Кәсіпкерлікте маркетингті пайдаланудың маңызы мен артықшылықтары

Пән: Маркетинг
Жұмыс түрі: Дипломдық жұмыс
Тегін: Антиплагиат
Көлемі: 81 бет
Таңдаулыға:

Дипломдық жұмыс

Тақырыбы: Кәсіпкерлікте маркетингті пайдаланудың

маңызы мен артықшылықтары

Мазмұны

Кіріспе . . . 3

1 Кәсіпорында маркетингті ұйымдастырудың теориялық және

әдістемелік негізі . . . 6

1. 1 Кәсіпорында маркетингтік қызметті ұйымдастыру жүйесі . . . 6

1. 2 Кәсіпорынның маркетингтік ортасы . . . 10

1. 3 Кәсіпорында маркетингтік шараларды жүзеге асыру негізі . . . 17

2. Кәсіпкерлікте маркетингті пайдаланудың маңызы мен артықшылықтары . . . 27

2. 1 Кәсіпкерлікте маркетингті пайдаланудың әлеуметтік-экономикалық мән-

мағынасы . . . 27

2. 2 Кәсіпорын маркетингі және оны пайдаланудың маңызы . . . 30

2. 3 Қазақстан кәсіпорындарындағы маркетингті пайдалану ерекшеліктері . . . 36

2. 4 Кәсіпорынның жекелеген процестерін басқаруда маркетингтің әдістерін

пайдалану . . . 43

3 Кәсіпкерлікке маркетингті пайдаланудың кейбір мәселелері және оны

жетілдіру перспективалары . . . 53

3. 1 Қазақстанда кәсіпкерлікті дамыту барысында жасалып жатқан

маркетингтік іс-шаралар . . . 53

3. 2 «Бизнестің жол картасы-2020»: Кәсіпкерліктің дамуының маңызды

құралы . . . 61

3. 3 Кәсіпкерлікте маркетингті енгізудегі - шағын кәсіпкерлікті қолдау

орталықтары - бизнес-инкубаторлардың маңызы және оның қызметі . . . 66

Қорытынды . . . 70

Пайдаланылған әдебиеттер тізімі . . . 73

Қосымшалар

Кіріспе

Мемлекет пен бизнестің ынтымақты түрде бірлесіп әрекет етуі экономиканы жаңартуды жеделдетіп қана қоймай, сонымен қатар, қазіргі кезеңдегі нақты секторды тиімді түрде қолдаудың өзіндік бір жүйесін қалыптастырмақ.

Қазақстан Республикасының Президенті Н. Назарбаев 2010 жылғы “Жаңа онжылдық - жаңа экономикалық өрлеу - Қазақстанның жаңа мүмкіндіктері” атты Жолдауында “Әртараптандырудың өзегі кәсіпкерлік болады. Біз тәуекелдерді өз мойнына алуға, жаңа рыноктарды игеруге, инновациялар ендіруге дайын қуатты кәсіпкерлер табын көргіміз келеді [1] .

Нақ осы кәсіпкерлер экономиканы жаңғыртудың қозғаушы күші болып табылады” - деген болатын.

Расымен де Қазақстан экономикасын бұдан әрі әртараптандырудың өзегі кәсіпкерлік болмақ. Жай ғана кәсіпкерлік іс-әрекетті жүзеге асырушылар емес, яғни ел экономикасына қызмет ететін, венчурлік кәсіпкерлікпен айналысуға, жаңа нарықтарды игеруге, инновация енгізуге дайын кәсіпкерлер табын қалыптастыру басты міндет болмақ.

