл Corel Corporation компаниясы әзірлеген векторлық графиканы өңдеуге арналған бағдарламалық құрал. Ол кәсіби дизайнерлер мен графика мамандары үшін кеңінен қолданылады. Corel DRAW бағдарламасының негізгі мақсаты - графикалық дизайн, логотиптер, макеттер және басқа визуалды материалдар жасауға мүмкіндік беру. Бұл бағдарлама Windows және macOS операциялық жүйелерінде қол жетімді. Жалпы Corel DRAW бағдарламасы пайдаланушыларға шығармашылық және техникалық тапсырмаларды орындауға мүмкіндік береді.

Сурет 4 - M3UA хаттамасы

Осы тапсырма бойынша мен 7-нұсқамдағы сызбаны орындауым қажет болды. CorelDRAW бағдарламасын қолдана отырып, өз нұсқамдағы сызбаны жасау үшін құралдар тақтасын пайдаландым. Бұл бағдарламаның көмегімен векторлық кескіндермен жұмыс істеуді және түстерді басқаруды үйрендім. Сонымен қатар, құралдар тақтасының әртүрлі элементтерін қолдануды да меңгердім. CorelDRAW бағдарламасы түрлі тапсырмалар мен жобалар үшін жоғары сапалы графикалық кескіндерді әзірлеуге мүмкіндік береді. Бағдарламаның функционалдығы арқылы мен әртүрлі дизайн элементтерін жасау, түстерді үйлестіру және векторлық объектілерді басқару қабілеттерін жетілдірдім.

5 Mentimeter онлайн-құралымен жұмыс

Mentimeter - бұл аудиториямен интерактивті өзара әрекеттесуді қамтамасыз ететін онлайн платформа. Осы құралдың көмегімен пайдаланушылар нақты уақыт режимінде сауалнамалар, викториналар, сөз бұлттары және интерактивті диаграммалар құра алады. Mentimeter конференциялар, дәрістер, семинарлар және жиналыстар кезінде қолданылады, осылайша қатысушылармен тікелей байланыс орнатуға мүмкіндік береді.

Mentimeter-дің негізгі мүмкіндіктері мыналар:

- Сауалнамалар және викториналар құру

- Сөз бұлттарын жасау

- Интерактивті графиктер мен диаграммаларды көрсету

- Пікірлер мен идеяларды жинау

- Нақты уақытта дауыс беру

Бұл платформа аудиторияның қызығушылығын арттыруға және шынайы кері байланыс алуға көмектеседі, тиімдірек және есте қаларлық етеді, осылайша іс-шаралардың тиімділігін арттырады.

Тапсырма бойынша Mentimeter бағдарламасы арқылы өзің қалаған тақырыпта сауалнама жасау. Яғни сұрақ жауап түрінде. Менің таңдаған тақырыбым - «Кенесары Қасымұлы».

Сурет 5 - Сауалнама

6 Көбейтілген кернеуі бар түзеткіш схемалар

Көбейтілген кернеуі бар түзеткіш схемалар - бұл айнымалы токты тұрақты айналдыру үшін қолданылатын схемалардың бір түрі. Бұл схемалар кіріс кернеуін шығыс кернеуінен жоғарылату үшін трансформаторды қолданады.

Сурет 6 - Трансформатордың схемалық диаграммасы

6. 1 Айнымалы токты тұрақты токқа түрлендіру

Түзеткіштер - бұл айнымалы токты тұрақты токқа айналдыратын электрондық схемалар. Айнымалы токты тұрақты токқа түрлендіру үшін диодтар, транзисторлар немесе тиристорлар қолданылады.

Айнымалы токты тұрақты токқа түрлендіру электр техникасында кеңінен қолданылады. Айнымалы токтың фазасы және амплитудасы үнемі өзгеріп тұрады, ал тұрақты токтың кернеуі мен ток күші тұрақты.

Түзеткіштің негізгі компоненті - диод. Диод тек бір бағытта ток өткізетін жартылай өткізгіш элемент. Айнымалы токты диод арқылы өткізу кезінде тек оң жарты толқындар өткізіледі, ал теріс жарты толқындар бөгеледі. Осылайша, айнымалы ток тұрақты токқа айналады.

Түзеткіш схемалардың бірнеше түрі бар: жартылай толқынды түзеткіш, толық толқынды түзеткіш, көпірлік түзеткіш және трансформаторлық түзеткіш. Жартылай толқынды түзеткіш тек оң жарты толқындарды өткізеді, сондықтан оның тиімділігі төмен. Кішігірім құрылғыларды қуаттандыру үшін қолданылады. Толық толқынды түзеткіштер жартылай түзеткіштерге қарағанда құрылымы күрделірек. Бұл түзеткіште екі диод қолданылады, олар оң және теріс жарты толқындарды тұрақты токқа түрлендіреді. Толық толқынды түзеткіштер қуаты жоғары құрылғыларды қуаттандыру үшін қолданылады. Көпірлік түзеткіш төрт диодтан тұрады және айнымалы токтың барлық жарты толқындарын тұрақты токқа айналдырады. Қуатты құрылғыларды қуаттандыру үшін қолданылатын күрделі түзеткіш схемасы болып табылады. Трансформаторлық түзеткіш - трансформаторды пайдаланып, кіріс кернеуін жоғарылатады.

Сурет 6. 1 - Түзеткіш схемалар мен компоненттер

6. 2 Негізгі жұмыс принципі

Көбейтілген кернеуі бар түзеткіш схемалар қарапайым түзеткіштерге қосымша элементтер қосу арқылы жүзеге асырылады. Негізгі элементтерге трансформаторлар, диодтар және конденсаторлар жатады. Трансформаторлар кернеуді қажетті деңгейге дейін көтереді, ал диодтар мен конденсаторлар оны тұрақтандырады.

Трансформаторлар кернеуді көбейту үшін қолданылады. Олардың бірінші орамасына айнымалы ток беріліп, екінші орамасында айнымалы токтың кернеуі көбейтіледі. Диодтар айнымалы токты түзетіп, тек оң жарты толқындарды өткізеді. Конденсаторлар түзетілген токты тұрақтандырып, оның пульсациясын азайтады.

6. 3 Көбейтілген кернеуі бар түзеткіш схемаларды жобалау

Көбейтілген кернеуі бар түзеткіш схемаларды жобалау - бұл күрделі процесс, ол бірнеше маңызды қадамдарды қамтиды:

Кернеу деңгейін анықтау: Ең алдымен, қажетті кернеу деңгейін анықтау қажет. Бұл келешектегі схеманың барлық компоненттерін таңдауға негіз болады.

Компоненттерді таңдау: Кернеу деңгейіне байланысты трансформаторлар, диодтар және конденсаторлар таңдалады. Трансформаторлардың орам саны, диодтардың сипаттамалары және конденсаторлардың сыйымдылығы есептеледі.

Схеманың құрылымын анықтау: Компоненттерді дұрыс байланыстыру схеманың тиімділігі мен сенімділігін қамтамасыз ету үшін маңызды. Әр компоненттің жұмыс істеу режимі және олардың өзара байланысы дұрыс анықталуы қажет.

Қорғаныс элементтері: Схеманың сенімділігін арттыру үшін қорғаныс элементтерін, мысалы, сақтандырғыштар мен кернеу тұрақтандырғыштарын, қосу керек.

Дұрыс жобалау схеманың дұрыс жұмыс істеуін қамтамасыз етеді және оның мерзімін ұзартады.