Қозғалыс дағдыларының даму кезеңдері

Жұмыс түрі: Курстық жұмыс
Тегін: Антиплагиат
Көлемі: 21 бет
Таңдаулыға:

Тақырыбы: Қозғалыс дағдыларын дамыту, жасына қарай қозғалыстарды үйлестіруді жетілдіру

Орындаған:Сейдкасимова А.
Қабылдаған оқытушы:

Мазмұны

Кіріспе

3
Негізгі бөлім

5
1. Қозғалыс дағдыларының даму кезеңдері
5
2. Жасына қарай қозғалыс үйлестірудің ерекшеліктері
6
3. Қозғалыс дағдыларын дамыту әдістері мен жаттығулары

8
3.1 Ойын әдісі
9
3.2 Гимнастикалық жаттығулар
10
3.3 Динамикалық ойындар мен қозғалыс белсенділігі
жаттығулары
10
3.4 Спорттық жаттығулар
11
3.5 Тепе-теңдік және дене икемділігін дамыту
жаттығулары

11
3.6 Жеке және топтық жұмыстар
11
3.7 Табиғат аясында жаттығу жасау
12
3.8 Жаттығуларды кезең-кезеңмен үйрету әдісі
12
4. Қозғалыс дағдыларының дамуына әсер ететін факторлар

