Халықаралық маркетингтік ортаны зерттеу

Пән: Маркетинг
Жұмыс түрі: Реферат
Тегін: Антиплагиат
Көлемі: 10 бет
Таңдаулыға:

Жоспар

Кіріспе.

Негізгі бөлім.

1. Халықаралық маркетингтік ортаны зерттеу

2. Сыртқы нарыққа шығудың мақсатқа сәйкестігі жөнінде шешім қабылдау

3. Нарыққа шығу әдістері туралы шешім

Қорытынды.

Пайдаланылған әдебиеттер тізімі

Кіріспе

Нарықтық қатынастардың орнығуы тауарлар өндірісінің қажеттілігін тек қана нарық бағалай алатынын білдіреді. Халық үшін шығарылған барлық тауарлар сатушы белгілеген және тұтынушы төлеуге келіскен бағада еркін сатылады және сатып алынады. Бұл тұтынушылар қажеттілігін қанғаттандырып, талап-тілектеріне жауап беретін және өндірушінің шығындарын ақтай алатын тауарлар ғана шығарылатынын, сатылатынын және сатып алынатынын білдіреді.

Маркетинг тұжырымдамаларының даму тарихына, қазіргі кездегі ақпараттық қоғамның нарықтық қатынастарындағы оның рөліне байланысты мәселелер көрсетіледі. Тауар мен қызмет көрсетулердің бәсекеге жарамдылығын қамтамасыз етудегі маркетинг жүйесінің рөлі көп жағдайда маркетингтік зерттеулер жүйесін жасауды талап ететін қажетті коммерциялық ақпараттың болуымен айқындалады.

Жеке сату мен насихаттау техникасын, баға белгілеу жүйесін, өткізу амалдары мен тиімді әдістерін пайдалану, бөлу арналарын бақылау мен ұйымдастыру, осы өнімнің нарығын зерделеу, жаңа өнімді жасаудан бастап маркетинг процесінде қарастырылады.

Маркетинг - бұл басқарушылық қызмет түрлерінің бірі, осыған сәйкес маркетингті басқару себептері мен фирмасының сауда аппараттарын ынталандыру, олардың қызметін бақылау, маркетингтік қызметті ұйымдастыру мен маркетингті жоспарлау қызметтерін іске асыруды талап етеді. Маркетинг фирмаларының өндірушілік қызметін өрістетеді, қызмет көрсету саласына енеді, тұтынушы үшін күресте жетекші құрал болып табылады.

Бұл жұмысымызда халықаралық маркетингтік ортаны зерттеу, сыртқы нарыққа шығудың мақсатқа сәйкестігі жөнінде шешім қабылдау және де нарыққа шығу әдістері туралы шешім туралы мәселелері анық ашып көрсетіліп талқыланды.

Фирма шет елде тауар өткізуді ұйымдастыру туралы шешім қабылдамай тұрып, көптеген мәселелердің басын ажыраты алуымыз керек. Халықаралық маркетингтік ортаның ерекшеліктерін жете түсінуіміз керек. Екінші дүниежүзілік соғыстан кейін бұл ортада көптеген өзгерістер болды. Елеулі өзгерістердің ішінде мыналар болды:

1. Халықаралық сауда мен шетелдегі күрделі қаржының өсуінен білінетін дүниезүлік экономиканың интернационалдық сипат алуы;

2. АҚШ-тың үстемдіктен біртіндеп айырылуы және соған байланысты пассивті сауда балансы және доллардың дүниежүзілік нарықтағы құнының өзгеру проблемалары;

3. Жапонияның экономикалық қуатының дүниежүзілік нарықта өсуі;

4. Валютаның неғұрлым еркін конверсиялануын қамтамасыз ететін халықаралық қаржы жүйесінің қалаптасуы;

5. Ішкі нарықтағы шетелдік бәсекеден қорғау үшін қойылатын сауда тосқауылдарының көбеюі;

6. ҚХР, ТМД және араб елдері сияқты жаңа ірі нарықтардың біртіндеп ашылуы.

