Шала туылған балалардың күтімі

Пән: Медицина
Жұмыс түрі: Реферат
Тегін: Антиплагиат
Көлемі: 5 бет
Таңдаулыға:

Шала туылған балалардың күтімі

Жоспары

І. Кіріспе

Шала туылған балалар
Мерзімінен бұрын босануға алып келетін себептер

ІІ. Негізгі бөлім

Тамақтандыру
Киіндіру
Жуындыру
Ұйықтау
Серуендеу
Дамуы

ІІІ. Қорытынды

IV. Пайдаланылған әдебиеттер

Шала туылған балалар

Шала туылған балалар деп жүктіліктің 28-37 аптасында, салмағы 2500 г-ға дейін және бойы 45 см-ге дейін туылған балаларды айтады. Мерзіміне жетпеген жүктілікті 4 деңгейге бөледі:I. Бала салмағы 2000-2500г, бойы - 36-37 см. II. Бала салмағы 1500-2000г, бойы - 32-35 см. III. Бала салмағы 1000-1500г, бойы - 31-28 см. IV. Бала салмағы 1000г төмен, бойы 28 см аласа. Осыдан 15 жыл бұрын мұндай балалардың өмірге қабілеттілігі болмаған. Сол кезде 1000 г төмен туылған балаларды түсік деп санап, ешкім олардың өмірі үшін күреспеген. Қазіргі таңда, әр түрлі технологиялар көмегімен, мұндай балаларды сақтап қалуға болады.

Мерзімінен бұрын босануға алып келетін себептер
1. Ең алдымен инфекция. Әрбір қабынулық үрдіс жатыр қабырғасын толыққанды емес қылады, сондықтан жүктілік жатыр қабырғасы созылғанша жалғасады, содан соң организм ұрықтан құтылуға тырысады.
2. Истмико-цервикальды жеткіліксіздік, яғни ұрықты ішінде ұстап тұратын жатыр мойны бұлшықеттік қабатының толыққанды еместігі.
3. Эндокринопатиялар - ішкі секреция бездерінің (қалқанша безі, бүйрек үсті безі, аналық жыныс безі, гипофиз) бұзылысы.

4. Жатырдың созылуы. Оның себебі көпұрықты жүктілік, судың көп болуы, ірі ұрық болып табылады.
5. Жедел инфекциялық аурулар (тұмау, ЖРА, ангина, пиелонефрит, әсіресе дене температурасының жоғарылауы) .
6. Әр түрлу ауырлықтағы токсикоз, әсіресе нефропатия.
7. Дұрыс емес немесе жеткіліксіз түрде тамақтану (А, С, Е дәрумендерінің жеткіліксіздігі) .
8. Созылмалы аурулар (гипертония, қантты диабет, гормональды бұзылыстар, жүрек пен бүйрек аурулары) .
9. Ауыр физикалық жүктеме, жұмыста немесе үйде созылмалы стресстік жағдайлар, жүктілік кезіндегі жарақаттар.
10. Болашақ анасының алкоголь, никотин және наркотикалық заттарды қолдануы.
11. Қауіп қатер факторы болып сонымен қатар болашақ анасының жасы 18 жастан кіші немесе 35 жастан үлкен болуы.

Шала туылған балалардың салмағы 2000 г төмен болса, олардың денесі жылулық ұстап тұра алмайды, сондықтан оларды кувезге орналастыру керек. Кувездегі температура дене салмағына тәуелсіз 33-35 C болу керек. Оттегінің мөлшері 40%-дан аспау қажет. Көздің торлы қабатының өліеттенуімен ретинопатияның дамуына оттегінің токсикалық әсері бар екенін есте сақтауымыз қажет. Әр 3 күн сайын кувездегі ауаны ауыстырып тұру қажет. Төсектегі қалпы дұрыс ұйымдастырылуы керек. Нәрестенің басы сәл көтеріңкі, бір жақ қырымен жатқызылған, ұрты кеудеге жақын орналаспау керек, себебі тыныс алуын қиындатады. Күнделікті нәрестенің дәретке отыруын мейірбике қадағалап отырады. Кіндік жарасын залалсыздандыру дәрігер бақылауымен асептика және антисептика ережелерін сақтап жүргізілу қажет.