13
5. Қазақстандағы балалардың қозғалыс белсенділігінің жағдайы

15
6. Шетелдік тәжірибе
17

Қорытынды
20

Пайдаланылған әдебиеттер тізімі
21

КІРІСПЕ

Қозғалыс дағдыларын дамыту және қозғалысты үйлестіруді жетілдіру - баланың физикалық және психологиялық дамуы үшін маңызды процесс. Қозғалыс дағдылары - бұл адамның табиғи қимылдары мен әрекеттерін орындауға мүмкіндік беретін дене тәрбиесінің негізгі аспектісі. Әрбір жас кезеңіне қарай балаларда қозғалыс үйлестіру қабілеті әртүрлі деңгейде дамиды және бұл қабілетті дұрыс бағытта дамыту олардың денсаулығы мен өсуіне үлкен ықпал етеді.
Қозғалыс дағдыларының қалыптасуы адамның жүйке жүйесі мен бұлшықеттерінің үйлесімді жұмыс істеуінен басталады. Жасөспірім кезеңде бұл процестер әсіресе белсенді түрде дамиды, өйткені осы уақыт аралығында дене тез өсіп, қимыл-қозғалыс икемділігі артады. Дегенмен, қозғалыс дағдылары тек табиғи түрде ғана емес, арнайы дене жаттығулары мен бағытталған оқыту арқылы да жетілдіріледі. Сондықтан мектепке дейінгі және мектеп жасындағы балалардың қозғалыс дағдыларын дамытуға ерекше назар аудару қажет.
Қазіргі заманғы дене тәрбиесі ғылымында қозғалыс дағдыларын дамыту мен үйлестіруді жетілдіруге бағытталған әртүрлі әдіс-тәсілдер қолданылады. Мысалы, мектеп жасына дейінгі балаларда ойын түріндегі жаттығулар кеңінен қолданылады, себебі ойындар арқылы балалар қимыл-қозғалыстарды табиғи түрде меңгереді. Ал, мектеп жасында қозғалысты үйлестіру және дене икемділігін дамыту дене шынықтыру сабақтары мен спорттық жаттығулар арқылы жүзеге асады.
Қозғалысты үйлестіруді дамытудағы ең үлкен қиындықтардың бірі - әр баланың жасына, физикалық мүмкіндіктеріне және психологиялық ерекшеліктеріне сәйкес келетін тәсілді дұрыс таңдау қажеттілігі. Балалардың қозғалыс дағдылары олардың жалпы денсаулық жағдайына, психикалық тұрақтылығына және өздеріне деген сенімділігін қалыптастыруға әсер етеді. Сонымен қатар, үйлесімді дамыған қозғалыс дағдылары балалардың басқа адамдармен қарым-қатынас жасауында, ұжымда жұмыс істей алуында маңызды рөл атқарады.
Тақырыптың өзектілігі: Әрбір баланың жасына қарай қозғалыс дағдыларын қалыптастыру және жетілдіру оның дене дамуы мен жалпы физикалық қабілеттерінің іргетасын қалап, денсаулығының нығаюына мүмкіндік береді. Балалар мен жасөспірімдердің қозғалыс қабілеттерін үйлестіру және жетілдіру олардың күнделікті өмірдегі белсенділігіне, психикалық тұрақтылығына, өзіне деген сенімділігіне, қоғамда бейімделуіне және жалпы өмір сүру сапасына оң әсер етеді. Осы тұрғыдан алғанда, бұл тақырыптың өзектілігі зор.
Қазіргі таңда балалардың дене белсенділігінің төмендеуі, қалалық өмір салты және цифрлық технологиялардың белең алуы сияқты факторлар олардың қозғалыс дағдыларының дамуын тежеуі мүмкін. Сондықтан, білім беру жүйесінде баланың жасына сәйкес қозғалысты үйлестіру қабілетін жетілдіру аса маңызды болып отыр. Дене шынықтыру сабақтары, спорттық ойындар және арнайы бағдарламалар арқылы балалардың қозғалыс белсенділігін арттыру олардың толыққанды физикалық және психикалық дамуына жағдай жасайды.
Қозғалыс дағдылары - адамның негізгі қимылдарды тиімді әрі сенімді түрде орындау қабілеті. Қозғалыс дағдыларын дамыту мен үйлестірудің бала өмірінде мынадай маңыздары бар:
1. Физикалық даму: Дұрыс қалыптасқан қозғалыс дағдылары бұлшықеттер мен сүйек жүйесінің дамуына оң ықпал етеді, икемділік пен тепе-теңдік қабілетін жақсартады.
2. Жеке тұлғалық даму: Қозғалыс үйлестіру қабілеті баланың өз-өзіне деген сенімділігін арттырады, ол қиындықтарды жеңуге және түрлі жағдайларға бейімделуге көмектеседі.
3. Әлеуметтік қабілеттерді жетілдіру: Спорттық және ойын түріндегі қимыл-қозғалыстар арқылы бала ұжымдық жұмысқа дағдыланады, командада жұмыс істей білу, жауапкершілік сезімі артады.
4. Психикалық тұрақтылық пен эмоционалдық даму: Белсенді қозғалыс дағдылары балалардың көңіл-күйін көтереді, оларды стрестен арылтады, психологиялық тұрақтылығын нығайтады.
Бұл зерттеудің негізгі мақсаты - балалардың жас ерекшеліктеріне қарай қозғалыс дағдыларын дамыту және үйлестіру қабілеттерін жетілдірудің тиімді әдіс-тәсілдерін анықтау. Сонымен қатар, балалардың жас кезеңдеріне қарай қозғалыс дағдылары мен үйлестіру ерекшеліктерін зерттей отырып, олардың дене дамуына ықпал ететін маңызды факторларды айқындау.
Зерттеудің міндеттері:
1. Қозғалыс дағдыларын дамыту мен үйлестірудің теориялық негіздерін зерттеу.
2. Әр түрлі жас кезеңдеріндегі балалардың қозғалыс дағдылары мен үйлестіру ерекшеліктерін талдау.
3. Қозғалыс дағдыларын жетілдіруге бағытталған әдістерді зерттеп, олардың тиімділігін бағалау.
4. Мектепке дейінгі және мектеп жасындағы балаларға арналған қозғалыс белсенділігін арттыратын ойындар мен жаттығулар кешенін құрастыру.
5. Зерттеу нәтижелерін жинақтап, жас ерекшеліктеріне сай қозғалыс дағдыларын жетілдіру бойынша ұсыныстар беру.
Зерттеу барысында әртүрлі ғылыми әдістер мен тәжірибелік жаттығуларды қолдану арқылы қозғалыс дағдыларын дамытудың балалар денсаулығы мен тұлғалық дамуына тигізетін әсерін анықтауға ерекше көңіл бөлінеді.

