Макарон

Пән: Сертификаттау, стандарттау
Жұмыс түрі: Курстық жұмыс
Тегін: Антиплагиат
Көлемі: 38 бет
Таңдаулыға:

Мазмұны

Кіріспе . . . 4

1. Кәсіпорын туралы жалпы мәлімет . . . 6

1. 1 Кәсіпорынның сапа аймағындағы басшылығының саясаты . . . 6

1. 2 Шикізатты қабылдау және сақтау . . . 8

1. 3 Өнімдер және оның түрлері . . . 9

2. Өндіріс жағдайын талдау . . . 10

2. 1 Кәсіпорын өнімдерінің сәйкессіздігінің себеп-салдарын талдау . . . 10

2. 2 Макарон өндірудің негізгі процесстері мен технологиясы . . . 10

2. 3 Дайын өнімдерді сорттау, қораптау және сақтау . . . 20

2. 4 Өнімдердің сапа деңгейін бағалау . . . 22

2. 5 Өнімдерге қойылатын талаптар . . . 24

2. 6 Өнімдерің сапасына баға беру . . . 29

3. Сапа менеджменті жүйесін енгізу және сертификаттау

3. 1 Сапа менеджменті жүйесін енгізу кезеңдері . . . 33

3. 2 СМЖ құжаттарының құрылымы . . . 34

3. 3. Сапа менеджменті жүйесін сертификаттау . . . 36

Қорытынды . . . 39

Қолданылған әдебиеттер тізімі . . . 40

Кіріспе

Тамақ өнеркәсібі - 22 жеке салалары бар халық шаруашылығының бір бөлігі. Ұйымдастыру әкімшілік сипатына байланысты тамақ өнеркәсібінің кәсіпорындары үш топқа бөлінеді: ет және сүт өндірісі; балық өнеркәсібі; өсімдік шикізаттарын өңдейтін өнеркәсіп.

Тамақ өнеркәсібін дамыту келесі бағыттарда жүргізілуде: өндірістерді топтастыру, өндірісті механикаландыру және автоматтандыру, еңбек өнімділігін арттыру және тамақ өнімдерінің сапасын арттыру.

Ал макарон өндірісінің даму деңгейі келесі шарттарға байланысты:

макарон өнімдерінің сапасын арттыру және ассортиментін көбейту;

- қол еңбегін жою және өндірісті механикаландыру мен автоматтандыру арқылы еңбек өнімділігін арттыру.

Осы мәселелерді шешу үшін өндіріс қуатын арттырып, ескірген қондырғыларды жаңа автоматтандырылған желілермен алмастыру қажет. Жаңа макарон фабрикаларын өндіріс мүлде жоқ немесе дамымаған аймақтарда салу керек.

Макарон өнімдері ұн мен судан иленген қамырды пресстеу арқылы алынған, 13%-ке дейін кептірілген дүмбіл болып табылады. Кейбір жағдайда макарон қамырына қосымша шикізат ретінде жұмыртқа, сүт және томат өнімдері қосылады. Макарон өнімдерінің негізгі артықшылығы:

- ұзақ уақыт (1 жылдан көп ) сақтауға бейімділігі:

- жылдам және жеңіл пісуі (өнім түріне байланысты 3-20 минут ) ;

- тағамдық құндылығы жоғары (100г құрғақ өнімнен дайындалған тамақ адамға тәулігіне қажетті ақуыздар мен көмірсулар мөлшерінің 10% -ін қамтамасыз етеді) ;

- макарон өнімдерінің тағамдық заттары, яғни ақуыз бен көмірсулар жақсы қорытылады.

Қазіргі кезде өнеркәсіп жоғарғы және бірінші сортмакарон өнімдері жоғарғы сорт макарон ұнынан, ал 1 сорт өнімдер 1 сортты макарон ұнынан және 1 сорт наубайханалық ұннан өндіріледі.

Формасына байланысты макарон өнімдері төрт түрге бөлінеді:

түтікше тәріздес ( макарон), жіп тәріздес (вермишель), лента тәріздес (кеспе), әшекейлі өнімдер.

Түтікше тәріздес өнімдергу макарондар, рожки, құс қауырсындары (перья) жатады; диаметрі бойынша түтікше, айрықша кәдімгі және сүйкімді болып бөлінеді.

