Бірінші ретті эталондар

Пән: Физика
Жұмыс түрі: Реферат
Тегін: Антиплагиат
Көлемі: 10 бет
Таңдаулыға:

ЖОСПАР:

І. КІРІСПЕ

1. Физикалық шама бірлігінің эталоны

2. Қазақстан Республикасының эталондық базасы.

3. Мемлекеттік уақыт бірлігі

4. 1 · 10-6 ÷ 1 Гн ауқымдағы индуктивтілік бірлігінің мемлекеттік эталоны

5. рН шкаланың мемлекеттік бастапқы эталоны

ІІ. ҚОРЫТЫНДЫ

ІІІ. ПАЙДАЛАНЫЛҒАН ӘДЕБИЕТТЕР

І. КІРІСПЕ

Эталон - көшірме бірліктерді сақтау және размерлерін жұмысшы эталонға беру үшін қолданылады. ол үнемі мемлекеттік эталонның тура көшірмесі бола бермейді.

Эталон - салыстырма бір - бірімен тікелей салыстырыла алмайтын эталондарды салыстыру үшін қолданылады.

Эталондардың келесі түрлерін ажыратады:

- алғашқы реттік - бірлікті ең жоғары дәлдікпен ұдайы өсіруді және сақтауды қамтамасыз етеді. Бұл теңдессіз күрделі өлшеу кешендері, олар өлшеулер бірлігін қамтамасыз етудің мемлекеттік жүйесінің негізін құрайды;

- арнайы - бірлікті ерекше жағдайларда ұдайы өсіруді қамтамасыз етеді, оларда бірлік өлшемін алғашқы реттік эталоннан талап етілетін дәлдікпен тура беру жүзеге асырылмайды, және осы шарттар үшін алғашқы реттік эталон болып табылады;

- мемлекеттік - бұл ел үшін бастапқы ретінде басты метрологиялық органмен ресми бекітілген, алғашқы реттік немесе арнайы эталон. Оларды орталық ғылыми институттар құрайды, сақтайды және қолданады, оларды басқа елдердің мемлекеттік эталондарымен кезең сайын салыстырады;

1. Физикалық шама бірлігінің эталоны

Физикалық шама бірлігінің эталоны деп бірліктердің дұрыс қайталанымдылығына және оларды сақтауға арналған өлшем құралдарын айтады. Шама бірлігі эталондарының көмегімен дәлдігі төмен өлшем құралдарына бірліктердің размерлері беріледі. Масса бірлігі - килограмның эталоны болып №12 платина - иридий таразы тасы саналады. Ол диаметрі мен биіктігі 39 мм болатын тік цилиндр. Ұзындық бірлігі - метрдің эталоны уақыт бірлігімен (секундпен) анықталады, себебі 1983 жылы өткен Өлшем және Таразы туралы XVII - халықаралық конференцияда қабылданған метрдің жаңа анықтамасы бойынша, 1 метр секундтың 1/299792458 бөлігінде жарықтың вакуумде жүріп өткен жолының ұзындығына тең. Сондықтан уақыт, жиілік және ұзындықтың бірліктері бәріне бірдей ортақ техникалық комплекспен, яғни уақыт, жиілік және ұзындықтың мемлекеттік эталонымен анықталады. Уақыт бірлігі - секундтың эталоны ретінде цезий - 133 атомының негізгі күйінің ең жіңішке екі деңгейі арасындағы ауысуларға сәйкес сәулеленудің 9192631770 - ке тең тербеліс жасайтын уақыт аралығы алынады. Зат мөлшері бірлігі - мольдің эталоны 0, 012 г көміртек - 12 атомдарының санына тең атомдары бар жүйенің мөлшері. Электр тогы күшінің бірлігі - ампердің эталоны вакуумде бір - бірінен 1 м қашықтықта орналасқан, ұзындығының шегі жоқ, көлденең қимасының ауданы өте аз екі параллель өткізгіш сым арқылы өткенде өткізгіштің әрбір 1 м бөлігінде 2 ∙ 10-7 Н күш туғызатын токтың күші. Температура бірлігі - кельвиннің эталоны судың үштік нүктесінің термодинамикалық температурасының 1/273, 16 бөлігі. Энергия бірлігі - джоульдың эталоны массасы 2 кг, қозғалыс жылдамдығы 1 м/с дененің, немесе массасы 1 кг, қозғалыс жылдамдығы 2 м/с дененің кинетикалық энергиясы.