Негізгі бөлім
1. Қозғалыс дағдыларының даму кезеңдері

Адам өзінің күнделікті тіршілігінде еңбек барысында толып жатқан әрекеттер мен әр түрлі қозғалыстар жасайды. Осының бәрі дененің кейбір жекелеген мүшелерінің қалыптасып, жетілуіне өзіндік әсер етеді. Адамның жеке басының қасиеттері дененің қалыптасуымен тығыз байланысты. Оның рухани өсуі мен денесінің өсіп-жетілуі балалық шақта қалыптасады. Гимнастикамен, жеңіл атлетикамен, жүзумен, шаңғымен, волейболмен т.б. спорт түрлері және қазақ халқының, сонымен қатар өзге ұлт өкілдерінің ұлттық ойындарымен жүйелі түрде және үздіксіз айналысатын балалар дені сау болып қана қоймай, дене жаттығуларын орындаумен айналыспаған өздерінің құрдастарына қарағанда сергек, саналы болып өсетінін ғылым мен өмір тәжірибесі толық дәлелдеп отыр.
Қозғалыс дағдыларының қалыптасуы адамның физиологиялық және психологиялық дамуына байланысты әртүрлі кезеңдерден өтеді. Әр кезеңде бала қимыл-қозғалыс дағдыларын игеру және үйлестіру қабілетін біртіндеп жетілдіреді. Қозғалыс дағдыларының даму кезеңдерін шартты түрде төмендегі топтарға бөліп қарастыруға болады:
* Мектепке дейінгі кезең (0-6 жас)
Бұл кезеңде бала өзінің алғашқы негізгі қимыл дағдыларын қалыптастырады. Қимылдарды үйлестірудің бастапқы дағдылары туылғаннан кейінгі алғашқы айлардан-ақ пайда бола бастайды, және бала өскен сайын қимылдары күрделене түседі.
Жаңа туған кезең (0-1 жас): Бұл кезеңде қозғалыстар негізінен рефлекстік сипатта болады. Бала басын көтеріп, еңбектеп, отырып, біртіндеп тұруға және жүруге дағдылана бастайды.
Мектепке дейінгі кезең (1-3 жас): Бұл кезде бала өзін-өзі басқаруды және негізгі қимыл-қозғалыстарды (жүру, жүгіру, секіру) меңгереді. Қозғалыс үйлестіру қабілеттері де дамиды, бірақ әлі тұрақсыз.
Мектепалды кезең (4-6 жас): Қозғалыстар ширай түседі, бала тепе-теңдікті сақтап, белгілі бір қимылдарды бірқалыпты орындай алатын деңгейге жетеді. Ойындар арқылы қимылдарды дәлдікпен орындау дағдылары қалыптасады.
* Бастауыш мектеп кезеңі (7-10 жас)
Бұл кезеңде балалардың қозғалыс дағдылары біршама жетіліп, жаңа қимыл түрлерін меңгеру қабілеттері артады. Қимылдарды реттеу мен үйлестіру дәлдігі күшейе түседі.
Тепе-теңдік пен дене икемділігін арттыру: Бастауыш мектеп оқушылары өз қимылдарын дәлірек басқаруды үйренеді, бұл әсіресе спорттық ойындар мен дене шынықтыру сабақтарында маңызды.
Жаңа қимылдарды меңгеру: Бұл кезеңде балалар күрделі қимылдарды орындауға, командалық спорт ойындарына қатысуға қабілетті болады. Олар әртүрлі қимылдарды үйлестіруді және оларды орындау техникасын дамытады.
* Жасөспірімдік кезең (11-15 жас)
Жасөспірімдік кезең қозғалыс дағдыларының дамуы үшін өте белсенді кезең болып табылады. Бұл кезде балаларда физикалық және психикалық даму белсенді түрде жүреді, сондықтан дағдыларды одан әрі жетілдіру мүмкіндігі туады.
Күш пен төзімділіктің дамуы: Бұл кезеңде бұлшықеттер күшейіп, қимылдарды орындау жылдамдығы мен күшін арттыруға мүмкіндік береді.
Қозғалыс үйлесімділігі: Жасөспірімдер үйлесімді қимылдарды жақсы меңгереді, дене икемділігі артып, қимылдардың дәлдігі жоғарылайды.
Құрастырушы және күрделі дағдылар: Жасөспірімдер түрлі спорт түрлерін игеріп, оларда жетістікке жету үшін қажетті техникаларды меңгере бастайды.
* Жеткіншек және жасөспірім кезеңі (16-18 жас)
Бұл кезеңде қозғалыс дағдыларының дамуында жоғары деңгейге қол жеткізіледі. Қимыл-қозғалыс дағдылары әбден орныққан және дене күші де ең жоғарғы деңгейге жетеді.
Дене қозғалыстарын толық бақылау: Бұл кезеңде қимылдарды бақылау, үйлестіру және икемділік ең жоғары деңгейде болады. Спорттық шеберлік пен күрделі қимылдарды орындау қабілеті күшейеді.
Техника мен дәлдік: Қозғалыстарды орындаудағы дәлдік, қарқындылық, жылдамдық пен күш біртұтас үйлестіріледі.
Жеке физикалық ерекшеліктерін дамыту: Жастар жеке физикалық қабілеттерін дамытуға, мысалы, жылдамдықты, төзімділікті немесе күшті арттыруға тырысады. Қимылдарды қайталану деңгейі артқан сайын дағдылар автоматты түрде жетіле түседі.
* Ересек кезең (18 жастан жоғары)
Бұл кезеңде қозғалыс дағдылары тұрақтанып, кәсіби немесе күнделікті өмірде қажет болған қозғалыс қабілеттерін жетілдіру мүмкіндігі бар.
Кәсіби деңгейдегі қозғалыс дағдылары: Кейбір ересектерде спорттық дағдылар немесе арнайы кәсіптік қимылдар дамиды.
Қозғалыс тиімділігі: Қозғалыстардың тиімділігі артып, күрделі қимылдар автоматты түрде орындалады.

