Маркетинг стратегиясы, жоспарлау және бақылау

Пән: Маркетинг
Жұмыс түрі: Реферат
Тегін: Антиплагиат
Көлемі: 8 бет
Таңдаулыға:

Жоспар

Кіріспе.

Негізгі бөлім.

1. Маркетинг стратегиясы

2. Маркетингті жоспарлау және бақылау

Қорытынды.

Пайдаланылған әдебиеттер тізімі

Кіріспе

Маркетинг - бұл басқарушылық қызмет түрлерінің бірі, осыған сәйкес маркетингті басқару себептері мен фирмасының сауда аппараттарын ынталандыру, олардың қызметін бақылау, маркетингтік қызметті ұйымдастыру мен маркетингті жоспарлау қызметтерін іске асыруды талап етеді. Маркетинг фирмаларының өндірушілік қызметін өрістетеді, қызмет көрсету саласына енеді, тұтынушы үшін күресте жетекші құрал болып табылады.

Маркетинг тұжырымдамаларының даму тарихына, қазіргі кездегі ақпараттық қоғамның нарықтық қатынастарындағы оның рөліне байланысты мәселелер көрсетіледі. Тауар мен қызмет көрсетулердің бәсекеге жарамдылығын қамтамасыз етудегі маркетинг жүйесінің рөлі көп жағдайда маркетингтік зерттеулер жүйесін жасауды талап ететін қажетті коммерциялық ақпараттың болуымен айқындалады.

Жеке сату мен насихаттау техникасын, баға белгілеу жүйесін, өткізу амалдары мен тиімді әдістерін пайдалану, бөлу арналарын бақылау мен ұйымдастыру, осы өнімнің нарығын зерделеу, жаңа өнімді жасаудан бастап маркетинг процесінде қарастырылады.

Бұл жұмысымда маркетинг стратегиясы туралы түсінік және де маркетингті жоспарлау және бақылау сұрақтары анық ашып көрсетіліп қарастырылды.

Фирма үшін жоспарлау қызметінің жоғарға сатысы - тәртіпті нығайту, өнім өткізу және пайданы молайту жолы болып табылады.

Жоспарлау екі бөліктен құралады: стратегиялық жоспарлау және маркетингтік жоспарлау.

Бақылау - маркетингтік стратегияның жоспарларын және тиісті түзету әрекеттерін жүзеге асыру негізінде алынған өлшеу жіне талдау.

Жоспарды жүзеге асыруды маркетингтік қызмет басқарады.

Стратегиялық жоспарлау. Көптеген фирмалар ресми түрде жоспар жасамай - ақ жұмыс істей береді. Жаңадан ашылған фирмалардың меңгерушілері көптеген мәселелермен айналысып, жоспарлауға уақыт таба алмайды. Аяғынан тік тұрған фирмалардың меңгерушілері осы күнге дейін жоспарсыз да күн көргенбіз, соның тіпті қажеті жоқ деп жатады. Олардың айтуынша, нарықтағы жағдай жоспардың пайдасын көруге мүмкіндік бермейтіндей тез өзгеріп отырады. Осы және өзге де себептерге байланысты көптеген фирмалар формальды жоспарлауды қолданбайды.

Ал формальды жоспарлаудың пайдасы мол. Мелвилл Бранч оның пайдалы жақтарын былай көрсетеді:

1. Жоспар құру басшыларды келешекті ойлануға ынталандырады.

2. Ол фирманың іске асыратын шараларын дәлме - дәл реттеуге мүмкіндік береді.

3. Фирма қызметінің көрсеткіштерін кейіннен бақылау үшін белгілеп алуды талап етеді.

4. Фирманы өз міндеттері мен саяси көзқарастарын айқындап алуға мәжбүр етеді.

5. Ол фирманы кездейсоқ өзгерістерге дайындайды.

6. Барлық лауазымды қызметкерлер міндеттерінің өзара байланысын айқын көрсетеді.

Стратегиялық жоспарлау фирманың мақсатын, мүмкіндіктерін және маркетинг саласындағы стратегиялық сәйкестікті қалыптастыру және қолдауды басқару процесін көрсетеді. Ол фирманың нақты белгіленген бағдарламасына, қосымша мақсаттары мен міндеттерін баяндауға, шаруашылық қоржыны мен өсу стратегиясына сүйенеді.

Өсу стратегиясын үш деңгейде жүргізілген талдау негізінде әзірлеуге болады.

Бірінші деңгейде қызметінің бүгінгі ауқымындағы мүмкіндіктерін анықтайды (қарқынды өсу мүмкіндігі) .

Екінші деңгейде саладағы маркетингтік жүйесінің өзге элементтерімен бірігу мүмкіндіктерін айқындайды (интеграциялық өсу мүмкіндіктері) .

Үшінші деңгейде саладан тыс мүмкіндіктерді анықтайды (диверсификациялық өсу мүмкіндіктері) (диверсификация - өнім мен қызмет түрлері атауларының санын көбейту) .