Вермишель паутинка, жіңішке, кәдімгі және сүйкімді болып бөлінеді және ұзын, қысқа,

орама өнімдер болып келеді.

Кеспе жіңішке және жалпақ болады. Кеспе де, вермишель сияқты қысқа, ұзын, орама өнімдерге бөлінеді.

Әшекейлі макарон өнімдеріне ракушки, улиткалар, кольцолар, жұлдызшалар, алфавит,

дәндер, т. б. жатады.

Өндіру процесі мен қолданылатын жабдықтарға байланысты макарон өнімдері ұзын, қысқа және орама өнімдерге бөлінеді. Бұл өнімдер арнайы автоматты ағымды желілерде шығарылады.

Италияда өндірілетін макарон өнімдерінің 50%- ін ұзын, 46% -ін қысқа және штампталған, ал 4% -ін орама өнімдер құрайды. Мысалы, дүние жүзіндегі ең үлкен «Барилло» макарон фабрикасы (Парма қаласында, өнімділігі-тәулігіне 420 тонна) 43% ұзын 40% қысқа және штампталған, 17% орама өнімдер шығарады. Осы қалада орналасқан «Брайбанти» фабрикасы (тәулігіне 50т) 35 % ұзын, 30% қысқа, 28 % штампталған, 7% орама өнімдер шығарады.

Орама макарон өнімдерін шығару үшін арнайы жабдықтар қажет және оларды қолмен қораптау керек. Сол себептен орама өнімдерді ассортименттен алып тастап, жаңадан соғылатын фабрикаларда екі түрлі автоматты желілер қоюға болады.

Ұзын және қысқа өнімдер қатынасы 1:2 немесе 1:3 болған жөн. Қазіргі кезде рожки, құс қауырсындар және әшекейлі өнімдер жалпы макарон өнімдерінің 25% -ін құрайды.

Макарон өнімдерінің кеспе түрі Азия елдерінде ертеден белгілі болған. Орта ғасырда неопалитан саудагерлері макарон өнімдерін Азиядан Италияға әкеліп, одан батыс Куропа елдеріне тарады.

ХVIII ғасырда Италияда, Францияда макарон өнімдері өндірісте шығарыла бастады. Ең бірінші макарон фабрикасы механикалық пресстермен XIX ғасырдың 60 жылдары Италияда салынды. Қазіргі кезде ең көп макарон өнімдері Италияда шығарылады.

Көптеген құрал саймандар мен жабдықтар Италияда («Брайбанти» және «Паван» фирмалары, ) Францияда («Бассано» фирмасы), Швейцарияда («Бюлер» фирмасы) шығарылады.

Қазақстан үшін макарон өнімдерін шығару жаңа сала. Ол, тарихи жағдайларға байланысты, тәуелсіз мемлекеттер достығында (ТМД) бұл саланың өркендеуімен бірге қалыптасқан. Қазіргі кезде Қазақстанда негізгі екі макарон фабрикасы жұмыс істейді: Петропавл қаласында «Сұлтан», Шымкент қаласында - «Корона». Олардың әрқайсысының өндірістік қуаты тәулігіне 24 тонна.

Макарон өнімдерінің сапасы жоғары болу үшін өндірісті технологиялық бақылау жүйесінің жоғары деңгейде ұйымдастырылуының маңызы зор. Сондықтан, «Кукси» макарон өнімінің өндірісті технохимиялық бақылау жүйесін жетілдіру мәселесі қарастырылған.

1. Кәсіпорын туралы жалпы мәлімет

Жаңа шаруашылық жағдайында «Береке-ел» шығарылатын өнімдері «Кукси» макарон, Тараз қаласында орналасқан шару қожалығына қарасты макарон цехының мысалында жазылған.

1997 жылы өндірістік бірлестікке бөлінді. Солардың бірі «Береке-ел» шаруа қожалығы. Қазіргі кезде бұл кәсіпорын нан өнімдерімен қоса макарон өнімдерін де өндіреді. Осы дипломлық жұмыстың негізгі бөлімінде тақырыпқа сәйкес макарон сапасының қандай көрсеткіштерімен сипатталатындығын қарастырдық. Сондай сапа көрсеткіштерінің бірі, оның кептірілуіне байланысты болатын ылғалдылық болып табылады. Өз кезегінде макаронның кептірілуі кептіргіш жабдықтың температурасына тәуелді болады. Ең алдымен «Береке-ел» кәсіпорнына қарасты макарон цехының техника-экономикалық көрсеткіштерін қарастырамыз.

