Электрондық басылымдарды жасау технологиясы және рнр скриптін оқытудың негіздері

Пән: Информатика, Программалау, Мәліметтер қоры
Жұмыс түрі: Дипломдық жұмыс
Тегін: Антиплагиат
Көлемі: 57 бет
Таңдаулыға:

Мазмұны

Кіріспе . . . 3

1-тарау. Электрондық басылымдарды жасау технологиясы

және РНР скриптін оқытудың негіздері……… . . . … . . . 4

1. 1 Электрондық басылымдарды жасау технологиясы және оларға

қойылатын талаптар . . . 4

1. 2 РНР скриптін оқытудың негіздері . . . 12

1. 2. 1 Серверді баптау және РНР тілін орнату әдісі . . . 12

1. 2. 2 РНР тілінің ортасы және қолдану мүмкіндіктері . . . 17

1. 2. 3 РНР тілінің тармақталу және қайталану операторлары… . . . 20

2-тарау. HTML тіліндегі РНР скриптін оқытудың электрондық

лабораториялық практикумын жасау және пайдаланудың әдістемесі

2. 1 РНР скриптінен лабораториялық жұмыстар . . . 40

2. 2 Электронды лабораториялық практикумды жасау және пайдалану

әдістемесі . . . 64

Қорытынды. 66

Қолданылған әдебиеттер . . . 67

Кіріспе

Әлемде адамзат баласы әрқашанда өзі сияқтылармен араласу тәсілдерін іздестіреді. Соңғы кездерде интернет желісінің күрт дамып кетуі қашықтық ұғымын жоққа шығарып, жер бетінің кез-келген нүктесін бір-бірімен бейнелі түрде байланыстыруда. Қазіргі уақытта аса ауқымды желі жиі қолданыс табуда. Білім беру жүйесіндегі жоғарғы оқу орындары мен арнайы орта білім беру орындары интернет желісіне қосылған. Интернет желісіне қосыла отырып білім беру ошақтары үлкен ақпарат көздеріне қол жеткізуде. WWW, яғни дүние жүзілік өрмек ақпарат іздеп бүкіл дүние жүзіне электрондық саяхат жасайтын гипермәтіндік жүйе болып табылады. Қазіргі кездегі әртүрлі ақпарат алуға болатын ең кең тараған жүйе ретінде WWW есептелінеді. Internet-тің қалған бөліктеріне қарағанда WWW жүйесін пайдалану жеңіл, әрі ыңғайлы. Қазіргі таңда біз қазақ тілінде өзіміздің ақпарат көздерін жетілдіруге мақсат қойдық. Осы кездерде қазақша сайтар және ақпараттық жүйелер, порталдар және жоғарғы оқу орындарында интернетте программалау пәні пайда болды. Бұл пәнің мақсатты білім алушыларды Web беттерін құруға және автоматандыруға, жалпы интернеттегі өнімдер туралы ақпарат беру болып табылды. Біздің түлектік жұмыста осы пәннің электрондық оқыту құралын жасау болып табылады. Түлектік жұмыста жалпы HTML тегтер көмегімен қарапайым WEB бетін құру және РНР тілі көмегімен автоматандыру әдістері қарастырылды.

Түлектік жұмыс екі тараудан тұрады.

Бірінші тарауда электрондық басылымдарды жасау стандарттары, серверді баптау және таңдау, РНР тілін орнату әдісі қарастырылады.

Екінші тарауда РНР тілінің зертханалық жұмыстары, орындалу тәртібі, мысалдар қарастырылған.

Дипломдық жұмыстың мақсаты РНР тілінің әдістемелік құралын жасау.

Дипломдық жұмыстың міндеті Осы мақсаттқа жету үшін алдымызға келесідей

есептер қойылды:

әдістемелік құралды кімдер қолданады;
әдістемелік құралдын мазмұнын анықтау;
теориялық материалдар жинақтау;
зертқаналық жұмыстар дайындау;
әдістемелік құралды жасау.