Бірліктерді өте жоғары дәлдікпен көрсететін эталондарды біріншілік эталондар деп атайды. Оларға, мысалы, платина - иридий түп нұсқасы мен эталондық таразылар арқылы алынған масса бірлігі - килограмды анықтауға арналған өлшем құралдарының жиынтығы жатады.

Халықаралық СИ жүйесінің негізгі бірліктерінің көшірмесі орталықтандырылған түрде мемлекеттік эталондардың көмегімен жасалынады.

Метрологиялық жұмыстарда екіншілік эталондар көп қолданылады. Олардың мәндері біріншілік эталондар бойынша анықталады. Екіншілік эталондар жергілікті мекемелерде тексеру жұмыстарын жүргізу үшін және мемлекеттік эталондардың сақталынуы мен тозбауын қамтамасыз ету үшін жасалынады. Екіншілік эталондар өздерінің метрологиялық қызметтері бойынша эталон - көшірме, эталон - салыстырма, эталон - куә және жұмысшы эталондар болып бөлінеді.

Эталон - салыстырма бір - бірімен тікелей салыстырыла алмайтын эталондарды салыстыру үшін қолданылады.

Эталон - куә мемлекеттік эталонның сақталуын тексеру үшін немесе мемлекеттік эталон бұзылған және жоғалған жағдайда оның орнына пайдалану үшін қолданылады.

Жұмысшы эталон бірліктерді сақтау үшін, олардың размерлерін өлшемнің үлгілік құралдарына, ал қажет болған жағдайда өте дәл өлшемдер мен өлшем аспаптарына беру үшін қолданылады.

Ұлттық эталондармен қатар, халықаралық эталондар бар, олар Халықаралық Өлшем және Таразы бюросында сақталады. Халықаралық бюро қызметінің бағдарламасы бойынша әр елдің өте ірі метрологиялық лабораторияларындағы ұлттық эталондар бір - бірімен және халықаралық эталондармен салыстырылып отырылады.

2. Қазақстан Республикасының эталондық базасы.

Қазақстан Республикасы Үкіметінің 1996 жылғы 1 қарашадағы № 1342 қаулысымен Қазақстан Республикасының Индустрия және сауда министрлігі Техникалық реттеу және метрология комитетінің «Қазақстан метрология институты» шаруашылық жүргізу құқығындағы республикалық мемлекеттік кәсіпорны (бұдан әрі - «ҚазМетрИн» РМК) құрылды және халықаралық талаптарға сай өлшем бірлігін қамтамасыз ету үшін метрология жөніндегі техникалық (эталондық) базаны және нормативтік құжаттардың үйлесімділігін жетілдіру, осы салада мамандарды даярлау және біліктілігін арттыру бойынша мақсаттарды орындау үшін Қазақстан Республикасындағы метрология бойынша жалғыз институт болып есептеледі.

Қазақстан Республикасы Президентінің «Қазақстанның 2030 жылға дейінгі даму стратегиясын іске асыру жөніндегі шаралар туралы» жарлығын іске асыру шегінде республикада болып жатқан экономикалық өзгерістер, метрология қызметінің техникалық негізін - республиканың эталондық базасын тиісті деңгейде ұстап тұру арқылы қалыптасқан ұлттық өлшем бірлігін қамтамасыз ету жүйесін тасымалдау қадамдарын жүзеге асыруды қажет етеді.

Республиканың эталондық базасы экономиканы метрологиялық қамтамасыз ету жүйесінің орталықтандырылған элементі болып табылады. Эталондық базаның даму деңгейі түпкі қорытындыда барлық техникалық өлшемдердің деңгейі мен дамуын анықтайды.

Қазіргі уақытта республиканың эталондық базасы эталондардың 98 бірлігінен және эталон жабдықтарынан, 49 мемлекеттік эталоннан, 27 жұмыстық эталон және эталондық жабдықтардың 22 бірлігінен тұрады.

«ҚазМетрИн» РМК-да құрылған Мемлекеттік эталондар және ғылыми зерттеулер орталығы физика-химиялық өлшеулер, электрлік өлшеулер, механикалық және оптика-физикалық өлшеулер зертханаларынан тұрады.

