Қазақстан Республикасының арнайы салық режимдері

Пән: Экономика
Жұмыс түрі: Курстық жұмыс
Тегін: Антиплагиат
Көлемі: 31 бет
Таңдаулыға:

Қазақстан Республикасының білім және ғылым министрлігі

«Қазақ Гуманитарлық Заң Университеті»

Экономика жоғары мектебі

«Экономика, менеджмент және туризм» кафедрасы

КУРСТЫҚ ЖҰМЫС

Тақырыбы: ҚР арнайы салық режимдерінің ерекшеліктері

Мамандық 5В050700 - «Менеджмент»

Орындаған

Тексерген

Астана 2014

Мазмұны

Кіріспе . . . 3

1 ҚР салық режимдері. 5

1. 1 Салықтың қалыптасу теориялары экономикалық мәні және функциялары…5

1. 2 Қазақстан Республикасының салық жүйесі және салық механизмі………9

2 ҚР арнайы салық режимдерінің ерекшеліктері13
2. 1 Шағын бизнес субъектілеріне арналған арнайы салық режимі. 13

2. 2 Біржолғы талон және патент негізіндегі арнайы салық режимі…. . 15
2. 3 Оңайлатылған декларация негізіндегі арнайы салық режимі. 17

2. 4 Шаруа қожалығына арналған арнайы салық режимі. 19

2. 5 Махамбет ауданындағы арнайы салық режимін пайдаланушы шағын кәсіпкерлік субьектілері бойынша салық түсімдерін талдау21

3 Қазақстан Республикасындағы салықтық реттеу және оның проблемалары . . . 23

3. 1. Қазақстандағы кәсіпкерлік қызмет барысындағы салық режимын таңдауды жетілдеру жолдары23

Қорытынды . . . 27
Қолданылған әдебиеттер тізімі . . . 29

Кіріспе

Мемлекеттің бюджет жүйесінің аса маңызды құраушы негізгі мемлекеттің салықтық құқықтық көмегімен мәжбүрлеу арқылы алынатын міндетті төлемдер. Салықтар, алымдар, баждар, төлем ақылар және т. б., яғни жинақтап айтқанда салықтар мен бюджетке төленетін басқа да міндетті төлемдардің экономикалық құқақтық маңызы олардың төленілуіне байланысты туындайтын қаржылық экономикалық және құқықтық қатынастарда, яғни салық төлеушілердің мемлекетке салықтық төлемінің затын берулері кезінде салық заңдары мен белгіленген құқықтық қатынасқа қатысушы мемлекет пен салық төлеушілердің арасында туындайтын қатынастарда жарқын көрініс табады. Салықтар экономикалық және әлеуметтік-саяси қатынастарды өзінің басқа да жинақтаушы күрделі әлі қоғам өмірінің көп аспектілі қаржылық-құқықтық құбылысы болып табылады. Салық мемлекеттік қаржының негізгі көзі болып табылады немесе ол әр түрлі ұйымдардан міндетті төлемдер түрінде алынады. Салық төлемдері шаруашылық нарықтық немесе нарықтық емес түрі кезінде экономиканы дамытуда маңызды рөл атқарады. Ол өркениеттің дамуына да үлес қосады. Қазіргі өркениетті қоғамда салық мемлекеттік кірістің негізгі көзі болып табылады.

Тақырыптың өзектілігі. Бүгінде Қазақстан Республикасындағы шағын кәсіпкерліктің микро және макро экономикалық мән-жайларын тереңдетіп ойластыру, монополияны тежеу және адал бәсекелестікті жандандыру мақсатында, сондай-ақ шағын кәсіпкерлікті мемлекеттік қолдау және ынталандыру саясатына байланысты олар үшін салық міндеттемелерін орындаудың арнайы режимі белгіленгендіктен оны қолдану жолдарының ерекшеліктерін көрсету.