Осы есептерді шеше отыра біз интернетте программалау пәнінің электрондық әдістемелік құралын жасаймыз.

Электрондық басылымдарды жасау технологиясы және РНР скриптін оқытудың негіздері.

1. 1 Электрондық басылымдарды жасау технологиясы және оларға қойылатын талаптар.

Электрондық оқулықтарды құру құралдарын жіктеу

Электрондық оқулықтарды құру құралдарын, мысалы, тағайындау және орындау функциясы, техникалық қамтамасыз етуге талаптар, қолданылу ерекшеліктері сияқты көрсеткіштерді қамтитын құрама белгілерін қолдана отырып, топтарға бөлуге болады. Көрсетілген белгілерге сәйкес келесі жіктеу мүмкін болады:

дәстүрлі алгоритмдік тілдер;
жалпы міндеттің аспапты құралдары;
мультимедиа құралдары;
гипермәтіндік және гипермедиа құралдары;

Төменде әрбір белгіленген топқа қысқа шолу мен ерекшеліктер көрсетіледі. Мұнан былай техникалық база ретінде біздің елімізде кең тараған және университет қарамағында бар IBM сәйкестігіндегі компьютерлер айтылады.

Дәстүрді алгоритмдік тілдер

Тікелей бағдарламалау құралдарымен құрылған электрондық оқулықтардың өзіндік ерекшеліктері:

орындау стильдерінің әр түрлілігі ( түстер палитрасы, интерфейс, ЭО құрылымы, материал беру тәсілі және т. б. ) ;
сүйемелдеу мен модификация қиындығы;
көп еңбек және уақыт жұмсау;
аппараттық шектеулердің болмауы, яғни қолда бар техникалық базаға бағытталған ЭО құру мүмкіндігі.

Жалпы міндеттің аспапты құралдары

Жалпы міндеттің аспапты құралдары (ЖМАҚ) маманданған бағдарламашы емес пайдаланушыларға арналған ЭО құралы. ЭО жобалау кезінде қолданылатын ЖМАҚ, қағида бойынша, келесі мүмкіндіктерді қамтамасыз етеді:

ЭО құрылымының реттелуі (формирование)
енгізу, мәтінді редактрлеу және форматтау (мәтіндік редактор) ;
статикалық иллюстративтік бөлім дайындығы (графикалық редактор) ;
динамикалық иллюстративтік бөлім дайындығы (дыбысты және анимациялы фрагменттер) ;
басқа өңдеу құралдардың қолданылуымен жүзеге асып орындалатын модульдердің қосылуы т. б.

Жалпы міндеттің аспапты құралдарының артықшылықтарына мыналар жатады:

маманданған бағдарламашы емес адамдардың да ЭО құру мүмкіндігі;
ЭО жасау мерзімі мен көп еңбек қажеттілігінің елеулі қысқаруы;
бағдарламалық қамтамсыз ету мен компьютерлерге қойылатын талаптың төмендігі.

Сонымен қатар ЖМАҚ-та бірнеше кемшіліктер де бар:

достастық емес интерфейс алыста;
мультимедиа және гипермедиа жүйелерімен салыстырғанда мүмкіндіктердің аздығы;
қашықтықтан оқыту бағдарламасын құру мүмкіндігінің болмауы.

Ресейде көптеген отандық ЖМАҚ бар: Адонис, АосМикро, Сценарий, ТесСис, Интегратор және басқалар.

Мультимедия құралдары

Жаңа ақпараттық технология пайда болғанға дейін эксперттер көптеген эксперименттер жасай отырып, материалды меңгеру әдісі мен қабылданған білімді біраз уақыт өткеннен кейін еске түсіру қабілеті арасындағы тәуелділікті айқындады. Егер материал дыбыспен болса, онда адам оның көлемінің шамамен ¼ есіне сақтайды. Егер ақпарат визуальды түрде берілген болса - шамамен 1/3. Әсерлерді құрамдастыру (көру мен есту) кезінде есте сақтау жартысына дейін көтерілген, ал егер адам үйрену процесіне белсенді қимылда болса, онда материалды меңгеру 75% дейін көтерілген.

