А-тәрізді (мачталы) мұнараны монтаждау

Пән: Мұнай, Газ
Жұмыс түрі: Реферат
Тегін: Антиплагиат
Көлемі: 13 бет
Таңдаулыға:

МАЗМҰНЫ

Кіріспе . . . 3

Негізгі бөлім . . . 4

1 А-тәріздес бұрғылау мұнарасы жайлы жалпы мәлімет . . . 4

2 А-тәріздес бұрғылау мұнарасын монтаждау әдістері . . . 6

2. 1 БУ2500ЭП қондырғысының А-тәріздес мұнарасын көтеру әдісі . . . 14

Қорытынды . . . 16

Пайдаланылған әдебиеттер тізімі . . . 17

КІРІСПЕ

Бұрғылау мұнарасы тәл механизмін, көтеріп-түсіру операцияларын механизациялау және бұрғылау свечаларын орналастыру үшін арналған ұңғыма үстіндегі металлдық құрылым. Бұрғылау мұнарасының техникалық мүмкіндіктеріне бұрғылау қондырғысының тасымалданғыштығы және бұрғылаудың тиімділігі мен қауіпсіздігі, монтаждауға қабілеттігі тәуелді. Бұрғылау мұнараларына қойылатын ең бірінші маңызды талап - беріктік және сенімділік.

Бұрғылау мұнарасының қауіпсіздігіне қойылатын талаптар МЕСТ 12. 2. 041-79 регламенттеледі, және осыған сәйкес мұнараның конструкциясы мен негізге немесе іргетасқа бекітілуі оның пайдалану кезінде сенімділігі пен қауіпсіздігін қамтамасыз етуі керек. Мұнара конструкциясында кронблоктық, жоғарғы жұмыстық және бұрғылау еденінен кронблокқа дейінгі марштық өтпелі баспалдақтар алаңдары қарастырылуы керек.

Жоғарғы алаң жылжымалы бесікшемен жабдықталуы керек. Кронблокты ауыстыру үшін козел және мұнараның жоғарғы негізіндегі монтаждалатын ролик кронблоктың бір жарым есе массасын көтеруге есептелген. Бұрғылау мұнарасының және оның жеке элементтерінің геометриялық формалары желдік жүктемелерді азайту мақсатында минималды аэродинамикалық кедергілерге ие болуы керек.

Аяқтарының санына және орнласуына байланысты бұрғылау мұнаралары башенді және мачталы А-тәріздес деп бөлінеді. Башенді мұнараларда жүктеме көпбұрыштың төбелерінде орналасқан екіден жоғары тіректерге беріледі. А-тәріздес типтегі мұнараларда жүктеме бір немесе екі тіректерге беріледі. Көтеріп-түсіру операцияларының тәсілдеріндегі бұрғылау мұнараларында свечаларды қолмен және механикаландырылған орналастыру құрылғыларына байланысты ажыратады. Бұл жазылып отырған студенттің өзіндік жұмысында негізінен А-тәріздес мұнараның монтаждалу әдістері мен реті көрсетілген.

Негізгі бөлім

1 А-тәріздес бұрғылау мұнарасы жайлы жалпы мәлімет

Діңгекті А-тәрізді мұнаралар (1, д-сурет) А-тәрізді формаға ие және аяқ секцияларының дәнекерленген конструкциясының арқасында жоғары монтаждылулық қасиетке ие. Мұнара аятары үшбұрышты 1, 2, төртбұрышты 3 немесе сақиналы 4 қималы болады. Төртбұрышты қималы аяқты мұнаралар ерекше көп зат керек етеді. Сақиналы қималы мұнараларды үлкен диаметрлі құбырлардан жасайды, бұл олардың салмағының өсуіне әкеледі. Екі тіректі (1, ж-сурет) және ұзындық бойына П-тәрізді пішінді қималы алды ашық қырлы бұрғылау мұнараларында қаттылық және монтажға икемділік қасиеттері жақсы үйлесім табады.

Бұрғылау мұнараларын құбырлардан, бұрыштықтардан, швеллерлерден және дөңгелек илемдерден жасайды.