Бұл дипломдық жұмыстың өзектілігі сол, мұнда осы Жолдауда айтылғандай экономиканың жаңғыртушы күші болатын кәсіпкерлер табын қалыптастыру үшін ең маңызды болып табылатын қызметтердің бірі кәсіпкерлікте маркетингті пайдаланудың маңызы мен артықшылығы мәселелері қарастырылады. Нарық қатынастары шаруашылық қарым-қатынаста жүріп жатқан субъектілерінен экономикалық үдерістерді игеруді, ол үшін оларды терең және жан-жақты талдауды талап етеді. Осы талдау негізінде бар ресурстарды тиімді пайдаланып, тұтынушылардың қажеттерін сапалы және жоғары деңгейде, неғұрлым толық қанағаттандыруды белгілейді.

Нарықта қалыптасқан қатаң бәсекелестік күресті жеңіп шығу үшін бұл аса қажетті іс. Соның негізінде фирманы дәл басқару бағыттары және ұтымды шаруашылық бизнес шешімдері іздестіріледі.

Ал, ол талдауды жүргізу үшін кең көлемде және неғурлым толық коммерциялық ақпарат қажет болады. Бұл жиналған ақпарат рынокта әрекет жасап жүрген фирмалар және келешекте олардың қатарына жаңадан қосылатын кәсіпорындар, олардың өнімдерінің өзгерісі туралы тағы басқа сол сияқты болжамдық талдау үшін қолданылады.

Осы аса маңызды да күрделі іс маркетингсіз орындаулы мүлде мүмкін емес. Сондықтан фирманы басқару жүйесінде, оның әрекетін үтымды реттеу ісінде қазіргі кезде маркетинг жетекші рөл атқарады.

Жұмыстың ғылыми жаңашылдығы және практикалық маңыздылығы сол - мұнда кәсіпкерлікте маркетингті пайдаланудың кәсіпкерлік қызмет үшін маңыздылығы қарастырылып отыр.

Қазір дағдарыс жағдайына байланысты Қазақстан Республикасы Үкіметінің алдында тәуекелдерді өз мойнына алуға, жаңа рыноктарды игеруге, инновациялар ендіруге дайын қуатты кәсіпкерлер табын қалыптастыруға бағытталған бірнеше мақсат қойылып отыр:

өңірлерде кәсіпкерліктің, бәрінен бұрын шағын және орта бизнестің жаңа тобын дамыту;
бизнес жүргізуге сервистік қолдау білдіру;
“Бизнестің жол картасы-2020” бағдарламасы аясындағы жұмыстарды бастау [1] .

Жұмыста қазіргі мынадай ғылыми мәселелерді шешу көзделген , яғни тәуекелдерді өз мойнына алуға, жаңа рыноктарды игеруге, инновациялар ендіруге дайын қуатты кәсіпкерлер табын қалыптастыру, өңірлерде кәсіпкерліктің, бәрінен бұрын шағын және орта бизнестің жаңа тобын дамыту, “Бизнестің жол картасы-2020” бағдарламасының іске қосылуы және одан күтілетін нәтижелер, бизнес жүргізуге сервистік қолдау білдіру шаралары, шағын және орта бизнеске несиелерді ішінара кепілдендіру т. б.

Тақырып бойынша қазіргі ахуалды бағаласақ , қазіргі кезде маркетинг әрекетінің мәні сайып келгенде жоғары пайда алу үшін нарықтың, демек тұтынушылардың нақты қажеттерін зерттеу, соның негізінде фирманың барлық қызметін (тауарды өндіруді, өңдеуді, өткізуді, жылжытуды) ұйымдастыру жүйесі болып табылады.

Маркетингте ең бастысы - біртұтас және өзара толықтырушы қадамның болуы. Бұл, бір жағынан нарықты, сұранымды, талғам мен қажеттілікті, сол арқылы бағдарлауды, шығырылатын өнімдердің нақты кімге арналғанын мұқият және жан-жақты зерттеп үйренуді білдіреді. Екіншіден - нарыққа және сұранымға, қажеттілік пен сатып алудың артықшылықтарын қалыптастыруға белсенді өзара әрекет болып табылады. Өнім шығарушы мен тұтынушыны байланыстыру, оларды бір-бірін табуына көмектесу және сол арқылы алғашқының еңбегін өнімді ету - кәсіпорынның маркетингтік қызметінің негізгі мақсатын құрады [2] .

