Көрсетілетін қызметтер тарификациясының болмауы

Жұмыс түрі: Реферат
Тегін: Антиплагиат
Көлемі: 15 бет
Таңдаулыға:

Азаматтарға арналған үкімет мемлекеттік корпорациясы
коммерциялық емес акционерлік қоғамының
2022-2026 жылдарға арналған
ДАМУ СТРАТЕГИЯСЫ

Біздің миссиямыз: Мемлекеттік корпорация - мемлекеттік көрсетілетін қызметтер саласындағы өзгерістердің драйвері және Халық үніне құлақ асатын мемлекет тұжырымдамасын іске асырудағы басты құрал.
Біздің пайымымыз: 2026 жылы Мемлекеттік корпорация мемлекеттік көрсетілетін қызметтердің сапасын және мемлекет пен азаматтардың сұранымдары мен болжамдарының негізінде олардың өзара әрекеттесу процесін үнемі жақсартып отыратын тиімді, технологиялық және клиенттерге бағытталған компания болып табылады.
Біздің құндылықтар: адамға бағдарлану, ашықтық, тиімділік.

Мазмұны

І. Кіріспе
ІІ. Ағымдағы жағдай
ІІІ. Әлемдік тәжірибе және трендтер
ІV. Даму бағыттары:
Мемлекеттік қызмет көрсету бойынша платформа
2. Мемлекеттің кері байланысының үйлестірушісі
3. Тиімді ұйым
V. Даму стратегиясын іске асыруға арналған стратегиялық мақсаттар, нысаналы индикаторлар мен ресурстар

I. Кіріспе

----------------------------------- ----------------------------------- ----------
Азаматтарға арналған үкімет мемлекеттік корпорациясы коммерциялық емес акционерлік қоғамы (бұдан әрі - Мемлекеттік корпорация) Қазақстан Республикасының заңнамасына сәйкес мемлекеттік қызметтерді көрсету, мемлекеттік көрсетілетін қызметтердің бірыңғай провайдерінің қызметін жүзеге асыру және мемлекеттік қызметтердің электрондық нысанда көрсетілуін қамтамасыз ету үшін Қазақстан Республикасы Үкіметінің 2016 жылғы 29 қаңтардағы № 39 қаулысының негізінде құрылған.
Мемлекеттік корпорацияның жалғыз акционері Қазақстан Республикасының Цифрлық даму, инновациялар және аэроғарыш өнеркәсібі министрлігі болып табылады.
Мемлекеттік корпорация өз қызметінде тұрақты ұзақ мерзімді дамуға, жұмыстың сенімділігі мен тұрақтылығына бағдарланады.
Жыл сайын стратегиялық мақсаттарды іске асыру мәртебесін қарай отырып, қоршаған ортадағы өзгерістер мен мүмкіндіктердің өсуін назарға ала отырып, Мемлекеттік корпорация өз дамуының жаңа басымдықтарын әзірледі.
Осы Даму стратегиясы Қазақстан-2050 Стратегиясы, Қазақстан Республикасының 2025 жылға дейінгі ұлттық даму жоспары, Цифрландыру, ғылым және инновациялар есебінен технологиялық серпіліс ұлттық жобасы, Қазақстан Республикасында мемлекеттік басқаруды дамытудың 2030 жылға дейінгі тұжырымдамасы ескеріле отырып әзірленді және Мемлекеттік корпорацияның 2022-2026 жылдарға арналған миссиясын, пайымын, стратегиялық мақсаттары мен міндеттерін айқындайды.
Алдағы бес жылға Мемлекеттік корпорация өзінің дамуын мемлекеттік қызметтерді көрсету және азаматтардың өтініштерін қарау кезінде халықпен кері байланысты қамтамасыз ету, оған бизнес-қоғамдастық қол жеткізе алатын мемлекеттік көрсетілетін қызметтер платформасын құруға қатысу, мемлекеттік қызметтер көрсету сапасын саннан сапаға көшіру арқылы тұрақты жақсарту жөніндегі қызметінде көріп отыр. Мемлекеттік корпорация заңнамалық актілерді әзірлеуге және мемлекеттік көрсетілетін қызметтерді цифрландыруға қатыса отырып, мемлекеттік көрсетілетін қызметтер жүйесіндегі өз рөлі мен ұстанымын арттыруға ұмтылатын болады. Мемлекеттік корпорация өзінің ішкі процестері мен ресурстарының тиімділігін арттыратын болады.
Стратегиялық мақсаттарға қол жеткізу нәтижесінде Мемлекеттік корпорация тиімді, технологиялық және клиентке бағдарланған компанияға айналады, мемлекет адамдар ең алдымен қағидатын нығайтады, кәсіпкерлер мемлекеттік қызметтерді көрсету қызметіне қатысу мүмкіндігіне ие болады, азаматтарға неғұрлым сапалы және жетілдірілген қызметтер қамтамасыз етіледі.
II. Ағымдағы жағдай