Курстық жұмыстың мақсаты - салық төлеушілердің жекелеген санаттары үшін белгіленетін және салықтардың жекелеген түрлерін есептеу мен төлеудің, сондай-ақ ол бойынша салық есептемесін берудің оңайлатылған тәртібін қолдануды көздейтін арнайы салық режимін қолдану арқылы бюджетпен есеп айырысудың ерекшелігін оның маңызды тұстарын белгілеумен көрсету.

Осы айтылған мақсатқа сәйкес курстық жұмыстың алдына қойылған міндеттері:

Жалпы салықтарды, салық жүйесін теориялық тұрғыдан қарастыру;
Арнайы салық режимдерінің мәні мен маңызын ашу;
Арнайы салық режимдерінің түрлерін бөле отырып, олардың айырмашылықтарын көрсету;
Салық жүйесін жетілдіру жолдарын қарастыру және проблемаларды айқындау.

Курстық жұмыстың зерттеу обектісі- Махамбет аудандық салық комитеті.

Курстық жұмыстың зерттеу пәні :ҚР арнайы салық режимін қолдану және қалыптасуы. Курстық жұмыстың құрылымы - кіріспеден, 3 тараудан, қорытындыдан, пайдаланылған әдебиеттерден тұрады.

1 Қр Арнайы Салық Режимдері

1. 1 Салықтың қалыптасу теориялары, экономикалық мәні және функциялары

Салық мәселесі мен салық салудың тамыры ғасырларға тереңдеп кеткен. Ал оларға ғылыми көзқарас XVIІ-XIX ғасырларда пайда болады. Оған дәлелді теориялық экономия классикалық мектебі ағылшын өкілдері еңбегінен табамыз. Адам Смит өзінің «Халықтар байлығының себептері мен табиғатын зерттеу»-(1776 ж) еңбегінде салықтар жөнінде нақты тұжырымды ойларын берген. Ол салық салудың төрт қағидасын айқындаған, оның осы қағидалары дамыған елдерде салық, салық салудың негізін құрайды:

1. Өзіне бекем мемлекет мүмкіндігіне қарай қабілеті мен күшіне сай үкіметті ұстауға қатысады. Мемлекеттің қорғауы мен қамқорлығын пайдалана отырып, қаржыландыру үкіметтің табысына сай жүзеге асады. Бұл ережені сақтау немесе сақтамау салық салудың тереңдігіне немесе тепе-теңдігіне ұрындырады.

2. Жеке тұлға төлейтін салық міндетті түрде айқын болуы керек. Салық төлеу мерзімі, төлем тәсілі, сомасы - барлығы дерлік төлем төлеуші үшін оның әрі салық болуы және кез-келген адамға да солай.

3. Әрбір алынатын салық белгілі уақытта немесе белгілі тәсілмен төлеуші үшін ыңғайлы кезде барлығын төлейді.

4. Әрбір салық ой елегінен өткізіліп, толғағына толық жеткізілгені дұрыс.

Салық мемлекеттік қаржының негізгі көзі болып табылады немесе ол әр түрлі ұйымдардан міндетті төлемдер түрінде алынады. Салық төлемдері шаруашылық нарықтық немесе нарықтық емес түрі кезінде экономиканы дамытуда маңызды рөл атқарады. Ол өркениеттің дамуына да үлес қосады. Қазіргі өркениетті қоғамда салық мемлекеттік кірістің негізгі көзі Қазақстан Республикасының Президенті өзінің 2006 жылдың 1 наурызындағы “Қазақстаннның әлемдегі бәсекеге барынша қабілетті 50 елдің қатарына кіру стратегиясы” атты Қазақстан халқына Жолдауында “Ел экономикасындағы өрлеудің тұрақты әрі серпінді сипатын ұстап тұру үшін мемлекет қазынагерлік, ақша-несие саясатының, өндірістің негізгі факторларын тиімді қайта бөлуді мемлекеттік реттеу тетіктерін пайдаланып, жоғары сапалы өнім мен қызметке деген сұранысты көтермелеп отыруға міндетті. Салық және кеден саясатын реформалау күллі экономикалық жаңару саясатының маңызды құралы болуы керек деп айқын айтылған. Экономикамыздың жаңа салаларын әртараптандыру мен дамытуды ынталандыру, бұл салаларға шетел капиталын тарту мақсатты болып отыр, нәтижесінде салық және бюджет саясатын тиімді пайдалану маңызды. Міне осындай талап қойылу мақсатында “Қазақстанда арнайы салық режимдерін ұйымдастыру ерекшеліктері” тақырыбы өте өзекті болып табылады. Е. Пороховтың айтуы бойынша, салық - бұл әрбір салық төлеушінің мемлекет шығындарына қатысты конституциялық міндеттерге сәйкес белгілі бір мөлшерде төлейтін төлемі. [1]