Тамақтану

Тамақтану - шала туылған балаларды күтуде бастысы болып табылады, сондықтан баланы тамақтандыру бала ерекшеліктеріне байланысты дәрігер ұсынысымен қадағаланады.
Әдетте баланы әрбір үш сағат сайын түнде үзіліссіз тамақтандыруға кеңес береді. Бірақ егер бала әлсіз және дұрыс тамақтанбаса, дәрігерлер тамақтану арасын азайту керектігін ұсынады.
Міндетті түрде бала өзінің үлесін жегенін қадағалау қажет. Егер тамақтандыру кезінде бала ұйықтап кететін болса, оны жайлап оятып, тамақтандыруға тырысу қажет. Мұндай балаларды ояту қиынырақ болады, дегенмен оған қорқудың қажеті жоқ. Дәрігерлер баланың құлағын немесе мұрнын түртуге кеңес береді. Осылайша бала тітіркеніп, ұйқысынан оянады.
Сонымен қатар, көп ата-аналар қадағаламай өтетін жайт, балаға туылған сәттен бастап, сүттен басқа, суды да беру қажет. Ол тәулігіне 1 кг салмаққа 100 г су ішуі қажет. Яғни, бала салмағы 2 кг болса күніне 200 гр су ішу қажет.
Балалардың физикалық дамуы үшін және асқазан ішек жолдарының морфологиялық, фукнционалды бұзылыстарын алдын алуда жоғары калориялы азық түлікпен қамтамасыз етілуі тиіс. Алғашқы тамақтану арқылы баланың жалпы жағдайымен шала туылу сатысын анықтауға болады. Шала туылудың І сатысында 6-9 сағаттан соң нәрестені емшек сүтімен қоректендіреді, ал ІІ сатысында 9-12 сағаттан соң, ІІІ сатысында 12-18 сағаттан соң қоректендіруге болады. Тамақтандыру алдында 5 % глюкоза ерітіндісін 3-5 мл 2-3 сағат сайын беріп тұру қажет. Ауырлық дәрежесіне байланысты тамақтану ұйымдастырылады. Нәрестелер шала туылудың III-IV сатысында және тыныс жетіспеушілік синдромы, асфиксия, әлсіз ему рефлексі болғанда емшек сүтімен бір рет қолданылатын асқазан зонды арқылы қоректендіріледі. Нәрестенің жалпы жағдайы қанағаттанарлық және ему рефлексі айқын болғанда, алғашқы 3-4 күні тамақтану емізікпен жүргізіледі.

Киімін ауыстыру

Шала туылған баланың киімін ауыстыру да өзгеше болып келеді. Салмағы 3 кг-нан аз балалардың әлі жылу алмасу процесі дамымаған. Оларға әрдайым жылу қажет, жылу болмаған жағдайда балаға салқын тиюі мүмкін.
Жаңа туылған нәрестенің киген киімі оның сезімтал терісін жарақаттамау керек. Қатты орау төменгі бөліктердегі теріасты май қабатының трофикалық бұзылыстарына әкеледі.
Бала жатқан бөлмеде температура 25-270С, ал ауа ылғалдығы - 50-70% болуы қажет. Мұны бақылап тұру үшін термометр және бала кереуетіне жақын еденнен 1. 5 м деңгейде гигрометр іліп қоюға болады.
Бөлмедегі белгілі бір ылғалдылықты ұстап тұру үшін бөлмені жиі жинастырып тұру қажет, сонымен қатар арнайы ауа ылғалдырғышты қолдануға болады. Сонымен қоса, бөлмені желдетіп тұруды ұмытпау керек. Бөлмені әрбір 3-4 сағат сайын 10-15 минут бойы желдету қажет. Бұл кезде баланы басқа (жылы) бөлмеге жатқызу керек.
Бала тоңып қалмас үшін және артық стресс алмас үшін киіндірген кезде алдымен түймесіз, арты ашық жейдесін, содан соң жөргек пен шалбарын кигізу қажет. Денесінің ашық жерлерін жаялықпен орауға болады.
Нәрестеге әр кезде таза және екі жағынан үтіктелген киімді киіндіру керек. Мұны міндетті түрде ескеру қажет, себебі нәрестеде иммунитет қалыптаспаған, оңай ауырып қалуы мүмкін.

Жуындыру

... жалғасы

Сіз бұл жұмысты біздің қосымшамыз арқылы толығымен тегін көре аласыз.