Шетелде жұмыс істеуді көздеген фирма халықаралық саудаға тән шектеулер мен мүмкіндіктерді жақсы білуі тиіс. Өзге елде тауар өткізуді ұйымдастыруға кіріскен фирма сауда саласына қатысты әр түрлі шектеулерге кездеседі.

Ең кеңінен тараған шектеулердің бірі - кеден тарифі. Бұл шетел үкіметінің елге әкелінетін кейбір тауарларға салатын салығы

Кеден тарифі бюджетке түсетін қаржыны көбейтуді (қаржылық тариф) немесе отандық фирмалардың мүддесін қорғауды (протекционистік тариф) көздейді.

Сонымен қатар экспорттаушы жұмыс барысында квота деп аталатын шектеумен кездесуі мүмкін, ол белгілі бір санатқа жататын тауарлаодың елге әкелуге рұқсат етілген мөлшерінің саны. Квотаның мақсаты - шетелдік валютаны сақтау, жергілікті өнеркәсіпті қорғау және жұмыспен қамтылуды сақтау.

Квотаның шекті нысаны - эмбарго (тыйым салу), бұл импорттың кейбір түрлеріне тыйым салуын білдіреді.

Валюталық бақылау да саудаға кедергі жасайды. Ол арқылы шетелдік валютаның мөлшері және оны басқа да валюталарға айырбастау құны реттеледі.

Фирманың жұмысында оның ұсыныстарын жете бағаламау және тауарды кемсітетін өндірістік стандарттар сияқты тарифтік емес кедергілер кездесуі мүмкін.

Сонымен бірге бірқатар елдер экономикалық қауымдастықтар құрды, олардың ішінде аса маңыздысы - Еуропалық экономикалық қауымдастық («ортақ рынок» деп те атайды) . Еуропалық экономикалық қауымдастыққа Батыс Еуропаның негізгі елдері мүше болып кірді. Олардың мақсаты - кеден тарифтері мен бағаны төмендету және қауымдастық шеңберінде еңбекпен қамту және күрделі қаржы деңгейін өсіру. ЕЭҚ құрылғаннан кейін басқа да экономикалық қауымдастықтар пайда болды, солардың бірі - Латын Америка еркін сауда қауымдастығы.

Әрбір елдің өзіндік ерекшелігі болады, оны жақсы біліп алу қажет. Елдің кез келген тарифтер мен қызметті қабылдауға әзірлігі және оның шетелдік фирмалар үшін нарық ретінде тартымды болуы экономикалық, саяси - құқықтық және мәдени ортаға байланысты.

Сыртқы нарыққа шығуды жоспарлап отырған халықаралық маркетинг қызметкері өзін қызықтыратын елдің экономикасын зерттеуі тиіс. Әр елдің экспорттық нарық ретінде тартымдылығы екі сипаттама арқылы белгіленеді.

Біріншісі - шаруашылық құрылымы. Елдің шаруашылық құрылымы оның тауар мен қызметтерге деген қажеттілігін, табыстарын және еңбекпен қамтылу деңгейін және т. б. белгілейді.

Шаруашылық құрылымының 4 түрі болады.

1. Экономикасы заттай шаруашылық сипаттағы елдер. Заттай шаруашылық сипаттағы эконмика шеңберінде халықтың басым бөлігі қарапайым ауыл шаруашылығы өнімдерін өндірумен айналысады. Өндірілген өнімнің көбін өзі тұтынады, ал қалғанын қарапайым тауар мен қызметтерге айырбастайды. Бұл жағдайда экспорттық шығару мүмкіндігі шектеулі болады. Шаруашылықтың мұндай жүйесі, әсіресе, Эфиопия мен Бангладеш сияқты елдерге тән.