2021 жылғы сәуірде Мемлекеттік корпорация өзінің құрылуының бес жылдығын атап өтті. Бүгінде Мемлекеттік корпорация - бұл 334 фронт-офис, 446 бэк-офис және шамамен 20 мың жұмыскер.
Жыл сайын Мемлекеттік корпорация арқылы 16 миллионнан астам мемлекеттік қызмет көрсетіледі. Мемлекеттік корпорация мемлекеттік көрсетілетін қызметтер провайдері ретінде 662 қызмет түрін ұсынады, оның 22 түрі бойынша қызмет көрсетуші болып табылады.
Өзінің қызмет ету кезеңінде Мемлекеттік корпорация мемлекеттік қызмет көрсету саласындағы түрлі реформалардың бастамашысы болды.
Электрондық техникалық паспорт, бірқатар қызметтер бойынша эксаумақтық қағидат енгізілді, BlockChain технологиясы бойынша жылжымайтын мүлік кепілін тіркеу жөніндегі пилоттық жоба іске қосылды.
Бала тууға, мүгедектікті белгілеуге, мемлекеттік кепілдік төлеуге, көп балалы аналарға мемлекеттік жәрдемақы тағайындауға байланысты қызметтер проактивті негізде көрсетіледі.
Мобильдік қосымшалар (E-GOV Mobile, Telegram) арқылы қызметтерді алу бойынша жобалар, сондай- ақ биометриялық деректер бойынша көрсетілетін қызметті алушыны (бұдан әрі - клиент) сәйкестендіру және басқа да жобалар іске асырылды.
Алайда, Мемлекеттік корпорацияның қазіргі даму кезеңінде мемлекеттік қызметтердің сапасы мен қолжетімділігін арттыруға назар аударған жөн.
Сонымен бірге Мемлекеттік корпорацияда сыртқы және ішкі ортаны талдау қорытындылары бойынша анықталған шешімдерді талап ететін мәселелер бар.
Сыртқы ортаның саяси, экономикалық, әлеуметтік және технологиялық факторларын талдау (PEST-талдау) тікелей ықпал ету факторларының арасында Мемлекеттік корпорация жағдайының орнықтылығына заңнамалық база, мемлекеттік жоспарлау, мемлекеттік органдармен өзара әрекет ету және цифрлық технологиялардың дамуы жоғары әсер ететінін анықтады.
SWOT-талдау негізінде ішкі ортаны бағалау өсу мүмкіндіктері мен кедергілерді айқындауға мүмкіндік берді.