Макорон цехында «Кукси» макаронының ұзын, қысқа және штампталған макарон өнімдері шығарылады. Ұзын макарон өнімдерін шығару үшін өнімділігі 10 т/тәу., ал қысқа және штампталған макарон өнімдерін шығару үшін өнімділігі 12 т/тәу. Италиялық «Брайбанти» фирмасының автоматты желілері орналасқан. Макарон өнімдері - макарон ұны мен судан (кейде байыту және дәмдік қосымшалар қосылып) иленген және қалыптанған қамырды ылғалдығы 13% -ке дейін кептіру нәтижесінде алынған тағамдық дүмбіл. Макарон өнімдерінің негізгі артықшылықтары:

қасиеттері өзгермей ұзақ уақыт (бір жылдан артық) сақтауға бейім;
әртүрлі тағамдарды қарапайым әдіспен жылдам дайындауға болады

( қайнату ұзақтығы 3-20 мин. ) ;

тағамдық құндылығы жоғары (100г құрғақ макарон өнімдерінен дайындалған тағам адам организміне тәулігіне қажетті ақуыздар мен көмірсулардың 10 %-ін құрайды) ;
негізгі органикалық заттарды (ақуыздар мен көмірсулар) адам организмі жеңіл қорытады.

1. 1 Кәсіпорынның сапа аймағындағы басшылығының саясаты

Жалпы кәсіпорын макарон өнімдерінің сапасын жоғарылату үшін Қазақстан Республикасының тамақ өнеркәсібі саласындағы негізгі бағдарламаға сүйене отырып сапа саясатын жүргізуде.

Кәсіпорынның саяси сапалық аймағындағы негізгі мақсат - дайын өнімді тұтынушыларға Мемлекеттік стандартқа сай ережелерге сәйкес дайындап жеткізу болып табылады.

Осыған байланысты кәсіпорын өзінің негізгі өніміін сапалы және үлкен мөлшерде шығару үшін өз бағдарламаларын қажетті деңгейде дайындап бірнеше кезеңге бөлген.

Өнімнің сапасын басқару жүйелі бақылау арқылы іске асырылады. Жүйелі бақылауға сапа көрсеткіштеріінң бекітілген стандарт талаптарына сәйкестігін бақылау және өнім сапасын қамтамасыз ететін шарттар мен факторларға мақсатты түрде әсер ету жатады.

Макарон өндірісінің негізгі кезеңдері:

Макарон өнімдерін шығару процесі келесі кезеңдерден тұрады:

-шикізаттарды қабылдау және сақтау;

-шикізаттарды өндіріске дайындау;

-макарон қамырын дайындау;

-қамырды қысып сығымдау, пресстеу (дымқыл өнімдерді қалыптау) ;

-дымқыл өнімдерді өңдеу;

-кептіру, ылғалдығын тұрақтандыру, суыту;

-өнімдерді сорттау және қораптау.

Шикізаттарды өндіріске дайындау.

Ұнды електен өткізіп, металл қоспаларын бөліп алады. Әртүрлі ұн партияларын зертхана нұсқауларына сай араластырады. Қамыр илеуге қажетті суды жылу алмастырғыш аппараттарда қыздырған соң, рецептурада көрсетілген температураға сай суық сумен араластырады. Қосымшаларды қамыр дайындауға жұмсалатын суда ерітіледі. Тауық жұмыртқаларын алдын- ала жуып тазалайды, ал меланжды жылытып ерітеді.

Макарон қамырын дайындау.

Ұн мен суды, қосымшаларды рецептура бойынша мөлшерлеу және қамыр илеуден тұрады. Қамыр илеу процесі макарон пресінің қамыр илейтін бөлігінде (месильное корыто) жүргізіледі. Мұнда ұн бөлшектері аздап ылғалданып, ісініп, илеу соңында жентектелген, әлі толық байланыспаған массаға айналады.

Қамырды пресстеу.