1-сурет. Бұрғылау мұнараларының конструктивтік сұлбалары

Діңгекті А-тәрізді мұнара (2-сурет) негізгі жүктемені қабылдайтын екі аяқтан және мұнараны жұмыстық қалыпта ұстап тұратын тіреуіштерден тұрады. Мұнараның биіктігіне байланысты әр аяқ 3-5 дәнекерленген секциядан 2 жиналады. Секциялар фланецтік байланыстра арқылы түйістіріледі. Жинақтауды тездету үшін фланецтердің орнына жартықамыттар қолданылады. Жоғарғы секцияларда мұнараға герметикалық пішін мен қаттылық беру үшін кронблок асты рамамен жалғау үшін құлақшалар болады. Кронблок асты рамада козелдар және кронблокка қызмет көрсету мен жөндеу үшін алаң 1 орнатылған.

Мұнараны көтеру сұлбасы мен конструкциясына тәуелді тіреулер 5 көпірлер жағында орналасады. Мұнараның аяқтары 4 мұнараны ротор өсіне қатысты орталандырушы негізбен шарнирлі байланысады. Бұрғышының екінші көмекшісі үшін балкон 3 және свечалар орналасатын балкон мұнара аяқтарына кронштейдар арқылы бекітіледі.

Бұрғылау сораптыраның манифольдының стоягы мұнараның аяғының ішінде орналасады. Бұрғылау жеңін жөндеу және қызмет көрсету үшін мұнара аяғының ішінде кішкене алаңша болады. Марштық баспалдақтар 6 мұнараның аяқтарының бір қырына бекітіледі және балконға дейін жетеді. Мұнара аяғының ішінде туннельдік типтік баспалдақтар орнатылады.

А-тәрізді және басқа діңгекті мұнараларды көлденең күйінде арнайы дайындалған алаңдарда жинайды. Мұнараны тік қалыпқа тәл арқанымен жабдықталған арнайы блоктармен немесе трактормен тарптып көтереді.

2-сурет. Діңгекті А-тәрізді мұнара

2 А-тәріздес бұрғылау мұнарасын монтаждау әдістері

Бұрғылау қондырғылары кәсіпшілік шегінде әдетте негіздерде орнатылған жабдықпен тасымалданады. Егер жол жағдайлары мүмкіндік берсе, шағын қашықтықтарға қондырғыларды ірі блоктармен, кейде тіптен көтерілген діңгекпен, тракторлардың көмегімен немесе ауыр жүк тасығыштарда тасымалдайды.

Әдеттегі жол жағдайларында қондырғыларды, негіздерді және жабдықты жеке блоктармен ауыр жүк тасығыштарда немесе шынжыр табанды арбаларда жеке-жеке тасымалдап, бұрғылау қондырғысын болашақ скважинаның сағасында алдын ала дайындалып қойған алаңда жинастырады. Егер негіздерді жабдықсыз тасымалдайтын болса, онда алдымен мұнара блогын ротордің тесігінің тік кіндігі скважинаның кіндігімен сәйкес келетіндей етіп орнатады. Одан кейін лебедканың және күш блогының негіздерін монтаждайды, бұдан соң оларға барлық қажетті жабдықты және мұнараны орнатады. Монтаждау автотартқыштарда немесе тракторларда тұрған жебелердің және лебедкалардың көмегімен жүргізіледі.

Мұнараларды монтаждау және демонтаждау тәсілдері көбіне көп олардың конструкциясымен анықталады. Секциялы діңгекті мұнараны тағандарда көлбеу қалыпта, тұтас пісірілген секцияларда жинайды. Блок тіркеуіштерінің аздаған саны жұмыстардың аз еңбек сыйымдылығын алдын ала анықтайды, ал такелаж жұмыстарын механикаландыру құралдарын қолдану бұл құрастыру процесін жоғары тиімді етуге мүмкіндік береді. Діңгекті мұнараны монтаждау уақыты барлық қалған тең жағдайлар кезінде башнялы мұнараға қарағанда көптеген есе азырақ.

А-тәріздес мұнараны монтаждауды және көтеруді ұйымдастыру үшін жасаушы заводтың нұсқауымен және әсіресе бастапқы монтаждау кезінде бұрғылау жабдығын орналастырудың ұсынылып отырған схемасымен танысып шығу керек. 3-суретте бұрғылау жабдығын монтаждау алаңында орналастыру схемасының бір бөлігі келтіріліп отыр.

Діңгекті А-тәріздес мұнараны зводтарда жасап, жинастыратын орынға тасымалданатын габаритті секциялармен және түйіндермен бөлшектенген түрінде тасымалдайды.