Күшті жақтары (S)
Мүмкіндіктер (О)
Мемлекеттік көрсетілетін қызметтердің бірыңғай провайдерінің мәртебесі;
көрсетілетін қызметтерге тұрақты сұраныс;
мемлекеттік IT-жүйелерге қолжетімділік;
дамыған филиалдық желі;
Үкіметтің Мемлекеттік корпорацияның фронт-офистерінің әлеуетін пайдаланудағы жоғары мүдделілігі;
Республикалық бюджеттен қаржыландыру;
жеке инфрақұрылымның болуы;
толық циклмен қызмет көрсету бойынша құзыреттер
Мемлекеттік корпорация брендін мемлекеттің азаматтармен өзара іс-қимыл платформасы ретінде дамыту және ілгерілету;
мемлекеттік көрсетілетін қызметтер саласындағы заңнамалық процеске қатысу;
қызмет көрсетудің жаңа нысандары мен тәсілдеріне сұранысты қалыптастыру;
ақпараттық жүйелерді дамыту және мемлекеттік қызметтер көрсету үшін GovTech-платофрмаларын құру;
халықтың кері байланысын талдау және алу үшін дамыған филиалдық желіні пайдалану
Әлсіз жақтары (W)
Қауіптер (T)
Көрсетілетін қызметтер тарификациясының болмауы;
нормативтік құқықтық шектеулер (мемлекеттік қызметтер көрсету функциялары мен процестерінің өзгеруі бойынша кедергілер);
ескірген инфрақұрылым (IT-жабдықтар, ғимараттар, оның ішінде мұрағаттық орынжайлар);
ресурстық сыйымды процестердің болуы (бэк-офистерде қолмен өңдеу);
жалақының төмен болуы;
ақпараттық қауіпсіздіктің төмен болуы
деректер базаларының маңызды болмауы
Экономикалық ахуалдың нашарлауы салдарынан Мемлекеттік корпорацияға бөлінетін бюджет қаражатының қысқаруы;
өзге мемлекеттік органдар мен ұйымдарға беру арқылы қызметтің (түрлерін) қысқаруы;
мемлекеттік ақпараттық жүйелердің техникалық іркілістері;
мемлекеттік көрсетілетін қызметтерді берумен бірге қағаз мұрағаттың үлкен көлемінің Мемлекеттік корпорацияның қарамағына берілуі және оны күтіп-ұстау қажеттілігі;
қызмет көрсету сапасына қанағаттану деңгейінің төмендеуі;
еңбек нарығындағы тартымдылықтың төмендеуі және Мемлекеттік корпорациядағы жұмыс беделінің түсуі

Қолда бар мүмкіндіктер мен инклюзивтік тәсілді пайдалана отырып, Мемлекеттік корпорация цифрлық трансформация кезеңінде өз дамуының жаңа кезеңіне көшуі тиіс. Осы мақсатта озық елдерде қолданылатын технологиялар зерттелген.