Сонымен, мультимедия интерактивті өнімде - мәтін, қозғалмайтын бейнелер (суреттер мен фотосуреттер), қозғалатын бейнелер (мультипликация және бейне) және дыбыс (сандық және MIDI) сияқты ақпараттың бірнеше берілу тәсілдерінің жиынтығын білдіреді.

Аудиоақпарат өзіне сөз, музыка, дыбыстық эффектілерді қосады. Мұнда ең маңызды сұрақ ақпарат тасымалдаушының көлемі болып табылады. Аудиоақпаратты бейнеақпаратпен салыстырғанда, бейнеақпаратта қолданылатын элементтер саны елеулі көп болады. Бәрінен бұрын, мұнда статикалық бейнетізбенің элементтері кіреді, оларды графика (салынған бейнелер) және фото деп екі топқа бөлуге болады. Бірінші топқа әр түрлі суреттер, интерьерлер, графикалық режимдегі символдар жатады. Екіншісіне - фотосуреттер және сканерленген бейнелер.

Динамикалық бейнетізбе әрқашан статикалық элементтердің (кадрлар) ретінен тұрады. Мұнда үш типті элемент ерекшеленеді: кәдімгі бейне (секундына шамамен 24 фото), квазибейне (секундына 6-12 фото), анимация. Бейнетізбені мультиорта құрамында қолдану аудионы қолданғанға қарағанда көптеген маңызды мәселелерді шешеді. Олардың ішіндегі маңыздысы мыналар болып табылады: экранның рұқсат етілген қабілеттілігі, түстер саны, сонымен қатар ақпарат көлемі.

Мультимедия өнімінің басқа ақпараттық ресурстардан өзіне тән айырмашылығы едеуір үлкен ақпараттық көлем болып табылады, сондықтан қазіргі уақытта бұл өнімдердің негізгі тасымалдаушылары стандартты сыйымдылығы 640 Мбайт CD-ROM оптикалық дискісі болып табылады. Кәсіби қолданулар үшін басқа да құралдар қатары бар (CD-Worm, CD-Rewritaeble, DVD және т. б. ), бірақ олардың құны өте қымбат.

Электрондық оқулықтың екі түрі бар: жабық электрондық оқулық және Интернет оқулық. Біріншісі, тәуелсіз және тұрақты болып табылатын пәндік облыста дәстүрлі оқулыққа айналған. Ол жеке дербес компьютерде немесе локальді желіде қолданылады. Автормен құрылып, версиялары бар және дискеттер мен компакт дискілерде таратылады. Интернет оқулық - ол ашық оқулық. Ол сытрқы ақпарат көздеріне сілтейді және глобальді желінің серверлерінің бірінде орындалады.

Электрондық оқу басылымына қойылатын жалпы талаптар.

1. ЭОБ-ның объектісі ғылыми негізделген фактілер, тұжырымдар мен

ережелердің сонымен қатар берілген оқу курсында оқытылатын объекттердің құбылыстар мен үрдістердің қатынастары мен қасиеттерінің жиынтығы болып табылатын сандық, мәтіндік, графикалық аудио, видео және басқа оқыту ақпараты болу керек.

2. ЭОБ оқу мақсаттарына тікелей сәйкес келмейтін, яғни оқу курсының мазмұнына жатпайтын және пайдаланушының назарын өзіне аудартатын және оқу мақсаттарына қызмет етпейтін ақпаратты қамтымау керек.

3. ЭОБ әртүрлі мамандықтар үшін олардың типтік оқу жоспарлары мен бағдарламаларына сәйкес қолдануға мүмкіндік беру керек.

4. ЭОБ-да интерфейс көрнекті, түсінікті, бірмәнді және қолданушы қате іс-әрекеттер жібермеу үшін ЭОБ-ның түгел және оның бөлек бөліктерінің функцияларының логикасын түсінуге көмектесетін түрінде келтірулі керек.