Мұнараны құрастыруды мұнараны көтеру механизмінің конструкциясының, оны орнататын жердің (жатқызбаға немесе мұнара блогының негізіне) және мұнараны көтеру тәсілінің (тракторлармен, лебедканың апаттық жетегінен, РПДЭ-3 сындырғыш беруді реттегіштен немесе бұрғылау қондырғысын негізгі көтеру қозғалтқыштарынан) ерекшеліктерін ескере отырып, завод нұсқауында қарастырылған тәртіппен төсемде көлбеу қалыпта жүргізеді.

4-суретте мысал ретінде ВЗБТ мұнарасын келесі ретпен құрастыру көрсетілген:

1. Мұнара секциялары бойынша дайындық жұмыстарын орындайды, мұнараны жатқызатын орындағы алаңды жоспарлауды жүргізеді; мұнара секцияларын негіздің құлақшаларынан бастап кронблок рамасына дейін, оларды монтаждау ретімен жатқызады.

2. Мұнараның скважинаның орталығы арқылы өтетін кіндігін белгілейді.

3. Деңгей бойынша көлбеулікке тексере отырып, мұнара-күш блогын құрастыруды жүргізеді; анықталған көлбеусіздікті дереу жою керек.

4. Мұнараны көтеру механизмінің монтаждау жебесінің жатқызбасын теерңдігі 450 мм, ені 1000 мм және ұзындығы 4000 мм болатын, өзі үшін дайындалып қойған профильдік оймаға жатқызады.

5. Секцияларды қамыттармен біріктіріп, монтаждау жебесін жинастырады; монтаждау жебесінің көлденең қоссырығын жатқызбаның ойығына жатқызады; жебені арнайы тартқыштармен және қапсырмалармен мұнара блогының негізімен байланыстырады; қапсырмалардың құлақшаларындағы саңылауларды реттегіш гайкалармен түбіне дейін тартады; жатқызбаның жатқызылуын және оның оймаларына орнатылған монтаждау жебесінің қоссырықтарын деңгей бойынша тексереді.

6. Бұрғылау мұнарасының негізінің кіндігінің бағыты бойынша монтаждау жебесінің орнатылуын тексеруді жүргізеді; монтаждау жебесінің геометриялық кіндігінің негіздің кіндігіне қатысты 50 мм аспайтындай ығысуына жол беріледі.

7. Жоғпрғы, ортаңғы және төменгі секцияларды қамыттармен байланыстырып, жерде мұнараның сол және оң аяқтарын жинастырады; таль жүйесінің жылжымалы бөліктері қамыттарға тиіп кетпеуі үшін, оларды мұнара секцияларының ішкі қырларының жазықтығында болттармен шығып тұратын етіп орналастыру керек.

3-сурет . Мұнара элементтерінің, көтергіш құралдардың және тракторлардың құрылыс алаңында орналастырылу схемасы: 1 - мұнараның астындағы негіз; 2 - МПВ жебесі; 3 - КП-25 краны; 4 - тағаналар; 5 - сүйеу; 6 - мұнараның төменгі секциясы; 7 - қабылдағыш көпірдің бөлшектері; 8 - тартқыш трактор; 9 - КСГ краны; 10 - мұнараның секциясы; 11 - мұнараның кронблок астындағы бөлігінің бөлшектері; 12 - кронблок астындағы рама; 13 - кронблок; 14 - кронблок астындағы алаң; 15 - полатьтардың бөлшектері .

8. Мұнараның белгіленген кіндігіне көлденең мұнара тірегінің кіндігінен 39 м қашықтықта қабылдау көпірінің стеллаждарынан және секцияларынан тұратын монтаждау тірегін (тағана) орнатады; тіректің 3, 31 м биіктігін қоссырықтардан қосымша жатқызбалар орнату арқылы қамтамасыз етеді.

9. Мұнараның жинастырылған аяқтарын кранның көмегімен мұнара блогының негізіндегі мұнараның реттелетін тіректерінің құлақшаларына орнатады және, кіндіктерге енгізіп, оларды чектермен бекітеді; мұнараның аяқтарының жоғарғы ұштарын монтаждау тірегіне жатқызады (мұнараның деформациялануын болдырмау үшін 39 м қашықтық дәлдеп тексерілуге тиіс: тірек секцияның фермалары оған аралықтарда емес, ферманың түйіндерінде тіреліп тұратындай есеппен орнатылады) ; мұнара секцияларын монтаждаудың бұл әдісі жебесінің алға шығуы жеткілікті, жүк көтергіштігі кемінде 10 т болатын монтаждау кранын қолданған кезде ұсынылады; жүк көтергіштігі азырақ кран пайдаланылған кезде мұнара аяғының әрбір секциясын монтаждау және байланыстыруды аралық тіректерді және монтаждау тіректерін қолдана отырып, бірізді жүргізеді.