III. Әлемдік тәжірибе мен трендтер

Қазіргі әлемде цифрландыру қарқынды жаһандық трендке айналды. Жалпы коронавирустық пандемия цифрлық сервистерге көшу процесін жеделдетті. Цифрлық дәуірге көшу жағдайында мемлекеттер азаматтармен өзара әрекет етудің жаңа форматтарын іздестіруде.
Бүгінде цифрлық мемлекетті қалыптастыру міндеттерінің барлық шарттары мен шешімдеріне жауап беретін бірыңғай үлгі жоқ. Әрбір ел осы міндетті іске асыру кезінде пайдаланылатын басымдықтардың, мән-жайлар мен қолда бар ресурстардың бірегей үйлесіміне ие.
Мемлекеттік қызметтер көрсету саласындағы көшбасшы елдер арасында қызмет көрсеткіштері ретінде мынадай трендтерді бөліп көрсетуге болады:
- жеке басын растаудың қауіпсіз әдісі ретінде биометриялық цифрлық сәйкестендіру (яғни, азаматтың биометриялық деректері арқылы кез-келген мемлекеттік цифрлық арна арқылы) (АҚШ, Эстония, Оңтүстік Корея, Бразилия, Ұлыбритания, Франция, Канада);
- транспаренттілік, кез келген азамат өзінің жеке деректерін қай мемлекеттік органның сұрағанын біле алады және қажет болған жағдайда, осы факті бойынша түсініктеме алу үшін сұраным жолдай алады (Эстония);
- бір өтініш қағидаты - мемлекеттік органдарға белгілі бір құжатты бірнеше рет талап етуге қатаң тыйым салу (Эстония, Қытай, Оңтүстік Корея, Сингапур, Канада);
- қызмет азаматтар мен бизнестің қажеттіліктеріне қарай таңдалғанда, қызметтерді дербестендіру (Оңтүстік Корея, Дания, Сингапур, Канада);
- мемлекеттік басқарудың барлық кезеңдерінде талдаманы барлық жерде пайдалану (Сингапур, Оңтүстік Корея, АҚШ, Эстония, Канада, Дания);
- азаматтың цифрлық бейіні (АҚШ, Канада, Нидерланды, Эстония, Қытай, Сингапур);
- масштабталуды қамтамасыз ететін және цифрлық қызмет көрсету уақытын қысқартатын бұлтты қызмет модельдері (АҚШ, Ұлыбритания, Канада, Австралия, Сингапур, Оңтүстік Корея, Қытай);
- смартфондар арқылы жылдам және инновациялық қызметтерді алуға мүмкіндік беретін бесінші буын мобильді технологиялары (Қытай, Канада, Дания, Оңтүстік Корея, Эстония, АҚШ);
- халықпен өзара іс-қимыл арналарының бірі ретінде мемлекеттік басқаруда әлеуметтік желілерді қолдану (Дания, Қытай, Сингапур, Беларусь, Ресей);
- жасанды интеллект мүмкіндіктерін және деректерді автоматтандырылған өңдеудің заманауи технологияларын пайдалану (Оңтүстік Корея, Қытай, Дания, АҚШ, Швеция, Ұлыбритания, Канада).
Жылдам технологиялық инновациялар дәуірінде халық мемлекеттік секторды техникалық жарақтандыру деңгейі олардың тыныс-тіршілігінің басқа да аспектілері деңгейінде болады деп күтеді. Сондықтан шет елдерде мемлекеттік технологиялар саласы (government Technology GovTech) қарқынды дамыды. Бұл стартаптар, инновациялық компаниялар және мемлекеттің өзі жаңа технологияларды пайдалана отырып, мемлекеттік көрсетілетін қызметтерді цифрландыратын бағыт. Тек GovTech қызметтерін ұсынатын стартаптар саны артатын болады. Азаматтардың күтулерін арттыру электрондық үкіметті енгізу және G2C (мемлекет-азамат), G2B (мемлекет-бизнес) және G2G (мемлекет-мемлекет) қызметтерін дамыту жылдамдығын арттырады деп болжануда.
Алдыңғы қатарлы шет елдердің негізгі ерекшеліктері азаматтардың мүддесі үшін жалпы жұмыс философиясы және ақпараттық-коммуникациялық технологияларды кеңінен қолдану болып табылады.
Цифрлық қызметтерді дамыта отырып, барлық елдер адами капиталға баса назар аударады және өздерінің стратегиялық бағыттарында халықтың цифрлық дағдыларын дамытуды атап көрсетеді.
Бұл ретте, барлық елдер кибер-шабуылдар тәуекелін ескереді және деректерді қорғау бойынша тиісті бейімделген бағдарламаларды немесе киберқауіпсіздік бойынша арнайы ведомстволар құрады.

IV. Даму бағыттары

Мемлекеттік корпорация әлемдік тәжірибеге, сондай-ақ өзінің де тәжірибесіне сүйеніп, өзінің Даму стратегиясын үш басым бағыт бойынша қалыптастырды. Ол өзінің негізгі күш-жігерін олардың жетістіктеріне бағыттайды.