5. ЭОБ-да имитацмалық компьютерлік моделдер оқылатын объектілер, үрдістер мен құбылыстардың құрылымын және параметрлерін беру және өзгерту, сонымен катар, сыртқы әрекеттердің имитациясы үшін ыңғайлы құралдармен жабдықталу керек. Компьютерлік моделдермен өзара-әрекет мәселелері білім алушыны оның көмегімен шешілетін дидактикалық есептердің мазмұнынан көңілін бөлмеуі керек.

6. ЭОБ жабық та, ашық та ортада қолданылу мүмкіндіктеріне ие болу керек. ЭОБ жабық ортада жылжымалы ақпаратты тасушыларда орналасуы және жеке алынған компьютерде немесе локальды компьютерлік желіде атқарушы программалар сиякты жұмыс істеу мүмкіндігіне ие болу керек. ЭОБ ашық ортада глобалды компьютерлік желілерде орналасады және жұмыс істеу үшін программа-браузерлерді қолданады.

7. ЭОБ қосымша программалық құралдарды талап етпейтін операциялық жүйенің, соның ішінде ашық кодты операциялық жүйелердің нұсқасын ескере автоматты түрде орнатуының мүмкіндігіне ие болу керек. Орнату комплектінде мемлекеттік немесе халықаралық стандарттарына сәйкес ЭОБ-ның тәуелсіз жұмысы үшін барлык қажет шрифтер, драйверлер және программалар пакеттері болу керек.

8. ЭОБ тұрақсыздандыру әрекеттер болмағанда (электр өшуі, операциялық жүйенің істен шығуы) берілген режимде функциясын жасау керек және тұрақсыздандыру әрекеттермен шақырылатын ауытқулар болғаннан кейін ЭОБ-ның жұмысын жалғастыруды камтамасыз ететін қабілеті болу керек. ЭОБ қолдану процесінде ЭОБ-ға қажет өзгерістер мен кемшіліктерді енгізуді оңайлату және сынақтан кейін бағдарламаның алғашқы кодын өзгертпей ЭОБ-ның мазмұнын жетілдіру мүмкіндіктері болуы керек, сонымен қатар оқу материалы мен статистикалық деректерге рұқсатсыз қолжетпек болдырмауы керек.

Электрондық оқу басылымынының құрамына қойылатын талаптар

ЭОБ-нын құрамына: титул, тақырыптама, мазмұны, утилиталар, көмекші және құжаттама енгізілу керек.

Титулда ЭОБ-ның шығу мәліметтері орналасады. Шығу мәліметтеріне койылатын талапта сәйкес тарауда келтірілген.
Тақырыптамада ЭОБ-ның құрылымы мен барлық семантикалык оқу бірліктерінің аттары көрсетілуі керек.
Мазмұнда ЭОБ-ның мақсаттары және есептеріне қатысты және сол арқылы білімдердің қорытынды бақылауын өткізуге кажет барлық оқу материалы берілуі керек. Оқу материалы ғылыми терминологияны пайдаланып түсінікті, дәл, толық және қарама қайшылықсыз жазылуы керек.
Утилиттер пайдаланушыларды тіркеу, статистикалық деректерді шығару, мазмұнды қарау, оқу траекториясын анықтау және сонымен оқыту, ағымдағы, аралық, белестік және қорытынды тестілеуді жүргізу үшін арналган.
«Көмекші» элементі ЭОБ-ның жұмысын басқару бойынша ақпарат және ЭОБ-ның іске қосылу моментінен бастап іске қосылуын қамту керек.

Электрондық оқу басылымының мазмұнына қойылатын талаптар

ЭОБ-ның контенті үш деңгейлі бөліктерге бөліну керек:

1-деңгей - модулдер. 2-деңгей - блоктар. 3-деңгей - сабақтар.