2. Шикізатты сығарушы елдер. Мұндай елдер табиғи ресурстардың бірнеше түріне бай болғанымен басқасынан тапшылық көреді. Зәру заттардың көбін олар осы ресурстарды сыртқа шығару арқылы алады. Мысал ретінде Чилиді (қалайы мен мыс), Заир (каучук) және Сауд Аравиясы (мұнай) келтіруге болады. Мұндай елдер кен өндіретін өнеркәсіпте қажет жабдықтарды, құрал - саймандарды және қосымша материалдарды, жүк тасу - түсіру жабдықтарын сатып алады. Олар елде тұратын шетелдіктердің және қуатты ел билекушілері мен жер иелерінің санына байланысты олар Батыс үлгісіндегі көпшілік тұтынатын тауарлар өткізу

нарығына айналуы әбден мүмкін.

3. Өнеркәсібі дамушы елдер. Өнеркәсібі дамушы елдерде өңдеу өнеркәсібі жалпы ұлттық өнімнің 10-20 пайызына дейін береді, мысалы Мысыр, Филиппин, Үндістан, Бразилияны келтіруге болады. Өңдеу өнеркәсібі дамыған сайын мұндай ел тоқыма шикізаты, болат және ауыр машин жасау өнімдерін сыртқа шығаруды көбейтеді, ал тоқыма бұйымдарын, қағаз тауарларын және автомобильдер әкелуді азайтады. Индустрияландыру байлардың пайда болуымен қатар тауардың жаңа түрлеріне, әсіресе сырттан әкелінетін түрлеріне қажеттілігі күннен - күнге арта түсетін орта таптың дүниеге келуіне ықпал етеді.

4. Өнеркәсібі дамыған елдер. Өнеркәсібі дамыған елдер өнеркәсіп тауарларының негізгі экспорттаушылары болып табылады. Олар бір - бірінен өнеркәсіп тауарларын сатып алып тұрады, сондай-ақ осы тауарларды шаруашылық құрылымы өзге елдерге шикізат пен жартылай фабрикаттарға айырбастау үшін шығарады. Өнеркәсібі дамыған елдер қатарына АҚШ, Батыс Еуропа елдері жатады.

Екінші экономикалық көрсеткіш - елдегі кірістерді бөлу сипаты. Кірістерді бөлу сипатына елдің шаруашылық құрылымының ерекшеліктерімен қатар саяси жүйенің ерекшеліктері де ықпал етеді. Кірістерді бөлу сипаты бойынша халықаралық маркетинг елдерді 5 түрге бөледі, олар:

отбасылық табысы өте төмен елдер;
отбасылық табыстың деңгейі негізінен төмен елдер;
отбасылық табыстың деңгейі өте төмен және жоғары елдер;
отбасылық табыстың деңгейі төмен, орта және жоғары елдер;
отбасылық табыстың деңгейінің басым бөлігі төмен елдер.

Әр түрлі елдер бір - бірінен саяси - құқықтық ортасымен ерекшеленеді, кез келген елмен арадағы іскерлік қатынастар орнату нәтижесіне байланысты 4 факторды ескеруі қажет:

1. Шетелден тауар сатып алуға көзқарас. Кейбір елдер мұндай сатып алуды дұрыс қабылдайды, тіпті марапаттайды, ал басқалары теріс көреді. Дұрыс қабылдайтын елдер қатарынан Мексиканы атап өтуге болады, ол бірнеше жылдан бері шетелдің күрделі қаржысын елге тартып, шетелдік салушыларға кәсіпорындарынан ұсынып, қызмет көрсетіп келеді. Ал Үндістан экспорттаушылардан импорт квотасын сақтауды талап етеді, кейбір валюталарға рұқсат бермей, жаңадан ашылатын кәсіпорындарды басқаруға өз азаматтарын тағайындауды және т. б. талап етеді.