1-бағыт. Мемлекеттік қызметтерді көрсету платформасы

Цифрландыру, ғылым және инновациялар есебінен технологиялық серпіліс ұлттық жобасында (бұдан әрі - Ұлттық жоба) мемлекеттік органдар мен ұйымдар, Мемлекеттік корпорация, мемлекеттік емес ұйымдар (екінші деңгейдегі банктер, өзін-өзі реттейтін ұйымдар, жеке кәсіпкерлік субъектілері), сондай-ақ қатысушыларға тиесілі ақпараттық жүйелер қатысушылары болатын мемлекеттік қызметтерді көрсету платформасын (бұдан әрі - платформа) құру көзделген.
Платформа мемлекеттік қызметтер көрсету бизнес-процестерінің нақты архитектурасына және оларды бірнеше сервистермен интеграциялаусыз автоматтандыруға ықпал ететін болады.
Платформаны құру және дамыту кезінде Мемлекеттік корпорация өз рөлін электрондық үкіметтің ақпараттық-коммуникациялық инфрақұрылымының операторын әдіснамалық және ақпараттық қамтамасыз етуде көреді. Мемлекеттік корпорация мемлекеттік көрсетілетін қызметтер саласындағы өзгерістердің драйверіне айналады. Мемлекеттік корпорация Цифрлық трансформация орталығымен өзара әрекет ете отырып, мемлекеттік қызметтер көрсетудің бизнес-процестеріне тұрақты реинжиниринг жүргізетін болады және Қызметтер 5 минут ішінде бағыты бойынша ұлттық жоба міндеттерін іске асыруды қамтамасыз етеді.
Нәтижесінде мемлекеттік көрсетілетін қызметтерді жетілдіру және қызметтердің жаңа түрі мен сапасының пайда болуы үшін жаңа жолдар ашылады. Клиентке қызмет көрсету тәсілі мен орнын таңдау құқығы ұсынылатын болады, неғұрлым сапалы және жылдам сервис қамтамасыз етіледі. Клиенттердің дербес деректерінің қауіпсіздігіне кепілдік беру үшін мемлекеттік қызметтерді көрсету кезінде цифрлық сәйкестендірудің инновациялық әдістері енгізілетін болады.
Бүгінде бірыңғай провайдер мәртебесінің болуына қарамастан, Мемлекеттік корпорацияда заңнамалық деңгейде қызмет көрсету процестерін өзгерту құралдары жеткіліксіз.
Мемлекеттік корпорация өзінің күшті жақтары мен мүмкіндіктерін пайдалана отырып, өмірлік жағдайлар бойынша мемлекеттік көрсетілетін қызметтер бизнес-процестерінің әдіскері және азаматтардың мемлекеттік көрсетілетін қызметтер мәселелері жөніндегі сарапшы-омбудсмені болуды жоспарлап отыр. Бұл клиенттің өмірлік жағдайын және оның өзекті қажеттіліктерін ескере отырып, бизнес-процесті өзгертуге мүмкіндік береді (қазір бизнес-процесс мемлекеттік органдардың функцияларынан құрылады). Нәтижесінде, клиенттер нәтижеге де, қызметтер мен сервистерді ыңғайлы алу процесіне де риза болады.
Мемлекеттік корпорация Мемлекеттік корпорацияның мәртебесі туралы заң жобасын әзірлеуді жоспарлап отыр, бұл да оның мемлекеттік қызметтер саласындағы ұстанымын күшейтеді.
Мемлекеттік корпорация мемлекеттік қызмет көрсетуде көп арналы тәсілге ұмтылатын болады. Бүгінгі күні мемлекеттік қызметтерді Мемлекеттік корпорация, мемлекеттік органдар, электрондық үкімет порталы, мобильдік құрылғылар, сондай-ақ екінші деңгейдегі банктердің сервистері, Бірыңғай нотариаттық ақпараттық жүйе арқылы алуға болады. Көптеген ұйымдар осы процестің қатысушысы болуға дайын, ал мемлекет құжаттарды қабылдау функцияларын мемлекеттік емес ұйымдарға беруге дайын. Мемлекеттік корпорация фронт-офистер желісін (франшиза) дамыта отырып, осы жобаға қатысуға ниетті. Бұл ... жалғасы

Сіз бұл жұмысты біздің қосымшамыз арқылы толығымен тегін көре аласыз.