Жұмыстың мақсаты - Қазақстан кәсіпкерлігінде маркетингті пайдаланудың маңызы мен артықшылығын зерттеу.

Сонымен қатар жұмыстың басты міндеттері мыналар:

- Кәсіпорында маркетингті ұйымдастырудың теориялық және әдістемелік негізі;

- Кәсіпорынның маркетингтік ортасы;

- Кәсіпкерлікте маркетингті пайдаланудың әлеуметтік-экономикалық мән-мағынасы;

- Кәсіпорын маркетингі және оны пайдаланудың маңызы;

- Қазақстанның кәсіпорындарындағы маркетингті пайдалану ерекшеліктері;

- Кәсіпкерлікке маркетингті пайдаланудың кейбір мәселелері және оны жетілдіру перспективалары; 4

- Қазақстанда кәсіпкерлікті дамыту барысында жасалып жатқан маркетингтік іс-шараларды қарастыру.

Зерттелу объектісі - Қазақстанның кәсіпкерлік ортасы.

Жалпы жұмыстың теориялық және әдіснамалық негізі ретінде заң актілері, ҚР Президентінің жыл сайынғы Жолдаулары, ҚР Үкіметінің Қаулылары, отандық және шетелдік ғалым-экономистердің ғылыми жұмыстары алынды. Диплом жұмысына А. Манап, зерттеуші ғалымдардың ғылыми еңбектері мен жекелеген мақалаларының негізгі теориялық тұжырымдары тірек болды, сондай-ақ, ағымдық баспасөз беттерінде жарияланған мақалалар мен статистикалық мәліметтер қолданылды.

Диплом жұмысының жазылуының практикалық базасы Қазақстандағы кәсіпкерлікпен айналысатын фирмалардың маркетингтік іс-әрекеттері болып табылады.

Жұмыс құрылымы: диплом жұмысы кіріспеден, үш тараудан, қорытындыдан, пайдаланылған әдебиеттер тізімінен тұрады.

Жұмысты жазу барысында келесі экономикалық-статистикалық зерттеу әдістері қолданылды: монографиялық, талдау, конструктивтік-есептік, сызбалық және т. б.

1 Кәсіпорында маркетингті ұйымдастырудың теориялық және

әдістемелік негізі

1. 1 Кәсіпорында маркетингтік қызметті ұйымдастыру жүйесі

Маркетинг кешені бойынша әзірленген шараларды іс жүзіне асыру үшін өндіру мен өткізуге қызмет көрсету, сондай-ақ үйлестіруші, жоспарлаушы және бақылау жасаушы қызметтерін өзіне алатындай жағдайы бар, маркетингтің арнайы қызметі қажет.

Егер фирма шағын болатын болса, маркетингтің барлық міндеттерін бір адамға жүктеуге болады. Ал үлкен фирмалар маркетинг қызметін ұстауға мүмкіндіктері бар [3] .

Маркетингтік қызметтің құрылымы алуан түрлі. Ең көп тарағаны маркетинг қызметін функциональды ұйымдастыру болып саналады.

Бұндай ұйымдастыру кезінде маркетинг жөніндегі мамандар маркетингтік қызметтің арқылы түрлерін (қызмет жүргізуін) басшылыққа алады.

Негізінен мұндай құрылымға тар шеңбердегі тауар ассортиментімен, ұлттық нарықтың және олардың сегменттерінің үлкен емес санымен жұмыс жасайтын, белгілі бір ынғайлылығымен, тұрақтылығымен және онша көп емес сыйымдылығымен өзгешеленетін шағын фирмалардың маркетингтік қызметтері ие.

Дегенмен, тауар ассортиментінің өсу мүмкіндігіне қарай, бұл сурет өзінің тиімділігін жоғалтады. Өнімдер (тауарлар) бойынша арнайы бөлімдердің жоқ болуы және қиындықтарға байланысты жаңа тауарларды жасау, оларды енгізу идеясы процентіне бақылау мен байланыстың болмауы жаңалықтарды енгізуді баяулатады.

