Оқушының шығармашылық қабілетін дамытудағы ғылыми-практикалық конференцияның маңызы.

Географияны оқыту оқушыға белгілі бір білім қорын берумен қатар оқулықтар мен оқытудың жаңа формаларының көмегімен оның ізденушілік, өз бетінше жұмыс жасау дағдыларын да қалыптастырады. Қазіргі таңда білім беру нәтижесі болып тек оның мөлшері ғана емес, сонымен қатар алған білімді тәжірибе жүзінде пайдалану, жеке басының қабілеттерін дамыту мақсатында қолдана білу мүмкіндігі де ескеріледі.
Көптеген ғылымдардың зерттеулері жеке тұлғаны дамытудағы маңызды бағыт, ол тұлғаның жеке ерекшеліктеріне көңіл бөлу. Бірақ қазіргі мектептерде бұл жұмыс оқушылардың сыныптағы сананаң көп болуымен қиындап отыр. Сондықтан, бұл бағыттағы жұмыстардың басым көпшілігі оқушылардың жас ерекшеліктерін және ғылыми зерттеушілік ізденушілік өабілеттерін ескере отырып сыныптан тыс жұмыстарда жүзеге асырылады.
Осындай жұмыс түрлерінің бірі- ғылыми-практикалық конференция.

Ғылыми-практикалық конференцияларды өткізудегі мақсатым: - өзіміз таңдап алған экологиялық бағыт бойынша жер шарындағы бүкіл адамзаттың ғаламдық проблемасы- экологиялық мәселелерді, адам мен табиғат арасындағы қарым-қатынасты түсіндірумен қатар Қазақстан жеріндегі қорғауға алынған қорықтар маңыздылығын танып білу, Қазақстан жеріндегі басты проблема шөлейттену, топырақтың тозуына жол бермеу.
«Тазалық-денсаулық кепілі» деп туған өлкеміздің, қаламыздың табиғатын аялауға, өсімдіктері мен жануарлар дүниесін қорғауға үлес қосу. Табиғатты сақтау мәпелеу – біздің ұлттық міндетіміз екенін түсіндіру.