Сарып – катерлі ауру

2009 жылдың төрт айында мал дәрігерлерінің ауыл шаруашылық малдарына жүргізген сараптамалары бойынша Ұлан ауданында ірі қара малдан 310 бас, қой-ешкіден 187 бас мал сарып (бруцеллез) ауруына шалдыққандығы анықталған. Малдардан сарып ауруының шығуы әлі жалғасуда. Осы уақытта ауру 11 адамға жұқты, оның екеуі 16 жасқа толмаған жасөспірімдер. Сондықтан осы ауруды адамдарға жұқтырмас үшін қолданылатын қарапайым ережелерді халық назарына ұсынамыз.
Сарып – еңбекке қабілеттілікті ұзақ мерзімге жоғалтуға әкеп соғатын жұқпалы ауру, оны тудырғыш - ұсақ бруцелла бактериялары. Сарыппен барлық ауыл шаруашылық малдары, көбінесе қойлар, ешкілер, ірі қара мал және шошқалар ауырады. Адамдар сарыпты қойлар мен ешкілерден жұқтырған кезде аурудың ауыр түрде өтуі байқалады.
Аурудың жұғу жолдары:
Ауру малдар әсіресе айналасын-дағылар үшін іш тастағанда, қоздағанда, бұзаулағанда және торайлағанда қауіпті, өйткені төлмен, оның қабығымен, шуымен, сондай-ақ сүтімен, зәрімен және қиымен көп мөлшерде сарыптың жұғуын тудыратын микробтар бөлініп шығады. Осы микробтар топырақ, су, жем, сүт және басқа да сүт өнімдерін ластайды, әрі ұзақ уақытқа дейін сақталады.
Ауру малды күткен адамдар ластанған қолдарын жумай тамақтанғанда, темекі шеккенде, сонымен қатар тамаққа сарыппен ауырған малдардың, әсіресе қой мен ешкінің шикі сүтін және брынзаны қолданғанда жұғады. Қоздырғыш ас қорыту жолдары, тері және сілекейлі қабықтағы жарақаттар, сызаттар және басқа да зақымданған жерлер арқылы ағзаға түседі.
Аурудың жасырын кезеңі 14 күнге созылады.