Экономикалық мазмұны жағынан салық - заңда белгіленген тәртіппен халықтан, кәсіпорындар мен мекемелерден алынатын міндетті төлемдер жүйесі. Табыстың әртүрлі нысандарының салық көздері болып мыналар саналады: пайда, пайыз, жалақы, дивиденд, рента және т. б. Салықтар экономикалық және әлеуметтік-саяси қатынастардың және басқа да жинақтаушы күрделі әрі қоғам өмірінің көп аспектілі қаржылық-құқықтық құбылысы болып табылады. Сондықтан ол өзіне тән көптеген айрықша белгілермен ерекшеленеді. Сонымен салық мемлекет тарапынан бір жақты шығарылған заңдардың негізінде, сол заңдарда айқындалған нақтылы мөлшерде және қатаң белгіленген мерзімдерде, республикалық және жергілікті бюджет кірісін қалыптастыру мақсатында салықтық міндеттемелерін орындауға тиісті заңды және жеке тұлғадан жүйеленген әрі нақты түрде уәкілетті мемлекеттік органдар алатын баламасыз, қайтарымсыз, ақшалай міндетті төлем болып табылады.

Салық салу процесінде нақтылы міндеттерді салық төлеуші орындауға тиіс. Салықтық міндеттер салықтық заң актілерінде белгіленген әрбір салықтық құрамдас бөліктерінің жиынтығы-салық элементтері арқылы айқындалады.

Бюджет байлығы салық түсіміне келіп тіреліп тұр. Бұл - ел экономикасына әсер ететін фактор. Экономикалық, әлеуметтік және басқа мәселелерді шешу үшін қажетті қаржы көмегімен мемлекетті толық қамтамасыз ету барлық кезеңнің, барлық халықтың басты мәселесі болып табылады.

Нарықтық экономикалы елдерде салықтар мемлекеттік және муниципалды табыстарды қалыптастыруда басты рөл атқарады, экономиканы басқарудың күшті ынталандырушы құралы болып келеді. Әсіресе, олар ғылыми-технологиялық прогрессті жетілдіруде, инфляцияға қарсы және құрылымдық саясатты жүзеге асыруда белсенді орын алады. Салық салу механизмі кез-келген экономикалық жүйенің күрделі бөлігінің бірі болып табылады.

Салық салу мемлекеттік реттеудің маңызды тәсілі ретінде орын алып, оның әрекет етуінің тиімділігі әлеуметтік және экономикалық саясаттың жетістіктеріне әкеледі. Сондықтан да салықтарды төлеу өте қажетті де, мақсатты іс болып табылады [2] .

Салық саясаты жеңілдіктер мен жазалау шаралары арқылы шаруашылық қызметтің барлық жақтарына нысаналы түрде әсер етеді. Нарықтық экономикасы дамыған елдерде салықтың тізіміне қарағанда, жазалау мен жеңілдік шаралары, оларды пайдалану түсініктері өте кең көлемді болып келеді. Салық салудың қазіргі таңда қолданылып жүрген негізгі қағидалары:

а) Салық салудың міндеттілігі қағидасы, салық төлеуші салық заңдарына сәйкес салық міндеттемелерін толық көлемінде және бөлінген мерзімдерде орындауға міндетті. б) Салық салудың айқындығы қағидасы. Қазақстан Республикасының салықтары және бюджетке төленетін басқа да міндетті төлемдері айқын болуға тиіс. Салық салу айқындығы салық төлеушінің салық міндеттемелері туындауының, орындалуының тоқтатылуының барлық негіздері мен тәртібін салық заңдарында белгілеу мүмкіндігін білдіреді.