Фирманың стратегиялық жоспары оның қандай өндірістермен шұғылданатынын және осы өндірістердің міндеттерін анықтайды. Енді әрқайсысы үшін толық талданған жеке жоспар әзірлеу қажет. Өндіріс бірнеше ассортименттік топты, бірнеше тауарды, таңба мен нарықты қамтитын болса, олардың әрқайсысы бойынша жеке жоспар қажеттігі туындайды.

Қарапайым немесе таңбалы бұйым шығарудың жоспары бірнеше бөлімнен құрылуы тиіс: бақылау көрсеткіштері туралы мәліметтер, ағымдағы маркетингтік жағдайды баяндау, қауіптер мен мүмкіндіктер тізбесі, міндеттер мен проблемалар тізбесі, маркетингтік стратегия, іс - қимыл бағдарламасы, бюджет және бақылау тәртібі.

Жоспардың кіріспесінде негізгі мақсаттар мен жоспарда көрсетілген ұсыныстар жайлы қысқаша айтылуы тиіс.

Бақылау көрсеткіштерінің мәліметі басшыларға жоспардың негізгі бағытын түсінуге мүмкіндік береді. Осы мәліметтен кейін жоспардың мазмұны берілуі тиіс.

Жоспардың бірінші негізгі бөлімінде мақсатты нарық пен фирманың осы нарықта алатын орны сипатталады. Жоспарды құрушы нарықты, оның мөлшерін, негізгі сегменттерін, тапсырыс берушілердің мұқтажын және ортаның ерекше факторларын сипаттайды, негізгі тауарларға шолу жасап, бәсекелесушілерді және бөлу арналарын атап көрсетеді.

Қауіп пен мүмкіндіктер бөлімі басшыларға келешекте тауардың алдынан шығатын қауіп пен мүмкіндіктерді болжауға жәрдемдеседі. Оның мақсаты - фирмаға қатты ықпал ететін маңызды оқиғаларды болжай білуге мәжбүрлеу. Меңгерушілер қауіп пен мүмкіндіктердің неғұрлым көп мөлшерін тізіп шығып, келешекке көз жүгірте білуі тиіс.

Қауіп - қолайсыз үрдіс немесе нақты бір оқиғаға байланысты туындайтын ауыр жағдай. Мақсатқа сәйкес маркетингтік шаралар қолднылмаса, бұл тауардың өміршеңдігін қысқартуы мүмкін немесе оның құрдымға кетуіне әкеліп соғуы мүмкін.

Фирманың маркетингтік мүмкіндігі - маркетингтік шаралар белгілі бір фирманың бәсекелестік басымдық алуына қол жеткізуі керек және олар әрбір қауіп пен әрбір мүмкіндіктің пайда болу ықтималдығы мен олардың фирмаға әсерін бағалай білуге тиіс.

Тауарларға байланысты қауіптер мен мүмкіндіктерді зерттей келіп, меңгеруші алға міндет қойып, туындайтын проблемаларды анықтай алады. Міндеттерді фирманың жоспарда көрсетілген мерзім ішінде қол жеткізуге ұмтылатын мақсаттары ретінде көрсету қажет.

Мысалы, меңгеруші нарықтың 15 пайыз бөлігін қамтып, табыс салығын төлеуге дейін сатудың 20 пайызын табыстылығына және салынған капиталға салық төлеуге дейін 25 пайызын пайда табуды көздейді. Фирманың бүгінгі бөлігі небәрі 10 пайыз делік. Нарықтың бөлігін 15 пайызға дейін кеңейтуге бағытталған қадамдармен байланысты негізгі проблемаларды қалай болжауға болады деген сауал туындайды.

Жоспардың осы бөлігінде меңгеруші алға қойылған міндеттерді шешудің маркетингтік бағытына болжам жасалады.

Маркетинг стратегиясы - ұйымдастыру бірлігі - фирма өзінің маркетингтік міндеттерін шешу үшін пайдаланылатын ұтымды, қисынды жүйе. Ол мақсатты нарықты, маркетинг кешенін және маркетингке жұмсалатын шығын деңгейі бойынша нақты стратегияларды қамтиды.

Маркетинг стратегиясы фирма негізгі күшін жұмылдыратын нарықтың сегменттерін анықтауға тиіс. Осы сегменттер жауап әрекеті және табыстылығы, таңдаға ілігуі бойынша ерекшеленеді. Фирма өзін бәсеке тұрғысынан жақсы қызмет көрсете алатын сегменттерге жұмылдырғаны жөн. Таңдап алынған әрбір мақсатты сегмент үшін маркетингтің арнайы стратегиясы әзірленуі тиіс.