Мақсат - иленген қамырды тығыздап, оны тығыз байланысқан серпімді - созылғыш массаға айналдырып, матрица тесіктерінен сығымдап өткізу арқылы форма беру.

Дымқыл өнімдерді өңдеу.

Бұл операцияның басты міндеті - престеліп шыққан дымқыл макарон өнімдерін желдетіп аздап кептіру, керекті ұзындыққа кесу, оларды кептіруге дайындау. Макарон өнімдерін кептіруге дайындау процесі өнім түріне байланысты әртүрлі болады: тор көзді конвейрге жайып салу, кассеталарға орналастыру және арнайы қондырғыларға ілу.

Өнімдерді кептіру.

Кептіру мақсаты - өнімдердің формасын тұрақтандыру және оларда микроорганизмдердің өсіп-өнуін болдырмау. Кептіру технологиялық процесстің ең жауапты да ұзақ кезеңі. Макарон өнімдерінің сапасы кептіру режиміне тығыз байланысты. Макарон өндірісінде конвективті кептіру әдісі қолданылады.

Сорттау және қораптау.

Макарон өнімдерінің сапасына қойылатын талаптарға сай келмейтін жарамсыз өнімдерді алып тастап, қалғанын пакеттерге, картон қорапшаларға, жәшіктерге салып қораптайды.

1. 2 Шикізатты қабылдау және сақтау.

Макарон фабрикасында макарон ұнын Орал қаласынан теміржол

транспортымен жеткізіліп, оны қорапсыз әдіспен М-118 маркалы бункерлерде

сақтайды. Қорапсыз сақтау әдісі қазіргі кезде кеңінен тараған, тасымалдау процесстері жоғары дәрежеде механикаландырылған және втоматтандырылған, сол себепті ұн шығыны өте аз болады.

Ұн қоймасының сыйымдылығы фабриканың 7 күндік жұмысына жететін ұн мөлшерін қамтамасыз етеді, яғни қоймада 5 бункер жайғасқан. Қолайлы жағдайда сақталған ұн сапасы өзгермейді, ал қойма температурасы мен ауаның салыстырмалы ылғалдылығы жоғары болса, ұнда микроорганизмдер дами бастайды - өзіндік қызу процесі жүріп, қышқылдығы өседі, көгереді.

Ұнды өндіріске дайындау.

Макарон өндірісінің тек қосымшасыз макарон өнімдері шығарылады, яғни қосымша шикізаттар қолданылмайды. Ұнды өндіріске дайындау оны араластыру, елеу, магнитпен тазалау және таразыда массасын өлшеу операцияларын қамтиды.

а) Өндіріске жіберер алдында өндіріс зертханасында ұнның әрбір партиясының сапасын анықтайды. Әдетте әрбір ұн партиясының сапа көрсеткіштері әртүрлі болады, сондықтан алдын-ала ұнды араластырады (міндетті түрде бір сортты ұн партияларынан) . Араластыру арқылы сапасы төмен ұнды пайдалануға алады.

Араластыру рецептурасы. Зертханада есептейді. Есептеуді арифметикалық орта әдісімен жүргізеді. Мысалы, екі ұн партиясының әлдебір сапа көрсеткіштері А мен С және А › С болсын делік. Осы көрсеткіш В болатын ұн қоспасын алу керек (А ›В ›С) . Бұл жағдайда А партиясының 1кг ұнына С партиясының Х кг ұн қосу керек:

Х = А-В/ В-С (1)

Б) Елеу. Өндіріске жіберілетін ұнда ұн түйіршіктері, қап материалының бөлшектері т. б. қоспалар болады. Бұл қоспалардан тесіктері ¤ 1, 4 -1, 6 металл електері бар «Бурат елегіш машинасында тазалайды.

В) Металл қоспаларынан тазалау. Тұрақты магниттер қолданады. Әдетте оларды екі нүктеде орналастырады: електен кейін және пресстің ұн мөлшерлегішінің алдында. Магнит өрісінен өткенде ұн қабатының қалыңдығы 6- 8 мм, ал қозғалу жылдамдығы 0, 5 м/с -тен төмен болу керек.

Г) Ұн салмағын өлшеу.

Қоймадан өндіріске жіберілген ұнның мөлшерін бақылау үшін тензометриялық өлшеу әдісі қолданылады.