Модул блоктан блокқа өскен сайын мағыналы байланыстары бар логикалы байланыскан блоктар тізбегінен тұратын электрондық оқу басылымындағы ірі синтактикалық, семантикалық және прагматикалық оқыту бірлігі.
Блок сабақтан сабаққа өскен сайын мағыналы байланыстары бар логикалы байланысқан сабақтар тізбегінен тұратын электрондық оқу басылымындағы орташа синтактикалық, семантикалық және прагматикалық оқыту бірлігі.
Сабақ минималды синтактикалық, семантикалық және прагматикалық оқыту бірлігі және ол бірнеше оқу элементтерінен тұрады. Сабақтағы міндетті оқыту элементтері болып теориялық материал, мысалдар, тапсырмалар, сұрақ-жауаптар және тестілер есептелінеді, ал міндетті емес элементтерге оқыту ақпаратын меңгеру, түсіну және еске сактауға себебін тигізетін және ақпараттық тығыздықты қаматамасыз ететін анықтамалық, графика, аудио және видео жатады.
Теориялық материал тандап алынған оқу курсы бойынша мазмұны түсінікті, нақты, толық және қарама-кайшылықсыз болатын көкейкесті ақпаратты камтуы тиіс және бұрын өткен сабақта кабылданған білімді кайталамай өздігінен оқу, тапсырманы жасау және білімді бақылау үшін жеткілікті болуы керек. Теорияда мәтіндердің астын сызу және түсін өзгерту сияқты арнаулы дидактикалық құралдарды қолдану керек.
Мысалдар теорияның жеке маңызды аспектерін жаттығуды орындау, есепті шешу, сұрактарға жауаптар тағайындау және т. б. түріндегі детальды талдауын қамтамасыз етуі керек.
Тапсырмалар оқытылатын объекттер, үрдістер менкұбылыстарының ішкі байланысын анықтауға. олардың әртүрлі сыртқы әсерлер кезіндегі функционалдық қасиеттерін зерттеуге және жаттығуларды орындау мен есептерді шешудегі практикалық машықтарын калыптастыруға бағытталу керек. Тапсырмалардың тұжырымдамасында аткарылатын іс-әрекеттердің реті мен күтілетін нәтижеге және олардын берілу формасына койылатын талаптарға түсініктемелер болуы керек.
Сұрақ-жауаптар білімді меңгеру үшін және практикалықжұмыстарды орындау машықтарын қалыптастыруға бағытталған болу керек. Сұрақтар білім алушылардың танымдык іс-әрекетін жетілдіру үшін қиындық деңгейі, сипаты және жауаптардың берілу формасы бойынша түрленуі керек.
Тесттерде сұрақтар және арасында бір дұрыс және бірнеше дұрыс емес жауаптар болу керек және дұрыс жауапты таңдау кезінде карапайым табу әдісін қолданбау үшін мағынасын түсінбей жауап беретін сұрактар болмауы керек. Дұрыс емес жауаптар өздерінің мазмұны бойынша білім алушы оқу материалын терең білгенде ғана дұрыс жауапты тандап алу үшін дұрыс жауапка жақын болуы керек. Тесттер білім алушылардың іс-әрекеттері мен жауаптарындағы әдеттегі қателіктер туралы ескертулер және сол қателіктерді жібермеу мен түзету туралы түсініктемелер қамтуы мүмкін.
Анықтамалық оқу материалына қатысты және жаттығулардыорындау, есептерді шешу мен тәжірибе өткізуге, курстық дипломдық жүйе т. б. жұмыстарды дайындау бойынша мәтіндік, кестелік, графикалық және басқа оқу-әдістемелік мәліметтер камту керек.
Графика, аудио және видео оқу курсында оқытылатын объекттер, үрдістер мен құбылыстардың ең маңызды жақтарын және жағдайларын ашу және көрсету үшін қажетті қосымша дидактикалық материалдарды келтіруге арналған.
Тезарус ЭОБ-ң пән аймағына байланысты терминдер және қысқартулар сөздігін қамту керек.