Нарықтың аймақтық сегменті бойынша арнайы бөлімдердің жоқ болуынан тұтынушылардың талаптарына бейімделу әсері баяулайды [3] .

Сызба 1. Маркетингтік қызметті функциялық ұйымдастыру

Географиялық қағида бойынша ұйымдастыру - белгілі географиялық аудандарға қызмет көрсету негізінде кәсіпорын сатушыларының, жалпы ұлттың штатын ұйымдастыру.

Еліміздің барлық аумағындағы саудамен айналысатын кәсіпкерлер сатушылардың тәуелділігін географиялық қағида бойынша ұйымдастыру нысанын қабылдайды. Сызбада: тауар өткізудің жалпы ұлттық қызметінің бір меңгерушісі, тауар өткізудің аймақтық қызметінің 4 меңгерушісі, 24 тауар өткізудің аумақтың қызметтерін басқарушылар, 192 тауар жөніндегі аудандық меңгерушілері және 1920 сауда агенті көрсетілген. Географиялық қағида бойынша ұйымдастыру барысында сауда агенттері қызмет көрсететін аумақтар шеңберінде тұруға, өз клиенттерін жақсы біліп, жұмысқа келіп-кетуге уақыт пен қаражат шығармай, тиімді жұмыс істеу мүмкіндігіне ие болады (сурет 2) .

Сызба 2. Географиялық қағида бойынша ұйымдастыру

Тауар өндірісі бойынша ұйымдастыру - маркетинтік қызметті ұйымдастыру нысандарының бірі. Әртүрлі функциялық қызметтердің мамандарымен өз тауары үшін жоспар әзірлеу үшін бірлесіп еңбек етеін меңгеруші әр тауардың өндірісін басқарады [4] .

Тауарлар номенклатурасы көлемді немесе тауарлық белгісі бар бұйымдары көп фирмалар маркетингті тауар немесе тауар белгісі өндірісі бойынша ұйымдастыруды қолданады. Тауар өндірісі бойынша ұйымдастыру басқарудың тағы бір деңгейі болып табылады (сурет 3) .

Сызба 3. Тауарлық өндіріс бойынша маркетингтік қызметті ұйымдастыру

Ұйымдастырудың мұндай құрылымы жағдайында, фирма шығаратын тауарлар өндірудің түрлі технологияларымен, тауарлық өмірлік кезеңінің қысқа болуымен сипатталады.

Тауар өндірісін тауарлар номенклатурасы жөніндегі меңгеруші басқарады, оған тауарлар тобы жөніндегі бірнеше меңгеруші бағынады, ал олар белгілі бір тауардың өндірісі үшін жауапты тауар жөніндегі меңгерушіге бағынады. Олардың орындалуын қадағалайды, нәтижелерін бақылайды, ал қажет болған кезде жоспарларды қайта қарайды [5] .

Тауар өндірісі бойынша ұйымдастырудың бірқатар артықшылықтары бар.

Біріншіден, тауар жөніндегі меңгеруші осы бұйым бойынша маркетинг кешенін үйлестіреді.

Екіншіден, тауар жөніндегі меңгеруші нарықта пайда болған проблемаларды басқа мамандардан бұрын көріп, жауап әзірлей алады.

Үшіншіден, тауарлық белгісі бар, алайда ұсақ болғанымен бар тауарлар да назардан тыс қалмайды, өйткені әрқайсысының өндірісін өз меңгерушісі басқарады.

Төртіншіден, тауар өндіруді басқару - жас басшылар үшін тамаша мектеп, өйткені олар осы жұмыс барысында фирманың жедел қызметінің барлық салаларына араласады. Алайда, осы артықшылықтармен қатар кемшіліктер де бар [5] .