2. Жасына қарай қозғалыс үйлестірудің ерекшеліктері

Баланың физиологиялық және психологиялық дамуы қозғалыс дағдыларын жетілдірумен қатар, қимыл-қозғалыс үйлестіруінің де дамуына тікелей әсер етеді. Қозғалыс қимылдарына үйрету атауы бір қимыл және оған қосарланатын теориялық түсінік болған жағдайда қолданылады. Себебі ол қимыл және оған енетін қозғалыстар құрылымын қосып көрсетеді. Ол жағдайда қозғалысқа үйрету деген кең мағынада атауды пайдалануға болады. Нақты кезеңде әр түрлі атауларды қолдану, жетекшінің педагогикалық міндеттерге топтастыруына мүмкіндік жасайды.
Қимылға үйрету - білімді бір мезгілде қабылдау, қозғалыс дағдыларын қалыптастыру жіне тиісті дене мүмкіншіліктерін қалыптастыру процесі болмақ. Бұлардың барлығы бір-біріне жәрдемдеседі, бірақ жеке әдістері мен құралдары жөнінен бірыңғай емес. Сондықтан да педагогикалық жұмыста бір не өзге міндеттерді баса көрсетуге жүгінеді. Әрбір қимылға үйренуде бала жаңадан қабылдаған және өзінде бар бұрынғы біліміне сүйенеді.
Балалардың қозғалыс үйлестіру қабілеті жасына қарай өзгеріп, әрбір даму кезеңінде өзіндік ерекшеліктермен сипатталады. Әр жас кезеңінде қозғалыс үйлестірудің өзіндік сипаттары мен ерекшеліктері бар, оларды дамыту бала денсаулығы мен тұлғалық қалыптасуы үшін өте маңызды.
* Ерте балалық шақ (0-3 жас)
Бұл кезеңде қозғалыс үйлестіру негіздері қаланады. Балалар әртүрлі қимылдарды біртіндеп меңгере бастайды және олардың дене қимылдарын бақылау қабілеті біртіндеп артады.
Рефлекстер мен негізгі қозғалыстар: Жаңа туған балаларда қозғалыстар негізінен рефлекс арқылы жүзеге асады (сору, жұту, қолын-аяғын қимылдату).
Қарапайым қозғалыстарды меңгеру: Бала өз денесінің қозғалысын бақылауды үйреніп, басын ұстау, отыру, тұру, еңбектеу және жүру сияқты негізгі қозғалыс дағдыларын қалыптастырады.
Қозғалыстарды үйлестірудің жетілуі: Қозғалыс үйлестіру біртіндеп дамып, бала өзі отыра алады, тепе-теңдігін сақтап тұра алады, жүріп, жүгіре алады. Әсіресе 2-3 жас аралығында қимыл қозғалыстар әлдеқайда ширақ әрі еркін болады.
* Мектепке дейінгі кезең (3-6 жас)
Бұл кезеңде балалардың қозғалыс үйлестіру қабілеті айтарлықтай жақсарады. Олар әртүрлі қимылдарды орындауға, дене қимылдарын жақсырақ үйлестіруге қабілетті болады.
Жетілген қозғалыстар: Бала секіру, жүгіру, лақтыру, ұстап алу сияқты күрделірек қимылдарды орындауды үйренеді. Қозғалыс үйлестіруі жақсырақ болғандықтан, тепе-теңдікті сақтау қабілеті де артады.
Ойындар мен спорттық жаттығулар: Бұл жастағы балалар қозғалыс үйлестіру қабілеттерін ойын арқылы жақсартады. Түрлі қимылдарды орындауға негізделген ойындар, секіру мен доп лақтыру сияқты әрекеттер олардың қозғалыс үйлестіруін жетілдіреді.
Қимыл дәлдігі: Қозғалыстар анағұрлым дәл және нақты бола түседі, бірақ қозғалыс үйлестірудің толық жетілмегендігінен кейде қимылдарды орындауда кішігірім сәйкессіздіктер болуы мүмкін.
* Бастауыш мектеп кезеңі (7-10 жас)
