Қазақстандағы діни секталар, олардың мақсаты

Жоспар:

1. Қазақстандағы діни секталар, олардың мақсаты

2. Діни секталардың адам санасына келтіретін әсері, олардың қауіптілігі

3. Діни секталарға түсіп қалмас үшін жасалатын іс.шаралар

Қазақстандағы діни секталар мәселесі
Қазақстан Республикасында шешілмеген әлеуметтік мәселелер көп және олар күрделену, шиеленісу үстінде. Оларға мысал ретінде, суицид мәселесін, жұмыссыздық мәселесін, жас аналар мәселесін, тұрғын-үй мәселесін, отбасы бұзу мәселесін жатқызуға болады. Осындай мәселелердің бірі – Қазақстандағы діни секталар. Секта, былайша айтқанда, бұл - белгілі бір діни ағымнан бөлініп кеткен, және оған қарама-қайшы бағыт алған оқу. Сектаға негізінен өзіндік мақсат тұтқан шағын топтың адамдары басшылық етеді. Бұндай діни «ұйымдар» күннен-күнге көбейіп, халықтың санасын жаулап алып, ешқандай жақсы істерге апармайды. Қазіргі таңда ресми мәліметтерге сүйенсек, 2008 жылғы қазанның 1-і күнгі мәліметі, елімізде 4173 діни бірлестік бар екен. Оның 2441-ін – мұсылмандар, 293-ін – православие, 86-сын – католиктер, 1272-сін – протестанттар, 4-ін – будда, 28-ін – иуда, 49-ын – дәстүрлі емес діндер мен 47-сін қайырымдылық қорлары және соңғы кездері белгілі бола бастаған пресветериандық конфессияларға жататын «Жаңа апостол», «Благая весть», «Жаңа аспан», «Агапе» сияқты діни секталардан тарайтын қауымдар бар. Олардың бәрі әділет органдарында тіркелгенімен, дәстүрлі дін мен қоғамдық ұйым өкілдері және құқық қорғаушылар, көбіне мұндай ұйымдардың қоғамға жат екенін айтып, қанша ескертсе де, секталардың құратын торларына түсіп жатқан азаматтар азаяр емес. Ең қауіптісі, соңғы уақытта, түрлі секталар мен жалған діни бірлестіктер, арам ниетін жасыру мақсатында, өздерін қоғамдық ұйым не болмаса жауапкершілігі шектеулі серіктестік ретінде таныстыруда. Мысалы, газетте басылған хабарлама арқылы, жұмыс іздеп барсаңыз, сектаның кеңсесіне тап болуыңыз ғажап емес. Заң орындары, мұндай тәсілдің, әсіресе қаржы дағдарысы кезінде жиі қолданыла бастағанын ескертеді.
Президент Нұрсұлтан Назарбаев ел аумағындағы миссионерлердің іс-әрекетіне тосқауыл қою керектігін ескерсе де, керісінше еліміздегі діннің қатары күннен-күнге толыға түсуде. Тіптен, тіркелмегендері қаншама. Ал, ол көп діни секталардың еліміздегі толеранттылықтың тірегі болмақ түгілі Конституцияға кереғар әрекеттері, адам құқықтарын аяққа таптап, ел ішінде әжептеуір дау-дамай тудырып, қазақты жік-жікке бөліп, айрандай ұйысып отырған отбасының ойранын шығарып жүргендіктері осы күнде БАҚ-да көп жазылып, көп айтылып келеді.

Пайдаланылған әдебиеттер:

1. Республикалық қоғамдық-саяси күнделікті газет, сайты www.alashainasy.kz;
2. «Нұр Астана» орталық мешітінің ресми сайты www.dinislam.kz;
3. "ТВК-6" телеарнасы, Семей қаласы, 4 мамыр 2006 жыл;
4. «Егемен Қазақстан» газеті 9 ақпан 2011 жыл;
5. «Егемен Қазақстан» газеті 25 қаңтар 2011 жыл;
6. Ұлттық қоғамдық-саяси, экономикалық апталық «Ел», сайты www.elmedia.kz;
7. Азаматтық радиосы, сайты www.azattyq.org;
8. Бұқаралық ақпарат құрылдары, сайты www.baq.