Біріншіден, тауар өндірісі бойынша басқару жүйесі бірқатар қақтығыстар мен өкініштерге әкеп соғады. Көп жағдайда тауар жөніндегі меңгерушілерге өз міндеттерін тиімді атқару үшін толық құқық берілмейді.

Екіншіден, бұйымына қатысты барлық саулдар бойынша сарапшы болуына қарамастан, тауар жөніндегі меңгерушілердің жұмыстың функциялық салаларында маман болуы сирек кездеседі.

Үшіншіден, тауарлар өндірісі бойынша басқару жүйесі алғашында жоспарланғаннан гөрі қымбатқа түседі, өйткені қызметкерлер саны өскен сайын еңбекке ақы төлеу шығыны көбейеді.

Нарықтық қағида бойынша ұйымдастыру - тауарлы-өндірісті ұйымдастыру жүйесіне ұқсас келеді. Нарықтық жұмыстар жөніндегі басқарушы жекелеген нарықтар жөніндегі бірнеше басқарушының қызметіне басшылық жасайды. Бұлай ұйымдастыру фирманың барлық қызметін түпкі тұтынушыларға бағдарлауға және осы кезде олардың әрбір топтары үшін жеке, арнайы нарық саясатын жүзеге асыруға мүмкіндік береді. Бұл құрылым көп дәрежеде маркетинг тұжырымдамаларының қағидалары мен талаптарына сәйкес келеді.

Тауарлық-нарықтық қағида бойынша ұйымдастыру көптеген нарықтарда әртүрлі тауарлар сатушы фирмаларға тән. Мұндай фирмалардың бір мезгілде тауарлар мен нарықтар жөніндегі басқарушылары болуы мүмкін, яғни материалдық .

Келтірілген маркетингтік құрылымның біздің отандық экономикада қазіргі уақытта толық ауқымды қолдану мүмкін емес.

Маркетингтін даму кезеңіне байланысты Қазақстан Республикасы және басқа елдер кәсіпорындары экономиканың өтпелі кезеңінде, маркетингпен айналысатын ұйымдық құрылымдардың келесі үлгілерін пайдалануы мүмкін.

Бірінші сатыда келесі бөлімдер кызмет етеді:

- тауарларды ішке және экспортка өткізу бойынша жедел қызметті ұйымдастырып және соған басшылық жасайтын коммерциялык ұйым; - өткізу нарығын, нарықтық жағдайдың өзгеруін зерттейтін, баға динамикасын талдаумен айналысатын коньюнктура және баға бөлімі;

- қызметіне кешенді коммуникативті кызмет пен өткізуді ынталандыруды ұйымдастыру қызметтері, жарнама бөлімі.

Басқару қызметі жүйесінің екінші сатысына маркетинг "жөніндегі жеке буындар кіреді. (негізінен, коньюнктура, баға және жарнама бөлімдерінің орнына) . Тізіп өткен қызметтерден басқа бұл буын нарықтық зерттеулер, тауар саясаты және т. б. мәселелермен айналысады.

Үшінші сатыда маркетингтік қызметті басқару аппараты кеңінен және күрделі бола түседі, басқарма мәрте алады. Оның ішінде нарықты, оның игіліктерін зерттеп үйренумен, жаңа тауарларды жасап шығарумен, өткізу арналарын (каналдарын) анықтаумен және т. б. қызметтермен айналысатын маркетинг бөлімі болуы мүмкін.

Коммерциялық бөлім, жедел түрдегі коммерциялық жұмыстарды, жекелей алғанда, контрактілерді дайындау мен жасауды ұйымдастырады.

Құрылатын маркетингтік қызметтер қызмет жүргізудің келесі жағдайларын қамтамасыз етуі тиіс:

- нарықтың динамикалық өзгеруші жағдайларына жүйенің икемділігі, ұтқырлығы және бейімділігі;

- құрылымның салыстырмалы түрде қарапайымдылығы құрылым неғұрлым берік болса, соғұрлым жүйе ұтқыр болады және соғүрлым фирманың табысқа жетуге деген мүмкіндіктері жоғары;

- маркетингтің қызмет ауқымының оның дәрежесі меи фирманың сату көлеміне сәйкестігі;

- қызмет құрылымының өндірілетін өнімдірінің ассортименті мен қызмет көрсетудің белгілеріне сәйкес келуі;

- ұйымдық құрылымдардың өткізу нарығының саны мен көлеміне және олардың сипаттарына сәйкес келуі.