Бастауыш мектеп жасында қозғалыс үйлестіру қабілеті күрделеніп, жетіле түседі. Бұл кезеңде балалар дене жаттығуларына, спортқа қызыға бастайды, түрлі спорттық қимылдарды үйренуге қабілетті болады.
Қимыл-қозғалыс икемділігі мен төзімділігі: Балалар әртүрлі қимылдарды үйлестіріп, дәл орындауды үйренеді. Олар тепе-теңдік сақтауды, дене салмағын дұрыс бөлуді жақсы меңгереді.
Күрделі қимылдарды меңгеру: Бастауыш мектеп оқушылары командалық спорт түрлері, акробатика және гимнастика сияқты күрделі қимылдарды игере алады.
Жүйке-бұлшықет үйлесімділігінің дамуы: Балалардың жүйке жүйесі мен бұлшықеттерінің байланысы жақсарып, күрделі қимылдарды үйлестіру қабілеті дамиды. Бұл кезеңде дене тәрбиесі мен спорттық жаттығулар қозғалыс үйлестіру қабілетін жетілдіруде үлкен рөл атқарады.
* Жасөспірімдік кезең (11-15 жас)
Бұл кезеңде қозғалыс үйлестіру қабілеттері жоғары деңгейде дамиды, өйткені бұлшықет пен сүйек жүйесі белсенді түрде өсіп, жетіледі.
Дене күші мен икемділіктің артуы: Жасөспірімдердің бұлшықет күші өсіп, қозғалыс үйлестіру қабілеті жақсарады. Дене икемділігі мен төзімділігі арта түседі.
Қимыл дәлдігі мен жылдамдығы: Жасөспірімдер жылдам қимылдай алады, қимылдарды дәл және бірқалыпты орындау қабілеті жетіледі.
Спорттық дағдылардың дамуы: Жасөспірімдер көптеген спорт түрлеріне бейімделіп, күрделі техникаларды игере алады. Бұл кезеңде жүйке-бұлшықет жүйесінің дамуы арқасында дәлдік пен жылдамдық жоғарылайды.
* Жеткіншек және жасөспірімдік кезең (16-18 жас)
Бұл кезеңде қозғалыс үйлестіру қабілеті толық қалыптасып, жетілген деңгейге жетеді. Жеткіншектер мен жасөспірімдер дене қимылдарын бақылауда кәсіби деңгейге дейін жетуі мүмкін.
Кәсіби шеберліктің қалыптасуы: Жасөспірімдер өздеріне қызықты спорт түрлерінде арнайы дағдыларды жетілдіреді және оларды жетік меңгере алады.
Қозғалысты толық бақылау: Дене қимылдарын дәл әрі тиімді үйлестіріп, барлық бұлшықеттерді бірқалыпты жұмыс істеуге бағыттай алады.
Жеке қозғалыс ерекшеліктерін дамыту: Әр жасөспірім өзінің дене мүмкіндіктерін, күшін, жылдамдығын, икемділігін және төзімділігін жетілдіреді, бұл жеке спорттық мақсаттарға жетуге көмектеседі.

3. Қозғалыс дағдыларын дамыту әдістері мен жаттығулары

Қозғалыс дағыдысы - жеке қозғалыстарда емес, қимылдың дәрежесіне және жағдайына назар аудара қимылды орындау қабілеттілігі. Қимылды орындау қабілеттілігі адамның білімі мен қозғалыс тәжірибесі арқылы пайда болады. Мұндай қабілеттілік сол қимылды қайталаудың белгілі бір санынан кейін ғана пайда болады.
Балалардың қозғалыс дағдыларын дамыту олардың физикалық дамуын ғана емес, психологиялық және әлеуметтік бейімделу қабілеттерін де жетілдіреді. Әр жас кезеңіне сай дұрыс таңдалған жаттығулар мен әдістер қозғалыс үйлестіруді жақсартады, қимыл-қозғалыс икемділігін арттырады және дене күшін нығайтады. Төменде қозғалыс дағдыларын дамытуға бағытталған негізгі әдістер мен жаттығулар сипатталған.