Электрондық оқу басылымының оқыту элементтеріне қойылатын талаптар

Оқыту элементтеріне: «Теория», «Мысалдар», «Тапсырмалар, «Сұрақтар», «Тестілер», «Тезарус», «Анықтамалық», «Графика», «Аудио» және «Видео» жатады.

1. Оқыту элементі «Теория» оқылатын сабақтың теориялық

материалдарының гипермәтінді сипаттауына қолжетпек жасауына мүмкіндік беру керек.

Оқыту элементі «Мысалдар» мысалдардың сипаттамасы мен олардың түсініктеріне қолжетпек жасауына мүмкіндік беру керек.
Оқыту элементі «Тапсырмалар» ағымды сабақ бойынша жаттығуларға және есептерге, сонымен қатар оларды орындау мен шығаруға байланысты көмекке қолжетпек жасауына мүмкіндік беру керек.
Оқыту элементі «Сұрақтар» ағымды сабақ бойынша тест жүргізуге дейін жауаптары интерактивті берілетін және тексерілетін сұрақтарға қолжетпек жасауына мүмкіндік беру керек.
Оқыту элементі «Тестілер» оқытудың ағымды бірлігі бойынша білім бақылауды өздігінен жүзеге асыру үшін арналған тестілеу құралына қолжетпек жасауына мүмкіндік беру керек. сабақ деңгейінде - ағымдағы білім бақылау; блоктар деңгейінде - аралық білім бақылау; модульдер деңгейінде- белестік білім бақылау; ЭОБ-ы деңгейінде -қорытынды білім бақылау.
Оқыту элементі «Тезарус» ЭОБ-да кездесетін және олардың анықтамаларына гипермәтіндік сілтемелері терминдер және қысқартулар сөздігіне қолжетпек жасауына мүмкіндік беру керек.
Оқыту элементі «Анықтамалық» ағымды сабақ бойынша анықтамалыққа қолжетпек жасауына мүмкіндік беру керек.
Оқыту элементі «Графика», «Аудио» және «Видео» қосымша дидактикалық материалдарға қолжетпек жасауына мүмкіндік беру керек.
Оқыту элементі «Графика» схемаларға, сызуларға, суреттерге, фотосуреттерге және бейнелерге, соның ішінде анимацияларға қолжетпек жасауына мүмкіндік беру керек.
Оқыту элементі «Аудио» оқылатын сабаққа қатысты негізгі ұғымдарды, фактілерді, тұжырымдарды және ережелерді дыбыстауға қолжетпек жасауына мүмкіндік беру керек.
Оқыту элементі «Видео» оқылатын сабаққа қатысты объектілердің, үрдістер фрагменттерінің және құбылыстардың қасиеттері мен қатынастарын және сабақты оқып үйрену үшін қажет атақты ғалымдардың, саясаткерлердің және басқа тұлғалардың сұхбатын көрсететін фильмдерге қолжетпек жасауына мүмкіндік беру керек.

Электрондық оқулыққа қойылатын талаптар:

1. Жан-жақтылығы.

2. Iзгiлiктiлiк. Онда кез келген орындаушы өзiне қажеттi бiлiмдi ала алады.

3. Бейiмдiлiгi. Ұсынылып отырған оқу материалы барлық орындаушылар

үшiн бiрмәндi болуы керек. Бiрақ оқу материалы әр түрлi формада

берiлуi мүмкiн.

4. Модульдiк. Кез келген электрондық оқулықты дәстүрлi оқулықтар

негiзiнде құрылымын жасақтау.

5. Экономикалық тиiмдiлiгi. Аталған оқулыққа сұраныс көп болуы қажет

және сәйкес түсетiн пайданы да қарастыру қажет.

6. Тұтынушыға бағдарлау.