2. Саяси тұрақтылық. Тағы бір проблема - елдің болашақтағы тұрақтылығы. Халықаралық маркетингтің қызметкерлеріне саяси тұрақтылығы төмен елдерде де жұмыс істеу тиімді болуы мүмкін, алайда саяси жағдай қаржы мен іскерлік сала ара қатынасының сипатына өз ықпалын тигізбей қоймайды.

3. Валюталық шектеулер. Үшінші фактор валюталық айырбасқа байланысты шектеулер мен проблемаларға байланысты. Кейбір үкіметтер өздерінің валютасына шек қояды немесе оны өзге валютаға айырбастауға тыйым салады. әдетте сатушы кейін пайдалануға болатын валютада пайда тапқысы келеді. Ең жақсысы - оның өз елінің валютасымен есеп айырысуы. Бұған мүмкіндік болмаса және өзіне керек тауарды немесе өзге жерде өзіне қажет валютаға сатылатын тауарды сатып ала алатын болса, сатуға шек қойылған валютаны сатып алады. Кемшілігі - сатушы шек қойылған валютамен есеп айырысатын болса, ақшасын кәсіпорын орналасқан елдің өткен тауарлар түрінде шығарып, оны басқаша, бірақ өзіне зиян келтіре отырып сату. Валюталық шектеулермен қатар шетелдік нарықтарға шығу тәуекелі валютаны айырбастау бағамының ауытқуымен байланысты.

4. Мемлекеттік машина. Төртінші фактор шетелдік компанияларға қабылдаушы мемлекет тарапынан көрсетілетін көмектің тиімділігі, яғни тиімді кеден қызметінің, нарық туралы толық ақпараттың болуы және кәсіпкерлік қызметке қолайлы факторлардың болуы.

Халықаралық маркетинг бойынша қызметке фирмалар мынадай себептермен араласады: біреу шетелде тауар сатуды ұйымдастыруды өтінеді, мысалы, басқа бір отандық экспорттаушы, шетелдік импорттаушы немесе шетелдік үкімет, кейде фирма шетелде шығу туралы шешімді өзі қабылдайды. Фирманың өндірістік қуаты отандық қажеттіліктерден асып түсуі, оның шетелдегі маркетингтік мүмкіндіктерді қолайлы көруі мүмкін. Фирма шетелге шығар алдында халықаралық маркетингтің міндеттері мен саяси көзқарастарын айқындап алуы тиіс.

Біріншіден, тауар сатудан жалпы көлемінің қанша пайызын сыртқы нарықтарда жүзеге асыруға күш жұмсау керектігін шешіп алу қажет. Шетелге шығатын фирмалардың көпшілігі аз мөлшерден бастайды. Кейбіреуі осы принципті ұстанып, шетелдік операцияларды кәсіпкерлік қызметтің елеусіз бөлігі деп біледі. Басқалары шетелдік нарықты отандық нарыққа теңеп, әйтпесе одан да артық көріп, ауқымды жоспар жасайды.

Екіншіден, фирма бір немесе бірнеше елде маркетингпен айналысатын шешіп алуы тиіс.

Үшіншіден, фирма қандай үлгідегі (типтегі) елде жұмыс істейтінін анықтап алуы қажет. Таңдау ұсынылатын тауар географиялық факторларға, табыстар деңгейіне, халықтың саны мен құрамына, саяси жағдайға және өзге де ерекшеліктерге байланысты. Сатушы елдердің белгілі бір топтары дүниежүзінің белгісіз аймақтарын да таңдауы мүмкін.

Нарықты таңдау қарапайым және оңай іс болып көрінуі мүмкін.

Үміткер елдерді мынадай бірнеше шарт бойынша жіктеуге болады:

нарықтың мөлшері;
бағаның өзгеруі;
іс жүргізу шығындары;
бәсеке бойынша артықшылықтар;
тәуекел дәрежесі.

Белгілі бір елде тауар өткізумен айналысу туралы шешім қабылдаған фирма таңдаған нарыққа шығудың ең жақсы әдісін таңдап алуы тиіс. Ол экспорттауды, біріккен кәсіпкерлік қызметті немесе шет елдегі тікелей инвестициялауды таңдап алуы мүмкін.