3.1 Ойын әдісі

Ойын әдісінің пайда болуы адамзат тарихымен тығыз байланысты. Ойындар мен ойын элементтері адамзат қоғамында ежелден-ақ бар, және олар түрлі мәдениеттерде, дәуірлерде әрқилы түрде дамып келген. Ойын әдісінің қалыптасу тарихы бірнеше кезеңдерге бөлінеді. Алғашқы қауымдық кезеңде адамдар ойын элементтерін аңшылық, еңбек немесе соғыс тактикасын үйрену мақсатында қолданған. Бұл ойындар адамдардың физикалық дайындығын, тактикалық ойлау қабілетін дамытуға көмектескен.
XIX ғасырда білім беру саласында ойын әдісінің пайда болуы басталды. Педагогтар, әсіресе, Джон Дьюи мен Фридрих Фрёбель, ойынның оқу процесіндегі маңызын мойындап, оны оқу-тәжірибелік әдіс ретінде енгізе бастады. Ойын арқылы балалардың қызығушылығын оятып, білім алуын тиімді ету идеясы пайда болды.
XX ғасырдың ортасында психология және педагогика саласындағы зерттеулер ойын әдісінің тиімділігін дәлелдеді. Мысалы, Зигмунд Фрейд, Лев Выготский және Жан Пиаже сияқты ғалымдар ойынның психологиялық даму мен әлеуметтік қарым-қатынасқа әсерін зерттеді.
Бүгінде ойын әдісі білім беру саласында кеңінен қолданылады. Ойындар әр түрлі пәндерде, жас топтарында және білім беру деңгейлерінде пайдаланылады. Ойын әдісінің тиімділігі зерттеулер арқылы дәлелденіп, оқу үдерісін интерактивті, қызықты және тиімді ету үшін жаңа технологиялар мен платформалар енгізілуде. Осылайша, ойын әдісі білім беру, дамыту және тәрбиелеу процесінде маңызды рөл атқарады, ал оның тарихы қоғамның мәдениеті мен білім беру дәстүрлерімен тығыз байланысты.
Ойын әдісі - оқыту, тәрбиелеу және дамыту процесінде қолданылатын интерактивті тәсіл. Бұл әдіс оқу материалын меңгеруді жеңілдетеді, балалар мен ересектердің белсенділігін арттырады, сондай-ақ олардың әлеуметтік дағдыларын жетілдіруге ықпал етеді.
Ойын - мектепке дейінгі және бастауыш сынып оқушыларының қозғалыс дағдыларын дамытудың тиімді әдісі. Ойын арқылы балалар қимылдарды табиғи әрі еркін орындайды, қызығушылықпен айналысады. Ойындар қозғалыс үйлестіру, тепе-теңдікті сақтау және жылдамдықты арттыруға көмектеседі.
Жүгіру мен қуу ойындары: "Қуып жет!", "Кім жылдам?", "Айдаһардың құйрығы" сияқты ойындар балалардың жылдамдық пен төзімділік қабілеттерін дамытады.
Секіру мен теңгерімді сақтау ойындары: "Секіргіш", "Аттап секіру", "Арқан үстінде жүру" ойындары арқылы бала тепе-теңдік сақтауды және бұлшықет икемділігін арттырады.
Доппен ойындар: "Допты лақтыр!", "Себетке дәл түсір" ойындары қолдың, көздің үйлесімділігін дамытады және қозғалыс дәлдігін арттырады.
Ойын әдісі балалардың оқуға деген қызығушылығын арттырып, олардың шығармашылық ойлау қабілетін дамытуға көмектеседі.