Электронды оқулықтарды дайындауда мынадай дидактикалық шарттарды ескерген жөн:

Белгілі бір пәнге байланысты дайындалған оқулықтың сол пәннің типтік бағдарламасына сәйкес болуы;
Электрондық оқулықтар курста оқытылатын тараулар мен тақырыптарға қатысты дәріс конспектісін қамтитын негізгі, зертханалық және тәжірибелік тапсырмаларды орындауға арналған қосымша, материалдарға анықтама, библиографиялық көмекші, аралық және қорытынды бақылау сұрақтарынан тұратын тест, материалдарды дайындауда пайдаланылған әдебиеттер тізімдері бөлімдерін қамтуы;
Электронды оқулықтың кәдімгі оқулықтардың мазмұндарын қайталамауы, яғни берілетін тақырыпқа қатысты ақпараттың нақты әрі қысқа берілуін ескеру керек;
Белгілі бір тақырыпқа қатысты материал 2-3 экрандық беттен артық болмауы тиіс;
Бiр қатардағы мәтін 62-65 таңбадан аспауы тиіс;
Оқулықты шектен тыс иллюстрациялық, анимациялық тұрғыдан көркемдеу пайдаланушыға кері әсерін тигізуі мүмкін.

Беттің компановкасына қойылатын талаптар

HTML мен CSS тілдерінде бейнелеу құралдары жиынтығының әжептәуір шектелгеніне қарамастан, автор мен редакторда ЭО безендіруді бүлдіруге аз емес мүмкіндіктері бар. Дизайнның негізгі қағидаларының бірі былай айтылады: «Неғұрлым қарапайым болса, соғұрлым жақсы»:

● Әрбір бөлімге - бір беттен артық емес

● Беттегі визуалды элементтер санын минимумға дейін қысқартыңдар

және оқырманның назары оның ең маңызды бөліміне

бағытталатындай жасаңдар

● Тақырыптарды тек тікелей міндеті бойынша пайдаланыңыз

● Ұқсас ақпараттарды бірге орналастырған тиіс

● Безендіру басылымның барлық беттері үшін бірдей болуы керек.

Бейнелеуге қойылатын талаптар

● Электрондық басылымың ішіне артық бейнелер салмаңдар.

● Бейнелерді түсіндіретін мәтінмен толықтырыңыз.

● Графикалық файлдардың көлемін шектеңіз.

● Қолданушылар әр түрлі рұқсат етілген манитормен жұмыс істейтінін

ескеру керек.

● Барлық оқырмандарда графиканы бейнелеу сол түстік рұқсат етілім

арқылы іске асатынына көз жеткізілмеген.

1. 2 РНР скриптін оқытудың негіздері.

1. 2. 1 Серверді баптау және РНР тілін орнату әдісі.

Интернетте Web бетін құру үшін клиент-сервер жүйесін білу қажет. Желі арқылы жалғанып тұрған компьютерлердің әрқайсысында өзіне тиесілі адресі болады. Осындай желінің ішінде бір-біріне жалғанып тұрған екі компьютерді қарастырайық. Сол компьютердің біреуінде отырып, екіншісінде тұрған ақпаратты алу керек болсын. Ол үшін ақпарат тұрған компьютерге ақпарат тарататын арнайы бағдарлама орнату керек. Бұндай арнайы бағдарламаны сервер қосымшасы деп атаймыз. Сервер қосымшасы жұртқа көрсетуге арналған ақпарат қайда тұрғанын және оны қалай алу керегін анықтайды. Ал келесі компьютерде отырып серверде тұрған ақпаратты қарау үшін ол жерде де арнайы бағдарлама тұруы керек. Ондай бағдарламаны клиент броузері деп атаймыз. Сонда, сервер қосымшасы тұрған компьютер сервер, яғни қызмет көрсетуші немесе ақпарат таратушы болады. Ал броузер тұрған компьютер клиент, яғни тұтынушы немесе ақпарат іздеуші болады. Сонымен, броузер арқылы ақпарат тұрған компьютерге сұраныс салған азамат, ондағы сервер қосымшасы дайындалып қойған ақпаратты клиентке көрсете бастайды. Желіде сервер арқылы ақпарат таратуды қысқаша осылай түсінуге болады.

... жалғасы

Сіз бұл жұмысты біздің қосымшамыз арқылы толығымен тегін көре аласыз.