10. Мұнара аяқтарының жоғарғы секцияларын көлденең қапсырмалармен біріктіреді және, олардың ұзындығын реттей отырып, кронблок астындағы раманы орнату үшін құлақшалар арасындағы өлшемді табады (2500+2) мм.

11. Кронблогы бар кронблок астындағы раманы мұнараның жоғарғы секцияларының құлақшаларына орнатады, кіндіктер және чектер орнатады, шплинттейді.

12. Мұнараның жоғарғы секцияларын диагональ қапсырмалармен біріктіреді, гайкалармен құлақшалардағы саңылауларды таңдайды, қапсырмалардың ұзындығын тексереді және реттейді - барлық төрт қапсырма үшін де олардың ұзындығы бірдей болуға тиіс, жол берілетін ауытқу ±15 мм.

13. Мұнара кіндігінің негіздің ұзына бойғы кіндігімен үйлесімін тексереді; жол берілетін сәйкессіздік 50 мм аспайды.

14. Мұнарада сүйеулер орнатады; бұл кезде сүйеулердің бос ұштарындағы құлақшалар ішке қарай бағытталуға тиіс.

15. Қамыттардың көмегімен полатьтар мен қоршауларды орнатады және бекітеді.

16. Мұнараның оң жақ аяғында марш баспалдақтарын және өтетін алаңдар монтаждайды; монтаждауды полатьтардан бастайды; алаңдарды мұнараның аяғына кіндіктері бар құлақшаларда бекітеді, ал алаңдардың орнықтылығын алаңдармен құлақшалармен, ал мұнарамен - жартылай қамыттармен және қамыттармен бекітілетін қосымша сүйеулермен қамтамасыз етеді; алаңдардың жақтауларн қақпашықтары бар қамыттармен бекітеді; баспалдақтарды және алаңдарды өзара шайбалы болттармен байланыстырады; баспалдақтардың жақтауларын мұнарамен қамыттармен және қақпашықтармен, ал бір бірімен және алаңдардың жақтауларымен - қамыттармен байланыстырады; төменгі алаңнан мұнара блогының негізіне қарай баратын баспалдақты мұнараны көтергеннен кейін монтаждайды.

17. Айдамалайтын сызықтың тіреушігін мұнараның оң аяғына орнатады және бекітеді.

18. Машина кілттерінің және кирмак ілмектің аспаларын орнатады және бекітеді.

19. Қазіргі бұрғылау қондырғыларында таль жүйесі мұнараны көтеру схемасына қатыстырылатындықтан, таль жүйесін жаюдықтауды жүргізеді, бұл үшін таль арқаны бар айлақ негіздің сол жақтағы фермасынан 5 м қашықтықта арнайы металл тіректерге орнатылады; таль блогын дәл сол фермаға асып қояды, әрі одан және кронблоктан сақтандырғыш қалқандарды алып тастайды; алдымен 9- немесе 12-мм арқанмен жабдықтайды, оны аяқталғаннан кейін таль арқанымен алмастырады.

20. Мұнараның тартқыштарын бекітеді.

21. Электр өткізгіш сымдарды байланыстырады, шамшырақтарға арналған арматураны монтаждайды.

Мұнараны бұрғылау лебедкасымен көтерген жағдайда бұрғылау қондырғысының барлық механизмдерінің өзара әрекеттесуінің дұрыстығын бос жүрісье алдын ала тексеріп алу керек. Тежегіш жүйеге ерекше назар аудару керек, яғни, тежегіш ленталарды тежеу тежегіш тұтқаның ең аз орын ауыстыруы кезінде іске қосылатындай етіп реттеу керек.

Одан кейін көтеру механизмін, мысалға, құлайтын типтегі жебесі бар механизмді дайындау жүргізіледі (4-сурет. ) .