3.2 Гимнастикалық жаттығулар

Гимнастикалық жаттығулар - дене тәрбиесінің маңызды бөлігі, олар дене шынықтыруды, икемділікті, күшті және координацияны дамытуға арналған. Гимнастиканың бірнеше түрі бар, соның ішінде спорттық гимнастика, аэробика, ритмикалық гимнастика, акробатика және тағы басқалары.
Гимнастика - қозғалыс дағдыларын қалыптастыру мен жетілдірудің негізгі әдістерінің бірі. Бұл жаттығулар баланың бүкіл денесін жұмылдырып, икемділік пен күшті арттырады.
* Созылу жаттығулары: Қолды жоғары көтеру, аяқты алшақ қою, еңкею арқылы дененің икемділігін арттыру.
* Тепе-теңдік жаттығулары: Бір аяқта тұру, денені әртүрлі бағытта еңкею және дене тепе-теңдігін сақтау қозғалыс үйлестіруін жетілдіреді.
* Қарапайым акробатикалық жаттығулар: Алға және артқа домалау, айналу сияқты қимылдар арқылы қозғалыс үйлестіру қабілеті дамиды.
Гимнастикалық жаттығуларды әртүрлі деңгейдегі адамдар, соның ішінде балалар мен ересектер, спортшылар мен әуесқойлар жасауға болады. Оларды жүйелі түрде орындау дене мен психиканың жалпы жағдайын жақсартуға көмектеседі.

3.3 Динамикалық ойындар мен қозғалыс белсенділігі жаттығулары

Динамикалық ойындар балалардың төзімділігін, күшін және қозғалыс жылдамдығын арттырады. Олар көбіне ашық ауада, кең жерде ойналады.
Жүгіру және жылдамдыққа арналған жаттығулар: Қысқа қашықтыққа жүгіру, мәреге бірінші жету сияқты жарыстар арқылы бала жылдамдық пен күшті дамытады.
Кедергілерден өту: Кедергілерден секіру, еңбектеу, айналу арқылы қозғалыс дәлдігін және дене күшін арттыруға болады.
Эстафеталық ойындар: Топпен жарысу, допты бір-біріне беру сияқты эстафеталар ұжымдық жұмыс пен қозғалысты үйлестіру дағдыларын дамытады.

3.4 Спорттық жаттығулар

Спорттық жаттығулар - физикалық жаттығулар мен дайындықтардың түрлері, оларды спортшылар өздерінің физикалық дайындығын, техникалық дағдыларын және тактикалық қабілеттерін жақсарту үшін орындайды. Спорттық жаттығулардың әр түрлі формалары бар, олар спорттың түріне және мақсаттарына байланысты өзгереді.
Спорттық жаттығулар қозғалыс дағдыларын мақсатты түрде жетілдіруге мүмкіндік береді. Әр спорт түрінің өзіндік ерекшеліктері бар, олар әртүрлі қозғалыс қабілеттерін дамытады.
Жеңіл атлетика: Жүгіру, секіру, лақтыру арқылы төзімділік, күш және жылдамдық қабілеттерін дамытады.
Жүзу: Су ішінде жасалатын қозғалыстар баланың икемділігі мен төзімділігін арттырады, бұлшық еттерін күшейтеді.
Командалық спорт түрлері: Футбол, волейбол, баскетбол сияқты ойындар ұжымдық жұмысқа, ептілікке және қозғалыс дәлдігіне үйретеді.
Спорттық жаттығулардың пайдасы: Физикалық денсаулық: спорттық жаттығулар жүрек-қан тамырлары жүйесін нығайтады, салмақты реттейді және аурулардың алдын алады. Психологиялық денсаулық: физикалық белсенділік стрессті азайтады, көңіл-күйді жақсартады. Әлеуметтік қарым-қатынас: командалық спорт түрлері әлеуметтік байланыстарды нығайтуға және командада жұмыс істей білуге көмектеседі. Дисциплина мен мақсат қою: спортпен шұғылдану тәртіпті және мақсатқа жету қабілетін дамытуға ықпал етеді.
Спорттық жаттығуларды дұрыс ұйымдастыру және жүйелі түрде орындау спортшылардың жетістіктерін арттыруға және жалпы денсаулықты жақсартуға мүмкіндік береді.

3.5 Тепе-теңдік және дене икемділігін дамыту жаттығулары

Бұл жаттығулар баланың қимыл үйлесімділігін жетілдіру үшін қолданылады. Әсіресе, мектепке дейінгі және бастауыш сынып жасындағы балаларда тепе-теңдік пен икемділік қабілеттерін дамыту ... жалғасы

Сіз бұл жұмысты біздің қосымшамыз арқылы толығымен тегін көре аласыз.