1. 3 Өнімдер және оның түрлері

Макарон қамырын, өзінің құрамы бойынша басқа барлық ұннан жасалатын тағамдарға арналған қамырлармен салыстырғанда, ең қарапайым қамыр болып табылады. Оны тек ұн мен судан дайындайды, ашытпайды, қопсытқыштар қосылмайды.

Макарон қамырының орташа ылғалдылығы 30%, яғни ол қатты болуы керек. Оған су аз қосылатын болғандықтан, оны қаншама иін қандыра илегенмен, ол жентектелген масса құрайды. Тек макарон өнімдеріне форма беру үшін пресстеп сығымданғанда ғана басы бірігіп, қамыр қасиеттеріне ие болады.

Макарон өндірісінде әртүрлі факторларға байланысты бірнеше қамыр түрлері қолданылады.

Ылғалдылығы бойынша қамыр үш түрге бөлінеді:

қатты қамыр - ылғалдылығы 28 - 29%

орташа қамыр - ылғалдылығы 29, 1 - 31 %

жұмсақ қамыр - ылғалдылығы 31, 1 - 32, 5%

Қамырдың ылғалдылығы жоғарылаған сайын оған су көбірек қосылады, ұн түйіршіктері тезірек ылғалданады. Мұндай қамырды сығымдау және формалау жеңіл болады. Ал ылғалдылығы төмен қамырдан престеліп шыққан дымқыл макарон өнімдері формасын жақсы сақтайды және бір-біріне жабыспайды.

Қысқа макарон өнімдерін шығару үшін, кептіру кезінде бір-біріне жабысып қалмау үшін, қатты немесе орташа қамырды қолданады. Макарон қамырына қосылатын судың температурасына байланысты оны үш түрге бөледі:

Ыстық қамыр - су температурасы 75 - 85° С

Жылы қамыр - су температурасы 55- 65°С

Суық қамыр - су температурасы 30° С

Көбінесе макарон өндірісінде жылы қамыр қолданады, ыстық және суық қамыр қазіргі кезде қолданылмайды. Бірақ, жұмытрқа және сүт қосылған макарон өнімдерін шығару үшін, ақуыздар пісіп қалмас үшін су температурасы 40 - 45°С -тан аспауы керек.

2 Өндіріс жағдайын талдау

2. 1 Кәсіпорын өнімдерінің сәйкессіздігінің себеп-алдарын талдау

Кесте 1

№

Ақаулардың белгісі

Пайда болу себептері

№: 1

Ақаулардың белгісі: Түсінің сәйкес келмеуі, Бозғылт түсті

Пайда болу себептері: Сапасы төмен шикізат; пресстеу (жоғары температура) жэне кептіру; (температурасының дұрыс сақталмауы) технологиялық процестерінің дұрыс сақталмауынан; шикізат түсі жэне оның күреңкілік түсінен;

№: 2

Ақаулардың белгісі: Жағымсыз иіс, көгеру

Пайда болу себептері: Ылғалдылығының жоғарылауынан, сақтау шартының бұзылуынан, персонал біліксіздігінен;

№: 3

Ақаулардың белгісі: Пісіру кезінде көлемінің шектен тыс ұлғаюы

Пайда болу себептері: Өнімді өндіруде жұмсақ бидай сортын пайдаланудан, ұн сапасының төмендігінен

№: 4

Ақаулардың белгісі: Сынықтар және өнімнің ақаулануы

Пайда болу себептері: ¥н сапасының төмендігінен, кептіру процесін дұрыс жүргізбегеннен, қораптау кезінде механикалық зақымданулардан, тасымалдау жэне сақтау шарттарын дұрыс сақтамағаннан;

№: 5

Ақаулардың белгісі: Жоғары ылғалдылығы

Пайда болу себептері: Қойма жайларында ауа ылғалдығының, сақтау температурасының дұрыс сақталмағанынан;