в) Салық салудың әділдігі қағидасы. Қазақстан Республикасында салық салу жалпыға бірдей және міндетті болып табылады.

г) Салық жүйесінің біртұтастығы қағидасы. Қазақстан Республикасының салық жүйесі Қазақстан Республикасының бүкіл аумағында барлық салық төлеушілерге қатысты біртұтас болып табылады.

д) Салық заңдарының жариялылығы қағидасы. Салық салу мәселелерін реттейтін нормативтік құқықтық актілер ресми басылымдарда міндетті түрде жариялануға тиіс.

Салық қоғамда, мемлекетте мынандай фнукцияларды атқарады:

- «Қазыналық функциясы» - бұл салықты жинаумен, бюджеттің кіріс бөлігінің құралуымен байланысты ;

- «Бөлу функциясы» - бұл бюджеттің шығыс бөлігіне және экономиканың түрлі салаларының, аймақтардың және халық топтарының тиісінше дамуы мен өркендеуі үшін бірдей қолайлы жағдайды қамтамасыз ету, қалыптасқан үйлесімсіздіктерді немесе жол берілген артта қалушылықты жою мақсатымен солар үшін мемлекеттік деңгейде басылымдықтардың шкаласына сәйкес бюджеттің кіріс бөлігін қайта бөлумен байланысты;

- «Ынталандыру» функциясы - ол экономикалық қызметпен әлеуметтік саясаттың ең алдымен жалпы алғанда елдің алдында тұрған макроэкономикалық және саяси міндеттердің орындалуы, соларға байланысты болатын мемлекеттік деңгейде белгіленген жетекші бағыттар үшін жеткілікті дәрежеде тиімді ынталандырмаларды жасаумен байланысты. Атап айтқанда өндірісті техникамен қайта жарақтандыру, дүниежүзілік рынокқа шығу, қорғаныс қабілетін арттыру, қоғамды жұмылдыру, шетелдік инвестицияларды тарту жөніндегі ынталандырмалар;

- «Шектеу» функциясы- бұл, мысалы, қызметтің мемлекет үшін тиімділігі шамалы кейбір түрлерін басқа неғұрлым қажетті түрлерінің пайдасына тежеу қажеттігімен мемлекеттің қоғампаздық саясатымен байланысты;