Меңгеруші маркетинг кешенінің негізгі тауарлар, жергілікті жерде тауар сатуды ұйымдастыру, жарнама, тауар өткізуді ынталандыру, баға және тауарды бөлу сияқты элементтеріне қатысты нақты стратегияларды жалпылама баяндауы тиіс. Әрбір стратегияны жоспардың алғашқы бөлімдерінде атап көрсетілген қауіптер, мүмкіндіктер мен негізгі проблемалар қалай ескерілетіні тұрғысынан дәлелдеу қажет. Сонымен қатар меңгеруші барлық стратегияларды жүзеге асыруға қажет бюджеттің мөлшерін дәлме - дәл көрсетуі тиіс. Меңгеруші неғұрлым ауқымды бюджет өнім өткізудің жоғарғы деңгейін қамтамасыз ету ықтимал екендігін, алайда оған жоғары рентабельділікті қамтамасыз ететін бюджет қажет болатынын біледі.

Іс - шаралар жоспары меңгерушіге пайда мен залалды болжайтын бюджет құруға мүмкіндік береді. Ұсынып отырған бюджетті басшылар жан - жақты қарап, бекітеді немесе өзгертеді. Бекітілген бюджет материал сатып алудың, өндіріс кестелерін жасаудың, жұмыс күшіне қажеттілікті жоспарлаудың және маркетингтік іс - шараларды жүзеге асырудың негізі болады.

Жоспарлаудың соңғы бөлімінде барлық белгіленген іс - шаралардың орындалу барысын бақылау тәртібі баяндалады. Әдетте бюджет қаржысын және оны жұмсау мақсатын айға немесе тоқсанға бөліп көрсетеді. Сонда басшылар әрбір уақыт мерзімі шеңберінде қол жеткізген нәтижелерді бағалап, алдына қойылған мақсатқа жете алмаған өндірісті айқындай алады. Осы өндірістердің меңгерушілеріне жағдайға түсінік беріп, оны түзету үшін қандай шара қолданатыны көрсетуге тура келеді.

Мақсатты пайда көрсеткіштерінің негізінде жоспарлау міндетті түрде мейлінше үлкен пайданы емес, қанағаттанарлық пайда алуды қамтамасыз етеді. Пайданы оңтайландыру үшін меңгерушіден тауар сату көлемін және маркетингтің құрамына кіретін іс - шаралардың өзара байланысын жете түсінуді қажет етеді.

Өткізу әрекетінің функциясы - маркетинг жүйесінің бір немесе бірнеше элементтеріне жұмсалатын шығындардың деңгейі әр түрлң болғанда белгілі бір мерзім ішінде тауар сатудың ықтимал көлемін болжау.

Маркетинг қызметінің меңгерушісі өткізу әрекетінің функциясына өз фирмасының жұмысына қатысты қалай алдын ала баға бере алады? Мұны үш тәсіл арқылы іске асыруға болады.

1. Меңгеруші өткен сауданың және маркетингтік өзгермелі жүйенің деңгейлері жайында мәліметтер жинап, статистикалық әдістің көмегімен өткізу әрекетінің функциясын бағалайды. Бұл статистикалық әдіс.

2. Маркетингтік шығындар деңгейін өзгертіп отыруды және оларды географиялық немесе өзге бірліктерге бөлу және өткізу көлемдерін айқындауды қажет ететін эксперименталдық әдіс.

3. Сараптау әдісі. Шығындардың қажетті деңгейіне жеткенде сарапшылардың дәлелді ұсыныстары басшылыққа алынады.

Маркетинг жоспарларын іске асыру барысында тосын жағдайлардың орын алуына байланысты маркетинг бөлімі олардың орындалуын үнемі бақылауға алуы қажет. Маркетингтік бақылау жүйелері фирма қызметінің тиімділігіне қол жеткізуі үшін қажет.

Маркетингтік бақылаудың мынадай үш түрін атап көрсетуге болады:

Жылдық жоспардың орындалуын бақылау маркетинг мамандары ағымдағы көрсеткіштерді жылдық жоспардың бақылау көрсеткіштерімен салыстырып, қажет жағдайда істі дұрыс жолға қою шараларын қолданады.

Пайданы бақылау әр түрлі тауарлардың, нарық аумақтарының, сегменттерінің және сауда арналарының нақты рентабельділігін анықтауды қажет етеді.

Стратегиялық бақылау фирманың бастапқы стратегиялық жағдайының нарық мүмкіндіктеріне сәйкестігін ұдайы тексеріп отыруды көздейді.

Жылдық жоспардың орындалуын бақылаудың мақсаты - фирма нақты белгілі бір жылға жоспарланған сатудың, пайданың, көрсеткіштеріне қол жеткізгенін қуаттау.

1. басшылар жылдық жоспарға әрбір ай немесе тоқсан бойынша бақылау жасауы тиіс.

2. фирма жетекшілері оның нарықтық жұмысының көрсеткіштерін салмақтап отыруы тиіс.

3. фирма басшылары оның жұмысындағы елеулі ақаулардың себебін анықтауы тиіс.

... жалғасы

Сіз бұл жұмысты біздің қосымшамыз арқылы толығымен тегін көре аласыз.