4-сурет. Мұнараны көтеру механизмдері: 1 -арқан ø25 мм; 2 - монтаждау жебесі; 3 - жоғарғы блок; 4 - арқанθ19, 5; l =330 м: 5 - қапсырма гайка; 6 - қапсырма; 7 - төменгі блок; 8 - кебіс; 9 - лебедка; 10 - тартқыш; 11 - сол жақ тартқыш; 12 - жатқызба; 13 - стеллаж; 14 - қабылдағыш көпір; 15 - төменгі блоктың кіндігі; 16 - мұнараның тартпасы (кермесі)

Мұнара блогының негізінде көтеру механизмінің төменгі блоктарын монтаждайды. Блоктардың барлық шығыршықтарының айналуын тексереді, үйкелетін бет жақтарына солидол жағады. Жебенің жоғарғы бөлігінде төменгі блокты монтаждайды және монтаждау жебесін диаметрі монтаждау жөніндегі нұсқауда көрсетілген (қарастырылып отырған жебе үшін диаметрі 19, 5 мм, ұзындығы 330 м арқан) арқанмен жабдықтайды. Жоғарғы блокта қапсырма шегемен монтаждау жебесін мұнараны көтергеннен кейін түсіру үшін қажет болатын, диаметрі кемінде 15 мм және ұзындығы 25 . . . 30 м көмекші арқанды бекітеді; диаметрі 25 мм және ұзындығы 40 м болатын көтергіш арқандарды мұнараның аяқтарына бекітеді. Арқанның жоғарғы ұштарын қысқыштармен түпкілікті бекітеді, ал төменгі ұштарын - көтергіш арқандардың ұзындықтарын одан кейін тегістеу үшін, ұзындығы 1, 5 м бос ұштарын қалдыра отырып, бір қысқышқа бекітеді. Диаметрі 19, 5 мм арқанның бос бөлігін таңдағаннан кейін, мұнараны монтаждау тірегінен көтермей, көтергіш арқандардың ұзындықтарын тегістейді, осыдан кейін монтаждау жебесінің бастапқы қалпының дұрыстығын тексереді: жебе мен көкжиек құрған бұрыш 70° немесе көмекші арқанның қапсырма шегесінен жатқызбаның кіндігіне дейін көлбеу бойынша 5335 мм құрауға тиіс.

Кейбір бұрғылау қондырғыларында мұнараларды қозғалмайтын жебесімен көтеру механизмдері қолданылады. Тік қалыпқа көтеру механизмінің осындай конструкциясы кезінде мұнараны таль жүйесінің және бұрғылау лебедкасының көмегімен көтереді (5-сурет. ) .

Көтеру механизмін жабдықтауды былайша жүргізеді: арқанның қозғалмайтын ұшын қысқыштармен шығыршыққа 4 бекітеді, арқанды тағананың 3 бастиегі 5 арқылы лақтырады, төменгі аспа блогы 7 арқылы өткізеді, тағаналардың 6 жоғарғы блогы және мұнараның негізіне бекітілген төменгі блок 7 арқылы лақтырады; әрбір діңгектің жабдық арқандарының ұштары арқылы өткізеді және құлыппен 2 байланыстырады (құлып өзара баланыстырылған екі шығыршықтан тұрады) ; пайда болған ілмекке теңдестіретін аспаның блогын 8 орналастырады, оны мұнараның таль жүйесінің ілмегімен байланыстырады.

5-сурет. Қозғалмайтын жебесі бар мұнараны көтеру механизмінің жабдықталу схемасы: 1 - төменгі аспаның блогы; 2 - құлып; 3, 6- тағаналар; 4 - шығыршық; 5 - бастиек; 7 - төменгі блок; 8 - аспаның блогы, 9 - мұнараның негізі

Барлық жағдайларда арқандарды бекітуді олардың жүктеме астында жылжу мүмкіндігін болдырмайтындай етіп қысқыштардың көмегімен жүргізеді. Арқандарды мұнараны тіректен жұлқи отырып, сынап тартқан кезде арқанның күш түсу астында сырғитын-сырғымайтындығын анықтау мүмкін болуы үшін, қысқыштарды орнатқаннан кейін олардың арасында жақсы көрінетін таңбалар (кем дегенде үш) жасалуға тиіс.

Көтеру механизмінің бекітілу түйіндерін және жабдығының тартылуын тексеру үшін мұнараны монтаждау тірегінен 150 . . . 200 мм-ге көтеру және оны осындай қалыпта 10 мин. ұстап тұру керек.

Тексерген кезде келесі сәттерге ерекше назар аударылуға тиіс:

а) мұнараның және жебенің симметрия осіне қатысты орнықтылығы;

... жалғасы

Сіз бұл жұмысты біздің қосымшамыз арқылы толығымен тегін көре аласыз.