- «Бақылау-бөлу» функциясы - бұл қаржы мен ресурстардың қозғалысын, халық пен кәсіпорындар табысының есебін, өндірістің құрылымын тиісінше бақылаумен байланысты. Салықтың функциялары өзара байланысты болып келеді. Бюджетке салық түсімдерінің көбеюі, яғни, қазыналық функциясының орындалуы мемлекеттің экономикалық маңызын жүзеге асыруына материалдық мүмкіндіктерін туғызады, яғни, салықтың экономикалық міндеті орындалады. Сонымен бірге өндірістің дамуын жылдамдатуды және кіріс өнімділігін тездетуді экономикалық реттеу нәтижесінде мемлекет көп қаржылық жетістіктерге жете алады. Салықтың қазыналық функциясы мемлекеттің салық саясаты тұтқасының көмегімен нарық коньюктурасының жағдайына әсер етуде. Бір сөзбен айтқанда, салық түсімі арқылы алынған қаражаттар мемлекеттің саяси - шаруашылық қызметін атқарудың қаржылық негізі болып табылады. Салық қаражаттары ең алдымен ғылыми-техникалық прогресті ынталандыру, прогрессивті технология мен өнім түрлерін игеру, экономикада құрылымдылық өзгерістер жасау, табиғат қорғау шараларын жүзеге асыру, әлеуметтік саланың объектілерін ұстау үшін белсенді түрде пайдаланылады. Салықтың қайта бөлу функциясының көмегімен салық механизмі арқылы мемлекеттік бюджетке жалпы ұлттық өнімнің едәуір бөлігін жұмылдыруы орындалады. Салық түсімі есебінен мемлекет әскери бағдарламаларды қаржыландыруға, бұдан басқа, айтарлықтай қаржы ағарту саласына, денсаулық сақтауға, ғылымға, басқару апараттарын ұстауға, экологияға, зейнетақымен қамтуға жұмсалады. Қаржының мұндай мақсаттарға жұмсалуы әлеуметтік саладағы шиеленісіп тұратын қайшылықтарды басуға, азаматтардың кедей топтарының мүддесін ескере отырып, жеке табыстарды барынша біркелкі бөлуге мүмкіндік береді. Дүниежүзілік тәжіриебе көрсетіп отырғандай, бүкіл өркениетті мемлекеттегі салықтық реттеу - несие-қаржылық реттеумен бірігіп әрекет еткенде ғана нарықтық экономиканы жүргізудің аса тиімді нысаны болып табылады. Ол нарықтық қатынастың қалыптасуына әсерін тигізіп, мемлекеттік экономикаға тигізетін әсерін реттеп отырады. Сондай-ақ салықтар қоғам экономикасын тұрақтандырудың және әлеуметтік теңдікті, оған қоса реформалаудың тиімділігін қамтамасыз ететін маңызды элементтері болып келеді. Салықтар экономикалық белсенділікті реттей отырып, өндіріс процестеріне де қатты әсерін тигізеді. Салықтармен әрекет ете отырып, мемлекет капиталының қорлануына зор ықпал етеді. Сонымен бірге, салықтық реттеу шаралары әр түрлі салалардың бәсекелесу мүмкіндіктерін кеңінен ынталандыра отырып, капиталдың қорлануына тиімді жағдай жасап, кәсіпорындардың іс-әрекетінің әлеуметтік қажеттіліктерін қанағаттандыруға ықпалын тигізеді. Бұл мақсатта салықтарды төлеуге жеңілдіктер пайда болады. Салықтық жеңілдіктердің көмегімен мемлекет өндіргіш күштерді аумақтар бойынша орналастыруға, инфрақұрылымдық объектілерді құруға және т. б. іс-әрекеттерді жүзеге асыруға толығымен мүмкіндік береді. [2. 1] Мемлекет заңды түрде өндірушілердің табыстарының бір бөлігін салық арқылы шегеріп отырады да, бюджетке түсіріп, белгілі бір қажеттіліктер мақсатында қолданылады. Арнайы салық режимінің басты мақсаты шаруашылық жургізуші субъектілерге түсетін салық ауыртпалығын жеңілдету, қолданылып жүрген салықтар мен төлемдерді реттеу болып табылады. Бұл бағытта ең негізгілерінің - табыс салығы, қосылатын құн салығы, акциздер, мүлік салығы және бірқатар басқа да салықтардың мәнін арттыру. Ұқсас жағдайда салық салудың шамамен тең тәртібі қолданылатын болады да, ал салық мөлшерлемелері табыс көлемінің артуына байланысты қойылады. Біртұтас тәртіп салық төлеушілердің қай кезде қандай салық төлеуді жақсы білуіне мүмкіндік береді. Қазақстандағы салық мөлшерлемелерінің басқа елдегі салық мөлшерлемелерімен теңдес болуы да дұрыс. Өйткені, неғұрлым жоғары мөлшерлеме белгілеу шетелдік инвестиция тартуға кедергі келтіреді және керісінше, неғұрлым мөлшерлемелердің әр түрлі болуынан туындайтын салық капиталды экспортқа шығаратын елдердің бюджетіне түседі.