Зертханаларда физикалық шамалар бірліктерінің өлшемдерін мемлекеттік эталондардан метрология қызметтердің бастапқы эталондарына беру жұмыстары, мемлекеттік эталондарды жаңарту, қамтамасыз ету және зерттеу жұмыстары атқарылады және халықаралық ғылыми метрологиялық институттардың эталондарды салғастыру жұмыстарына қатысады.

Өлшем құралдарының көмегімен жүзеге асырылатын өлшеулердің күмәнді нәтижелерінен азаматтарды және экономиканы қорғау мақсатында «Өлшем бірлігін қамтамасыз ету туралы» Қазақстан Республикасының заңымен типін бекіту мақсатында өлшем құралдарына сынау жүргізу және мемлекеттік метрологиялық қызметін метрологиялық аттестаттау қарастырылған. Типін бекіту мақсатында сынау және метрологиялық аттестаттау сыналатын өлшем құралдарының қауіпсіздік талаптары мен қызметтік тағайындалуына сәйкес қалыпты және төтенше пайдалану жағдайында өлшем құралдарының нақты сипаттамаларын анықтау үшін жүргізіледі.

Қазіргі уақытта Қазақстан Республикасына физика-химиялық өлшемдер және сұйықтар мен газдардың шығыны мен көлемін өлшеу салаларындағы жұмыстар үшін үлкен көлемде жабдықтар әкелінуде. Бұлар, әр түрлі газоанализаторлар, спектрофотометрлер, шығын өлшегіштер, рН-метрлер, газ анализаторлары, хроматографтар. Сонымен қатар соңғы уақытта әйгілі ойын автоматтары әкелінуде. Бұл өлшем құралдары мен жабдықтардың сыналуы тапсырыс берушілердің (дайындаушылар мен импорттаушылар) базасында жүргізіледі. Халықаралық талаптарға сәйкес (ИСО/МЭК 17025:2005 Басшылығы) сынаулар қажетті сынау, өлшеу және қосымша жабдықтармен қамтылған арнайы зертханаларда білікті мамандармен жүргізілуі қажет.

Осыған байланысты, «ҚазМетрИн» РМК базасында Өлшем құралдарын экспериментті зерттеу орталығы құрылды, оны жабдықтауға техникалық құралдарды электромагниттік сыйымдылыққа сынау, климаттық және механикалық сынаулардың кең спектрін құра алатын жабдықтың 61 бірлгі сатып алынды.

Алынған түрлі жабдықтар азаматтардың өмірі мен денсаулығын қорғауды қамтамасыз ету жұмыстарында, қоршаған ортаның жағдайын бақылауда, сауда-саттық операцияларында қолданылатын өлшем құралдарын салыстырып тексеру бойынша сапалы қызмет көрсету үшін салыстырып тексеру зертханаларының аккредиттеу облысын кеңейтуге мүмкіндік берді.

Сонымен қатар, өлшем құралдарын экспериметті зерттеу орталығы салыстырып тексеру таңбаларын дайындау, сақтау және қолдану ережесіне сәйкес таңбалар жасау қызметін ұйымдастырады (түскен өтінішке талдау жүргізеді, метрологиялық қызметтерге шифр, металлдық таңбаларға реттік сан, өзі жабысатын лейблдарға, пластикалық пломбаларға нөмірлік код береді) .

3. Мемлекеттік уақыт бірлігі

Мемлекеттік уақыт бірлігі- секунданың, және жиілік бірлігі эталоны - Герцты (МУЖЭ) және Қазақстан Республикасы уақытының ұлттық шәкілі UTC (KZ) уақыт пен жиілік бірліктерінің шама-көлемін және үйлестірілген уақыттың шәкілдерін ҚР МУЖЭ арқылы тікелей әрі Мемлекеттік салыстырып тексеру сұлбасына сәйкес жұмыс эталондары көмегімен жаңғырту, сақтау және тарату үшін арналған.

Эталон құрамы:

Мемлекеттік эталон өлшеу құралдарының кешені болып табылады, оның құрамына кіретіндер:

- уақыт пен жиіліктің VCH-1005 В типті сутекті стандарттары - 2 дана.