Бұдан кейінгі әрбір стратегиялық қадам өзіне неғұрлым көп міндеттеме алып, тәуекелге баруды қажет етеді, алайда бұл пайданы мол беруі мүмкін.

Экспорт. Шетелдік нарықта қызметке араласудың ең қарапайым тәсілі нарықтың өзі болып табылады.

Жүйесіз экспорт - фирма артық тауарларын кейде экспортқа шығарады және бұл шетелдік фирмалардың өкілдері жергілікті көтерме сауда қызметкерлеріне сататын тауардың пассивтік деңгейі.

Белсенді экспорт - ол фирма өзінің экспорттық операцияларын белгілі бір нарықта кеңейту мақсатын көздегенде қолданылады. Екі түрлі жағдайда фирма өзінің тауарларын өз елінде шығарады. Экспортқа осы тауарларын ол жетілдірілген және жетілдірілмеген түрде де ұсынуы мүмкін. Стратегиялардың үш нұсқасының бірі ретінде экспорт фирманың тауарлық ассортиментіне, оның құрылымына, күрделі шығындары мен бағдарламасына мейлінше аз өзгеріс енгізуді қажет етеді. Фирма өз тауарын сыртқа екі түрлі әдіспен шығара алады. Тәуелсіз халықаралық маркетингтік делдалдардың қызметін пайдалану - жанама экспорт немесе экспорт операцияларын дербес атқару - тікелей экспорт. Жанама экспорт тәжірибесі әсіресе экспорт қызметін енді ғана бастап келе жатқан фирмалардың арасында кең тараған. Ол, біріншіден, қаржыны аз талап етеді. Фирма шетелде өзінің сауда аппаратын құруға немесе қатынастар жүйесін орнатуға тырыспайды. Екіншіден, оның қаупі тәуекелі аз. Халықаралық маркетингтік делдалдар - олар отандық экспорттаушылар, экспорт жөніндегі отандық агенттер немесе кооперациялық ұйымдар. Әрқайсысы қызметіне өзінің кәсіби білімі мен іскерлігін ала келеді, сол себептен сатушы қателікке көп жол бере қоймайды.

Шетелдік нарыққа шығудың тағы бір жалпы бағыты - өндірістік және маркетингтік қуаттар құру мақсатында әріптес елдің коммерциялық кәсіпорындарымен бірігіп әрекет ету. Біріккен кәсіпкерлік қызметтің экспорттан айырмашылығы ол шетелде өндірістік қуат ашуға мүмкіндік береді.

Ал тікелей инвестициялаудан айырмашылығы - әріптес елде жергілікті ұйымдармен біріккен бірлестіктер қалыптасады.

Лицензиялау - өндірушіні халықаралық маркетингке тартудың қарапайым жолдарының бірі. Лицензияр лицензиатпен шетелдік нарықта келісім жасасып, өндіріс процесін, тауар таңбасын, патентін, сауда құпиясын немесе өзге құндылықтарды пайдалану құқығын гонорар немесе лицензиялық төлемнің орнына береді. Лицензиар нарыққа барынша аз тәуекелмен шығады, ал нөлден бастамай, өндірістік тәжірибені, белгілі тауарды немесе өз атынан пайдалану мүмкіндігіне ие болады. Лицензиялаудың кемшілігі - фирманың лицензиатты бақылауға алу мүмкіндігі өзі құрған кәсіпорыннан аз болуында. Сонымен қатар лицензианттың ісі алға басса, пайданы сол алады, ал келісім мерзімі өткеннен кейін фирма өзімен бәсекеге түсе алатын кәсіпорын құрылғанын байқауы мүмкін.

... жалғасы

Сіз бұл жұмысты біздің қосымшамыз арқылы толығымен тегін көре аласыз.