1. 2 Қазақстан Республикасының салық жүйесі және салық механизмі

Салық жүйесі мемлекетпен бірге пайда болды және дамып отырады. Салық жүйесі қызмет етуіне қарай нарықтық қатынастардың негізгі бөлігі болып табылады, көп жағдайда елдегі экономикалық реформалардың жетістіктері жүйесіне байланысты болып келеді. Қазіргі жаңа қоғамда салықтар жоғарыда аталғандай, мемлекеттің кіріс көзінің негізі болып отыр. Салық механизмі (1. 1-сызба) мемлекеттің қоғамдық өндіріске, оның қозғалысына және құрылымына экономикалық әсер етуі үшін қолданылады. механизмінің элементтері

Салықты болжамдау мен жоспарлау

Салықтар түрлерінің жиынтығы

Салық салу қағидалары

Салық құқығы мен заңдылығы

Салық элементтері

Салық механизмі

Салықтарды басқару жүйесі

Ақпараттық қамтамасыз ету

Салықтарды алудың әдістері

Салықтардың есеп құралдары

Салықтық бақылау

1. 1-сыз

Салық механизмі (1. 1-сызба)

Салық Салық жүйесі дегеніміз - бұл бір бірімен салық төлеші мен мемлекеттің қызығушылық сақтау мақсатымен байланыста болатын салықтардың жиынтығынан тұратын кешен:

Салық жүйесі

Салықтарды алудың принциптері

Салықтық бақылаудың нысандары мен әдістері

Заңдық және нормативтік база

Ұйымдастыру

Салық органдары мен қаржы полициясы бөлімдерінің салықтарды мемлекетке өткізу

Камералдық бақылау, салық төлешілердің мониторингі, құжаттық және рейдтік салық тексерулер

Әр түрлілігі,

принциптері және элементтері

Салық және бюджетке төленетін төлемдер туралы ҚР Заңы, Салық кодексі, қаулылар

Жарлықтар,

1. 2-сызба. ҚР салық жүйесінің құрылымы

Г. Карагусова айтқандай, салық барлық жерден және барлығынан алынады:

- тауар нарығынан немесе өндіріс факторынан;

- сатушыдан немесе сатып алушылардан;

- үй шаруашылығынан немесе кәсіпорындардан;

- табыс көздерінен немесе шығындарынан;

Қазақстан Республикасында қабылдаған салық жүйесі туралы заңға сәйкес салықтың мынандай түрлері қолданылады:

а) жалпы мемлекеттік салықтар;

ә) жергілікті салықтар;

Салық жүйесіне қойылатын негізгі талаптар мыналар:

а) ұқсас жағдайларда алынған бірдей кірістер салық мөлшері бойынша бірдей салық салынуға жатуы тиіс;

ә) салық салу мөлшерлемесі меншік нысанына қарамастан барлық субъектілер үшін және алынған кірістің тепе-теңдігі жағдайында кәсіпкерлік ісінің түріне байланыссыз барлық тұлғалар үшін бірыңғай болуы керек;

б) салық жүйесі кешенді болғаны жөн, яғни салық салудың әртүрлі әдістеріне сүйенуі керек (кіріс, мүліктік және т. б. )

в) салық жүйесінің тұрақтылығы мен икемділігінің үйлесімі қоғамдық өндіріске қатысушылардың экономикалық мүддесіне дер кезінде әсер етуін қамтамасыз ету керек;

г) бірыңғай салық мөлшерлемелері мақсатты сипаттағы салық жеңілдіктері жүйесімен толықтырылуы қажет.

Өзімізге белгілі, салықтар және салық саясаты - қуатты ресурстық фактор, яғни мемлекеттің қол астындағы экономикаға тікелей әсер ету құралы және сонымен бірге-мемлекеттің шаруашылық етуші субъктілерімен кері байланыс механизмі. Міне, сол себептен нақты жағдайларға байланысты, соның ішінде экономикалық даму ерекшелігі мен жағдайына байланысты, елдің мемлекеттік билігінің тұрақтылығына байланысты бұл фактор мемлекеттің экономикалық қауіпсіздігін қамтамасыз ететін құрал ретіңде, немесе мемлекет тәуекелдігінің негізгі көзі, не болмаса мемлекет үшін қауіпті фактор ретінде де болуы мүмкін.