- уақыт пен жиіліктің VCH-1004 А типті сутекті стандарты

- автоматтандырылған өлшеу жүйесі

- уақыттың жұмыс шәкілін қалыптастыру аппаратурасы

- 5 МГц және 1 Гц дабылдарды көбейту жүйесі

- «6 нүкте» уақытты тексеру дабылдарын таратудың аппаратурасы

- сыртқы салыстырып байқау аппаратурасы

- уақыттың ұлттық шәкілін UTC (KZ) жүргізуге арналған бағдарламалық қамсыздануы бар дербес компьютер

- резервтік электрқуаттау және температуралық жағдайларды демеу аппаратурасы

Эталонның метрологиялық сипаттамасы:

Жиынтық дәлсіздігі ≤1 10-13 с.

Жиілікті жаңғыртудың дәлсіздігі үш ай ішінде 1 10-13.

Жиіліктің тұрақсыздығы 3600 с ішінде ≤2-10-14, 1 тәулік ішінде ≤2-10-14.

4. 1 · 10-6 ÷ 1 Гн ауқымдағы индуктивтілік бірлігінің мемлекеттік эталоны

1 · 10-6 ÷ 1 Гн ауқымдағы индуктивтілік бірлігінің мемлекеттік эталоны

Мақсаты

Мемлекеттік эталон электрлік индуктивтілік бірлігін жаңғыртуға және сақтауға және оның көлемін 1 · 10-6 дан 1 Гн дейінгі ауқымда беруге арналған.

Метрологиялық сипаттамалар:

Индуктивтілік бірлігін жаңғырту кезіндегі номиналды мәндер 10 мГн және 100 мГн құрайды.

Индуктивтілік бірлігін ауыспалы токтың 1 кГц жиілігінде жаңғыртылады.

Эталон 10 тәуелсіз өлшеулерде 2 · 10-6 аспайтын өлшеу нәтижелерінің S0 орташа квадраттық ауытқуы бар бірлікті жаңғыртуды қамтамасыз етеді.

Алынбаған жүйелік қателік Θ0 5 · 10-6 аспайды.

Стандарттық белгісіздік:

А типі бойынша бағаланған 4·10-6;

В типі бойынша бағаланған 9·10-6;

жалпы стандарттық белгісіздік 10·10-6;

кеңейтілген белгісіздік (қамту коэффициенті k=2) 20·10-6.

Тұрақсыздықтың жорамалданған мәні ν жылына 1, 5·10-5.

Эталонның құрамы:

Индуктивтілік бірлігінің мемлекеттік эталоны мыналардан тұрады:

- индуктивтіліктің эталондық шамалары ТЭИ-3 термостатта 10 mH,

ТЭИ-2 100 mH;

- сандық компаратор С-L-L;

- тепе-теңдік нұсқамасы (ноль-индиктор) GR 1238;

- төменгі жиілікті сигналдың генераторы Г3-123;

- универсалды осциллограф ОСУ-20;

- мультиметр 34401А;

- сыйымдылықтың көп мәнді шамасы ИДЕ-1;

- MWB 10/100 мосты, оның құрамына мынадай өлшем құралдары кіреді:

- индуктивті-сыйымдылықты мосттың орталық блогы MWB10/100

- ауыспалы, енді қосылатын және қосылатын қондырғылардың жинағы:

- кедергілер шамасы ACRS-1 (мосттың ауыспалы иығы) 1 кОм

- кедергілер шамасы ACRS-10 (мосттың ауыспалы иығы) 10 кОм

- сыйымдылық шамасы LBCS-10 (енді қосылатын қондырғы) 10 нФ

- орнын басатын резистивті элемент (78-106) Ом

- орнын басатын резистивті элемент (7, 5-9, 5) Ом

- сумматор

... жалғасы

Сіз бұл жұмысты біздің қосымшамыз арқылы толығымен тегін көре аласыз.

Ұқсас жұмыстар

Өлшем бірліктерінің теориясы

Қазақстан Республикасы эталондар базасы жайлы мәлімет

Өлшемдер шамаларыныц эталондары

Байыту фабрикалар мен мыс қорыту зауыттарында спектрлік әдіспен өнімдердегі ренийді анықтау әдістемесін өңдеу

Бір ретті жаңама өлшемдер нәтижелерін өңдеу

Өлшем бірлігін қамтамасыз ету

Өлшеу құралдарын калибрлеу жүйесі

Метрологияның негізгі ұғымдары

Мемлекеттік метрологиялық бақылау

Өлшеу құралдарын калибрлеу

Пәндер

Қазақ тілінде жазылған рефераттар, курстық жұмыстар, дипломдық жұмыстар бойынша біздің қор #1 болып табылады.

Ақпарат

Қосымша

Email: info@stud.kz