1. 2 Кәсіпорынның маркетингтік ортасы

Кез-келген фирма нарықпен байланыс орнатып, оған өнімдерін жеткізіп және сатып алушыларды қажетті ақпараттармен қамтамасыз ете отырып, өзінің қызметін жүргізеді. Фирма нарықтан ақша және тағы да басқа ақпараттар алады. Біртұтас қызметін жүргізуші, тұйықталған жүйе пайда болады. Түрлі директивті басшы органдарын нұсқаулармен өнімдерді толықтырушы шикізаттарды жеткізіп беруге қатынасы бойынша фирма қабылдаушы буын ретінде қатынасатын тағы бір жүйе бар. Жауап ретінде фирма сондай-ақ ақпарат пен ақша жібереді. Сөйтіп кез-келген фирманың қызметі маркетингтік ортаға тәуелді болады.

Фирманың маркетингтік ортасы - фирмадан тыс әрекет ететін және маркетинг қызметі мақсатты клиенттермен ойдағыдай ынтымақтастық қатынастарын орнатып, дамыту мүмкіндіктеріне ықпал ететін белсенді субъектілер мен күштер жиынтығы [7] .

Маркетингтік орта микро, микроорта, және медиаортадан құрылады. Микроорта - клиенттерге қызмет көрсету бойынша фирманың өзіне және оның мүмкіндіктеріне тікелей қатынасы бар күштермен, яғни жабдықтаушылармен маркетингтік делдалдармен клиенттермен және байланыстағы аудиториялармен ұсынылған.

Макроорта - неғұрлым кең шеңбердегі күштер арқылы берілген. Бұл: демографиялық, экономикалық, табиғи, техникалық, саяси және мәдени сипаттағы факторлар.

Медиаорта дегеніміз фирманың нақтылы немесе әлуетті көңіл бөлетін және белгіленген мақсатына жетуіне есер ететін кез келген топ.

Ендігі кезекте фирманың осы аталмыш орталарын жеке-жеке қарастырамыз.

Микроорта фирмаға және оның клиенттеріне, қызмет көрсету мүмкіндіктеріне тікелей қатынасы бар күштермен белгіленеді. Солардың қатарыңдағы аса маңыздылары мыналар:

жабдықтаушылар,
маркетинг делдалдары,
бәсекелестер,
клиенттер.

Кесте 1.

Микроорта күштері

Жабдықтаушылар: Жабдықтаушылар

Фирма: Фирма

Маркетинг делдалдары: Маркетинг делдалдары

Клиенттер: Клиенттер

Жабдықтаушылар: Бәсекелестер

Жабдықтаушылар дегеніміз фирманы және оның бәсекелестерін тауарды өндіру үдерісіне қажет материалдық ресурстармен жабдықтайтын іскер компаниялар мен жеке тұлғалар.

Маркетинг түрғысынан жабдықтаушылардың келесі турлері болады:

“эксклюзивті” жабдықтаушылар - тек қана белгілі фирмамен жұмыс жасайды;
“лоялді”, немесе “адал” жабдықтаушылар - фирмаға және оның бәсекелестеріне бірдей қызмет көрсетеді;
“сырттағы” жабдықтаушылар - тек қана бәсекелестерге қызмет көрсетеді.
Жабдықтаушыларға әр түрлі маркетингтік талаптар қойылады. Ол талаптар мынандай болуы мүмкін:
өнім сапасының белгіленген стандартқа сәйкес болуы,
келісілген кестеге сәйкес нақты мезгілде өнімді жеткізу,
өнімді жеткізу көлемін толығымен орындау,
қажетті құжаттармен қамтамасыз ету,
қажет болғанда қосымша қызмет көрсету,
тапсырыс берушінің жаңа талаптарын орындау,
келісілген бағаны сақтау,
тауар сапасына кепілдеме беру.

