Скважина туралы түсінік

Жоспары:

1.Кіріспе

2.Негізгі бөлім
а)Скважина туралы түсінік
б)Скважиналардың түбін жабдықтаудың конструкциялары

3.Қорытынды

Қолданылған әдебиеттер

Скважина дегеніміз - жер қыртысында арнайы бұрғылау жабдықтары көмегімен қазылатын диаметрі тереңдігінен бірнеше есе кіші цилиндр пішінді тау-кен құрылыс орны.
Скважинаның басталатын жері сағасы цилиндрлі беті қабырғасы немесе оқпаны, ең төменгі шеті түбі деп аталады. Сағасынан түбіне дейінгі оқпан бойынша ара қашықтық скважина ұзындығы, ал скважина осі проекциясының тіке аралығы тереңдігі деп аталады.
Скважина тіке және көлбеу бұрғыланады. Олардың диаметрі аралықтан аралыққа кішірейіп отырады.
Мұнайжәне газ скважиналарының бастапқы диаметрі 900 мм-ден аспаса, ал соңғы диаметрі 165 мм-ден кем болмайды.
Скважиналарды тау жыныстарын тұтастай немесе оның шет жағын ғана талқандау арқылы тереңдетеді.
Скважиналарды бұрғылау қондырғыларының көмегімен құрлықта да, теңізде де бұрғылайды. Теңізде бұрғылау жағдайында бұрғылау қондырғылары эстакадаларға, арнайы іргетастарға немесе кемелерге орнатылады.
Мұнайгаз өндіру өнеркәсібінде қызметтеріне қарай әртүрлі скважиналар бұрғыланады, бұлар – зерттеу, пайдалану, айдау және арнайы.
Пайдалану скважинасы - деп, мұнай немесе газды өндіруге арналған скважиналарды атайды.
Айдау скважиналары – деп, қабатқа су, газ, бу айдауға арналған скважиналарды атайды. Бірақ кен орында игеру барысында мұнай өндіру скважиналарын айдау скважинасы ретінде қолдана береді, кей жағдайларда керісінше.
Арнайы свкажиналар - кен орындарды игеру барысын бақылау үшін, қабаттың құрылымын (структурасын), коллектор қасиетін дәлірек анықтау үшін арналған.

Қолданылған әдебиеттер:
«Мұнай және газды өндіріп,өңдеу» Ғ.Нұрсылтанов, Қ.Абайылдаева
«Мұнай өңдірудің техникасы мен технологиясы» Т.Жұмағұлов, М.Абжаев.