Салық салу мақсатында салық Кодексінде қолданылатын негізгі ұғымдар:

салық төлеуші - салықты және бюджетке төленетін басқа да міндетті төлемдерді төлеуші болып табылатын тұлға;
салық агенті - салық Кодексіне сәйкес төлем көздерінен ұсталатын салықтарды есептеу, ұстау және аудару жөніндегі міндет жүктелген заңды тұлға, жеке кәсіпкер;
салық берешегі-бересі сомасы, сондай-ақ өсімпұлдар мен айыппұлдардың төленбеген сомалары;
салық режимі - салық Кодексінде белгіленген салықтарды және бюджетке төленетін басқа да міндетті төлемдерді төлеу жөніндегі барлық салық міндеттемелерін есептеу кезінде салық төлеуші қолданатын салық заңдары нормаларының жиынтығы;
салық төлеушінің электрондық құжаты - белгіленген электрондық форматта жасалған және берілген, шифрленген және электрондық қолтаңбамен куәландырылған, ол қабылданып, бірдейлігі расталғаннан кейін есептілік күші бар құжат;

Бүгінгі таңдағы Қазақстан Республикасының салық жүйесіне мынандай ерекшіліктері тән:

мемлекеттік бюджетке түсетін кірістің заңды белгіленген көлемін шоғырландыру қабілеттілігінің төмендеуі;
Салық ауыртпалығының көпшілігі салық төлеушілердің көбінесе тар көлеміне салынуы, нәтижесінде, салық төлеушілер үшін шамадан тыс салық қысымы және қоғамда кірістердің салық салудың шамадан тыс деңгейі туралы ұсыныстар пайда болады да, соңынан салық салу деңгейін төмендету туралы теңдестігі жоқ талаптар қойылады;
Салық жүйесінің экономикалық өсуді және инвестициялық белсенділікті бәсеңдету, шетелдегі капиталдардың азаюына және салықтан жалтаруға жағдай жасаушы факторына айналуы;
Субъектілердің шығындалу нәтижесінде салық төлеушілердің негізгі жиынтығы ретінде шынайы сектордың объективті мүмкіндіктерінің дұрысталуы;
Астыртын және криминалды (қылмыстық) экономика шеңберінің кеңеюі;
Кәсіпкерліктің тәртіптілігін дәлелдеуде салық механизмінің ынталандыру және реттеуші функциясының әлсіз болуы;
Экономикалық қауіпсіздік белгісі бойынша, салық жүйесінің тұрақтылығы, салық саясатының сыйымдылығы белгісі бойынша зерттелудің әлсіздігі және заңды негізде бағалануының жоқтығы;
Салық құқығының ғылыми негізінің толықтай өңделмеуі, заңды-нормативті заңдылықтың базасының қарама-қайшылығы.

Жалпы алғанда, салық жүйесінің дамуы терең кризистік (дағдарыстық) процестерінің бар екендігін жоққа шығармайды. Аталған үрдісті (даму бағытын) көрсету нәтижесі болып мемлекеттік бюджеттің кіріс базасының жойылуы және мемлекеттің қауіпсіздігін және азаматтардың құқықтарын қорғауды қоса алғанда, бюджеттің негізгі функциялық міндеттерін орындауды тиісті шамада қаржыландыру қабілетінің күрт төмендеуі болып табылады.

2 тарау. Қазақстанда арнайы салық режимдерін ұйымдастыру ерекшеліктері 2. 1 Шағын бизнес субъектілеріне арналған арнайы салық режимі ... жалғасы

Сіз бұл жұмысты біздің қосымшамыз арқылы толығымен тегін көре аласыз.