2. 2 Макарон өндірудің негізгі процесстері мен технологиясы

Макарон өнімдерін шығару үшін «Кукси» макарон өнімділігі 12 т/тәу. «Брайбинти» фирмасының автоматты желісі орналасқан. Желі құрамына келесі жабдықтар кіреді: шнекті макарон пресі «Кобра» 2, «Ультравелло 600» штампмашинасы 3, екі трабатто 5, көлбеу таспалы транспортер 4, алғашқы кептіргіш «Интелл-9/9» 8, соңғы кептіргіш «Телесс-15/11, өнімдері тработтадан алғашқы кептіргішке және алғашқы кептіргештен соңғы кептіргішке тасымалдауға арналған көлбеу таспалы элеваторлар 7, 9, 11, өнімдерді жинақтап, тұрақтандыруға арналған силостар13. Бұл силостар өнімдерді бір сменада қораптаған жағдайда желінің бір тәулік жұмысын қамтамасыз етеді. Силостарға өнімдер каретаға бекітілген және ілгерілмелі қозғалыс жасайтын таспалы конвейер арқылы беріледі; өнімдер силостардан екі таспалы конвейерге түседі. Әр конвейермен өнімдер қораптағыш автоматтарға түседі, бір автомат целофан пакеттерге салады, ал екінші автомат-картон қораптарға. «Кибра» шнекті макарон пресінің өнімділігі 500кг/сағ. Негізгі технологиялық бөліктеріне шнекті ұн мөлшерлегіш, үш қорыталы қамыр илегіш және үрлегіш қондырғы мен кескіш механизммен жабдықталған диаметрі 300мм дискалы матрицаларға арналған екі камера жатады. Шнек диаметрі 125мм, қадамы 75мм, айналу жиілігі минутына 20 және 26 айналым. Ұн мен су мөлшерлегіштерден қамыр илегіштің бірінші қорытпасына түседі және күрекшелері бар білік көмегімен араласып, қорытпаның қарсы бетіне қарай жылжиды. Қорытаның түбіндегі тесіктен қамыр екінші қрытаға түседі. Екінші қорытада бір-біріне қарсы айналып тұрған екі күрекшелі біліктің көмегімен одан араласып, қарсы бағытта жылжиды. Қорытаның бүйір жағындағы тесіктен қамыр екі қалталы роторлы қоректендіргіш көмегімен үшінші қорытаның орта шеніне түседі, үшінші қорыта бірінші және екінші қорытаға перпендикуляр орналасқан. Трабатто макарон өнімдерін алдын-ала ауамен үрлеп, сыртқы бетін кептіруге арналған. Бұл жағдай алғашқы кептіргіште бір-біріне жабысып қалмас үшін жасалады. Әр тработто электроқозғағышпен, вентилятормен, ауаны қыздыратын батарейлермен және қолданылған кептіргіш ауаны сорып алуға арналған вентилятормен жабдықталған. Кептіргіш ауаның температурасы 38°С, салыстармалы ылғалдылығы 50% болғаны жөн. Қарастырылып отырған желіде екі ТМ-5 трабатто орналасқан, ауа алмасуы 1800м/сағ, ыстық су шығыны 2500 л/сағ, кептіру ұзақтығы 2-3 минут, ылғалдың өнім бетінен шығуы 2-3%. Алғашқы кептіргіш «Интел» болат каркастан жасалған тонель болып келеді. Тоннельде нейлон торкөзден жасалған таспалы конвейер жалғасқан. Таспалы конвейерлерді қозғаушы механизм тоннель корпусына бекітілген. Конвейерлерді бір электроқозғағыштың және шынжырлы берілістердің көмегімен қозғалады. Макарон өнімдері жоғарғы ярустан, төменгі ярусқа түсіп, қарама-қарсы бағыттарда жылжып отырады. Кептіргіш төменгі таспалы конвейердің астына бекітілген екі винтті вентилятор мен су батареясымен өнімді жоғарғы кон вейерге жайып салуға, арналған механизммен, төменгі конвейерден кептірілген өнімді алуға арналған вибротрнспортермен, кептіргіш ауаның температурасы мен ылғалдылығын реттегіш «Драгор» жүйесімен жабдықталған. Өнімділігі 12 т/тәу желі құрамында ұзындығы 9360 мм, ені 2505 мм, биіктігі 3505 мм, таспа ені 2000 мм «Интел - 9/9» алғашқы кептіргіш жұмыс істейді. Таспалардың жұмысшы беті 120м2, жылу шығыны 69800 Вт. Кептіргіш ауа температурасы 40-50°С, салыстырмалылығы 50-70%. Жұмсалатын мөлшері оның параметрлеріне байланысты өзгеріп тұрады. Температурасы 50°С, салыстырмалы ылғалдылығы 70% болған жағдайда ауа шығыны 900м/сағ болады. Соңғы кептіргіш «Телесс» те нейлоннан жасалған таспалы конвейерлермен жабдықталған. Өнімділігі 12 т/тәу. желіде ұзындығы 15550 мм, ені 3415 мм, биіктігі 4685мм «Тлесс-15/11» кептіргіш орналасқан. Таспалардың жұмысшы ені 1850 мм. Кептіргіште ауа 16 вентилятор көмегімен үрленеді. Ондағы 19 электроқозғағыштың қуаты 13, 5 кВт. Өнім түріне байланысты кептіргіш ауа температурасы 45 -50ºС, ал салыстырмалы ылғалдылығы 65-74º С. Ауа температурасы, 45º С, салыстырмалы ылғалдылығы 65% болғанда ауа шығыны 6000м³/сағ, жылу шығыны 125600 Вт. Ауа температурасы 12°С-қа көтеру үшін 9000л/сағ су шығындалады. Жинақтау силостарының сыйымдылығы 3 м. Олардың формасы түбі пирамида тектес параллелепед. Бір силостың массасы 200кг. Силос ортасында өнім түсетін төртбұрышты құбыр орналасқан. Кепкен өнімдер силостың пирамида тектес түбіне бекітілген. Тасымалдағыш қондырғылар өнімді бір элементтен екінші элементке беруге арналған және олар төмендегідей:

-қуаты 0, 5 кВт электроқозғағышпен жабдықталған, өнімдерді тработтадан алғашқы кептіргішке тасымалдауға арналған ені 0, 4 м таспалы көлбеу элеватор;

-дәл осындай, өнімдерді алғашқы кептіргіштен соңғы кептіргішке тасымалдауға арналған көлбеу таспалы элеватор;

-Z- тәріздес, ені 0, 4 м электроқозғағыштың қуаты 0, 5 кВт, өнімдерді соңғы кептіргіштерден силостарды толтыратын транс-портерге беруге арналған элеватор;

-Электроқозғағышының қуаты 0, 5 кВт, ені 0, 25 м, силостарды толтыруға арналған таспалы транспортер;

- силостарды босатуға арналған, ені 0, 3 м екі таспалы конвейер.

Желі құрамында өнімдерді целлофан пакеттерге және қораптағыш автоматы бар.

Желінің техникалық сипаттамасы

Өнімділігі, кг/сағ . . . 400

Электроқозғағыштардың жалпы қуаты, кВт . . . 65

Кептіруге жұмсалатын жылу шығыны, ккал/сағ . . . 198000

Су шығыны, кг/сағ . . .

Пресстегіш қондырғыларды суытуға . . . 350

Вакуум насосқа . . . 600

Габариттері, мм . . .

Ұзындығы . . . 49666

Ені . . . 3415

Дайын макарон өнімдерін қораптау үшін макарон фабрикасында италиялық фирмасының қораптағыш автоматы орналасқан. Ол өнімдерді целлофан және полиэтилен пакеттерге салуға арналған машина және қорапшаларға салатын машиналар болады.

Макарон қамырының рецептурасы деп, қамырға қосылатын шикізаттардың (ұн, су) мөлшері мен олардың сипаттамасын ылғалдығы мен температурасы) айтады. Әдетте су мен қосымшалар мөлшерін 100 кг ұнға келтіреді.

Макарон фабрикасында қамыр рецептурасын шығарылатын өнім түріне, ұнның сапасына байланысты құрады және есептейді.

Біріншіден, қамырдың ылғалдығын Wқ белгілейді, ал ұнның ылғалдығы Wұ зертхананың анықтағаны бойынша алынады. Енді қамыр илеуге қажетті су мөлшерін есептейді:

С = Ұ(Wқ -Wү) / 100 - Wқ (2)

мұнда С- судың мөлшері, л;

Ұ- ұнның мөлшері, кг;

Wқ - қамыр ылғалдығы, %

Wұ - ұнның ылғалдығы, %.

... жалғасы

Сіз бұл жұмысты біздің қосымшамыз арқылы толығымен тегін көре аласыз.