Фирманың өзі микроорта күштерінің бірі болып есептеледі. Фирманың құрамында оның басшылары, бухгалтериясы, маркетинг, өндіріс, материалды - техникалық жабдықтау, қаржы, жоспарлау т. б. бөлімдері қаракет жасайды. олардың әрқйсысының мақсаты мен міндеті әрқалай белгіленген.

Фирманың мақсатына жетуі көбінесе үш факторға тәуелді [8] :

тандап алынған стратегияға,
маркетинг қызметінің ұйымдастыру құрылымына,
құрылымның қандай деңгейге әрекет жасағанына.

Қағида бойынша, өндірілген өнім сапасы жоғары деңгейде болса, өзінің тұтынушысын табуы керек. Бұл үдеріс көбінесе маркетинг делдалдары арқылы камтамасыз етіледі. Маркетинг делдалдары фирманың тауарларын клиенттерге қарай жылжытуға, оларға өткізуге және таратуға көмектесетін іскер компаниялар, мамандар. Оларға мыналар жатады:

Сауда делдалдары - фирма клиенттерін іздеп табуға және оларға тауарды сатуға көмектесетін іскер компаниялар.

Олардың мақсаты - сату орнын, сату мерзімін және сатып алу процедурасының фирмаға неғұрлым қолайлы болуын қамтамасыз ету. Орынның қолайлылығына сауда делдалдары клиенттер тұратын жерде тауар қорын жасауға мүмкіндік береді. Уақыт қолайлылығы тауардың тұтынушыларға қажет уақытта болуы арқылы қамтамасыз етіледі. Сатып алу рәсімінің қолайлылығы тауарды сатумен қатар оған иелік ету құқығын беру.

Тауар қозғалысын ұйымдастыру жөніндегі маманданған фирмалар, компаниялар тауар қорларын жинауға және жылжытуға көмектеседі.

Маркетингтік қызмет көрсету жөніндегі арнайы агенттікттер - маркетингтік зерттеулерге фирмалар, жарнамалық агенттіктер, жарнама құралдары ұйымдары және маркетинг жөнінде кеңес беретін фирмалар қатысады, олар кәсіпкерге қолайлы нарықтарды тауып, соларға көмектеседі. Сонымен қатар олар ақылы тапсырыспен маркетинг зерттеулерін жүргізеді және маркетинг кешені туралы түрлі кеңестер береді, немесе жарнамалық агенттік компаниялар тауарды ыңғайлы рынокқа бағыттауға және оны ұтымды жылжытуға көмектеседі.

Қаржы - несие мекемелері келісім қарекеттерді қаржыландыруға және ысырапты тәукелдіктен сақтануға көмектеседі.

Микроортаның келесі маңызды құрылымы бәсекелестер (‘concure’ деген латын сөзінен аударғанда “мақсатқа ұмтылу”) болады.

Бәсекелестер дегеніміз бір типті тауарларды рынокта ұсынатын өзара бәсекеге түскен компаниялар. мысалы, Алматы рыногында кондитер өнімдерін бірнеше кәсіпорын ұсынады: “Ақсай”, “Алматы-нан”, “Нәзік”. Олардың өндіретін өнімдері түрлерінің саны әрқалай. Айталық, “Алматы-нан” 56 торт және 36 пирожный түрін, “Нәзік” 36 торт және 23 пирожный.

Кез келген фирманың көптеген бәсекелестері болады. Бәсеке бұл - талап-тілектер, яғни тұтынушыны қанағаттандыруды мақсат ететін тілектер. Ол тауарлық-көпшілік бәсекелесушілер, яғни кез келген белгілі бір тілекті қанағттандырудың негізгі тәсілдері.

Тауар түрі бойынша бәсекелесушілер - сол тауардың белгілі бір мұқтажын қанағаттандыра алатын өзгеше түрлері. Бәсекелесуші белгілер - бір тауарды сатып алушының тілегін қанағаттандыруға қабілетті әртүрлі белгілері.

Тұтыну сұранысына байланысты бәсекелестер - тұтынушының қажетін бірігіп қанағаттандырғысы келген, соған ұмтылған бәсекелестер жатады. Айталық, студенттің біршама ақшасы бар делік. Оны жұмсау жолдары әртүрлі болуы мүмкін. Мысалы, байланыс құралын, компьютер, немесе жаңа киім сатып алуға жұмсалуы мүмкін.

Соның ішінен айталық, достарымен байланыс орнату маңызды болып ол байланыс құралын сатып алуды қалады, делік. Байланыс құралдарының ішінен студент, айталық, пейджерді таңдап алсын, себебі бағасы және абоненттік төлемі ұялы телефонға қарағанда арзанырақ. Ал пейджерлердің көптеген түрлері бар: бір жолды, көп жолды және т. б. - ол түрлі тауарлар бәсекелестігіне жатқызылады, яғни сатып алушының нақты тілегін қанағаттандыратын белгілі тауардың ішіндегі түрлері.

Осы тауардың түрлерінен біреуін таңдап, мысалы көп жолды пейджерді ұнатты десек, онда студент таңба - бәсекелестермен ұшырасады. Ол кажетті қанағаттандыратын бір түрлі тауардың әртүрлі таңбалары, мысалы, біздің мысалда “Моторолла”, “Kenwood” және т. б.

Егер маркетолог тұтынушылар тауарларды қалай тандайтынын сезінсе, ол бәсекелестерін анықтап өзінің тауарын көбірек сатуға қандай кедергілер бар екенін жақсы білуге мүмкіндік ашылады деген сөз.

Микроортаның соңғы элементі - клиенттер, немесе тауарды тұтынушылар. Фирма рыноктың бес түрінде клиенттерге тауарларын ұсына алады. Олар:

- Тұтыну рыногында - онда жеке тұтыну үшін тауарды сатып алушы тұлғалар, үй шаруашылықтары.

- Өңдірушілер рыногында - онда өндіріс үдерісінде тұтынатын өндіріс құрал - жабдықтарын сатып алушы фирмалар.

- Делдалдар рыногында - басқаларға сату арқылы пайда түсіру мақсатымен тауарларды сатып алатын ұйымдар.

- Мемлекет мекемелері рыногында - коммуналдық қызметін атқару үшін сатып алушы мемлекеттік ұйымдар.

- Халықаралық рыногында - шетел рыногында тауарды сатып алушылар (жоғарыда айтылған рыноктардың төрт түрі де шет мемлекеттерінде болуы мүмкін) .

... жалғасы

Сіз бұл жұмысты біздің қосымшамыз арқылы толығымен тегін көре аласыз.

Ұқсас жұмыстар

Электрондық бизнес құрылымы

ФИРМАНЫҢ АЛЬТЕРНАТИВТІ ТЕОРИЯЛАРЫ

Кәсіпкерлік қызметтің жіктелуі

Қазақстан Республикасында шағын бизнесті мемлекеттік қолдау саясаты

Шағын кәсіпкерліктің қызметін басқарудың тиімділігі

Коммерциялық кәсіпкерлік

Қазақстан Республикасында шағын және орта бизнестің дамуын талдау

Кәсіпкерлік түрлері Салыстырмалы талдау туралы ақпарат

Шағын кәсіпорындардың қызметін басқару

Аймақтық интернет маркетинг құрылымы

Пәндер

Қазақ тілінде жазылған рефераттар, курстық жұмыстар, дипломдық жұмыстар бойынша біздің қор #1 болып табылады.

Ақпарат

Қосымша

Email: info@stud.kz